مرحبا بالشباب و خصوصا المنوائين لمنجزات الحركة التصحيحة " المجيدة "

لا تسألوني ليش مجيدة ؟ هنن سموها هيك ....

أول شي بعرفكم عن حالي : على أساس إنو إسمي عبسي , مواطن سوري من دمشق
الحبيبة ( طبعا على أساس مواطن ) لأنو عنا مافي مواطن متل ما بتعرفوا .. في كديش
إذا صح التعبير .... على كل ..... و على سيرة الفساد يلي هو أحد أهم المنجزات

على راسي كل من يقول إنو حافظ و بشار و حباشاتهم دمروا سوريا و أنه لم يبق إلا الحمير
تتحكم فينا على آخر الزمن و تجاوزات حقوق الإنسان حمطت الأرقام القياسية و كل هذا الكلام و ما يتبعه إلى ما لا نهاية , و لكن لماذا نلقي باللوم على الحمير و الشعب صاير مبسوط بالفساد؟؟؟
يعني أحلى مخالفة حقها 500 ورقة ... ؟! إطلب و تمنى .....! و البعض يقول من أبناء شعبي
الكليشة المعتادة " سييييييييديييييي فخار يكسر بعضووووو " شو يعني فخار يكسر بعضو ؟؟
يا جماعة ... الشعب تعود على الفساد , هذا الشعب أصبح فاسدا , يمارس الفساد و يقول ألله يلعن الظالم , و عندما نحاول فعل شيء .... على سبيل المثال عندما طالبنا أبناء شعبنا الباسل و الشهم أن يقاطعوا رامي مخلوف و يقفلوا الموبايلات و يقفوا صفا واحدا ضد المخلفوين في ساحة النجمة ..... صاروا يضحكوا علينا
و مين بروح فيها ؟؟ طلاب جامعة غلطوا و صدقوا إنو شعبنا شعب شهم و مغوار

طيب إذا إنت ماشية أمورك بالرشوة و إبنك حابب الموبيال نوكيا موديل FHGT234847400000
شو بتتوقع يصير ؟؟؟؟؟؟؟؟؟؟؟
روح حبيبي .... أحسن شي الفرجة على مرايا

طيب إذا الحمار حمار ( سلمنا و آمنا ) ليش الكديش حابب يضل كديش ؟؟؟

أول شي اهلا وسهلا عبسي :D
تاني شي بئا :
انا معك بالفكرة انو شعبنا تعود على الفوضى و الفساد بس مافينك تحط الحق على الشعب ( قصدي مو كل الحق ) يعني هاد شوفير التكسي الملتعن ربو من الفقر بيقلك معليش بدفع 25 للشرطي احسن ماادفع 500 للدولة و يخصمها صاحب السيارة من اجرتي ;-)
و قيس على هاد المثال كل شي باقي
تحياتي الك :D

قبضاي

شكرا على مرورك ... لقد قرأت بعض من تعليقاتك في المنتدى و مبين إنك عايف حالك
من هالحكي

سلام

انو عايف حالي و عايف الله مااختلفنا بس مو من الحكي من الوضع بشكل عام :pos:
بس فينك تناقشني مافي اشطر مني بالحكي ( يعني علاك كبير :p )
سلام ,,,

شكرا على رأيك الكريم أخي chefadi

بس بدي إلك إنو ... يا أخي شوفير التكسي ألله يعينو متجوز و عندو 9 ولاد و مرتو حامل بالعاشر

بس أنا عم عم إحكي عن الشباب و طلاب الجامعات ..

معقول 2000 طالب في جامعة حلب يتصورون أمام أورغ طلال الداعور .... هؤلاء الفروض
إنهم يكونوا بمثلوا الطبقة الفهمانة و المثقفة

و ببلش القتل و الضرب .... لأنو فلان حط عينو على فلانة ....

صحيح إنو إجتمع ألاف الطلاب في الشام للإستماع إلى محمود درويش بالمقابل

و لكن هذا لا يحل و لا يربط

تماما متل ماعم تحكي يعني في هيك و في هيك
انا ماني عم قول انو طلاب الجامعات عنا هنن الطبقة اللي ممكن يعتمد عليا ,,,, اكيد مارح نختلف انو نحنا شعب بلا ثقافة و الاهم من هيك ماعنا هم و اهتمام ثقافي و فكري ,,,
بس هاد الشعب الجوعان بكل شرائحو من العامل البسيط للمثقف الكبير ماعاد عندو هم سياسي او وطني لأنو جوعان ,,, يعني صار همو رغيف الخبز ...
تحياتي و شكرا لنقاشك الراقي :D

عبسي .. موضوع في الصميم ..

شكرا ً خيو :king:

مظبوط ....أخي chefadi

و هادا يلي دابحنا .... ,

قال الثائر المكسيكي cappata

I prefer to die on my feet than to live on my knees

أفضل أن أموت واقفا على أن أعيش راكعا

شكرا على الرد الأكثر من راقي;-)

لك عراسي أبو العبس، بتعرف رأيي فيك و ما بدك مين يقللك، كل شي حكيتو صح يا "رفيق"، و كمان أنا شايف إنو النظام تبعنا و الأنظمة العربية بشكل عام، غسلت أدمغة الشعب، و سلبتن إنسانيتن و حريتن، و بالذات المثقفين و طلاب الجامعات، هدول كانوا الهدف الرئيسي، فبلشت بالتمزيق و النهش، يعني بجامعاتنا( دمشق و البعث و تشرين) ابن المسؤول أو المدعوم، الأسئلة بجبلو ياها المرافق تبعو من عند الدكتور، و إذا اقتضى الأمر بجبلو الدكتور كمان، و مو بس هيك، حتى مناهجنا و طرق تدريسها بتعرف السفينة و معربة بشكل مقرف، ولك حتى الأميين و الغير مثقفين ما سلمو، زرعوا الشيوخ و القساس و رجال الدين المتخلفين بيناتنا، و شوهوا الأديان و لبسوها أبشع قناع، ابتداءا من قتل براءة الأطفال و انتهاءا بأسماء أبواب جهنم، ابتداءا بألوهية المسيح و انتهاءا بالعذاب اللاإنساني، ابتداءا من أرض الميعاد و انتهاءا بحكم بني صهيون، أولياء الله و خلفاؤه. و فوق كل هاد زرعت الفرقة و العنصرية بيناتنا.
يعني باختصار دمرونا، و صار الفرق بينا و بين الغرب فرق بسيط كتير، يا حزركن شو هوي؟؟؟؟
الغرب يأكل ليعيش، بينما نحنا نعيش لنأكل.

عبسي هادا رأيك الشخصي وانا بحترم كل الاراء بمختلفها بمن فيها يللي ضد الحركة والنظام
بس ياشباب ليش ما عم تشوفوا غير نص الكاس الفاضي
يا أخي عطيني دولة ما فيها فساد ورشاوي
ونحن بتصور اكتر دولة محاربة لهالشي
وانا بعتز بقيادة القائد
وبعتز بوجود الحزب

وبفتخر اني سوري احد اسود سوريا
وشكرا على المقال بالرغم انو ما بتفق معك فيه
لانو مناوء ومؤيد فيه اختلاف

وتحياتي للكل

إينو نص مليان و إينو فاضي، لك أصلا الكاسة كلها أنا ماني شايفا، الكاسة بإيد أسياد النظام و المخابرات، و صحي كل الدول فيها فساد و رشاوي بس مو أشكرة متل عنا، مو على عينك يا تاجر، عطيني دولة الشرطي فيها بيرتشا، عطيني دولة الموظف الحكومي فيها بيشتغل أكتر من شغلة فوق وظيفتو، عطيني دولة هوياتها بتضل 4 سنين لتطلع، عطيني دولة مدارسها عبارة عن جبهة حربية، يا سيدي مو بس المدارس، البلد كلها جبهة حربية، مشان الله ارحموا هالشعب شوي.

لك على راسي حارتك بس الحركه التخريبه عفواً التصحيحيه ومنجزاتها العملاقه لاتقدر بثمن

هل تصدق ان عشرة قروش سوريه. عام 1970 كانت تساوي ريال سعودي

و 90 قرش عام 1970 يساوي دولار امريكي

صدق او لاتصدق واسائل من كان بها خبيراً

احلى شي قانون الاستثمار رقم 10 شوفوا هل منجزات لمين ومين استفاد منها

بس خيو ليش بس طلاب الجامعات ماهنن كل واحد منشنكل صاحبتوا وماشي بلا وطن وبلا كديش

كاسك ياوطن :cry:

كاسك يا وطن