ولد وأبوه [الأرشيـــــف] - صفحة 2

Abu Guzef

23/09/2006, 03:37

ماني عرفان شو بدي رد

امرأة من ورق

23/09/2006, 03:49

عنجد هي عادات قديمة وسخيفة يعني أكيد الإنسان مابيصرلو قيمة إذا كان أبو فلان..
والدليل على هالشي بحياتي ماشفت لا رئيس ولاوزير ولامحامي ولا أي حدا
إلو مكانتو بالمجتمع بيقولولو أبو فلان بدال مايقولو اسمو.. بالعكس
بس مابعرف ليش العادات القديمة حتى لو كانت غلط في كتير ناس بتدافع عنها:pos:
:( :(

فعلا انا معك انو الانسان بتكون قيمتو بحالو ومو بمجرد تسمى ابو فلان او ابو علتان:D

الحاج متولي

23/09/2006, 03:49

وليش عم تقول تسلط الزوجة على الزوج :x :x
هادا الولد ابنها متل مو ابنو.. وهي حملتو ببطنها 9 شهور وطلعت روحها لحتى شافتو بين ايديها
و بعدين إذا بدها تسميه شي اسم بتحبو غير اسم والد زوجها بتكون متسلطة:jakoush:

عنجد عصبتني:aah: :aah: الله لايبليني بواحد متلك.. لاتزعل بس كلامك غلط
وهي مني مشان ماتزعل:D
ولو أناإسمي الحاج متولي علشان قلبي كبير وصدر رحب ومابزعل من الصح وهدا على كل الأحوال رأيك وأنا بحترمو
وكوني ذكرت إني تسلط فأنا قلت في بعض الأحيان وليس دائماً وهذا للأسف موجود عندنا في المجتمع وحتى صارت هل شغلة معي مع زوجتي التالتة:p بس أنا مارديت عليها وسميت الولد بكري على إسم أبوها جكارة فيها لكن .........رجال

امرأة من ورق

23/09/2006, 03:56

ذاتي هادا إلي إنتو بدكن إياه
بس عنجد عم تحكي إنتي وإياها إنو بدون زواج أحسن................!!!!!؟؟؟؟؟
والله الوحدة منكن بس تسمع بسيرة العريس:yahoo: بتلاقي خدودا حمرو:sosweet: وبينت الضحكة:lol: وصارت يا أرض إشتدي ماحدا قدي :adal:
وإذا كان العريس لسه:( ما طرق الباب والنصيب لسه:( ما شرف بتقول الوحدة يلا لسه بكير:p على شو مستعجلين بلالنا هل الهم:cry:
آه منكن يا جنس النسا
على كلن آسف يا إمرأة من حرير لخروجي عن الموضوع وبرجعلك من أجل ردك على تعليقي الأخير
إنو معك حق في كل إلي قلتيه بس صدقيني مابتحسي إنو الأب أو الأم بيحسوا بسعادة قد ما بيشوفو حفيدهن الجديد حمل إسمهن وإسم العيلة وإن شاء الله بيصير عندك عيلة:yahoo: وبيصير عندك أولاد لبين ما تقول بس ..... كفاية.... خلاص.......مش قادرة...... أنا كنت غلطانة لما تزوجت
بس شوبدك بالحكي أحلى شي بهل دنيا النسوان ... والنسوان .... والأولاد:nono:
الله يخليلنا إياهن يارب ومايحرمنا منن:bow: :lover:

صدقني هي كانت مجرد مزحة...... واكيد مافي شخص بالدنيا سواء بنت او شب الا بيتمنى الزواج والاستقرار لما بينوجد الشخص المناسب الو ...... وصدقني نادرات البنات اللي بيتمنو الزواج بس للزواج دايما بنتمنى الزواج بس لما بيكون الشخص مناسب :D

والاهل اكيد بيحسو بسعادة لاتوصف لما بيجي الحفيد وهي شغلة شايفتها عند اهلي بعد ماكبرو ولادون وكيف متمنايين الحفيد اكتر من اي شي بالدنيا....... بس مو منشان يحملو اسمون او اسم العيلة...... لانو هي الفكرة كانت موجودة ايام زمان على ايام القبلية والتعصب للقبيلة والاسرة..... اما هلأ بظن انو هي الافكار ماضل الها لزوم..... يعني امنية الحفيد هيي شغلة عاطفية وانو بدون يشوفو الاولاد عم يكملو الطريق الحلو اللي هني عاشوه بيوم من الايام بوجود طفل عندون بالبيت

وتحياتي:D

امرأة من ورق

23/09/2006, 03:58

ماني عرفان شو بدي رد

وانا كمان ماني عرفانة شو بدي رد على ردك
بس اهلين بكل الاحوال :D

الحاج متولي

23/09/2006, 04:00

صدقني هي كانت مجرد مزحة...... واكيد مافي شخص بالدنيا سواء بنت او شب الا بيتمنى الزواج والاستقرار لما بينوجد الشخص المناسب الو ...... وصدقني نادرات البنات اللي بيتمنو الزواج بس للزواج دايما بنتمنى الزواج بس لما بيكون الشخص مناسب :D

والاهل اكيد بيحسو بسعادة لاتوصف لما بيجي الحفيد وهي شغلة شايفتها عند اهلي بعد ماكبرو ولادون وكيف متمنايين الحفيد اكتر من اي شي بالدنيا....... بس مو منشان يحملو اسمون او اسم العيلة...... لانو هي الفكرة كانت موجودة ايام زمان على ايام القبلية والتعصب للقبيلة والاسرة..... اما هلأ بظن انو هي الافكار ماضل الها لزوم..... يعني امنية الحفيد هيي شغلة عاطفية وانو بدون يشوفو الاولاد عم يكملو الطريق الحلو اللي هني عاشوه بيوم من الايام بوجود طفل عندون بالبيت

وتحياتي:D
هاذا شي أكيد بس أنا قصدي إني الواحد أكيد بيفرح لمن بيشوف إبنو بيفتخر بوالدو وبإسم والدو وإلا أنا غلطان؟؟؟؟

امرأة من ورق

23/09/2006, 04:01

ولو أناإسمي الحاج متولي علشان قلبي كبير وصدر رحب ومابزعل من الصح وهدا على كل الأحوال رأيك وأنا بحترمو
وكوني ذكرت إني تسلط فأنا قلت في بعض الأحيان وليس دائماً وهذا للأسف موجود عندنا في المجتمع وحتى صارت هل شغلة معي مع زوجتي التالتة:p بس أنا مارديت عليها وسميت الولد بكري على إسم أبوها جكارة فيها لكن .........رجال

بس تلاتة ؟؟؟:?
مابيصير لازم تربع........ اذا بدك بعرف بنت رح تموت على ماتتزوج وبتفوت على تلات ضراير بس قال هيي مابتقبل الا ماتسمي ابنها الكبير "تبايليتبهاثغلب" :?
اذا بتقبل تسمي ابنك هيك بعرفك عليها:p

aleya

23/09/2006, 04:03

فعلا انا معك انو الانسان بتكون قيمتو بحالو ومو بمجرد تسمى ابو فلان او ابو علتان:D

والله انك بتفهمي وموضوعك كتير حلو :mimo:
بس عنجد أكتر شي بيزعلني وقت بشوف حدا عم يدافع عن عادات قديمة مامنها فائدة
بدون أي منطق للأسف بس لأنها عادة قديمة والتعصب بيمنعهم يتخلو عن هالعادات :adal:

الحاج متولي

23/09/2006, 04:04

بس تلاتة ؟؟؟:?
مابيصير لازم تربع........ اذا بدك بعرف بنت رح تموت على ماتتزوج وبتفوت على تلات ضراير بس قال هيي مابتقبل الا ماتسمي ابنها الكبير "تبايليتبهاثغلب" :?
اذا بتقبل تسمي ابنك هيك بعرفك عليها:p
مو مشكلة ليجي الصبي ساعتها لكل حادث حديث أنا برضيها;-)

امرأة من ورق

23/09/2006, 04:04

هاذا شي أكيد بس أنا قصدي إني الواحد أكيد بيفرح لمن بيشوف إبنو بيفتخر بوالدو وبإسم والدو وإلا أنا غلطان؟؟؟؟

لأ اكيد مو غلطان والاب بيفرح بس يحس انو ابنو فخور فيه وباسمو...... بس مجرد تسمية الولد على اسم الجد مانو دليل ابدا انو الولد فخور بابوه...... الفخر بالاب بيبان من خلال السلوك اليومي

يعني ممكن شخص يسمي على اسم ابوه بس من باب انو هيك التقاليد بس بتكون معاملتو لاهلو كتير زفت

امرأة من ورق

23/09/2006, 14:28

والله انك بتفهمي وموضوعك كتير حلو :mimo:
بس عنجد أكتر شي بيزعلني وقت بشوف حدا عم يدافع عن عادات قديمة مامنها فائدة
بدون أي منطق للأسف بس لأنها عادة قديمة والتعصب بيمنعهم يتخلو عن هالعادات :adal:

شكرا كتير على رأيك وكلامك الحلو :D

ابومزيد

23/09/2006, 14:43

بيت فستق بيوجبوا بعض:lol:

امرأة من ورق

23/09/2006, 14:47

بيت فستق بيوجبوا بعض:lol:

:jakoush: :jakoush: :jakoush: :jakoush:

ابومزيد

23/09/2006, 15:23

:jakoush: :jakoush: :jakoush: :jakoush:
يعني والله ما بعرف شوهالموضوع العظيم اللي اخد اكبر من حجمو
وصار اللي مع انو يتكنى الواحد بابنو رجعي واللي مو مع الفكرة تقدمي
وصار اذا الواحد اتكنى بابنو بيكون لغى شخصيتو والعكس كامل الشخصية

ah.abdulaziz

23/09/2006, 15:47

اي بسيطة
كل واحد هو بيفرض هالشي يعني في ناس متل ما قالوا شباب قبلي حتى قبل الزواج وحتى لو ما تزوج أبداًبيكون اسمو أبو فلان وعلى الأغلب على اسم أبوه
والشي اللي فرض هالحكي العادات والتقاليد لأنو بصراحة العالم بتعتبر انو مناداتها لفلان بأبو فلان تكريم له ورفع من قيمته.
كمان في شغلة تانية متل الشخصية اللي بتلعب دور بهالشي يعني مستحيل تلاقي أحد الشباب الطنطات عم يصيحولو رفقاتو أبو عبدو أو أبو علي ............ الخ مثلاً وعلى الأغلب بيصيحولوا اما حمودة أو عبودة ................ الخ .
بينما واحد تاني مفتول العضلات وشخصية قوية بلاقي الناس لحالها عم تناديه بأبو فلان ........

وبضراحة هي الأمور كويسة وذات معنى وطبعاً لكل قاعدة شواذ ........ز

هذا رأيي ...........

امرأة من ورق

23/09/2006, 15:51

يعني والله ما بعرف شوهالموضوع العظيم اللي اخد اكبر من حجمو
وصار اللي مع انو يتكنى الواحد بابنو رجعي واللي مو مع الفكرة تقدمي
وصار اذا الواحد اتكنى بابنو بيكون لغى شخصيتو والعكس كامل الشخصية

هلأ ماقلنا انو اللي تكنى بابنو لغى شخصيتو عالاخير بس اكيد راح شي من شخصيتو
وماقلنا العكس كامل الشخصية

وكمان مو ضروري انو اللي يتكنى بابنو يكون رجعي ولا العكس تقدمي

بقى يرضى عليك لا تاخد الامور باقصى حد الها

:D

امرأة من ورق

23/09/2006, 15:58

اي بسيطة
كل واحد هو بيفرض هالشي يعني في ناس متل ما قالوا شباب قبلي حتى قبل الزواج وحتى لو ما تزوج أبداًبيكون اسمو أبو فلان وعلى الأغلب على اسم أبوه
والشي اللي فرض هالحكي العادات والتقاليد لأنو بصراحة العالم بتعتبر انو مناداتها لفلان بأبو فلان تكريم له ورفع من قيمته.
كمان في شغلة تانية متل الشخصية اللي بتلعب دور بهالشي يعني مستحيل تلاقي أحد الشباب الطنطات عم يصيحولو رفقاتو أبو عبدو أو أبو علي ............ الخ مثلاً وعلى الأغلب بيصيحولوا اما حمودة أو عبودة ................ الخ .
بينما واحد تاني مفتول العضلات وشخصية قوية بلاقي الناس لحالها عم تناديه بأبو فلان ........

وبضراحة هي الأمور كويسة وذات معنى وطبعاً لكل قاعدة شواذ ........ز

هذا رأيي ...........

هلأ انا عن جد ماعرفت كيف انو لما بنادي لحدا بابو فلان بنكون رفعنا من قيمتو؟؟:shock:
انو هلأ عن جد معتبرين هي من مظاهر الرجولة؟؟:shock:
ورجولة الشخصية وين راحت؟؟

بكل الاحوال اهلا فيك وبرأيك :D

ابومزيد

23/09/2006, 16:09

هلأ ماقلنا انو اللي تكنى بابنو لغى شخصيتو عالاخير بس اكيد راح شي من شخصيتو
وماقلنا العكس كامل الشخصية

وكمان مو ضروري انو اللي يتكنى بابنو يكون رجعي ولا العكس تقدمي

بقى يرضى عليك لا تاخد الامور باقصى حد الها

:D
لكان ليش كنتو عم تتفستقوا انت و عليا:pos:
شغلة تانية انو ماراح شي من شخصيتو
بدول تانية بيسمو الواحد خمس اسماء وهو بس يكبر بيختار الاسم اللي حبو اكتر شي
بقى عادي الواحد عنا يسمي حالوا ابو كزا شو اقللا منها
ومنشان البنات في كتير ناس بعرفون اسمون على اسم بنتون
وابوليلى الزير اكبر مثال

امرأة من ورق

23/09/2006, 16:31

لكان ليش كنتو عم تتفستقوا انت و عليا:pos:
شغلة تانية انو ماراح شي من شخصيتو
بدول تانية بيسمو الواحد خمس اسماء وهو بس يكبر بيختار الاسم اللي حبو اكتر شي
بقى عادي الواحد عنا يسمي حالوا ابو كزا شو اقللا منها
ومنشان البنات في كتير ناس بعرفون اسمون على اسم بنتون
وابوليلى الزير اكبر مثال

مشكور ابو مزيد عالمرور المتكرر بالموضوع ...... مع اني كنت بتمنى انو تحاور بدون اسلوب المهزأة والتريأة

وانت بهاد الرد اشرت لنقطة كتير مهمة وهي موضوع الاختيار
انا ماني ضد انو الواحد هوي نفسو يختار لحالو اسم ويكون عبارة عن كنية باسم ابنو
بس المشكلة بكتير ناس بعرفو مابيحبو انو يتغير اسمون بس للاسف كل الناس بتصير تصحلون بابو الفلان بس اجى الولد لدرجة انو بينتسى الاسم الاصلي اجتماعيا..... وهني بيكونو مو راضيين عن هالشي..... يعني هون العادات انفرضت عاللي بحبها واللي مابيحبها..... وهي اكبر مشكلة

يعني بس بدنا تنترك الحرية بالاختيار للي بدو او لأ

بتمنى تكون وصلت فكرتي وتكون توضحتلك فكرة اني ماعم هاجم اللي مقتنع بهالشي:D

ابومزيد

23/09/2006, 17:28

مشكور ابو مزيد عالمرور المتكرر بالموضوع ...... مع اني كنت بتمنى انو تحاور بدون اسلوب المهزأة والتريأة

وانت بهاد الرد اشرت لنقطة كتير مهمة وهي موضوع الاختيار
انا ماني ضد انو الواحد هوي نفسو يختار لحالو اسم ويكون عبارة عن كنية باسم ابنو
بس المشكلة بكتير ناس بعرفو مابيحبو انو يتغير اسمون بس للاسف كل الناس بتصير تصحلون بابو الفلان بس اجى الولد لدرجة انو بينتسى الاسم الاصلي اجتماعيا..... وهني بيكونو مو راضيين عن هالشي..... يعني هون العادات انفرضت عاللي بحبها واللي مابيحبها..... وهي اكبر مشكلة

يعني بس بدنا تنترك الحرية بالاختيار للي بدو او لأ

بتمنى تكون وصلت فكرتي وتكون توضحتلك فكرة اني ماعم هاجم اللي مقتنع بهالشي:D
والله ما عم اتمهزأ أنا حبيت لطف الجو مو اكتر:D
بس انت دغري عملتي:jakoush: :jakoush: :jakoush: :jakoush:

ابومزيد

23/09/2006, 18:10

:D بعدين شو قصتك صرلك يومين علقانة بين الولد وابوه
اطلعي شوفي شو في مواضيع:D

drhas

24/09/2006, 00:16

شوفي يا ستي جبت سطل أفكاري بما يتعلق بهالمسألة.
الابوين بيصير اسمهم أبو وأم الولد الاكبر لأنو بصراحة هو بيكون أغلى ما عندهم وبيعتزو بأسمو لدرجة أنهم بيبدو أسمو على أسمائهم الشخصية -متل ما بيبدو كلشي ألو ولو على حساب صحتهم وراحتهم-، وهي سنة الكون وهي الفطرة اللي الله سبحانو وتعالو خلقها فينا، وبتخلينا نفني عمرنا لارضاؤو وسعادتو...
بالنسبة للقضية التانية أنو ليش بيتغلب أسم الولد على البنت ولو أجى عاشر مولود، لأنو ببساطة الولد الذكر هو اللي راح يحمل أسم العيلة ويضمن استمرارية النسب -متل ما بتعرفو- وأكراما لهالشي بيأخد اسمو الاولية على أسم أهلو بمجرد قدومو على هالدنيا، بالأضافة لانو مجتمعنا العربي معروف أنو مجتمع منجب للذكور بشكل عام، وغالباً في ذكر بالاسرة بيكون أسمو هو الغالب على أسم أهلو، بمعنى لو مجتمع بينجب الاناث بشكل اكتر كانت من الطبيعي يتمشي هالموضة ويصير أسم البنت هو الغالب على اسماء الاهل، يعني فيلك تقولي عادة قديمة ودارجة.
بحب ضيف شغلة أخيرة أنو مجتمعنا بيربي الشب من صغرو على أسمو البديل فبتلاقيه من صغرو أبو فلان -وطبعاً هالفلان ذكر- لانو هالشي -حسب اعتقادهم وبالتجربة- بيخليه يصير رجل بسرعة اكبر وقادر على تحمل المسؤلية بشكل أكبر لهيك شخص بيكبر على هالفكرة متوقعة انو يرضى يغير اسم البكر لاسم صبية، لك أكتر من هيك ناس كتير بيضل أسم الذكر -أبو فلان وأم فلانة- حتى لو ما أجى هالذكر أبداً وكل الخلفة كانت بنات.
لهيك يا صبية الله يرضى عليكي ماتحاولي تغيري هالموضى ونصير ابو فلانة مو حلوة بحقنا منوووووووب منوووووووب.
معو حق الاخ ايهم وحكيو كلو صح ومشكور اكتيير:yahoo:

عيون جريئه

24/09/2006, 00:21

ام شو حضرتك بلا صغرة 8)

:lol:

من اول ما سجلت بالمنتدى حاسس انها ردودك حلوه

ههههههههههههههههههه

عنجد بتعطي الموضوع شوية جوو
:D :D:D

عيون جريئه

24/09/2006, 00:30

انا شايف انكن عملتو من الحبه قبه متل ما بيقولو
الموضوع وما فيه انه لما والواحد ينادوه الناس بأبو فلا بيحسها احلا من ما ينادوه بأسمه

ما بعرف يمكن عندنا بس هيكك

يعني انا من حد ما وعيت على الدنيا والكل بيقلي ابو شاهر على اسم ابي (الله يخليه)
ومع اني مو ابنه الكبير

وانا شخصيا بلاقيها احلى من ما ينادوني بأسمي بيحس الواحد انه كبير :lol:

maro18

24/09/2006, 00:39

فى حاجة مهمة اوى ان اسمنا مش احنا اللى اختارنا لا اهلنا هم اللى اختاروا فلما حدا بيختار اسم ابنة بيكون عاوز يتندة بالاسم اللى اختاروا هو بس بيتحط قبلة ابو يعنى الاسم اللى كان نفسك يكون اسمك بتخلية اسم ابنك ويتحط قبلية ابو:yahoo:

Abu ToNi

24/09/2006, 00:57

ياظالم راجع الرد 24 :cry:
وحياة ربي رديت عليك :cry:

معك حق بفكرة انها تقاليد قديمة :D

وانت كمان معك حق لانه ما شفت ردك بالاول مشان هيك حقك علي :D :oops:

bratgirl1

24/09/2006, 03:24

اكيد هالفكرة صار تقليد و احد العادات يلي صار متعارف عليها انو الابن الاكبر لازم يسمي ابنو على اسم ابوه لانو هو اصلا و حتى قبل ما يتزوج بيكونو بيقلولوا ابو فلان على اسم ابوه

هي الفكرة حلوة و لذيذة لانو الناس بيعدوا هالشي نوع من احترام الابن لابوه و تقدير الو .

و متل ما قلتي انو بيصيروا الناس يلقبوا الشخص باسم المولود الذكر ولو كان العاشر بعد تسع بنات لانهن بيعتقدوا انو الولد الهن اما البنت ما الهن , كيف يعني؟؟

يعني البنت وقت تكبر رح تتزوج و تروح على بيت زوجها و بهالحالة هي طلعت خارج العيلة و حملت اسم زوجها , أما الولد الذكر رح يتزوج و يجيب الكنة عالبيت يعني رح تحمل هي اسمو و بالتلي هو يلي رح يحمل اسم العيلة و يرفع اسم ابوه

مشكورة عالموضوع لانو يمكن ما عاد حدا يفكر بهالموضوع لانهن صاروا يعدوه من البديهيات:D

امرأة من ورق

25/09/2006, 16:59

والله ما عم اتمهزأ أنا حبيت لطف الجو مو اكتر:D
بس انت دغري عملتي:jakoush: :jakoush: :jakoush: :jakoush:

اسفة اذا كنت فهمتك غلط :D

بعدين شو قصتك صرلك يومين علقانة بين الولد وابوه
اطلعي شوفي شو في مواضيع:سوريا:

قرب لعندي لقلك سر...... انا علقانة بين الاخوية واللاخوية

وعم فكر ابعد عالاخير :cry:

امرأة من ورق

25/09/2006, 17:01

معو حق الاخ ايهم وحكيو كلو صح ومشكور اكتيير:yahoo:
اهلين :D
وفيك تشوف رأيي بالرد على الاخ ايهم :D

Government

25/09/2006, 17:03

اهلين :D
وفيك تشوف رأيي بالرد على الاخ ايهم :D

ماقلتيلي ام ايش بلا صغرة :p

امرأة من ورق

25/09/2006, 17:05

انا شايف انكن عملتو من الحبه قبه متل ما بيقولو
الموضوع وما فيه انه لما والواحد ينادوه الناس بأبو فلا بيحسها احلا من ما ينادوه بأسمه

ما بعرف يمكن عندنا بس هيكك

يعني انا من حد ما وعيت على الدنيا والكل بيقلي ابو شاهر على اسم ابي (الله يخليه)
ومع اني مو ابنه الكبير

وانا شخصيا بلاقيها احلى من ما ينادوني بأسمي بيحس الواحد انه كبير :lol:

هلأ اللي بيحب يتكنى بابو ابنو مو مشكلة وحقو الطبيعي
بس شو مشان انو في ناس مابتحبها بس عم تنفرض عليها :(

امرأة من ورق

25/09/2006, 17:08

فى حاجة مهمة اوى ان اسمنا مش احنا اللى اختارنا لا اهلنا هم اللى اختاروا فلما حدا بيختار اسم ابنة بيكون عاوز يتندة بالاسم اللى اختاروا هو بس بيتحط قبلة ابو يعنى الاسم اللى كان نفسك يكون اسمك بتخلية اسم ابنك ويتحط قبلية ابو:yahoo:

في حاجة بردو مهمة اوي انو اسم الابن الكبير عم يكون على اسم الاب..... يعني مو نحنا اللي اخترناه...... جدنا ابو ابونا هوي اختارو :D

امرأة من ورق

25/09/2006, 17:09

وانت كمان معك حق لانه ما شفت ردك بالاول مشان هيك حقك علي :D :oops:

ولايهمك غابرييل
وهي وردة لعيونك :D

امرأة من ورق

25/09/2006, 17:14

اكيد هالفكرة صار تقليد و احد العادات يلي صار متعارف عليها انو الابن الاكبر لازم يسمي ابنو على اسم ابوه لانو هو اصلا و حتى قبل ما يتزوج بيكونو بيقلولوا ابو فلان على اسم ابوه

هي الفكرة حلوة و لذيذة لانو الناس بيعدوا هالشي نوع من احترام الابن لابوه و تقدير الو .

و متل ما قلتي انو بيصيروا الناس يلقبوا الشخص باسم المولود الذكر ولو كان العاشر بعد تسع بنات لانهن بيعتقدوا انو الولد الهن اما البنت ما الهن , كيف يعني؟؟

يعني البنت وقت تكبر رح تتزوج و تروح على بيت زوجها و بهالحالة هي طلعت خارج العيلة و حملت اسم زوجها , أما الولد الذكر رح يتزوج و يجيب الكنة عالبيت يعني رح تحمل هي اسمو و بالتلي هو يلي رح يحمل اسم العيلة و يرفع اسم ابوه

مشكورة عالموضوع لانو يمكن ما عاد حدا يفكر بهالموضوع لانهن صاروا يعدوه من البديهيات:D

شكرا كتير على مرورك ورأيك:D
بس انا برأيي انو فكرة انو الابن ابننا والبنت بنتنا مؤقتا وبس هي فكرة كتير ظالمة واصولها من ايام القبيلة والعشيرة وهلأ المفروض انو نحاول نطلع منها...... لانو انا بنت اهلي اللي ولدوني وربوني حتى تزوجت وجبت الف ولد
بالاضافة انو اذا هيك التفكير ليش الاهل مثلا بيضلو طول العمر معتبرين انو شرف العيلة من شرف هالبنت حتى لو تزوجت..... يعني تناقض كبير من تناقضات مجتمعنا :(

امرأة من ورق

25/09/2006, 17:16

ماقلتيلي ام ايش بلا صغرة :p

ام حالي:?
لاتسألني كيف :shock:
بس هيك طلع معي:?

:lol:

Government

25/09/2006, 17:19

ام حالي:?
لاتسألني كيف :shock:
بس هيك طلع معي:?

:lol:

يعني مارح تعترفي ام شو حضرتك:lol:

اه على راحتك حدا بصحلو الناس تصحلو بأسم ابنو حبيبو وبقول لأ :cry:

:D

ابومزيد

25/09/2006, 20:53

قرب لعندي لقلك سر...... انا علقانة بين الاخوية واللاخوية

وعم فكر ابعد عالاخير :cry:[/quote]

لااااااااااااااااا ليش:cry: :cry: