مرحباا

كيفكم شو اخباركم

حبيت اعرف من كل واحد شو احلى سنة دراسية مرت عليه:clap:

وكمان بدي اعرف هل كنتو تعملو فصول ناقصة بالمعلمين:shock:


بليز الكل بدو يكتب



وانا راح ابدا مشان شجعكن عالكتابة

احلى سنة دراسية مرت علي هي الصف التاسع

لاني كنت مسجلة بطالبات النظام ( شخصية )8)

وكنت ابهدل البنات واخالفهن على الاشياء اللي بيلبسوها ( شو جايين لعرس ):yahoo:


ومرة شافتني المديرة طالعة من الحصة وصرخت علي وانا ما سكتله رديت عليها بصوت عالي

شو عملت ياحزركن

سحبت مني بطاقة طالبات النظام

وهيك صرت بنت عادية حالي حال غيري

بس الوكياة الله يخليها لي ويطول عمرهل

رجعتني لطالبات النظام لانون ما فيهن يستغنو عن خدماتي



لا تخجلوني بدي ارجع والقى ردود كتيرة ok

:p

أحلى سـنة دراسـية هي الحـادي عشـر ،،
كنت كسـلانة :? و مشاغبة و مشـاكسـة8)و عشـقانة :lover: ..

كل هدول ،، و مع هيك نجحـت ،،

بتذكر مرة هربنـا من المدرسـة من الحصـة الأولى و رحنـا فطرنـا انا و رفقاتي :eat: ،،
و بعدين رجعنـا ع المدرسة مع الفرصة الأولى:? ،،ولا كأنو صاير شي;-) ،،

شو طالبة نظام ..

شي كتير بيخوف عقبال ما تصير مشرفه في هالمنتدى..:shurup: أسكتو لا يسمعني ابن الداغر بيشلحلي اليوزر تبعي ويطردني برات المنتدى أصلا هو بيغار كتير من البنات :dr:

أحلى سنة دراسة كانت عندي الحادي عشر لأني ورفقاتي عملنا كتير شغلات بحياتي مابنساها وخاصة وقت عملنا حفلة من دون ما تعرف المديرة :yahoo:

يبدو انكم ما عندكم طالبات نظام متلي انا 8)

مشان تمنعكم من الخوج من الحصص :lol:

وانت بسام ليش ما كتبت

ليش مافي تفاعل مع موضوعي:cry:

احلى لحظه في حياتي مرت في أخر سنه بالثانويه
لأني كنت مفكر انو خلص راح ارتاح من شي أسمه واجبات منزليه..:shock:
لكن للأسف أول محاضره لي بالكليه أدانا الدكتور واجب منزلي هههه..:cry: :cry: :cry:


لكن بكل أمانه الواحد فينا بعد مايتخرج ويفوت ع معترك الحياة "حلوه معترك ما؟؟"
بيتمنى انو ترجع اياما.. ياريت :angel: :dr: :dr: :tears: :tears: :tears: :akh:
شكرا ً رائده ..

يبدو انك كتييييير بتكره الواجبات المدرسية

بدي اسالك المدارس الثانوية بلشت دراسة والا لا

أسألي الطلاب ؟؟ لكن بظن

اي انو انا ورفيقي عم نقرا الموضوع يمكن نحنا هلق بلشنا بالحادي عشر يعني انا ورفيقي مامرت علينا سنة حلوة متل العاشر هي احلى سنة درسنا متل مابقولو (( العاشر داشر))
اول شي تعلمنا الدخان بالمدرسة والصف وحتى الأستاذ يكون موجود :? وتاني شي نروح على مدرسة البنات :oops: عاد ماكنا نعرف نطبق بنات هههههههه ودوريات الشرطة تلحقنا :jakoush: والهريبة من المدرسة يااااااي ويمكن احلا شي صار معنا انارامو مع رفيقي يمانووو انو مرة باخر السنة اجا استاذ على الصف ام سئلنا انتو جديدن على الشعبة امنا انالو انو نحنا من اول السنة ام سال ليش ماكنت شوفكون اول السنة ياحيام طلع الأستاذ حصتو اخر حصة ونحنا هيك حصص مابنداوم بنوب هههههههههههههههه

المهم نحنا نجحنا حتى لو كان برشوة الموجه ههههههههههههههه
((على فكرة يا بنات انا مو مرتبط يعني جربو حظكن معي:adal: ))خخخخخخخخخخخخخخخخخخخخخخخخ خخخخخخ

انا مدرستي تبدأ السبت ان شاء الله
وانا هالسنة رايحة للصف العاشر ان شاء الله تكون سنة حلوة

طبعا السنة الدراسية مش مقتصرة على المراحل الاعدادية او الثانوية او حتى الجامعية

عشان هيك بحكيلكم انه احلى سنتين بحياتي بجد كانوا بالكلية، كنت ايامها بالسكن الداخلي الخاص بالكلية.

كان السكن اشبه بالسجن من ناحية القوانين، كنا نوصل الكلية يوم السبت الصبح الساعة 8 تكون المحاضرة الأولى، ونروح على بيوتنا اخر الاسبوع، الخميس الساعة 1.3 ظهرا.

المهم مع كل القوانين اللي كانت موجودة، الا انه البنات اللي كانوا معي بحياتي ما بنساهن، عشنا مع بعض احلى سنتين ممكن تتخيلوها، وفي مواقف خير الله ممكن احكي عنها، لكن اكثرها تميز الموقف التالي.

كنا بشتا سنة 2003 وكان في ثلج خير الله، المهم سكرت الطرق وانقطعنا، ما في ترويحة وما في دوام انحبسنا بالسكن. كنا نطلع ونلعب بالثلج لحتى ينهد حيلنا، اول يوم انبسطنا ثاني يوم انبسطنا ثالث يوم صرنا نفكر كيف بدنا نروح ؟؟؟

طولت الشغلة، المهم خلال اسبوع الحبسة كانت ادارة الكلية تجيبلنا الاكل على السكن، فكنا نتشرط عليهم يوم بدنا كنافة، يوم بدنا اكلة غير

هلا احلى موقف صار ايام الحبسة، كان ممنوع نغني بالسكن او نترك الضو مضوي لبعد الساعة 10.3 ليلا، واحنا ما شاء الله علينا شلتنا كانت مش طبيعية، اشغب ناس واكثرهم مشاكسة واكثرهم اخذا للإنذارات، بس مع كل ذلك كنا الافضل في تحمل المسؤوليات وقت الجد، وعددنا كان 16 بالغرفة (هيك النظام) :jakoush:

المهم ثاني يوم الحبسة قمنا الساعة 11 بالليل وصرنا نغني ونطبل وبأعلى صوت وفجأة كانت المشرفة على روسنا وهات كتابة انذارات وبهدلة، وبنص ما هي بتكتب في الانذارات اجت وحدة صاحبة النا من غرفة جنبنا ومش عارفة انه المشرفة عنا.

فاتت تغني شو ؟؟؟

بسمة كل دقيقة وبسمة عالترويقة ودقي يا موسيقى وقولوا عليه الله

الله الله الله

بسمة قبل النوم وبسمة بعد النوم زي فرض الصلاة

طبعا هي فاتت تحكي هيك واحنا ما مسكنا حالنا وصرنا نضحك

والمشرفة (بسمة) تصرخ علينا واحنا ولا هون

حظنا كان حلو لأنه ما في دوام ولا ما يحزنون بالتالي ما اخذنا انذارات رسمية بجد
ولا رحنا للعميد ومشيت الامور بسلام

احلى سنة دراسية كانت سنة اولى جامعة :pos:
إيه على هديك الأيام :o

احلى سنة دراسية كانت سنة اولى جامعة :pos:
إيه على هديك الأيام :o
لا كتيـر تحكو ع الماضي بلييييز :cry: ..

احلا سنه هي سنة البكلوريا يلي انا هلا عم بمر فيا مو معقول شو حلوه :p

ههههههههههههههه

موضوع حلو كتير


انا احلا سنه دراسيه عندي هي الصف العاشر

ولو بدي احكي كل الفصول الناقصه الي عملتها بالمعلمين ما بخلص للصبح

بس احلا شي فيها انه كنا كل يوم نروح على مدرسة البنات نعجب عليهم كنا ندخل المدرسه والشنته مليانه هدايا نطلع موزعينهم

وكان استاذ النظام كل يوم الصبح يخليني ارجع على البيت ابدل ملابسي


(كنت اروحله بالبنطلون الابيض ):lol: :lol: :lol:

والله كانت احلا سنه

بس ما كانو كل المعلمين يعاقبوني لاني كنت ساطر

جبت معدل 91%