-
دخول

عرض كامل الموضوع : تعبان و متضايق

jazz_music
12/09/2006, 01:55
هلء انا صحيح ما بستاهل انو ينحط موضوع عني بس بدي فش خلقي . تحملوني شوي لأني انا كتير تعبان نفسيا و قاعد عم اكفر ...
انا طالب بكلية الموسيقى بحمص(سنة اولى) و روح قلبي الموسيقى بس غير هيك ما عندي شي ..
حالتي المادية عادية ( الوسط ) و عندي كتير رفقات بس بضل مكتئب...........................
شو بدي سوي و الله ما بعرف.. هلء و انا قاعد عم اكتب هادا الموضوع عم اسمع خوليو و دخن حمراقصيرة كرتون بس شو بعدين ..
يمكن لأنو انا هلء ماعندي رفيقة (حبيبة) ..ممكن...... و ممكن تكون عامل من عومل التعاسة يلي عم حس فيها ...
انا بحياتي كلها ما كنت ضعيف بهل الطريقة .. حاسس حالي انسان تاني .. انسان تعيس , مرتزقة فاضي, ضعيف و مشتت العقل ... و انا بحياتي كلها ما كنت هيك و لا كنت بتوقع انو يصير فيني متل ماني عايش بهل الثانية هي ..
شو سوي انا و ابي دائما مشاكل من الصبح للمسا .. و رفقاتي بضل يمزحوا معي و يقولي عني اني زلمة طائفي و بحب المظاهر , بس ماعدت ميز بقا بين المزح و الجد .. والله انا زلمة كتير منيح
بس ماني مغرور .. و الله اني بحب كل العالم و ما بكره حدا .؟.. و الأهم اني ماني متل ما بيحكو رفقاتي اني طائفي و لا غيرو و غيرو ...

بس ليش عم يصير فيني هيك .. ! ما بعرف بس بعرف حالي اني انا كتير ضعيف و مالل و زلمة عاق بجتمع يمكن بشبهني و انا بهل الضعف ..

ما بعرف اذا بدي مساعدة .. كنت مفكر انو شو ما يصير معي بحلو عن طريق سماع الموسيقى بس هلء ههههههه ماعم خلي نوع موسيقى ما عم اسمعا و ماعم اتحسن ..
يمكن الروتين صار يقتلني بس كلكون متلي ...

اسف على هل الحكي لأنو يمكن ما بهمكن بس حبيت فش خلقي ..

شكرا و اسف ...
فيروزة
12/09/2006, 02:16
روق وخليك متفائل
هي حال الدنيا ماحدا مرتاح كل واحد عندو مشكلة
jazz_music
12/09/2006, 02:18
روق وخليك متفائل
هي حال الدنيا ماحدا مرتاح كل واحد عندو مشكلة
و الله يا صديقتي انا بس بهيك فترة بينتابني هادا الشعور ...

و حبيت بس فش خلقي مو اكتر من فشة خلق ..
زهرة العين
12/09/2006, 02:24
الحياة حلوه بس نفهمها

والواحد يعيش كم مره

هي مره وحده وبس

لك عيش وضحك ماحدا مستاهل

تزعل حالك عليه
jazz_music
12/09/2006, 02:27
الحياة حلوه بس نفهمها

والواحد يعيش كم مره

هي مره وحده وبس

لك عيش وضحك ماحدا مستاهل

تزعل حالك عليه
لك المشكلة انو انا زعلان على حالي ؟؟
زهرة العين
12/09/2006, 02:43
وليه تخلي للحزن محل في نفسك

اغلبه لا تخليه يسيطر عليك
كاليمارو
12/09/2006, 12:07
شو يا اخي اضحك للدنيا الدنيا بتضحكلك ورمي همومك لورى .....ما حدا بياخذ شئ منها كلنا عم بنموت....اتضحك وورينا ابتسامتك الحلوه............كالي:lol:
Government
12/09/2006, 13:42
ولو يامعلم هدي أعصابك ولا تكتأب
الدنيا فاضية مابتسوى شي;-)
كبا ورا ضهرك ولا تسأل على شي
الدنـــــيـــــا فــــاضـــــية


بعدين تعا لقلك
جاي عبدخنلي حمرا ومابدك تكتأب
اي من اسمو للحمراء الواحد بيكتأب:?
لا ولسه فرحان انو عبدخن كرتون يعني :pos:


اي حدا عاد يدخن حمراء هالأيام :pos:



نصيحة مني
كووووووووووووول بصل وانسا اللي حصل :clap:
~YAFA~
12/09/2006, 13:56
الله معك ....

بس حاول تغير في نفسك انتا بالاول وبعدين كل الحياة بنظرك بتتغير
فلسطينية الشتات
12/09/2006, 14:06
يا اخوي العزيز

الحياة غريبة، دايما فيها الكويس والعاطل
فيها الحب وفيها الكره
فيها الفرح والمرح والأمل
لكن فيها الحزن واليأس والملل

وصدقني كل شي بصير معنا في الدنيا هو نتيجة خيار احنا بنختاره بإرادتنا الحرة

يعني لما تصحى وانتا قرفان الدنيا كلها ومش شايف اشي غير الكآبة
راجع نفسك، شو رح تستفيد من كل هاي الأشياء، او شو رح يصير وشو رح يأثر هالوضع
في الناس اللي حواليك ؟؟؟

ولا شي، لكن لو قررت للحظة انه لا ما بدي اكون بالسلبية هاي بدي افرح بدي اصنع من ضعفي قوتي ، صدقني شوي شوي الامور رح تختلف.

وانا مش بس بحكي والسلام، بحكي من تجربة شخصية، واكيد الامور ما رح تتغير من اول مرة ولا ثاني مرة، وبجوز تضلك تحاول وما تزبط معك لكن لا حياة مع اليأس ولا يأس مع الحياة. لازم تضلك تحاول والا ما يكون في تأثير.

وبدي اعطيك هالمثال:

لو جبت حجر صغير ورميته في بركة شو رح يصير؟؟؟ رح يتغير سطح المي شوي وترجع بعدها مثل ما كانت، لكن هل فعلا ما تغير شي؟؟؟؟؟

انا بحكيلك لا تغير، صار في حجر زيادة في قاع البركة، وهذا بحد ذاته لو ما كان ظاهر للعيان هو تأثير . اتمنى تفهم قصدي


وروق يا اخي روق والله ما في اشي مستاهل
Government
12/09/2006, 14:08
كوووووووووول بصل وانسى اللي حصل
Nirvana
12/09/2006, 14:20
عالأقل انت عندك وسيلة لتعبر عن نفسك .. وهيي الموسيقى .. حاول تعكس شو حاسس بالموسيقى اللي بتعزفها .. بتروق .. وروحك بتهدى .
فلسطينية الشتات
12/09/2006, 14:24
عالأقل انت عندك وسيلة لتعبر عن نفسك .. وهيي الموسيقى .. حاول تعكس شو حاسس بالموسيقى اللي بتعزفها .. بتروق .. وروحك بتهدى .


وأنا مع نيرفانا

اعزف وروق ، الموسيقى غذاء الروح يا اخي

تغذا كويس
ري مي
12/09/2006, 14:42
يمكن لأنو انا هلء ماعندي رفيقة (حبيبة) ..ممكن...... و ممكن تكون عامل من عومل التعاسة يلي عم حس فيها
ممكن ونص... بس كل شي بوقتو حلو
وانا كمان مع نيرفانا
الموسيقا بتشلحك بعالم تاني
Gazita
12/09/2006, 15:02
هلء انا صحيح ما بستاهل انو ينحط موضوع عني بس بدي فش خلقي . تحملوني شوي لأني انا كتير تعبان نفسيا و قاعد عم اكفر ...
انا طالب بكلية الموسيقى بحمص(سنة اولى) و روح قلبي الموسيقى بس غير هيك ما عندي شي ..
حالتي المادية عادية ( الوسط ) و عندي كتير رفقات بس بضل مكتئب...........................
شو بدي سوي و الله ما بعرف.. هلء و انا قاعد عم اكتب هادا الموضوع عم اسمع خوليو و دخن حمراقصيرة كرتون بس شو بعدين ..
يمكن لأنو انا هلء ماعندي رفيقة (حبيبة) ..ممكن...... و ممكن تكون عامل من عومل التعاسة يلي عم حس فيها ...
انا بحياتي كلها ما كنت ضعيف بهل الطريقة .. حاسس حالي انسان تاني .. انسان تعيس , مرتزقة فاضي, ضعيف و مشتت العقل ... و انا بحياتي كلها ما كنت هيك و لا كنت بتوقع انو يصير فيني متل ماني عايش بهل الثانية هي ..
شو سوي انا و ابي دائما مشاكل من الصبح للمسا .. و رفقاتي بضل يمزحوا معي و يقولي عني اني زلمة طائفي و بحب المظاهر , بس ماعدت ميز بقا بين المزح و الجد .. والله انا زلمة كتير منيح
بس ماني مغرور .. و الله اني بحب كل العالم و ما بكره حدا .؟.. و الأهم اني ماني متل ما بيحكو رفقاتي اني طائفي و لا غيرو و غيرو ...

بس ليش عم يصير فيني هيك .. ! ما بعرف بس بعرف حالي اني انا كتير ضعيف و مالل و زلمة عاق بجتمع يمكن بشبهني و انا بهل الضعف ..

ما بعرف اذا بدي مساعدة .. كنت مفكر انو شو ما يصير معي بحلو عن طريق سماع الموسيقى بس هلء ههههههه ماعم خلي نوع موسيقى ما عم اسمعا و ماعم اتحسن ..
يمكن الروتين صار يقتلني بس كلكون متلي ...

اسف على هل الحكي لأنو يمكن ما بهمكن بس حبيت فش خلقي ..

شكرا و اسف ...
يااخي ما تفكر بكل ما هو سلبي والحياة اذا ما فيها مشاكل ما راح نحس بحلاوتها.بس انت ما تدور عالمشاكل.بما انو دراستك موسيقى اعطيها وقت وحس فيها اكتر وبحالة الغضب اسمعلك موسيقى هادية.بالنسبة لاصدقاءك حاول تتقبل المزح بروح رياضية.نظم وقتك .اعمل رياضة بالصبح .وبعدها خصص وقت بينك وين ربك صل لانو ما حدا راح يسمعلك اكتر منو.وصدقني اكيد راح ترتاح.بالنسبة لابوك مهما حصل ما تحاول تتجادل معاه مهما كان هو بيك.واذا حسيت انك راح تفقد سيطرتك وراح تتعارك معو اخرج وشم هوا بعيد عن صحابك.وبالليل حاول تعمل رياضة الريكي او اليوغا .ادخل لغرفتك وطفي النور واذا عندك حوض سمك صغير ضلك تراقب السمكات وبنفس الوقت اسمعلك موسيقى هادية لغاية ما ترتاح وما تحاول تفكر بشي يضرك.وتأكد انو نفسيتك راح ترتاح وبالتالي راح تفكر بمستقبلك بطريقة اوضح .جرب وادعيلي8)
zekra
12/09/2006, 15:06
هلئ ليش فتحتلنا جروحاتنا وزكرتنا بحالنا :cry:
احسن شي تعمل متلي طول الوقت باكل وبنام بحط كل شي وراي
انت اعمل متلي بس ماتصير متلي دبدوب وطبوش :pos:
بسام2
12/09/2006, 15:16
بدك تروق عمو.. شوف صار أكتر من خمس صبايا بيقولوا لك روق ..;-)

شو محظوظ انته.. يالله يمكن وحده منهن تتهور وتاخز فيك ثواب وتدردش معاك شوي.. وتديك اعجاب خفي:sosweet:

أنا تحليلي لوضعك .. انك انسان فاقد الحب والحنان ومهما شفت اشياء حلوه أو سمعت أغاني حلوه
لا يمكن تحس او تشعر فيها لأن مافي حدا ببالك قادر تتصور انك ممكن معه تبنوا قصة غرام ..
ياعمي أضحك وروق .. وقول الله يجازي ياللي كان كل شي بسببها حتى لو كنت بتحبا..8)
zekra
12/09/2006, 15:21
شو محظوظ انته.. يالله يمكن وحده منهن تتهور وتاخز فيك ثواب وتدردش معاك شوي.. وتديك اعجاب خفي:sosweet:

العمى شو فهيم صارلك زمان عم تفكر فيها
يعني اذا بدنا نديه اعجاب مافي داعي يكون خفي
ري مي
12/09/2006, 15:32
:D يااخي ما تفكر بكل ما هو سلبي والحياة اذا ما فيها مشاكل ما راح نحس بحلاوتها.بس انت ما تدور عالمشاكل.بما انو دراستك موسيقى اعطيها وقت وحس فيها اكتر وبحالة الغضب اسمعلك موسيقى هادية.بالنسبة لاصدقاءك حاول تتقبل المزح بروح رياضية.نظم وقتك .اعمل رياضة بالصبح .وبعدها خصص وقت بينك وين ربك صل لانو ما حدا راح يسمعلك اكتر منو.وصدقني اكيد راح ترتاح.بالنسبة لابوك مهما حصل ما تحاول تتجادل معاه مهما كان هو بيك.واذا حسيت انك راح تفقد سيطرتك وراح تتعارك معو اخرج وشم هوا بعيد عن صحابك.وبالليل حاول تعمل رياضة الريكي او اليوغا .ادخل لغرفتك وطفي النور واذا عندك حوض سمك صغير ضلك تراقب السمكات وبنفس الوقت اسمعلك موسيقى هادية لغاية ما ترتاح وما تحاول تفكر بشي يضرك.وتأكد انو نفسيتك راح ترتاح وبالتالي راح تفكر بمستقبلك بطريقة اوضح .جرب وادعيلي8)
على عيني ياغازيتا انا رح ادعيلك
كلامك غير شكل
:D
Gazita
12/09/2006, 16:14
:D
على عيني ياغازيتا انا رح ادعيلك
كلامك غير شكل
:D
تسلميلي يا ري مي و انتي كلامك كلو عسل:mimo:
jazz_music
12/09/2006, 19:05
شو يا اخي اضحك للدنيا الدنيا بتضحكلك ورمي همومك لورى .....ما حدا بياخذ شئ منها كلنا عم بنموت....اتضحك وورينا ابتسامتك الحلوه............كالي:lol:
ها ها ها ها ها ها ها ها ها ها ها ها ها ها ها ها ها ها ها ها ها :yahoo:


ههههههههههههههههههههههههه ههههههههههههههههههههههههه :lol:
jazz_music
12/09/2006, 19:06
هلئ ليش فتحتلنا جروحاتنا وزكرتنا بحالنا :cry:
احسن شي تعمل متلي طول الوقت باكل وبنام بحط كل شي وراي
انت اعمل متلي بس ماتصير متلي دبدوب وطبوش :pos:
ما بقدر انا زلمة كتير اجماعي ...............


ما فيني....
jazz_music
12/09/2006, 19:07
بدك تروق عمو.. شوف صار أكتر من خمس صبايا بيقولوا لك روق ..;-)

شو محظوظ انته.. يالله يمكن وحده منهن تتهور وتاخز فيك ثواب وتدردش معاك شوي.. وتديك اعجاب خفي:sosweet:

أنا تحليلي لوضعك .. انك انسان فاقد الحب والحنان ومهما شفت اشياء حلوه أو سمعت أغاني حلوه
لا يمكن تحس او تشعر فيها لأن مافي حدا ببالك قادر تتصور انك ممكن معه تبنوا قصة غرام ..
ياعمي أضحك وروق .. وقول الله يجازي ياللي كان كل شي بسببها حتى لو كنت بتحبا..8)
شكرا ........................ ;-)
jazz_music
12/09/2006, 19:09
شو محظوظ انته.. يالله يمكن وحده منهن تتهور وتاخز فيك ثواب وتدردش معاك شوي.. وتديك اعجاب خفي:sosweet:

العمى شو فهيم صارلك زمان عم تفكر فيها
يعني اذا بدنا نديه اعجاب مافي داعي يكون خفي
صريحة ...........


و انا بحب الصراحة ... ;-)
ِAbu Alzooz
12/09/2006, 19:52
خيي أحسن ما تسمع نصائح روح أنتحر والله أحسن سماع مني شو بدك بيوجع الراس أنتحر بترتاح
و بتريح
المستحيل
12/09/2006, 20:18
خيي أحسن ما تسمع نصائح روح أنتحر والله أحسن سماع مني شو بدك بيوجع الراس أنتحر بترتاح
و بتريح
قولتك لا تشكيللي ببكيللك :cry: :cry: :cry: :cry: :cry:
thalaseh
12/09/2006, 21:34
طول بالك... مش مستاهلة
كلها كم سنة وبتهون
حاول تلاقي طريقة تشغل وقت فراغك
اقرأ أو أعزف ميوزيك
بكرا الدنيا لحالها بتصفى وبتلاقي حبيبة
Government
12/09/2006, 21:37
خيي أحسن ما تسمع نصائح روح أنتحر والله أحسن سماع مني شو بدك بيوجع الراس أنتحر بترتاح
و بتريح


بصراحة هادا احسن اقتراح
كيف ماخطر على بالي هالأقتراح

يعني الانتحار احسن الشي


خااااااااااااالصة
jazz_music
13/09/2006, 16:03
بصراحة هادا احسن اقتراح
كيف ماخطر على بالي هالأقتراح

يعني الانتحار احسن الشي


خااااااااااااالصة
لأ هيك شكرا كتير و الله لقيتو الحل .....



ههههههههه


هلء يمكن انا عندي الجرءة مشان انتحر بس


لألألألألألألألألألألألأل ألأ

ما رح موت حتى تصير هي البلد اسما بلد و الله .. متل ما عم قلكون
فلسطينية الشتات
13/09/2006, 16:14
ولك سلامة قلبك

ان شاء الله بتعيش وبتعمل كل اللي بدك اياه
بس طلع حالك من التشاؤم اللي انتا فيه

يا جماعة عيشوا عيشوا عيشوا

يلعن ابو اللي احسن منا

بدنا نضل لمتى مقهورين وعايشين بالحسابات والافكار اللي ما الها نهاية

عيشووووووووووووووووووووو
Government
13/09/2006, 16:20
لأ هيك شكرا كتير و الله لقيتو الحل .....



ههههههههه


هلء يمكن انا عندي الجرءة مشان انتحر بس


لألألألألألألألألألألألأل ألأ

ما رح موت حتى تصير هي البلد اسما بلد و الله .. متل ما عم قلكون


:shock: :shock: :shock: :shock: :shock:
ينعمى والله بيعملا



له له له يازلمة
اصحك تصدق وتعملا
انا مالي استعد اعيش اذا انت مالك موجود بهالدنيا
اصحك تعملا لحالك هه
اذا بدك تعملا قلي مشان روح معك
اصحك تتهور وتنتحر
jazz_music
13/09/2006, 16:21
ولك سلامة قلبك

ان شاء الله بتعيش وبتعمل كل اللي بدك اياه
بس طلع حالك من التشاؤم اللي انتا فيه

يا جماعة عيشوا عيشوا عيشوا

يلعن ابو اللي احسن منا

بدنا نضل لمتى مقهورين وعايشين بالحسابات والافكار اللي ما الها نهاية

عيشووووووووووووووووووووو
اكيد .......