أخوية هالإيام [الأرشيـــــف]

Nirvana

11/09/2006, 16:32

كان عبالي نحكي بشي غير هالموضوع .. بس هوي هوي ما في غيرو ..
كيف بدو يكون في غيرو وهو على حالو ما تغير فيو شي ..
شو في ببالكم شي نعملو ..
بنحط ايدنا بايد بعض .. ولا نكمل خناق ..
صار الكل على الباب واقف رجل ورا ورجل قدام .. نصو بقول شو دخلني خليها تخرب ونصو التاني بقول خلينا ..أخوية منيحة .. منشوف شو رح يصير ..

انا عملت لفة لا بأس بها بالأخوية وعرفت كيف كان مستواها .. وجد شي بيرفع الراس، وجد حلو انو في ناس هالقد فهمانة، وما تفهموني غلط بس جد رائع انو في ناس حتى اعتقلوها كانو اعضاء هون .. راح تستغربو .. بس انا بقلكم ليش .. اذا اعضاء متل هيك صادقين مع انفسهم واصحاب مبدا ورأي كانو يشاركو بأخوية .. اذن اخوية كانت شي حقيقي ... مو بس صف كلام ..

يا ريت كلنا نقدر نكون صادقين وأصحاب مبادئ وبشر مرتبطين مع اللي حولينا ومو منعزلين ومنفصلين.. نقدر ندافع عن اللي النا بفكرنا بعملنا بانتاجنا .. وأكيد مو بالمشاكل والسب ..

ما تقللو من قيمة النت .. هالموقع فيو يعمل كتير وخصوصا انو موقع كبير وشامل كما ومضمونا ومو سهل أبداً .. وعلى الأقل نحنا نوحد جهودنا ليبقى هالموقع نضيف ومرتب وعلى مستوى.
وما رح احكي عن أبعاد تانية يمكن بهمني احكي فيها بس مو وقتها..

عفكرا مو لازم يكون كل شي سياسة وادب وثقافة بس .. حلو يكون في كمان أخبار الفنانين والرياضة والسقيفة والصالون وكل شي ... بس كمان نحترم كل قسم منهم ..

وفينا نحترم بعضنا شوي أكتر يعني بلا ما كل واحد ماشي على جبينو مكتوب .. مسيحي مسلم ... سوري سعودي .. سني شيعي .. الخ ..
ويا أخي الرد اللي مو عاجبك اعمل حالك مو شايفو .. انا بعرف الواحد بعصب وبيستفز وانا كمان هيك .. بس نحاول على الأقل .. ونحاول ما نتلفظ بالقليلة ألفاظ ما بتناسب المكان ..

بعدين في المواضيع هاي اللي فيها اشتباكات، بكون في واحد ما بعرف من وين جاي .. وبكون في اعضاء محترمين من اخوية .. يا جماعة الأخوية المحترمين ما تنزلو مستواكم لتردو على هالأشخاص .. لانو بالنهاية اللي رح يحس مو هني .. اللي راح يحس هني اعضاء الأخوية .. اخوتكم التانيين ..

حبيت أشاركم هالفكرة .. يمكن تلاقي قبول وايجاب عندكم .. لنقدر نركز باخوية مو بالخناق مع ناس أساسا ما بتهمهم الأخوية ..

Majood

11/09/2006, 16:35

شكرا نيرفانا...........

Nirvana

11/09/2006, 16:44

شكرا نيرفانا...........

العفو .. وبعتذر اذا ما كان بمكانو ..

بعدين :shock: :shock: :shock: هالكام ماخود اللي طلبتيهم مشيو منيح .. شو هالسرعة بالقراءة والنقل ..

Gazita

11/09/2006, 17:47

ميرسي كتير نيرفانا لانك من الاوائل اللي بدهم يشوفواخوية احسن موقع.في كتير هلء راح يشوفو الموضوع او يشوفو ردود الاعضاء اللي بتهمهم اخوية.فراح يقولو شو هالمبالغة وليش عاطلين هم على المنتدى. بعذرو لانو مو حاسس بعد احساس شخص اتسجل باخوية من 9 اشهر وصارت جزء من حياتو وصارو الاعضاء اللي فيها جزء من تفكيرو .....ما بدي طول كتير بس عن جد حبيت كتير هالمنتدى وبدي حط ايدي بايديكم لحتى ترجع اخوية متل ما كانت.وكفانا من التعصب ووحدة وحدة عالكيبورد .

TheLight

11/09/2006, 18:21

بصراحة
طالعتيني عن اعتكافي يللي كنت معاهد حالي ضل ملتزم فيه لفترة طويلة لانو بصراحة انا تعبت من اخوية

تعبت من اخوية بجوانبها البشعة...بخنافاتها...بمشاكله ا...بصداماتها وصراعاتها
وبحب قو انوانا دائما مع الاختلاف وما ني ابدا ضدد الخلافات يللي بتصير بس انا مليت من الطريقة يللي عم تتطور فيها الخلافات....
يعني ما بتذكر انو في موضوع انحط بأخوية الا وانتهى بمسبات واهانات ويا اما تسكر يا اما العالم ملت وماعاد انحكى فيه
يعني ولا مرة كان في نقاش او حوار وصل لدرجة ممكن نقول فيهاعنو انو نقاش او حوار بناء
هلق انا كنت عم اقول اني تعبت من أخوية
وتعبت كتير
بس بصراحة هالمرة حاسس حالي اقوى بشوي من اول مرة لانو المرة الاولى كنت بدي اترك اخوية
بس هالمرة راح اعتكف بس ما راح اترك

ما راح ااترك لانو شفت بأخوية شغلات كتير ايجابية وخاصة بقديم اخوية ولانو تعرفت ع شباب وبنات ع درجة عالية من الثقافة والوعي والاحترام مع انو معظمهم ما بعرف اسمائهم ولا حكيت معهم قبل بس بحس فيهم بأخوية وكأنهم اخواتي مع انو بيجوز ولا مرة حكينا مع بعض ويمكن نيرفانا من هالاشخاص يللي بحس بكل فكرة بتحكيها وكل سطر بتكتبو...وبحس اني تعرفت عليها وصارت متل اختي...وكمان مي تو يللي كنت حس بكل حرف يكتبو..وكل فكرة من افكارو كنت عيشها..وبصراحة انا مقهور من كل قلبي لانو ترك اخوية مع انو بحياتنا ما حكينا مع بعض...ولا بعرف مينو ولا اسمو لا انتمائو ولا وين عايش....وبصراحة اكتر انا مقهور انو راح وما قدرت اتعرف عليه....
وبصراحة اكتر...انا خايف اخوية تخرب لانو ما بدي شوف العالم عم تتفرق بعد ما جمعتنا اخوية وخلتنا عيلة كبيرة....
وحابب احكي شغلة وبعتقد انو الشباب يللي بالغربة بيحسو فيها اكتر من يللي قاعدين ببلدهم بين اهلهم...بالنسبة الي..اخوية صارت عيلتي وانتو صرتو اخواتي ورفقاتي وصرتو الملجأ الوحيد وقت بتعب من الغربة...ووقت بحس بالقهر...ووقت بشتاق لبلدي واهلي ورفقاتي..ووقت بحن اكتب واحكي بالعربي....
اخوية صارت كل شي بالنسبة الي بالغربة وما راح اتحمل انو اتركها او اطلع منها بس ما فيني شوفها عم تخرب

لا تروحو وتتركوني...خلوكن هون...وخلونا سوا...لانو ما بتحمل اخسركن

TheLight

11/09/2006, 18:26

بكرهكن.....

بكيتوني...

ويللي بدو يترك يترك....

انا تعبت

Fady007

11/09/2006, 18:30

بكرهكن.....

بكيتوني...

ويللي بدو يترك يترك....

انا تعبت

ذا لايت
انت انسان جميل ورقيق ونقي من جواك :mimo:

handsome

11/09/2006, 18:37

بصراحة
طالعتيني عن اعتكافي يللي كنت معاهد حالي ضل ملتزم فيه لفترة طويلة لانو بصراحة انا تعبت من اخوية

تعبت من اخوية بجوانبها البشعة...بخنافاتها...بمشاكله ا...بصداماتها وصراعاتها
وبحب قو انوانا دائما مع الاختلاف وما ني ابدا ضدد الخلافات يللي بتصير بس انا مليت من الطريقة يللي عم تتطور فيها الخلافات....
يعني ما بتذكر انو في موضوع انحط بأخوية الا وانتهى بمسبات واهانات ويا اما تسكر يا اما العالم ملت وماعاد انحكى فيه
يعني ولا مرة كان في نقاش او حوار وصل لدرجة ممكن نقول فيهاعنو انو نقاش او حوار بناء
هلق انا كنت عم اقول اني تعبت من أخوية
وتعبت كتير
بس بصراحة هالمرة حاسس حالي اقوى بشوي من اول مرة لانو المرة الاولى كنت بدي اترك اخوية
بس هالمرة راح اعتكف بس ما راح اترك

ما راح ااترك لانو شفت بأخوية شغلات كتير ايجابية وخاصة بقديم اخوية ولانو تعرفت ع شباب وبنات ع درجة عالية من الثقافة والوعي والاحترام مع انو معظمهم ما بعرف اسمائهم ولا حكيت معهم قبل بس بحس فيهم بأخوية وكأنهم اخواتي مع انو بيجوز ولا مرة حكينا مع بعض ويمكن نيرفانا من هالاشخاص يللي بحس بكل فكرة بتحكيها وكل سطر بتكتبو...وبحس اني تعرفت عليها وصارت متل اختي...وكمان مي تو يللي كنت حس بكل حرف يكتبو..وكل فكرة من افكارو كنت عيشها..وبصراحة انا مقهور من كل قلبي لانو ترك اخوية مع انو بحياتنا ما حكينا مع بعض...ولا بعرف مينو ولا اسمو لا انتمائو ولا وين عايش....وبصراحة اكتر انا مقهور انو راح وما قدرت اتعرف عليه....
وبصراحة اكتر...انا خايف اخوية تخرب لانو ما بدي شوف العالم عم تتفرق بعد ما جمعتنا اخوية وخلتنا عيلة كبيرة....
وحابب احكي شغلة وبعتقد انو الشباب يللي بالغربة بيحسو فيها اكتر من يللي قاعدين ببلدهم بين اهلهم...بالنسبة الي..اخوية صارت عيلتي وانتو صرتو اخواتي ورفقاتي وصرتو الملجأ الوحيد وقت بتعب من الغربة...ووقت بحس بالقهر...ووقت بشتاق لبلدي واهلي ورفقاتي..ووقت بحن اكتب واحكي بالعربي....
اخوية صارت كل شي بالنسبة الي بالغربة وما راح اتحمل انو اتركها او اطلع منها بس ما فيني شوفها عم تخرب

لا تروحو وتتركوني...خلوكن هون...وخلونا سوا...لانو ما بتحمل اخسركن

صدقني اني ما بلبس طاقية .. بس لو كنت بلبس كنت رفعتلك ايها احتراماً لالك ولرأيك ولطريقة تعبيرك الاكتر من رائعة ..

هادا الحكي الي بينحكا وما بدنا نترك اخوية .... اخوية هيي بيتنا, وبس انا اتخلى عن بيتي ووطنيتي بتخلى عن الاخوية

لا تاخزوني بس صدقوني ما عما قدر اكتب شي ... كل شوي بكتب كلمتين وبرجع امحيون ..
الله يخليلنا اخويتنا الي منحبا

Gazita

11/09/2006, 19:10

بكرهكن.....

بكيتوني...

ويللي بدو يترك يترك....

انا تعبت
:cry: :cry: :cry:
امبارح دمعو عيوني لما اتذكرت انو فاضلي 20 يوم وانقطع فترة طويلة عنكم:tears:
بقى افتكروني:cry:

Nirvana

11/09/2006, 19:48

ويمكن نيرفانا من هالاشخاص يللي بحس بكل فكرة بتحكيها وكل سطر بتكتبو...وبحس اني تعرفت عليها وصارت متل اختي

بكرهكن.....

بكيتوني...

ويللي بدو يترك يترك....

انا تعبت

شو بدي قلك .. يعني في كتير اشياء وأفكار واحساس كنت بدي اكتبو بهالموضوع .. بس ما عرفت أحكيهم .. ما عرفت عبر ..

انت اللي بكيتني بكلامك ..

فعلا مو عارفة شو بدي أحكي .. بس مبسوطة اني طالعتك من اعتكافك ولو شوي ..

كل الاحترام والتقدير الك ولتعبك .. ما احلى التعب لما يكون مشترك .. ولما نقدر نحس بوجع بعض ..
لانو كلنا تعبانين ولولا هيك ما جمعتنا الأخوية .. كلنا عنا شي نحكي .. كلنا عنا شي بدنا نعبر عنو ... كلنا بدنا نعيش متل ما بنحب انو نعيش..

ولسا مو عارفة شو بدي قول ..

Nirvana

11/09/2006, 19:51

ميرسي كتير نيرفانا لانك من الاوائل اللي بدهم يشوفواخوية احسن موقع.في كتير هلء راح يشوفو الموضوع او يشوفو ردود الاعضاء اللي بتهمهم اخوية.فراح يقولو شو هالمبالغة وليش عاطلين هم على المنتدى. بعذرو لانو مو حاسس بعد احساس شخص اتسجل باخوية من 9 اشهر وصارت جزء من حياتو وصارو الاعضاء اللي فيها جزء من تفكيرو .....ما بدي طول كتير بس عن جد حبيت كتير هالمنتدى وبدي حط ايدي بايديكم لحتى ترجع اخوية متل ما كانت.وكفانا من التعصب ووحدة وحدة عالكيبورد

ميرسي الك انت .. عطول مثال للروح الحلوة انت .. وكتير بتفاءل لما بنرد على بعض وبنتشارك بالمواضيع ..

امبارح دمعو عيوني لما اتذكرت انو فاضلي 20 يوم وانقطع فترة طويلة عنكم
بقى افتكروني

أكيد ما بننساكي .. :D

tiger

11/09/2006, 19:56

بكرهكن.....

بكيتوني...

ويللي بدو يترك يترك....

انا تعبت

أخوي the Light
طول بالك شوي .... الاخوية اكبر من شخص يترك او ما يترك ...
مع كل احترامي لكل ياللي تركوا ... بقولكم الاخوية باقية ورح تضل ...
وأنا بالنسبة ألي اذا خربت كمان ...
مستعد اقعد على أطلالها وما بترك ....

TheLight

11/09/2006, 20:55

انا يللي حكيتو وكتبتو هو يللي عم حس فيه وبعتقد انو الكل عندهن نفس الشعور وما بيحبو انهن يتركو
وصحيح انو الاخوية جماعة ومو بس واحد بس اكيد ما فينا نمنع حالنا انو نزعل بس نخسر شخص كنا نحبو ونحترمو باخوية

tiger

11/09/2006, 21:06

انا يللي حكيتو وكتبتو هو يللي عم حس فيه وبعتقد انو الكل عندهن نفس الشعور وما بيحبو انهن يتركو
وصحيح انو الاخوية جماعة ومو بس واحد بس اكيد ما فينا نمنع حالنا انو نزعل بس نخسر شخص كنا نحبو ونحترمو باخوية
أكيد أنا معك ...
لكن نحن الباقيين لازم نحاول نحسن الوضع حتى بيوم من الايام نقدر نرجع نكسب هالاشخاص هدول ...
بعدين ..... مين ترك كمان?!!! ...:? :shock: :cry:

TheLight

11/09/2006, 21:21

أكيد أنا معك ...
لكن نحن الباقيين لازم نحاول نحسن الوضع حتى بيوم من الايام نقدر نرجع نكسب هالاشخاص هدول ...
بعدين ..... مين ترك كمان?!!! ...:? :shock: :cry:

مبدئيا ما حدا ترك
بس قلبي قامطني

Nirvana

11/09/2006, 21:31

مبدئيا ما حدا ترك
بس قلبي قامطني

وانا كمان ..

sezar

11/09/2006, 21:53

آخ على أخوية طارق و عاشق من فلسطين
وين أخوية جوي و ياس و كريم
أخوية أطرميز زيتون و منية و زين
ليلى و سويت بيبي و Godfather
و ين أخوية بلو أيز و تربل ميكر
و و و نسيت كتير أسماء بعتذر

بس مع ذلك
بطلع هلأ لك بشوف نيرفانا و بشوف gazeta
بشوف tiger و و امراة من ورق
الحقيقة في كتير اسماء بس ما حسنت احصر مخي

تحية لكل من يستحقها :D

و تحية للجانب المحتل من أخوية ( Tarek007 و عاشق من فلسطين و to live or to day و ابو النسيم ) و غيرهم :D

Government

11/09/2006, 22:03

شووووووو يعني نحن الأعضاء الجداد مو عاجبينكن:pos: :pos: :pos:

Nirvana

11/09/2006, 22:07

آخ على أخوية طارق و عاشق من فلسطين
وين أخوية جوي و ياس و كريم
أخوية أطرميز زيتون و منية و زين
ليلى و سويت بيبي و Godfather
و ين أخوية بلو أيز و تربل ميكر
و و و نسيت كتير أسماء بعتذر

بس مع ذلك
بطلع هلأ لك بشوف نيرفانا و بشوف gazeta
بشوف tiger و و امراة من ورق
الحقيقة في كتير اسماء بس ما حسنت احصر مخي

تحية لكل من يستحقها :D

و تحية للجانب المحتل من أخوية ( Tarek007 و عاشق من فلسطين و to live or to day و ابو النسيم ) و غيرهم :D

ومنشوف سيزار مختارنا .. مختار الشعب ..:D

Nirvana

11/09/2006, 22:10

شووووووو يعني نحن الأعضاء الجداد مو عاجبينكن:pos: :pos: :pos:

بالعكس .. أنا اساسا جديدة .. صرلي 3 أشهر بس..

هلا هيك فهمت الموضوع .. المهم الجوهر مو مهم جديد أو قديم ..

المهم ترجع اخوية .. أخوية ..

Gazita

11/09/2006, 22:34

أكيد ما بننساكي .. :D
:mimo: :mimo: :mimo: :mimo:

Government

11/09/2006, 22:37

بالعكس .. أنا اساسا جديدة .. صرلي 3 أشهر بس..

هلا هيك فهمت الموضوع .. المهم الجوهر مو مهم جديد أو قديم ..

المهم ترجع اخوية .. أخوية ..

بصراحة الموضوع بفوت بالحيط
ونا فهمي دبق على ادو يعني :p

:D :D :D

Gazita

11/09/2006, 22:40

آخ على أخوية طارق و عاشق من فلسطين
وين أخوية جوي و ياس و كريم
أخوية أطرميز زيتون و منية و زين
ليلى و سويت بيبي و Godfather
و ين أخوية بلو أيز و تربل ميكر
و و و نسيت كتير أسماء بعتذر

بس مع ذلك
بطلع هلأ لك بشوف نيرفانا و بشوف gazeta
بشوف tiger و و امراة من ورق
الحقيقة في كتير اسماء بس ما حسنت احصر مخي

تحية لكل من يستحقها :D

و تحية للجانب المحتل من أخوية ( Tarek007 و عاشق من فلسطين و to live or to day و ابو النسيم ) و غيرهم :D
احلى سيزار مافي منك :D :D
والحرية لشباب اخوية انشا الله يرجعو وينورو المنتدى بمشاركاتهم ونتشرف بمواضيعهم.وانشا الله نطمن عليهم وعلى كل شخص صارلو زمان ما دخل اخوية متل ما ري سو ......................

Reemi

11/09/2006, 22:46

ما تركتولي شي احكي...تعدموني...:pos:
اخوية عباره من ملجأ.... اي ملجأ... هداك اليوم كنت فقاعانه وطاقه روحي...شو عملت فتت كزدرت باخوية..حكيت مع رفقاتي حششنا شوي تناقشنا بالمنبر.... صارت اخوية البلد الغايب... صارت اخوية...صورة مصغرة عن البلد....
اخوية هيي المكان الي عرفني بجد انه في اختلافات كتير كبيره بين البشر لدرجة اني ما بقدر احصرها وقول في نوع كذا ونوع كذا...اخوية عرفتني ع عالم ما بيتعوضوا...عرفتني ع اخواتي... اخوية كانت وما زالت تأنسني بوحدتي... هيي كانت اول حدن بوقف معي عند الازمة...
اخوية زمان من شهر 12-2005 غير اخوية هلا ..بتذكر اول رد الي باخوية كان علقة وقتاله مع حسون ... ومع ابو النسيم كمان (حسب ما بذكر)..يا ويلاه وقتها شو عصبت...(كه كه)..بس بعدين صارت عادي...تعلمنا كتير اشيا وتفتحت عيونا ع اشيا اكتر...:D

Spector

11/09/2006, 22:50

الحل معروف اخواتي ...... :pos:

ابيض بياض البيض :pos:

انا يلي ماصرلي شهر بالموقع هاليومين مالل منو

الحل معروف . نقطة انتها :D

Spector

11/09/2006, 22:52

ما بدي احكي يلي بقلبي منشان الاصدقاء و الاعداء :D

سكرناه :D

blade

12/09/2006, 00:32

عزيزتي نيرفانا قد ماكتبتي وقد ماشرحتي اخوية مالها رح ترجع متل زمان بتعرفي ليش لانه لايصلح العطار ما افسده الدهر انا عم اكتب هادا الحكي لانه بعرف اخوية من ايامها الاولى من ايام الكينك رورو و الرفاعي وطارق ودياب سرية ووووو الخ الشباب
وحتى في عندك شاهد على هديك الايام هو ابو نهلة خلي يحكيلك عنها
هديك الايام كان الواحد ينتظر الرد على نار اما هلق كل الردود مشان زيادة عدد المشاركات مو اكتر يعني كم بلا نوع
وعلى قولة العزيز دياب
دمتم لل....

Nirvana

12/09/2006, 10:53

عزيزتي نيرفانا قد ماكتبتي وقد ماشرحتي اخوية مالها رح ترجع متل زمان بتعرفي ليش لانه لايصلح العطار ما افسده الدهر انا عم اكتب هادا الحكي لانه بعرف اخوية من ايامها الاولى من ايام الكينك رورو و الرفاعي وطارق ودياب سرية ووووو الخ الشباب
وحتى في عندك شاهد على هديك الايام هو ابو نهلة خلي يحكيلك عنها
هديك الايام كان الواحد ينتظر الرد على نار اما هلق كل الردود مشان زيادة عدد المشاركات مو اكتر يعني كم بلا نوع
وعلى قولة العزيز دياب
دمتم لل....

يا ريت يمشي الحال لو شوي .. مو أكتر..
وأكيد ما حدا بيقدر يعبي مكان حداا....

ويا ريت انت وأبو نهلة وغيركم تحكولنا عن أيام الأخوية بشي موضوع .. ولو انو فعلا المكتوب مبين في أطلال أخوية ..

tiger

12/09/2006, 12:41

مبدئيا ما حدا ترك
بس قلبي قامطني

سلامة قلبك خيو ...:D

tiger

12/09/2006, 12:46

الاخوية هي الشباك ياللي بفتحو كل يوم لاشوف منو الوطن ....

لاوديسا

12/09/2006, 12:53

الاخوية هي الشباك ياللي بفتحو كل يوم لاشوف منو الوطن ....

لك والله تشبيه اكتر من صحيح بيعبر عن حالتنا هون بهالغربة

كاليمارو

12/09/2006, 12:57

انا بحترم رايك وإلى الامام دايماً يا اخت نيرفانا:D

Nirvana

12/09/2006, 12:58

انا بحترم رايك وإلى الامام دايماً يا اخت نيرفانا:D

شكرا الك .. :D

marioma alghzayala

12/09/2006, 12:58

اخوية هيي اخوية ... بس للاسف مو الكل عرفانين شو معناتو ....

blade

12/09/2006, 18:11

ا ريت يمشي الحال لو شوي .. مو أكتر..
وأكيد ما حدا بيقدر يعبي مكان حداا....

ويا ريت انت وأبو نهلة وغيركم تحكولنا عن أيام الأخوية بشي موضوع .. ولو انو فعلا المكتوب مبين في أطلال أخوية ..
يا عزيزتي مافي داعي انه انا او غيري يكتب بكل بساطة روحي على الارشيف وشوفي بعينك الفرق الواسع بين ايام اخوية الاولى وبين القرف والمواضيع المسخرة تبع هي الايام باستثتاء البعض طبعا
زمان كان في شئ اسمه حوار الاديان اما الان وعلى قولة سيزار صار صراع التيران زمان كان في رقي بالتعامل و كانت الحجة والاسلوب موجودين وكان مافي رد يخلو من دليل علمي او واقعي اما الان فجميع الردود عبارة عن صف حكي وغزل اولاد صغار
او رد لمجرد تسجيل مشاركة واثبات وجود
رح احكيلك قصة وشوفي مع اي نوع بشر عم نتعامل طبعا برجع وبعيد باستثناء البعض
بزماناته ياسيدتي الكريمة لطشنا موضوع من موقع عرب تايمز وحطينا هون وبلشنا النقاش فيه وبعد شوي بيجي احد الاعضاء وبيبيض التالي انه موقع لامصاقية له و هو موقع كذا وكذا خرب الدنيا عاليها واطيها مع العلم اذا بتنظري اليوم لمواصيع هذا العضو فجميعها من موقع عرب تايمز و لكن بدون الاشارة الى الموقع لانه حابب ياخد بياض الوج شغيل ين امه عليه ومن هل المقياس قيسي

فراشة

01/12/2006, 07:58

اسفة كتير على النكش
بس وائل خلاني ارجع دور على مواضيع نيرفانا ..ولقيت هالموضوع المميز
كل اللي حكو هون قالو كلام رائع وخاصة نيرفانا وذا لايت

اسفة مرة تانية :oops:

:D :D

Spector

01/12/2006, 08:13

مبدئيا ما حدا ترك
بس قلبي قامطني

انسان عبقري بجدارة حسون
شكرا لنكش هالموضوع يسلمو انامليك يا فراشة :D

وائل 76

01/12/2006, 08:31

اسفة كتير على النكش
بس وائل خلاني ارجع دور على مواضيع نيرفانا ..ولقيت هالموضوع المميز
كل اللي حكو هون قالو كلام رائع وخاصة نيرفانا وذا لايت

اسفة مرة تانية :oops:

:D :D

معقول فراشة وصلنا لهون ؟؟؟؟؟
ما باقي فينا حدا قادر يكتب شي يجمعنا ؟؟؟؟؟؟؟
معقول وصلت فينا الامور لننكش المواضيع القديمة و نعيش بس على ذكرى الايام الحلوة هون باخوية ؟؟؟
كنت عارف انو نحنا ضعاف وما بنقدر نحتفظ بشي بنحبه بس ما كنت متخيل انو ضعفنا وصل لهون !!!!!!!!!!!!:cry:

The morning

01/12/2006, 08:41

اسفة كتير على النكش
بس وائل خلاني ارجع دور على مواضيع نيرفانا ..ولقيت هالموضوع المميز
كل اللي حكو هون قالو كلام رائع وخاصة نيرفانا وذا لايت

اسفة مرة تانية :oops:

:D :D
اي فراشه و انا هيك صار معي ...
هي لفتتلي انتباهي قبل بس انو مو قد هالمره ...... ;-)
:mimo: هي لnirvana
و هي الك فراشه:mimo:
:D و هي لوائل ........ :lol:

nour333

27/03/2009, 09:51

كان عبالي نحكي بشي غير هالموضوع .. بس هوي هوي ما في غيرو ..
كيف بدو يكون في غيرو وهو على حالو ما تغير فيو شي ..
شو في ببالكم شي نعملو ..
بنحط ايدنا بايد بعض .. ولا نكمل خناق ..
صار الكل على الباب واقف رجل ورا ورجل قدام .. نصو بقول شو دخلني خليها تخرب ونصو التاني بقول خلينا ..أخوية منيحة .. منشوف شو رح يصير ..

انا عملت لفة لا بأس بها بالأخوية وعرفت كيف كان مستواها .. وجد شي بيرفع الراس، وجد حلو انو في ناس هالقد فهمانة، وما تفهموني غلط بس جد رائع انو في ناس حتى اعتقلوها كانو اعضاء هون .. راح تستغربو .. بس انا بقلكم ليش .. اذا اعضاء متل هيك صادقين مع انفسهم واصحاب مبدا ورأي كانو يشاركو بأخوية .. اذن اخوية كانت شي حقيقي ... مو بس صف كلام ..

يا ريت كلنا نقدر نكون صادقين وأصحاب مبادئ وبشر مرتبطين مع اللي حولينا ومو منعزلين ومنفصلين.. نقدر ندافع عن اللي النا بفكرنا بعملنا بانتاجنا .. وأكيد مو بالمشاكل والسب ..

ما تقللو من قيمة النت .. هالموقع فيو يعمل كتير وخصوصا انو موقع كبير وشامل كما ومضمونا ومو سهل أبداً .. وعلى الأقل نحنا نوحد جهودنا ليبقى هالموقع نضيف ومرتب وعلى مستوى.
وما رح احكي عن أبعاد تانية يمكن بهمني احكي فيها بس مو وقتها..

عفكرا مو لازم يكون كل شي سياسة وادب وثقافة بس .. حلو يكون في كمان أخبار الفنانين والرياضة والسقيفة والصالون وكل شي ... بس كمان نحترم كل قسم منهم ..

وفينا نحترم بعضنا شوي أكتر يعني بلا ما كل واحد ماشي على جبينو مكتوب .. مسيحي مسلم ... سوري سعودي .. سني شيعي .. الخ ..
ويا أخي الرد اللي مو عاجبك اعمل حالك مو شايفو .. انا بعرف الواحد بعصب وبيستفز وانا كمان هيك .. بس نحاول على الأقل .. ونحاول ما نتلفظ بالقليلة ألفاظ ما بتناسب المكان ..

بعدين في المواضيع هاي اللي فيها اشتباكات، بكون في واحد ما بعرف من وين جاي .. وبكون في اعضاء محترمين من اخوية .. يا جماعة الأخوية المحترمين ما تنزلو مستواكم لتردو على هالأشخاص .. لانو بالنهاية اللي رح يحس مو هني .. اللي راح يحس هني اعضاء الأخوية .. اخوتكم التانيين ..

حبيت أشاركم هالفكرة .. يمكن تلاقي قبول وايجاب عندكم .. لنقدر نركز باخوية مو بالخناق مع ناس أساسا ما بتهمهم الأخوية ..
يعني الفكرة من نكوشتي لهالموضوع انو كل يوم بنقول وين ايام اخوية وشو صار بحال اخوية ويا ترى من هون لل 2015 شو رح يصير بحال اخوية وهل اخوية بتمشي للأسوأ ام الاعضاء ببالغو لأنن بحنو للماضي

leonardo_dicabreo

27/03/2009, 10:05

يعني الفكرة من نكوشتي لهالموضوع انو كل يوم بنقول وين ايام اخوية وشو صار بحال اخوية ويا ترى من هون لل 2015 شو رح يصير بحال اخوية وهل اخوية بتمشي للأسوأ ام الاعضاء ببالغو لأنن بحنو للماضي
انتي عندك خبر انه هالموضوع صارله 3 سنين ! ! :?

بالنسبه لسؤالك 2015 , موت يا حمار ! ! :o

هلا احنا ممكن نلاقي ساعه نستخدم فيها الي ما يتسما (النت) بس بكره

مو رايحين انلاقي دقيقه عشان نستخدمه ! ! :pos:

قال 2015 قال ! ! :sick:

هاموش: في رد من الردود للمشرف GOVERNMENT ارجعي واقرأيه

بعاتب فيه nervana يوميها كان لسه يا

دوب ! ! :p

:Dتحياتي:D

nour333

27/03/2009, 10:34

انتي عندك خبر انه هالموضوع صارله 3 سنين ! ! :?

بالنسبه لسؤالك 2015 , موت يا حمار ! ! :o

هلا احنا ممكن نلاقي ساعه نستخدم فيها الي ما يتسما (النت) بس بكره

مو رايحين انلاقي دقيقه عشان نستخدمه ! ! :pos:

قال 2015 قال ! ! :sick:

هاموش: في رد من الردود للمشرف GOVERNMENT ارجعي واقرأيه

بعاتب فيه nervana يوميها كان لسه يا

دوب ! ! :p

:Dتحياتي:D

مو هيك القصة بس اوقات بتحضر فيلم بالابيض والاسود يعني بالخمسينات بكونو يتحسرو ع الماضي وكيف الناس هالايام
بس انا بقول بدل ما نتحسر ع الماضي او نمرض واحنا بنفكر بمستقبلنا ليه ما نعمل شي للحاضر ونعيشو بالمعنى الحقيقي
انا متلا الصبح بفوت ع اخوية بكون دور ع مواضيع قوية للمناقشة صار صعب كتير تلاقي هيك مواضيع بجوز الافكار كلها استهلكت وما عاد في شي جديد بس انا بتمنى فوت واتحير بشو بدي بلش من كتر الشغلات لجديده وبلك بيطلع معك شي جديد

متمردة

27/03/2009, 17:43

لما قريت الموضوع أول مرة ما انتبهت عالتاريخ ، وما استغربت ولا حسيتو مكتوب من ال 2006
لأنو هاد الشي اللي عم يصير هلأ !! ب 2009 !!

اذا كانت أخوية بالنسبة للمتغربين هيه مكان للجوء إلى الوطن ، فهي بالنسبة الي- اللي عايشة بقلب الوطن- مكان للهروب من الوطن..
وما بتخيل في فرق بيناتنا

بس النقطة المشتركة ..انو أخوية هيه مكان لكلانا

للأسف مؤخراً ، من بعد حجب الموقع ، حسيت انو الموقع مغير ..صاير بيشبه المواقع التانية شوي من بعد ما كان مختلف 100% ، لكن من الخارج فقط .!!
أنا عم بحكي هالكلام لأني بحب أخوية ..وما بحب أي شخص ما بيعرف شو يعني أخوية انو يدنس الموقع .
بس هيك عم يصير
حاولت عزي حالي واقنع حالي انو هي فترة قصيرة وبتعدي ..بعدين رح يرجع الموقع متل ما كان .
وعلى قولة جبران " إن أدران الجسد لا تلامس النفس النقية" ..ما بعرف شو دخل هالقول ..بس هيك حسيت
حسيت انو أخوية نقية من الداخل ..
واللي خلاني حس هالإحساس هني مؤسسين الموقع ، والكادر الإداري كلو

هي هيه !!
وأدران الجسد هني الأعضاء اللي ما بيعرفو قيمة أخوية وشو هيه
والجسد هو.....أخوية!

قلبتها قواعد واستعارات

اوك ..
أنا شخصياً ما فيني غير رأيي بأخوية
ورح تضل بنظري المثال لكل المواقع السورية !!
وأفضلهم على الإطلاق !!

أخوية ما رح تتغير:tears: ..لأنو بذرتها صالحة
أخوية رح تضل متل م هيه ..والبذرة الغير صالحة ..إما رح تصير صالحة أو رح تموت !

ويحيا الحشيش :7asheesh:
والسلام عليكم ورحمة سعدو وبركاتو

BL@CK

27/03/2009, 21:28

للأسف مؤخراً ، من بعد حجب الموقع ، حسيت انو الموقع مغير ..صاير بيشبه المواقع التانية شوي من بعد ما كان مختلف 100% ، لكن من الخارج فقط .!!
أنا عم بحكي هالكلام لأني بحب أخوية ..وما بحب أي شخص ما بيعرف شو يعني أخوية انو يدنس الموقع .
بس هيك عم يصير
حاولت عزي حالي واقنع حالي انو هي فترة قصيرة وبتعدي ..بعدين رح يرجع الموقع متل ما كان .
وعلى قولة جبران " إن أدران الجسد لا تلامس النفس النقية" ..ما بعرف شو دخل هالقول ..بس هيك حسيت
حسيت انو أخوية نقية من الداخل ..
واللي خلاني حس هالإحساس هني مؤسسين الموقع ، والكادر الإداري كلو

يتميّز موقع أخوّية عزيزتي بوجود نسبة من السورييّن النخبوييّن . (النخبة) , كرأي شخصي بحت موقع أخوية يتميّز بهاي النخبة شاء الكل أم أبى .

لما منكون بدائرة فيا خمس موظفين أربعة شرفاء و واحد إبن حرام رح يكون عمل هالدائرة نظامي 100 % أم لما بصير عدد الموظفين 100 و نفس الاربعة الشرفاء رح تطلع معاملة من بين كل ألف نضيفة , يوم ورا يوم رح يبدو يطفشو الشرفاء بهالدائرة .. و يبقو تلاتي , بس لح نوصل ليوم يصيرو الكل شرفاء .

على هازا فيكي تسقطي المثال السابق على موقع أخوية سوريا . و السلام ختام

Nassima

28/03/2009, 01:53

بس النقطة المشتركة ..انو أخوية هيه مكان لكلانا
للأسف مؤخراً ، من بعد حجب الموقع ، حسيت انو الموقع مغير ..
أنا عم بحكي هالكلام لأني بحب أخوية ..وما بحب أي شخص ما بيعرف شو يعني أخوية انو يدنس الموقع .

عني أنا حسيت روحي ضايعه ما الي مكان غير الأخوية حتى النت ما كان الو لزمه بلاها.

اوك ..
أنا شخصياً ما فيني غير رأيي بأخوية
ورح تضل بنظري المثال لكل المواقع السورية !!
وأفضلهم على الإطلاق !!

الأخوية غير كل المواقع و المنتديات أنا بعتبرها موسوعه لكل شيء
مع اني ما بعرف فيها حدا بس بنفس الوقت بشتاق لكل حد فيها و بتونس بالردود مع اني مش أنا صاحبت الموضوع بزعل لزعل أفرادها و بفرح لفرحهم حتى اني لما قريت الموضوع مابعرف ليش .....و الله اني بكيت.
أخوية ما رح تتغير:tears: ..لأنو بذرتها صالحة
أخوية رح تضل متل م هيه ..والبذرة الغير صالحة ..إما رح تصير صالحة أو رح تموت !
ما في شك في هالكلام و ان شاء الله دايمة هالأخوية كره من كره و أحب من أحب ان شاء الله ترجع مثل مكانت لأنو في ناس هون بجد بجد بيحبوكي :sosweet: .

ويحيا الحشيش :7asheesh:
و يحيا الحشيش:larg:

تحياتي لكل أفراد الأخوية و ان شاء الله بنفرح برجوع الغايبين و بنتشرف بمعرفتهم نحنا كمان

الحب حياة

29/03/2009, 00:41

ليش رح تتركينا بعد شي 20 يوم ؟؟

حتى اذا رحتي ذكراكي بأخوية باقية لين ما ترجعي تتطلي ..

تحياتي إلك ..:hart:
:cry: :cry: :cry:
امبارح دمعو عيوني لما اتذكرت انو فاضلي 20 يوم وانقطع فترة طويلة عنكم:tears:
بقى افتكروني:cry:

الاء النور

29/03/2009, 02:58

خيو انا جزائرية بس انا بسوريا هلا عم ادرس بالجامعة وصح بحس انو ناس اخوية فهمانة وعم تحكي صح لهيك اشتركت وحبيت سوريا اكثر من خلال هذا المنتدى

Nay

29/03/2009, 09:42

يتميّز موقع أخوّية عزيزتي بوجود نسبة من السورييّن النخبوييّن . (النخبة) , كرأي شخصي بحت موقع أخوية يتميّز بهاي النخبة شاء الكل أم أبى .

لما منكون بدائرة فيا خمس موظفين أربعة شرفاء و واحد إبن حرام رح يكون عمل هالدائرة نظامي 100 % أم لما بصير عدد الموظفين 100 و نفس الاربعة الشرفاء رح تطلع معاملة من بين كل ألف نضيفة , يوم ورا يوم رح يبدو يطفشو الشرفاء بهالدائرة .. و يبقو تلاتي , بس لح نوصل ليوم يصيرو الكل شرفاء .

على هازا فيكي تسقطي المثال السابق على موقع أخوية سوريا . و السلام ختام

مزبوط بلاك.. هلق نخبويين كلمة مبالغ فيها حتى بأفضل حالات اخوية.. ممكن برأيي نقول متميزين او منفتحين او متحريين..
بس المشكلة انو برايي مافي اشراف حقيقي على الموقع.. وانا بحس لما بينزل موضوع جدي وعميق في ناس كتير بتخجل تحط فيو رد اذا ما كان على مستوى الموضوع..
وبالاخوية صار مد بشري وكترو الاعضاء على حساب النوعية.. والحل سهل بالنسبة لصاحب الموقع بس هوي مبسوط بالوضع او مو فرقانة معو على الاغلب

BL@CK

29/03/2009, 09:48

مزبوط بلاك.. هلق نخبويين كلمة مبالغ فيها حتى بأفضل حالات اخوية.. ممكن برأيي نقول متميزين او منفتحين او متحريين..
بس المشكلة انو برايي مافي اشراف حقيقي على الموقع.. وانا بحس لما بينزل موضوع جدي وعميق في ناس كتير بتخجل تحط فيو رد اذا ما كان على مستوى الموضوع..
وبالاخوية صار مد بشري وكترو الاعضاء على حساب النوعية.. والحل سهل بالنسبة لصاحب الموقع بس هوي مبسوط بالوضع او مو فرقانة معو على الاغلب

فينا نعتبرون نخبة من بين الأعضاء اللي هون , مانا قضية بس هازا الحل السهل البسيط الممتنع إلنا ست سنين و ستاوتلاتين يوم عم نفكر ودبحنا بعض ما عما يطلع معنا حل سهل بسيط ,

فا يستر عالملايكي وشوشيني هيك بيني و بينك شو هوي ..

Nay

29/03/2009, 09:58

المشكلة انو الكل يا بلاك لكل امزعوجين الا صاحب القرار مو فرقانة معو حتى مالو متنازل يورجينا وجهو.. مع فائق احترامي ومحبتي لانو هوي اللي اهدانا الاخوية .. يعني حتى لو ضلينا نحكي من هلق لعشر سنين ونلاقي حلول وصاحب القرار ما عم يتحرك.. ما رح يصير شي..