-
دخول

عرض كامل الموضوع : تخفيض مدة الخدمة العسكرية بسوريا لأقل من عام

mick75
10/09/2006, 18:10
من المعروف أن كثيراً من الدول لم تعد تتبع الأسلوب التقليدي في الجيش لانه أثبت فشله ، فها هي روسيا
( وريثة الاتحاد السوفيتي ) خفضت مدة الخدمة لسنة و مع ذلك زادت قوة جيشها بعد أن عملت الزيادة الهائلة في العدد لخلق أورام سرطانية في جسده أضعفته بشكل كبير ، و كذلك الأمر العديد من الدول ، فرنسا كندا ، الولايات المتحدة ، التي أدركت أن العبرة ليست بالعدد .
فإذا كانت تلك الدول الغنية توفر تلك الأموال الهائلة لتصرفها على التنمية و تطوير اقتصادها و مجتمعها ، فما بالنا
نحن في سوريا و هذه المدة الكبيرة و أعبائها الباهظة على الاقتصاد السوري ، و معظمها يذهب هدراً ..
إطعام و هدر و محروقات و سيارات و غيرها ..
و حتى جيراننا في لبنان خفضوا مدة خدمة العلم كما سمعت لبضعة أشهر ، فلماذا لا يتم اتخاذ قرار بتخفيض مدة الخدمة و تحويل تلك الاموال إلى مستلزمات التنمية ...
جيش لا عمل له سوى النوم في الهنغارات
و ضباطه و أبناؤهم يستنزفون 70% من ميزانية البلد و يسرقون و ينهبون مقدرات البلد ..
و إذا سألت لماذا لا يتم تخفيض مدة الجيش لأقل من سنة
أسوة بلبنان الجواب واضح (( إضرار بالمصلحة الشخصية و ليس الوطنية للكثيرين ))
سمعت أن قرار التخفيض البدائي العام الماضي كان لحدود سنة أو سنة و نصف لكن الجنرالات الذين أثروا بفضل تظبيط الفرز و بنوا القصور و الفيلات و الآلاف غيرهم الذين يعتاشون من جنود تحولوا لعبيد سيخسرون شخصياً أما الوطن لن يخسر بل يستفيد من تخفيض المدة ..
و الغريب أنه في كل بلدان العالم الجامعي كلما علت شهادات الجندي الثقافية قلت الخدمة ...
فهل ممكن لمن درس الماجستير او الدكتوراه أو يخدم مثل المجند اما في بلدنا فالكثيرون سحبوا من المطار إلى قطع عسكرية ليتمموا الدورة و ينبطحوا أمام مجندين لا يفقهون ما هو الحرف ..
أليس من الأفضل تسهيل دفع البدل و تخفيض مدة الجيش و تحسين أوضاع الجنود و معاشاتهم و إمدادهم بمعدات بدل العدد السرطاني الذي لا داعي له ؟؟
هل من الممكن أن يفكر أولي الامر بطريقة عملية و أنا واثق أن الجيش سيشتد عوده و يقوى لو اتخذ هذا الإجراء و زدنا النوعية على حساب الكمية ..
Nirvana
10/09/2006, 18:19
يا ريت يخفضوها عندكم!!!!!!

نحنا عنا متوقفة ..
Reemi
10/09/2006, 18:22
انا مع خدمة الجيش.....:D :D :D
leoprad
10/09/2006, 18:27
انا مع خدمة الجيش.....:D :D :D
قال اللي ايدو بالمي مو متل اللي ايدو بالناررررررررررر
Reemi
10/09/2006, 18:30
قال اللي ايدو بالمي مو متل اللي ايدو بالناررررررررررر
ههههههههههههه ما لهيك انا معها.....:yahoo:
leoprad
10/09/2006, 18:32
ههههههههههههه ما لهيك انا معها.....:yahoo:
اذا انتي معها كل هالقد روحي اتطوعي بالكلية الحربية للبنات
mick75
10/09/2006, 18:46
انا مع خدمة الجيش.....:D :D :D

مين قلّـك نحنا ضدها نحن عم نقول تخفيضها و جعلها لخدمة الوطن
مو لخدمة الضباط و استعباد البشر للعمل في مزارع وبيوت الضباط
و توصيل بناتهم و أبنائهم للجامعات و السهرات و المطاعم و الكوافير
غير البربرية و السرقات و هدر بحر البنزين الذي لا يستفيد منه
أحد سوى أن الجيب واز تبتلعها و ترميها دخاناً أسود ..
فلاش باك
10/09/2006, 21:35
و الغريب أنه في كل بلدان العالم الجامعي كلما علت شهادات الجندي الثقافية قلت الخدمة ...
فهل ممكن لمن درس الماجستير او الدكتوراه أو يخدم مثل المجند اما في بلدنا فالكثيرون سحبوا من المطار إلى قطع عسكرية ليتمموا الدورة و ينبطحوا أمام مجندين لا يفقهون ما هو الحرف ..



مين قال هالحكي هاد

ليش مابتعرف انو الجامعيين بروحو ملازمين مجندين

بعدين في شي اسمو التدريب الجامعي وهاد بيختصر مدة الجيش 6 اشهر يعني بعد القرار الجديد صارت خدمة الجامعي سنة ونصف
وكمان مين يلي قلك انو جماعة الماجستير والدكتوراه والجامعيين بينبطحو قدام المجندين ,هادا الحكي غلط مو مزبوط بنوب
بعدين عم تشبهلي لبنان يلي محافظة حمص ئدها اذا مو اكبر منا بسوريا بعدين حتى بلبنان لمعلوماتك الخدمة صارت مو الزامية تطويع يعني بعدين شفناه بعينا شو عمل بالحرب الأخيرة

هلئ بحكيك في كلام صحيح محدا فينو ينكرو وفي فساد كمان بالجيش مزبوط بس هادا هالحكي مافيك تعممو على كلشي
فلاش باك
10/09/2006, 21:54
مين قلّـك نحنا ضدها نحن عم نقول تخفيضها و جعلها لخدمة الوطن
مو لخدمة الضباط و استعباد البشر للعمل في مزارع وبيوت الضباط
و توصيل بناتهم و أبنائهم للجامعات و السهرات و المطاعم و الكوافير
غير البربرية و السرقات و هدر بحر البنزين الذي لا يستفيد منه
أحد سوى أن الجيب واز تبتلعها و ترميها دخاناً أسود ..

عزيزي انت هون عم تخلط كتير امور ببعضها

يعني شي عم تحكي على السرقة وشي عم تحكي على الاستعباد

خليني بلش بالاستعباد تبعك
يعني وين المشكلة اذا المجند اشتغل شوفير ؟
بكل بلد موجودة هالخدمة او هالمصلحة يعني بدك الضابط مثلا يلف يودي ولادو على المدارس والجامعات ؟
واذا اخد ابن الضابط السيارة العالم بتحطو على خشبة الشريط

ولا حتى اذا راح اشتغل بالمزرعة وين المشكلة ؟ اصلا بالعكس بطير عقلو من الفرح بكون خلص من موضوع الخدمة الميدانية وببطل يطلع حرس كل 4 ساعات ...........الخ

ومع احترامي لكل الناس بس انو هادا المجند يلي مامعو صف سادس كتير خايف على مشاعرو الحساسة
بعدين اسأل اي مجند يوم بالجيش بسألوه بتعرف تسوق بقلن ايه مع انو يمكن بحياتو مو قاعد ورا دركسيون وعندو حلم حياتو يسوق ولو لمرة وحدة وهادا الحكي عم قلك ياه من واقع انا شفتو بالجيش

أما موضوع هدر البينزين والجيب واز معك حق فيه 100%
Reemi
10/09/2006, 22:37
مين قلّـك نحنا ضدها نحن عم نقول تخفيضها و جعلها لخدمة الوطن
مو لخدمة الضباط و استعباد البشر للعمل في مزارع وبيوت الضباط
و توصيل بناتهم و أبنائهم للجامعات و السهرات و المطاعم و الكوافير
غير البربرية و السرقات و هدر بحر البنزين الذي لا يستفيد منه
أحد سوى أن الجيب واز تبتلعها و ترميها دخاناً أسود ..
بعدين اسأل اي مجند يوم بالجيش بسألوه بتعرف تسوق بقلن ايه مع انو يمكن بحياتو مو قاعد ورا دركسيون وعندو حلم حياتو يسوق ولو لمرة وحدة وهادا الحكي عم قلك ياه من واقع انا شفتو بالجيش



ردا ع كلامكن انتو الاتنين... :D
في عنا شب هون ما صارلوا زمان رايح ع العسكرية ... مشرف قد الدنيا zen عم ينزل ع بيته كل اخر اسبوع فانا واياه عم ندردش شوي...يا زلمة قاعد اخر رواق ... وحاليا عم يعلموهن لغات كمان (يا شباب زين صار بيعرف يحكي عبري)...ولسا في كتير..وانا راح طالبه لابو الزوز ردا ع كلامك هاد انه يحط موضوع خاص عن خدمته بالجيش..مشان نشوف كيف صارت الخدمه العسكرية ببلدنا...يعني ما بقى لا مقت ولا تعذيب ولا كسر نفسيات ... غير اذا بدك تفتح دفاتر قديمة...!!.

أما موضوع هدر البينزين والجيب واز معك حق فيه 100%
ما فهمت عليكن؟
Nirvana
10/09/2006, 22:39
ردا ع كلامكن انتو الاتنين... :D
في عنا شب هون ما صارلوا زمان رايح ع العسكرية ... مشرف قد الدنيا zen عم ينزل ع بيته كل اخر اسبوع فانا واياه عم ندردش شوي...يا زلمة قاعد اخر رواق ... وحاليا عم يعلموهن لغات كمان (يا شباب زين صار بيعرف يحكي عبري)...ولسا في كتير..وانا راح طالبه لابو الزوز ردا ع كلامك هاد انه يحط موضوع خاص عن خدمته بالجيش..مشان نشوف كيف صارت الخدمه العسكرية ببلدنا...يعني ما بقى لا مقت ولا تعذيب ولا كسر نفسيات ... غير اذا بدك تفتح دفاتر قديمة...!!.


ما فهمت عليكن؟

بس ريمي انت ناسية انو اللي بيعمل عسكرية ما فيو يطلع من البلد طول مدة خدمتو .. يعني بيتقطع قلبي .. :cry:
Reemi
10/09/2006, 22:42
بس ريمي انت ناسية انو اللي بيعمل عسكرية ما فيو يطلع من البلد طول مدة خدمتو .. يعني بيتقطع قلبي .. :cry:
اهااااااااااااااااااااااا اااا .... لك انتي عيوني... :o
هاتي اسمه الثلاثي و وين مفروز....وبخليه يخدم بالاردن..8) ;-) .
شو بدك اكتر من هيك....:king:

(بعدين ما تروحي انتي ع سوريا:pos: - بنشيلك بعيونا-:hart: )
Nirvana
10/09/2006, 22:45
اهااااااااااااااااااااااا اااا .... لك انتي عيوني... :o
هاتي اسمه الثلاثي و وين مفروز....وبخليه يخدم بالاردن..8) ;-) .
شو بدك اكتر من هيك....:king:

(بعدين ما تروحي انتي ع سوريا:pos: - بنشيلك بعيونا-:hart: )

لساتو بس شكلو قريباً .. :cry:

بعرفك قدها .. ما بتقصري .. :gem:

بنزل .. ويمكن قريباً .. :clap: وبعدين لو بصحلي بقيم هناك كمان .


ومشان ما نغير الموضوع ونطلع برات الطريق.. بليز خفضولنا مدة الخدمة .. ;-)
Reemi
10/09/2006, 22:47
بليز خفضولنا مدة الخدمة
قديش بدك اياها؟؟؟ انت امرينا... 8)
انابرايي اذا بدها تنزل عن السنة ما بعودلها طعم.... يمكن سنة منيح...:D
Nirvana
10/09/2006, 22:49
قديش بدك اياها؟؟؟ انت امرينا... 8)
انابرايي اذا بدها تنزل عن السنة ما بعودلها طعم.... يمكن سنة منيح...:D

ماشي الحال:gem: .. سنة .. منقضيها ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
فلاش باك
10/09/2006, 23:03
ردا ع كلامكن انتو الاتنين... :D




شو مشان انو فهمتيني غلط انت :pos:

يلي صرلي ساعة وشوي انا عم وضحلو الصورة للعينتين :pos:
mhbder87
11/09/2006, 01:23
عيوني مشان موضوع العسكرية
سنة معقول كتير بس اذا بدون يدربوك اذا ما بدون بفيدوك بلاها السنة
ومشان الأخت ريمي انا رجعت من معسكرالتدريب الجامعي من شي اسبوعين
الله لا يورجيكي شي مو طبيعي طلعنا بكتيبة مو معقولة ابدا
اجا لعنا اللواء بيوم ليعمل تفتيش آم فكرنا شي كتيبة من الكلية الحربية من شدة النظام
هادا نحنا طلاب جامعات والله اهرمو فينا لشبعو
وعملونا برونزاج كمان :yahoo:
على فكرة المعسكرين تبع التديب الجامعي بيروحوا شهر واحد من العسكرية مو 6 أشهر
والسلام
ابو صخر بفش اهر
11/09/2006, 01:59
عزيزي انت هون عم تخلط كتير امور ببعضها

يعني شي عم تحكي على السرقة وشي عم تحكي على الاستعباد

خليني بلش بالاستعباد تبعك
يعني وين المشكلة اذا المجند اشتغل شوفير ؟
بكل بلد موجودة هالخدمة او هالمصلحة يعني بدك الضابط مثلا يلف يودي ولادو على المدارس والجامعات ؟
واذا اخد ابن الضابط السيارة العالم بتحطو على خشبة الشريط

ولا حتى اذا راح اشتغل بالمزرعة وين المشكلة ؟ اصلا بالعكس بطير عقلو من الفرح بكون خلص من موضوع الخدمة الميدانية وببطل يطلع حرس كل 4 ساعات ...........الخ

ومع احترامي لكل الناس بس انو هادا المجند يلي مامعو صف سادس كتير خايف على مشاعرو الحساسة
بعدين اسأل اي مجند يوم بالجيش بسألوه بتعرف تسوق بقلن ايه مع انو يمكن بحياتو مو قاعد ورا دركسيون وعندو حلم حياتو يسوق ولو لمرة وحدة وهادا الحكي عم قلك ياه من واقع انا شفتو بالجيش

أما موضوع هدر البينزين والجيب واز معك حق فيه 100%


مافي آي مشكله حبيب بعد الدوره خدمنا بالبنان

وفيشنا بــــــــــ 4000 ل.س كل أول شهر طبعاً مع سرقة مخصصات العسكري
من هوووووووووون ضابط جاب المزرعه :shock: :shock:
هاد الواقع منين جايبو ؟ باينتوا ابوك شي
ضابط :p
ابو صخر بفش اهر
11/09/2006, 02:18
و ضباطه و أبناؤهم يستنزفون 70% من ميزانية البلد و يسرقون و



ليش الخجل بصراحه 100% وياريت واقفين هون

بمصوا دموا للعسكري وخاصتاً آذا ابن عائله بصير سعر التفييش :sosweet: :sosweet: :sosweet:


سؤال للي خدموا كم طلقه طلقة

هل يدرب الجندي على السلاح و...و...و...

جيش آخر زمن :( :cry:

؟؟؟؟؟؟؟؟؟؟؟؟؟؟؟؟؟؟؟
mick75
11/09/2006, 08:12
مين قال هالحكي هاد

ليش مابتعرف انو الجامعيين بروحو ملازمين مجندين

بعدين في شي اسمو التدريب الجامعي وهاد بيختصر مدة الجيش 6 اشهر يعني بعد القرار الجديد صارت خدمة الجامعي سنة ونصف
وكمان مين يلي قلك انو جماعة الماجستير والدكتوراه والجامعيين بينبطحو قدام المجندين ,هادا الحكي غلط مو مزبوط بنوب
بعدين عم تشبهلي لبنان يلي محافظة حمص ئدها اذا مو اكبر منا بسوريا بعدين حتى بلبنان لمعلوماتك الخدمة صارت مو الزامية تطويع يعني بعدين شفناه بعينا شو عمل بالحرب الأخيرة

هلئ بحكيك في كلام صحيح محدا فينو ينكرو وفي فساد كمان بالجيش مزبوط بس هادا هالحكي مافيك تعممو على كلشي

ما بعرف يلّي بيحكي هالحكي وين عايش بسيراليون او بأفغانستان
أولاً صار معسكر التدريب الجامعية يخفض الخدمة شهر يعني الخدمة للجامعي سنة و 11 شهر متل ما عرفت يعني متل قلتو و إلغاؤه أفضل
هو و معسكرات الصاعقة يلي عم تحجز 5% من مقاعد الجامعة أفضل ..
لانو المقاعد يلي عم تنحجز للشبيبة لو صارت للكل و ألغيت هذه المفاضلة
لزاد عدد المقاعد و نزل المعدل الخرافي يلي وصل 236 للطب
و هذا جزء من الفرمانات التي تعادي التوجه المدني للمجتمع ..

بعدين الجامعيين بييروحوا ملازمين لكن ما في دورة 6 شهور و راح يجيهم تلميذ ضابط عمرو 18 سنة أمي ولد و جاهل مجمع 170 علامة و أبو ضابط علوي و بدو يطلع متلو ..
منشان يكفي مسيرة السرقة و النهب و اللطش و معو عقدة نفسية ليش ما دخل الجامعة و هذا الضابط المجند دخل الجامعة و بتشوف العجايب ..
يعني المجند بعد بيفهم أكثر منو هذا تلميذ الضابط ..
نعدين " أعوذ بالله " معقول نشبه سوريا بلبنان و جيشها العقائدي بجيش الطنطات يعني إذا الشيخ حسن نصرالله تمنى ان يعود الزمان و ما يرتكب عملية الخطف
و نحنا بدو يطلع مع جيشنا لو كنا بالمعمعة بدال لبنان ؟؟

و يعني الأعمى إذا بيفوت على حيالله قطعة راح يشوف العجب العجاب
من أساليب النهب و السرقة و الابتزاز و يعني هالمليارات يلي عم تطير
راح توزع على كل البلد و تعمل تحسينات و تغييرات كبيرة لكل الشعب و بكل
مناحي الحياة
فليش " هالتياسة " و كبر الراس و رفض تخفيض الخدمة ..
و بشأن القدرات الدفاعية لا أظن أنها ستتأثر بذلك
_________________________
و بدي ضيف شغلة قد تزعج البعض هي الطائفية بجيشنا يعني يتم حرمان
سكان المدن و طوائف كثيرة و يقتصر الجيش بمعظمه على فئة دون غيرها ..
و السبب هي الوضع المزري لجيشنا و تطويع عدد كبير و التغيير الكبير في
جيشنا خلال 30 سنة الماضية التي نفرت الكثير من الطوائف من الانضمام له يعني لو يتم كما لبنان تطويع عدد قليل و تخفيض خدمة الجيش و توزيع كوتا عادلة بين الجميع ..بفتكر الوضع بيصير أحسن ..
mlatta1
11/09/2006, 08:24
و بدي ضيف شغلة قد تزعج البعض هي الطائفية بجيشنا يعني يتم حرمان
سكان المدن و طوائف كثيرة و يقتصر الجيش بمعظمه على فئة دون غيرها ..
و السبب هي الوضع المزري لجيشنا و تطويع عدد كبير و التغيير الكبير في
جيشنا خلال 30 سنة الماضية التي نفرت الكثير من الطوائف من الانضمام له يعني لو يتم كما لبنان تطويع عدد قليل و تخفيض خدمة الجيش و توزيع كوتا عادلة بين الجميع ..بفتكر الوضع بيصير أحسن ..

ضيف و خود راحتك.........
hanny dagher
11/09/2006, 09:14
هلأ بالنسبة للموضوع حبيت قول شغلة صحي وضحوها الشباب قبلي بس انا كتير غلبة ما بقدر ما احكي بتنفقع حوصليتي بعدين

مشان التدريب الجامعي صار بيلغي من الخدمة شهر واحد بيكون الواحد خادمو خلال فترة الجامعة بمعسكرين تدريب جامعي مدة كل واحد منن 15 يوم على مدار سنتين واللي ما بيخدمو بيعتبر راسب في وبدو يضطر يعملو السنة التانية
لا تفكر الوضع بمعسكر التدريب الجامعي ارحم من الجيش لانو خدوم معسكر تدريب جامعي بتحس حالك بجيش حقيقي الفيقة من الصبح بكير وبيضلو بيفلحو عليك كل النهار للساعة عشرة بالليل هاي اذا ما خطر على بالن يعملو تفقد ليلي ويقوموك من نومك شي الساعة وحدة بالليل مشان يعدو اسمك وتقول حاضر هادا غير لقلك هالشغلة اللي صارت معانا :مرة رحنا على معسكر الرمي بيجي واحد من العساكر الحرس (مو الطلاب ) بيسرق طلقتين وقت منرجع على المعسكر بيحطن بالروسية اللي معا وبيرشن رش بيتصاوب واحد من الطلاب
طيب تعى فكر فيها انو انا طالب همي دراستي وفالح كل السنة مشان اجي بهالصيفية اخد بريك ونقه (حلوة هاي نقه :p ) عن نفسي بتجي بتخليني روح 15 يوم مشان افلح بزيادة واخر الشي اكل رصاصة بالغلط من واحد ما حدا عرفو اي مو حكي هادا


بالنسبة للجيش فيك تنزل على الشارع وتسال اي واحد جامعي او متعلم ولو انو درجة وحدة فوق البكالوريا مع بعض العالم اللي معاها بكالوريا ومع بعض العالم اللي اسا ما وصلت للبكالوريا بدك تلاقي انو معظم اللي بيقتلو حالن على الجيش هني العالم اللي مانها متعلمة بينما الانسان المتعلم بيقلك بدي اطلع بدي سافر بدي اشتغل

يعني فيك تقول انو الجيش عنا يشكل رعب حقيقي للشباب
يلعما ما احلاك والله رايح تخدم عسكرية وتنفرز وتطلع بالفرقة 14 مدري 17 هاي اللي مسموح يموت فيها 8 % من العالم

طيب خيو مشان موضوع الاستعباد
خيو فلاش باك معظم اللي عم يسوقو عم يكونو عند الضباط يعني لخدامة الضباط على وديني وخدني وجيبني وروحي ودي الخضرة وروح جيب اللحمة وروح جيب الولاد من المدرسة انا بعرف هالموضوع لانو كان في عنا ثكنة عسكرية قريبة من الضيعة وبعرف كيف بيتعاملو انو انا ماني عم قول ما يتعلمو السواقة بس يعلمون السواقة مشان يفيدو الثكنة اللي هني فيها يعني يروح يجيبو اكل يروح يجيبو دوا اي شي بس مو لخدمة هالضابط

ذكرتوني بنكتة : ابنو لواحد من الضباط كبار بيطلع ببيو وبيقلو : بابا بابا جبلنا تنين عساكر من عندك ندبحن ونعمل علين كبة :? :lol:

وفي الختام ربي والهي سيارة عسكرية بنزلة مزة جبل تتعبى فيكن من ورا ويكون الشوفير عسكري اسعلو يومين ليتسرح مشان يضيع غريمكن بتدمر :shock: :o

حياكم :shisha: :7asheesh:
mlatta1
11/09/2006, 09:24
طيب خيو مشان موضوع الاستعباد
خيو فلاش باك معظم اللي عم يسوقو عم يكونو عند الضباط يعني لخدامة الضباط على وديني وخدني وجيبني وروحي ودي الخضرة وروح جيب اللحمة وروح جيب الولاد من المدرسة انا بعرف هالموضوع لانو كان في عنا ثكنة عسكرية قريبة من الضيعة وبعرف كيف بيتعاملو انو انا ماني عم قول ما يتعلمو السواقة بس يعلمون السواقة مشان يفيدو الثكنة اللي هني فيها يعني يروح يجيبو اكل يروح يجيبو دوا اي شي بس مو لخدمة هالضابط

حياكم :shisha: :7asheesh:


منيح وضحتلنا هالفكره ...........
كتر الله خيرك .
شلون كانت غايبي عنا....
فلاش باك
17/09/2006, 16:03
ما بعرف يلّي بيحكي هالحكي وين عايش بسيراليون او بأفغانستان
أولاً صار معسكر التدريب الجامعية يخفض الخدمة شهر يعني الخدمة للجامعي سنة و 11 شهر متل ما عرفت يعني متل قلتو و إلغاؤه أفضل
هو و معسكرات الصاعقة يلي عم تحجز 5% من مقاعد الجامعة أفضل ..
لانو المقاعد يلي عم تنحجز للشبيبة لو صارت للكل و ألغيت هذه المفاضلة
لزاد عدد المقاعد و نزل المعدل الخرافي يلي وصل 236 للطب
و هذا جزء من الفرمانات التي تعادي التوجه المدني للمجتمع ..

بعدين الجامعيين بييروحوا ملازمين لكن ما في دورة 6 شهور و راح يجيهم تلميذ ضابط عمرو 18 سنة أمي ولد و جاهل مجمع 170 علامة و أبو ضابط علوي و بدو يطلع متلو ..
منشان يكفي مسيرة السرقة و النهب و اللطش و معو عقدة نفسية ليش ما دخل الجامعة و هذا الضابط المجند دخل الجامعة و بتشوف العجايب ..
يعني المجند بعد بيفهم أكثر منو هذا تلميذ الضابط ..
نعدين " أعوذ بالله " معقول نشبه سوريا بلبنان و جيشها العقائدي بجيش الطنطات يعني إذا الشيخ حسن نصرالله تمنى ان يعود الزمان و ما يرتكب عملية الخطف
و نحنا بدو يطلع مع جيشنا لو كنا بالمعمعة بدال لبنان ؟؟

و يعني الأعمى إذا بيفوت على حيالله قطعة راح يشوف العجب العجاب
من أساليب النهب و السرقة و الابتزاز و يعني هالمليارات يلي عم تطير
راح توزع على كل البلد و تعمل تحسينات و تغييرات كبيرة لكل الشعب و بكل
مناحي الحياة
فليش " هالتياسة " و كبر الراس و رفض تخفيض الخدمة ..
و بشأن القدرات الدفاعية لا أظن أنها ستتأثر بذلك
_________________________
و بدي ضيف شغلة قد تزعج البعض هي الطائفية بجيشنا يعني يتم حرمان
سكان المدن و طوائف كثيرة و يقتصر الجيش بمعظمه على فئة دون غيرها ..
و السبب هي الوضع المزري لجيشنا و تطويع عدد كبير و التغيير الكبير في
جيشنا خلال 30 سنة الماضية التي نفرت الكثير من الطوائف من الانضمام له يعني لو يتم كما لبنان تطويع عدد قليل و تخفيض خدمة الجيش و توزيع كوتا عادلة بين الجميع ..بفتكر الوضع بيصير أحسن ..

والله ياعمو انا عايش ضمن هالبلد لا بسيراليون ولا افغانستان تبعك مع انو سيراليون بلد الدهب والالماس وافغانستان بلد الحشيشة
المهم ماعلينا

يبدو حضرتك من جماعة نظرية التعميم على كافة الاصعدة
تاني شغلة انا حكيت بأول مشاركة انو في شقين للموضوع
وانا حكيت بشغلة الشوفير يلي ملاقيها كبيرة على مجند يلي بكل جيوش العالم موجودة هالشغلة
والله بستغرب من هالحكي يعني مابعرف ئديش عمرك بس المفروض تفكر منيح وتفصل بين الامور قبل ماتعمم
شغلة تانية مشان الصاعقة والعلامات وهالحكي مين قلك لاتروح تعمل صاعقة او دورة قفز مظلي متل ايام زمان تبع 45 علامة حدا منعك شي

ومشان جيشنا بلبنان وشغلة هالمعمة يلي حكيت عنها روح شوف التريخ منيح قبل ما تصف حكي هون

بعدين حكيك كلو حكي طائفي بحت هيك يلي بدو يعيش بمجتمع مدني ؟

بعدين بس لاحظ معي شوي انو اي دولة عربية بكون عندها جزء صغير من القوة بتم تفكيكها واخراجها من الساحة
1- مصر اتفاقية كامب ديفيد
2- العراق حرب 2003
3- ليبيا بعد ما سلم كل الاجهزة والمعدات والتقارير تبع البرنامج النووي الليبي وبعتها بطائرات على امريكا

فا وين رايح بهالعجئة والدويخة ؟
فلاش باك
17/09/2006, 16:28
مافي آي مشكله حبيب بعد الدوره خدمنا بالبنان

وفيشنا بــــــــــ 4000 ل.س كل أول شهر طبعاً مع سرقة مخصصات العسكري
من هوووووووووون ضابط جاب المزرعه :shock: :shock:
هاد الواقع منين جايبو ؟ باينتوا ابوك شي
ضابط :p
معناتو انت ساهمت بالفساد ولازم تتحاكم على هالشي

ومشان أبي مارح جاوبك ;-) :p
المستحيل
17/09/2006, 18:37
انا خدمت جيش 4 سنين وما صرللي شي :pos:
ابن سوريـا
17/09/2006, 19:14
أعزائي الكرام ...
لا يجوز أن نتحدث في أمور بشكل طليق وأرسطقراطية في التفكير ، مادمنا نسعى لبناء بلدنا ونأمل أن نوصله إلى بر الأمان .
هذا إن كنا نعلم كل حيثيات الموضوع الذي نتحدث فيه ..
ولك يا أخي Mick75 وافر احترامي على غيرتك على وطننا الغالي ... بارك الله فيك..
leoprad
17/09/2006, 22:10
انا خدمت جيش 4 سنين وما صرللي شي :pos:
يا شيخ
يا رجلللللل
4 سنين
مقضيها عقوبات و حبس
leoprad
17/09/2006, 22:12
والله ياعمو انا عايش ضمن هالبلد لا بسيراليون ولا افغانستان تبعك مع انو سيراليون بلد الدهب والالماس وافغانستان بلد الحشيشة
المهم ماعلينا

يبدو حضرتك من جماعة نظرية التعميم على كافة الاصعدة
تاني شغلة انا حكيت بأول مشاركة انو في شقين للموضوع
وانا حكيت بشغلة الشوفير يلي ملاقيها كبيرة على مجند يلي بكل جيوش العالم موجودة هالشغلة
والله بستغرب من هالحكي يعني مابعرف ئديش عمرك بس المفروض تفكر منيح وتفصل بين الامور قبل ماتعمم
شغلة تانية مشان الصاعقة والعلامات وهالحكي مين قلك لاتروح تعمل صاعقة او دورة قفز مظلي متل ايام زمان تبع 45 علامة حدا منعك شي

ومشان جيشنا بلبنان وشغلة هالمعمة يلي حكيت عنها روح شوف التريخ منيح قبل ما تصف حكي هون

بعدين حكيك كلو حكي طائفي بحت هيك يلي بدو يعيش بمجتمع مدني ؟

بعدين بس لاحظ معي شوي انو اي دولة عربية بكون عندها جزء صغير من القوة بتم تفكيكها واخراجها من الساحة
1- مصر اتفاقية كامب ديفيد
2- العراق حرب 2003
3- ليبيا بعد ما سلم كل الاجهزة والمعدات والتقارير تبع البرنامج النووي الليبي وبعتها بطائرات على امريكا

فا وين رايح بهالعجئة والدويخة ؟
و اللخ رحلكن كلكن
الله حيك