حملة الأخوية من أجل إيقاف جرائم "الشرف" [الأرشيـــــف]

كهربجي

05/09/2006, 18:32

يا شباب لازم نعمل حملة كرمال هاد الموضوع...

موقع نساء سوريا عندو حملة نشيطة و بالتعاون مع رابطة النساء السوريات...

يا ريت نبلش قريباً و أنا ناطر إقتراحاتكن...

واللي ما عندو فكرة عن الموضوع يحكي مشان نشرح...

ورجعنا و رجع المنبرررر ;-)

Nirvana

05/09/2006, 18:58

شو رح نقدر نعمل من هون .. وخصوصا انو كتير اعضاء غير متواجدين بسوريا .. ؟ بتمنى أسمع شوية افكار .. يمكن اقدر اشوف شو الامكانيات اللي عنا ..

MR.SAMO

05/09/2006, 19:03

أول شي والاهم اننا وضح مفهوم الشرف شو بالنسبة للانسان اللي عايش بمجتمعنا
ونفهمه انه الشرف اذا ربط بالجسد أصبح شرف ناقص لعدم مساواة بين جسد الرجل وجسد المرأة
والتخلص من نقطة النقص اللي موجودة عند المجتمع الذكوري باعتبار المرأة عورة وبوابة للعار
وتاني شي عدم اختزال انسانية المرأة بجسدها لأن الجسد فاني اما الانسانية باقية
ممكن فينا ننطلق من هيك مبدأ شو رأيكن
تحياتي

لاوديسا

05/09/2006, 19:17

يا شباب لازم نعمل حملة كرمال هاد الموضوع...

موقع نساء سوريا عندو حملة نشيطة و بالتعاون مع رابطة النساء السوريات...

حملة شو
بالاول خلينا نعمل حملة ضد النظام الابوي الموجود بالمجتمع العربي ككل واللي من اساساتو انو الرجل هو المسوؤل عن كل شي وبالتالي بيهيمن الرجل عالمراة سواء كان اب ولا اخ ولا زوج لك حتى عم وخال مو مخلصين منن

وبس نخلص من الحملة الاولى منعمل حملة منشان الشرف
وللاسف الشرف عنا بيرتبط بس بانو تحافظ المراة على جسدا وعذريتها وما الى ذلك
اما عند الرجل مفهوم الشرف هو كمان بس انو يحافظ على زوجته واخته وبنتو وعلى سلوكن

بعدين اذا القانون يا دوب يعاقب الشخص المجرم - بحجة دفاعا عن الشرف -
لسى كل هاد وبدنا بس حملة
لك بدنا كتير :pos:

محمد ابراهيم

05/09/2006, 19:33

اولا : لو ممكن كهربجي تحط معلومات اكتر حول الموضوع :D
حملة شو
بالاول خلينا نعمل حملة ضد النظام الابوي الموجود بالمجتمع العربي ككل واللي من اساساتو انو الرجل هو المسوؤل عن كل شي وبالتالي بيهيمن الرجل عالمراة سواء كان اب ولا اخ ولا زوج لك حتى عم وخال مو مخلصين منن

وبس نخلص من الحملة الاولى منعمل حملة منشان الشرف
انا معك عندك حق مجتمع الذكور بيتعب كتير ومافي تقدير لتعبو
مشان كام مليون واحد بيسئوا التعامل مع المرأه بنشوف كل هالنكران للجميل
وللاسف الشرف عنا بيرتبط بس بانو تحافظ المراة على جسدا وعذريتها وما الى ذلك
اختلف معاكي فموضوع العذريه
عن نفسي عندي الشرف غير قابل للتجزئه ولا يفقد من مره واحده
على مفهوم العذريه لا يمكن للمرأه بعد اول مره ان تعيش حياه شريفه (وهذا غير عادل ومجحف)
وعلى نفس المفهوم يصبح انه اذا المرأه المتزوجه حدث لها بارادتها او بغيرها اي شيئ يصبح الامر غير مرتبط بالشرف
وهذا ايضا خاطئ ,
لا يجب ان نتأثر بالمفهوم السطحي للشرف
فالمفهوم اعمق من ذلك بكثير
اما عند الرجل مفهوم الشرف هو كمان بس انو يحافظ على زوجته واخته وبنتو وعلى سلوكن

هو الجزء الاكبر من شرف الرجل يقع هنا ,
لا ادري متى وكيف كرم الرجل المرأه وجعل شرفه هو شرفها فقط!!!!!!!! ,
لقد تنازل عن حقه ,ربما , ولكن يجي ان يكون له شرفه المستقل بالاضافه الى الشرف المرتبط

Nirvana

05/09/2006, 21:18

الله لو بشوف شو عم تعملو يا بشر رح يكفر بالأديان كلها ...

كل دين فيو جدل ... سواء الاسلامي .. المسيحي ... أو اليهودي ...
بس الانسان هو اللي بخرب الدين .. لانو الدين بأبسط أحوالو اذا ما رح نعتبرو سماوي مثلا .. هو اصلاح اجتماعي ..

وبلا ما نطلع عن موضوع كهربجي أكتر من هيك ..

mick75

05/09/2006, 21:40

يا أختي يلي بدو يناقش مشكلة بدو يناقش سببها الأساسي
و كل تفرعاتها و ما يوقف و يحط رجلو بالفايش و يقول بس
منحكي لهون و بس ..
يلي بدو يحل مشكلة بيحلها من شروشها و بيحكي الصراحة
و أنا كتبت هيك بموقع نساء سوريا كمان ..

Barleb

05/09/2006, 23:32

ولله يا كهربجي وقعت وما حدا سمى عليك

chefadi

06/09/2006, 03:45

يا شباب لازم نعمل حملة كرمال هاد الموضوع...

موقع نساء سوريا عندو حملة نشيطة و بالتعاون مع رابطة النساء السوريات...

يا ريت نبلش قريباً و أنا ناطر إقتراحاتكن...

واللي ما عندو فكرة عن الموضوع يحكي مشان نشرح...

ورجعنا و رجع المنبرررر ;-)

المشكلة انو شو فينا نعمل اذا ماتغيرت القوانين :cry:
انا موافق تماما على كلام سامو بضرورة التوعية و توضيح مفهوم الشرف و عدم ربطو بجسد المرأة ,,,
انا بعرف انو رابطة النساء السوريات عم يشتغلو كتير على هاد الموضوع بس المشكلة انو ماعندون دعم كافي هاد غير انون ماكتير عندون هامش حرية (اكيد بتعرف ليش) ,,,
المهم ,,, برأيي نحنا غينا نعمل كتير على الصعيد الاجتماعي و فقط الاجتماعي ,,,

تحياتي الك كهربجي :D

Majood

06/09/2006, 09:48

الموضوع مهم جدا .......... و مشان ما يصير اي تخفيف من قيمة الموضوع ...... اي رد خارج عن نطاق الموضوع و يحتوي على سبام رح ينحذف......

أرجو التقيّد

MR.SAMO

06/09/2006, 09:54

انه لحد هلأ خطة عمل واضحة ماتناقشت

Nirvana

06/09/2006, 10:07

انه لحد هلأ خطة عمل واضحة ماتناقشت

ليش ما يقوم المنتدى عنا بالاتصال بمنتدى نساء سوريا .. ويسال شو ممكن يساهم .

MR.SAMO

06/09/2006, 10:22

ليش ما يقوم المنتدى عنا بالاتصال بمنتدى نساء سوريا .. ويسال شو ممكن يساهم .
فكرة كويسة لازم نستفيد من هيئات عندها خبرة وتجارب بالتعامل مع هيك قصص

كهربجي

06/09/2006, 11:07

إذا في شي حدا من إدارة الأخوية عندو معارف بموقع نساء سورية ممكن يحكي معهن لأنو أنا ما عندي سلطة احكي بهيك قصة

على كل الأحوال إذا ما في أنا بكون مبسوط أنو اشتغل ع الموضوع...

يعني الفكرة هي أساس لأنو نعمل شوية نشاط اجتماعي حقوقي كل مين بمحلّوا

يعني ع الإنترنت و غيرها... ففهمتوا عليي؟؟؟

و شكراً كتير لتجاوبكن مع الموضوع

كهربجي

06/09/2006, 11:12

انه لحد هلأ خطة عمل واضحة ماتناقشت
برأيي ممكن نبدأ بحملة تواقيع... طبعاً هي بداية لنعمل شي بيشبه جس نبض

بعدين ممكن نعمل استطلاع رأي عن الموضوع بين الناس...

ممكن نقارن مع دول متقدمة عنّا متل تركيا و تونس (ماني عم قول السويد)... إلخ

شو رأيكن نبدأ بالعريضة؟؟؟ المطلوب من الكل يوقع وينشرها لأكبر عدد ممكن من السوريين بالعالم كلو

Nirvana

06/09/2006, 11:13

إذا في شي حدا من إدارة الأخوية عندو معارف بموقع نساء سورية ممكن يحكي معهن لأنو أنا ما عندي سلطة احكي بهيك قصة

على كل الأحوال إذا ما في أنا بكون مبسوط أنو اشتغل ع الموضوع...

يعني الفكرة هي أساس لأنو نعمل شوية نشاط اجتماعي حقوقي كل مين بمحلّوا

يعني ع الإنترنت و غيرها... ففهمتوا عليي؟؟؟

و شكراً كتير لتجاوبكن مع الموضوع

حلو كتير .. وبعتقد انو فيك تقوم بهالدور ..

ممكن نحاول نخصص هالموضوع هون وننشر بعض المقالات اللي بتخص هالموضوع .

Nirvana

06/09/2006, 11:14

برأيي ممكن نبدأ بحملة تواقيع... طبعاً هي بداية لنعمل شي بيشبه جس نبض

بعدين ممكن نعمل استطلاع رأي عن الموضوع بين الناس...

ممكن نقارن مع دول متقدمة عنّا متل تركيا و تونس (ماني عم قول السويد)... إلخ

شو رأيكن نبدأ بالعريضة؟؟؟ المطلوب من الكل يوقع وينشرها لأكبر عدد ممكن من السوريين بالعالم كلو

هون طلع الموضوع من ايدي .. بس انا معكم قلبا وقالبا ..

Majood

06/09/2006, 11:17

أنا رح اطرح الموضوع عالأدارة و شوف ازا عندون علاقات .. ازا لأ مشان نفوض حدا يحكي بأسمنا....
اليوم بنقل الفكرة و صبرو علي لبكرا .... او اكتر حسب ما يردّو .........
لوقتها رح نضيف المقترحات و كلشي بيخطر عالبال بهالمجال...........
موافقين؟

Nirvana

06/09/2006, 11:23

أنا رح اطرح الموضوع عالأدارة و شوف ازا عندون علاقات .. ازا لأ مشان نفوض حدا يحكي بأسمنا....
اليوم بنقل الفكرة و صبرو علي لبكرا .... او اكتر حسب ما يردّو .........
لوقتها رح نضيف المقترحات و كلشي بيخطر عالبال بهالمجال...........
موافقين؟

حلو كتير .. أكيد اذا الإدارة ساهمت بهالشي .. بتكون الفاعلية أكبر.

Reemi

06/09/2006, 11:38

يا جماعه
انا ممكن ساعدكن بمجال الاعلام يعني...
انا بشتغل بمشروع اسمه Media Monitring
هلق هاد المشروع من سنة 2004 لحد شهر 5 2006...انا اشتغلت عليه طبعا بمنظمة كبيرة وهيك...يعني انا عندي كل المقالات والاحصائيات وكل شي نزل بالاعلام الاردني والدولي ... (طبعا اذا كانت ناقلته الصحف الاردني ) الخمسة... يعني انا شو بدكن انا جاهزة.... (سمايلي ابو وردة)

Nirvana

06/09/2006, 11:51

يا جماعه
انا ممكن ساعدكن بمجال الاعلام يعني...
انا بشتغل بمشروع اسمه Media Monitring
هلق هاد المشروع من سنة 2004 لحد شهر 5 2006...انا اشتغلت عليه طبعا بمنظمة كبيرة وهيك...يعني انا عندي كل المقالات والاحصائيات وكل شي نزل بالاعلام الاردني والدولي ... (طبعا اذا كانت ناقلته الصحف الاردني ) الخمسة... يعني انا شو بدكن انا جاهزة.... (سمايلي ابو وردة)

هاالشي كتير مفيد ..

Reemi

06/09/2006, 12:01

هاالشي كتير مفيد ..
8) 8) ليش انا بيجي مني غير كل شي مفيد...خدولكن هالمقال...

MR.SAMO

06/09/2006, 12:03

برأيي ممكن نبدأ بحملة تواقيع... طبعاً هي بداية لنعمل شي بيشبه جس نبض

بعدين ممكن نعمل استطلاع رأي عن الموضوع بين الناس...

ممكن نقارن مع دول متقدمة عنّا متل تركيا و تونس (ماني عم قول السويد)... إلخ

شو رأيكن نبدأ بالعريضة؟؟؟ المطلوب من الكل يوقع وينشرها لأكبر عدد ممكن من السوريين بالعالم كلو
انا برأي انه نجمع اكبر عددمن التواقيع ونرفعها لوزارة الشؤون الاجتماعية ووزارة العدل والداخلية
والاهم من هيدا كله نرفعها للقائمين على الشؤون الدينية للشعب اللي عنا لأنه أفكارهن حول هيك مواضيع بالتحديد ودمج الدين فيها بيأثر كتير بتفكير وتصرفات الشعب
تحياتي

Nirvana

06/09/2006, 12:14

8) 8) ليش انا بيجي مني غير كل شي مفيد...خدولكن هالمقال...

شكرا الك ..:D

والزواج العرفي كمان هاي قصة تانية ومرتبطة بهالموضوع كمان .

Reemi

06/09/2006, 12:18

شكرا الك ..:D

والزواج العرفي كمان هاي قصة تانية ومرتبطة بهالموضوع كمان .
اي طبعا...ما قريتي بدو يغسل شرف العائلة....(سمايلي ضارب بوز)

Nirvana

06/09/2006, 12:22

اي طبعا...ما قريتي بدو يغسل شرف العائلة....(سمايلي ضارب بوز)

لو حدا يغسلو مخو بس ..

عفكرا بالأردن كتير بصير هالشي قضايا الشرف ... ويمكن عندك معلومات أكتر مني حتى بالموضوع وعن الضجة اللي صارت لتغيير القانون ..

MR.SAMO

06/09/2006, 12:23

شكرا الك ..:D

والزواج العرفي كمان هاي قصة تانية ومرتبطة بهالموضوع كمان .
طيب ممكن حدا يفسرلي شو هوي الزواج العرفي
ومشكور سلفا
تحياتي

Reemi

06/09/2006, 12:25

لو حدا يغسلو مخو بس ..

عفكرا بالأردن كتير بصير هالشي قضايا الشرف ... ويمكن عندك معلومات أكتر مني حتى بالموضوع وعن الضجة اللي صارت لتغيير القانون ..

نحنا كتير اشتغلنا ع تعديل القانون...
انا بشتغل بمنظمة FreedomHouseاذا بتعرفيها ؟؟

Reemi

06/09/2006, 12:33

طيب ممكن حدا يفسرلي شو هوي الزواج العرفي
ومشكور سلفا
تحياتي
مستوفي كل شروطه...بس الشكل الي هوي في بدو تغيير مشان يصير احلى (يعني الاطار الخارجي)...!:?
انا بقلك...
هلا الزواج معترف به قانونا وشرعا اذا استوفى الشروط الاتية:
موافقة الطرفين
شهود...
مهر باتفاق الطرفين
شيخ يكتب الكتاب...
حلو؟
هلا بالزواج العرفي مابكون موثق بالمحكمة يعني اذا انفصلوا المرأة ما الها حق ابدا انها اطالب بحقوقها..لانه مو موثق.... بس ...
بس هون عنا بيعتبرو زواج عرفي يعني بلى علم الاهل وكانو شي حرام....مع انهن لم يقعوا في الحرام..لانه العقد استوفى الشروط...
يعني اجى التوثيق ليحمي حقوق المراة..عند الطلاق الموت وهيك يعني..

MR.SAMO

06/09/2006, 12:51

مستوفي كل شروطه...بس الشكل الي هوي في بدو تغيير مشان يصير احلى (يعني الاطار الخارجي)...!:?
انا بقلك...
هلا الزواج معترف به قانونا وشرعا اذا استوفى الشروط الاتية:
موافقة الطرفين
شهود...
مهر باتفاق الطرفين
شيخ يكتب الكتاب...
حلو؟
هلا بالزواج العرفي مابكون موثق بالمحكمة يعني اذا انفصلوا المرأة ما الها حق ابدا انها اطالب بحقوقها..لانه مو موثق.... بس ...
بس هون عنا بيعتبرو زواج عرفي يعني بلى علم الاهل وكانو شي حرام....مع انهن لم يقعوا في الحرام..لانه العقد استوفى الشروط...
يعني اجى التوثيق ليحمي حقوق المراة..عند الطلاق الموت وهيك يعني..
شكرا كتير على التوضيح
وهون بيجي دور الدولة انها تنصف المرأة
بالمجتمعات الغربية حتة لو كان الرجل والمرأة بفترة مساكنة واللي قبل الزواج وضلو لفترة سنة ومن دون زواج مصدق بالمحكمة اذا انفصلوا المرأة بتاخد نصف أملاك الرجل
تحياتي

Fady007

06/09/2006, 12:54

مستوفي كل شروطه...بس الشكل الي هوي في بدو تغيير مشان يصير احلى (يعني الاطار الخارجي)...!:?
انا بقلك...
هلا الزواج معترف به قانونا وشرعا اذا استوفى الشروط الاتية:
موافقة الطرفين
شهود...
مهر باتفاق الطرفين
شيخ يكتب الكتاب...
حلو؟
هلا بالزواج العرفي مابكون موثق بالمحكمة يعني اذا انفصلوا المرأة ما الها حق ابدا انها اطالب بحقوقها..لانه مو موثق.... بس ...
بس هون عنا بيعتبرو زواج عرفي يعني بلى علم الاهل وكانو شي حرام....مع انهن لم يقعوا في الحرام..لانه العقد استوفى الشروط...
يعني اجى التوثيق ليحمي حقوق المراة..عند الطلاق الموت وهيك يعني..

الاخت ريمي هتفتي بقي
انتي تعرفي الزواج العرفي منين ؟
يعني ايه مصادرك؟

Reemi

06/09/2006, 12:59

شكرا كتير على التوضيح
وهون بيجي دور الدولة انها تنصف المرأة
بالمجتمعات الغربية حتة لو كان الرجل والمرأة بفترة مساكنة واللي قبل الزواج وضلو لفترة سنة ومن دون زواج مصدق بالمحكمة اذا انفصلوا المرأة بتاخد نصف أملاك الرجل
تحياتي

هلق هيك شغلة صعبة شوي....
بس اذا طلعت حامل مثلا...فيها تستخدم فحص الــ DNA هاد بوضح الامور وبيعطي للكل حقوقه...

الاخت ريمي هتفتي بقي
انتي تعرفي الزواج العرفي منين ؟
يعني ايه مصادرك؟
عم نقلك انا هاد شغلي...حماية حقوق مرأة وقوانين وجرائم شرف:pos:

Fady007

06/09/2006, 13:07

هلق هيك شغلة صعبة شوي....
بس اذا طلعت حامل مثلا...فيها تستخدم فحص الــ DNA هاد بوضح الامور وبيعطي للكل حقوقه...

عم نقلك انا هاد شغلي...حماية حقوق مرأة وقوانين وجرائم شرف:pos:

تسمعي عن قصه احمد الفيشاوي وهند الحناوي ولا لأ؟؟؟
لو سمعتيها هتعرفي حقيقة
ماهو الزواج العرفي بكل بساطه...لانه منتشر بصورة غير طبيعيه عندنا
وموجود في كل مكان في المدارس والجامعات
وانا شفت بعنيا الزواج العرفي
واتعرض عليا اني اتزوج عرفي وورقه وتنقطع بعد شهر او سنه
بس طبعا مبادئي حتمتني اني لا افعل ذلك مهما كان
ودمتم

Reemi

06/09/2006, 13:13

تسمعي عن قصه احمد الفيشاوي وهند الحناوي ولا لأ؟؟؟
لو سمعتيها هتعرفي حقيقة
ماهو الزواج العرفي بكل بساطه...لانه منتشر بصورة غير طبيعيه عندنا
وموجود في كل مكان في المدارس والجامعات
وانا شفت بعنيا الزواج العرفي
واتعرض عليا اني اتزوج عرفي وورقه وتنقطع بعد شهر او سنه
بس طبعا مبادئي حتمتني اني لا افعل ذلك مهما كان
ودمتم
اكيد سمعت عن القصة..واخر شي اخدت حقوقها بعد الفحص...
وبعدين انت شفت الشروط الي انا حطيتها..لاستيفاء العقد؟
يعني مافي تحديد وكذا وشو بعرفني...الشروط واضحة حتى يكون العقد صحيح.......

Fady007

06/09/2006, 13:20

اكيد سمعت عن القصة..واخر شي اخدت حقوقها بعد الفحص...
وبعدين انت شفت الشروط الي انا حطيتها..لاستيفاء العقد؟
يعني مافي تحديد وكذا وشو بعرفني...الشروط واضحة حتى يكون العقد صحيح.......

ما انتي لو متابعه كويس هتعرفي انها خدت حقها بطلوع العين
لولا كان المحامي بتاعها كان شاطر وكمان لولا احمد الفيشاوي
قال انه كان متجوزها عرفي في التلفزيون المصري
ماكانتش خدت حقها وكانت اصبحت عاهرة في نظر المجتمع
وكانت بنتها لينا اصبحت طفله لقيطه ليس لها اسم اب وعائله
اوكي

MR.SAMO

06/09/2006, 13:28

اكيد سمعت عن القصة..واخر شي اخدت حقوقها بعد الفحص...
وبعدين انت شفت الشروط الي انا حطيتها..لاستيفاء العقد؟
يعني مافي تحديد وكذا وشو بعرفني...الشروط واضحة حتى يكون العقد صحيح.......
هيي كلها ابر تخديرية مو علاج فعال بدول المغرب العربي ممكن بتونس او الجزائئر كانوا عم يسنوا قانون يسمح بموجبه للمرأة تسجيل اولادها على اسمها
عي علاج فعال لهيك حالات
تحياتي

Reemi

06/09/2006, 13:43

ما انتي لو متابعه كويس هتعرفي انها خدت حقها بطلوع العين
لولا كان المحامي بتاعها كان شاطر وكمان لولا احمد الفيشاوي
قال انه كان متجوزها عرفي في التلفزيون المصري
ماكانتش خدت حقها وكانت اصبحت عاهرة في نظر المجتمع
وكانت بنتها لينا اصبحت طفله لقيطه ليس لها اسم اب وعائله
اوكي
ما انا عارفة ياخويااااااا....يعني لو احمد قبل من الاول يروح يعمل الفحص كانت مافاتت بكل هيدي المتاهه من الاول...

mick75

06/09/2006, 14:12

انه لحد هلأ خطة عمل واضحة ماتناقشت

حلو الحكي و يا عيني على الكلام العملي يلي بيجيب نتيجة مو حملات جمع التواقيع مثل ما سمعنا ما بعرف كم مية مليون جمعوا تواقيع بالعالم ضد الحرب على العراق و بالآخر . صارت ..صارت ..

و انا قبل ما بلش بدين استخدام مشرفة بالمنتدى أساليب غير حضارية بإرسال رسائل ترهيبية و بقلى غلطانة و هيك أمور ما بتجيب نتيجة و من لا يضع يده على الجرح راح يضل يوجعوا ..
و سؤالي سمعنا في 13 جريمة قتل نساء بإدلب و عم يدّعوا بموقع " نواحات سوريا "
أو نساء سوريا أنها جرائم شرف أو هكذا يقال و أنا بقول و أنا أكيد أنو كذب ...
لانو المراة في تلك المناطق و غيرها من المناطق الأصولية لا تخرج إلا بمرافقة " محرم " أو أم زوجها أو أو يعني جرائم عادية ضد النساء في تلك المناطق ..
يعني اشتهيت موقع نساء سوريا يعمل حملة لإلغاء قانون تعدد الزوجات متل تونس أو تركيا أو معاقبة الأب الذي لا يرسل إبنته للتعليم " من المعلوم أن البنت في ريف حلب و إدلب و كثير من قرى حوران و عند البدو لا تتعلم أكثر من الصف الرابع ..
لماذا لا يبدؤوا حملة لتوعية النساء أن كثرة الإنجاب جريمة و هي ترسخ التخلف و الفقر و التبعية و كثير من الأمور السلبية في المجتمع ؟؟
اشتهيت موقع " نواحات سوريا " يعمل حملة و هي الحملة مو شغلتو فقط كمان شغلة كل إنسان حر يرفض التسلط و العنصرية ((( حملة لتغيير قانون الأحوال الشخصية و السماح بتغيير الدين ))) مثل ما عملت تركيا بضغط من الاتحاد الأوروبي و عاد الكثير للديانة المسيحية بعد إقراره ..
اشتهيت و اشتهيت بس الواضح بالبكي و الدموع و التواقيع ما بيصير شي
إذا ناطرين المشايخ يحنوا و يتضامنوا معكم فهي استغباء و سعي لإرجاع تحكمهم بالمجتمع و هذا شيء مرفوض
المرأة في تلك المجتمعات هي الدجاجة التي تبيض ذهباً يعني ( أجلكم ) شغل في الزراعة لا تفهم و لا تقرا و لا تكتب و لا تعرف من حقوقها إلا إذا سمعت من الشيخ شي كلمتين و جرائم القتل هذه لا علاقة لها بالشرف فيا ريت كل من عنده عقل و بيعرف المشاكل الحقيقية التي تؤدي لقتل النساء " التخلف الفقر كثرة الإنجاب التسلط و عنجهية و ديكتاتورية الأهل و أنا سمعت في الكثيرين يطلقون على أغنامهم أسماء في تلك المناطق و يعرفونها بالاسم و يدلعونها أما أسماء نسائهم و أبنائهم فلا يعرفونها البتة ..

و من له أذنان للسمع فليسمع

Nirvana

06/09/2006, 14:13

نحنا كتير اشتغلنا ع تعديل القانون...
انا بشتغل بمنظمة FreedomHouseاذا بتعرفيها ؟؟

ما بعرفها ..

mick75

06/09/2006, 15:14

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

القصة مو جريمة شرف لانو النسوان بكتير محلات ما بيشوفوا الشمس متل ما حكيت
القصة متل ما حكيت ( و بأسف لحذف مشاركتي ) لانها وضعت النقاط على الحروف
هي تخلف و ثقافة اسشترت في مجتمعات الشادور و النقاب و اللثام و بدها
حل جذري من أساسوا

mick75

06/09/2006, 17:47

و بحب ضيف شي يا ريت هالنسوان يبدؤوا بحملة لمنع تزويج الفتيات
و الصبية و هم بعمر الورود يعني بالمرحلة الابتدائية و الاعدادية
و هي العادة منتشرة بالريف و مناطق كثيرة و حتى بالمرحلة الثانوية
و معظمها ينتهي بالفشل بضعة أعوام عندما ينضج تفكير الإثنين
" إذا كان مؤهلاً للنضج " سيعرفان أن ما أقدما عليه إن كان بمرحلة
الشباب المبكر أو تحت إكراه الأهل هو خطأ و أن الحياة غيرت
تفكيرهما و من التفسيرات التي سمعتها لهذا الزواج زواج الاطفال
ان أعضاؤهما التناسلية نضجت (( سمعت هذا التبرير في أحد البرامج))
يعني بس المهم الاعضاء التناسلية المخ و الدماغ و التفكير و النضج
مو مهم ..
بقى حلوا هالمشكلات لتلاقوا مشكلة العنف قد انتهت لوحدها بدون حملات
بلا طعم و لا لون و لا رائحة

ghazool

07/09/2006, 10:39

بالاول خلينا نعمل حملة ضد النظام الابوي الموجود بالمجتمع العربي ككل واللي من اساساتو انو الرجل هو المسوؤل عن كل شي وبالتالي بيهيمن الرجل عالمراة سواء كان اب ولا اخ ولا زوج لك حتى عم وخال مو مخلصين منن
والمشـكلة انو في جـزء كتير كبيـر من النسـاء خاضعات لهذه الفكرة ،،
يعني صار من المُسّـلم به انو الرجل هو المسـيطر ،، وصارت المرأة تحس انو هادا الطبيعي و تسمحلو بكتير اشـياء تحت الفكرة انو هو رجال و بس :? ..
موضوع النظـام الأبوي هو نفس موضوع المجتمع الذكوري المتوارث عبر الأجيـال برغم تطور العلم و المعرفة ،، للأسـف :pos: ،،
وللاسف الشرف عنا بيرتبط بس بانو تحافظ المراة على جسدا وعذريتها وما الى ذلك ، اما عند الرجل مفهوم الشرف هو كمان بس انو يحافظ على زوجته واخته وبنتو وعلى سلوكن
:pos: :pos:

T0pSEcreT

07/09/2006, 14:59

ليكو يا حبيباتي... اذا مفكرين أنو المشكلة عند المراة هي الرجل :( ...
بتكونوا ما بس غلطانين وسطحيين كمان ...;-)
لأنو في مشكلة أكبر من الأتنين و هية فارضة حالها على كل شي
هية مشكلة التخلف الأجتماعي ببلاد العالم التالت ونزول ....
بلا طول سيرة ....... عليكم تما أخد من وئتكم التمين...
الحل هو

الثــــــورة :yahoo:

Majood

07/09/2006, 15:30

الموضوع طرح عالأدارة......... بانتظار الرد

Nirvana

07/09/2006, 15:31

الموضوع طرح عالأدارة......... بانتظار الرد

شكرا الك .. يمكن نقدر نعمل شي ..

Hus

07/09/2006, 17:26

حلو كتير .. ...

طب حطونا بالصورة شوي اكتر ، ++ خبروني إقتراحات عن الي بزهنكم .. شو عم بتفكر ممكن نعمل ، وكيف ، .. اقصد الآلية الي بزهنكم شو ؟

* انا عجبني الموضوع و الفكرة و المبدأ تماما بس طرحي هون لشوف شو الي بزهنك و هيك نحط جبناتنا ع زيتوناتكم و نتكل ع الله

Nirvana

07/09/2006, 17:40

حلو كتير .. ...

طب حطونا بالصورة شوي اكتر ، ++ خبروني إقتراحات عن الي بزهنكم .. شو عم بتفكر ممكن نعمل ، وكيف ، .. اقصد الآلية الي بزهنكم شو ؟

* انا عجبني الموضوع و الفكرة و المبدأ تماما بس طرحي هون لشوف شو الي بزهنك و هيك نحط جبناتنا ع زيتوناتكم و نتكل ع الله

المشكلة انو نحنا أو خليني أحكي عن حالي .. ما عندي خبرة بهيك أمور ...

بس انو ممكن نشارك بالمقالات والمواضيع عن هالشي .. بس هاد ما بيعمل تأثير كبير ..

وممكن حد يقدر يتصل بموقع نساء سوريا ، ممكن يقدرو يوجهونا بكيف ممكن نساعدهم في هالموضوع .. اذا ما عرفنا نحنا كيف ..

وعفكرا في ناس اقترحت كمان .. توقيع عريضة والتوجه الى رجال الدين ...

بس كمان في مشكلة انو مو كل الأعضاء بسوريا .. حتى كتير منهم برا سوريا .

Tulip

07/09/2006, 20:20

بس بدي ألفت نظر الكل أنو كتار ما بيعرفو بهالمشكلة ببلادنا و كتار بيعتبروا صح و صدقوني هدول الكتار يمكن بيجوا النص و أكتر...... مشان هيك لازم ما ننسى نتوجه بحملتنا للناس و ما بس للمسؤولين، يعني تكون كمان حملة توعية و ما بس استنكار.
هديك السنة كتير نحكى بالموضوع بسوريا و صارت محاضرات بكل المدن و كان موجود فيا مسؤولين كبار و ما بعرف وين صارو من الموضوع.
مبدئيا منقدر نحكي بالاخوية عن القانون و نتطلع كلنا عليه مشان نشوف وين الظلم و يصير عند كل الاعضاء يلي حابين يشاركو بالحملة فكرة كاملة عن القانون.

chefadi

08/09/2006, 01:25

حلو كتير .. ...

طب حطونا بالصورة شوي اكتر ، ++ خبروني إقتراحات عن الي بزهنكم .. شو عم بتفكر ممكن نعمل ، وكيف ، .. اقصد الآلية الي بزهنكم شو ؟

* انا عجبني الموضوع و الفكرة و المبدأ تماما بس طرحي هون لشوف شو الي بزهنك و هيك نحط جبناتنا ع زيتوناتكم و نتكل ع الله

بعتقد أكتر من انو نحكي شوي بالموضوع و نطرح شوية قوانين لازما تغيير مارح يطلع بأيدنا لأنو القصة و الحل بحاجة لعمل ميداني أكتر من حملات التوعية المقروءة و الشكلة بسوريا انو العمل المدني ماكتير ميسرة امورو ,,,

امرأة من ورق

08/09/2006, 06:37

برأيي ممكن نبدأ بحملة تواقيع... طبعاً هي بداية لنعمل شي بيشبه جس نبض

بعدين ممكن نعمل استطلاع رأي عن الموضوع بين الناس...

ممكن نقارن مع دول متقدمة عنّا متل تركيا و تونس (ماني عم قول السويد)... إلخ

شو رأيكن نبدأ بالعريضة؟؟؟ المطلوب من الكل يوقع وينشرها لأكبر عدد ممكن من السوريين بالعالم كلو

منشان العريضة فهي سبق وانعملت عن طريق موقع نساء سوريا يمكن من حوالي السنة تقريبا..... بس للأسف مابعرف شو صارت النتائج او وين وصلو بالموضوع

لهي قبل البدء بهيك خطوة يفضل انو يتم الاتصال والتنسيق مع موقع نساء سوريا او بالاقل الاستفسار عن نتائج العريضة

:D