البنت في مجتمعنا [الأرشيـــــف] - صفحة 2

Nirvana

02/09/2006, 10:11

اول شي الحمدالله على سلامة الرفيقة نيرفانا والرفيق كوستا
اساس مشاكل البنت بمجتمعنا هو انه عايشين بمجتمع وبأوطان تربط شرفها بجسد بناتها ونسائها
الشغل الشاغل المطلوب من البنت والمرأة بمجتمعنا هو الحفاظ على جسدها لأنه شرف المجتمع والوطن .
بس يتحرر مجتمعنا من هيك عقدة كل المشاكل بتنحل
تحياتي

تسلم مستر سامو :D :D :D

كلام لا غبار عليه .. وانا بقلك سلامات لانو صرلك مدة مشاركاتك قليلة .. بس كلها عبر ..

وتحياتي الك ..

Nirvana

02/09/2006, 10:13

اول شي شكر كبير لكوستا لطرح هاد الموضوع :D
وبعدين الموضوع فعلا بالاصل متشعب كتير وهون لسه عملنا منو تشعبات اكتر وضعت فيه شوي

بس بدي علق على فكرة انحكت هون وهي انو البنت الها تلات طلعات وهني من بطن امها لبيت اهلها ومن بيت اهلها لبيت زوجها ومن بيت زوجها للقبر وبرأيي انو هي الفكرة لسه مترسخة بعقول كتير ناس بمجتمعاتنا وفيي قلكن يمكن بنسبة 90 بالمية من الناس اذا مو اكتر واللي عم يسمح لبنتو انو تطلع غير هيك عم تكون طلعات مقنعة (حاطة قناع يعني بس مابعرف حط التشكيل عالكيبورد) بمعنى انو تطلع طلعات بس تكون بالنهاية بتصب بطلعتها من بيت اهلها لبيت زوجها وبس...... مثلا مسموح الها انو تدرس جامعة وتتوظف بس لانو هالشي رح يسهل انو يجيها عريس مناسب ومو لانو هالشي بيعطيها شخصية قوية حلوة وفكر ...... ونفس هدول الناس مثلا رح يعارضو انو بنتون تتغرب او تكمل دراسات عليا حتى لو كانت مؤهلة لهيك شي بس لانو طلعة من هالنوع رح تصعب انو تلاقي العريس:cry:
مابعرف اذا عرفت وضح فكرتي بشكل صح

والي رجعة تانية عالموضوع

فكرتك واضحة جدا .
المشكلة انو الأهل والبنت بفكرو هيك ..
والاهل هني اللي عززو هالفكرة عند البنت .. وصارت ما تفكر تعمل شي بحياتها الا الزواج .

MR.SAMO

02/09/2006, 10:14

تسلم مستر سامو :D :D :D

كلام لا غبار عليه .. وانا بقلك سلامات لانو صرلك مدة مشاركاتك قليلة .. بس كلها عبر ..

وتحياتي الك ..
كل السلامات لك ولكوستا اهم شي انكن رجعتوا وانشالله الامور بترجع متل ماكانت بالاول واحسن
تحياتي يارفيقة الثورة للانسانية

Nirvana

02/09/2006, 10:15

كل السلامات لك ولكوستا اهم شي انكن رجعتوا وانشالله الامور بترجع متل ماكانت بالاول واحسن
تحياتي يارفيقة الثورة للانسانية

بترجع بوجودك معنا :D

napil 7

02/09/2006, 13:12

المراة بالفطرة أضعف من الرجل وبحاجة الو .. وهاد مو غلط .. لانو بالنهاية الرجل كمان ما بيستغني عن المرأة ..
والاديان كمان أعطت الرجل ميزة انو هوي رب البيت والأسرة والمسؤول .. وهاد كمان مو غلط ..
الرجل والمرأة بكملو بعض .. وكل واحد فيهم الو المميزات اللي بتخلي مهم للآخر ..
فالعلاقة بينهما لازم تكون بشكل تكامل وليس على اساس تنافس .

وبعيد عن علاقة المرأة بالرجل والمقارنة بينهما ..
الانسان اذا اصبح يعامل كإنسان .. رح تحصل المراة والرجل على هالحقوق .

والدين مو هو المشكلة لانو بالنهاية أي انسان بدو يكون عندو شي مبدا أو اعتقاد بآمن فيو .. وحتى المبدأ الانساني ما زال يعامل المرأة على انها أضعف ..
المشكلة في الانسان وفي تعاطيه مع كل من الدين والعادات والتقاليد والأعراف ..
موضوع النقاش حلو كتير وحساس بنفس الوقت وترددت كثيراً قبل المشاركه فيه لأنه عناصر النقاش متشعبة وبتفقد اساس اكتير مهم وهو ما تطرقت له الزميله Nirvana بشكل ضمني ( الي بالون الأحمر ) وهو انه الواحد لازم يحط بعتباره الأختلاف التكويني للمرأة ( جسمي / نفسي / عاطفي / .................. ) عن الجل ولي بخلي لكل واحد منهم دور في الحياة يحتاج لهذه الخاصية من التكوين من الصعب ان يقوم به الآخر بالشكل المطلوب لأنه ما بيمتلك نفس التركيز من هذه الخاصية ( يعني تخصص من الناحية العلمية ) وهذا الشي بخلي من الصعب المساواة بينهما في كل شي وبتكون المساواة بينهما عن طريق اعطاء كل طرف حقوقه على حسب دوره في الحياة ويمكن بكون في شي بحق للمرأة تعمله وما بحق للرجل والعكس صحيح مع وجود الحقوق المشتركة
تحياتي للجميع

Tulip

02/09/2006, 13:32

(في رحلة البحث عن نصفه الاخر التقاها. تحدثا طويلا عن أسطورة السعادة ..... والإيمان العميق بحقوق و واجبات النصفين.. كعربون حب أهداها خاتم الخطوبة و همس في أذنها بلطف: "إننا متساويان".
لم يمض وقت طويل بعد الرباط المقدس...... حتى أعاد العبارة ذاتها: "إننا متساويان" لكنه أضاف و بحدّة هذه المرة.... "لكنني السيد"؟!!!!!!!!)

يمكن منقدر نتحرر من كل هالفروقات بمجتمعنا بس نصير نفكر بالمرأة كأنسان بيقدر يفكر و يعيش و يحس لحالو من دون ما يرتبط بحدا......
نحنا بعاد كتير عن شي أسمو مساواة لأنو بباطن عقولنا في أفكار انزرعت من نحنا و صغار أنو المرأة ضعيفة و ما قادرة تعتمد عحالا و تكون مستقلة عن الرجل "يلي بيختلف وضعو بالنسبة لألا سواء كان أبوا أو أخوا أو زوجا بس المهم ما تعيش بلا "سند"...... تخيلو أنو حتى أبن عما أو ابن خالا اذا ما عندا حدا بس أنو ما بصير تعيش بلا "ضهر".......
والشي يلي بيفاجئ انو كتير من شباب اليوم بيحملو اسا نفس الافكار و هني مستعدين يبرهنو عن رجولتون و يكونو الضهر يلي بتتخبا ورا المرأة.
بس بدي قول للكل المرأة ما بدا ضهر تستند عليه و تتخبا ورا لتعيش....... بدا أيد تمسك بأيدا و تآمن بقدرتا أنو هيي كمان نص هالانسانية......

عياش

02/09/2006, 13:40

اضطهاد المرأة بدأ مع استبدال عشتار بـ يهوه والشرق دائم الارتباط بدينه الذي يعزز السيادة الذكورية

Nirvana

02/09/2006, 13:44

موضوع النقاش حلو كتير وحساس بنفس الوقت وترددت كثيراً قبل المشاركه فيه لأنه عناصر النقاش متشعبة وبتفقد اساس اكتير مهم وهو ما تطرقت له الزميله Nirvana بشكل ضمني ( الي بالون الأحمر ) وهو انه الواحد لازم يحط بعتباره الأختلاف التكويني للمرأة ( جسمي / نفسي / عاطفي / .................. ) عن الجل ولي بخلي لكل واحد منهم دور في الحياة يحتاج لهذه الخاصية من التكوين من الصعب ان يقوم به الآخر بالشكل المطلوب لأنه ما بيمتلك نفس التركيز من هذه الخاصية ( يعني تخصص من الناحية العلمية ) وهذا الشي بخلي من الصعب المساواة بينهما في كل شي وبتكون المساواة بينهما عن طريق اعطاء كل طرف حقوقه على حسب دوره في الحياة ويمكن بكون في شي بحق للمرأة تعمله وما بحق للرجل والعكس صحيح مع وجود الحقوق المشتركة
تحياتي للجميع

اهم شي انو الواحد فيهم ما يلغي التاني .

الفارس منذر

02/09/2006, 14:06

اصدقائي ...
بعد التحيه
حبيت أني أعلق على الموضوع للأسف ما قرأت جميع المشاركات بس رأي انا كالتالي :-
أن المرأه لا يمكن بأي حال من الاحوال أن تكون محرومه من بناء المجتمع فهي أن لم تشارك بلبناء عبر و ظيفه أو عمل او ما الى ذلك فهي تشارك بطريقه غير مباشره و ابسط دليل على ذلك مساهمتها بتربية الأجيال و هذا العمل لا يمكن أهماله فهو مهم جدا و ايضا مساهمتها في أعطاء النصح و المشوره سواء كانت أخت أو زوجه أو حبيبه ايضا لا يمكن اهمله
الشيء الثاني هو أن الحواء لا يمكن أن تستغني عن أدم كما أن العكس صحيح فكلاهما المجتمع
المهم هو الوعي و الفكر و الأدراك و هذه الاشياء يحتاجها ادم كما حوا
فكثير من رجال لا توجد عندهم هذه الأدوات فهم لا يبنوه المجتمع انما يقومون بتخريبه

أسف على الاطاله و هذه ليست من عادتي بس الموضوع شيق و مهم جدا

جورج الأول

02/09/2006, 14:26

رح أعطيكم معادلة و انتو فسرورجل يتزوج أربعة نساء هذا يعني الرجل يساوي أربع نساءشهادة رجل تساوي شهادة اثنين من النساءهذا المجتمع مؤسس على الاستخفاف بالمرأة فمنذ الجاهلية ومجتمعنا العربي لايقيم لها اعتباربالجاهلية كان الرجل يستطيع الزواج بعدد غير محدود من نساء قبيلته و أن يتبع له عدد غير محدود من الجواري و كانت المرأة من سبايا الحروب فيقتسموا النساء كما يقتسمو الغنائم من مال وبهائم.ان هذه المعاملة للمرأة منذ الجاهلية تدل على مدى أهميتها بالنسبة للرجل لذلك اعتادوا الرجال الحفاظ على كل ما هو مهم وثمين في مكان أمن بعيد كي لايراه أحد فيسرقه أو يعبث به .هذه العقلية موجودة حتى يومنا هذا و السبب الأساسي لاستمراريتها هي المرأة . وللأسف لمعلومات البعض أن أول مؤسس لجمعيات تحررالمرأة في الغرب هو رجل .و اذا سألت غالبية النساء بمجتمعنا عن وضعهم فسوف يجاوبون بأنه جيد وقلة قليلة التي تحس بالغبن و السبب هو التربية البيتية المؤسسة على السلطوية الذكورية . المرأة منذ ولادتها تجد حياتها مرسومة بشكل معين وهذا الرسم منطبق على أمها وجدتها وجارتها فتظن أنه هذا هو الصحيح فلاتتعب نفسهابمقارنة نفسها مع أخوها أو حتى نساء الغرب لأن هذا عيب وحرام .فكيف تطلبون من المرأة أن تطالب بحقوقها و هي لاتؤمن بهذه الحقوق؟؟؟

ameen

02/09/2006, 15:03

هلق الموضوع شيق جدا و مهم بس متل ما قالو الاخوة قبل انو في الو تشعبات كتير فياريت نحط نقط معينة و نحاول نقاشها و حدة وحدة بهدف الوصول لأفضل نتيجة
فشو رأيكن نبلش بنقطة أولى تكون عبارة عن تصور و رأي شخصي لكل واحد مننا سواء شب أو بنت عن الصورة المثلى للمرأة برأيه من كافة النواحي يعني:

من ناحية المساواة مع الرجل بكافة المواضيع
العمل فبل الزواج و بعده
الحرية الشخصية و حرية القرار
تعديل القوانين النافذة اللي بطضهد المرأة
موضوع الزواح و الطلاق
إلخ...................فياريت كل واحد يبدي رأيه لنجمع الاراء و نتناقش فيا بركي منقدر نوصل لتصور جماعي نتبناه

و تحياتي للجميع:D :D :D :D

napil 7

02/09/2006, 15:25

اهم شي انو الواحد فيهم ما يلغي التاني .
اذا تم الغاء احدهم بيعني انه لم يعطى حقوقه وهذا ضمن الأشتراط

Nirvana

02/09/2006, 15:39

من ناحية المساواة مع الرجل بكافة المواضيع

الرجل والمرأة لهما حقوق وواجبات كبشر أولا .. اذا تحقق هذا تحققت المساواة ..

العمل فبل الزواج و بعده

تكتفي بعض النساء بالعمل بالبيت ويرغب البعض الآخر في العمل خارج البيت وتحقيق الذات .. وكلا الأمرين صحيح .. والاختيار للمرأة اذا ناسبها التوفيق بين الاثنين في حالة الزواج والعمل أو البقاء في البيت وذلك بمساعدة ودعم الزوج ايضاً ، واذا كانت غيرمتزوجة فأكيد يجب ان تعمل وتقدم شيء في المجتمع الا اذا لم تملك القدرة على ذلك.
واذا لم تملك القدرة على التنسيق بين البيت والعمل فيفضل اما ان تبقى بالبيت أو ان تعمل ولا تتزوج .
لانو بمجرد وجود أطفال في البيت لا يمكن اهمال البيت باي شكل من الأشكال .

الحرية الشخصية و حرية القرار
هذا حق انساني لكلا الجنسين .

تعديل القوانين النافذة اللي بطضهد المرأة
ما عندي جواب لاني ما بعرف بالقانون .. لكن لا يسمح بالاضطهاد لاي انسان سواء مراة أو رجل وأي قانون يضطهدماه يجب الغاؤه او تعديله .

موضوع الزواح و الطلاق
اذا اتبعنا التعامل الانساني والصادق بين الرجل والمرأة فيمكن اعتباره موضوع شخصي يخصهما بالاتفاق ..
اما كقوانين :
فهذا موضوع كبير جدا .. وله كثير من الجوانب لم يتم التحديد هنا ..
فالزواج في دولنا العربية إما إسلامي أو مسيحي وفي كلا الدينين يوجد تمادي للرجل في استخدامه لحقوقه الشرعية ويوجد تنازل من المرأة عن حقوقها الشرعية ايضاً .

ري مي

02/09/2006, 16:55

بصراحة انا كتبت الموضوع وافكاري كانت مخربطة .... ومشان هيك رجعت حطيت رد تاني

هلأ المساواة يا ري مي ضرورية مع الاخذ بالاعتبار انو كل انسان الو كيانو الخاص
والاحترام واجب على الكل ومن الطرفين
هيدا شي أكيد
بس يا ترى شو هو الاحترام ؟؟
احترام الانسانية
معقول ينفقد بعد فترة من الزمن
طبعا بينفقد الاحترام بحالة انو اذا الطرف التاني ما بيحترم حالو ......أنت كيف بدك تحترمو؟؟

انا مع انو الناس تحترم الانسانية
بمعنى انو لازم المجتمع ككل(نساء ورجال) يحترمو إنسانية المرأة وبهالطريقة بيتحقق العدل
وليس المساواة لانو المساواة مستحيل تحققها مية بالمية لانو الله خلق البنات مختلفين عن الشباب
ومع الاسف انو فيه نساء مثلا بيكتئبو وبينغمو لما بتجيهم بنت
طيب انتي مو مرة ؟؟ كيف هيك بتتصرفي شو بتتنكري لجنسك؟؟؟:pos:
على فكرة انا ما قريت كل الردود يمكن كلامي يكون مكرر

ري مي

02/09/2006, 17:09

طيب هلأ خطر على بالي شغلة
كلنا منعرف انو الشب لما بحب بنت بروح وبيحكي معها وبصارحها بحبو .....
طيب اذا كانت البنت بتحب شب
ليش ما بتصارح بهاد الشي وما بتقول انها بتحبو ؟؟
طبعا رح نقول العادة هيك انو الشب هو يلي بيحكي
طيب البنت اذا حكت شو رح يكون موقف الشب منها
وموقف الاهل منها والمجتمع

هي هي هي
عنجد انا رح قلك
اذا البنت حبت شب وراحت حكتو بيشوف حالو عليها وبيرفع راسو هيك بشموخ ديك
وبينفش ريشاتو
وع شوي بيصيح لكل العالم ليكو هي البنت راكدة وراي
وبتنزل من عينو ومن عين الشلة لانو اكيد ما رح يضل شب بالمنطقة الا ويتباهى قدامو
يعني بصراحة(اسفة عالكلمة) بس بيتحاقر معها
بس ليش ما بعرف؟؟
وللامانة العلمية
مرة هالشغلة كانت مفقعتني قمت سألت صديقي عنها
قام قلي مظبوط معظم الشباب هيك
بس ليش؟؟ هون انا بدي اعرف ليش؟

ري مي

02/09/2006, 17:27

من ناحية المساواة مع الرجل بكافة المواضيع
بعود بقول انو المساواة مستحيلة ولكن العدل .. العدل بيناتون .. والمعاملة الانسانية
العمل فبل الزواج و بعده
أنو شو خص هي ب هي
بربك يعني العمل لازم الانسان يشتغل لحتى يحقق ذاته ويضيف معنى لحياته
العمل شي لازم يكون منفصل عن الزواج والقرارين ما دخلن ببعض برأيي
الحرية الشخصية و حرية القرار
منعود لاحترام انسانية المرأة اللي بيعطيها حريتها
تعديل القوانين النافذة اللي بطضهد المرأة
موضوع الزواح و الطلاق
شغلة القوانين ... انا مو كتير خبيرة بهالامور
بس شغلة الزواج والطلاق
فيه قانون جديد يطبق عالمسلمين في سوريا ومصر والكويت
هو الخلع
وبرأيي هيدا تقدم إيجابي لصالح العدل بين الجنسين

Reemi

02/09/2006, 17:35

هو الخلع
وبرأيي هيدا تقدم إيجابي لصالح العدل بين الجنسين

اي كتير منيح هيدا...
بس كماني في قانون مهم..لتغيير نظرة المجتمع..او لنبدا بهالتغيير...
انه في قانون بقول...
لما بتطلق المرا بتروح الحضانة الها..(متير عظيم) بس هيدي المراه اذا بدها ترجع تتزوج....

تــــــــــــــــــــســــــــــــــــــــقـــــــ ــــط حضانة الاطفال.....!

بالنسبة للعمل..هيدا اله دخل بقبل وبعد..لانه في كتير رجال بكون قبلان ع خطيبته او حبيبته تتزوج وبعدين بس تصير عنده بقلها لا صار وراكي بيت ومسؤوليات وكذا....
من ناحية المساواة مع الرجل بكافة المواضيع
بدنا نوصل لمقدار لا بأس فيه من العدل...
الحرية الشخصية و حرية القرار
بشوف انا انه بالنسبة للرجل الشرقي ما رح يعطي مرته حرية الاختيار والقرار بشكل مطلق وكامل...(مهما كانت نسبة تحرره )

جورج الأول

02/09/2006, 20:56

هي هي هي
عنجد انا رح قلك
اذا البنت حبت شب وراحت حكتو بيشوف حالو عليها وبيرفع راسو هيك بشموخ ديك
وبينفش ريشاتو
وع شوي بيصيح لكل العالم ليكو هي البنت راكدة وراي
وبتنزل من عينو ومن عين الشلة لانو اكيد ما رح يضل شب بالمنطقة الا ويتباهى قدامو
يعني بصراحة(اسفة عالكلمة) بس بيتحاقر معها
بس ليش ما بعرف؟؟
وللامانة العلمية
مرة هالشغلة كانت مفقعتني قمت سألت صديقي عنها
قام قلي مظبوط معظم الشباب هيك
بس ليش؟؟ هون انا بدي اعرف ليش؟
انو بلاصغرة لما الشب بيعترف للبنت عن حبو الها مابتعمل نفس الشئ.يعني ما بتقول لصحابها انو لاحقني و انا مطنشته؟ ما بتصير تدلل عليه؟....اذا كان الزواج هو محور العلاقة بين الرجل والمرأة ؟فليس هناك ما يسمى مساواة.

Nirvana

02/09/2006, 21:02

الاحترام والانسانية

ري مي

02/09/2006, 21:06

انو بلاصغرة لما الشب بيعترف للبنت عن حبو الها مابتعمل نفس الشئ.يعني ما بتقول لصحابها انو لاحقني و انا مطنشته؟ ما بتصير تدلل عليه؟....اذا كان الزواج هو محور العلاقة بين الرجل والمرأة ؟فليس هناك ما يسمى مساواة.

أنا ما قلت انو الزواج هوي محور العلاقة بين الرجل والمراة

يا سيدي نسبة كبيرة من الشباب هيك بيتصرفو اذا البنت اول ما عبرت عن اعجابا
هلق دلال البنت شي ....والصد والتعالي شي تاني
بربك انت بتحب البنت اللي ما فيها دلال وغنج ؟؟؟؟
هيك ناشفة

Reemi

02/09/2006, 22:40

بربك انت بتحب البنت اللي ما فيها دلال وغنج ؟؟؟؟
هيك ناشفة

من كل عقلك....اكيد نو :lol:

ري مي

03/09/2006, 00:18

طبعا نو على قولتك
بس بدك الشباب يعترفو:lol:

fara7_903

03/09/2006, 01:05

جورج الأول

04/09/2006, 14:42

أنا ما قلت انو الزواج هوي محور العلاقة بين الرجل والمراة

يا سيدي نسبة كبيرة من الشباب هيك بيتصرفو اذا البنت اول ما عبرت عن اعجابا
هلق دلال البنت شي ....والصد والتعالي شي تاني
بربك انت بتحب البنت اللي ما فيها دلال وغنج ؟؟؟؟
هيك ناشفة

البنت الدلوعة ظريفة بس للأسف بعد الزواج بيتبين انو دلع بصير كسل واستغلال للطرف الأخر و أنا ما عم احكي عالكل بس على نسبة.

MR.SAMO

04/09/2006, 14:44

البنت الدلوعة ظريفة بس للأسف بعد الزواج بيتبين انو دلع بصير كسل واستغلال للطرف الأخر و أنا ما عم احكي عالكل بس على نسبة.
في اختلاف بين الدلع الانوثي الطبيعي لكل بنت وبين الدلع المصطنع وهيدا الي بيبين بعد الزواج بأغلب الاوقات

جورج الأول

04/09/2006, 14:50

الموضوع كتييير حلو .. وبرأيي المتواضع انه في هالأيام بيعتمد على شخصية البنت .. وإنه هي اللي ممكن تحدد دورها بالمجتمع ... وعلى فكرة شو ماكان عيلتها أو مركزها الاجتماعي .. راح تئدر تحدد دورها بكل جدارة .. يعني إحنا هلأ في مجتمع صار نوعا ما يبعد عن العادات والتقاليد وأيام ستي وستك .. وبتلاقي بنفس الحارة ناس بيتقبلوا انه البنت تطلع مع الشب مثلا ... طبعا انا لا أشجع ذلك بس على سبيل المثال .. وجيرانهم لا متحفظين على هالموضوع .. وما بيرضوا لبنتهم تطلع من البيت .. فهيمسألة قناعات مش أكتر ... يعني كل واحد عم بقتنع بفكرة بسويها .. أو بتأثر بشي معين داخله ..
وموضوع المساواة كتيييييييييييييير صعب لأن الرجل الشرقي دائما يحب السلطة على المرأة .. :gem: بطيعته .. واتفق مع الشباب إنه المجتمع ذكوووري ... خلاص راحت علينا ..
;-)
تحياتي ..
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ليش ما بتقيدي طلعت البنت مع الشب؟؟؟؟؟؟المفاهيم المتوارثة هي يلي عم توضع المرأة بموقف المستضعف.يعني عيب تطلع البنت مع الشب ؟؟ليش ؟؟لأنو مجتمعنا شرقي ؟؟ولأنو الشباب كلهم زعران ونور ؟؟أما البنات يلي بوقعوا الشباب مو موجودين ؟؟؟؟بدكن تتحرروا وانتو بتعرفوا حالكم مو قد الرجال و بتخافوا منهم مشان هيك خليكن ببيتكون أحسن.يلي بدا تتساوى مع الرجل لازم تحس أول شئ انها متل الرجل؟ "مو اجر لورا واجر لقدام ".

COSTA

05/09/2006, 03:50

كلامك أخ كوستا صح للأسف
والسبب بجدارة هو المجتمع الشرقي وأنت كرجل شرقي صعب تتجرد منو
ممكن أنت كرجل متحرر تتحرر من بعض العقد يلي فرضها علينا مجتمع مليان بعادات وتقاليد
بس في اشيا مستحيل تتخلى عنها

السبب مو الدين أنا برأيي لأنو مافي ديانة سماوية أجت ألا وكان الأخلاق والأنسان أهم قضية فيها

السبب هو نحنا أنا وأنت
أنا ممكن اظلم حالي بدون ماحدا يظلمني
متل أني مثلا حب دخن بمكان عام بمطعم او اي شي يمكن ما اعمل ها الشغلة كرمال انو احترم حالي لأني بعرف شو نظرة المجتمع مع العلم انو يمكن كل الموجودين تكون نظرتهم عادية

باوقت نفسو يلي الرجل ممكن يدخن ويشرب كمان وبالعكس هيك بكون حصل على كمية اكبر من المعجببين:cry: ولا شو؟؟
انا صح رجل شرقي بس هاد ما بدل على اني اتقيد بعادات وتقاليد
بالعكس انا بعتز بشرقيتي لما بكون متفهم الوضع الاجتماعي وبسعى انو الكل يكون متساوي ويحصل على حريتوا
وانا لما حكيت عن الدين ما ذميت فيه بالعكس انا احترم الاديان بس قلت انو العادات والتقاليد فرضها رجال الدين

انا بعرف قصة انو رفيقة الي حبت شب كتير وماقدرت إلا صارحتو
وكانت النتيجة عكس ما كل الشلة متوقعة
بالعكس هو حبها على حبها الو والون هلىء سنتين ويمكن بحبها اكتر ما هي بتحبو

نحنا حاليا بالقرن الواحد والعشرين وقدرنا الحمدلله نتحرر شوي من بعض العقد

أخ كوستا أنت لما بتكتب موضوع أو بتعرض مشكلة فبتكون بها الحالة بنسبة 75% عم تحكي عن حالك مو بس انت أنا و كل الناس
وأنت بجوز ماعندك مشكلة انو بنت تجي تصارحك بس في شباب عندون مشكلة
وبصراحة انا عندي مشكلة بها النقطة مدري ليش ؟؟
يعني بعجب بشخص كتير وبتعلق بشخص كتير بالوقت يلي بورجيه انو انا مو طايقتو
بكره ها الطبع فيني بس جد يا خسارة انو ماقدرت اتجرد منو

وخسرت اهم شخص بحياتي لهاد السبب

يعني انا متل اغنية فارس كرم...شفتا بشارع الحمرا:razz:

انا شخصيا ما عندي مشكلة بالصراحة ...... بس الشباب يلي عندون مشكلة بصراحة البنت بكون تركيبة عقلو على نمط ذكوري بحت ومتسلط لدرجة انو يفكر فيها انها رخيصة وعم تعرض حالها
وعفوا لتدخلي بس انت طالما انك حكيتي هون على النت مشكلتك وما بتعرفيها ليش ..... بعتقد هي اول بادرة انك تتخلي عنها وتبحثي عن السبب وتطلعي منها

COSTA

05/09/2006, 03:56

:lol: انا شخصيا لف راسي .. وصرت حاطة مليون رد .. بس الموضوع مهم نحكي فيو ..
عسلامتك وسلامة راسك
ومن المهم الواحد انو يحط رد ويشارك بنظرة للموضوع لانو بصير تفاعل بين كل الافكار والردود
وبيتنور الواحد من التاني

COSTA

05/09/2006, 04:05

هالموضوع بصير لما بيصير الانسان أولا انسان ..
لما تصير البنت تحس بالامان والثقة بنفسها ..

أما اذا حكت فاتصور انو الموضوع فيو خصوصية ومو شرط العالم كلها تعرف فيو .. ولو عرفو شو المشكلة .. هاد شي طبيعي.. بس حتى بكل مكان بالعالم الدارج انو الشب يقوم بالمبادرة لانو عامل الثقة والامان عندو معزز اكتر .

وبعدين مين قلك ما بتصير .. بتصير.

هو مزبوط كلامك انو عامل الثقة معزز عند الشب
بس بعصرنا هاد كمان عامل الثقة صار معزز عند البنت
وصار لازم تنطلق وتعبر عن حالها بكل حرية
ولما البنت بتحكي وبتصارح الشب يلي مقابلها ما بعتقد انو هاد الشي خصوصي لانو ما عاد يمسها الها فقط ..... صار يلمس شب وبنت يعني مجموعة
وهون في نقطة لازم تتوضح انو تكون واثقة من الرد يلي بدو يصدر من الشب ... ان كان سلبي او ايجابي
ولما بقصد الثقة يعني البنت تكون واثقة من الشب اذا حكيت معو رح يتقبل الموضوع وما ياخدو على اي اتجاه آخر

Nirvana

05/09/2006, 13:58

هو مزبوط كلامك انو عامل الثقة معزز عند الشب
بس بعصرنا هاد كمان عامل الثقة صار معزز عند البنت
وصار لازم تنطلق وتعبر عن حالها بكل حرية
ولما البنت بتحكي وبتصارح الشب يلي مقابلها ما بعتقد انو هاد الشي خصوصي لانو ما عاد يمسها الها فقط ..... صار يلمس شب وبنت يعني مجموعة
وهون في نقطة لازم تتوضح انو تكون واثقة من الرد يلي بدو يصدر من الشب ... ان كان سلبي او ايجابي
ولما بقصد الثقة يعني البنت تكون واثقة من الشب اذا حكيت معو رح يتقبل الموضوع وما ياخدو على اي اتجاه آخر

وأكيد لما تكون البنت عندها ثقة بالشب رح تحكيلو وهي مطمنة أنو ما يعاملها بفوقية.. وحتى الشب اذا كان عندو ثقة بالبنت بيحكيلها وهو مطمن من انها ما رح تستغلو..

Reemi

05/09/2006, 14:01

طيب سؤال...:D
شو الي بيضمن .:? .(اذا البنت هيي صارحت الشب اول;-) )..بانه اول مشكلة ممكن يمروا فيها...يقلها:بس لاتنسي انتي الي جيتي لعندي...:shock: :x

(وبعتقد الواحد لما يكون معصب بيطلع منو شروي غروي.:cry: .وع قولة القباني..:hart: :شطبي من كلامي نصف ما اقول عندما اكون غاضبا..)

Nirvana

05/09/2006, 14:04

MR.SAMO

05/09/2006, 14:29

هذي بلاد تختن القصيدة الأنثى ...
وتشنق الشمس لدى طلوعها
حفظاً لأمن العائلة
وتذبح المرأة إن تكلمت ...
أو فكّرت ...
أو كتبتْ ...
أو عشقتْ ...
غسلاً لعار العائلة ...
د. سعاد الصباح

ليلة القبض على فاطمة

Nirvana

05/09/2006, 14:53

هذي بلاد تختن القصيدة الأنثى ...

وتشنق الشمس لدى طلوعها
حفظاً لأمن العائلة
وتذبح المرأة إن تكلمت ...
أو فكّرت ...
أو كتبتْ ...
أو عشقتْ ...
غسلاً لعار العائلة ...
د. سعاد الصباح

ليلة القبض على فاطمة

وأكتر ..

MR.SAMO

05/09/2006, 19:10

وأكتر ..

هذي بلاد أكلتْ نساءها
واضطجعتْ سعيدة
تحت سياط الشمس والهجير
هذي بلاد الواق الواق ... التي تصادر التفكير
وتذبح المرأة في فراش العرس ... كالبعير
وتمنع الأسماك أن تسبح
والطيور أن تطير ...
هذي بلاد تكره الوردة إذا تفتحتْ ...
وتكره العبير ...
ولا ترى في الحلم إلاّ الجنس والسريرْ ...

Nirvana

05/09/2006, 19:25

هذي بلاد الواق الواق ... التي تصادر التفكير

:cry: بلاد تصادر التفكير .. شو رح بيصير بعدين .. ؟؟

MR.SAMO

05/09/2006, 19:27

:cry: بلاد تصادر التفكير .. شو رح بيصير بعدين .. ؟؟
شعب بيخاف انه يفكر واصعب شي الاحتلال والاستبداد الفكري

Nirvana

05/09/2006, 19:34

شعب بيخاف انه يفكر واصعب شي الاحتلال والاستبداد الفكري

تخيل كيف بدك توعي وتحرر شعب ما بفكر.. وبخاف كمان من انو يفكر ..

MR.SAMO

05/09/2006, 19:36

تخيل كيف بدك توعي وتحرر شعب ما بفكر.. وبخاف كمان من انو يفكر ..
الشعب اللي مابيفكر بيكون قطيع مدجن
الله ميز الانسان عن غيره من الخلائق بنعمة الفكر

Nirvana

05/09/2006, 19:41

الشعب اللي مابيفكر بيكون قطيع مدجن

ونحنا هيك صرنا ..

بدي اسالك شو أخبار مي 2 اذا بتعرف؟؟

MR.SAMO

05/09/2006, 19:43

ونحنا هيك صرنا ..

بدي اسالك شو أخبار مي 2 اذا بتعرف؟؟
ابو حسن ممتاز الحمدالله
بحكي معه تقريبا كل يوم على الماسنجر بس الظاهر بطل الاخوية هالفترة

Nirvana

05/09/2006, 19:47

ابو حسن ممتاز الحمدالله
بحكي معه تقريبا كل يوم على الماسنجر بس الظاهر بطل الاخوية هالفترة

ايه ممتاز .
مزبوط صرلو زمان ما شارك .. وجهة نظر قوية ..
شكرا الك ..

ري مي

06/09/2006, 00:54

هذي بلاد تختن القصيدة الأنثى ...

وتشنق الشمس لدى طلوعها
حفظاً لأمن العائلة
وتذبح المرأة إن تكلمت ...
أو فكّرت ...
أو كتبتْ ...
أو عشقتْ ...
غسلاً لعار العائلة ...
د. سعاد الصباح

ليلة القبض على فاطمة

:cry: :cry: :cry: :cry: :cry:
للاسف

MR.SAMO

06/09/2006, 10:26

:cry: :cry: :cry: :cry: :cry:
للاسف
هذي بلاد أغلقت سماءها
وحنّطتْ نساءها
فالوجه فيها عورة
والصوت فيها عورة
والفكر فيها عورة
والشعر فيها عورة
والحب فيها عورة
والقمر الأخضر، والرسائل الزرقاءْ
معك حق

Nirvana

06/09/2006, 11:16

وحنّطتْ نساءها

لهيك الامراة دورها كتير محدود في المجتمع .

MR.SAMO

06/09/2006, 12:08

لهيك الامراة دورها كتير محدود في المجتمع .
معذرة ... معذرة ...
لن أتخلى قط عن أظافري
فسوف أبقى دائماً
مقتولة ... أو قاتله ...
[/CENTER]

Nirvana

06/09/2006, 12:16

معذرة ... معذرة ...
لن أتخلى قط عن أظافري
فسوف أبقى دائماً
مقتولة ... أو قاتله ...

بتعرف فعلا المرأة عم بتكون .. يا ضحية .. يا اما شرسة زيادة عن اللزوم ..
والسبب هو رغبتها في حماية نفسها من المجتمع .. ومن الظلم اللي عطول حاسة فيو .

MR.SAMO

06/09/2006, 12:22

بتعرف فعلا المرأة عم بتكون .. يا ضحية .. يا اما شرسة زيادة عن اللزوم ..
والسبب هو رغبتها في حماية نفسها من المجتمع .. ومن الظلم اللي عطول حاسة فيو .
عدم شعورها بالأمان بيخليها تحس انه اللي حواليها كلهن أعدائها

whiterose

06/09/2006, 13:38

أنا قلت يمكن أنو النقاش أو الجدل بها الموضوع
أما جدل عقيم أو نقاش بدون فوائد

بالمسبة لموضوع المرأة بالمجتمع الشرقي بشكل عام
لايتبعه دين ولاشي

موضوع المرأة بيتبعه عادات وتقاليد وشرف العيلة
لأنها بكل بساطة هدف الرجل بأي شي

محيط فكر الرجل هو المرأة و ما بقصد بها الشي أني نزل من قيمة الرجل بالعكس
تماما لأنو المرأة بتحصل على قيمتها بالمجتمع لما الرجل بيعملها قيمة

ممكن تكون بنت لها قيمة ببيت أهلا لأنو ابوها عاززا

وببيت زوجها شرحو
ولما المرأة بدها تحصل على كرامة و عيش رفيع بدون تنازلات
انا بعتقد كتفكيري الخاص لأني بالنهاية أنثى أنو ها الشي مرتبط بحالي انا
شو ماكان ديني شوماكان عرقي وشو ماكانت معتقداتي
انا بقدر ببساطة افرض على اي شخص بالعالم انو يحترمني بدون ما احكي مع ها الشخص ولا كلمة
ممكن تصرف مني يعطي الشخص التاني فكرة عني

وانا بقدر ببساطة اثبت وجودي وين مارحت بدؤجة ثقافتي بدرجة اهتمامي بأنوثتي
وعمرو الدين ماكان عائق
المراة لتوصل للشي يلي بدها ياه لازمم هي ترقي حالها مو تستنى من المجتمع انو يرقيها او من الرجل انو يعملها قيمة

هي ممكن تقيم نفسها وتصير غالية بعيون كل الناس