ما هو رأيكم؟؟

صراع حاف.. و يجب ان ينتهي بأقرب وقت

أنا ماني شايف صراع عربي ـ اسرائيلي
شايف صراع وجود فلسطيني ـ اسرائيلي , و 300 مليون متفرج

حاف يعني بدون لقب... (عادة يعني ساندويتش بدون أي شيء! خبز فقط!).. لا أدري ان كانت كلمة معروفة لديكم لذلك أردت التوضيح :D

أنا ماني شايف صراع عربي ـ اسرائيلي
شايف صراع وجود فلسطيني ـ اسرائيلي , و 300 مليون متفرج

حلوة :lol:

بس العرب شاركوا بالصراع بشكل فعال... عندك مثلا الأردن و مصر حديثا و موريتانيا و قطر و البحرين... شبنا 8)

أنا ماني شايف صراع عربي ـ اسرائيلي
شايف صراع وجود فلسطيني ـ اسرائيلي , و 300 مليون متفرج
يسلم هلالتم
:gem: :gem:

حاف يعني بدون لقب... (عادة يعني ساندويتش بدون أي شيء! خبز فقط!).. لا أدري ان كانت كلمة معروفة لديكم لذلك أردت التوضيح

عزيزي الفاضل (جو):
راح أبلش إدهشك لو قلتلك شو الشعب السوداني عم بيعرف عن اللهجة الشامية!!
نحن بنعرف كلمة (حاف) في الأصل ككلمة عربية فصحى.. ونحن عم بنعرف كتيييير عن العامية السورية :D :) :D :)
بنعرف (تقبرني، وخيو، وزلمة، وشو ، ودخيلك، ويوبا، ويامو،)
وعم نحضر كتييير من المسلسلات السورية (وإن غلب عليها طابع - حزب البعث وفكره -الا انها علمتنا الكثير من عادات وطباع الشعب السوري).. شاهدنا : الدغري، وجميل وهناء، ويوميات مدير عام ، ونهاية رجل شجاع وغيرهم كثيييييييير....
شو رأيك خيو ... مش طلعنا (أبضايات ) زييكو :gem: :gem: :gem: :)
لك محبتي وإعزازي وإحترامي
على فكرة :أتفق تماما مع قولك:

يجب ان ينتهي بأقرب وقت

الى لقاءقريب

صراع وجود
:D :D :D :D :D

على راسي أخي العزيز قصي و أطيب التحيات للشعب السوداني الطيب :D

هدا الصراع بالشرق الأوسط هو صراع طويل المدى ... و يبختصر صراعات سابقة
و مع أنو إردة السلام موجودة عند كتير من العالم بس جوهر الصراع ما بيسمح للسلام ياخذ مجراه
لأنو الصراع عم بيغزي التعصب الديني.. و بالذات من الطرف اللي محسوب أنو منفتح و ديمقراطي (إسرائيل) مع العلم أنو اليسار الإسرائيلي يمكن التحاور معو و الوصول إلى سلام معقول... بس هو ما بيشكل إلا أقلية... بينما المتطرفين المتشددين فهن الأكثرية ...
و من جهة ثانية الفلسطينين مستعدين للسلام بعتقد بس المشكلة أنو السلام ما رح يشمل الكل يعني الناس المشردة و اللي انظلمت و اعتصبت أراضيها و أموالها مين بدو يعوضها؟؟؟
بعتقد بالرغم من أخطاء الأطراف العربية المختلفة بالتعامل مع القضية الفلسطينية إلا أنو الإشكال الحقيقي بوجه السلام هو إسرائيل و الدليل أنو اللي شعل الأوضاع بفلسطين كانوا الإسرائيليين بعام 2000 بعد ما كان الوضع أقرب ما يكون لصياغة حل ... بس هني ما عم يدورو على حل .. بدهن يفرضوا نفسهم بقوة الأميركان و ضعف الجماهير العربية..

هدا الصراع بالشرق الأوسط هو صراع طويل المدى ... و يبختصر صراعات سابقة
و مع أنو إردة السلام موجودة عند كتير من العالم بس جوهر الصراع ما بيسمح للسلام ياخذ مجراه
لأنو الصراع عم بيغزي التعصب الديني.. و بالذات من الطرف اللي محسوب أنو منفتح و ديمقراطي (إسرائيل) مع العلم أنو اليسار الإسرائيلي يمكن التحاور معو و الوصول إلى سلام معقول... بس هو ما بيشكل إلا أقلية... بينما المتطرفين المتشددين فهن الأكثرية ...
و من جهة ثانية الفلسطينين مستعدين للسلام بعتقد بس المشكلة أنو السلام ما رح يشمل الكل يعني الناس المشردة و اللي انظلمت و اعتصبت أراضيها و أموالها مين بدو يعوضها؟؟؟
بعتقد بالرغم من أخطاء الأطراف العربية المختلفة بالتعامل مع القضية الفلسطينية إلا أنو الإشكال الحقيقي بوجه السلام هو إسرائيل و الدليل أنو اللي شعل الأوضاع بفلسطين كانوا الإسرائيليين بعام 2000 بعد ما كان الوضع أقرب ما يكون لصياغة حل ... بس هني ما عم يدورو على حل .. بدهن يفرضوا نفسهم بقوة الأميركان و ضعف الجماهير العربية..

ولكن اذا سمحت لي أخي ليست اسرائيل التي قالت عام 1968
لا سلام لا تفاوض لا إعتراف بالعرب
بل هم من قالوا لا اعتراف باسرائيل.........
فمن الذي لا يريد حلا للقضية الفلسطينية؟؟؟؟؟؟؟؟؟؟؟؟؟؟؟ ؟؟

فمن الذي لا يريد حلا للقضية الفلسطينية؟؟؟؟؟؟؟؟؟؟؟؟؟؟؟ ؟؟

الأنظمة العربية التي تستغلها حجة للاستبداد و لسحق شعوبها

حتى الشارع العربي الإسلامي و القومي يرفض السلام مع إسرائيل و يعتقد ان قتل المدنيين الإسرائيليين حلال على العرب

لا أعتقد ان المسألة مسألة أنظمة عربية فقط

بس العرب شاركوا بالصراع بشكل فعال... عندك مثلا الأردن و مصر حديثا و موريتانيا و قطر و البحرين... شبنا 8)

وبرأيي مع كل هالشي بضل صراع وجود :D

ليست اسرائيل التي قالت عام 1968
لا سلام لا تفاوض لا إعتراف بالعرب

هي لاءات الخرطوم الشهيرة حتى محمد الماغوط ما عاد كتب عنها... و السادات قال نعم نعم نعم و من بعدوا الملك حسين و ياسر عرفات و الحبل على الجرار...

وبرأيي مع كل هالشي بضل صراع وجود

بس يعني الشعوب مو فيران حتى يكون وجود و مو وجود :confo:
يعني لازم يتفقو على مصالحة ما
و كمان شغلة الشعب الفلسطيني صرلو عم يناضل أكتر من 50 سنة بشكل مسلح و بالقوة
أعتقد انو حان وقت النقاش السلمي ( الواعي)
كفانا سفك دماء ( من الخارج و الداخل)
:D :D :D :D :D :D :D :D :D :D :D :D :D :D :D :D :D :D :D :D :D

و كمان شغلة الشعب الفلسطيني صرلو عم يناضل أكتر من 50 سنة بشكل مسلح و بالقوة
أعتقد انو حان وقت النقاش السلمي ( الواعي)
كفانا سفك دماء ( من الخارج و الداخل)

وبعد السلام صراع اقتصادي وصراع عقائدي وصراع ديني
:D

وبعد السلام صراع اقتصادي وصراع عقائدي وصراع ديني

شر لابد منه :roll:

شر لابد منه
:roll:
يعني صراع وجود
8)

بالنسبة للفلسطينيين صراح وجود بس بالنسبة لاسرائيل حدود :roll:

هي لاءات الخرطوم الشهيرة حتى محمد الماغوط ما عاد كتب عنها... و السادات قال نعم نعم نعم و من بعدوا الملك حسين و ياسر عرفات و الحبل على الجرار...

بخلاف السادات....
كل العرب يصدق عليهم قول القرآن الكريم (كل أعني بها الرؤساء واغلب الساسة والشعوب) :
(يا ايها الذين آمنوا لم تقولون ما لا تفعلون ، كبر مقتا عند الله أن تقولوا ما لا تفعلون).
قد يكون حدث سلام فعلا في الواقع .. ولكنه لم يحدث في العقل العربي ... أتريد مثال ... هاك إذن نتيجة التصويت الحالية
70% قالوا صراع وجود لا حدود

بالنسبة للفلسطينيين صراح وجود بس بالنسبة لاسرائيل حدود

كلام رائع .. تماما" .. أنا رأيي بالموضوع قلتو كذا مرة ورح أرجع قولو .. صراع الفلسطينيين هو صراع على وجود عم ينحسر مع كل اغفاءة للحجر .. وصراع الكيان الصهيونيمع العرب هو من أجل الشيء الذي أسس الرؤية لتشكيل اسرائيل .. الشعار الذي التف عليه يهود الكيان الصهيوني والذي هو (حدودك يا اسرائيل من الفرات الى النيل ) وأنا مقتنع بأن اسرائيل لن تكل ولن تمل حتى تحققه .. وأسفي بأن كثيرين من العرب غير مقتنعين بذلك .. ويرونه (حكي فاضي) وأسفي أكثر أن لا سبيل لاثبات ذلك الا الزمن .. وعندها لن نكون موجودين لنشهد ذلك .. معظم الفلسطينيين يريدون السلام .. بعضهم تعب ... وبعضهم أخذ أرضه .. ولكن لا يزال هناك من يطالب بالأرض كاملة .. ويموت لأجلها ..وهؤلاء مدركون أن اسرائيل تريد اتمام حدودها الأنفة الذكر .. وقد يقول قائل أن السبب ليس ذلك بل لأنهم مشردين .. فأقول له بأن هنالك فلسطينيين .. قد استعادو أراضيهم وبيوتهم .. ورغم ذلك لايزالون يقاتلون من أجل الأرض ..
وقد يقول قائل بأنه يجب ان نوقف سفك الدم الفلسطيني .. فأقول بأننا نوقف سفك الدم الفلسطيني .. بأن نخرج الصهاينة من الأرض الفلسطينية وليس ابرام معاهدات سلام ما هي الا مسكنات .. ومنومات .. لا يلبث أن يزول أثرها ليصحى الشعب الفلسطيني على نفسه خارج الأرض والتاريخ .. يعني اذا كان العرب الذين يطالبون بالسلام خوفا" وحزنا" على الدم الفلسطيني الذي يهرق كل يوم .. فليبوا لمؤازرتهم وتحرير أرضهم ... لا أن يحرضونهم على السلام .. وأما فليصمتوا ..
وأما عن كيفية نضال الشعب الفلسطييني .. وتحوله نوعا" ما الى كتائب دينية .. وقتلها للمدنيين .. فهنا الغاية وطن مسلوب .. وأية وسيلة مستعملة تبررها هذه الغاية لأن غاية كالوطن لا تقبل وسائل وترفض وسائل . .. فهنا نتحدث عن وطن ..
انا صحيح بأني لست مع مبدأ الغاية تبرر الوسيلة دائما" .. ولكن ذلك يتعلق بالغاية .. فعندما تكون الغاية وطن فأني لا أجد ما نعا" ان تكون الوسيلة أيا" كانت .. ستقولون لي المدنيين الاسرائيليين أبرياء .. فأقول بأن الفلسطينيين الذين أشبعوا الأرض دماء" على مدى أكثر من خمسين سنة أبرياء أيضا" ... أم انسانيتنا تستيقظ عند مقتل أبرياء صهاينة (معتدين) ..ولم تستيقظ على مدى خمسين سنة على أبرياء فلسطينيين (أصحاب حق ) ... من يردي حقا" ايقاف النزيف الفلسطيني .. فذلك لا يكون بنسيان دماء أرهقت على مدى خمسين سنة وطلب السلام .. وانما يكون بمحاولته (بجميع الوسائل الممكنة تحرير هذه الأرض ) وحث حكومته على اتخاذ مواقف لا أريد أن أقول عربية بل انسانية .. اذا كانو حقا" متأثرين بالنزيف الفلسطيني .. ولكني أقول وأنا مسؤول عن كلامي .. بأن معظم الشارع العربي ( وأعني معظم وليس الجميع) لا يطلب السلام للفلسطينيين حبا" ورأفة" .. بل ليتحرر من بعض الأمور التي فرضتها حكومته عليه .. من باب أنه بسبب الوضع الفلسطيني .. وأنا واثق بأنه على مدى خمسين سنة .. لن تتخذ أي حكومة عربية خطوة لمساعدة الفلسطينيين كما كانت تدعي .. بل لخدمة الكرسي ورغبتها في الالتحام به ..
خلاصة الكلام .. أنا أريد أن أسأل أي مواطن سوري او عربي .. اذا كان بدلا" عن مواطن فلسطيني .. مواطن أبوه وأخوته .. وأجداده ماتو فداء للأرض .. هل كان سيسلم ..

ولا تواخذونا .. :D :D

معظم الفلسطينيين يريدون السلام .. بعضهم تعب ... وبعضهم أخذ أرضه .. ولكن لا يزال هناك من يطالب بالأرض كاملة .. ويموت لأجلها


حكي نظيف...بس بصراع مسلح مو المهم شو بدك, المهم هوي على شو قادر تحصل....من الواضح أنو خيار الحرب المفتوحة هلأ مو من صالح الفلسطينيين....لأنو ما بيودي لنتيجة, ما عم أقصد الاستسلام أبدا...انما لازم يكون في نوع من المقاومة المسلحة "العقلانية".... مقاومة تتمكن أنو تكسب تعاطف انساني في الغرب... مقاومة ممكن تحقق نتائج سياسية لما تقايضها بشي.
برأيي المتواضع, اللي عم بتقوم بيه حماس هلأ هوي دموية غير مجدية.... عم تستغل الشارع الفلسطيني لخدمة مصالحها السياسية.....

اعود و أقول (كما قال الدكتور خالص جلبي ) كفى فلسطين دماء و كفى تلك الأرض دماء فقد شربت حتى التخمة فيجب البحث عن حل سلمي عقلاني ليس من المعقول بعد خمسين سنة و بعد نشوء جيل جديد من الإسرائليين اخراجهم من الأرض يعني أصبحو جزء من الأمر الواقع و أنا لا أقبل بالرضوخ و لكن ادعو الى التكيف و ايجاد الحلول
و سلامي على الجميع :D :D

المقاومة المسلحة "العقلانية".... مقاومة تتمكن أنو تكسب تعاطف انساني في الغرب... مقاومة ممكن تحقق نتائج سياسية لما تقايضها بشي.

تماما" حكي نطيف .. :D :D :D


ليس من المعقول بعد خمسين سنة و بعد نشوء جيل جديد من الإسرائليين اخراجهم من الأرض يعني أصبحو جزء من الأمر الواقع و أنا لا أقبل بالرضوخ و لكن ادعو الى التكيف و ايجاد الحلول

وليس من المعقول .. أن تطأ قدم الاسرائيليين على أرض شربت دماء شهداء ماتوا لكي لا تطأ قدم اسرائيلي على هذه الأرض ..
الحل موجود عند العرب وفي الشارع العربي ..
ولكن بحاجة الى انتفاضة لأجل الأقصى من كل العرب .. لأن انتفاضة الأقصى وحدها لا تكفي ... ولكن لا يجب أن تتوقف أيضا" .. :D

وليس من المعقول .. أن تطأ قدم الاسرائيليين على أرض شربت دماء شهداء ماتوا لكي لا تطأ قدم اسرائيلي على هذه الأرض ..
الحل موجود عند العرب وفي الشارع العربي ..
ولكن بحاجة الى انتفاضة لأجل الأقصى من كل العرب .. لأن انتفاضة الأقصى وحدها لا تكفي ... ولكن لا يجب أن تتوقف أيضا" ..

:D :D :D :D :D
كلام نضيف حسومي
:gem: :gem: :gem: :gem: :gem: :gem: :gem:

اي باشا بس يعني فكرو من ناحية انسانية شيلك عن اسرائيل كحكومة يعني كشغب بتجرد ضحكو عليهون و جابوون على فلسطين و أعدون آم طلع الوضع مو متل مو مفكرين لا عد فينون يرجعو لأنو باعو يلي عندون كلو و هيك نشأ الجيل الجديد منون و هوي ما بيعرف حالو غير اسرائيلي يعني فرضا طلعو وين بدون يروحو :confo:
انشا الله عل كونغو رح تصير نفس القصة
و بالتالي الصراع صراع حدود و ازا برأيكون هوي صراع وجود فرح تكون المجازر أبدية :roll:
:D :D :D :D :D :D :D :D :D :D :D :D :D :D :D :D :D :D :D :D

الحقيقة إنو الصراع صراع وجود حتى من الجهة الاسرائيلية

عودة المهجرين الفلسطينيين تعني تغيير ديموغرافي هائل للمنطقة و خاصة لو عادوا إلى داخل إسرائيل. تخيل مثلا ان يصبح البرلمان الإسرائيلي اغلبه عرب مسلمون؟
و أيضا ارتفاع نسبة الولادة بشكل هائل في الأراضي المحتلة عن داخل إسرائيل.. كل هذا يسبب ضغط سكاني و اقتصادي و يعود بالشر على إسرائيل

إسرائيل مصلحتها احتواء الأزمة و إحلال سلام... و لا يمكن أن اقتنع انها ستبحث عن مزيد من الحروب... هذا غير وارد نهائيا. الإسرائيليون هم بالنهاية بشر و كل البشر يريدون الاستقرار و الأمن. مهما كان الجيش الاسرائيلي قوي فالعامل البشري بلعب دور كبير في ميزان القوى... اعطونا سلام و اقتصاد منفتح و بيئة محفزة للعمل و سيتقدم العرب على إسرائيل بسرعة.. موارد إسرائيل البشرية محدودة جدا

أما عن مشاكل الاقتصاد فلا أعتقد ان هذا سيحصل... متى سيحصل هناك سلام لن يعود هناك مشاكل على مياه او غيره... عندما تتلاقى مصالح الدول الاقتصادية بعد السلام... كله بينحل بسهولة...فقط المهم وجود نية حقيقية للسلام

اول شي اكبر غلط انو نسمي الصراع صراع عربي اسرائيلي لانو كلمة عربي يعني المغرب و السعودية و و ... الخ
واضح تماما انو مو كل الدول العربية عندها حالة صراع
لذلك الصراع هو سوري اسرائيلي بأحسن حالاتو (سوريا الطبيعية)
و حاليا هو صراع ضفاوي اسرائيلي لا اكتر و لا اقل
بتذكروا مسرحية بياع الخواتم للاخوين رحباني ؟
اذاعة اسرائيل بثت هالمسرحية 14 سنة كل يوم اربعاء . رح قلكم ليش
1- راجح = اسرائيل
2- المختار = الحكام العرب
3- اهل الضيعة = الشعوب العربية
قصة المسرحية انو المختار (الحكام) اخترع كذبة اسمها راجح (اسرائيل) و صار يرهب اهل الضيعة و يحكي عن بطولاتو بمواجهة راجح
و بنهاية المسرحية بيطلع راجح زلمة كويس كتير و حباب
ما قصدت انو اسرائيل رح تطلع كويسة متل راجح، بس قصدي انو الحكام العرب حاملين اسرائيل و دايرين عم يرعبونا فيها من سنة 1948
المشكلة انو عنا 70 اسرائيل داخل بلادنا لازم نفكر كيف نخلص منون بالأول بعدين نفكر باسرائيل
طالما الحكام العرب قاعدين على قلوبنا و جيبنا ما تفكروا بأنو ننتصر ع اسرائيل لا بالحرب و لا بالمفاوضات
اسرائيل دولة ثيوقراطية لا يمكن تبرير وجودها إلا اذا صارت دول الجوار متلها (لبنان مسيحي، جبل العرب درزي، سوريا الداخلية سنية، سوريا الساحلية علوية ، جنوب العراق شيعي ، و شماله كردي....)
و طالما قدرنا نتقى موحدين و بعاد عن حالة الشرذمة يللي ذكرتها فوق فأنا بعتقد انو اسرائيل رح تتلاشى لوحدها بفعل مشاكلها الداخلية

كل كلامك صحيح بس فكرة تتلاشى لوحدها يمكن ما كتير واقعية صح :angel:

كل كلامك صحيح بس فكرة تتلاشى لوحدها يمكن ما كتير واقعية صح

دود الخل منو و في
اسرائيل كيان ثيوقراطي و عرقي يعاني من مشاكل من العيار الثقيل
ما يجعلها صامدة و قوية هو اتحادها ضد الأخطار المحيطة (ويلي هيي أخطار ضعيفة حاليا بسبب اوضاع الشعوب المحيطة بها حاليا) بها بالإضافة إلى الدعم الأمريكي المطلق
الأخطار المحيطة باسرائيل أكبر من أنو تسمح لاسرائيل بارتكاب الأخطاء و هاد شي مستحيل و بالتالي تراكم الأخطاء الإسرائيلية رح يؤدي إلى سقوطها
+ الدعم الأمريكي مانو دعم مقدس عند الأمريكان يعني بالوقت الراهن هالدعم ضروري لأميركا لكن هالشي مو دائم و رح ينتهي مع انتهاء المصلحة الأمريكية بدعم اسرائيل

كلام سليم و لكن عندما يتحقق سلام لن تظل دولة عدوة و مستنفرة بل سيصبح هناك تبادل تجاري و علاقات طبيعية... يعني ما عاد في داعي للجو المشحون. و تذكر ان معظم الخلافات الداخلية الاسرائيلية هيي بسبب الأزمة الحالية و كيفية التعامل معها.. لذلك مع حصول السلام قد يكون الوضع العكس تمام و هو ازدهار جميع دول المنطقة بدون استثناء

يعني هل تعتقد ان إسرائيل التي واجهت 300 مليون إنسان عربي و 3 حروب مصيرية سيصعب عليها مواجهة بعض الخلافات الداخلية بعد السلام؟

و ما هي هذه الخلافات الشديدة التي ستؤدي إلى إنهيار اسرائيل تلقائيا برأيك اذا؟

سلامات

كلام سليم و لكن عندما يتحقق سلام لن تظل دولة عدوة و مستنفرة بل سيصبح هناك تبادل تجاري و علاقات طبيعية... يعني ما عاد في داعي للجو المشحون

المناخ الاستثماري يلي ممكن يصير بعد السلام رح يستفيد منو عدد ضئيل من الطرفين أما أغلبية الشعوب رح تضل مشحونة

ذكر ان معظم الخلافات الداخلية الاسرائيلية هيي بسبب الأزمة الحالية و كيفية التعامل معها.. لذلك مع حصول السلام قد يكون الوضع العكس تمام و هو ازدهار جميع دول المنطقة بدون استثناء

انا ما عم احكي عن الخلافات الحالية (على الرغم من خطورتها على اسرائيل)
اسرائيل عندها خلافات أعمق و أخطر

يعني هل تعتقد ان إسرائيل التي واجهت 300 مليون إنسان عربي و 3 حروب مصيرية سيصعب عليها مواجهة بعض الخلافات الداخلية بعد السلام؟

اسرائيل واحهت على ابعد تقدير 30000 مناضل و باقي الشعوب عبارة عن متفرجين و مصفقين
و الحروب التلاتة يللي واجهتهها اسرائيل ضحك ع اللحى لتخفيف التوتر العربي و لحفظ ماء وجه الحكام العرب

و ما هي هذه الخلافات الشديدة التي ستؤدي إلى إنهيار اسرائيل تلقائيا برأيك اذا؟

برأيك أنو خليط عجيب متل الكيان الاسرائيلي ممكن يتعايش و يبني دولة حقيقية؟؟؟؟
أسباب قيام هالكيان هيي:
1- إيجاد مزبلة لليهود المكروهين بكل العالم
2- تلاقي مصالح بريطانيا مع المصالح الصهيونية
3-ضعف الشعوب المحيطة و جهلها
4- عمالة الحكام العرب يللي بيوالوا اسيادون يللي نصبوهن أكتر من شعوبون

بالنسبة ل1 اليهود ما اجتمعوا بهالمزبلة
بالنسبة ل2 صحيح حلت اميركا محل بريطانيا بس هاد الشي مو أبدي (انا شايف انو اميركا كلها مو أبدية و نهايتيا قريبة متل نهاية السوفييت)
بالنسبة ل3و4 رح يجي يوم و نفيق

ع فكرة انا كتير بستمتع تكتاباتك و بستمتع اكتر بالتحاور معك :D

أخي العزيز krimbow

أنت يمكن صرت تحكي على المدى القريب بعد ما كان كلامك في البداية على المدى البعيد

أنا رح اعطي رأيي بسرعة بالحالتين في حال حدوث سلام و انسحاب كامل من الضفة و القطاع و قيام دولة فلسطينية

على المدى القريب:
-مشاكل داخلية اسرائيلية كبيرة متل ما تفضلت
-مشاكل فلسطينية أكبر لتوزيع السلطة و سحب السلاح من الفصائل بعد انتهاء دور المقاومة
-إصلاح اقتصادي سياسي في سوريا (يا ريت و خلينا نأمل بهل شي على الأقل)

طبعا بهل مرحلة ما بتخيل الشعب العربي و لا الاسرائيليين متقبلين فكرة السلام بصدر رحب .. يعني عطيها شي 3 او 4 سنين لبين ما الناس تصير تسافر على اسرائيل و الاسرائيليين يسافروا على سوريا و الناس تختلط و ينكسر حاجز الخوف. لما تصير تعرف خصمك عن قريب بتتغير كتير من الأشياء. ما بيعود هل شخصية المجهولة الشريرة. انا هون بالجامعة في شباب اسرائيليين... انا انصدمت اول ما شفتون.. و اول ما حكيت اول كم كلمة معون... يعني ما كنت مصدق مثلا اني واقف جنب شخص من اسرائيل!! مرة بمكتبة كنت عم اشتري كتاب بيتعلق بالقضية, و اذا في رجال كبير عم يسألني شو رأيي و اذا كان كتاب حلو.. بقى قلتلو ما بعرف بس سمعان انو كويس كتير ... و طلع هادا الزلمة اسرائيلي... يعني بتستغرب اول شي... بعدين مع الوقت بتصير بتحس شعور حيادي و بالعكس رغبة بالتعامل معهم بسلام و التعرف عليهم اكتر و اكتر. على الأقل هادا شعوري انا... الشباب السوريين بموريال نازلين مقاتلات مع اليهود كل نهار.. ضرب عصايات بيسبول و كلشي... و طبعا العرب ربحانين بس تكون الشغلة متعلقة بالعضلات و الزعرنة... بس شو بينفع هل شي لخدمة القضية؟



على المدى البعيد:
-يمكن حرب أهلية بإسرائيل او بفلسطين او بالاثنتين
-يمكن سلام و مودة بين كل الشعوب !

يعني انا ماني شايف انو سهل التنبؤ بالموضوع... الشغلة واقفة على نكشة... يا الكل بينبسط يا الكل بياكل هوا

سلامي
:D

ماذا يعني صراع الوجود؟؟؟
يعني أن وجود إسرائيل في كل الآراضي التي تملكهاالآن (كلها) هو وجود باطل ..لا اساس قانوني له ولا سند شرعي له ولا حق للاسرائليين في هذه الارض (لا قانونيا ، ولا أخلاقيا، ولا شرعيا).. وبالتالي فإن وجودها في كل هذه الأراضي يستوجب خروجها منها ورميها في البحر..
ماذا يعني صراع حدرود؟؟؟
يعني أن إسرائيل لديها حق في جزء من الأراضي التي بحوزتها الآن .. وهذا يعني أنها مستعمرة لجزء آخر (دون أسباب محددة ) ، ولهذا فإن الصراع العربي الاسرائيلي هو صراع لاسترجاع تلك الأراضي فقط..
مما يعني :
1/ الاعتراف بدولىة اسرائيل
2/ الاعتراف بدولة فلسطين
3/ انسحاب اسرائيل عن الاراضي التي استعمرتها في 49/67/73 وما بعدها من سنون والرجوع الى تقسيم الامم المتحدة الأول
4/ ارجاع الفلسطينيين المشردين الى ديارهم .
5/ سلام دائم واعتراف كامل بدولة اسرائيل .. وعدم المساس بحدودها على اساس ديني أو عرقي ...
هذا هو ما يعنيه صراع الحدود .. وذاك ما يعنيه صراع الوجود وهذا التصحيح لأنني رأيت أن معظم المتداخلين قد يقولوا صراع وجود وكتاباتهم تقل غير ذلك
فما رأيكم بعد هذا التوضيح (زي ما قال عادل امام " هي كانت رقاصة وبترقص")
هل هو صراع وجود
ام
صراع حدود

اذا هيك فصراع حدود

لأ طبعا صراع وجود حتى لو خسرنا 200 حرب هاد ما بيعني انو يتحول الصراع لصراع حدود
بس فكرة تعريب الصراع هيي يللي بتحولو لصراع حدود متل ما صار مع مصر
قبل حرب 1948 راح مجموعة من الوطنيين السوريين و الفلسطينيين و اللبنانيين لعند الملك عبد العزيز (و هو كان أعور)
لحتى يطلبوا منو ارسال قوات للمعركة قام قللون "فلسطين بعيني"
يللي إيدو بالنار مو متل يللي إيدو بالمي
بعد حرب حزيران بلشت المقاومة الفلسطينية بقيادة جورج حبش و وديع مراد تقوم بعمليات جبارة و قدرت تكسب التعاطف الدولي لو كملت كان اليوم في غير حديث
بس خيانة الملك حسين وياسر عرفات دمرت المقاومة الوطنية

أنا قلت رأيي نظريا.... رأيي على أرض الواقع هو التالي :
الصراع مع اسرائيل خارج نطاق الفلسطينيين ( يعني فلسطينيين ع طرف) ...هوي صراع حدود , المشكلة أنو الحكام من الطرفين بدهم يعطوه صفة صراع وجود و مو عرفانين كيف.
القصد : الحياة السياسية و المنطلقات النظرية و الشعارات و كل هالحكي هاد بسوريا يدور حول قضية فلسطين,قضية العرب الأولى عالأساس....بس أنا متأكد أنو لو اسرائيل ترجع الجولان لحد طبرية , و تحل مسألة المياه....من بكرا بتشوفو سفارة اسرائيلية بالمزة و بستين جهنم الفلسطينيين ما بنو دولة..
نفس الشي باسرائيل, التفسير العقائدي الصهيوني يقول أنو في مؤامرة ضد اليهود و أنو هدول العرب راح يعملو فينا متل ما عمل هتلر و أنو نحنا لازم ندافع عن نفسنا و هيك.....لو افترضنا أنو سوريا قدرت تنهي حزب الله ( أشدد على كلمة قدرت) ووقفت الدعم للفصائل الفلسطينية و اعترفت باسرائيل كدولة.... خلال يومين بتشوفو رئيس الوزراء الاسرائيلي يتمشى بسوق الحميدية , لأ و يعزموه الشباب كمان على أكلة فول ببوز الجدي.

هادا من طرف الحكومة
اما الشعوب فمارح تقتنع بالسلام
شفنا مصر و شفنا الأردن و انا بعتبر انو السوري وطني اكتر منون و بتهمو فلسطين متل الفلسطيني

هادا من طرف الحكومة
اما الشعوب فمارح تقتنع بالسلام
شفنا مصر و شفنا الأردن و انا بعتبر انو السوري وطني اكتر منون و بتهمو فلسطين متل الفلسطيني

طبعا عم نحكي عن حكومات

جو قال :
اذا هيك فصراع حدود

:) :D :D :) :D :) :D :D :D :) :) :D :) :) :) :) :D :)
حلوة عجبتني..
لا زلت محتفظ بجزء كبير من رأيي (وإن كنت أوضحت جزء منه) حتى أرى غالبية الاراء

الأخ العزيز ياس
الأخوة المشاركون........
أعتقد أن نتيجة التصويت قد كانت (مخيبة لآمالي) :) :D ولكني أنتهزها فرصة لكي أطلب من الأخ ياس إجراء (حوار ) حول هذا الموضوع ..
أعتقد أن أكثر الإخوة موافقة لرأيي هو الأخ (جو) فيمكننا أن ندير حوارا (رباعيا) حول هذا الموضوع ..
لاحظت أن من يقولون صراع (حدود) مثلا (شخصي وجو) ينطلقون من منطلقات مختلفة وإن إتفقوا جوهرا..
كما أن من يقولون صراع (وجود) هم أيضا منطلقاتهم مختلفة ويمكن تقسيم الجميع الى الآتي:
صراع حدود : علمانيون ليبراليون، (وإن جاز التعبير"راديكاليون ليبراليون")
صراع وجود: أصوليون ، قوميون، علمانيون..
عليه فإن الشق الأول (صراع حدود) يختار للنقاش أي شخص من الشق الثاني .. وهكذا دواليك..
مع محبتي

أنا رأيي أن ينظر كل منا للتاريخ العربي جيدا حتى يدرك ما هي اسرئيل
فلم يكن هناك أي كيان لما يسمى اسرائيل الا بعد وعد بلفور الله يخرب بيته انه سيقيم وطن لليهود بأرض فلسطين
فكيف يا اخواني ان يعترف العرب بوجود مثل هذا الكيان الغاصب الذي اقيم على ارض ليست من حقه اساسا
ولكن العرب كلهم مسلم ومسيحي وحتى ملحد لا يقبلون ابدا باخذ اي جزء ولو بسيط من اراضيهم
انظروا الى المذابح التي يندى لها الجبين التي تحدث كل يوم في حق الفلسطينيين والتي لا تميز ما بين مسلم او مسيحي ولا مسجد ولا كنيسة
المسيحي يقرأ عن بني اسرائيل في الانجيل
والمسلم يقرأ عن بني اسرائيل في القرآن
وسنعلم من هم جيدا
انظروا لحرب 1967 حينما احتلت اسرائيل اجزاء عديدة من سوريا ومصر ولبنان
وعندما سيطروا عليها قال موشيه ديان "لا سلام لا حرب"

فهل يقبل العرب بالسلام ويتركوا اراضيهم بايدي هؤلاء السفلة المجرمين؟؟؟؟
من يعوض اللبنانيين مذابح قانا؟؟؟
من يعوض الفلسطينيين مذابح صابرا وشاتيلا وغيرها؟؟؟
و.......و.........و...........
الصراع العربي الاسرائيلي صراع وجود فاما هم واما نحن
فالارض لا تسعهم وتسعنا في نفس الوقت

من أنا و صغير كنت بسمع الشعارات و الأناشيد و ال وال...عن فلسطين و اضحك و قول يا الله هلأ هدول رح يقدرو يحرروا فلسطين..
كنت صلي أنو هالرب يبعتلنا شي جيش و يقتل كل اليهود..ما كنت اتخيل أنو إسرائيل رح تروح ببساطة
و كل الحروب اللي صاروا-هني تلاتة بس-كنت استخف فيها..
كانت فلسطين وما زالت مجرد دعاية للحكام العرب يعني إذا تحررت في يوم من الإيام ما رح يعرف هالحكام بشو رح يلهو شعبون
أنا ما عندي كتير معلومات بس بعد اللي قريتو بالردود احترت هل فعلا هو صراع وجود أم حدود
معقول إسرائيل رح تضل قاعدة بحضنا كل هاعمر..
بيقولو كانو من زمان أنو الأرض العربية هي مقبرة الغزاة..من المغول و الصليبين و الأتراك و الأوروبيين..
أنا بجاوب نعم مقبرة الغزاة بس يمكن العرب ما عملو الشي الكتير و خاصة وقت الأتراك..هالغزاة راحوا لأنو خلص دورون و إجا دور اللي بعدون نحنا ما عملنا شي كتير..
بيجي واحد بيقللك إسرائيل رح تروح هاي العثمانيين ضلو 4قرون و بعدها هزمناهم..يا أخي بدك يانا ننطر 350 سنة أسا..
طيب هل كان كل الوطن العربي كان عربيا منذ الأزل طيب هاي مصر كانت للفراعنة و غيرها و غيراتا من اللي سموه العرب المسلمين فتح و ليس احتلال و هذا ما لم أفهمه..هاي إسبانيا أو الأندلس كام قرن يمكن شي 6قرون حسب ما أذكر ليش ما سميناها احتلال بتقولولي و لكن العرب بنو حضارة..طيب لمين بنوا هالحضارة ما بنوها لألهن؟
طيب هاي إسرائيل هيي كمان عم تبني حضارة بس لألها ....
نعم لا تقلي إسرائيل ما إلها حق بفلسطين لأنو نحنا العرب عايشين فيها من زمان..هاي إسرائيل طلعت أقوى مننا و اخدت يلي بدها ياه لأنو الميزان الوحيد في العالم هو ميزان القوة و الشرع هو شرع الغاب
هأل كلكن رح تعصبو وتحكو عني أي نعم يا أخي الأقوى هوي العم يربح و الأضعف هوي العم يخسر ..
بس ما معنتاة الحكي أنو خلص..لأ فلسطين لازم ترجع ما لأنها من حقنا بل لأننا يجب أن نكون الأقوى و هلأ فلسطين من حق إسرائيل لأنها الأقوى و الأذكى..و يجب أن نعيدها ما لأنو حقنا متل ما قلت بل لأنو بالعالم الأقوى يربح و ما حدا رح يغير هاشي و إذا بدو يغيرو لازم يكون هوي الأقوى يعني رح يدور بحلقة مفرغة..
و بعد كل هالحكي أنا ما بين معي وجود ولا حدود ولكن بعتقد أنو إسرائيل عم توهمنا بأنو حدود بس هوي وجود و فعلا متل ما قال عاشق من النيل حتى الفرات و هالشي واضح على علم إسرائيل و إذا ما هادا هدفون ليش لازقينو عالعلم..و إسرائيل فعلا كتير ذكية و العالم كتير غبي يعني فعلا يللي بشوف اللي عم يصير بيفكر حالو عم يحضر مسرحية للأطفال..
أنا برأيي نكسر طاولة المفاوضات لأني بتخيل أنون ما عم يتفاوضو عليها قد ما عم يلعبو شطرنج عليها و نحنا هنن القطع و سلام..1