قصة يرويها سكارى !!! [الأرشيـــــف]

Nirvana

18/08/2006, 20:20

تجرعْنا الكذبَ رشفةًً رشفةً حتى ثملنا من الخوف، تواريْنا عن الأنظارِ نترنحُ عند جدرانِ الحقيقة، ولم نصحُ إلى الآن.

أثناء غيبوبتِنا استباحوا عقولَنا وقلوبَنا، وكسروا أقلامَنا ومزقوا أوراقَنا، وحوّلوا المسارحَ والمعارضَ والساحات منابراً لخطاباتِ النفاقِ وأناشيد التملق.

لم يبقَ في رؤوسِنا إلا صداع، صداعٌ بعد صحوةٍ مفاجئةٍ من آثارِ أقداحِ الرياء.

بُحّتْ أصواتُنا من الهتاف، وتقرّحَت أكفُّنا من التصفيق، وتخدّرَت عقولُنا من الكلمات المعسولة.

لعنتْكُم حجارةُ الوطن، ونَبذَكُم ترابُه، وحتى الهواء تبرأَ من صدورِكم المملوءةِ بالجشع والأنانية والخيانة.

أنفاسُكُم مشحونةٌ بالحقد، وقلوبُكُم تشتعلُ بالشر، ورؤوسُكُم مريضةٌ بجنون العظمة، أما أياديكم فدماءُ الأحرارِ تُدينُها.

هذهِ هي قصةُ الوطن، يرويها سكارى ..

COSTA

18/08/2006, 20:24

انا احد هؤلاء السكارى
مين بدو يسكر معي

Nirvana

18/08/2006, 20:27

انا احد هؤلاء السكارى
مين بدو يسكر معي

:shisha: .. ما في سمايلي أبو كاس .. بيمشي حالو هاد ؟؟

COSTA

18/08/2006, 20:29

:shisha: .. ما في سمايلي أبو كاس .. بيمشي حالو هاد ؟؟

حتى الكاس والحشيش ما عاد ينفع :jakoush:

يلي بينفع هو المقصلة :x

Nirvana

18/08/2006, 20:30

يلي بينفع هو المقصلة :x

ما قلنا ممنوع ..... ششششششششششششششش

Fady007

18/08/2006, 20:30

سكاري...حتي...الموت

Nirvana

18/08/2006, 20:34

سكاري...حتي...الموت

صححححححححححححححححححححححة

COSTA

18/08/2006, 21:03

ما قلنا ممنوع ..... ششششششششششششششش

انا اطرش ما بسمع

Nirvana

18/08/2006, 21:25

انا اطرش ما بسمع

لكان :shurup:

الداعميين للصندوق العربي

18/08/2006, 22:41

انا لست بسكرانا ولكنني عطشان

Danito

18/08/2006, 22:46

انا لست بسكرانا ولكنني عطشان

على قولة استاذ العربي الباء حرف جر (زائد) بيجر بلد

الداعميين للصندوق العربي

18/08/2006, 22:48

هههههههههههههههههههههههه

شكرا لك

Nirvana

19/08/2006, 09:28

انا لست بسكرانا ولكنني عطشان

العطش هاد بيجي بعد الشرب.. !!! يعني عند الصحوة .. بس ما في شي بيروي إلا الحرية .

Tulip

19/08/2006, 09:41

قلوبنا و مشاعرنا و أفكارنا سكرانة بحب وطن عم يطلع لشمس الحرية...

Nirvana

19/08/2006, 09:46

قلوبنا و مشاعرنا و أفكارنا سكرانة بحب وطن عم يطلع لشمس الحرية...

بنتمنى تتطلع هالشمس اللي بدها تدفي الكل بدون استثناء أو تمييز.

كارمن

19/08/2006, 09:52

هل راي حب الوطن
سكاري مثلنا

Nirvana

19/08/2006, 09:58

هل راي حب الوطن
سكاري مثلنا

ماظنيت رأى .. لانو بكل مكان في العالم بيصحى الواحد من سكرة حب الوطن على صحوة الغضب، بس نحنا بنزيد سكر وما عم نصحى أبدا ..

MR.SAMO

19/08/2006, 11:53

أثناء غيبوبتِنا استباحوا عقولَنا وقلوبَنا، وكسروا أقلامَنا ومزقوا أوراقَنا، وحوّلوا المسارحَ والمعارضَ والساحات منابراً لخطاباتِ النفاقِ وأناشيد التملق.

لم يبقَ في رؤوسِنا إلا صداع، صداعٌ بعد صحوةٍ مفاجئةٍ من آثارِ أقداحِ الرياء.

هيي حالتنا
سواء كنا سكارى أو صاحيين

Nirvana

19/08/2006, 12:04

هيي حالتنا
سواء كنا سكارى أو صاحيين

بس لو نحنا صاحيين .. منقدر نغير هالحال!

MR.SAMO

19/08/2006, 12:10

بس لو نحنا صاحيين .. منقدر نغير هالحال!
نحنا وصاحيين في كلام مافينا نقوله

Nirvana

19/08/2006, 12:12

نحنا وصاحيين في كلام مافينا نقوله

قولتك .. !!! :pos:

MR.SAMO

19/08/2006, 12:15

قولتك .. !!! :pos:
شغلة مجربة :lol: :lol: :lol: :lol: :lol:

Nirvana

19/08/2006, 12:18

شغلة مجربة :lol: :lol: :lol: :lol: :lol:

:lol: :lol: :lol: :lol: :lol: لكان لازم نشرِّب هالشعب كلو يمكن يقدر يحكي!!!

MR.SAMO

19/08/2006, 12:21

:lol: :lol: :lol: :lol: :lol: لكان لازم نشرب هالشعب كلو يمكن يقدر يحكي!!!
فكرة :o :o :o
بس في قسم من الشعب مابيعرف يحكي سواء كان سكران ولا صاحي :cry: :cry: :cry:

ري مي

19/08/2006, 12:21

او فيه فكرة تانية نيرفانا
ليش ما منشرب الأنظمة(لحتى...... يسكرو)
وبيبقى الشعب بيتصرف على كيفو هوي وصاحي

Nirvana

19/08/2006, 12:22

فكرة :o :o :o
بس في قسم من الشعب مابيعرف يحكي سواء كان سكران ولا صاحي :cry: :cry: :cry:

هاي مصيبة :pos: :cry:

ري مي

19/08/2006, 12:22

فكرة :o :o :o
بس في قسم من الشعب مابيعرف يحكي سواء كان سكران ولا صاحي :cry: :cry: :cry:
:cry: :cry: :cry:

Nirvana

19/08/2006, 12:24

او فيه فكرة تانية نيرفانا
ليش ما منشرب الأنظمة(لحتى...... يسكرو)
وبيبقى الشعب بيتصرف على كيفو هوي وصاحي

منيحة هاي... بس فكرك بنمون على الانظمة ..

MR.SAMO

19/08/2006, 12:29

منيحة هاي... بس فكرك بنمون على الانظمة ..
مابعتقد في مونة بين الجلاد والمجلود:shock: :shock: :shock:

Nirvana

19/08/2006, 12:31

مابعتقد في مونة بين الجلاد والمجلود:shock: :shock: :shock:

لكان خلينا نشتغل عالشعب احسن .. :pos:

إنسان وبس

19/08/2006, 12:32

انا لست بسكرانا ولكنني عطشان

شو فهّم الوهابي التكفيري باللغة العربية :lol:

لازم نشرب لحتى نقدر نفكر :pos:

ري مي

19/08/2006, 12:33

الشغلة ما بدا مونة
الشغلة بدا تنفيذ عالسريع

MR.SAMO

19/08/2006, 12:33

لكان خلينا نشتغل عالشعب احسن .. :pos:
طبعا اساس كل شيء هو الشعب

Nirvana

19/08/2006, 12:35

شو فهّم الوهابي التكفيري باللغة العربية :lol:

رجاء ما تعلقو هون .. روحو عالمواضيع العلقانة واعلقو فيها قد ما بدكم. .

بس نحنا هون لناقش ونحكي مو تنطلق صفات على الآخرين .. ونعلق .. ويصير باقي الموضوع خناق.

Tulip

19/08/2006, 12:35

لكان خلينا نشتغل عالشعب احسن .. :pos:

ولك يلي بيقهرك اكتر شي هو قبول هالشعب بأنو يكون مانو شعب!!!!!!

Nirvana

19/08/2006, 12:35

الشغلة ما بدا مونة
الشغلة بدا تنفيذ عالسريع

من مين نبدأ؟؟

Nirvana

19/08/2006, 12:37

ولك يلي بيقهرك اكتر شي هو قبول هالشعب بأنو يكون مانو شعب!!!!!!

وهاد هو جوهر الموضوع .. !!!

هالشعب لازم يصير شعب !!!

MR.SAMO

19/08/2006, 12:37

ولك يلي بيقهرك اكتر شي هو قبول هالشعب بأنو يكون مانو شعب!!!!!!
مشكلة كبيرة عنا بمجتمعنا

Nirvana

19/08/2006, 12:38

طبعا اساس كل شيء هو الشعب

وبدنا طريقة ليوعى الشعب ويصير عندو ارادة للتغيير.

MR.SAMO

19/08/2006, 12:40

وبدنا طريقة ليوعى الشعب ويصير عندو ارادة للتغيير.
هيي الشغلة بالتفاعل يعني لما كل واحد بيبدأ من نفسه وذاته وغيره بيبدأ كمان بيصير عنا سلسلة متواصلة من التفاعل
بس لازم يكون المجتمع هو الحاضن للتفاعل

إنسان وبس

19/08/2006, 12:40

رجاء ما تعلقو هون .. روحو عالمواضيع العلقانة واعلقو فيها قد ما بدكم. .

بس نحنا هون لناقش ونحكي مو تنطلق صفات على الآخرين .. ونعلق .. ويصير باقي الموضوع خناق.

له له له ليش الزعل

كتبت ردي بالموضوع والرد طبعاً كان تحت التعليق

بس لأني ما بحب حدا من المتطفلين يجي يتفلسف هون منشان هيك علقت عليه. لكن لعيونك ما رح اعلق مرة تانية بس بمواضيعك
ومشكورة على الموضوع

Tulip

19/08/2006, 12:41

كيف بدي احكي مع شعب عن الحرية و خلي يطالب فيّا و يآمن أنها من أبسط حقوق الأنسانية و هو ما عم يقدر يحس بانسانيتو؟ أو بالاحرى يمكن تعود ما يحس بأنسانيتو وبطل بدو يقاتل مشانا.

Nirvana

19/08/2006, 12:43

له له له ليش الزعل

كتبت ردي بالموضوع والرد طبعاً كان تحت التعليق

بس لأني ما بحب حدا من المتطفلين يجي يتفلسف هون منشان هيك علقت عليه. لكن لعيونك ما رح اعلق مرة تانية بس بمواضيعك
ومشكورة على الموضوع

شكرا الك .. بقدر هالشي منك.. :D

واكيد فيك تشارك بأي تعليق بترغب فيه .. بس ما يكون يؤدي لخناق .. فهمتني صح ؟

MR.SAMO

19/08/2006, 12:43

كيف بدي احكي مع شعب عن الحرية و خلي يطالب فيّا و يآمن أنها من أبسط حقوق الأنسانية و هو ما عم يقدر يحس بانسانيتو؟ أو بالاحرى يمكن تعود ما يحس بأنسانيتو وبطل بدو يقاتل مشانا.
الانسانية مابتموت أبدا ولكنها بتمر بمراحل سبات من شخص لتاني

Tulip

19/08/2006, 12:46

الانسانية مابتموت أبدا ولكنها بتمر بمراحل سبات من شخص لتاني

الانسانية ما بتموت طالما في ناس عم بتقاتل ليكبر الانسان و ليكبّر بس يا خيي في ناس كتير ماتت وعم تموت و انا بلشت خاف لينقرض الانسان.....

MR.SAMO

19/08/2006, 12:48

الانسانية ما بتموت طالما في ناس عم بتقاتل ليكبر الانسان و ليكبّر بس يا خيي في ناس كتير ماتت وعم تموت و انا بلشت خاف لينقرض الانسان.....
للأسف الانسان يقتل بيد أخيه الانسان
الحروب والدمار يصنعه الانسان وليس أحد تاني

Nirvana

19/08/2006, 12:50

كيف بدي احكي مع شعب عن الحرية و خلي يطالب فيّا و يآمن أنها من أبسط حقوق الأنسانية و هو ما عم يقدر يحس بانسانيتو؟ أو بالاحرى يمكن تعود ما يحس بأنسانيتو وبطل بدو يقاتل مشانا.

المشكلة يا توليب ..
انو المخزون الثقافي والفكري والعاطفي عند شعوبنا مبني على ثقافة الاستعمار والذل على مر تاريخ طويل جداً، وعلى ثقافة سطحية مستوردة في الوقت الحالي، وعلى الطائفية والعشائرية والفوقية . .

يعني كل واحد عم يشوف حالو هو احسن من الكل وبدو يفرض هالشي .

نحنا عنا نقص بالوطنية .. وانتماء مهزوز .. وفي خوف.. وفي قلة حيلة وكسل.. (واذا متضايقين من هالحكي انا بدي احكي عن حالي أول) ..

وفي ناس أبطال بكل معنى الكلمة ويستحقو كلمة انسان .. وهني اللي حاربو لأجل مبادئهم حتى النهاية.

ابومزيد

19/08/2006, 12:54

يا ريت الناس تفهم هالحكي من ابو عبدو الخضرجي لحتى الشيخ مقصود ابو عايد

Tulip

19/08/2006, 12:56

المشكلة يا توليب ..
انو المخزون الثقافي والفكري والعاطفي عند شعوبنا مبني على ثقافة الاستعمار والذل على مر تاريخ طويل جداً، وعلى ثقافة سطحية مستوردة في الوقت الحالي، وعلى الطائفية والعشائرية والفوقية . .

يعني كل واحد عم يشوف حالو هو احسن من الكل وبدو يفرض هالشي .

نحنا عنا نقص بالوطنية .. وانتماء مهزوز .. وفي خوف.. وفي قلة حيلة وكسل.. (واذا متضايقين من هالحكي انا بدي احكي عن حالي أول) ..

يسلم تمك :D!!!!!!
نيرفانا يلي عم تحكي ولو ما كان "بشرفنا" بس هي حقيقتنا و بدي ضيف عليا شي نحنا عم نتربى بس لنمحي الآخر. من وقت يلي منكون صغار بنمو فينا أحساس أنو نلغي الآخر....
علمونا نحب غلط و نفكر غلط و نكون وطنيين غلط....... وخلص بقى صار لازم نشوف الصح يا جماعة. بدنا نعمل ثورة على حالنا.........