-
دخول

عرض كامل الموضوع : هون منبر حر مو سقيفة ..

Nirvana
17/08/2006, 12:47
شو رأيكم تحلّو عن المنبر وتروحو تتخانقو بالسقيفة ... يعني بالدرجة التانية .. :pos:
وبلا ما نقعد نسمع كلام طالع نازل ومسبات وقصص ما الها فايدة ..:shock: :jakoush:


بكفي يعني .. :aah:

في شي اسمو سقيفة لصف الحكي والردح:mrgreen: ,, وشي اسمو بريد المنتدى للشكاوي والقضايا المعثرة .. :krimbow:

خلينا نحكي كلمتين نضاف فيهم فايدة على رواق وبلا من سمة البدن .. بكفي .. :cry:
LEONARDO
17/08/2006, 12:53
ههههههههههههههههههههههههههههه
بتعرفي نيرفانا ؟
ذكرتيني بقسم حوار الأديان
نزل فيه كام موضوع نظاف فاجوا ولادين الحلال و لعنوا نفسو .
قسم المسابقات نزل فيه كام لعبة حلوة فصار الشاطر بدو ينزل لعب بطعمة وبلا طعمة .
منبر الأخوية بعض الأشخاص شافوا انو عمبيصير فيه بضع من النقاشات ( النقاشات ) النظيفة الهادية فما هان عليهن .
هل هاذا هوي ثمن الشهرة ؟
كل شي بينشهر بهالكون من فنانين لسيارات لمنتديات و حتي الأقسام بداخل المنتديات لازم تدفع ثمن الشهرة والكل يحاول انو يلعن الطحطح تبعهن.
كنافة بزيت وتوم .
Nirvana
17/08/2006, 12:57
ههههههههههههههههههههههههه هههه
بتعرفي نيرفانا ؟
ذكرتيني بقسم حوار الأديان
نزل فيه كام موضوع نظاف فاجوا ولادين الحلال و لعنوا نفسو .
قسم المسابقات نزل فيه كام لعبة حلوة فصار الشاطر بدو ينزل لعب بطعمة وبلا طعمة .
منبر الأخوية بعض الأشخاص شافوا انو عمبيصير فيه بضع من النقاشات ( النقاشات ) النظيفة الهادية فما هان عليهن .
هل هاذا هوي ثمن الشهرة ؟
كل شي بينشهر بهالكون من فنانين لسيارات لمنتديات و حتي الأقسام بداخل المنتديات لازم تدفع ثمن الشهرة والكل يحاول انو يلعن الطحطح تبعهن.
كنافة بزيت وتوم .

ايه .. هلكونا .. ولسا عالطالعة والنازلة كلام بقرف ما بينشاف ولا بينسمع ..
وشي بسب على بلد هاد والتاني نازل بشعب هاد ، وربو ودينو .. والله قرفت .. وقرفت المنبر .. وقرفت كل شي..
Tulip
17/08/2006, 12:58
شو رأيكم تحلّو عن المنبر وتروحو تتخانقو بالسقيفة ... يعني بالدرجة التانية .. :pos:
وبلا ما نقعد نسمع كلام طالع نازل ومسبات وقصص ما الها فايدة ..:shock: :jakoush:


بكفي يعني .. :aah:

في شي اسمو سقيفة لصف الحكي والردح:mrgreen: ,, وشي اسمو بريد المنتدى للشكاوي والقضايا المعثرة .. :krimbow:

خلينا نحكي كلمتين نضاف فيهم فايدة على رواق وبلا من سمة البدن .. بكفي .. :cry:

معك حق....... بس طولي بالك :D.
Nirvana
17/08/2006, 13:01
معك حق....... بس طولي بالك :D.

عم طولو .. ومن هيك حطيت الموضوع ..

عسى ولعل ..
MR.SAMO
17/08/2006, 13:01
للأسف المشاركات عم تكون رفع عتب ورفع عدد المشاركات
كمية وليست نوعية
تحياتي
LEONARDO
17/08/2006, 13:03
عم طولو .. ومن هيك حطيت الموضوع ..

عسى ولعل ..
ههههههههههههههههههههههههه ههههه
بس انسيتي اتكملي ................
عسى و لعل ولأن و كما و لربما و عندما ...........الخ !
خلصيهن كلياتهن و عيدهن غ2098730982375209873 مرة بعدين ممكن نرجع ل ( عسى ولعل ) .
Nirvana
17/08/2006, 13:03
للأسف المشاركات عم تكون رفع عتب ورفع عدد المشاركات
كمية وليست نوعية
تحياتي

وشوف .. كلام بستحي الواحد يسمعو .. مو يحكيي بس.:x
MR.SAMO
17/08/2006, 13:05
عم طولو .. ومن هيك حطيت الموضوع ..

عسى ولعل ..
عودتينا على مبادراك الرائعة
وهيي وحدة منهن
تحياتي لك نيرفانا
Nirvana
17/08/2006, 13:05
ههههههههههههههههههههههههه ههههه
بس انسيتي اتكملي ................
عسى و لعل ولأن و كما و لربما و عندما ...........الخ !
خلصيهن كلياتهن و عيدهن غ2098730982375209873 مرة بعدين ممكن نرجع ل ( عسى ولعل ) .


كل أخوات كان وان ما بكفو .. سمة بدن ومو الي بس.. بعرف انو لكتير ناس كمان من المشتركين بالمنتدى قرفو من هالقصص.
Nirvana
17/08/2006, 13:06
عودتينا على مبادراك الرائعة
وهيي وحدة منهن
تحياتي لك نيرفانا

تسلم مستر سامو ،، للضرورة أحكام ..
LEONARDO
17/08/2006, 13:06
للأسف المشاركات عم تكون رفع عتب ورفع عدد المشاركات
كمية وليست نوعية
تحياتي
بتعرف شو يا معلم ؟!
كذا مشاركة قريتهن و من قد ما زعجوني و قهروني لأنو غايتهم العلاك المصدي و طبعا هالشي بيعكس على البعض متلي ردة فعل انو اطلع عن طوري , منرجع للموضوع انو أكتر مرة كنت بدي اطلع وعلى العلن انو يزيدو عدد مشاركاتهن ممكن يكون هادا حافز ليحسنو مشاركاتهن و نوعيتها .
MR.SAMO
17/08/2006, 13:09
بتعرف شو يا معلم ؟!
كذا مشاركة قريتهن و من قد ما زعجوني و قهروني لأنو غايتهم العلاك المصدي و طبعا هالشي بيعكس على البعض متلي ردة فعل انو اطلع عن طوري , منرجع للموضوع انو أكتر مرة كنت بدي اطلع وعلى العلن انو يزيدو عدد مشاركاتهن ممكن يكون هادا حافز ليحسنو مشاركاتهن و نوعيتها .

انا كمان لاحظت هالشي وكتر كتير بالأونة الاخيرة
كل عضو بدو يثبت مكانه ووجوده دغري بيروح على المنبر ومواضيع ومشاركات حدث ولاحرج
يارت المشرفين يلاقوا حل سريع
LEONARDO
17/08/2006, 13:11
أنو مشرفين ؟
ليش في مشرفين هون ؟
والله منيح يللي خبرتني والله كنت مو دريان !!!!!!!!
ابومزيد
17/08/2006, 13:12
بالفعل بيجي واحد بيطرح موضوع التاني بيحط رد بيدايق الاولاني بيقوم ما بيعرف يرد عليه غير بمسبة
دائما الجاهل بس يحس حالوا انو خسر و ما عاد عندوا كلام يدافع فيه عن وجهة نظروا الخاطئة اصلا
بيقعد يسب ويشتم
بيقومالطرف اللي على اساس ربح المعركة بيكملها معو بمسبات على اظرف
بالمختصر الفريقين من وجهة نظري x
MR.SAMO
17/08/2006, 13:12
أنو مشرفين ؟
ليش في مشرفين هون ؟
والله منيح يللي خبرتني والله كنت مو دريان !!!!!!!!
في بس يمكن مشغولين هاليومين
طول بالك
Nirvana
17/08/2006, 13:15
بالفعل بيجي واحد بيطرح موضوع التاني بيحط رد بيدايق الاولاني بيقوم ما بيعرف يرد عليه غير بمسبة هاد
دائما الجاهل بس يحس حالوا انو خسر و ما عاد عندوا كلام يدافع فيه عن وجهة نظروا الخاطئة اصلا
بيقعد يسب ويشتم
بيقومالطرف اللي على اساس رح المعركة بيكملها معو بمسبات على اظرف
بالمختصر الفريقين من وجهة نظري x

والمشكلة بتكون حاطط موضوع نضيف ومروق وبتناقش وبترد ويمكن بتجادل بس باحترام، بيجيك واحد ولا تنين بيعلقو مع بعض بعبو الموضوع مسبات وردح .. وبينزعولك الموضوع ..
ابومزيد
17/08/2006, 13:20
والمشكلة بتكون حاطط موضوع نضيف ومروق وبتناقش وبترد ويمكن بتجادل بس باحترام، بيجيك واحد ولا تنين بيعلقو مع بعض بعبو الموضوع مسبات وردح .. وبينزعولك الموضوع ..

انا مابزعل من واحد جاهل ضعيف الشخصية
بزعل على واحد في عندو بوادر حلوةو افكار بيجي بينزعها بكم كلمة وسخة
بينجرف بالكلام الوسخ وبينزل من قيمة حالو على واحد ما بيستاهل بالاصل انو بنرد عليه
Barleb
17/08/2006, 13:21
بيجي المشرف و بيشلون كلون ..

بالنسبة للمراحل اللي مر فيا المنبر .. متل هل مرحلة بتعتبر مرحلة جيدة نوعاً ما ..

شوية طفيليات ما رح أثر ..

أقرأي اللي بدكي و تجاهلي التاني .. هاد أحسن حل
MR.SAMO
17/08/2006, 13:24
بيجي المشرف و بيشلون كلون ..

بالنسبة للمراحل اللي مر فيا المنبر .. متل هل مرحلة بتعتبر مرحلة جيدة نوعاً ما ..

شوية طفيليات ما رح أثر ..

أقرأي اللي بدكي و تجاهلي التاني .. هاد أحسن حل
وجهة نظرك فيها شيء من الصح
بس الردود السيئة بتأثر بالجو العالم
تحياتي
Nirvana
17/08/2006, 13:25
بيجي المشرف و بيشلون كلون ..

بالنسبة للمراحل اللي مر فيا المنبر .. متل هل مرحلة بتعتبر مرحلة جيدة نوعاً ما ..

شوية طفيليات ما رح أثر ..

أقرأي اللي بدكي و تجاهلي التاني .. هاد أحسن حل

عم جرب اعمل هيك .. بس بتعرف شو بيزعجني كتير.. مو الرد اللي ما بيعجبني.. يعني بالنهاية كل واحد حر برأيو .. اللي بزعج .. السب والألفاظ االي بتطلعلك بنص الموضوع وانت عم تقرا .. ويا ريت بمكانها ..
يعني شي بضحك ببكي..
LEONARDO
17/08/2006, 13:25
انا مابزعل من واحد جاهل ضعيف الشخصية
بزعل على واحد في عندو بوادر حلوةو افكار بيجي بينزعها بكم كلمة وسخة
بينجرف بالكلام الوسخ وبينزل من قيمة حالو على واحد ما بيستاهل بالاصل انو بنرد عليه
أبو الشباب صدقني انتا عم تحكي عليي هون بس صدقني أحيانا الواحد مابيستحمل حالوا
يعني مثال انو اذا واحد بلش يخبص و يلعن و يحشك عليك أو بلش بالكلام التافه والاستفزازي شو ناطر منو ؟ ناطر منو يقتنع أو يزوق أو يختشي من كلامك الراقي .
أصلا أنا حكيتها من قبل انو هيك عالم عم يمارسوا حياتهن اليومية من تفاهة و استفزاز بس مو رايحة غير على يللي ما بيحمل حالوا متلي و هادا حكيتو بكتير مواضيع .
أنا مو ذنبي اذا الله خالقني خلاقي ضيقة بس بنفس الوقت تعا سايرني أو ناقشني بناقش معك للصبح و مو بس هيك مع كاسة متة ونفس أرغيلة وحياتك ومو بس هيك كمان المعسل على حسابي.
يا سيدنا كناااااااااااافة .
Nirvana
17/08/2006, 13:26
وجهة نظرك فيها شيء من الصح
بس الردود السيئة بتأثر بالجو العالم
تحياتي

مزبوط ..
Nirvana
17/08/2006, 13:28
أبو الشباب صدقني انتا عم تحكي عليي هون بس صدقني أحيانا الواحد مابيستحمل حالوا
يعني مثال انو اذا واحد بلش يخبص و يلعن و يحشك عليك أو بلش بالكلام التافه والاستفزازي شو ناطر منو ؟ ناطر منو يقتنع أو يزوق أو يختشي من كلامك الراقي .
أصلا أنا حكيتها من قبل انو هيك عالم عم يمارسوا حياتهن اليومية من تفاهة و استفزاز بس مو رايحة غير على يللي ما بيحمل حالوا متلي و هادا حكيتو بكتير مواضيع .
أنا مو ذنبي اذا الله خالقني خلاقي ضيقة بس بنفس الوقت تعا سايرني أو ناقشني بناقش معك للصبح و مو بس هيك مع كاسة متة ونفس أرغيلة وحياتك ومو بس هيك كمان المعسل على حسابي.
يا سيدنا كناااااااااااافة .




بس ما تكون كنافة بزيت وتوم ..

وانا اللي ما بتحملو السب والألفاظ البذيئة .. وغير هيك يصطفلو ..
ولو انو صاير في مواضيع خرج الواحد بس يشطبها لانو مكانها مو المنبر .. مكانها محكمة العدل الدولية ..
LEONARDO
17/08/2006, 13:30
محكمة العدل الدولية ..
عجبتي هاي
بتعرفي شو انتي رح تكرهيني كتير لأنو أنا بس شفت واحد بلش يحشّك ما بحمل حالي و بستل سلاحي و بهجم.
بس أنا حباب والله أنا حباب يعني شوفوا مشاركاتي بتعرفوا .:lol:
MR.SAMO
17/08/2006, 13:31
بس ما تكون كنافة بزيت وتوم ..

وانا اللي ما بتحملو السب والألفاظ البذيئة .. وغير هيك يصطفلو ..
ولو انو صاير في مواضيع خرج الواحد بس يشطبها لانو مكانها مو المنبر .. مكانها محكمة العدل الدولية ..
الرأي شي والتهجم على الشخص شي تاني
الواحد يقول رأيه اللي بده ياها
من دون مايمس كرامة وانسانية غيره
وبنرجع هون لقضية الانسان والانسانية
Nirvana
17/08/2006, 13:34
عجبتي هاي
بتعرفي شو انتي رح تكرهيني كتير لأنو أنا بس شفت واحد بلش يحشّك ما بحمل حالي و بستل سلاحي و بهجم.
بس أنا حباب والله أنا حباب يعني شوفوا مشاركاتي بتعرفوا .:lol:


أنا ما بكره حدا .. أنا بشطب بس.. :lol:

يعني مرات الواحد بطلعو خلاقو .. بس بحاول يحترم المكان اللي فيو والموجودين..
Nirvana
17/08/2006, 13:35
الرأي شي والتهجم على الشخص شي تاني
الواحد يقول رأيه اللي بده ياها
من دون مايمس كرامة وانسانية غيره
وبنرجع هون لقضية الانسان والانسانية

اييييييييه .. شو بدو الواحد يحكي ..
Barleb
17/08/2006, 13:36
وبنرجع هون لقضية الانسان والانسانية

ما المشكلة .. االي عم يسب و يخبص بالحكي .. مسمي حالو أنسان وبس ..

كان لأزم يحط أسمو .. طائفي وبس ..

يا حيف
Nirvana
17/08/2006, 13:37
واللي بدي احكي .. انو في سقيفة يروحو يتخانقو فيها ...
Tulip
17/08/2006, 13:37
الرأي شي والتهجم على الشخص شي تاني
الواحد يقول رأيه اللي بده ياها
من دون مايمس كرامة وانسانية غيره
وبنرجع هون لقضية الانسان والانسانية

أنا جديدة عالاخوية و بحس حالي ما كتير أسا ألي حق أنتقد و علّق. بس بالأخوية لاحظت شي أنو مافي شي أسمو حوار بين الأعضاء ولا مناقشة و كل ما واحد يدخل بموضوع بصير لازم يقنع الكل بوجهة نظرو.
يا ريت نحط عطول براسنا شعار كتير حلو بقول " أنا لست من رأيك ولكني سأدافع في حقك عن التعبير عنه حتى الموت" و نقبل الاختلاف بآراء بعض و عندا بس بصير الحوار راقي و منستفيد منو كلنا.
Nirvana
17/08/2006, 13:38
يا حيف

ايه هاي هيي ..
Nirvana
17/08/2006, 13:39
أنا جديدة عالاخوية و بحس حالي ما كتير أسا ألي حق أنتقد و علّق. بس بالأخوية لاحظت شي أنو مافي شي أسمو حوار بين الأعضاء ولا مناقشة و كل ما واحد يدخل بموضوع بصير لازم يقنع الكل بوجهة نظرو.
يا ريت نحط عطول براسنا شعار كتير حلو بقول " أنا لست من رأيك ولكني سأدافع في حقك عن التعبير عنه حتى الموت" و نقبل الاختلاف بآراء بعض و عندا بس بصير الحوار راقي و منستفيد منو كلنا.

كل واحد بحقلو يعبر عن رأيو جديد أو قديم ..

وكلامك مزبوط .. مية بالمية ..

وعفكرا انا ما صرلي زمان مشتركة ..
شام1989
17/08/2006, 13:40
الحق عالشخص نفسه
ماضروري اللي بسبني سبه
مشو للعالم
واللي رح يشوفك ساكت بيسكت وبيحترم حالو
وبيمشي الحال
MR.SAMO
17/08/2006, 13:41
أنا جديدة عالاخوية و بحس حالي ما كتير أسا ألي حق أنتقد و علّق. بس بالأخوية لاحظت شي أنو مافي شي أسمو حوار بين الأعضاء ولا مناقشة و كل ما واحد يدخل بموضوع بصير لازم يقنع الكل بوجهة نظرو.
يا ريت نحط عطول براسنا شعار كتير حلو بقول " أنا لست من رأيك ولكني سأدافع في حقك عن التعبير عنه حتى الموت" و نقبل الاختلاف بآراء بعض و عندا بس بصير الحوار راقي و منستفيد منو كلنا.
بيجوز يا اخت توليب اك جديدة بالاخوية
بس صدقيني أفكارك متل معظم القديمين هون بالمنتدى
تحياتي
MR.SAMO
17/08/2006, 13:41
الحق عالشخص نفسه
ماضروري اللي بسبني سبه
مشو للعالم
واللي رح يشوفك ساكت بيسكت وبيحترم حالو
وبيمشي الحال
كلام سليم لأنه رد الاسائة باسائة أسؤ شي
ابومزيد
17/08/2006, 13:43
أبو الشباب صدقني انتا عم تحكي عليي هون بس صدقني أحيانا الواحد مابيستحمل حالوا
يعني مثال انو اذا واحد بلش يخبص و يلعن و يحشك عليك أو بلش بالكلام التافه والاستفزازي شو ناطر منو ؟ ناطر منو يقتنع أو يزوق أو يختشي من كلامك الراقي .
أصلا أنا حكيتها من قبل انو هيك عالم عم يمارسوا حياتهن اليومية من تفاهة و استفزاز بس مو رايحة غير على يللي ما بيحمل حالوا متلي و هادا حكيتو بكتير مواضيع .
أنا مو ذنبي اذا الله خالقني خلاقي ضيقة بس بنفس الوقت تعا سايرني أو ناقشني بناقش معك للصبح و مو بس هيك مع كاسة متة ونفس أرغيلة وحياتك ومو بس هيك كمان المعسل على حسابي.
يا سيدنا كناااااااااااافة .



بس انا ما قصدتك انت بالذات لانوهاي الظاهرة منتشرة عند كتير من الاعضاء
ويا ريت تمسكوحالكون شوي وتاخدوا الامور بروية
نحنا لما عم نناقش فكرة بنكون عم نحاول نوصل فكرة بقى اذا ما وصلت الفكرة بالكلام الحلو اكيد ما رح توصل بالمسبة

بالنسبة للكنافة:eat: انا جاهز
MR.SAMO
17/08/2006, 13:44
بالنسبة للكنافة:eat: انا جاهز
كلنا جاهزين
بس ياريت من عند ابو اللبن
Majood
24/08/2006, 15:26
سمعت في كنافة ............قمت قطعت اجازتي و اجيت.......
بدكون ما تواخزونا .... بس كنت بأجازة من الشغل ومن الأخوية و من كلشي و رحت عالشام تقوقعت مع اهلي ..... وخلال هالفترة دخل الحابل بالنابل .......
رح نرجّع المنبر متل ما كان ايدكون بايدي منصلح كلشي.......... بس انتو ساعدو ......... عندكون مقترحات... افكار جديدة ... امتعاض .. استحسان ... كلو ابعتو بس عالخاص مو هون بالمنبر ... انا جاهزة اسمع الكل ...............

وين الكنافة؟



و شي عجييييييييييببببببببببببب
COSTA
24/08/2006, 16:48
سمعت في كنافة ............قمت قطعت اجازتي و اجيت.......
بدكون ما تواخزونا .... بس كنت بأجازة من الشغل ومن الأخوية و من كلشي و رحت عالشام تقوقعت مع اهلي ..... وخلال هالفترة دخل الحابل بالنابل .......
رح نرجّع المنبر متل ما كان ايدكون بايدي منصلح كلشي.......... بس انتو ساعدو ......... عندكون مقترحات... افكار جديدة ... امتعاض .. استحسان ... كلو ابعتو بس عالخاص مو هون بالمنبر ... انا جاهزة اسمع الكل ...............

وين الكنافة؟



و شي عجييييييييييببببببببببببب

تكرم عينك :D

احلى صدر كنافة
رح ابعتلك على الخاص
COSTA
16/04/2007, 22:51
شو رأيكم تحلّو عن المنبر وتروحو تتخانقو بالسقيفة ... يعني بالدرجة التانية .. :pos:
وبلا ما نقعد نسمع كلام طالع نازل ومسبات وقصص ما الها فايدة ..:shock: :jakoush:


بكفي يعني .. :aah:

في شي اسمو سقيفة لصف الحكي والردح:mrgreen: ,, وشي اسمو بريد المنتدى للشكاوي والقضايا المعثرة .. :krimbow:

خلينا نحكي كلمتين نضاف فيهم فايدة على رواق وبلا من سمة البدن .. بكفي .. :cry:
برجع بقتبس النص وبوجه رسالة من هاد الموضوع انو هون منبر حر مو ساحة معركة وتصفية حسابات وتعنت على الاراء
عن جد يا ناس خليكون واقعيين وتقبلو بعض لانو بالنهاية نحنا انسان
وينك Nirvana:D
abosleman
16/04/2007, 23:01
بانتظار عودة المنبر
واعضاء ومؤسسي المنبر

تحياتي إلك كوستا
Nirvana
17/04/2007, 15:57
وينك Nirvana:D


نحن هنا :D