-
دخول

عرض كامل الموضوع : كل 15 آب و ضيعنا منوّرة بالفرح و الحب

Tulip
16/08/2006, 11:01
وقت يلي كنا صغار كنا ننتظر الصيف ما بس لحتى نعطل من المدرسة..... كان في قلبنا شوق لنعيّد عيد السيدة. عطول منتظرين 15 آب، عطول منتظرين الفرح و العيد...... و رغم كتر الأعياد خلال السنة بس بيضل عيد السيدة ألو نكهة غير شكل، يمكن لأنو بيبطل عيد عادي و بصير مهرجان، و بصيروا ضيعنا قلوب للفرح و بيتزينو بالحب. و الحلو أنو صار العيد تقليد سنوي بكتير من الضيع ليعملو مهرجانات ما صار متلا.

يهالوقت من السنة وين مارحت بكل الضيع ما بتحس حالك غريب، لأنو العجقة....... بتعقد. و عنجد ما بتكون مزعجة ما بعرف ليش!!!!!!!

بهالمناسبة بدي قول لكل يلي ما قدرو يحتفلو معنا لأنون بعاد.... أنتو صحي ما كنتو معنا بالجسد بس أكيد ذكرناكن بصلواتنا و أكيد تمنينا تشاركونا بالفرح يلي كنا عم نحسوا...... لكل يلي برا بدي أنقل تحيات المشتى و الكفرون و صافيتا و وادي النصارى والمتن و السودا و ضهر صفرا و كل الضيع يلي جنبون (لأني هدول بس يلي قدرت زورن بالعيد) بس أنا متأكدة أنو كل الضيع كلا بتسلم عليكن و بتقلن أشتقنالكن.

و بدي قول كمان يلي ما قدروا يحسوا بالعيد لأنو أحزانن كانت كتير كبيرة...... الألم و الحزن بيعطوا الفرح قيمة. و أنشالله سنة الجاية بتكونوا أنتو منارة للفرح.

و كل سنة و الفرح و الحب ملوك القلوب
leoprad
16/08/2006, 11:07
كل سنة و اخوانا المسيحية بخير ((انشاء الله تكون عبارة كل سنة و انتو بخير بيمشي حالها على عيد السيدة ))
Tulip
16/08/2006, 11:09
كل سنة و اخوانا المسيحية بخير ((انشاء الله تكون عبارة كل سنة و انتو بخير بيمشي حالها على عيد السيدة ))

كل سنة وكل الناس بخير........
leoprad
16/08/2006, 11:11
كل سنة وكل الناس بخير........
اي معك حق لأنو احنا بالاسلام عندنا السيدة مريم من مبين أعظم 4 نساء في العالم
Tulip
16/08/2006, 11:13
اي معك حق لأنو احنا بالاسلام عندنا السيدة مريم من مبين أعظم 4 نساء في العالم

العدرا شفيعة كل القلوب...... و مرسي لمشاركتك
leoprad
16/08/2006, 11:15
:clap:
.
.
.
Fady007
16/08/2006, 11:17
كل سنه وانتوا طيبين وبخير :D

بس احنا عندنا العيد يوم22/8
MR.SAMO
16/08/2006, 11:18
ينعاد عليك يا توليب وعلى الكل بالصحة والخير
كيف شفتي العيد بالمشتى والكفرون
Tulip
16/08/2006, 11:19
كل سنه وانتوا طيبين وبخير :D

بس احنا عندنا العيد يوم22/8

أنت طيب يا أبو قلب طيب، بس أنو ليش ب 22/8 أبو الفاد؟؟ :shock:
abosleman
16/08/2006, 11:21
:smile: كل سنه وانتو بخير

وانشاالله السنه الجاي بنحتفل معكن متل ماتعودنا

واسمحولي اهديكن هالغنيه لانها بتذكرني باحلى الايام بوادي النصارى

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
Tulip
16/08/2006, 11:22
ينعاد عليك يا توليب وعلى الكل بالصحة والخير
كيف شفتي العيد بالمشتى والكفرون

أهلين سامو و عليك يا رب........ بالمشتى و الكفرون العجقة شي ما بقدر عبر عنو بالحكي بس عنجد كتير حلوة....... و الجبل.......... أخ!!!!!
بدي أرجع عالمشتى ولو ما بدي أشتغل اليوم!!!
MR.SAMO
16/08/2006, 11:24
أهلين سامو و عليك يا رب........ بالمشتى و الكفرون العجقة شي ما بقدر عبر عنو بالحكي بس عنجد كتير حلوة....... و الجبل.......... أخ!!!!!
بدي أرجع عالمشتى ولو ما بدي أشتغل اليوم!!!
بتنوري المشتى
وانشالله العيد الجايي نشوفك عنا بالمشتى
Fady007
16/08/2006, 11:25
أنت طيب يا أبو قلب طيب، بس أنو ليش ب 22/8 أبو الفاد؟؟ :shock:

مش عارف ليه بصراحه بس هو اكيد فرق توقيت بين مصر وسوريا لانه الصيام لسه شغال وعيد العذراء مريم ان شاء الله يوم 22/8 وكل سنه وانتوا في قلبكوا المحبه والسلام
:D
MR.SAMO
16/08/2006, 11:26
مش عارف ليه بصراحه بس هو اكيد فرق توقيت بين مصر وسوريا لانه الصيام لسه شغال وعيد العذراء مريم ان شاء الله يوم 22/8 وكل سنه وانتوا في قلبكوا المحبه والسلام
:D

على التوقيت الشرقي
ينعاد عليكن
Fady007
16/08/2006, 11:30
على التوقيت الشرقي
ينعاد عليكن

وعليك سامو يا اكتر من اخ ويارب تحقق كل امنياتك واحلامك اللي متحققتش السنه دي :D
وكل الناس تبقي في سعاده وسماحه قلب وتحقق كل امانيها
MR.SAMO
16/08/2006, 11:31
وعليك سامو يا اكتر من اخ ويارب تحقق كل امنياتك واحلامك اللي متحققتش السنه دي :D
وكل الناس تبقي في سعاده وسماحه قلب وتحقق كل امانيها
وانت كمان يارب وانشالله يعم السلام والمحبة بقلبكن وعلى كل شعبنا بمصر ومصر كلها
تحياتي
Tulip
16/08/2006, 11:32
:smile: كل سنه وانتو بخير

وانشاالله السنه الجاي بنحتفل معكن متل ماتعودنا

واسمحولي اهديكن هالغنيه لانها بتذكرني باحلى الايام بوادي النصارى

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أنشالله سنة الجاية كل أعضاء الأخوية بيجتمعوا هون بسوريا على عيد السيدة و منعمل مهرجان كبيييييرررررر. ينعاد عيلك
Tulip
16/08/2006, 11:37
بتنوري المشتى
وانشالله العيد الجايي نشوفك عنا بالمشتى

على راسي يا أحلى سامو....... بتعرف معزتك عندي و هلق زادت ضعف لأنو المشتى كتير غالية على قلبي........ و أهلا بأحلى مشتاوي!
Willi
16/08/2006, 22:04
عيد السيدة؟؟
مين ؟؟

ليش؟؟
طيب ايمت؟؟؟

يلعن ابو اميركا
العيد فيها متل الهداك اللي مدري شو اسمو.
مالي خبر انو كان عيد السيدة :lol:

على كل حال كل عام وانتو بخير
jida
16/08/2006, 22:42
كل عام وانتو بخير .. صرلي سنتين مو معيدة عيد السيدة :cry:
كيف كان العيد ؟ حلو كتير مو ؟ :cry:
Tulip
16/08/2006, 22:51
عيد السيدة؟؟
مين ؟؟

ليش؟؟
طيب ايمت؟؟؟

يلعن ابو اميركا
العيد فيها متل الهداك اللي مدري شو اسمو.
مالي خبر انو كان عيد السيدة :lol:

على كل حال كل عام وانتو بخير

و أنت بألف خير....... و أنشالله سنة الجاية بتعيد مع كل الناس يلي بتحبون العيد يلي اسمو!!!
ينعاد عليك
Tulip
16/08/2006, 22:53
كل عام وانتو بخير .. صرلي سنتين مو معيدة عيد السيدة :cry:
كيف كان العيد ؟ حلو كتير مو ؟ :cry:

ينعاد عليكي بالحب و الفرح...... و ما تزعلي نحنا يلي منخلي من كل يوم عيد.
فلاش باك
16/08/2006, 23:01
كل عام والجميع بألف خير يارب :D

وانشا الله العيد الجاية تكون افضل من السنة يلي ئبلها وتكون الاوضاع الاقليمية جيدة حتى نحسن نفرح عن حق وحقيق
سرسورة
17/08/2006, 00:17
ينعاد عليكون كلكون.......السنه ما قدرت عييد ولا روح عالمشتى:cry: (ضيعتي و صرلي ست شهور ما طلعت عليا)
شكرا توليب ع الموضوع الحلو و ع كلماتك الحلوة.....و اذكرونا بصلاتكون يا جماعة
butterfly
17/08/2006, 00:18
كل عام وأنتو بألف خير
أنا قضيت عيد حلو بس كنت موعودة عيد مع صديق كتير غالي عقلبي :cry: :cry: بس ما قدر ينزل
ادعولي سنة الجاية يعيد معنا :yahoo:
Nirvana
17/08/2006, 00:26
وقت يلي كنا صغار كنا ننتظر الصيف ما بس لحتى نعطل من المدرسة..... كان في قلبنا شوق لنعيّد عيد السيدة. عطول منتظرين 15 آب، عطول منتظرين الفرح و العيد...... و رغم كتر الأعياد خلال السنة بس بيضل عيد السيدة ألو نكهة غير شكل، يمكن لأنو بيبطل عيد عادي و بصير مهرجان، و بصيروا ضيعنا قلوب للفرح و بيتزينو بالحب. و الحلو أنو صار العيد تقليد سنوي بكتير من الضيع ليعملو مهرجانات ما صار متلا.

يهالوقت من السنة وين مارحت بكل الضيع ما بتحس حالك غريب، لأنو العجقة....... بتعقد. و عنجد ما بتكون مزعجة ما بعرف ليش!!!!!!!

بهالمناسبة بدي قول لكل يلي ما قدرو يحتفلو معنا لأنون بعاد.... أنتو صحي ما كنتو معنا بالجسد بس أكيد ذكرناكن بصلواتنا و أكيد تمنينا تشاركونا بالفرح يلي كنا عم نحسوا...... لكل يلي برا بدي أنقل تحيات المشتى و الكفرون و صافيتا و وادي النصارى والمتن و السودا و ضهر صفرا و كل الضيع يلي جنبون (لأني هدول بس يلي قدرت زورن بالعيد) بس أنا متأكدة أنو كل الضيع كلا بتسلم عليكن و بتقلن أشتقنالكن.

و بدي قول كمان يلي ما قدروا يحسوا بالعيد لأنو أحزانن كانت كتير كبيرة...... الألم و الحزن بيعطوا الفرح قيمة. و أنشالله سنة الجاية بتكونوا أنتو منارة للفرح.

و كل سنة و الفرح و الحب ملوك القلوب



بكفي هالكلام اللي نقلنا عالجو الحلو ..

وبكفي كلامك اللي بيزرع شوية أمل بقلوبنا عآخر هالليل بعد سمات بدن النهار.

وكل عيد وانتي والجميع بخير.
الاماكن كلها مشتاقه لك
17/08/2006, 00:39
كل عام وانتم بخير جميعاً مع انني ما أدري ايش القصه بالضبط
وايش العيد بهذا الوقت لانو مافيه عيد عندنا الا عيد الفطر المبارك وعيد الاضحى
مسلم سني
ولكن اعيد واقول كل عام وانتم بخير وفرح وسرور
سرسورة
17/08/2006, 00:45
بكفي هالكلام اللي نقلنا عالجو الحلو ..

وبكفي كلامك اللي بيزرع شوية أمل بقلوبنا عآخر هالليل بعد سمات بدن النهار.

وكل عيد وانتي والجميع بخير.
اي والله......يسلم هالتم يا نيرفانا.....حسيت شوي انو كان في عيد بعد ما قريت هالحكي....حاكم هزات البدن بتنسي الواحد حالو مو بس انو كان في عييد
blue eyes
17/08/2006, 07:36
ولي علي بتكون راحت علي الحفلة يعني ضروري تفتحو جروحاتنا,,
كل عيد سيدة والشعب المسيحي بخير..وكل الامة العربية
Tulip
17/08/2006, 09:15
ينعاد عليكون كلكون.......السنه ما قدرت عييد ولا روح عالمشتى:cry: (ضيعتي و صرلي ست شهور ما طلعت عليا)
شكرا توليب ع الموضوع الحلو و ع كلماتك الحلوة.....و اذكرونا بصلاتكون يا جماعة

و لا تعتلي هم سرسورة أنا بروح عنك.... شكراً لألك على مشاركتك و أنتي كمان اذكرينا بصلاتك.. و انشالله سنة الجاية منلتقى سوا بالمشتى
Tulip
17/08/2006, 09:16
بكفي هالكلام اللي نقلنا عالجو الحلو ..

وبكفي كلامك اللي بيزرع شوية أمل بقلوبنا عآخر هالليل بعد سمات بدن النهار.

وكل عيد وانتي والجميع بخير.

و أنت بألف خير و حب و فرح "و ثورة" انشالله بضلي القلب يلي ما بيتعب من الحب.
Tulip
17/08/2006, 09:19
كل عام وأنتو بألف خير
أنا قضيت عيد حلو بس كنت موعودة عيد مع صديق كتير غالي عقلبي :cry: :cry: بس ما قدر ينزل
ادعولي سنة الجاية يعيد معنا :yahoo:

انشاللع بتعيدوا سوا احلى عيد و بدي ادعي لكل البعاد يكونو معنا. و بدي قول بعرف انو قلوبكن الحلوة ما لازم تخلي بعد المسافات يحسسنا بالغربة. منحبكون كتير.