-
دخول

عرض كامل الموضوع : قانون الطوارئ

كهربجي
15/08/2006, 10:12
يا جماعة ممكن حدا يشرحلي ليش لهلق موضوع قانون الطوارئ في التنفيذ؟؟؟

جواب مقنع بس رجاءً

وبدون سبسبة... لأنو بما أنو هدي الوضع وإسرائيل حلت شوي عن لبنان لازم نشوف كيف بدنا نحل مشاكلنا الداخلية
Nirvana
15/08/2006, 10:28
انا بعرف انو قانون الطوارئ موجود لانو سوريا لسا بحالة صراع مع اسرائيل، والوضع الحالي ليس الا هدنة فقط ؟؟؟؟
sezar
15/08/2006, 17:00
:lol:
يا سيدي لقلك ..

ازا شالو قانون الطوارئ بصير التالي :
بتم حلّ جميع الفروع الأمنية يلي مو معروف قرعة أبوها مين و لوين و ليش ..

يا سيدي بصير انو المخابرات ما بحقلا تفوت على أي بيت و تشحشط عل طالعة و النازلة ..
بصير انو مافي اختراع اسمو معتقل رأي او معتقل سياسي ..
بصير انو البلد بتصير أحسن مما يعني المواطن ممكن يبلش يشبع مما يعني بالنتيجة المواطن رح يفتح عينو و مخو على أشياء ما كان فاضيلا لما كان الصبح استاز و المسا شفير سرفيس ..

بصير انو لازم تصير انتخابات دستورية .. متلنا متل جزر المالديف ..
بالنتيجة كلو هاد بيعني بشكل مباشر او غير مباشر زحط الكرسي من تحت الرؤوس يلي فوق ..

و تم وضع الحل العبقري منذ 35 سنة بوضع البوسطار قوف رؤوس المواطنين ..
و كل ما حدا تنفس بقلك قانون طوارئ

ملاحظة للي ما بيعرف : قانون الطوارئ يبيح لأي صاحب سلطة باصدار الأمر يلي بشوفو مناسب ..
يعني مطاطة ...

شغلات ثانوية :
قانون الطوارئ هوي عمود حزب البعث الفقري
هوي عمود الضباط و العشر سيارات يلي تحت كل واحد فيهن و بونات البنزين طبعا..
هوي عمود الفقري لجوع الشعب ( جوع المعنوي )

شو بدو يحكي ليحكي
sezar
15/08/2006, 17:03
يا جماعة ممكن حدا يشرحلي ليش لهلق موضوع قانون الطوارئ في التنفيذ؟؟؟

جواب مقنع بس رجاءً

وبدون سبسبة... لأنو بما أنو هدي الوضع وإسرائيل حلت شوي عن لبنان لازم نشوف كيف بدنا نحل مشاكلنا الداخلية :aah:
هلأ لنتبهت انو انت يلي عم تسأل

لك انت عم تسأل :jakoush:

يلا بس خليتني فش خلقي
:lol:
خلي لي بالي بالك يتنكرزو شوي
Barleb
15/08/2006, 18:03
ههههه .. يا زلمة لا يكون صدقت أنو فعلا ماكان بيقدرو يحلو مشاكلون الداخلية مشان لبنان .. ..

اخ سيزار 100 :D
كهربجي
15/08/2006, 19:04
:aah:
هلأ لنتبهت انو انت يلي عم تسأل

لك انت عم تسأل :jakoush:

يلا بس خليتني فش خلقي
:lol:
خلي لي بالي بالك يتنكرزو شوي

المعنى في قلب الشاعر سيزار;-)


ولوّ؟؟؟
كهربجي
15/08/2006, 19:06
ههههه .. يا زلمة لا يكون صدقت أنو فعلا ماكان بيقدرو يحلو مشاكلون الداخلية مشان لبنان .. ..

اخ سيزار 100 :D
حبيبي مشان ما ينطو يخوّنو أبو ربنا...

بعدين بيحاكمونا بتهمة معاداة أهداف الثورة
كهربجي
15/08/2006, 19:08
:lol:
يا سيدي لقلك ..

ازا شالو قانون الطوارئ بصير التالي :
بتم حلّ جميع الفروع الأمنية يلي مو معروف قرعة أبوها مين و لوين و ليش ..

يا سيدي بصير انو المخابرات ما بحقلا تفوت على أي بيت و تشحشط عل طالعة و النازلة ..
بصير انو مافي اختراع اسمو معتقل رأي او معتقل سياسي ..
بصير انو البلد بتصير أحسن مما يعني المواطن ممكن يبلش يشبع مما يعني بالنتيجة المواطن رح يفتح عينو و مخو على أشياء ما كان فاضيلا لما كان الصبح استاز و المسا شفير سرفيس ..

بصير انو لازم تصير انتخابات دستورية .. متلنا متل جزر المالديف ..
بالنتيجة كلو هاد بيعني بشكل مباشر او غير مباشر زحط الكرسي من تحت الرؤوس يلي فوق ..

و تم وضع الحل العبقري منذ 35 سنة بوضع البوسطار قوف رؤوس المواطنين ..
و كل ما حدا تنفس بقلك قانون طوارئ

ملاحظة للي ما بيعرف : قانون الطوارئ يبيح لأي صاحب سلطة باصدار الأمر يلي بشوفو مناسب ..
يعني مطاطة ...

شغلات ثانوية :
قانون الطوارئ هوي عمود حزب البعث الفقري
هوي عمود الضباط و العشر سيارات يلي تحت كل واحد فيهن و بونات البنزين طبعا..
هوي عمود الفقري لجوع الشعب ( جوع المعنوي )

شو بدو يحكي ليحكي
بعدين زيادة على ه الشي بتوقف كل المراسيم والسياسات المخالفة للدستووور

وبتلتغى محكمة أمن الدولة... إلها يوم هديك ال****
Barleb
15/08/2006, 19:25
حبيبي مشان ما ينطو يخوّنو أبو ربنا...

بعدين بيحاكمونا بتهمة معاداة أهداف الثورة

لا .. أنت لو مانك موالي .. أنت بالضرورة خاين .. قصة لبنان و العراق و خدام و و و ..

يعني ببساطة .. أنت أيمتا ما حكيت فـ أنت خاين .. و عميل أسرائيلي ..


بس جماعة التخوين كأنو خفو أجرون عـن المنبر;-)
صياد الطيور
15/08/2006, 19:56
يعني لازم اتدخل .. بما انو كم واحد منكم سألوا عني وعن أمثالي :lol: .. روح بلش بالبداية المعتادة لألي ولجماعة الموالاة :p هلأ مو وقت طرح هالشي لأنو الحكي بهالموضوع خيانة عظمى ومساعدة للقوى الخارجية الي بتحب الأذية لسوريا و حكومتها و الي بيحكي بهالأمور هو خاين عمل للأمبريالية الصهيونية ...
لعمى كتير هيك :?

يا سيدي لنحكي بجد ... قانون الطوارئ قانون حقير جدا .. و متل ما قلك سيزار ;-) قانون مطاط
يعني بحسب الحاجة بيصير مقاس القانون
هو مفيد و ضروري ببعض الحالات ... بس المشكلة عنا كانت وماتزال انو القانون عم يصير لتنفيذ مصالح شخصية أو قوانين خارجة عن الطبيعة الدولية
لأيمت رح يستمر .. بعتقد كل المطالبات بالتخلي عن قانون الطوارئ ما رح يستجاب لها ورح يستمر ولو تحرر الجولان .. رح يستمر بحجة تحاشي عواقب التحرير و ردة الفعل الأسرائيلية
يعني ... قدرك ونصيبك :D
sezar
15/08/2006, 20:19
يعني لازم اتدخل .. بما انو كم واحد منكم سألوا عني وعن أمثالي :lol: .. روح بلش بالبداية المعتادة لألي ولجماعة الموالاة :p هلأ مو وقت طرح هالشي لأنو الحكي بهالموضوع خيانة عظمى ومساعدة للقوى الخارجية الي بتحب الأذية لسوريا و حكومتها و الي بيحكي بهالأمور هو خاين عمل للأمبريالية الصهيونية ...
لعمى كتير هيك :?

يا سيدي لنحكي بجد ... قانون الطوارئ قانون حقير جدا .. و متل ما قلك سيزار ;-) قانون مطاط
يعني بحسب الحاجة بيصير مقاس القانون
هو مفيد و ضروري ببعض الحالات ... بس المشكلة عنا كانت وماتزال انو القانون عم يصير لتنفيذ مصالح شخصية أو قوانين خارجة عن الطبيعة الدولية
لأيمت رح يستمر .. بعتقد كل المطالبات بالتخلي عن قانون الطوارئ ما رح يستجاب لها ورح يستمر ولو تحرر الجولان .. رح يستمر بحجة تحاشي عواقب التحرير و ردة الفعل الأسرائيلية
يعني ... قدرك ونصيبك :D
:D
تحية صياد

عل هامش:
اسرائيل يلي هية بحالة تأهب شبه دائمة بتلغي قانون الطوارئ و بتحطو يعني مو ثابت عندا
Nirvana
15/08/2006, 20:20
انا بعرف انو قانون الطوارئ موجود لانو سوريا لسا بحالة صراع مع اسرائيل، والوضع الحالي ليس الا هدنة فقط ؟؟؟؟

شكرا يا ستي على سؤالك اللي مالو علاقة بالموضوع من الاساس، يعني كفيتي ووفيتي ..
بس مية :D لالك.






ومن متى أي قانون بأنظمتنا بطبق متل ما لازم ؟
بس يعني منيح عم تعترضو على هالشي وبتعبرو عن رأيكم وواعيين للخطأ .. بس في أماكن بصير تقريبا نفس الشي ولا حدا حاسس أو معترض.
sezar
15/08/2006, 21:05
شكرا يا ستي على سؤالك اللي مالو علاقة بالموضوع من الاساس، يعني كفيتي ووفيتي ..
بس مية لالك.
:lol:

على مقولة زياد :
لتعمل ثورة عل نظام لازم أول عا آخر يكون في نظام
Nirvana
15/08/2006, 21:08
:lol:

على مقولة زياد :
لتعمل ثورة عل نظام لازم أول عا آخر يكون في نظام

وهاي كمان :lol: :lol: :lol::pos: لانها عالوجع .
COSTA
15/08/2006, 21:10
يعني لازم اتدخل .. بما انو كم واحد منكم سألوا عني وعن أمثالي :lol: .. روح بلش بالبداية المعتادة لألي ولجماعة الموالاة :p هلأ مو وقت طرح هالشي لأنو الحكي بهالموضوع خيانة عظمى ومساعدة للقوى الخارجية الي بتحب الأذية لسوريا و حكومتها و الي بيحكي بهالأمور هو خاين عمل للأمبريالية الصهيونية ...
لعمى كتير هيك :?

يا سيدي لنحكي بجد ... قانون الطوارئ قانون حقير جدا .. و متل ما قلك سيزار ;-) قانون مطاط
يعني بحسب الحاجة بيصير مقاس القانون
هو مفيد و ضروري ببعض الحالات ... بس المشكلة عنا كانت وماتزال انو القانون عم يصير لتنفيذ مصالح شخصية أو قوانين خارجة عن الطبيعة الدولية
لأيمت رح يستمر .. بعتقد كل المطالبات بالتخلي عن قانون الطوارئ ما رح يستجاب لها ورح يستمر ولو تحرر الجولان .. رح يستمر بحجة تحاشي عواقب التحرير و ردة الفعل الأسرائيلية
يعني ... قدرك ونصيبك :D

ليش مفيد وضروري يا صياد ؟؟؟
وين الافادة فيه والضرورة ؟؟
sezar
15/08/2006, 22:11
ليش مفيد وضروري يا صياد ؟؟؟
وين الافادة فيه والضرورة ؟؟
هلأ رأيي مفيد بالأحوال الحربية و المعارك وقت بكون الضابط ما عندو وقت يعمل محاكمة عادلة لجندي او غيرو فالضابط بيصدر القرار ( او بشكل محكمة عرفية ) شي بيشبه محاكم أمن الدولة حاليا بسوريا و بيشبه لما بيحبسو أشخاص 12 - 13 سنة بعدين بحاكموهن هون بفيد الشباب الطيبة كتير و بكون ضروري و ضروري جدا كمان ...

ضروري لتبرير وجود سجن تدمر ضروري لوجود سجن صيدنايا ضروري مشان يحبسو سجناء رأي بعدا مع يلي مهرب حشيش ..
ضروري ( معلش هي آخر ضروري :lol: ) لما بدن يحبسو شخص بمنفردة بفرع فلسطين تسع و عشر شهور ..
COSTA
15/08/2006, 23:06
يا جماعة ممكن حدا يشرحلي ليش لهلق موضوع قانون الطوارئ في التنفيذ؟؟؟

جواب مقنع بس رجاءً

وبدون سبسبة... لأنو بما أنو هدي الوضع وإسرائيل حلت شوي عن لبنان لازم نشوف كيف بدنا نحل مشاكلنا الداخلية

مشاكلنا الداخلية ؟؟؟؟...........فاجئتني يا زلمة

نحنا ما عنا مشاكل داخلية ....منين هي جبتها

انت اكيد رجعي :clap:
Nirvana
15/08/2006, 23:08
مشاكلنا الداخلية ؟؟؟؟...........فاجئتني يا زلمة

نحنا ما عنا مشاكل داخلية ....منين هي جبتها

انت اكيد رجعي :clap:

ملعوببببببببببببببببببببب ببة .. وجووووووووووووووووووووووو وووووووول 8)
COSTA
15/08/2006, 23:09
ملعوببببببببببببببببببببب ببة .. وجووووووووووووووووووووووو وووووووول 8)

:gem: :gem: :yahoo: :yahoo:

لك اخخخخخخخخخخخ
COSTA
15/08/2006, 23:21
شكرا يا ستي على سؤالك اللي مالو علاقة بالموضوع من الاساس، يعني كفيتي ووفيتي ..
بس مية :D لالك.






ومن متى أي قانون بأنظمتنا بطبق متل ما لازم ؟
بس يعني منيح عم تعترضو على هالشي وبتعبرو عن رأيكم وواعيين للخطأ .. بس في أماكن بصير تقريبا نفس الشي ولا حدا حاسس أو معترض.

ما نحنا منعترض ونشجب ونستنكر

بس الحكومة تاركتنا نفس عن حالنا شوي ....بتقول بقلبها معليش خطي خليهون يحكو
بس يا ويلون اذا تصرفو ;-)
Nirvana
15/08/2006, 23:23
ما نحنا منعترض ونشجب ونستنكر

بس الحكومة تاركتنا نفس عن حالنا شوي ....بتقول بقلبها معليش خطي خليهون يحكو
بس يا ويلون اذا تصرفو ;-)

قضى أحسن من قضى !!!;-)
COSTA
15/08/2006, 23:24
قضى أحسن من قضى !!!;-)

برافو عليك :gem:

عرفانة اللعبة ;-)
Nirvana
15/08/2006, 23:27
برافو عليك :gem:

عرفانة اللعبة ;-)

لكان .. تعلمناها منيح !!
Barleb
16/08/2006, 02:53
قانون الطوارئ عم يخدم الحكومة الرخيصة فقط ..
[quote=sezar]هلأ رأيي مفيد بالأحوال الحربية و المعاركquote]

ما المشكلة أنو مافي معارك .. يعني ببساطة من 1973 .. من حرب تشرين .. ما صارت ولا صدام مباشر و لا غير مباشر مع أسرائيل ..

لا عسكرياً ولا سياسياً ولا أقتصادياً ..

بس

الكلب لما بتطعميه كل يوم لحم و أكل دسم .. بيبطل ياكل عضام ..
COSTA
16/08/2006, 02:57
الكلب لما بتطعميه كل يوم لحم و أكل دسم .. بيبطل ياكل عضام ..

لشوف بس يخلص اللحم شو بدو ياكل
f.y
16/08/2006, 09:48
قانون الطوارئ انا حابب سميه قانون الطوارق(مفردها طارق) بس شو طارق؟؟؟؟؟:shock: :shock:

بعدين هو مفيد لبعض الحالات الخاصة ومع عالم بيفهمو يطبقو

وطبعا النظام عنا كلو حالة خاصة ومليان فهم.:shock: :shock: :shock:
abosleman
16/08/2006, 10:50
معلم هدا يظهر منزلينو بخطه خمسيه
وطبعا الخطه الخمسيه متل مابتعرف اربع سنين تخطيط للمشروع سنه تنفيذ

بس سنه بجوز ماكفتهن بدهن سنتين تانيات وبنشوف اذا بيخلص
يعني املنا بالله كبير
leoprad
16/08/2006, 10:58
طارق ما شفش حاجة
إنسان وبس
16/08/2006, 11:12
قائون الطوارئ وضع لمساعدة الشعب، بس بالبلاد العربية وضع لمساعدة الحكام على السيطرة اكتر ع الحكم والتشبث به
كهربجي
16/08/2006, 13:52
مشاكلنا الداخلية ؟؟؟؟...........فاجئتني يا زلمة

نحنا ما عنا مشاكل داخلية ....منين هي جبتها

انت اكيد رجعي :clap:
ضليت حاول أتقدم لحتّى فتت بالحيط

قام شكلي صرت رجعي!!!
كهربجي
16/08/2006, 13:55
معلم هدا يظهر منزلينو بخطه خمسيه
وطبعا الخطه الخمسيه متل مابتعرف اربع سنين تخطيط للمشروع سنه تنفيذ

بس سنه بجوز ماكفتهن بدهن سنتين تانيات وبنشوف اذا بيخلص
يعني املنا بالله كبير
يحرق دين ها الخطة الخمسية اللي إلها من


1963
chefadi
16/08/2006, 14:09
مرحبا للكــــــــــــــــــــــــــــــــــــل :
تحياتي لكهربجي ع الموضوع الخطير و كل الحكي اللي انحكى صحيح و قانون الطوارئ هو اسوأ قانون بالدنيا ,,, انا بدي احكي محكمة امن الدولة يعني كنت عم اقرا تقرير للمراقبين الدوليين الحقوقيين باحدى المحاكمات العلنية القليلة و كان بيقول انو اهم اهانة لمهنة القضاء بالعالم انو قاضي محكمة يكون منتسب لحزب سياسي بالبلد شو ماكان ربو لهاد الحزب و فهمكون كفاية,,,,,,,,,,,,,,,,
MR.SAMO
16/08/2006, 14:14
يحرق دين ها الخطة الخمسية اللي إلها من


1963
هنن حددوا خطة خمسية بس متى بتبدأ ومتى بتنتهي مو محدود
إنسان وبس
16/08/2006, 14:16
هلأ صحيح انو بكل البلدان في قانون طورائ وما بيعملوا بالقانون إلا وقت يكون الامة ضمن خطر ؟
Barleb
16/08/2006, 14:35
في حكي أنو رح يشيلو القانون ..
هل 10 - 15 سنة بدون يطرحو موضوع ألغاء القانون .. بدو دراسة 5-10 سنين على الأقل .. بدو 5 سنين تمحيص وتفحيص ..
وبعدا بشي 13 سنة .. رح يفكرو يا رح يشلوو يا لأ ..
كهربجي
16/08/2006, 19:44
هلأ صحيح انو بكل البلدان في قانون طورائ وما بيعملوا بالقانون إلا وقت يكون الامة ضمن خطر ؟
إي صحيح... وقت الأزمات
Danito
16/08/2006, 21:24
قانون الطوارئ كمان بيحمي رجال أمن الدولة (المخابرات) من المحاكمة في حال إذاء أو قتل أي مواطن أثناء التحقيق معه (تحت التعذيب)

المشكلة مو بس بالقانون بس بالثقافة السائدة: سيطرة السلطات و الأجهزة التنفيذية و تسلطها و خضوع السلطات التشريعية لها و غياب الوعي لحقوق المواطنين (كبشر و كمواطنين) لدى السلطات و لدى الشعب على حدٍ سواء

هلق بدي نزل موضوع انشالله ياليوم المسى يا بكرا على خلفية اللي صار
skoogy
16/08/2006, 22:43
ضليت حاول أتقدم لحتّى فتت بالحيط

قام شكلي صرت رجعي!!!
اللي ما بي*** بها الإيام بيسموه رجعي
COSTA
17/08/2006, 04:11
هلأ صحيح انو بكل البلدان في قانون طورائ وما بيعملوا بالقانون إلا وقت يكون الامة ضمن خطر ؟

قانون الطوارئ هو قانون استثنائي
والدول المتقدمة ما عندها هيك قوانين
لانو حلت المشاكل من زمان حتى ما تلجأ لهيك قوانين
بس عنا وضع هاد القانون لحماية الكرسي فقط
Barleb
17/08/2006, 04:18
** ** هيك دولة على ** ** هيك قانون ..

بيعوض
كهربجي
27/08/2006, 14:08
ببساطة...

قانون الطوارئ هو قانون اللاقانون


مبروك
Danito
27/08/2006, 14:26
ببساطة...

قانون الطوارئ هو قانون اللاقانون


مبروك
الله يبارك فيك .. عقبال كل الأعادي
chefadi
27/08/2006, 16:41
الله يبارك فيك .. عقبال كل الأعادي

لك حتى الاعادي تخلصوا من قانون الطوارئ:cry:
كهربجي
27/08/2006, 18:56
الله يبارك فيك .. عقبال كل الأعادي
حبيبناااااااااااا
كهربجي
05/07/2007, 16:41
up UP

أحسن ما نعمل موضوع جديد
Danito
08/07/2007, 09:00
up UP

أحسن ما نعمل موضوع جديد
يا زلمة هلق كنت عم اقرا المقالات المنشورة على الأحكام على الشباب

بس شو فينا نحكي ؟

بس إذا شي يوم و قلب النظام و حاكموه على قوانينو : تعريض سوريا للخطر و الاتصال مع دول معادية .. قديش رح يكوم مجموع محكومياتون؟ :shock:
Barleb
03/11/2007, 05:36
واب up up
brave heart2
03/11/2007, 06:09
واب up up

خي لاحياة لمن تنادي

لو منحكي لسى 50 سنة