-
دخول

عرض كامل الموضوع : العلمانية واللا الطائفية واللا الواقع واللا نحنا؟؟؟؟

wisefamme
13/08/2006, 23:09
دائماً منحكي عن الطائفية والعلمانية هون بأخوية بس كل هاد بيضل مجرد حكي نظري وما الو علاقة بالواقع اللي عم نصطدم فيه كل يوم................مثلاً انا بحب واحد مو من طائفتي وبعرف تماماً انو ما حنقدر نكون مع بعض للآخر ...قال لانو هيك العقل والمنطق بيقول....إي و الحل؟؟؟!! و الحب اللي بيناتنا شو منعمل فيه علماً انو مو عم نتسلى أو نقضي وقت بس ...هو مستعد نخطب ونتجوز ..بس أنا شو بعمل؟؟ وأهلي شو بقدر قدملن؟؟انا حكيت مع اهلي وكانت النتيجة انو خيروني بينن وبينو ....بس مع ذلك مو متخيلي تكون حياتي مع شخص غيرو ....والحل ؟؟بالنهاية نحنا دائماً مسيرين مو مخيرين ..أصلاً الحرية هي بس مجرد كلمة كل العالم بيحكو عنها و نادر انو حدا يطبقها على ارض الواقع.
و انتوا.....يا أهل الخير لو كنتو مكاني شو بتعملوا؟؟؟؟؟:x :x :x
COSTA
13/08/2006, 23:16
دائماً منحكي عن الطائفية والعلمانية هون بأخوية بس كل هاد بيضل مجرد حكي نظري وما الو علاقة بالواقع اللي عم نصطدم فيه كل يوم
النظري دايما بكون في بعدو عملي

................مثلاً انا بحب واحد مو من طائفتي وبعرف تماماً انو ما حنقدر نكون مع بعض للآخر ...قال لانو هيك العقل والمنطق بيقول....إي و الحل؟؟؟!! و الحب اللي بيناتنا شو منعمل فيه علماً انو مو عم نتسلى أو نقضي وقت بس ...هو مستعد نخطب ونتجوز .

اذا بتحبي وبحبك تجوزو شو ناطرين ....وين المشكلة

بس أنا شو بعمل؟؟ وأهلي شو بقدر قدملن؟؟انا حكيت مع اهلي وكانت النتيجة انو خيروني بينن وبينو ....بس مع ذلك مو متخيلي تكون حياتي مع شخص غيرو

اهلك مو دايمين الك ...يلي بدوم هو جوزك وعيلتك يلي بدك تبنيها

؟؟بالنهاية نحنا دائماً مسيرين مو مخيرين ..أصلاً الحرية هي بس مجرد كلمة كل العالم بيحكو عنها و نادر انو حدا يطبقها على ارض الواقع.


نحنا مخيرين ....لانو منعرف الصح من الغلط
والحرية الها ثمن لما بدنا نطبقها على الارض الواقع
وبالنسبة الك الثمن هو اهلك
وبرجع بقلك انو بعد فترة ولو طالت بيرجعوا هنن بيحكو معك

و انتوا.....يا أهل الخير لو كنتو مكاني شو بتعملوا؟؟؟؟؟

قلتلك شو منعمل

:D
Nirvana
13/08/2006, 23:34
الحب والحرية .. :cry:



وصدقيني ما بدي ولا بقدر أحكي أكتر من هيك.
rami_shama
14/08/2006, 01:20
علمنة الدولة والحرية!!!!
أسير التشرد
14/08/2006, 01:45
نيالك على أهلك انو خيروكي ... بس يا ريت تعرفي انو في قصص بتكون فيها البنت مهدورة الدم إذا خالفت رأي أهلها...
جورج الأول
14/08/2006, 17:40
[



اذا بتحبي وبحبك تجوزو شو ناطرين ....وين المشكلة

اهلك مو دايمين الك ...يلي بدوم هو جوزك وعيلتك يلي بدك تبنيها



انو طولي بالك ولا دهور البنت
المشكلة هلأ بتحبي وهو بحبك .بركي هادا الشئ تغير؟؟بركي اضطروتوا للطلاق؟؟
بحكم مجتمعنا المتخلف بضيعي أو بتنجبري تتحملي(الشب)
ازا بتقدري تعيشي لحالك و ما بتتكلي على حدا روحي تجوزي هلا
أما ازا عايشة على حساب أهللك ؟ بصراحة مغامرة ازا قلبك قوي لا توقفي
tiger
14/08/2006, 17:42
الحل هو الزواج المدني....
جورج الأول
14/08/2006, 17:56
الحل هو الزواج المدني....

مو ما بصير تجيب سيرة الدين هون
وعلى حساب الك منصب جديد (منسق ) يعني مسموح التجاوز
tiger
14/08/2006, 18:02
مو ما بصير تجيب سيرة الدين هون
وعلى حساب الك منصب جديد (منسق ) يعني مسموح التجاوز

ومين جاب سيرة الدين !!! :? :? :shock: :shock:
HashtNasht
14/08/2006, 22:57
الحرب هي السلام
الحرية هي العبودية
الجهل هو القوة

عملي شو ما بدك ..بس اهم شي ما تزعلى ال big brother ;-)
كهربجي
15/08/2006, 09:47
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// D%ED%E4%BF
COSTA
17/08/2006, 04:52
[





انو طولي بالك ولا دهور البنت
المشكلة هلأ بتحبي وهو بحبك .بركي هادا الشئ تغير؟؟بركي اضطروتوا للطلاق؟؟
بحكم مجتمعنا المتخلف بضيعي أو بتنجبري تتحملي(الشب)
ازا بتقدري تعيشي لحالك و ما بتتكلي على حدا روحي تجوزي هلا
أما ازا عايشة على حساب أهللك ؟ بصراحة مغامرة ازا قلبك قوي لا توقفي

انا ما عم دهورها
هي في براسها عقل وبتعرف تتصرف
وسالت وجاوبتها ... وين المشكلة
جورج الأول
17/08/2006, 15:51
انا ما عم دهورها
هي في براسها عقل وبتعرف تتصرف
وسالت وجاوبتها ... وين المشكلة

كلامك بيقدر يطبقو الشب أم البنات صعبة
أول شغلة بقلو عنها كلام طالع نازل
وتاني شغلة اذا طلع الشب أزعر لوين بدا ترجع اذا مقاتله أهلا؟
يا سيدي نسبة العوانس مرتفعة من الشباب والبنات و شايفلك مع الوقت رح نصير متل الأجانب
بعيشو مع بعض بدون جواز
إنسان وبس
22/08/2006, 12:30
إلى الامام
lilitty
22/08/2006, 12:42
go ahead
...
no comment
إنسان وبس
22/08/2006, 12:57
إلى الامام