من هو الحر؟ [الأرشيـــــف] - صفحة 4

COSTA

12/08/2006, 19:01

المشكلة بنظرتنا نحنا للمرأة على انو هي آلة للجنس . مربط للشيطان . نقطة ضعف الرجل
سبب المصائب
هي صحي انو بتختلف من شخص لاخر بس الا ما يكون كم نقطة مشتركة من هدول بالتفكير العربي بالاجمال وبالغالبية
بس يتحرر شعبنا رجال ونساء ونساء خصوصا بيبقى في حرية للمرأة
حرية المرأة باعتقادي هي مو ممكن تكون ثمرة حرية المجتمع بل اساس لحرية المجتمع

تعقيبا على كلامك ابو مزيد

نحنا عندنا كبت جنسي ....وبقصد الكل الشباب و البنات
بس ما حدا يفهمني غلط انو انا عم نادي بالاباحية
يعني دايما الشب والبنت ممنوع عليهم انو يمارسوا صداقاتون على حريتهم
يعني لما بكونو بمجتمع ما عم يحكو بيحس الواحد منهن انو في قيود عم تربطهون
ودايما الاهل ما بيتركوهون على راحتهم وببلشو ينظرو يمين وشمال وبطرف العين عليهن
حتى انو ما حدا بيتركهون بالغرفة مع بعض ولو لدقيقة
هاد الكبت يلي بقصدوا انا
وفي امثلة كتير كلنا منعرفها بس ذكرت هاد المثال لانو الكل عم يعاني منو

تامل

12/08/2006, 19:01

الحرية..

هي عندما تنتقد الفكرة على اساس سليم قبل ان تلبسها .

الحرية ..هي عندما تشق طريقك بنفسك ولا تنتظر ان يرسمه لك احد اخر ..احذيتنا لا تتشابه قد
يكون هذا الطريق مناسبا للاخر ..لكنه لا يناسبني .
فان كوغ ابتكر طريقته في الرسم وكان مبدع ولا زال تاريخ الفن يشهد له بذلك ..لكن اذا رسمت بطريقته ومهما اتقنت اللوحة ..لن احظا بمكانته ابدا
..فان كوغ نجح لكني لن انجح اذا اردت ان اكون فان كوغ ..بل سانجح بامتيازي انا .

بتنتهي حريتك لما تبدأ حرية الآخرين

يعني ان للحرية ضوابط
فانا لن اكون حرة اذا تكلمت وشتمت لمجرد انني رغبت في ذلك ..تلك تسمى وقـــــاحة :x .

عندما قيدت الكنيسة الفكر
..كان الانسان بحاجة الى الحرية
..وضع جون جاك روسو في (كتابه عقد الاجتماع) قوانينا وضوابط لمجتمع حر ..مستقل عن ظلم رجالات الكنيسة
..هذا لان الانسان مجبول على فطرة ويستطيع ان يميز الخير من الشر
..لكن يبقى جون جاك مجرد انسان مهما تامل وفكر ليخدم الانسان فهو محب للحكمة وليس حكيما
..قوانينه وقوانين المفكرين والفلاسفة قد تصلح لعالمهم اومحيطهم ..حسب الزمان او المكان
..لكنها ليست ناجحة دائما ولن تنجح في المستقبل

اذا فالضوابط يلزم ان يحددها حكيم عليم ..بالطبع من خلق الانسان ومن يعلم خفاياه .

شكرا على الموضوع..تحية :lol: .

COSTA

12/08/2006, 19:04

عزيزي النقاش بلش واستمر بطريقة كتير راقية وحلوة وما حدا فرض على حدا شي
انا معجب بأراء الكل بشكل عام
انا ممكن ابذل دمي في سبيل الحرية بس مو ممكن اقتل اخي الانسان باسم الحرية تحياتي

وقت اخوك الانسان بيتعامل معك على انك عبد عندو وبيضطهدك
وبيسلبك حقوقك وحريتك كيف بدك انت تتعامل معو؟؟؟

COSTA

12/08/2006, 19:09

مجتمعنا ما عطانا اي نوع من الحرية
يعني مثلا الحب من اسمى الاشياء اللي بتمر بحياة الانسان
اذا الناس عرفو انو فيه اتنين بيحبو بعض
بدل ما ينبسطو كرمالون
بيروحو بيحكو عليون ولاء وما بيصير وليش؟؟ لعمى التخلف لوين واصل:jakoush: :jakoush: :jakoush:
وساعتا الواحد بيكره حياتو

اكيد صايرة معك ......عم امزح :D

هاد اسمو النميمة وهاد نابع من عقدة نفسية عند الناس انو ما فيها تتصرف هيك
لانو المجتمع مقيدهون بتقاليد اصبحت بالية او بالاحرى خاطئة

تحية الك :D

Nirvana

12/08/2006, 20:24

انا اسف اذا لمست الوجع :(
بس هاد الواقع يلي عم نعيشوا :x
وهاد السؤال انا سألتو لانو شفت انو هون محلو لانو بيتعلق بالحرية
وانا متعود عالصراحة وفي عندي اسئلة كتير بس لنخلص من كل سؤال

أنا ما تضايقت من سؤالك .. بس السؤال لمس وجعنا.. ولازم نطرح كل القضايا اللي بتلمس وجعنا لنقدر نعالج هالوجع..

وأنا شخصياً بدي تطرح كل الأسئلة اللي عندك بصراحة ..
لحتى الكل يستفيد .

suryoyo

12/08/2006, 20:42

الرجل الحر هو الذي يحترم الآخرين من خلال اي الحرية المعطاة له

و الذي يتعدى على الاخرين باسم الحرية هو رجل مقيد بثقافة الاستبداد تحت اسم رأ ي ما الاغلبية

ري مي

12/08/2006, 21:43

اكيد صايرة معك ......عم امزح :D

هاد اسمو النميمة وهاد نابع من عقدة نفسية عند الناس انو ما فيها تتصرف هيك
لانو المجتمع مقيدهون بتقاليد اصبحت بالية او بالاحرى خاطئة

تحية الك :D
النميمة سببها اوقات الفراغ اللي عم بيعيشها الشعب
لو كل واحد عندو شغل شي10 ساعات باليوم مقابل اجر جيد
كان ما رح يكون عندو فضا ليحكي عالعالم
واذا كان عندو فضا ف راتبو الجيد رح يسمحلو انو يعمل شي نشاط او هواية
وبما انو ما في شي من هيدا صاير
فإذن نحنا مو أحرار بوقتنا

COSTA

12/08/2006, 21:52

النميمة سببها اوقات الفراغ اللي عم بيعيشها الشعب
لو كل واحد عندو شغل شي10 ساعات باليوم مقابل اجر جيد
كان ما رح يكون عندو فضا ليحكي عالعالم
واذا كان عندو فضا ف راتبو الجيد رح يسمحلو انو يعمل شي نشاط او هواية
وبما انو ما في شي من هيدا صاير
فإذن نحنا مو أحرار بوقتنا

عفوا ري مي انا اسف اذا كنت ازعجتك

بس المقصد من الفكرة انو الشعب عنا بيهتم بالامور السخيفة طبعا مو الكل
وهدول يلي بيتكلمو بالطريقة يلي حكيتي عنها

وبرجع بقلك انا اسف :D

ري مي

12/08/2006, 21:56

عفوا ري مي انا اسف اذا كنت ازعجتك

بس المقصد من الفكرة انو الشعب عنا بيهتم بالامور السخيفة طبعا مو الكل
وهدول يلي بيتكلمو بالطريقة يلي حكيتي عنها

وبرجع بقلك انا اسف :D

ولك ليش اسف
شو صار:shock:
انا ما زعلت من كلامك لأنك ما قلت شي بيزعل أصلا
مو اول واحد بيقلي هيك اليوم .. شو صاير
ومية هلا:D :D :D

ري مي

12/08/2006, 21:57

بس انت انتبهت على فكرة حرية الوقت برايك مو شي مهم هيدا؟؟

COSTA

12/08/2006, 22:04

ولك ليش اسف
شو صار:shock:
انا ما زعلت من كلامك لأنك ما قلت شي بيزعل أصلا
مو اول واحد بيقلي هيك اليوم .. شو صاير
ومية هلا:سوريا: :سوريا: :سوريا:

مية هلا فيكي :D :D

بس انت انتبهت على فكرة حرية الوقت برايك مو شي مهم هيدا؟؟

اخخخخخخخخ على الوقت

صرنا بزمن الوقت محسوب فيه .... والناس يمكن ما بتقدر الحرية بالوقت
والواحد عم يشتغل اكتر من 14 ساعة بالنهار حتى يلحق لقمة الخبز
فكيف بدو يفضى لشغلات تانية بحياتو .....اي دوبو يرجع على بيتو ياكل وينام
وهي نابعة من قلة فرص العمل وقلة المادة

ري مي

12/08/2006, 22:06

قلة فرص العمل
:pos: :cry: :cry:
ذكرتني بحالي

Nirvana

12/08/2006, 22:09

:pos: :cry: :cry:
ذكرتني بحالي

أو ما تشتغلي بالمجال اللي بدك ياه لانو عندك مبدأ ولانو الفرص عنا عبارة عن واسطات ومحسوبية.

ري مي

12/08/2006, 22:10

ولانو الفرص عنا عبارة عن واسطات ومحسوبية
يا عيني عليكي

Nirvana

12/08/2006, 22:15

يا عيني عليكي

هاد اللي صاير معي .:(

oliver68

12/08/2006, 22:30

مرحبا شباب، بعرف إنو اللي بدي احكيه يمكن يكون تكرر من قبل، بس صدقوني ما قدرت اقرأ كل الردود لأن ما عندي وقت، بس بدي قول إنو الحرية هيي إنو تكون إنسان، نحنا البشر فينا شي مميز عن كل مخلوقات الكون، بجوز هالشي يكون العقل و بجوز يكون العواطف، بس موجود و كلنا منحسو، و بالتالي الحرية إنو نتمتع بمتعة الإنسانية و متعة كوننا بشر، و من اهم أساسات هاي الحرية إنك تحترم حرية غيرك، و ما تحكم عغيرك من مظهرو الخارجي أو معتقداتوا شو ما كانت، و أنا عندي فكرة إنو الحرية مستحيل تنتهي، و الحرية عفكرة مشتركة بين مخلوقات الكون، ما منحق أي حدا يمنع الحرية أو يحتكرها، بالعكس لازم نحترمها و نقدسها كمان.
الله يسامحك نيرفانا، فتقتيلنا جروحاتنا بهالموضوع.:( :cry: :waa3:

COSTA

12/08/2006, 22:35

مرحبا شباب، بعرف إنو اللي بدي احكيه يمكن يكون تكرر من قبل، بس صدقوني ما قدرت اقرأ كل الردود لأن ما عندي وقت، بس بدي قول إنو الحرية هيي إنو تكون إنسان، نحنا البشر فينا شي مميز عن كل مخلوقات الكون، بجوز هالشي يكون العقل و بجوز يكون العواطف، بس موجود و كلنا منحسو، و بالتالي الحرية إنو نتمتع بمتعة الإنسانية و متعة كوننا بشر، و من اهم أساسات هاي الحرية إنك تحترم حرية غيرك، و ما تحكم عغيرك من مظهرو الخارجي أو معتقداتوا شو ما كانت، و أنا عندي فكرة إنو الحرية مستحيل تنتهي، و الحرية عفكرة مشتركة بين مخلوقات الكون، ما منحق أي حدا يمنع الحرية أو يحتكرها، بالعكس لازم نحترمها و نقدسها كمان.
الله يسامحك نيرفانا، فتقتيلنا جروحاتنا بهالموضوع.:( :cry: :waa3:

انت وينك صرلك فترة غاطط مو مبين

اهلين ابو طريق :D

خيو على مهلك اقرأ الموضوع ما حدا مستعجل

و ردك حلو كان .....بس حتى لو تفتحت جروحاتنا معليش لازم نحس فيها وننبسط لانو بكون هيك الهدف عم نقرب عليه

Nirvana

12/08/2006, 22:37

مرحبا شباب، بعرف إنو اللي بدي احكيه يمكن يكون تكرر من قبل، بس صدقوني ما قدرت اقرأ كل الردود لأن ما عندي وقت، بس بدي قول إنو الحرية هيي إنو تكون إنسان، نحنا البشر فينا شي مميز عن كل مخلوقات الكون، بجوز هالشي يكون العقل و بجوز يكون العواطف، بس موجود و كلنا منحسو، و بالتالي الحرية إنو نتمتع بمتعة الإنسانية و متعة كوننا بشر، و من اهم أساسات هاي الحرية إنك تحترم حرية غيرك، و ما تحكم عغيرك من مظهرو الخارجي أو معتقداتوا شو ما كانت، و أنا عندي فكرة إنو الحرية مستحيل تنتهي، و الحرية عفكرة مشتركة بين مخلوقات الكون، ما منحق أي حدا يمنع الحرية أو يحتكرها، بالعكس لازم نحترمها و نقدسها كمان.
الله يسامحك نيرفانا، فتقتيلنا جروحاتنا بهالموضوع.:( :cry: :waa3:

مهوي من الوجع طلع يا أبو طريق.. :cry: :cry: :cry:

شكرا لمشاركتك المهمة .

Nirvana

12/08/2006, 22:39

بس حتى لو تفتحت جروحاتنا معليش لازم نحس فيها وننبسط لانو بكون هيك الهدف عم نقرب عليه

هالكلام جوهري وصحيح

عيون جريئه

12/08/2006, 22:45

احنا الفلسطينيين لسا ما جربنا شو هي الحريه على شان نعرفها

بس الحريه اغلا شي عند الانسان وبدونها الحياه ما الها معنى

Nirvana

12/08/2006, 22:48

احنا الفلسطينيين لسا ما جربنا شو هي الحريه على شان نعرفها

بس الحريه اغلا شي عند الانسان وبدونها الحياه ما الها معنى

ما دام في مقاومة في حرية ..

COSTA

12/08/2006, 22:49

احنا الفلسطينيين لسا ما جربنا شو هي الحريه على شان نعرفها

بس الحريه اغلا شي عند الانسان وبدونها الحياه ما الها معنى

انتو عم تناضلو مشان تحصلو عليها :gem:

على الرغم انتو اكتر الناس عانيتو بالوطن العربي

تحية الك ولكل فلسطيني حر :D

COSTA

12/08/2006, 22:50

هالكلام جوهري وصحيح

الوقفة مع بعضنا هي الجوهر

:gem:

Nirvana

12/08/2006, 22:52

الوقفة مع بعضنا هي الجوهر

:gem:

أكيد :gem: :gem: :gem:

COSTA

12/08/2006, 22:58

انتو ملاحظين انو هلأ الحرية بالفكر محاربة ببلادنا

على الرغم انو بيطلعو على التلفزيون وبقولو الكذبة المشهورة (عنا ديموقراطية)

و رجالات الفكر او خلينا نقول اصحاب الفكر (حتى ما يكون في تمييز ) كلون وقت ما يلاقو نتيجة بيهربوا الى الخارج وبيتهموهن بالخيانة والمعارضة

Nirvana

12/08/2006, 23:01

انتو ملاحظين انو هلأ الحرية بالفكر محاربة ببلادنا

على الرغم انو بيطلعو على التلفزيون وبقولو الكذبة المشهورة (عنا ديموقراطية)

و رجالات الفكر او خلينا نقول اصحاب الفكر (حتى ما يكون في تمييز ) كلون وقت ما يلاقو نتيجة بيهربوا الى الخارج وبيتهموهن بالخيانة والمعارضة

ما بعرف اذا بكل الدول هيك بس في منهم بضلو وهدول اصحاب مبدأ وارادة وفي منهم بنسحبو وهدول ما بعرف صنفهم ..

فكل دولة بدها كل الناس فيها تابعين وبفكرو متل ما بدها ..

مشان الوعي والحرية وإنت عارف...

وبعدين في عتب عالشعب كمان .. لانو لغى الثقافة من حياتو بحجة الفقر ولقمة الخبز..

بس المخ المخ هوي اللي بخرب كل شي أو بعمر كل شي..

عم خبص شوي .. اتحملوني.

COSTA

12/08/2006, 23:06

ما بعرف اذا بكل الدول هيك بس في منهم بضلو وفي منهم بنسحبو ..

بكل الدول تبع العالم السابع عشر (التالت)

الكل بيهرب وبيخرج بيعبر عن فكرو وعنا مثال نزار قباني

ويلي ما بيقدر يهرب بيضل هون تحت الضغط وبيسكت تحت التهديد وبموت من القهر

Nirvana

12/08/2006, 23:12

بكل الدول تبع العالم السابع عشر (التالت)

الكل بيهرب وبيخرج بيعبر عن فكرو وعنا مثال نزار قباني

ويلي ما بيقدر يهرب بيضل هون تحت الضغط وبيسكت تحت التهديد وبموت من القهر

يا كوستا ..

اللي بيهرب ومتل ما قلتلك ما بعرف شو أصنفو ، عم يوصل فكرو حتى لو من برا. .

واللي بضل، مهما صار بكون عمل اللي عليه، وقدم فكرو ، وطول ما روحو عايشة بضل عايش حتى لو سكت تحت التهديد.

COSTA

12/08/2006, 23:14

فكل دولة بدها كل الناس فيها تابعين وبفكرو متل ما بدها ..

مشان الوعي والحرية وإنت عارف...

وبعدين في عتب عالشعب كمان .. لانو لغى الثقافة من حياتو بحجة الفقر ولقمة الخبز..

بس المخ المخ هوي اللي بخرب كل شي أو بعمر كل شي..

عم خبص شوي .. اتحملوني.

:? :? :shock: :shock: ايمتى نزلو هدول الخمس اسطر ؟؟؟؟:? :? :shock: :shock:

بس مو مشكلة رح جاوب

فكل دولة بدها كل الناس فيها تابعين وبفكرو متل ما بدها ..

مشان الوعي والحرية وإنت عارف...

هدول بكونو دمى متحركة بيد الصهاينة لانو ما بناسبهون يكون في وعي و حرية

وبعدين في عتب عالشعب كمان .. لانو لغى الثقافة من حياتو بحجة الفقر ولقمة الخبز..

الشعب ما عليه عتب اذا كان جاهل ...او كان جوعان ...العتب او بالاحرى الحق على الحكام الكلاب

بس المخ المخ هوي اللي بخرب كل شي أو بعمر كل شي..

حسب المخ بتصفى

عم خبص شوي .. اتحملوني.

لا ما عم تخبصي واحكي بحرية لانو نحنا احرار

Nirvana

12/08/2006, 23:19

ايمتى نزلو هدول الخمس اسطر ؟؟؟؟

الأفكار بتركض بمخي مشان هيك عدلت الرد ..

هدول بكونو دمى متحركة بيد الصهاينة لانو ما بناسبهون يكون في وعي و حرية

صحيح

الشعب ما عليه عتب اذا كان جاهل ...او كان جوعان ...العتب او بالاحرى الحق على الحكام الكلاب

في عتب على جزء منو على الأقل، الناس اللي بتتجاهل ، والناس اللي ما بهمها الا نفسها، والطبقة الوسطى والغنية، والمتعلمين، والمثقفين، والمسؤولين.

حسب المخ بتصفى

صحيح

لا ما عم تخبصي واحكي بحرية لانو نحنا احرار

انت حر، بس انا لأ، بعدني ما وصلت :cry:

COSTA

12/08/2006, 23:29

انت حر، بس انا لأ، بعدني ما وصلت :cry:

ليش ما وصلتي ؟؟؟؟

كسري القيد ولا تسألي على حدا

واذا ما بتقدري انت ..........منساعدك

جورج الأول

12/08/2006, 23:33

مشاركات كلا بدل على فكر أخلاقي و أصلاحي (ما عدا كوستا ) وهدا الفكر ما بغير شئ بيقدر يحسن علاقة الانسان يلي حاملو بلاشخاص يلي حواليه فقط
ربطو كتير بين الحرية والانسانية و لو كانو بيساو بعض كن استخدمنا وحدة منهن بس
كتير مواقف فيها انسانية و مافيها حرية و العكس صحيح و رح جيب مثال
الابن يلي ما بيترك أهلو الكبار وما بيسافر بيشوف حياتو .هي أنسانية بس مافيها حرية
الرجال و المرأة يلي بكون عندهن ولاد وبيطلقو ليتجوزو من جديد.هي حرية بس ما فيها انسانية
الحرية الها مقاييس الانسانية ما الها مقاييس
النسانية مفهوم أرقى من مفهوم الحرية

Nirvana

12/08/2006, 23:35

ليش ما وصلتي ؟؟؟؟

كسري القيد ولا تسألي على حدا

واذا ما بتقدري انت ..........منساعدك

كيف؟

بدك تكسر قيد مين ولا مين !

بدك تكسر قيد الأعراف والتقاليد ..
بدك تكسر قيد ارتباطك بكل من تحب متل الأهل والأصدقاء وغيرو ..
بدك تكسر قيد القانون اللي مفروض عليك ..
بدك تكسر قيد الحاجة لأساسيات الحياة ..

وأهم شي بدك تكسر القيد اللي تكرس جواتك بانك ما بتقدر تكسر كل القيود اللي ذكرتها بالأول.

Nirvana

12/08/2006, 23:37

مشاركات كلا بدل على فكر أخلاقي و أصلاحي (ما عدا كوستا ) وهدا الفكر ما بغير شئ بيقدر يحسن علاقة الانسان يلي حاملو بلاشخاص يلي حواليه فقط
ربطو كتير بين الحرية والانسانية و لو كانو بيساو بعض كن استخدمنا وحدة منهن بس
كتير مواقف فيها انسانية و مافيها حرية و العكس صحيح و رح جيب مثال
الابن يلي ما بيترك أهلو الكبار وما بيسافر بيشوف حياتو .هي أنسانية بس مافيها حرية
الرجال و المرأة يلي بكون عندهن ولاد وبيطلقو ليتجوزو من جديد.هي حرية بس ما فيها انسانية
الحرية الها مقاييس الانسانية ما الها مقاييس
النسانية مفهوم أرقى من مفهوم الحرية

انا قلت برد سابق..
انو يمكن الانسانية مفهومها اشمل من الحرية ..
بس الحرية من اهم القيم الانسانية بالإضافة للحب والاحترام.

COSTA

12/08/2006, 23:38

مشاركات كلا بدل على فكر أخلاقي و أصلاحي (ما عدا كوستا ) وهدا الفكر ما بغير شئ بيقدر يحسن علاقة الانسان يلي حاملو بلاشخاص يلي حواليه فقط

شبو كوستا ؟؟؟؟؟

ممكن تشرح ؟؟

Fady007

12/08/2006, 23:39

انا قلت برد سابق..
انو يمكن الانسانية مفهومها اشمل من الحرية ..
بس الحرية من اهم القيم الانسانية بالإضافة للحب والاحترام.

هاي كيفكم شباب:D
لسه بدوروا علي مفهوم الحريه والانسانيه:shock:

Nirvana

12/08/2006, 23:43

هاي كيفكم شباب:D
لسه بدوروا علي مفهوم الحريه والانسانيه:shock:

اهلين كيفك :D

لسا .. طول ما في ناس بتيجي وبتروح طول ما هالبحث قائم .

Fady007

12/08/2006, 23:46

اهلين كيفك :D

لسا .. طول ما في ناس بتيجي وبتروح طول ما هالبحث قائم .

وايه اللي توصلتولوه عن الحرية حتي الان:lol:

Nirvana

12/08/2006, 23:47

وايه اللي توصلتولوه عن الحرية حتي الان:lol:

اقرا وشوف.. :D

nabeel

12/08/2006, 23:50

هوي موضوعك حلو و ممكن النقاش فيه بس برأي الحرية ما لازم ابدا تكون مطلقة لأنو الزايد عن حدو بنقلب ضدو ............

Nirvana

12/08/2006, 23:51

كيف؟

بدك تكسر قيد مين ولا مين !

بدك تكسر قيد الأعراف والتقاليد ..
بدك تكسر قيد ارتباطك بكل من تحب متل الأهل والأصدقاء وغيرو ..
بدك تكسر قيد القانون اللي مفروض عليك ..
بدك تكسر قيد الحاجة لأساسيات الحياة ..

وأهم شي بدك تكسر القيد اللي تكرس جواتك بانك ما بتقدر تكسر كل القيود اللي ذكرتها بالأول.

كوستا ليش ما رديت علي؟

جورج الأول

12/08/2006, 23:51

يا معلم كوستا يلي حكيتو مو مسبة و بالعكس هو مديح و أنا قلت رأي فيك وما بغيرو؟؟؟؟؟
فكرك ثوري مو أصلاحي
كل الأفكار التانية كانت اصلاحية وكمان مو غلط بس هي الها دور والتانية الها دور .
بعدين كل يلي كتبتو ما شفت غير اسمك ؟؟؟
لتكون من جماعة (الرأي و يلعن أبو الرأي الأخر)عمازحك بعرف بتلقى مزح.
سلام رايح نام.

COSTA

13/08/2006, 00:00

بدك تكسر قيد الأعراف والتقاليد ..

الاعراف والتقاليد صنعها ناس لاجل تمشية مصالحهون الشخصية

بدك تكسر قيد ارتباطك بكل من تحب متل الأهل والأصدقاء وغيرو ..

اذا ارتباطي فيهون بدو يقيدني بكسرو لانو هنن بكونو عم يستغلوني وما بحبوني المحبة يلي انا بحبون ياها

بدك تكسر قيد القانون اللي مفروض عليك ..

قانون الدولة ولا قانون الحياة
اذا قانون الدولة بكسرو وقت يلي بعمل ثورة وبحط قانون جديد
واذا قانون الحياة ....الحياة ما الها قانون ....الحياة هي حرية ...وما بترتبط بقانون

بدك تكسر قيد الحاجة لأساسيات الحياة ..

اساسيات الحياة اخترعوها ..واستوردناها
بعدين لما بكون في اصلاح وفي عمل ....والمستقبل مأمن بتصير الاساسيات على الهامش

وأهم شي بدك تكسر القيد اللي تكرس جواتك بانك ما بتقدر تكسر كل القيود اللي ذكرتها بالأول.

انا جواتي ما في قيد حتى اكسرو لاني حر

COSTA

13/08/2006, 00:02

كوستا ليش ما رديت علي؟

رديت بس عم يعلق النت معي :jakoush: :jakoush:

صاير بطيء

COSTA

13/08/2006, 00:07

يا معلم كوستا يلي حكيتو مو مسبة و بالعكس هو مديح و أنا قلت رأي فيك وما بغيرو؟؟؟؟؟
فكرك ثوري مو أصلاحي
كل الأفكار التانية كانت اصلاحية وكمان مو غلط بس هي الها دور والتانية الها دور .
بعدين كل يلي كتبتو ما شفت غير اسمك ؟؟؟
لتكون من جماعة (الرأي و يلعن أبو الرأي الأخر)عمازحك بعرف بتلقى مزح.
سلام رايح نام.

يا رجل فكرت حالي غلطان مع حدا

بالنسبة لفكري فعلا هو ثوري لانو انا متمرد على كل شيء
وما بعارض الاصلاح اذا كان صحيح بس مو على حساب الشعب المعتر

ضحكتني بمزحتك:lol:

:D :D

Nirvana

13/08/2006, 00:08

الاعراف والتقاليد صنعها ناس لاجل تمشية مصالحهون الشخصية

صحيح، ولسا ما كسرتها كلها.

اذا ارتباطي فيهون بدو يقيدني بكسرو لانو هنن بكونو عم يستغلوني وما بحبوني المحبة يلي انا بحبون ياها

لنفرض انو حدا من اهلك بحاجتك وانت مضطر تتخلى عن حريتك أو جزء منها لانك بتحبو وهوي بحاجتك .. فهمتني.

قانون الدولة ولا قانون الحياة
اذا قانون الدولة بكسرو وقت يلي بعمل ثورة وبحط قانون جديد
واذا قانون الحياة ....الحياة ما الها قانون ....الحياة هي حرية ...وما بترتبط بقانون

لسا ما صارت ثورة .. والحياة بحاول عيشها كل لحظة بلحظة .

اساسيات الحياة اخترعوها ..واستوردناها
بعدين لما بكون في اصلاح وفي عمل ....والمستقبل مأمن بتصير الاساسيات على الهامش

صحيح

انا جواتي ما في قيد حتى اكسرو لاني حر

بعرف انك حر وأكيدة من هالشي .
بس بالنسبة الي لساتو.

بس انا مو حرة للأسباب اللي ذكرتها سابقا، وطبعا أنا عم بتعلم من الحياة وفي الحياة كيف صير حرة، البحث عندي عن الحرية ما بيتوقف.

Nirvana

13/08/2006, 00:10

رديت بس عم يعلق النت معي :jakoush: :jakoush:

صاير بطيء

وصلت ورديت عليك ومشي الحال..

وبدي قلكم : تصبحون على حرية .. يمكن تفرج.

لانو اجا وقت قيد النوم والشغل والتعب.

Nirvana

13/08/2006, 00:11

بالنسبة لفكري فعلا هو ثوري

:gem: :gem: :gem: :gem: :gem:

COSTA

13/08/2006, 02:45

صحيح، ولسا ما كسرتها كلها.

كسريها :jakoush:

لنفرض انو حدا من اهلك بحاجتك وانت مضطر تتخلى عن حريتك أو جزء منها لانك بتحبو وهوي بحاجتك .. فهمتني

لما بكون بحاجتي انا بساعدو وعلى حساب شوي من حريتي مو كلها
بس لما انا كون بحاجتو ..هو رح يتخلى عن حريتوا او جزء منها
و تركي الاب والام على جنب وجاوبي من الاخ والاخت وانت ماشية

لسا ما صارت ثورة .. والحياة بحاول عيشها كل لحظة بلحظة .

بس تصير الثورة منحكي كيف بكون التكسير
والحياة عيشيها متل ما قلتي لحظة بلحظة ...لانو بلحظة هي بتخلص

بس انا مو حرة للأسباب اللي ذكرتها سابقا، وطبعا أنا عم بتعلم من الحياة وفي الحياة كيف صير حرة، البحث عندي عن الحرية ما بيتوقف
عند الكل ما بيوقف البحث عنها

وما تعصبي عليي اذا كان ردي قاسي وصريح لاني غير هيك ما بعرف احكي
:D :D

Nirvana

13/08/2006, 08:51

كسريها :jakoush:

لما بكون بحاجتي انا بساعدو وعلى حساب شوي من حريتي مو كلها
بس لما انا كون بحاجتو ..هو رح يتخلى عن حريتوا او جزء منها
و تركي الاب والام على جنب وجاوبي من الاخ والاخت وانت ماشية

بس تصير الثورة منحكي كيف بكون التكسير
والحياة عيشيها متل ما قلتي لحظة بلحظة ...لانو بلحظة هي بتخلص

عند الكل ما بيوقف البحث عنها

وما تعصبي عليي اذا كان ردي قاسي وصريح لاني غير هيك ما بعرف احكي
:D :D

كل القيود رح تتكسر ما دام عندي ارادة .. والحرية هدف سامي للجميع وأولهم أنا ..
بس الانسانية حمل بيكسر الضهر وانا بدي اجمع الانسانية (الحب والأخلاق والنبل والطيبة) مع هالحرية، وهاي يمكن أصعب.

وأنا ما عصبت أكيد وما بزعل من كلامك .. لاني عم بتعلم منو .:D