كفاحي - هتلر [الأرشيـــــف]

عرض كامل الموضوع : كفاحي - هتلر

butterfly

09/08/2006, 19:22

كفاحي - أدولف هتلر
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مجد محمد

09/08/2006, 19:30

كفاحي - أدولف هتلر

ما شاء الله عليك :yahoo:

ba7nos

09/08/2006, 19:35

حلو كتير
وانتي باين عليكي مابتخفيش من الحسد
علي العموم كل الي في الاخوية عينهم باردة ( يعني عين حلوة ما بيحسدوش )
بس لية سؤال انا بصيت علي الكتاب نظرة سريعة لقيتوه 21صفحة السؤال بقي هو كدة كامل .
مجهود رائع واحنا موضوعتنا هاتختفي بجانب موضوعاتك .

butterfly

09/08/2006, 19:40

ba7nos

09/08/2006, 19:48

ها لسه عنك مفاجأت تانية .
احنا مستنين بس لية نصيحة يواش يواش (يعني براحة) لحسن كدة مش ها نلحق نشوف كل الكتب دي.

dot

09/08/2006, 20:26

شكراا..:D

هاد كتاب كفاحي كامل بس
باللغة الانكليزية.;-)
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

butterfly

09/08/2006, 21:16

شكراا..:D

هاد كتاب كفاحي كامل بس

باللغة الانكليزية.;-)
شكرا كتير كتير

سرسورة

10/08/2006, 05:31

الله عليك يا مرسيل ما افهمك......لك يسلموننننننن:D

الصياد

10/08/2006, 11:05

شكراً جزيلاً

سرسورة

11/08/2006, 03:05

ميمو.....الكتاب ناقص...اذا حدا بيقدر يدبرلنا الكمالة بيكون مشكوررررررررررررررر كتيييييررررر و ميرسي ميمو بكل الاحوال:D

irerna

09/07/2007, 00:40

شكرا لكم كتير;-)

سوريانا

07/10/2007, 15:12

يعني الرد على الموضوع لوحدو ما بيكفي بس ما باليد حيلة مشكورين من القلب ودمتم للامة

rabbit

18/12/2007, 14:45

كتاب رائع الف شكر

elsayed_mazen

05/03/2008, 08:24

great book

smoooth_balls

15/03/2008, 19:59

very nice

yass

16/03/2008, 07:09

medo0007

16/03/2008, 22:00

تمام الى الامام دائما

butterfly

19/03/2008, 06:27

تم رفع الكتب على موقع خارجي لحين حل مشكلة المرفقات
:mimo:

اسبيرانزا

18/08/2008, 18:34

الكتاب ناقص للاسف :pos:

jano.

19/08/2008, 13:02

سؤالين:

الأول: الجماعة اللي اهتمو بقراءة الكتاب ممكن يشرحو سبب الاهتمام؟

الثاني: الجماعة اللي قرو الكتاب و حبوه أو عجبهون.. ممكن يشرحو شو حبو فيه؟

طبعا مع احترامي الشديد لحرية اعتقاد كل المشاركين لكن لدي فضول كبير جدا لمعرفة هذه الأمور
ولو!
لانو احرق اليهود :gem:
ولانو كان وطني وبيحب وطنو لدرجة انو دعوس كل الدول المجاورة :gem:
هاي اهم الشغلات الي بتنحب بهتلر افندي في الدول العربية :sosweet:

طبعا انا بحكي الشي الي بقراه من النت العربي بشكل عام... اكيد ما عم فسر راي الناس الي كتبو هون وهني ما قالو رأين(اعوذ بالله).. بعدين بالنهاية هادا كتاب والكتاب مصدر للثقافة...

بس بدي اعرف مثلا شعور السائح البولندي لما يتمشى بشي مدينة عربية ويشوف صور هتلر والاهتمام فيه ولما يشوف مكتبة طويلة عريضة نسيت كل الكتب وحاطة كتاب "كفاحي" عالواجهة مع برواظ كمان :shock:

yass

19/08/2008, 13:39

ولو!
لانو احرق اليهود :gem:
ولانو كان وطني وبيحب وطنو لدرجة انو دعوس كل الدول المجاورة :gem:
هاي اهم الشغلات الي بتنحب بهتلر افندي في الدول العربية :sosweet:

طبعا انا بحكي الشي الي بقراه من النت العربي بشكل عام... اكيد ما عم فسر راي الناس الي كتبو هون وهني ما قالو رأين(اعوذ بالله).. بعدين بالنهاية هادا كتاب والكتاب مصدر للثقافة...

بس بدي اعرف مثلا شعور السائح البولندي لما يتمشى بشي مدينة عربية ويشوف صور هتلر والاهتمام فيه ولما يشوف مكتبة طويلة عريضة نسيت كل الكتب وحاطة كتاب "كفاحي" عالواجهة مع برواظ كمان :shock:

أنا بقول انو جهل.. شو رأيك انت؟

معقول الكره لليهود يوصلنا لهالمواصيل اللامنطقية؟ طيب قتل يهود... ما بيعرفو العربان انو اليهود اللي انقتلو على ايد هتلر ما أذونا بشي؟ و لا قرّبو صوبنا؟ أساسا لو مهاجرين ع اسرائيل كان ما انقتلو.. لكن كانو بأرضهون بأوربا؟

شلون ممكن تعجب بشخص يعتبرك كانسان مانك آري أدنى منو... أي أي أدنى منو.. انت و الكلب عندو سوا لأنك لا تنتمي للعرق الآري.. و تعجب فيه و تقتبس هلوساتو (لأنو هلوسات حكيو.. مافيني قول عنو انو كتابات.. ) يا شيخ عندو اليهود و العربان سوا.. فرقت انو كان يمسح جوخ شوي للعربان بمساعدة بعض المشايخ المأجورين بمصر عن حبو للاسلام و عن اعجابو بالعرب عسى و لعل يساعدوه على ربح معركة أفريقيا ضد الحلفاء..

ما منعرف نوقف بشكل موضوعي تجاه ظاهرة؟؟ لأنو قتل يهود صار حبيبنا؟ ليش هالعنصرية؟

ما بعرف... هاي وحدة من الشغلات اللي تفزز عصبي بصراحة..

jano.

19/08/2008, 15:31

أنا بقول انو جهل.. شو رأيك انت؟
معقول الكره لليهود يوصلنا لهالمواصيل اللامنطقية؟ طيب قتل يهود... ما بيعرفو العربان انو اليهود اللي انقتلو على ايد هتلر ما أذونا بشي؟ و لا قرّبو صوبنا؟ أساسا لو مهاجرين ع اسرائيل كان ما انقتلو.. لكن كانو بأرضهون بأوربا؟

شلون ممكن تعجب بشخص يعتبرك كانسان مانك آري أدنى منو... أي أي أدنى منو.. انت و الكلب عندو سوا لأنك لا تنتمي للعرق الآري.. و تعجب فيه و تقتبس هلوساتو (لأنو هلوسات حكيو.. مافيني قول عنو انو كتابات.. ) يا شيخ عندو اليهود و العربان سوا.. فرقت انو كان يمسح جوخ شوي للعربان بمساعدة بعض المشايخ المأجورين بمصر عن حبو للاسلام و عن اعجابو بالعرب عسى و لعل يساعدوه على ربح معركة أفريقيا ضد الحلفاء..
ما منعرف نوقف بشكل موضوعي تجاه ظاهرة؟؟ لأنو قتل يهود صار حبيبنا؟ ليش هالعنصرية؟

ما بعرف... هاي وحدة من الشغلات اللي تفزز عصبي بصراحة.. بيعرفو انو اليهود الي انقتلو ما اذونا بشي وبيعرفو انو لوكانو هني مكان اليهود كان هتلر رح يدبحن بنفس الطريقة...بيعرفو هالشي الله وكيلك!.. بس خيو المهم انو قتل اليهود! ركز على هاي (المهم انو قتل اليهود)... وبيعرفو انو افتخارن وحبن لهتلر بهالعلانية الرهيبة هو إهانة + جرح شعور كل الشعوب والدول الي عانت من ظلم هتلر بس المهم انو قتل اليهود!... لهيك الشغلة مانا جهل، الشغلة عنصرية وبكل وضوح.

غير انو عنصرية... هيي تعبر عن أنانية كمان، العرب معروف عنن انو ما بيهتمو بقضايا الشعوب التانية الا اذا كانت الشغلة تمسن بشكل او بآخر او اذا كان الها علاقة مع اهوائهن، ومع هيك بدن كل العالم توقف معن!

بيستوردو ويقتبسو الظواهر الشاذة من الشعوب الاخرى وبيتجاهلو انتاجاتها المنيحة، واذا صار وحبّو شي منيح من الشعوب التانية فرح يكون متعلق بالكره... كمثال عن هالشي : الناس الي بيحبو غيفارا فقط لانو وقف بوش امريكا! وما بيعرفو شو هيي المبادئ الي ناضل مشانا.. لا والاحلى الناس الي بتعبد كاسترو وتنسى الي عملو بشعبو وببلدو فقط لانو بيوقف بوش امريكا ولانو كان صديقو لتشي!

اخخخخ بلا ما اخبص كتير وروح لبعيد، المهم: كتاب كفاحي متلو متل اي بيوغرافيا او قصة عن أحد الطغاة، انا بعتبروا اهم من البيوغرافيات عن الشخصيات الخيّرة، لانو بيخلينا نعرف كمية الشر الي بداخل هالانسان ومدى خطورة أفكاروا على البشرية، بس مو لنقتدي فيه!!:shock:

yass

19/08/2008, 15:38

بيعرفو انو اليهود الي انقتلو ما اذونا بشي وبيعرفو انو لوكانو هني مكان اليهود كان هتلر رح يدبحن بنفس الطريقة...بيعرفو هالشي الله وكيلك!.. بس خيو المهم انو قتل اليهود! ركز على هاي (المهم انو قتل اليهود)... وبيعرفو انو افتخارن وحبن لهتلر بهالعلانية الرهيبة هو إهانة + جرح شعور كل الشعوب والدول الي عانت من ظلم هتلر بس المهم انو قتل اليهود!... لهيك الشغلة مانا جهل، الشغلة عنصرية وبكل وضوح.

غير انو عنصرية... هيي تعبر عن أنانية كمان، العرب معروف عنن انو ما بيهتمو بقضايا الشعوب التانية الا اذا كانت الشغلة تمسن بشكل او بآخر او اذا كان الها علاقة مع اهوائهن، ومع هيك بدن كل العالم توقف معن!

بيستوردو ويقتبسو الظواهر الشاذة من الشعوب الاخرى وبيتجاهلو انتاجاتها المنيحة، واذا صار وحبّو شي منيح من الشعوب التانية فرح يكون متعلق بالكره... كمثال عن هالشي : الناس الي بيحبو غيفارا فقط لانو وقف بوش امريكا! وما بيعرفو شو هيي المبادئ الي ناضل مشانا.. لا والاحلى الناس الي بتعبد كاسترو وتنسى الي عملو بشعبو وببلدو فقط لانو بيوقف بوش امريكا ولانو كان صديقو لتشي!

اخخخخ بلا ما اخبص كتير وروح لبعيد، المهم: كتاب كفاحي متلو متل اي بيوغرافيا او قصة عن أحد الطغاة، انا بعتبروا اهم من البيوغرافيات عن الشخصيات الخيّرة، لانو بيخلينا نعرف كمية الشر الي بداخل هالانسان ومدى خطورة أفكاروا على البشرية، بس مو لنقتدي فيه!!:shock:

يا أخي كلامك درر فعلا... معك مية بالمية..

و الكلام اللي بالأحمر صحيح تماما.. و توصل لوقاحة شديدة كمان..
المشكلة انو يمكن ما بيفكرو انو هتلر لو عايش بهالزمن كان استلم الأتراك و المهاجرين المغاربة و العرب بدل اليهود, و ما بيفكرو انو مع اليهود ماتو شي 18 مليون شخص ع ايدو بين سلاف و غجر و جنسيات أخرى غير آرية... عدا اللي عملو بالألمان نفسهم من المفكرين و الأدباء و المثقفين و معتنقي الأفكار اليسارية الاشتراكية (للمفارقة هي الافكار اللي يزاود العرب فيه أكثر من ماركس و لينين )

للأسف يعني تلاقي انو ذكرى هتلر عايشة بفضل عدد هامشي من المجانين بأوربا (و على فكرة.. هالعدد الهامشي هو اللي يطلع بالليل "يتصيد كلاب" , و هو تعبير يقصد به ضرب أي مهاجر شكلو غريب عن البلد.. ان كان اميركي جنوبي أو عربي أو صيني.. ما بيهم..) .. و بفضل العرب

و تبجيل هتلر و ذكراه القميئة يأكد نظريتي حول مفهوم القدسية عند العرب... سبق و كتبت النظرية بموضوع ما بتذكر وينو.. العرب يعجبون بنوعين من الأشخاص:

المجانين: دائما بالعادات و التقاليد تبعنا المجنون ينعطالو مواصفات شبه سحرية .. عبيط القرية أو هيك أمور .. انو يعتبرو انو عندو كرامات أو قدرات خارقة.

البلطجي: نحنا بنعجب بالجبار الباطش الأزعر.. و ما بتفرق ازا بيرفع الشبرية على حرامي مشان يصد أذاه.. و للا مشان هو يسرق.. المهم بلطجي..

كل فترة يطلع شخص يجمع بين الصفتين.. فها الشخص مو بس نعجب بيه انما نقدسو.. و عندك بهتلر و الحكام العرب بأصدق مثال

jano.

19/08/2008, 17:05

يا أخي كلامك درر فعلا... معك مية بالمية.. شكرا اخي ياس ... هادا من بعض ما عندكم :D

تاكيداً على تحليلك الذكي الي كتبتو هون:
للأسف يعني تلاقي انو ذكرى هتلر عايشة بفضل عدد هامشي من المجانين بأوربا (و على فكرة.. هالعدد الهامشي هو اللي يطلع بالليل "يتصيد كلاب" , و هو تعبير يقصد به ضرب أي مهاجر شكلو غريب عن البلد.. ان كان اميركي جنوبي أو عربي أو صيني.. ما بيهم..) .. و بفضل العربفعلاً انو اتباع هتلر عايشين على هالشي، واحد اسباب استمرارن بالوجود وازديادن هو تصرفات الاجانب (بشكل عام) واذا اخدنا العرب الي بيمجدوا هتلر (بشكل خاص) فرح نكتشف احدى المفارقات المضحكة..

لما اتباع اليمين المتطرف يشوفو التسهيلات المقدمة للاجانب وبنفس الوقت يشوفو انو الاجانب فوق هالشي بيستغلو أدنى فرصة ليعيبو الالمان بماضيهن، وانن عالطالعة والنازلة يتهمو الالمان بالنازية مع انهن عايشين بهالبلد بكرامة اكتر من بلدانهم، فاكيد هالمتطرفين رح يتهيجوا ويجنوا بالاكتر..

والانكى من هيك هوي تصرف بعض اليساريين "المتطرفين بيساريتن" الي وصلن الخجل من ماضي بلدن وخوفن على شعور هالاجانب لحد الغباء، تصور انو قيموا الدنية وما قعدوها لانو الالمان صاروا يرفعو العلم الالماني بكترة اثناء تصفيات كاس العالم وكاس اوربا! انو اخي اوكي المانيا الها تاريخ اسود بس بتصور انو اتبرئت منو من زمان ومافي داعي تمنعو هالناس انن يفتخروا ببلدن وبمنتخبن ويرفعوا العلم عالسيارات والبلاكين، هون كمان بيجنو المتطرفين وبتنتعش النازية!

sona78

19/08/2008, 17:25

هلق كلشي لحال شباب
هتلر شخصية خرج الواحد يقرا عنها ويتعرف عليها
لانها بالمختصر خربت العالم من اساسو وقدرت تاثر بملايين الناس ولحد الان تاثيرو موجود
هلق في كتار المان بيكرهو هتلر صح .. بس ليش؟؟ لانو عمل الحرب؟؟
لا .. لانو خسر الحرب .... ولانو قتل ناس من العرق الابيض!! كتار عندون هيك راي
بس لو انو ربح الحرب او ع الاقل المانيا ما اتكلفت الاعباء يلي اتكلفتها ما كانت هيك نظرة الناس الو ... لا كان بطل قومي .. متل ما العرب بتعمل من بعض مجرمي التاريخ ابطال

اخ ياس قولك انو 18 مليون......... كتير قللت الرقم
في حكي انو 20 مليون هيدون من الاتحاد السوفيتي السابق بس !!!!!! بقا تعا ع الجنسيات اللاروبية التانية ....
شغلة تانية العرب بتجي محبتون الو انو قتل يهود اولا .. وقتل هالملحدين الاشرار الشيوعيين تانيا!!!!!!!!!! يعني نصر الاسلام !!! هيدا شخص قلي ياها الي
تخلف غريب واغلاق للمخ بشكل مزمن

jano.

19/08/2008, 18:25

هلق في كتار المان بيكرهو هتلر صح .. بس ليش؟؟ لانو عمل الحرب؟؟
لا .. لانو خسر الحرب .... ولانو قتل ناس من العرق الابيض!! كتار عندون هيك راي
بس لو انو ربح الحرب او ع الاقل المانيا ما اتكلفت الاعباء يلي اتكلفتها ما كانت هيك نظرة الناس الو ... لا كان بطل قومي .. متل ما العرب بتعمل من بعض مجرمي التاريخ ابطال هالحكي صحيح.. بس اذا الحكي عايام هتلر، يعني لما كانو اغلب الالمان معو قلباً وقالباً (متل ما هلا اكترية الشعوب مع حكامها الديكتاتوريين، هادا شي طبيعي)، او اذا كان الحكي بعد انتهاء الحرب مباشرة او بفترة ..
لكن ما بيجوز نقول انو اكترية الي بيكرهوه حاليا هني بيكرهوه لانو خسر الحرب!.. يلي بيكرهوه هلا بيكرهوه لانو كان عنصري + لانو سبب خسارة لبلدو + كان سبب بمقتل احد افراد عيلتو او محبيه يعني باختصار لكل الاسباب الي بتخلي الواحد يكره النازية... الالمان بعدما طلعو من فترة الحرب بلشو يعرفوا الديمقراطية وصارت مبدأ لألن وترسخت فين (عم احكي على عامة الشعب مو على الناس الكتار الي كانو ضد هتلر حتى بفترة حكمو).... والدليل انو شعبية الحزب اليميني المتطرف (النازي) قلت وبلشت تتناقص من ايام ما بعد الحرب الى ان وصلت حاليا لدرجة كون اتباعها يشكلون اقلية.. لهيك مافينا نقول انو سبب كرهن الو هو خسارة الحرب، الفكرة الي بدي وصلها انو الاكترية العظمى الي بتكره هتلر ونازيتو حالياً بتكرهو من مبدا انساني ومن القيم الي بلشو يتعودوا عليها لصاروا مجتمع متحضر... وصدقيني هاي شغلة العرق الابيض ما موجودة حاليا غير عند اليمين المتطرف (مو المحافظ ها!)... يعني باختصار يا اما نعتبر الالماني الحالي هو ضد النازية من اساسا يا اما نعتبرو من اتباع هتلر قلباً وقالباً بالتالي عنصري لعرقو!، مافي حل وسط ...

في شغلة كمان ممكن توضح الامر: انو ربط التعصب الموجود بالمانيا بالنازية بيعطيه بعد تاني ويخليه يبين كانو غير التعصب الموجود بغير بلدان، بينما هوي تعصب طبيعي لاي اجنبي يعني متل التعصب الموجود بكل بلد وببلداننا كمان تجاه الاجانب، حتى لو نسبة التعصب هيي اكتر من غير مكان (ما بنقدر ننكر هالشي) فنسبة هالتعصب الها اسباب كتيرة ممكن نناقشها، يعني الشغلة مالا علاقة بالعرق لانو الالماني المتعصب هوي متعصب حتى "للي من عرقو!" مجرد كونو اجنبي وحتى لو كان اجنبي من بلد مجاور متل النمسا...

yass

19/08/2008, 18:37

صعود هتلر بألمانيا بفترة ما بين الحربين كان أمر طبيعي بالنظر لظروف تلك الحقبة و النفسية العامة.. كانت ألمانيا خارجة من الحرب العالمية الأولى و هي مكسورة الجناحين.. شبه مدمّرة... و مربوطة باتفاقيات انهاء حرب جدا مذلة لألها.. فـ لذلك نجح خطابو تبع "نحنا مافي متلنا.. بس الزمن عاطل" و تحميلو لليهود مسؤولية الحالة العامة الموجودة بالبلد بهديك الفترة و انهون خونة و نصابين و ما إلى ذلك (عرف يلعب على وتر الكرامة الألمانية, لما باقي الاتجاهات السياسية كانت تعمل نقد ذاتي و تحمّل نفسها مسؤولية اللي صار) و شي طبيعي انو مافي أسهل من انك تكسب شخص محبط أو فاشل لما تقلو انو مو هو سبب فشلو أو سبب احباطو انما عوامل خارجية أدت لهالشي.. هالشي كتير حلو للسمع للانسان المحبط.. و لذلك ارتفع هالارتفاع..

خطاب هتلر هو نموذج مركّز للخطاب القومي الشوفيني.. رغم انو هو بهاراتو أقوى لكن بتركيزات مختلفة ممكن تلاقي نفس نمط هالخطاب بكل الحركات القومية...

هلأ و اليوم.. بتغيّر ظروف هديك الحقبة.. رغم انو أغلبية الشعب الألماني يمينية و محافظة إلى حد ما.. لو يرجع هتلر يولد فما رح ياخد مجد.. و لا رح يوصل لمطرح أبدا... لأنو صعودو كان وليد ظروف.. و سقوطو كان نتيجة لزيف هالظروف..

الأمير المغترب

30/08/2008, 00:51

yass

30/08/2008, 01:50

بتشكرك كتير على هل الكتاب الرائع لأنو بالفعل كتاب بيستحق القراءة ومن اجمل الكتب على الأطلاق وصرلي زمان بدور عليه على كل حال لو سمحت كتاب بيحكي عن نظرية العنف الثوري يلي تكلم عنها ستالين
وفي ما بعد تبناها الدكتور رفعت الأسد بالمؤتمر القطري فيا ريت أي كتاب بتحدث عن نظرية العنف الثوري
وشكرا

نظرية العنف الثوري قائمة على وجود وحش لا انساني سافل و حقير متل رفعت الأسد يطبّش و يكسّر و يحطم, ينهب و يسرق و يلهط الدنيا و الآخرة ... و فوقها ضارب رب ألله تبع العالم منية ع انو عم يعمل ثورة... ثورة تخلع رقبتو انشالله

هتلر و رفعت... ماشاللة مو ناقص غير موسوليني و بول بوت و يفتوها طرنيب... ثوري طبعا

محمد ابراهيم

30/08/2008, 02:24

لما بقارن بين هتلر وبوش او هتلر وتوني بلير او هتلر واي زعيم من هالشاكلة

بلاقي هتلر ملاك :lol:
رحمة الله عليه

و تبجيل هتلر و ذكراه القميئة يأكد نظريتي حول مفهوم القدسية عند العرب... سبق و كتبت النظرية بموضوع ما بتذكر وينو.. العرب يعجبون بنوعين من الأشخاص:

المجانين: دائما بالعادات و التقاليد تبعنا المجنون ينعطالو مواصفات شبه سحرية .. عبيط القرية أو هيك أمور .. انو يعتبرو انو عندو كرامات أو قدرات خارقة.

البلطجي: نحنا بنعجب بالجبار الباطش الأزعر.. و ما بتفرق ازا بيرفع الشبرية على حرامي مشان يصد أذاه.. و للا مشان هو يسرق.. المهم بلطجي..

كل فترة يطلع شخص يجمع بين الصفتين.. فها الشخص مو بس نعجب بيه انما نقدسو.. و عندك بهتلر و الحكام العرب بأصدق مثال
اجيبلك الموضوع والرابط اذا بتعطيني يورو واحد " كتذكار " مش اكتر وما احلى التذكارات المادية :lol:

yass

30/08/2008, 02:29

لما بقارن بين هتلر وبوش او هتلر وتوني بلير او هتلر واي زعيم من هالشاكلة

بلاقي هتلر ملاك :lol:
رحمة الله عليه

اجيبلك الموضوع والرابط اذا بتعطيني يورو واحد " كتذكار " مش اكتر وما احلى التذكارات المادية :lol:

عرفان وينو الرابط منيح.. بس بدك اليورو ببعتلك ياه مافي مشكلة:lol:

يا شيخ... ما بعرف... ليش هيك؟؟ ياخي نقعد نقارن بين بوش و هتلر أو بين بلير و هتلر.. رغم انو المقارنة خاسرة بالحالتين -بمنظوري- لكن يعني فيني افهم شغلة انو مبدأ العنف و القوة الساحقة واحد...

اللي ماني فهمانو و ماني قادر حتى اتفهمو و اتعايش معو هو انو يكون هيك كتاب لهيك كاتب مرغوب.. يا أخي شو عم يجلبلك شي لحتى يعجبك.. روحانيا يعني شو اللي ضافلك الكتاب؟

طبعا أنا ما قريتو و لا رح اقراه.. اهانة للأدب انو اعطي لكتاب هتلر نفس قيمة كتاب... لجان جاك روسو (من حيث قرائته)

محمد ابراهيم

30/08/2008, 04:05

عرفان وينو الرابط منيح.. بس بدك اليورو ببعتلك ياه مافي مشكلة:lol:

يا شيخ... ما بعرف... ليش هيك؟؟ ياخي نقعد نقارن بين بوش و هتلر أو بين بلير و هتلر.. رغم انو المقارنة خاسرة بالحالتين -بمنظوري- لكن يعني فيني افهم شغلة انو مبدأ العنف و القوة الساحقة واحد...

هلاء عرفت مكان الموضوع !!! رح اقبل اليورو منك على سبيل التذكار (بس مابدي ياه معدن) بدي ورق واكتب عليه للذكرى الخالدة ووقع باسمك بالاخوية منشان يكون تذكار لطيف (جد عمبحكي)،

اي من حيث المبدأ واحد بس من حيث موقعك كشخص " مختلف "(اذا كنت انا على كوكب المريخ ) رح اعتبر بوش وهتلر وبلير وغيرهم كلون سفاحين (من مبدأ سفك دماء الابرياء)
اذا كنت بفرنسا رح اعتبر هتلر سفاح لسفك دماء الابرياء الفرنسيين وهكذا من حيث كل دولة سفك دماء ابرياء فيها ،
لو كنت بمصر مثلا رح اعتبرو بطل (كونو حارب البريطانيين يللي احتلو مصر ) والمصريين بلشو في انتفاضة ضد البريطانيين ب1939 كما قام هتلر بمحاربة الربيطانيين بنفس العام) يعني هتلر ماسفك دماء الابرياء المصريين بل على العكس حارب نفس العدو معهم ولكن بخندق مختلف .

اما بوش وبلير لو كنت بالعراق رح اعتبرون مجرمين سفكو دماء الابرياء ولو كنت بايطاليا رح اعتبرون ابطال حاربو الارهاب .

على مايبدو أن اعظم اسهامات اينشتاين هي النسبية ولها استخدمات اخرى غير فيزيائية !!!

من على المريخ كلهم نفس الشخص (اقصد ان اقول ان موقعك يحدد رؤيتك )

اللي ماني فهمانو و ماني قادر حتى اتفهمو و اتعايش معو هو انو يكون هيك كتاب لهيك كاتب مرغوب.. يا أخي شو عم يجلبلك شي لحتى يعجبك.. روحانيا يعني شو اللي ضافلك الكتاب؟

طبعا أنا ما قريتو و لا رح اقراه.. اهانة للأدب انو اعطي لكتاب هتلر نفس قيمة كتاب... لجان جاك روسو (من حيث قرائته)
مرغوب بحسب موقع الشخص الراغب ولكن مش بالمطلق .
بصراحة ماقريت الكتاب لحتى اقدر احكم عليه ومابنيتي قرائتو حاليا او بالقريب .

بس مابشوف انو اهانة للادب لانو مستحيل قيمة لاحد كتب جان جاك روسو تساوي قيمة هالكتاب على الاطلاق .
قيمة فكر روسو الاب او الابن لا تقارن بفكر هتلر ، اقدر اقول انو فكر روسو هو اللي عمل اسم روسو وقيمة لكتبو وليس اسمو هو اللي عمل قيمة كتبو
ولكن على العكس اسم هتلر هو اللي عمل قيمة لهالكتاب .