سيدي الرئيس تحية طيبة أما بعد:
كثير منا يشعر بالتغيرات الاقتصادية والسياسية عندنا في سوريا منذ قدومك وحتى الآن ولا أستطيع أن أنكرها.
لكن سيدي الرئيس إليك مني بعض الاستفسارات والتي أظن أن عددا منها خارج من فؤاد الملايين من السوريين.
- زاد متوسط الدخل وزادت عدد أيام العطل لكن أسألك عن متوسط زمن العمل الفعلي اليومي في قطاعاتنا الحكومية
هل هو 17 دقيقة أم 25 دقيقة؟
هل هذا يكفي؟
ترى شخصا يعمل وعشرة يضحكون ويمرحون على أنغام حوادث وطرائف تافهة،
إضافي!
-- هل قضيت سيدي الرئيس على الرشاوى؟ تجد بعض الموظفين أحيانا يطلبون منك الرشوة بشكل علني أكثر من السابق في بعض المناسبات
--الوقت لا يقدر بثمن فأترجاك أن تجيب لأي درجة تقدرون قيمة الوقت والطوابير ما زالت متواجدة بشكل جنوني خلف الأفران وفي بعض المعاملات ! ومعاملة تافهة تتطلب منك في الكثير من المناسبات أن تترك عملك يوم أو يومين!
فأين جهاز الحاسوب التي يخزن ملايين المعلومات وتحصل عليها ببضعة ثواني
- هل بات دار الأوبرا في دمشق وهل باتت صور السيد الرئيس وبعض التماثيل التي صممت في أنحاء
البلاد أهم من قضايا ملايين الفقراء المنتشرين في سوريا؟
أليس من الأفضل هد تلك التماثيل حتى ولو كانت لوالدك وصهرها والاستفادة من تلك المعادن في صناعات كثيرة تفيد البلاد ؟
-- أين نحن من صناعة السيارات وأجهزة الحاسوب
-- مصدر يقول أن أمريكا في نيتها أن تنفق 127 مليار دولار لصنع روبوتات لاستخدامها في المعارك حفاظا على روح الإنسان وإدراكا لقيمة الإنسان،وحضرتكم تقفزون كثيرا عندما تستوردون طائرة من طراز الكونكورد!
-- هل نحن حقا متخلفين آلاف السنين اليوم فيما يتعلق بناحية الاهتمام بالعلم والتكنولوجيا عن دول الغرب أم من قال هذا الكلام يدخل في صف المجانين والذين يستحقون السجن لبضعة أعوام لأنه قال كلاما يهدد أمن البلاد
-- سيدي الرئيس عد إلى تركيبة الدماغ وخذ القليل من الوقت وراجع معلوماتك حول السيالات العصبية وخلايا الدماغ حتى تدرك من هو الإنسان.
-- إنه كائن حي قادر على أن يدخل في علم الجينات وأن يرسم لكل إنسان خارطته الجينية الخاصة به ويوضح له العديد من الأمراض التي قد يتعرض لها في المستقبل من خلال دراسة نقاط الضعف في جسده عن طريق الجينات.
-- والإنسان السوري هو من أولئك لكنه يحتاج لبعض التشجيع منك شخصيا سيدي الرئيس
في النهاية
أرجو ألا تنفرك أخطائي الإملائية وأظن إنك لن تنتفر كثيرا لأنني أشعر إنك تهتم بالمضمون أكثر من المظاهر سيدي الرئيس
لكن سوريا بالرغم من المديح الذي تتلقاه في الظاهر إلا أن لديها الملايين من الأوبئة التي تعاني منها.

الله يقويك يا غالي .. رسالة جيدة وممتازة .. بس حابب قلك .. أنو سيدي الرئيس هاد .. مو فارق معو كل هالحكي ومو مدور على شي من هالحكي ..
:D :D

الله يقويك يا غالي .. رسالة جيدة وممتازة .. بس حابب قلك .. أنو سيدي الرئيس هاد .. مو فارق معو كل هالحكي ومو مدور على شي من هالحكي ..
:D :D

وبمناسبة أهلا وسهلا فيك بالمنتدى .. أنا من طرطوس كمان من الدريكيش ..

اذا أحتجت اي شي أنا جاهز .. :D :D

الله يقويك يا غالي .. رسالة جيدة وممتازة

لا يا سيدي مانا جيدة و لا ممتازة و أكبر من مختار الحارة تبعنا ما ببعتلو هيك رسالة :evil:
هلأ هي هيي مشاكلنا؟؟؟؟؟؟
هالرشوة تبع الموظف المعتر يلي عم يكمل من خلالا شهرو بألف يا ويلاه، شو شايفين الموظفين المعترين كل واحد عايش بفيللا و عم يروح على وظيفتو بشبح و عم يدرس ولادو بأوكسفورد :aah:
أخي أنا ما بدي أطلع ع القمر ولا بدي روبوتات تحرر فلسطين عنا لما كل شي عنا عم ينسرق
يا زلمة حتى الهوا باعونا ياه وللا شو بتفسر دقيقة الموبايل ب4 ل.س
كان الماغوط يتغنى بالشوارع على أساس أنها ملاذ الفقراء الأخير
و هلق حتى هالملاذ صار يتأجر للبسطات و الكولبات و الأكشاك و شركات الهاتف و شركات الأعلانات
ويا ويلو يلي بأرب على شي آرمة من آرمات المستقبل و الكونكورد و بيحاول أنو يتكا عليهون أو ينحمى من الشمس أو المطر تحتون

لما بدي أكتب رسالة للرئيس بأللو فيا
سيدي الرئيس ولاد خالك نشفوا دمنا
سيدي الرئيس ولاد عمومك لعنوا سلافنا
سيدي الرئيس كرمال الله تحنن على هالموظفين المعترين وتركون و اتطلع ع يلي حواليك يلي عم ياكلوا البيضة و تقشيرتا
سيدي الرئيس وين الجولان
سيدي الرئيس وين كيليكية
سيدي الرئيس وين حقوق الأطفال
سيدي الرئيس وين حقوق المغضوب عليون يلي الله خلقون بسوريا
و بالختام سيدي الرئيس بحب قلك من حقنا أنو تلغي قانون الطوارئ
و من حقنا كمان أنو نشتغل و نعمل مصاري
حتى أنو من حقنا نصير أغنياء.........تصور

هادا اذا.....................بدي ابعت رسالة لسيدي الرئيس :P

طول بالك يا رجل .. الزلمة جديد ولسا ما دخل بجو المنبر الحر .. شوباك .. والله بعرف وجعك .. وهادا وجع 90% من الشعب .. بس لسا الزلمة جديد يعني شوي شوي .. أنا معك بكلامك .. بس الزلمة حكى حكي منطقي وواعي .. وطرح حلول .. أما انت رسالتك مجرد تعصيب وانفعال وطيش .. وهادا اللي بدو اياه فخامة الرئيس .. يعني نحنا ما بدنا بس نتأفف ونحكي لازم نطالب بمنطقية ونطرح حلول .. طول بالك يا غالي شوباك ..
يعني معلش الزلمة باين عليه وواضح انو من المعارضين للحكم وأنا عجبني كتير أسلوبو بالطرح ..
محمد الماغوط أستاذ كبير وبحبو كتير .. بس الماغوط لما كانت كلمتو تعمل شي سكرو تمو وحبسو .. هلا اجا دورنا .. لأنو الماغوط ووكل سجين كلمة أو رأي عمل اللي عملو مو مشان نتغنى بكتاباتو وأنما مشان نكفي مسيرتو ..ونحنا ما لازم نضل نبكي على الأطلال .. ..

:D :D :D :D

[quote]
لما بدي أكتب رسالة للرئيس بأللو فيا
سيدي الرئيس ولاد خالك نشفوا دمنا
سيدي الرئيس ولاد عمومك لعنوا سلافنا
سيدي الرئيس كرمال الله تحنن على هالموظفين المعترين وتركون و اتطلع ع يلي حواليك يلي عم ياكلوا البيضة و تقشيرتا
سيدي الرئيس وين الجولان
سيدي الرئيس وين كيليكية
سيدي الرئيس وين حقوق الأطفال
سيدي الرئيس وين حقوق المغضوب عليون يلي الله خلقون بسوريا
و بالختام سيدي الرئيس بحب قلك من حقنا أنو تلغي قانون الطوارئ
و من حقنا كمان أنو نشتغل و نعمل مصاري
حتى أنو من حقنا نصير أغنياء.........تصور

هادا اذا.....................بدي ابعت رسالة لسيدي الرئيس :P
لك معك للعضم يا رفيقنا الغالي
:gem: :gem: :gem: :gem:
:D :D :D :D :D :D :D :D :D :D

الزلمة جديد ولسا ما دخل بجو المنبر الحر


أنا ما حكيت أنو رسالتو عاطلة أو شي.... أنا معك الله يعطي العافية و بشد ع أيدو متلك
بس أنا مو شايف انو ممتازة هادا هو كلشي
بعرف أنو هادا رأيك و انت حر بس أنا كمان كتبت رأيي
بعدين موغلط أنو انسرع اعتيادو ع المنبر

رسالتك مجرد تعصيب وانفعال وطيش

تعصيب و انفعال يمكن... و أنا بعتذر، بس وين الطيش
أنا و عم اكتب حسيت اني طولت الرد كتيير مشان هيك ما حطيت حلول
اذا بدك حلول بكتبلك مؤلفات بس المشكلة أنو أنا بشوف أنو الحلول مو للكتابة، الحلول لتنعمل
بعدين أنا ما شفت حلول برسالتو


و مشان الماغوط بوكرا ألك مفاجأة خصوصي ألك :D :D :D

لما بدي أكتب رسالة للرئيس بأللو فيا
سيدي الرئيس ولاد خالك نشفوا دمنا
سيدي الرئيس ولاد عمومك لعنوا سلافنا
سيدي الرئيس كرمال الله تحنن على هالموظفين المعترين وتركون و اتطلع ع يلي حواليك يلي عم ياكلوا البيضة و تقشيرتا
سيدي الرئيس وين الجولان
سيدي الرئيس وين كيليكية
سيدي الرئيس وين حقوق الأطفال
سيدي الرئيس وين حقوق المغضوب عليون يلي الله خلقون بسوريا
و بالختام سيدي الرئيس بحب قلك من حقنا أنو تلغي قانون الطوارئ
و من حقنا كمان أنو نشتغل و نعمل مصاري
حتى أنو من حقنا نصير أغنياء.........تصور

:gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem:

لا يا سيدي مانا جيدة و لا ممتازة و أكبر من مختار الحارة تبعنا ما ببعتلو هيك رسالة
هلأ هي هيي مشاكلنا؟؟؟؟؟؟
هالرشوة تبع الموظف المعتر يلي عم يكمل من خلالا شهرو بألف يا ويلاه، شو شايفين الموظفين المعترين كل واحد عايش بفيللا و عم يروح على وظيفتو بشبح و عم يدرس ولادو بأوكسفورد
أخي أنا ما بدي أطلع ع القمر ولا بدي روبوتات تحرر فلسطين عنا لما كل شي عنا عم ينسرق
يا زلمة حتى الهوا باعونا ياه وللا شو بتفسر دقيقة الموبايل ب4 ل.س
كان الماغوط يتغنى بالشوارع على أساس أنها ملاذ الفقراء الأخير
و هلق حتى هالملاذ صار يتأجر للبسطات و الكولبات و الأكشاك و شركات الهاتف و شركات الأعلانات
ويا ويلو يلي بأرب على شي آرمة من آرمات المستقبل و الكونكورد و بيحاول أنو يتكا عليهون أو ينحمى من الشمس أو المطر تحتون

لما بدي أكتب رسالة للرئيس بأللو فيا
سيدي الرئيس ولاد خالك نشفوا دمنا
سيدي الرئيس ولاد عمومك لعنوا سلافنا
سيدي الرئيس كرمال الله تحنن على هالموظفين المعترين وتركون و اتطلع ع يلي حواليك يلي عم ياكلوا البيضة و تقشيرتا
سيدي الرئيس وين الجولان
سيدي الرئيس وين كيليكية
سيدي الرئيس وين حقوق الأطفال
سيدي الرئيس وين حقوق المغضوب عليون يلي الله خلقون بسوريا
و بالختام سيدي الرئيس بحب قلك من حقنا أنو تلغي قانون الطوارئ
و من حقنا كمان أنو نشتغل و نعمل مصاري
حتى أنو من حقنا نصير أغنياء.........تصور

هادا اذا.....................بدي ابعت رسالة لسيدي الرئيس


بدك تطول بالك أخي الكريم
لما منتناقش ببعض الأمور
الحكاية بدها تروي وإنك توزن الكلام
مش حكي كلو عواطف و نكد
النكد والعواطف و الدلع خليها للقسم الفكاهي

بدك تطول بالك أخي الكريم
لما منتناقش ببعض الأمور
الحكاية بدها تروي وإنك توزن الكلام
مش حكي كلو عواطف و نكد
النكد والعواطف و الدلع خليها للقسم الفكاهي

يا حبيب أنا يمكن انفعلت شوي بس الله وكيلك مو عليك أو ع رسالتك
أنا انحمقت من الموضوع بذاتو
و مشان العواطف و الدلع تكرم عينك :wink:
بس المشكلة أنو ماني شايف دلع بردي أرجو أنك اتدلني عليه لحتى شيلو من عيني هي :wink: قبل هي :wink:
و لحتى تتصافى لقلوب شو رأيك أنت كمان تشيل الدلع و العواطف يلي برسالتك ورح دلك عليا

هل بات دار الأوبرا في دمشق وهل باتت صور السيد الرئيس وبعض التماثيل التي صممت في أنحاء
البلاد أهم من قضايا ملايين الفقراء المنتشرين في سوريا؟


أين نحن من صناعة السيارات وأجهزة الحاسوب


هل نحن حقا متخلفين آلاف السنين اليوم


يحتاج لبعض التشجيع منك شخصيا سيدي الرئيس


أرجو ألا تنفرك أخطائي الإملائية

أنا بحس أنو هاد المنبر شغلة عظيمه و رح يتخرج منو بالميتة 3 او 4 وزرا يفيدوا سوريا يلي كلنا منحبا ما في شك
مشان هيك ما بحب المهاترات كتير هون
أنا متأكد أنك مو قصير حربة بالملاسنة (ولا بغير شي)
بس أنا كمان بعرف امكانياتي كتير منيح :gem:
كلمة دلع ما حلوة تنقال لشب، يمكن ما تكون قصدتها بالمعنى يلي أنا فهمتو
بس بكل الأحوال أنا بردي ما جرحت بالكلام بعكس ردك

اول شي انا بدي اشكركن كتير على هالموضوع الرائع بس عندي بحصة و بدي بقها
انا برأيي انو الغلط فينا نحنا قبل مايكون بأي حدا تاني يعني الاخ (krimbow( حكى كلمة و قال انو دقيقة الموبايل ب 4 ليرات صح ؟ انتو ملاحظين انو الموبايل صار اكبر هم بحياة المواطن السوري و مع انو كلو للفشخرة ما اكتر و من سنتين او تلاتة كنا عايشين بلاه و عين الله علينا
قصدي بالحكي انو البلد بتتصلح بس نحنا نفهم شو بدنا و نعرف كيف نطور اهتماماتنا اكتر شوي يعني ما نستغل اهم وسائل التكنولوجيا لشي بلا طعمة ( عفوا على التعبير)
يعني بس اذا حدا بيقدر يقللي شو هوي استخدام الكمبيوتر لكل الشباب اللي بيقضوا الليل على الانترنت و بشو عم يستفيدوا من الانترنت , شو هوي اكتر استخدام للموبايل اكتر من انو تبعتوا رسائل و نكت
ما بعرف في بعقلي كتير حكي بس خايفة انو اغلط بشي كلمة طالعة ولا نازلة و تقحطولي
يللا بشوفكون بعدين
باي

حكى كلمة و قال انو دقيقة الموبايل ب 4 ليرات صح ؟ انتو ملاحظين انو الموبايل صار اكبر هم بحياة المواطن السوري و مع انو كلو للفشخرة

أنا حطيت هادا المتل على بيع الهوا بس مو أكتر
يا أختي أنا رفضت أنو تكون الرشوة الكريهة أكبر همومنا..... معقول تكوني مفكرة أني رح اهتم للموبايل؟
شكرا لمشاركتك

يا شباب قبل ما تحكو هيك بدي تسمعوني .

هذا الشعب العربي أعوج مع أحترامي للجميع !! مع العلم أنني عربي سوري

أذا صار مع هذا الشعب مصاري كتير مع العلم أنا لاأقصد الجميع الأنو بتعرفو في عالم كتير الله منعم عليهم (الله يرزقهم)
يالطيف بدهن يصيرو ما يتهدو بدوس على بعضها البعض هذا كلو ولسا ما قلتلكم الأمور السياسية....

مع العلم أنو في هذا الزمن الأخ ما بحب أخوه بريده على الخازوق يقعد

آه!!! يعني قصدك لازم يجوع الشعب مشان يقعد عاقل؟؟!!!

آه!!! يعني قصدك لازم يجوع الشعب مشان يقعد عاقل؟؟!!!

ليش مو هي هيي السياسة يلي عم يتبعوها؟

ليش مو هي هيي السياسة يلي عم يتبعوها؟
طبعا هاي هيي السياسة المتبعة, بس شي ظريف أنو حدا يحكيها وفرحان عليها!! على كل, هاد حقو

مراقبي المنبر الحر

مبروك اللقب الجديد
يا عم ما حدا قدك والله :D

مبروك اللقب الجديد
يا عم ما حدا قدك والله


مشكور خاي, بس المجموعة تبعيت المراقبين موجودة من زمان, بس ما كان الها اشارة... لكن الجهات العليا ( الله يخليلنا الجهات العليا :angel: :angel: و نقوللها سلميلنا عالبلد :lol: ) رأت أنو يكون في اشارة مشان الناس تعرف بصفتي شو أنا عم ألعي :P
نرجع لموضوعنا!!!!!!!!! شو مافي معارك اليوم :jakoush: :jakoush:

نرجع لموضوعنا!!!!!!!!! شو مافي معارك اليوم

والله يا حبيب هاليومين مزعوج كتير و ماني ناوي فوت معارك لحتى ما اغلط مع حدا

ترى شخصا يعمل وعشرة يضحكون ويمرحون على أنغام حوادث وطرائف تافهة،

هاد ما بيفسر انو الرئيس عم يغلط هاد بيفسر انو هالموظف ما عندو ضمير
- هل بات دار الأوبرا في دمشق وهل باتت صور السيد الرئيس وبعض التماثيل التي صممت في أنحاء
البلاد أهم من قضايا ملايين الفقراء المنتشرين في سوريا؟

هالكلام مو منطقي دار الاوبرا نحنا اخر بلد بالعالم صار عنا هيك صرح ثقافي ومو معني انة صار عنا دار اربرا يعني نحنا عم نسيئ للمواطن
الوقت لا يقدر بثمن فأترجاك أن تجيب لأي درجة تقدرون قيمة الوقت والطوابير ما زالت متواجدة بشكل جنوني خلف الأفران وفي بعض المعاملات ! ومعاملة تافهة تتطلب منك في الكثير من المناسبات أن تترك عملك يوم أو يومين!
فأين جهاز الحاسوب التي يخزن ملايين المعلومات وتحصل عليها ببضعة ثواني

وانا بدي اطرح نفس السؤال ليش نحنا لهلاء هيك وين الحكوة الالكترونية الي عم يحكوا عنها
أليس من الأفضل هد تلك التماثيل حتى ولو كانت لوالدك وصهرها والاستفادة من تلك المعادن في صناعات كثيرة تفيد البلاد ؟


هيدا الجملة تدرج في سياق الكلام الغير منطقي
لكن سوريا بالرغم من المديح الذي تتلقاه في الظاهر إلا أن لديها الملايين من الأوبئة التي تعاني منها.

ما بظن انو لازم تخاطب الرئيس بهالجملة لازم تخاطب سوريا كلها

هاد ما بيفسر انو الرئيس عم يغلط هاد بيفسر انو هالموظف ما عندو ضمير
ممكن طبعا !!!! و ممكن كمان لو الرأس مو فاسد لما فسد الذيل.... لو الحكومة مضبوبة و نظامية كان الموظف ما تجرأ يعمل اللي يعملو

هالكلام مو منطقي دار الاوبرا نحنا اخر بلد بالعالم صار عنا هيك صرح ثقافي ومو معني انة صار عنا دار اربرا يعني نحنا عم نسيئ للمواطن
لأ طبعا, بس لما مواطن يمرض ابنو و ما في مستشفى عام متل الخلق ياخدو عليه, لما المدارس قديمة لما الشوارع مفشخرة......شو بدو المواطن بار أوبرا لما ما معو حق كاسيت لعلي الديك؟!!!
القصد أنو لازم يكون في أولويات...الصروح الفرعونية هاي بلاها


وانا بدي اطرح نفس السؤال ليش نحنا لهلاء هيك وين الحكوة الالكترونية الي عم يحكوا عنها
مو بدنا حكومة يدوية متل الخلق أول شي؟؟!!!

هيدا الجملة تدرج في سياق الكلام الغير منطقي

أنا شايفها منطقية جدا............تحيا حرية الرأي!!!!!!

ما بظن انو لازم تخاطب الرئيس بهالجملة لازم تخاطب سوريا كلها
و مين سوريا كلها.........ما من زمان صارت سوريا الأسد, ما هيك؟ :wink:

و مين سوريا كلها.........ما من زمان صارت سوريا الأسد, ما هيك؟

بس شو رح يصير اسمها بعد الانقلاب سوريا (انقلاب سياسي)
سوريا آه منك وآه عليكي
بس تأكدي أنو مرح نوقف

السلام عليكم
أولا شكرا للردود الكثيرة جدا ، ويظهر من أول لحظة أن هذا المنبر هو فعلا منبر للكلام الحر.
عايز انتقادات أكتر من هايك يا جماعة
موضوعي اللي كتبتو يمكن بيستاهل النقد السلبي لسه أكتر من هايك

بخصوص صهر التماثيل وتحويلها إلى معادن بالنسبة لإلي القد اللي بخص هالموضوع ممكن يكون صحيح
بالطريقة التالية:
هد التماثيل وصهرها لمعادن مفيدة أمر جيد بغض النظر عن مشكلة قد تصيبها
وهو حدوث تمرد أو فتنة

و شكرا لكل من رد علي ردا بخصوص النقد السلبي
بدي اياكن تحشولي دماغي نقد سلبي
وإيجابي كمان
بس خلوها يا جماعة نقد بينبع من التفكير السليم
مش من العواطف

قبل ما بلش حبيت إعطيكم دليل لموقع الكتروني يبدو إنه رائع
لكنه يبحث في الأمور العلمية
يعني ليس هم موقع سياسي
والرابط هو
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
نعود لموضوعنا:
أظن أننا لسنا بحاجة لما يسمى بدار الأوبرا من ناحية الغناء
لأننا في بلد
يحترم الهدوء والسكون لدرجة أنك تسمع أصوات التلفاز والديسكوتات وشرايط علي الديك
وأنت نائم.
التطبيل والتزمير عشنا معه منذ الولادة
حتى الآن المسيرة التي حصلت عندنا في الآونة الأخيرة لا أعرف لأجل ماذا
وبيني و بينكم مش عايز أعرف
حتى ولو كانت مسيرة صالحة من ناحية الهدف والتنظيم
لكن أن ترى العساكر يمنعون الطلاب من ترك المسيرة!
والأساتذة يجبرون الطلاب على السير في الشوارع والصياح لأجل أهداف قد لا يؤمنون بها!
هذا ما أخبرني أحدهم!
في لبنان مسيرات عفوية
بس عندنا في كمان مسيرات بتسير تحت الصرامي

كمان بخصوص الخدمة الإلزامية
يعني المشكلة إنو أكثر القطاعات تخلفا عندنا هي القطاعات العسكرية
والحكم عندنا عسكري
انظروا واستمتعوا بتلك السيارات الصديقة للبيئة التي تعمل بالهيدوروجين والماء في ثكناتنا العسكرية
شاهدوا الضباط الأكابر في بلادنا انظروا إليهم يدربون الطلاب على ماذا
أنظر إلى برامج التدريب الجامعي في جامعاتنا كيف هي!
رياضة بعدين طعام بعدين ترديد شعارات بعدين وقوف بعدين أخبار سياسية خبر بجملتين و
وتعليق بمليون كلمة
روحوا شوفوا الإدارة الأمثل للوقت في تلك الثكنات وكيف يتحول الإنسان هناك من إنسان طموح إلا
حيوان ناطق.

يعني المشكلة إنو أكثر القطاعات تخلفا عندنا هي القطاعات العسكرية

:jakoush: :jakoush:

موضوع ممتع ورد او رسالة "كريمبو" مهضوم ومنطقي وموثر فعلا ..

بدي علق على نقاط استغربت من الشطيط فيها ...

موضوع الأوبرا .. موضوع الموبايل ... الحكومة الإلكترونية الخ ...

من وجهة نظري لا اعتقد ان الخطأ يبرر الخطأ اطلاقا .. ولا ارى في اسلوب حكم البلاد اولويات فريدة ..
اقصد بهذا
الحكومة تدافع عن قانون الطوارئ بأن البلاد في حالة حرب و و و و ..
لذا احنا مضطرين نشتغل بقانون الطوارئ
يعني باللغة العامية ..
كلشي وفي حرب او عدم استقرار سياسي في قانون طوارئ ومن باب تاني .. كلشي وفي قانون طوارئ يعني ما في احزاب يعني في احكام عرفية يعني ما في تغيير بالسياسي .. وما دام ما في تغييير بالسياسي يعني ما في استقرار سياسي عم بيلوح بالأفق ويعني رح بيضل في قانون طوارئ وهيككككككككككككككككك ...
هذا العقم السياسي !

بنفس المنظار وبالقياس اقصد ..
ما بيصير قول انا ما حعمل مراكز ثقافية ودور ابرا الإ لبعد ما يتحسن الحالة تبع البلد والحالة الثقافية للناس ..
يعني مرة اخيرة الخطأ لا يبرر الخطأ
اذا انا عندي رشوة وفقر وبطالة ما بيبر انو ما اشتغل على خطوط تانيي بالمجتمع

في مثال صغير ..
في بحمص عميد للجامعة مدري رئيس لجامعة حمص .. همو الشاغل انو يطور بالبنيات تبع الجامعة ..
يعني تلات ارباع ميزانية الجامعة رايح على بنائات جديدة وتطويرات ديموغرافية بالجامعة وحرمها ومبانيها ..
بالوقت الطاقم التدريسي والمناهج والنظم الداخلية مضعضعة جدا ..
طيب هلق طبعا بالأولوليات الكل بيتفق انو الإهتمام بالطاقم التدريسي وقوته اهم من البنيات تبع الجامعة ..
بس من وجهة نظري بشوف انه عم يشتغل ممكن حط اولوية للبنيات والتوسيع و و على الإهتمام بالطاقم التدريسي ..
لكن هذا مو غلط ..
فبنتنهي عمادة هذا العميد وبيجي عميد اخر بيلاقي الناحية الديمغرافية ممتازة بالجامعة فبيشتغل على الناحية الداخلية كالطاقم التدريسي والقوة التعليمية .. وهيك كل فوج عم يشتغل بخط بيكمل الخط الي قبلو ..
صح بيجوز في خلاف بالأولوليات لكن اهم شي يكون في شغل ..

وهيك كل فوج عم يشتغل بخط بيكمل الخط الي قبلو


يا حبيبي :aah: :aah: :aah: :evil: :evil: :evil: :evil:

معنى هل الحكي : أنو الأصلاح الأقتصادي ...يلي ما شفنا منو شي ما في غيرو .....-و أنا متأكد-


بدنا نستنا شي تلاتين أربعين سنة من التجديدو البيعات ...و بعدين بيجي حافظ الثاني و بنستنا كمان هيك شي ..وكل واحد رح يسرق و ينهب بطريقة ...بس لازم تتأكدوا أنو

صح بيجوز في خلاف بالأولوليات لكن اهم شي يكون في شغل ..


بالسرقة من كل الأنواع .....................................