العربي صار فينيقي وفرعوني و...... [الأرشيـــــف]

bassam007

05/08/2006, 21:58

ولو أنا من اللاذقية والله العظيم صرت بخجل من اني قول أنا عربي يا شباب صرت من هلا وطالع ما بقول إلا فينيقي
وأنا أدعو لأن نسقط القومية العربية شو رايكن
بســـــــــــــــــــــــ ـــــــــــــــــــــــــ ـــــــــــــــــــــــــ ـام 007:gem:

COSTA

05/08/2006, 22:34

شو ما حدا بدو يرد؟؟؟؟

bassam007

05/08/2006, 22:38

يا عمي شو طالعي بالسحبة
يا أخي بدك تعرف مين انا
خد لقلك
سجل أنا فينيقي
سجل برأس الصفحة الأولى
أنا لا أكره الناس
ولا أسطو على احد
ولكني اذا ما جعت اكل لحم م غتصبي

أنا بسام من اللاذقية وأنا علوي برجي السرطان بدك تعرف شي تاني عني

COSTA

05/08/2006, 22:42

يا عمي شو طالعي بالسحبة
يا أخي بدك تعرف مين انا
خد لقلك
سجل أنا فينيقي
سجل برأس الصفحة الأولى
أنا لا أكره الناس
ولا أسطو على احد
ولكني اذا ما جعت اكل لحم م غتصبي

أنا بسام من اللاذقية وأنا علوي برجي السرطان بدك تعرف شي تاني عني

شبك ليش عصبت :?

تشرفنا فيك بسام :D

وانا مابهمني شو انت يللي بهمني انك انسان وبس

بعدين انا عم وجه السؤال للشباب هون ;-)

وانا على طول بالمنبر شوف مشاركتي وبتعرف

انو سحبة هي

كهربجي

06/08/2006, 03:43

أنا كان بدّي أيّدك بموضوع إسقاط القوميّة العربية بس مو لنقول فينيقي

و الأهم ما نقول علوي أو مسيحي أو سنّي أو أو....

فأنا مو مع القوميّة العربية... بس ضد التعريف الطائفي بالمطلق

Fady007

06/08/2006, 04:50

فليسقط العرب واللغه العربيه

عندي سؤال للي يعرف اجابته

من اخترع اللغه العربيه اصلا ؟

الم هي اللغه الركيكه ؟
الم هي اللغه التي لا ولن تطور من نفسها ؟

معلومه:اللغه العربيه لا يدخل لها مصطلحات جديده ولم تتغير القواميس منذ فترة طويله

باقي اللغات مثل الانجليزيه والفرنسيه تطور من نفسها كل يوم بل كل ثانيه

COSTA

06/08/2006, 05:09

ماشاء الله عليكون

كلكون صرتو 007

شي حلو ........كم جيمس بوند عنا؟؟؟؟؟؟؟؟؟؟؟

handsome

06/08/2006, 05:35

انا هاي القصة كلا ما عما تدخل عمخي مدري ليش ... قصدي قصة العرب ...
اخواتي انا سوري واه يا نيالي ...
يعني انا هالشي بحطو عراسي من فوق يعني يا سوري يا اما راسي .. واذا حدي بيحكي عنا بكون معني بشكل مباشر بالقصة .. واذا صار فيا شي منيح بفتخر اني جاي منا واذا في شي ما منيح انا برضى فيه لانو ما في ولا محل بالعالم كامل وبحاول اذا بيطلع بايدي ظبطو بظبطو...
بس انو بتبلش القصة لما يبلش الحكي يصير عن عربي .. اخواتي انا ماني عربي انا سوري .. سوري وبس .. ما دخلنا بسما رب السعودية شو ساوت او شوفي عندون او شو قوانينون ... ولا همني شو واحد تونسي ساوا او واحد جزائري قال ...
انا سوري .. واحد اهم صفات السوري , انو سوري وبس . مانو سوري مسيحي او سوري مسلم او سوري ملحد او سوري بعثي او سوري فينيقي او او او ... انا بضلني سوري بغض النظر عن معتقداتي و ديني ...
يعني انا راي كمان انو هاي شغلة عربي وجعة راس عالفاضي وبلاها بيكون احسن ...

me2

06/08/2006, 14:03

ولو أنا من اللاذقية والله العظيم صرت بخجل من اني قول أنا عربي يا شباب صرت من هلا وطالع ما بقول إلا فينيقي
وأنا أدعو لأن نسقط القومية العربية شو رايكن
بســـــــــــــــــــــــ ـــــــــــــــــــــــــ ـــــــــــــــــــــــــ ـام 007:gem:

العروبة مؤامرة و انكشفت ...

me2

06/08/2006, 14:06

فليسقط العرب واللغه العربيه

عندي سؤال للي يعرف اجابته

من اخترع اللغه العربيه اصلا ؟

الم هي اللغه الركيكه ؟
الم هي اللغه التي لا ولن تطور من نفسها ؟

معلومه:اللغه العربيه لا يدخل لها مصطلحات جديده ولم تتغير القواميس منذ فترة طويله

باقي اللغات مثل الانجليزيه والفرنسيه تطور من نفسها كل يوم بل كل ثانيه

زعلت منك ...

هدا اليوم اخترعو كلمتين على كيف كيفك .. "الحاسوب " و " التقانة" ...:lol:

TheLight

06/08/2006, 14:17

شباب وطو صوتكم

هلق بيرجع ابو انمار من الاسود

وبيخلعنا محاضرة عن اللغة العربية

me2

06/08/2006, 14:23

شباب وطو صوتكم

هلق بيرجع ابو انمار من الاسود

وبيخلعنا محاضرة عن اللغة العربية

فليخلع له الله رقبة حكامه و رقبته .

TheLight

06/08/2006, 14:32

هلق يا جماعة ضلوا يعلمونا بالمدرسة عن الهم المشترك والتاريخ المشترك والدين المشترك والارض المشتركة وفبركولنا قصة العروبة والانتماء وهالمسخرة
بس ولا مرة شرحولنا عن الوطنية وحب الوطن والارض والتراب
ومع هاد وكلو وطنيتنا اقوى
بس انا بضل اسأل سؤال
اذا نحن ما بنشعر بعروبتنا
شو هو الشي يللي بيخلينا نحس بالمغربي او بالفلسطيني او او او.......بدون ما يكون في بيناتنا اي رابط؟؟؟
انا ما بعرف
دورت ع الجواب ما لقيتو

me2

06/08/2006, 14:35

هلق يا جماعة ضلوا يعلمونا بالمدرسة عن الهم المشترك والتاريخ المشترك والدين المشترك والارض المشتركة وفبركولنا قصة العروبة والانتماء وهالمسخرة
بس ولا مرة شرحولنا عن الوطنية وحب الوطن والارض والتراب
ومع هاد وكلو وطنيتنا اقوى
بس انا بضل اسأل سؤال
اذا نحن ما بنشعر بعروبتنا
شو هو الشي يللي بيخلينا نحس بالمغربي او بالفلسطيني او او او.......بدون ما يكون في بيناتنا اي رابط؟؟؟
انا ما بعرف
دورت ع الجواب ما لقيتو

شو اللي منحسو بالمغربي ؟؟ مثلا فارقة مع ربنا اذا المغرب ولا البوليساريو دبحو بعض ؟؟

منحس بالفلسطيني و اللبناني و العراقي فقط لأنو هي سوريا الطبيعية .. و هدول سوريين.

bassam007

06/08/2006, 15:05

يا شباب بمصر في عيد عندن اسمو شم النسيم وهيدا عيد فرعوني
وعنا بسوريا في كتير أعياد ما نها اسلامية او مسيحية
أنا سوري على عيني وراسي بس كمان كل واحد فينا عندو انتماء لعرق معين ان امن بذلك او لا
انا سوري بس هيدا ما بيمنع قول أنا فينيقي
بســــــــــــــــــــــــــــــــــــــــــــــــ ــــــــام 007

كهربجي

06/08/2006, 18:48

هلق يا جماعة ضلوا يعلمونا بالمدرسة عن الهم المشترك والتاريخ المشترك والدين المشترك والارض المشتركة وفبركولنا قصة العروبة والانتماء وهالمسخرة
بس ولا مرة شرحولنا عن الوطنية وحب الوطن والارض والتراب
ومع هاد وكلو وطنيتنا اقوى
بس انا بضل اسأل سؤال
اذا نحن ما بنشعر بعروبتنا
شو هو الشي يللي بيخلينا نحس بالمغربي او بالفلسطيني او او او.......بدون ما يكون في بيناتنا اي رابط؟؟؟
انا ما بعرف
دورت ع الجواب ما لقيتو
أنا يا سيدي بحس بالزلمة اللي عم يلتعن ربّو بأميركا الجنوبية و بحسّوا قريب أكتر من كل العرب...

بس الفكرة هي أنو نحنا منتعاطف مع البائسين أمثالنا... وين ما كانوا يكونوا..

بعدين العروبة بطّلت مفهوم عرقي.. صارت مفهوم سياسي بحت...

كهربجي

06/08/2006, 18:52

فليسقط العرب واللغه العربيه

عندي سؤال للي يعرف اجابته

من اخترع اللغه العربيه اصلا ؟

الم هي اللغه الركيكه ؟
الم هي اللغه التي لا ولن تطور من نفسها ؟

معلومه:اللغه العربيه لا يدخل لها مصطلحات جديده ولم تتغير القواميس منذ فترة طويله

باقي اللغات مثل الانجليزيه والفرنسيه تطور من نفسها كل يوم بل كل ثانيه
هلق العروبة شي و العربية شي تاني

العربية هي البدوية... و نحنا منحكي شي مهجّن سرياني عربي

أمّا ليش ما تطوّرت؟؟ أنا برأيي هاد مو ضعف... أي 3 حروف بتجمعهن باللغة العربية بيكونوا فعل إلو معنى وهات على اشتقاق..

المشكلة بعلماء هاللغة..

بعدين تقانة و حاسوب هنن كلمات موجودة من زمااان بس مو مستخدمة

في كمان التحديث والتطوير..

وائل 76

06/08/2006, 19:05

أنا يا سيدي بحس بالزلمة اللي عم يلتعن ربّو بأميركا الجنوبية و بحسّوا قريب أكتر من كل العرب...

بس الفكرة هي أنو نحنا منتعاطف مع البائسين أمثالنا... وين ما كانوا يكونوا..

بعدين العروبة بطّلت مفهوم عرقي.. صارت مفهوم سياسي بحت...
سيدنا كيف العروبة بطلت مفهوم عرقي العالم كله بيتعامل معك على انك عربي كمفهوم عرقي
حتى لو كنت مسيحي يعني صار عندهم خلط ما بين العروبة كمفهوم والاسلام اصبح العروبة والاسلام مفهوم واحد يعني كل ما هو متدني وتافه بنظرهم
السؤال ليش وصل فينا الحال لهون يعني انتا ليش بتتعاطف مع البائسين بكل العالم يمكن لانو فطرتك بتخليك تشعر بالعطف عليهم
لكن بنظري انو نحنا بنتعاطف مع العرب لاني فطرتي بتحتم عليا ان اجعل نفسي في موقع المسؤلية
فرق كبير بين العطف والمسؤلية تماما نفس الفرق بين العروبة كمفهوم عرقي او مفهوم وطن بيجمع الكل والعروبة كانتماء
بعتقد انو الي ناقصنا الانتماء يعني لو صار عندنا انتماء يمكن بيتغير حالنا
انا بعتذر منك يمكن افكاري مو مرتبة لاني بحاول اوصل افكار كتيرة
بتمنى اني اكون قدرت اوضح وجهة نظري
اوقات سعيدة الكم جميعا

COSTA

06/08/2006, 22:06

سيدنا كيف العروبة بطلت مفهوم عرقي العالم كله بيتعامل معك على انك عربي كمفهوم عرقي
وليش يا معام وقت العربي بياخد جنسية اجنبية شو ما كانت بيرجع على بلدو بجنسيتو الجديدة وحتى لما يسافرعلى غير بلد بروح بجنسيتو الجديدة وبيستحي بجنسيتو الاصلية

السؤال ليش وصل فينا الحال لهون

لانو ربطنا العرق بالدين وهاد الغلط يلي وقعنا فيه وما حدا عم يفهمو ويقبل يتراجع عنو

بعتقد انو الي ناقصنا الانتماء يعني لو صار عندنا انتماء يمكن بيتغير حالنا

الانتماء صار موضة لانو عم يتربط بشخصية معينة من الشخصيات السياسية
وهاد يلي بدها يا الصهيونية العالمية لحتى نضل متفككين وما يكون عنا ترابط
وانا بالنهاية اممي و ما بآمن بشي اسمو قومية او عرقية لانها بتخلق تخلف و عنصرية

ومشكور على افكارك :D

وائل 76

07/08/2006, 04:08

وليش يا معام وقت العربي بياخد جنسية اجنبية شو ما كانت بيرجع على بلدو بجنسيتو الجديدة وحتى لما يسافرعلى غير بلد بروح بجنسيتو الجديدة وبيستحي بجنسيتو الاصلية

لانو ربطنا العرق بالدين وهاد الغلط يلي وقعنا فيه وما حدا عم يفهمو ويقبل يتراجع عنو

الانتماء صار موضة لانو عم يتربط بشخصية معينة من الشخصيات السياسية
وهاد يلي بدها يا الصهيونية العالمية لحتى نضل متفككين وما يكون عنا ترابط
وانا بالنهاية اممي و ما بآمن بشي اسمو قومية او عرقية لانها بتخلق تخلف و عنصرية

ومشكور على افكارك :D
اخي العزيز اذا كان نحنا بنخجل من جنسيتنا بيكون هذا غلط من البعض لانو هيك بنكون اكدنا مجموعة الافكار والتهم الي بيلقوها علينا كعرب هاي شغلة
بعدين مين قال انو نحنا ربطنا العرق بالدين انتا ما بتشوف اخوانا المسيحين كيف بيعاملوهم متلنا احنا المسلمين تماما ولو افترضت جدلا انو نحنا ربطنا العرق بالدين بعتقد ما كان هذا حالنا لانو لو نظرنا بعقل شوي لايام ما كان الدين بيحكم لوجدنا حدود دولة المسلمين وين وصلت وكلنا بنعرف قصة واسلاماه لما احتشدت جيوش المسلمين لنصرة امراة ضعيفة انا هون بعمل مقارنة فقط حتى ما نتهم الدين وربطنا للعرق بالدين انو مشكلة
بضيف شغلة كيف بدو يكون هلاء في ربط بين القومية وشخصية معينة لو نظرنا للمنطقة العربية بنشوف تفكك وتشرذم كبير يعني من الصعب انو يكون في شخصية محورية نربط فيها القومية العربية لانو في قوميين وفي اخوانيين وفي قاعدة وفي علمانيين وفي بعثيين بعتقد لو اجمعت الامة على شخصية وحدة حتى ولو كانت غير صحيحة يعني لو اجتمعنا ولو على موقف خاطئ ما بيكون وصل حالنا لهيك مرحلة
هاي وجهة نظري عزيزي كوستا ومع احترامي الشديد لشخصك ووجهة نظرك
بتمنالك اوقات طيبة وسعيدة

COSTA

07/08/2006, 15:02

اخي العزيز اذا كان نحنا بنخجل من جنسيتنا بيكون هذا غلط من البعض لانو هيك بنكون اكدنا مجموعة الافكار والتهم الي بيلقوها علينا كعرب
لا منخجل ونص لانو وين ما راح الفرنسي بيحترمو وكمان الانكليزي وكمان الاميركي وكمان الروسي لك حتى الافريقي ....وحاجة نضحك على بعض

بعدين مين قال انو نحنا ربطنا العرق بالدين انتا ما بتشوف اخوانا المسيحين كيف بيعاملوهم متلنا احنا المسلمين تماما ولو افترضت جدلا انو نحنا ربطنا العرق بالدين بعتقد ما كان هذا حالنا لانو لو نظرنا بعقل شوي لايام ما كان الدين بيحكم لوجدنا حدود دولة المسلمين وين وصلت وكلنا بنعرف قصة واسلاماه لما احتشدت جيوش المسلمين لنصرة امراة ضعيفة انا هون بعمل مقارنة فقط حتى ما نتهم الدين وربطنا للعرق بالدين انو مشكلة

شو ما عم تشوف الاخبار منوب .....كل شي مرتبط بالدين وبدك امثلة رح اعطيك
المقاومة الاسلامية في لبنان (حزب الله)
التيار الصدري بالعراق وجيش المهدي
حركة الاخوان المسلمين في مصر والاردن وسوريا

وبعدين عم تحكي على حشد جيوش المسلمين لنصرة امراءة مسلمة وهي على دور المعتصم ونادت واه معتصماه طيب هاد الحكي شو بدل مو مرتبط الدين

بضيف شغلة كيف بدو يكون هلاء في ربط بين القومية وشخصية معينة لو نظرنا للمنطقة العربية بنشوف تفكك وتشرذم كبير يعني من الصعب انو يكون في شخصية محورية نربط فيها القومية العربية لانو في قوميين وفي اخوانيين وفي قاعدة وفي علمانيين وفي بعثيين بعتقد لو اجمعت الامة على شخصية وحدة حتى ولو كانت غير صحيحة يعني لو اجتمعنا ولو على موقف خاطئ ما بيكون وصل حالنا لهيك مرحلة

الرابط بين القومية والشخصية واضح جدا بدليل الولاء للشخص اكتر من الولاء للارض والوطن
شوف عبد الناصر حطو زعيم العرب والهو شخصيتو وهو اكبر خائن والدليل انو ركب سيارة السفير الاميركي وراح على مقر قيادة الثورة وقت قام بها والدعم كان اميركي بحت
وفي امثلة كتير من رؤوساء عرب وزعماء ومعروفين كلهون شلون مؤلهين

وكمان وجه نظرك انا بحترمها لانك اخي بعتبرك شو ما كان دينك وعرقك

~YAFA~

07/08/2006, 15:07

والله مني فاهمة الموضوع من اول صفحة

جورج الأول

08/08/2006, 20:02

سؤال حابب أعرف جوابو من زمان؟؟
القومية ضد الدين ولا بتدعمو ؟و شغلة تانية القومية الدينية مو هي الطائفية يعني لما بيجي واحد
بقول" نحن الأمة العربية والأمة الاسلامية" كتير عم نسمعا شو قصدو ؟؟؟مين نحن؟؟
يعني ما عاد عرفت نحنا عرب ولا اسلام ؟؟

COSTA

08/08/2006, 20:59

سؤال حابب أعرف جوابو من زمان؟؟
سؤالك كتير صريح وقوي ورح جاوبك

القومية ضد الدين ولا بتدعمو ؟و شغلة تانية القومية الدينية مو هي الطائفية يعني لما بيجي واحد
بقول" نحن الأمة العربية والأمة الاسلامية" كتير عم نسمعا شو قصدو ؟؟؟مين نحن؟؟

القومية هي مصطلح مأخوذ من كلمة قوم والقوم عبارة عن مجموعة من البشر عاشت مع بعضها وتآلفت على بعضها وشكلت حياة وتقاليد خاصة فيها
وفكرة القومية نشات باوربا في بداية القرن 19 وهي فكرة بتنادي بالتعصب والارتباط الشديد مع ابناء القوم الواحد
اما انو ضد الدين اكيد مانها ضد الدين لانو بتجمع من جميع الاديان بس اتخذت عند العرب الصفة الدينية وبالاخص الاسلامية لانو الغالبية العربية تنتمي الى الدين الاسلامي
وهذا الشيء ادى الى تفككها وانقسامها على بعضها لانو ارتباطها بالدين خلق الطابع المذهبي وهذا اخطر من الطائفي
وفكرة القومية الدينية هي شكل من اشكال النازية الجديدة التي تنادي بصفاء العرق واللون والمذهب واستعباد باقي البشر مهما كان عرقهم و دينهم

يعني ما عاد عرفت نحنا عرب ولا اسلام ؟؟

المصيبة انو كل واحد بركب اذن الجرة متل ما بدو
بس الشرق الاوسط بالذات محسوب على الاسلام لكن 30% منه ليست اسلام

Fady007

08/08/2006, 22:13

كوستا :clap: :clap: :clap: :clap: :clap:

اهنئك علي معلوماتك وفكرك الرائع:D

COSTA

08/08/2006, 22:18

كوستا :clap: :clap: :clap: :clap: :clap:

اهنئك علي معلوماتك وفكرك الرائع:D

عراسي فادي :D :akh:

وائل 76

09/08/2006, 01:37

لا منخجل ونص لانو وين ما راح الفرنسي بيحترمو وكمان الانكليزي وكمان الاميركي وكمان الروسي لك حتى الافريقي ....وحاجة نضحك على بعض
اخي العزيز انا متفق معك الى حد ما بوجهة نظرك لكن انا بفترض شغلة مهمة انو معاناتنا نحنا العرب نابعة من وجود مجموعة تيارات او حتى افكار بترفض سياسة الاستعمار الجديدة بمنطقتنا العربية يعني ممكن كتير نخليهم يحترمونا ويقدرونا ويحطونا على راسهم من فوق وهذا سهل جدا انو نقبل بوجودهم بالمنطقة او حتى ما نخليهم بالمنطقة لانهم ما متعودين على جو الحر عندنا وبنكتفي انا نرسلهم كل شي بدهم اياه من عندنا بهيك بنصير احسن ناس بالعالم
يعني من الاخر الي عم يصير معنا هو فاتورة لازم ندفعها لانا في عندنا باقي بعض الافكار بترفض الانحناء امام جبروتهم

شو ما عم تشوف الاخبار منوب .....كل شي مرتبط بالدين وبدك امثلة رح اعطيك
المقاومة الاسلامية في لبنان (حزب الله)
التيار الصدري بالعراق وجيش المهدي
حركة الاخوان المسلمين في مصر والاردن وسوريا
هون انا بختلف معك بنقطة جوهرية انو ما ممكن اعمم حكم معين بالنظر لبعض الامثلة اذا كانت امثلتك صحيحة بدي انا اعطيك مثال واحد وهو انو حماس عندنا دعمت مرشح مسيحي في غزة وفعلا نجح بالانتخابات وانا بعرف كتير ناس مسيحين انتخبوا قائمة حماس يعني بقصد اذا كان المنهج داخل التيار او الحركة هو منهج ديني طبعا هون بقصد التيارات الي اجندتها داخلية فقط اي الي بدون ارتاباطات خارجية فهم اكيد ما بيغفلوا وجود ناس من اديان اخرى ولازم يحققوا الهم بعض مصالحهم
بعدين في سوال اساسي هون بدي اساله شو السبب الي جعل دور الاحزاب والتيارت الدينية يبرز بعتقد فشل كل الايديولوجيات المختلفة الي تعاقبت على هاي المنطقة بانها تحقق اي انجاز هو السبب الاساسي بانو الناس اتجهت للفكر والايدلوجيا المرتبطة بالدين لانها الخلاص بوجهة نظرهم

وبعدين عم تحكي على حشد جيوش المسلمين لنصرة امراءة مسلمة وهي على دور المعتصم ونادت واه معتصماه طيب هاد الحكي شو بدل مو مرتبط الدين
اخي العزيز كوستا بعتقد انو فشل البعض في تحقيق الدور المنوط به في هذا العصر غير مرتبط لا بالعرق ولا بالدين ولا باللغة التخبط الي بنعيش فيه نتيجة طبيعية لعدم وجود قيادات من اعلى الهرم حتى قاعدته قادرة على ان تنهض بهاي الامة وتجعل لها كرامة يعني عم بنعيش نفس تجربة الماركسية الي انهارت ليس لسوء الفكرة وانما لسوء التطبيق
يعني الخلاصة الدين واللغة وكل شي حولنا يمكن لو توفر لناس غيرنا كان عملوا امبراطورية
اما نحنا عم نتجادل باتفه الامور وتاركين الامة عم بضيع شوي شوي
بشكرك اخي العزيز كوستا وبتمنى ما كون طولت بمشاركتي لكن كنت بدي اوصل افكار كتير ويمكن ما قدرت
بتمنالك اوقات طيبة كوستا

الرابط بين القومية والشخصية واضح جدا بدليل الولاء للشخص اكتر من الولاء للارض والوطن
شوف عبد الناصر حطو زعيم العرب والهو شخصيتو وهو اكبر خائن والدليل انو ركب سيارة السفير الاميركي وراح على مقر قيادة الثورة وقت قام بها والدعم كان اميركي بحت
وفي امثلة كتير من رؤوساء عرب وزعماء ومعروفين كلهون شلون مؤلهين

وكمان وجه نظرك انا بحترمها لانك اخي بعتبرك شو ما كان دينك وعرقك
وانا بحترم وجهة نظرك وبحترم رائيك يا اخي العزيز

أنا_بذاتو

09/08/2006, 02:46

ولو أنا من اللاذقية والله العظيم صرت بخجل من اني قول أنا عربي يا شباب صرت من هلا وطالع ما بقول إلا فينيقي
وأنا أدعو لأن نسقط القومية العربية شو رايكن
بســـــــــــــــــــــــ ـــــــــــــــــــــــــ ـــــــــــــــــــــــــ ـام 007:gem: وك حبيبي قبل ما يكون الواحد منا عربي أو فينيفي أو صيني أو موزامبيقي أو شكزولي فهو يولد في البدء إنســـــــــان وهذا أهم شيء.
فإذا ولد هذا الإنســــــــــان في بلد ما يأخذ اجتماعياً وورقياً جنسية هذا البلد وبعدين هو حر في أن يحسّ بالانتماء أو بعدم الانتماء للي بدو ياه.

وكما أنه لا فخر لأمريكي أو لفرنسي بما قام به أجداده ومعاصريه، فلا فخر لعربي أو لفينيقي أو لمسلم بما قام به العرب والمسلمين في الماضي أو الحاضر لأن الإنسان يقيّم بتصرفاته وأعماله لا بتصرفات جده وستّه وأولاد عشيرته. خصوصاً أن الكثير من أولاد "الطيبين" ممكن أن يكونوا عاطلين والكثير من أولاد "السيئين" بمكن أن يكونوا طيبيبن.

الناس اللي بيرفعوا أصواتهم للتصريح دوماً بأنهم من هذه القومية أو تلك، من هذا الدين أو ذاك، هم ناس يحاولون البحث عن نموذج يقتدون ويتشبثون به وهو للأسف نموذج يكون قائماً في أغلب الأحيان ضد نماذج الآخرين مما يسبب الحروب والقتل والدمار بين أصحاب مدّعي الانتماءات المختلفة.

Nirvana

09/08/2006, 10:31

سؤالك كتير صريح وقوي ورح جاوبك

القومية هي مصطلح مأخوذ من كلمة قوم والقوم عبارة عن مجموعة من البشر عاشت مع بعضها وتآلفت على بعضها وشكلت حياة وتقاليد خاصة فيها
وفكرة القومية نشات باوربا في بداية القرن 19 وهي فكرة بتنادي بالتعصب والارتباط الشديد مع ابناء القوم الواحد
اما انو ضد الدين اكيد مانها ضد الدين لانو بتجمع من جميع الاديان بس اتخذت عند العرب الصفة الدينية وبالاخص الاسلامية لانو الغالبية العربية تنتمي الى الدين الاسلامي
وهذا الشيء ادى الى تفككها وانقسامها على بعضها لانو ارتباطها بالدين خلق الطابع المذهبي وهذا اخطر من الطائفي
وفكرة القومية الدينية هي شكل من اشكال النازية الجديدة التي تنادي بصفاء العرق واللون والمذهب واستعباد باقي البشر مهما كان عرقهم و دينهم

المصيبة انو كل واحد بركب اذن الجرة متل ما بدو
بس الشرق الاوسط بالذات محسوب على الاسلام لكن 30% منه ليست اسلام

كلام مزبوط ..
بس ما في مانع انو فكرة القومية بتطبيق وتنفيذ صحيح انها تنجح ..
وكمثال (الاتحاد الأوروبي) .

MR.SAMO

09/08/2006, 10:42

المشكلة الكبرى بالمجتمع العربي هي الدين
وبعتقد مفهومة ليش

Nirvana

09/08/2006, 11:17

المشكلة الكبرى بالمجتمع العربي هي الدين
وبعتقد مفهومة ليش

أكيد . . بس التغيير بشمل كل شي ..
واهم شي ترجع الانسانية هي أساس التعامل بين البشر.

MR.SAMO

09/08/2006, 11:22

أكيد . . بس التغيير بشمل كل شي ..
واهم شي ترجع الانسانية هي أساس التعامل بين البشر.
صدقيني طول مافي العقلية الدينية و الموكلين انفسهم عن الله بدنا نضل هيك لأنه المجتمع العربي مجتمع ذو وجوه كتيرة يعني مانو متحرر وتدينه كله تدين كاذب بالخفاء بيعملوا كلشي الشفافية معدومة بمجتمعنا وهيي اولى العقبات بوجه التغيير

Nirvana

09/08/2006, 11:29

صدقيني طول مافي العقلية الدينية و الموكلين انفسهم عن الله بدنا نضل هيك لأنه المجتمع العربي مجتمع ذو وجوه كتيرة يعني مانو متحرر وتدينه كله تدين كاذب بالخفاء بيعملوا كلشي الشفافية معدومة بمجتمعنا وهيي اولى العقبات بوجه التغيير

صحيح .. واكيد هاي عقبة مو سهلة ..

في القرون الوسطى في اوروبا لما كان الدين هو المسيطر كان المجتمع الاوروبي في قمة الجهل والفقر.. بس صار في تغيير ..
وهاد اللي لازم يصير .

MR.SAMO

09/08/2006, 11:35

صحيح .. واكيد هاي عقبة مو سهلة ..

في القرون الوسطى في اوروبا لما كان الدين هو المسيطر كان المجتمع الاوروبي في قمة الجهل والفقر.. بس صار في تغيير ..
وهاد اللي لازم يصير .
للأسف مو عم نتعلم من تجارب غيرنا الناجحة

Nirvana

09/08/2006, 11:40

للأسف مو عم نتعلم من تجارب غيرنا الناجحة

صار لازم نتعلم ..

MR.SAMO

09/08/2006, 11:42

صار لازم نتعلم ..
ان تصل ولو حتى متأخرا خيرا من أن لاتصل ابدا
بالرغم من التأخير والتاريخ ماعاد يرحمنا بس لازم نتعلم

Nirvana

09/08/2006, 11:56

ان تصل ولو حتى متأخرا خيرا من أن لاتصل ابدا
بالرغم من التأخير والتاريخ ماعاد يرحمنا بس لازم نتعلم

طبعا ..
واللي عملو تغير على مر التاريخ شافو الغلط وين وغيروا ما سألو عن حجم التضحيات اللي بذلوها أو عن صعوبة هالشي ..
والوقت بهالشي مو هوي المقياس .. المهم الفعل.

MR.SAMO

09/08/2006, 11:57

طبعا ..
واللي عملو تغير على مر التاريخ شافو الغلط وين وغيروا ما سألو عن حجم التضحيات اللي بذلوها أو عن صعوبة هالشي ..
والوقت بهالشي مو هوي المقياس .. المهم الفعل.
واحد اهم مشكلاتنا انو مو عم نعترف بأغلاطنا

وســـام888

09/08/2006, 11:57

اخوي بسام

ما تقدر تتخلى عن انتماءك العربي حتى لو في لحظة غضب او يأس نتيجة تراكم الاحباطات الي كلنا نشعر بها .

العيب ليس في عروبتنا ... العيب في القاده ... الي هم الحكام ... الي وصلونا بتشتتهم و تمزقهم و ضعفهم و تبعيتهم و لا اقصد الكل لكن الغالبيه وصلونا للي احنا فيه من ضعف .

نعم اعتز بأسلامي و عروبتي جزء من اسلامي و لكن لو سألتني بمن تعتز اكثر بـ اميل لحود ( مسيحي ) او بـ وليد جنط لوط .. قلت بدون تردد اميل لحود ... اذا فالعروبه موقف من الزعماء .. و طبعا الغرب الصهيوني يحارب اي تقارب بين الدول العربيه و مستمر في سياسة " فرّق تسد " حتى يأتي اليوم الذي تختفي فيه كلمة " احنا عرب " و تحل بدالها (فينيقي) و ( فرعوني ) و ... و ...
و عندها ينام الاسرائيليين الصهاينه مطمئنين ..

الدليل انو لا انت و لا انا نقدر نتخلى عن انتمائنا .. لو كنت بتشجع فريق كوره و كل سنه يخيب املك حتى يأست و بعد مده طويله جاب بطوله تلاقيك لا شعوريا بدا يدب في خلاياك الحب و الحنين له من جديد .. هذا فريق كوره .. فكيف لو انتصر ابناء الدم العربي على الصهاينه مره واحده فقط .. هل ستبقى متبرأ من عروبتك؟؟ ....

للجميع تحيتي

SABE

09/08/2006, 12:01

مدري ليش حاسس إنو اللي كتب الموضوع عمرو إن كترت 17 سنة ؟؟ و عميحكي بموضوع ما بنكر إنو شاغل كتير الناس بهالفترة , بس من منطلق ولادي ..

MR.SAMO

09/08/2006, 12:01

اخوي بسام

ما تقدر تتخلى عن انتماءك العربي حتى لو في لحظة غضب او يأس نتيجة تراكم الاحباطات الي كلنا نشعر بها .

العيب ليس في عروبتنا ... العيب في القاده ... الي هم الحكام ... الي وصلونا بتشتتهم و تمزقهم و ضعفهم و تبعيتهم و لا اقصد الكل لكن الغالبيه وصلونا للي احنا فيه من ضعف .

نعم اعتز بأسلامي و عروبتي جزء من اسلامي و لكن لو سألتني بمن تعتز اكثر بـ اميل لحود ( مسيحي ) او بـ وليد جنط لوط .. قلت بدون تردد اميل لحود ... اذا فالعروبه موقف من الزعماء .. و طبعا الغرب الصهيوني يحارب اي تقارب بين الدول العربيه و مستمر في سياسة " فرّق تسد " حتى يأتي اليوم الذي تختفي فيه كلمة " احنا عرب " و تحل بدالها (فينيقي) و ( فرعوني ) و ... و ...
و عندها ينام الاسرائيليين الصهاينه مطمئنين ..

الدليل انو لا انت و لا انا نقدر نتخلى عن انتمائنا .. لو كنت بتشجع فريق كوره و كل سنه يخيب املك حتى يأست و بعد مده طويله جاب بطوله تلاقيك لا شعوريا بدا يدب في خلاياك الحب و الحنين له من جديد .. هذا فريق كوره .. فكيف لو انتصر ابناء الدم العربي على الصهاينه مره واحده فقط .. هل ستبقى متبرأ من عروبتك؟؟ ....

للجميع تحيتي
فكرة ربط الدين بالعروبة فكر خاطئ
رأيك وانا بحترمه

Nirvana

09/08/2006, 12:01

واحد اهم مشكلاتنا انو مو عم نعترف بأغلاطنا

اكيد لانو ما في ضمير .

Nirvana

09/08/2006, 12:09

فكرة الاتحاد على اساس مشترك ( المنطقة، اللغة، التاريخ، ..) مو خطأ ، يعني فكرة القومية العربية مو غلط ..
بس المشكلة صارت في التنفيذ والتطبيق.

وســـام888

09/08/2006, 12:10

فكرة ربط الدين بالعروبة فكر خاطئ
رأيك وانا بحترمه

و انا كمان احترم رايك .. و ارجوا ان لا تفهم من كلامي اني ضد الاديان الاخرى ..

الدين المعامله .

MR.SAMO

09/08/2006, 12:17

و انا كمان احترم رايك .. و ارجوا ان لا تفهم من كلامي اني ضد الاديان الاخرى ..

الدين المعامله .
انا ماقصدي شو نظرتك للأديان التانية
انا قصدي ربط العروبة أو الوطنية بالدين
تحياتي

محمد ابراهيم

09/08/2006, 12:20

ولو أنا من اللاذقية والله العظيم صرت بخجل من اني قول أنا عربي يا شباب صرت من هلا وطالع ما بقول إلا فينيقي
ما ذنب العروبه ؟؟؟
في وجود منتسبين حثاله يأخذهم الجهله دليلا ضد العروبه .

اذا كان هناك عرب لا يشرفون وكان هناك من هم متلك لا يريدون العروبه
فهذا لا ينفي وجود شخصيات عربيه محترمه ,ولكن السيء يرى السوء في الاخريين .
وأنا أدعو لأن نسقط القومية العربية شو رايكن
على ارض الواقع لا يتوجد قوميه عربيه
بســـــــــــــــــــــــ ـــــــــــــــــــــــــ ـــــــــــــــــــــــــ ـام 007:gem:
تقدر تقول عن نفسك امريكي متحضر
يا عميل

جيمس بوند

وســـام888

09/08/2006, 12:25

اهاه .. معليش اخوي .. مالها علاقه مباشره بالموضوع بس لها علاقه بالكلام الي بعدها انو مسلمين و مسيحيين في هالمنطقه كلنا في مركب واحد و ضد امثال وليد جنطلاط ( حتى لو كان يعتبر نفسه مسلم : الله اعلم ) الي ذابح نفسه ليصير للصهاينه موطيء قدم في لبنان ..

هذا قصدي
مع تحياتي

جورج الأول

09/08/2006, 16:35

في شئ غالبية الشباب مو منتبهينلو أو يمكن حاسينو طبيعي
العرب كل ما بيوقعو بمشكلة ببين التطرف المختفي بأفكارهم عن طريقة ردود أفعالهم
يعني العرب طائفيين وما بيعترفو بالقومية الا بالكتب
متل الموقف العربي الأخير السعودية ومصر و ..ما ساندو المقاومة لأنها شيعية
و اصدرت فتاوي بعدم دعم المقاومة؟
هيك مواقف شو بدو يكون رد فعلها داخل المجتمع العربي يلي بيحكمو فقهاء الدين؟؟
يعني بدو يلحق الفقهاء و لا بدو يلحق قوميتو
شو فو العراق شئ بيقهر؟ كل يوم في 50 شخص ميتين ؟ هي مو مجازر
وبين أهل العراق نفسهم يعني قوميتن وحدة وبلدهم واحد بس الفرق المزهب؟؟؟
الدين عم يشوه القومية.

majd88

09/08/2006, 17:13

كل شيء يجب أن يكون نابعا من الحرية...
فالشعب العربي يجب أن يختار أ يريد الوحدة أم لا

وبما أن الحرية مسلوبة في أوطاننا والشعارات رنانة طنانة وكل زعيم يحافظ على كرسيه بضراوة فهذا الخيار -للأسف- مؤجل حتى إشعار آخر

maro18

09/08/2006, 17:19

في شئ غالبية الشباب مو منتبهينلو أو يمكن حاسينو طبيعي
العرب كل ما بيوقعو بمشكلة ببين التطرف المختفي بأفكارهم عن طريقة ردود أفعالهم
يعني العرب طائفيين وما بيعترفو بالقومية الا بالكتب
متل الموقف العربي الأخير السعودية ومصر و ..ما ساندو المقاومة لأنها شيعية
و اصدرت فتاوي بعدم دعم المقاومة؟
هيك مواقف شو بدو يكون رد فعلها داخل المجتمع العربي يلي بيحكمو فقهاء الدين؟؟
يعني بدو يلحق الفقهاء و لا بدو يلحق قوميتو
شو فو العراق شئ بيقهر؟ كل يوم في 50 شخص ميتين ؟ هي مو مجازر
وبين أهل العراق نفسهم يعني قوميتن وحدة وبلدهم واحد بس الفرق المزهب؟؟؟
الدين عم يشوه القومية.
يمكن فى بعض الاشخاص عم يفرقوا بس مش دول الغالبية
وبعدين بدى نفرق بين موقف الحكام وبين موقف الشعب يعنى عندنا بمصر عن جد ماراح قول غالبية لا بل الكل مع المقاومة وماحدا التفت الا انه شيعى او اى شىء هو فى الاخر انسان وعم يدافع عن بلادة لو بتابع المظاهرات اللى عم تطلع عندنا ومعالمة الامن الها ما كنت قولت هيك