مواقف

ببداية الحرب على لبنان نشر موقع بي بي سي مواقف الاطراف و بصراحة ما عجبني و تغير برأين اشياء كتيرة ، بس انا طلع ببالي اكتب عن رأي الشخصي بمواقف الاطراف

اسرائيل

ما الدافع الحقيقي او مجموعة الدوافع التي قادت اسرائيل لخوض حرب على هذا المستوى من العدائية؟
لا يبدو الرد على خطف الجنديين كدافع حقيقي، هل لتغطية العدوان على غزة؟ و الذي لا يقل وحشية او همجية (وهنا لا استعمل هذه العبارات من منطلق اني سوري و ضد اسرائيل)
ام هل هي الدورة الطبيعية للتنفيس عن الكره الاسرائيلي الذي يتم تغذيته للاسرائيلين منذ الصغر (على منوال ما يتم للاطفال "العرب" مع انه مؤخرا تبدي كثير من الاطراف العربية انفتاحا اكبر للحوار و تقبل الاسرائيليين (وهو امر إيجابي)
هل اراد رئيس الوزراء أولمرت ان يثبت انه قاسي و قوي كسابقيه ؟ بالرغم انه لا يأتي من خلفية عسكرية بل هو من خلفية سياسية بحتة؟
هل هو تعبير عن نبض الشارع الاسرائيلي؟ خاصة مع نتائج الاستطلاعات التي تعطي تأييد للحرب و بمستوى غير مسبوق في العقود الأخيرة؟ لكن ما الذي يدفع الاسرائيليين لتأييد حرب بهذا المستوى مع ان حزب الله لم يكن يطلق صواريخا مؤخرا؟ هل هي مذهبية الانتقام المتجذرة في الأجهزة الاسرائيلية؟
هل هو الدفع الاميركي؟ ام التغطية الاميركية؟ ام ان عامل التغطية الاميركية امر بديهي يسهل اتخاذ قرار الحرب
بغض النظر عن الدافع تبدو اسرائيل في حرب غير ذات جدوى حقيقية على المستوى السياسي، و بدون اي اهداف استراتيجية أو حتى تكتيكية مدروسة؟

فالتخبط بالتصريحات و التناقض، و التراجع من شريط امني بعمق 10 كيلومترات إلى 1كيلومتر، يدل على وجود رغبة بالحرب اكثر من رغبة في تحقيق اهداف واقعية، و تبدو اسرائيل الآن بشكل واضح في مأزق البحث عن انتصار سياسي من نوع ما و هو ما لا تدركه و كلما ازداد تورطها كلما تضائلت الفرص، و تبدو انها تراهن على ضغط لبناني داخلي يجبر حزب الله على تقديم تنازلات حتى لو من باب العطف على شعبه الممزق. الاصوات المعترضة داخل اسرائيل على الحرب كانت خجولة و بدأت بالعلو مؤخرا و لكن لا يمكن الاعتماد عليها، و تبدو اسرائيل الطرف المنفعل ميدانيا في هذه المعركة.

لبنان
يبدو لبنان موحد نوعا ما، مدمرا بشكل كبير، تنخفض الأصوات المهاجمة لحزب الله، حتى في صفوف اشد خصومه السياسيين، ربما ما لم يحسبه الاسرائيليين و اصدقاءهم الاميركان ان عدوان متوحش بهذا المستوى، اثار حالة الامتعاض من حزب الله و لو له في الأيام الأوائل بين اللبنانيين غير المؤيدين للحزب، لكن و مع استمراره و ازدياد شراسته و انواع الاهداف التي استهدفها (مدنيين و بنى تحتية) اثار امتعاض من نوع آخر، فلبنان الذي يضرب هو "لبنانا" و ليس لبنان حزب الله او الشيعة فقط.

العدوان الاسرائيلي وحد الشيعة سياسيا، وهم الذين كانوا منقسمين بين حزب الله و حركة امل، بالرغم من ان الانقسام لم يكن انشقاقا لكن يبدو عمل امل و حزب الله اكثر من تنسيق، و هو تغيير للتوازنات السياسية في لبنان ذي الوضع الطائفي الخاص، فلبنان "ماروني" لكن أكبر اقلية هي الشيعة و توحدها سياسيا يعني اعطاء ثقل سياسي من نوع اخر للشيعة.

من جهة اخرى من جملة الاخطاء الاستراتيجية للاسرائيليين و الاميركان، هو تنفيذ مثل هكذا عدوان بخلال حكومة تحكمها اغلبية سياسية موالية للاميركان و منفتحة اكثر من غيرها على خيار السلام مع اسرائيل، لكن ذلك لم يشفع للبنان، حتى ان وسام الأرز الممنوح لبولتون يخبو بريقه و قدرته على العمل متى تجاوز عنجر جنوبا، حتى ان هذه الصداقة لم تستطع تأمين فتح ممر إنساني للمساعدات الطبية و الغذائية، لقد ساهم ذلك و بشكل عملي في تبيان الفرق بين المزاودين و المبايعين و وزنهم الحقيقي محليا و دوليا، وبين من يتكلم بلسان لبناني و رؤية لبنانية (عون و الحص).

هل تمهد ضربة اسرائيل إلى مرحلة جديدة ترجح فيها الكفة في لبنان لصالح السياسيين المستقلين على حساب الزعامات "التاريخية" للطوائف؟

الملاحظة المهمة: هي ان لبنان ما يزال ساحة الصراعات و تصفية الحسابات الاقليمية، و تبدو حكومته عاجزة عن حماية نفسها، و جيشه اقرب إلى الدفاع المدني منه إلى جيش نظامي، و تبدو هذه الحرب هدر لأهم ما يمكن ان يقدمه هذا البلد الصغير كمقصد سياحي رئيسي و مركز اقليمي للخدمات المالية و الاقتصادية، وهو ربما ما لا يريح اسرائيل على المدى المتوسط و الطويل.

حزب الله
عند الامتحان يكرم المرئ أو يهان، اثبت حزب الله انه ند و خصم من نوع رفيع، هل قام حزب الله بالعملية بدفع من سوريا للرد على اسرائيل في تجاوزاتها الاخيرة (الطيران فوق القصر الرئاسي)؟ هل قام بدفع من ايران للتغطية على تطورات قضية القدرات النووية؟ ام هل قام بها للتخفيف عن جبهة الداخل في غزة ؟ هل كانت كل هذه النقاط بحسابه؟ يبدو حزب الله اكثر من اداة بيد هذه الدولة او تلك، وهو فعلا دولة في قلب دولة، و يبدو ان له حساباته الخاصة و اهدافه المرحلية و الاستراتيجية، و يبدو انه يقوم بحساباته بشكل دقيق و مبرمج. بالرغم من ان الرد الاسرائيلي الذي فجرته عملية خطف الجنديين اكبر من اي توقع، إلى ان الحزب اثبت بما لا يقبل الشك انه يقوم بتحركات مدروسة سياسيا و عسكريا و اقليميا، و يبدو انه الطرف الفاعل.

هل تستطيع اسرائيل انهاء حزب الله؟ لكن لا يبدو المطلوب هو إنهاء حزب الله اصلا، إنما نزع سلاح حزب الله؟ فحزب الله اكبر من ميليشيا مسلحة من طائفة معينة، و جزأ اساسي من التركيبة السياسية، مع ذلك الحالة العدائية و الوضع السياسي العام في المنطقة يجعل من اي طرف واعي متحفز إلى ابعد الحدود خاصة عندما يكون بمواجهة خصوم تهوى لغة الحديد و النار و لا ترى من ضرورة للحوار ما زالت "قادرة" على فرض شروطها و تفضل استعراضات القوة و الترويع.

سوريا
حققت الحكومة السورية انتصارا من نوع ما على قوى 14 آذار التي ظهرت بمظهر العاجز و المعزول و التي لم تستطع أن توقف أو تحد من اذى لبنان، من جهة اخرى بدت الدولة العربية الوحيدة المؤيدة لقوى المقاومة، والوحيدة الصامدة بوجه العدوان الاسرئيلي الاميركي، مع ان هذا الصمود تنقصه الكثير من الشجاعة، و تملؤه البراغماتية، فبالرغم من التصريحات النارية الصادرة عن الوزراء و السفراء السوريين حول رد أي اعتداء أو حتى التهديد بالتدخل في حال اجتياح لبنان، إلى ان الحكومة ما زالت تنظر بعين متوجسة إلى الأميركان المتواجدين على حدودها الشرقية و احتمال انجرارها المحتمل إلى حرب غير محمودة العواقب، لكن ربما الخوف ايضا من تزعزع "الاستقرار الداخلي" فبالرغم من ان العدو الخارجي يوحد الاطراف السورية دائما، وبالرغم من أنه لا مجال للتشكيك في ولاء و وحدة الشعب السوري مع حكومته إلى ان حالة عدم الثقة بين الحكومة والشعب لا يمكن إغفالها بسهولة في المعمعة الجارية.

العزلة التي فرضتها الاميركان على سوريا تبدو الآن كعزلة لاميركا نفسها عن احد اهم اطراف الحل، طبعا إذا كان الأميركان ينظرون إلى حل فعلا، مع ذلك يبقى اللحن المعترف بالتفوق الأميركي حاضرا في تصريحات دمشق، حتى التي تحمل لوما ضمنيا او صريحا للاميركان في استمرار الحرب. تغيب اللغة الثورية عن هذه التصريحات، لكن يمكن دائما قراءة نوع من الاستسماح فيما بين السطور.

التلميح إلى جبهة الجولان و هي الجبهة التي تفادت الحكومة حتى الحديث عنها سابقا، علا ليصل إلى مرحلة الإعلان عن نشكيل هيئة شعبية لتحرير الجولان، لا تزال في طور القضية الإعلامية و ورقة الضغط التي على اسرائيل أن تراعيها في حال دخول أي مفوضات قريبة، و تضيف إلى قائمة مسببات "وجع الرأس" الإسرائيلية، و ربما اكثر من ذلك في حال تم الربط مع خلايا المقاومة الموجودة اصلا على الطرف الآخر لخط وقف النار في الجولان. بجميع الاحوال تبدو فكرة التزلج على منحدرات الجولان و الاستحمام بماء نبع الحمّة الكبريتية مغرية للغاية.

الشعب السوري، اثبت ان الأخوة مع الشعب اللبناني هي اكثر من برنامج اسبوعي على القناة الحكومية أو زيارات تسوق في نهايات الاسبوع. بجميع الاحوال الروابط العائلية و التاريخية عميقة، بالرغم من الغضب و الشقاق الذي نجم عن قضية مقتل الحريري و تفاعلاتها كان كبيرا، إلا ان اسرائيل عملت و بكل ما أوتيت من "قوة" على إزالة الشوائب في العلاقة الأخوية بين الشعبين.

ايران
تبدو ايران اللاعب الاكبر بالمنطقة، فمن دورها المهم و الفعال و قدرتها على لعب دور حيوي في استقرار العراق، إلى دعمها الرئيسي لحزب الله، دون الوقوف عند اتفاقيات الدفاع الاستراتيجي، والرئيس احمد نجادي لا بد أنه يشعر بامتنان شديد لاسرائيل لمساعدتها في حشد المؤيدين حوله خاصة ممن لم تكن مواقفه الدولية الحادة تروق لهم، اما أميركا التي ما فتأت تلوم ايران بسبب و بدون سبب، لم تقدم خدمات اقل بحشد تأييد دولي حول نجادي من أوزبكستان إلى فنزويلا.

إيران لها اجندتها السياسية، و إيدلوجيتها المتشددة، لكنها تبدو حليف استراتيجيا لسوريا، و تبدو بوعي اقليمي اسلامي اكبر من دخول مهاترات سنية شيعية أو عربية فارسية، على العكس فهي تعمل على فتح قنوات مع العربية السعودية، وهو ما يجب ان تخشاه اميركا مرتين.

اميركا
لا تبدو الولايات المتحدة بحالة غطرسة غير طبيعية، لكنها و قوى عظمى تبنت سياسة الحرب و المباشرة و الاستعمار القديم ويبدي سياسيوها يوما بعد يوم نفاذ صبرهم من إضاعة الوقت في فتح حوارات و قنوات دبلوماسية ما زالت القوة كفيلة بتحقيق كل شيء.

لكن الاخطاء الاستراتيجية المرتكبة تبدو كبيرة، إن النفوذ الصهيوني في السياسة و الإدارة الأميركية واضح، و لا يمكن فهم السياسة الأميركية الخارجية و خاصة بما يتعلق باسرائيل دون الاطلاع على الدور التي تلعبه اللوبيات الصهيونية داخل اميركا، لكن هل يتم فعلا إجراء الحسابات الدقيقة؟ لماذا كسرت اميركا قواعد اللعبة حتى الرمزية منها؟

تدرك اميركا قدرتها العسكرية، و تجاوزها لسقف القوانين و التشريعات الدولية، و لاتعوزها الخبرة في استصناع الأسباب للهجوم على هذه الدولة أو تلك أو للدخول في هذه الحرب او تلك، كما تسيطر الحكومة بشكل جيد على الآلة الإعلامية الداخلية لناحية حشد تأييد اميركي في "الحرب ضد الإرهاب" و الاشرار من اعداء "الحلم الاميركي". لكنها تتجاهل كثير من المعطيات الاخرى.

هل تقوم اميركا بإعادة تشكيل الشرق الأوسط؟ ام ان دورها توقف عند تفكيك الشرق الاوسط القديم؟ لتعيد هذه المنطقة، التي ما فتأت تجتذب القوى العظمى إليها منذ قدم التاريخ، تشكيل نفسها و ربما تشكيل العالم؟ لا تدخل هذه التساؤلات في بند الدعاء على العدو بالهلاك. لكن التاريخ يعلمنا أنه مهما كانت القوة عارمة فإن فقدان الرؤية الاستراتيجية عواقبه وخيمة للغاية.

الدول "العربية"

انقسمت الدول العربية في آراءها، خاصة في بداية العدوان بين لائم لاسرائيل و لا ئم لحزب الله، لكن التصريحات المتسرعة بعض الشيء تغيرت كما تغيرت آراء جميع دول العالم و تقييمها للوضع. بعد ان اتضحت ان العمليات العسكرية الاسرائيلية تتجاوز حدود العقاب او الرد على حزب الله.

ردود الافعال هذه لم تأتي من رجاحة عقل سياسي، أو من وجهة نظر بديلة لخيار المقاومة، لكنها تفاوتت بين البراغماتية السياسية و عدم الرغبة في إغضاب الحليف الأهم في المنطقة من جهة، و بين التوجس من البعد الإيراني، و بالحالتين لا يوجد بعد نظر حقيقي. كما ان التحول في ردود الافعال يعكس نبض الشارع و عدم الرغبة بالانفصال التام عن في قضية بهذه الحساسية. المواقف التمييز بين مواقف الشعب في سوريا الذي لم ينتظر مرجعية دينية أو مذهبية او سياسية لتصدر له فتوى الوقوف مع حزب الله، حيث ينبع التضامن مع حزب الله من النظر له كمقاومة، ليس فقط استطاعت تمريغ انف اسرائيل بالتراب، و لكن و ربما بشكل ضمني، كقوى تدافع عن الأرض السورية. أو أرض الشام.

اوروبا و فرنسا و روسيا و الصين

تبدو اوروبا اكثر إنسانية من الأميركان و لكنها مع ذلك لم تستطع مع ذلك مواجهة القرار الأميركي بعدم وقف الحرب، و لا حتى الدفع بالاتجاه الآخر، كما ان الاصوات المحابية لاميركا او المراعية للسياسة الاميركية الخارجية تظهر هنا و هناك، فمن طوني بلير الذي اغضب البريطانيين (ليس للمرة الأولى) بانصياعه لبوش، إلى المستشارة الألمانية التي تقول تحليلات "لغة الجسد" لصور اجتماعات الجي 8 انها تنطوي تحت جناح بوش بكل خضوع.

خدمة اخرى قدمتها اسرائيل للعالم هو إعادة التمايز بين السياسة الاميركية و الفرنسية، ففرنسا ارسلت وزير خارجيتها في بداية الحرب و هي رسالة تضامن قوية للغاية. لكن في ظل ما يحدث لا يمكن عزل نظرة التوجس الأوروبية إلى حزب الله، الذي هو مقاومة "إسلامية" مسلحة، و ما تثيره مثل هذه التركيبة من حساسية عالية، خاصة بظل الصورة الذهنية "المميزة" للمجموعات الاسلامية المسلحة او الناشطة التي عملت و بكل صدق و إخلاص القاعدة و اصدقاءها على بناءها في السنوات الأخيرة. فالبنسبة لهم هي قضية شائكة لا يريدون إبداء تأييد لمنظمات من هذا النوع، بغض النظر عن الفارق الشاسع. و ربما هذا ما يفسر قيام الخارجية الروسية بإصدار قائمة بالمنظمات الإرهابية شملت المنظمات الإسلامية الشيشانية و غيرها من دول الاتحاد السوفيتي السابق، و ذلك دون أي ذكر إلى حماس أو حزب الله، في إشارة إلى تمييزها بين المقاومة أو "أطراف الصراع" في الشرق الأوسط و بين أعدائها الإيدلوجيين.

الصين كانت اقرب إلى الصمت و المتابعة، لكن اسرائيل قامت بقتل جندي صيني من القوى الدولية و هو ما ردت عليه الصين بطلب اعتذار رسمي و بتقديم مشروع قرار لمجلس الأمن الدولي قامت اميركا بتخفيف لهجته، و اكتفت الصين بهذا القدر لتعود لمتابعة الأوضاع، ربما لتدع الأعمال الوسخة للأوروبيين و الاميركيين و من ثم تتدخل عندما تتضح المواقف بشكل افضل.


بشكل عام تبدو هذه الحرب مجهولة النهاية و مفتوحة على اكثر من احتمال من حرب عالمية ثالثة إلى النهاية المعتادة للاعتداءات الإسرائيلية على لبنان.

العدوان و جرائم الحرب
(هذا بند مهم و له علاقة بموقف اسرائيل تحديدا) بس والله انعست بكتبو بكرا، اكيد اللي عم يقرا و ضل لهلق بيكون مل و عاف سما هيهيهي

(يتبع)

عزيزي دانيتو، أول شي اشتقنالك يا زلمي، وين هالغيبة؟؟؟؟؟
بعدين يا أبو شريك اسمحلي و للمرة الأولى خالفك بالرأي، أنا وضحت رأيي قبل هالمرة، بس هلأ بظن في حوار جاد و عقلاني، أنا برد و بكرر حزب الله هو أداة في يد اسرائيل، وهوي خط الدفاع الأول لإلها، يعني بتحركو إيمتا ما بدها و كيف ما بدها، كلنا منعرف اسرائيل كان بدها حجة لتضرب لبنان و حزب الله عطاها هالفرصة على طبق من ألماس.
بعدين عزيزي دانيتو، حزب الله ما بمثل الشعب اللبناني، ما عندو حق يتحكم بمصير هالشعب اللي عمرو ما رتاح، يعني ما كان عرفان إنو لما يعمل عملتوا رح ترد اسرائيل؟؟؟ كان متوقع إنو تحط رجل عرجل و تتكتف و تروح تشكيه لمجلس الأمن؟؟؟؟؟مانو عرفان إنو اسرائيل ما بتسأل على مجلس الأمن و حاططوا بصرمايتها؟؟؟؟؟ ماتوقع كل هالمجازر تصير؟؟؟؟؟؟لما كان متوقع اسرائيل تستسلم و تعقد اتفاقية تبادل أسرى؟؟؟؟؟؟؟
من كل هالشي بظن إنو في حلقة مفقودة، في شي غلط، يعني إذا بدنا نسلم إنو حزب الله و نصر الله بهمون الشعب اللبناني، المفروض يكون أذكى من هيك، مو بهالغباء المستشري، يعني ولد صغير ما بيعملها، كل هاللي عمبصير بلبنان بيتحمل مسؤليتو اسرائيل بالدرجة الأولى و حزب الله بالدرجة التانية، و بعدين حزب الله مو دولة عندا طيارت و صواريخ و مارينز و جيش طويل عريض، لأ هوي عبارة عن ميليشيا، عصابة يعني، هالميليشيا عمتتحدى جيش اسرائيل اللي كل أسلحتو من أميركا و ببلاش كمان، لأ و أكتر الأسلحة تطورا و أكثرها فتكا، يعني ماكان حاسب هالحساب؟؟؟؟؟؟ و اسرائيل لو بدها تستعمل قدرات جيشها الكاملة بتروح الوطن العربي كلو، بكفي إنها قوة نووية، بعدين اسرائيل بالأقمار الصناعية اللي زارعتها بالفضاء فيها تحدد مواقع العدو اللي بدها ياه، و تقصفو بقنبلة صغيرة، مرة تانية مابدي ينفهم إني عمعظم باسرائيل، بس هي وقائع و حقائق، و اسرائيل لاتستهينو بحجمها الصغير، وراها أميركا و أوروبا، بكفي إنو أسلحتها و جيشها ببلاش، يادوب بتدفع بس مصاريف العساكر من أكل و شرب و منامة، و الأسلحة و غيرها بتجيها عبارد المستريح من أميركا. اسرائيل بدها دولة تحاربها، مو ميليشيا!!!!!!!!

و يا ريت وقفت عاسرائيل، كلنا سمعنا خطاب الظواهري على الجزيرة، يعني فتح الباب للإرهابيين كمان يفوتوا علبنان، بكرا تنظيم القاعدة بيدخل(بأمر من أميركا و اسرائيل) و بيطلع عميل الموساد الأكبر أسامة بن لادن و بصير يطالعلك فتواي و أشرطة فيديو و تسجيلات صوتية، بصير يحض على الجهاد ضد الشيعة أو متل ما بسموهن"الروافض" و بتعلق بين السنة و الشيعة و لحق إذا بتلحق، و كلو على حساب هالأطفال و المدنيين، هنن بس اللي بيدفعوا التمن.

كل هالمجازر اللي صارت بلبنان بسبب هالكام اسير سواء كان اسرائيلي أو لبناني او فلسطيني، أو شو ماكان، و شو ما كان عددن، بيستاهلوا نضحي بهالعدد الكبير من الأطفال منشانن؟؟؟؟؟؟ يعني صار الاطفال اللي انقتلوا بهالحرب شي 200 طفل، وين العدل؟؟؟ و ين التكافؤ؟؟؟؟؟ مع إنو الطفل بكرا بيكبر و بكون عيلة، يعني باختصار انقتل جيل كامل لما انقتلوا الأطفال.
أنا برأيي نعيد حساباتنا شوي و نفكر لبعيد، و ما نحصر تفكيرنا بهالكام متر اللي قدامنا، عالمدى القريب ببين إنو حزب الله و طني و بحب لبنان و خايف عمصلحتو، بس فكر فيها شوي عالمدى البعيد بتلاقي إنو كلشي عمبساوي بحقق مصالح الدولة اليهودية بالدرجة الأوى، يعني ليش هنن بفكروا بمستقبل أطفالن و نحنا لأ؟؟؟؟؟؟؟؟؟؟

تسجيل متابعة

عزيزي دانيتو، أول شي اشتقنالك يا زلمي، وين هالغيبة؟؟؟؟؟
بعدين يا أبو شريك اسمحلي و للمرة الأولى خالفك بالرأي، أنا وضحت رأيي قبل هالمرة، بس هلأ بظن في حوار جاد و عقلاني، أنا برد و بكرر حزب الله هو أداة في يد اسرائيل، وهوي خط الدفاع الأول لإلها، يعني بتحركو إيمتا ما بدها و كيف ما بدها، كلنا منعرف اسرائيل كان بدها حجة لتضرب لبنان و حزب الله عطاها هالفرصة على طبق من ألماس.
شكرا ابو طريق عالتحية و الرد :D
بس بصراحة انا ما يوافقك الرأي انو حزب الله "اداة اسرائيل" هلق اسرائيل اكيد عندها اهداف بضرب لبنان تتعلق بمواضيع مو عسكرية و لا أمنية و ذكرت هادا الشي بس شو غير ضرب حزب الله كهدف رئيسي "كان" بدهن
بس تحليلك كمان لازم يكون متكامل مع الأوضاع و لذلك انا حطيت كتير اطراف لأنو ما فينا نعزل الاطراف عن بعضها و منطقيا حزب الله وضحت انو اكثر من اداة أكيد هو بيستفاد من دعم سوريا و بس هوي حزب سياسي عقائدي

بعدين عزيزي دانيتو، حزب الله ما بمثل الشعب اللبناني، ما عندو حق يتحكم بمصير هالشعب اللي عمرو ما رتاح، يعني ما كان عرفان إنو لما يعمل عملتوا رح ترد اسرائيل؟؟؟
ما بعرف إذا قريت الموضوع كلو و لا بس الجزأ المتعلق بحزب الله بصراحة حاسك قريت بسرعة كتير، بعرف انو الموضوع طويل و ممل شوي بس انا ماني شاطر كتير بالكتابة و الوضع معقد و في اشياء ظاهرة و اشياء يتم استقراءها و في شربكة ..

و اسرائيل لو بدها تستعمل قدرات جيشها الكاملة بتروح الوطن العربي كلو، بكفي إنها قوة نووية،
القنبلة النووية هي خيار شمشون لانو ما هي عبارة عن يورانيوم مخصب او بالستية، تأثيرها الإشعاعي و اللي هو الاخطر بتل ابيب ما رح يكون اقل بكثر من بيروت او دمشق

مابدي ينفهم إني عمعظم باسرائيل، بس هي وقائع و حقائق، و اسرائيل لاتستهينو بحجمها الصغير، وراها أميركا و أوروبا،
لازم نقرا التاريخ، أنا ما بدي اعمل عنتريات بس وضحت رأيي كمان، القوة لحالها ما بتعمل شي بدك تقعد على طاول المفاوضات، و التاريخ بيقول انو الاخطاء الاستراتيجية تمنها غالي حتى على اكبر القوى

خطاب الظواهري على الجزيرة، يعني فتح الباب للإرهابيين كمان يفوتوا علبنان، بكرا تنظيم القاعدة بيدخل(بأمر من أميركا و اسرائيل) و بيطلع عميل الموساد الأكبر أسامة بن لادن و بصير يطالعلك فتواي و أشرطة فيديو و تسجيلات صوتية، بصير يحض على الجهاد ضد الشيعة أو متل ما بسموهن"الروافض" و بتعلق بين السنة و الشيعة و لحق إذا بتلحق، و كلو على حساب هالأطفال و المدنيين، هنن بس اللي بيدفعوا التمن.

بجوز هادا اللي عم يراهنو عليه الاميركان

كلمة اخيرة : اسرائيل و وحدها فقط هي التي تتحمل مسؤولية قتل كل طفل و مدني و امرأة
لوم حزب الله هي قول واحدا من ركائز الدعاية الاسرائيلية إذا بدنا نحكي بهالمنطق انو اسرائيل عم ترد على حركشات حزب الله (مع انو نحنا هون عم نحكي بسياسات دول استخدام آلة عسكرية مخيفة للهجوم على مدنيين): يعني بالبحث عن المسبب الاساسي فهو اسرائيل هي اللي ضرب لبنان و عملت جيش جنوبي مرتزقة و معتقلات غير انسانية و حتى بعد ما حققوا هدف دخولون الاساسي الاول على لبنان (وقف الهجمات الفلسطينية من لبنان) و بعد ما وقعوا صلح مع الفلسطينيين ضلو بالجنوب عم يشنعوا يمكن منشان اساس الصراع الحالي :المياه..
يعني هني اللي بلشوا
في كتير نقاط الا علاقة بالجزا الأخير اللي ما كتبتو
ليش الاسرائيليين بيعملو تدمير مقصود للمخيمات و المباني و بيقتلو مدنيين و امم متحدة

تسجيل متابعة

me 2:gem:

أنا قريت دانيتو شو كتبت، قريت لما حكيت عن إنو هالضربة وحدت اللبنانيين بدل من تفرقن، بس ليش؟؟؟ لأن خلص، وقع الفاس بالراس، و معد ينفع الندم، اللي راح راح، و الاطفال اللي ماتو ضللوا حسرة بقلب أهالين وقلب العالم اللي شافوهن عالتلفزيونات، و كمان بعرف إنو هالأهالي ما عمبلوموا حزب الله بنوب، لأن هلأ مو وقتو، لأن إذا صار لوم لحزب الله كأنن عمبقولوا لاسرائيل خدي راحتك، نحنا معك و ضد بلدنا، بس هي رسالة لاسرائيل من الشعب إنو نحنا فهمنا اللعبة تبعك و تبع حزب الله و مارح نسكت، رح نكمل الكذبة، و هلأ حزب الله و اسرائيل بمأزق قدام المجتمع الشعبي الدولي و الرأي العام، بعدين مو كل اللبنانيين مع حزب الله، بس الشيعة و هالكام واحد اللي متعاطف معن و شرب المقلب، بس باقي لبنان عرفانة اللعبة، و مبارح طلعت وحدة عالتلفزيون حكت هالشي، و قالت: "مين بدي ناشد؟؟؟ و جاوبت حالها باستهزاء:"نصر الله؟؟؟؟!!!!!!!!!! وقفوا هالحرب بقا" هادا هوي لسان حال اللبنانيين إذا مو كلن معظمن.
لو إنو اسرائيل اللي بلشت، كنا قلنا في شك بالموضوع، بس حزب الله بلشوا أول لما خطفوا الجنديين، و كأنو كانت رسالة لاسرائيل تعي ضربينا، أطفالنا عميستنوا الموت عأحر من الجمر،و اسرائيل عالسريع ضربت البنى التحتية مشان الشعب يتخوزق، مو مشان شي تاني، هادا هوي السيناريو اللي ماشية عليه المنطقة، وكلو للتغطية عاللي عمبصير بالعراق و فلسطين، و كلو كمان مشان تبلش ما يسمى بالمعونات، اللي راحت اغلبيتها لجيوب المسؤولين بلبنان، و عطوا الشعب يادوب من الجمل إدنو، يعني اللعبة مكشوفة و واضحة!!!!!!!!!!
أنا مابدي قول إنو نسكت لاسرائيل، لأ، بس ليش ما نروح عخيار السلام؟؟؟؟؟ كلنا منعرف الجولان كيف راحت من إيدنا، يعني مارح ترجع، خلينا نعمل سلام و نحل هالمشاكل بقا، خلي بلدنا تنتعش شوي بالاستثمارات الأجنبية، و حتى اليهودية يا أخي، شمعنا كوكا كولا و بيبسي فاتت عبلدنا؟؟؟؟؟؟؟؟؟؟؟؟؟؟؟؟؟؟؟ ؟نحنا ما عنا شعب يفكر متل الغرب، نحنا شعبنا ملتهي بلقمة خبزو و مانو مهتم باللي عمبصير، رجال الدين سواء مسيحي أو إسلامي نازلين غسيل بأدمغة هالعالم، خلي اليهود يستثمروا عنا و يشغلوا الشباب العاطل عن العمل، بركي اليهود بأنجزوا ما عجزت عنه حكومتنا!!!!!!!!!!!!!!!!!!!!
هلأ مو وقت حرب، لا إلنا ولا لغيرنا، خلينا نفكر بشبابنا و أطفالنا و مستقبلنا، خلينا نفكر بالمشاريع اللي بدها تبني بلدنا، و ما نفكر بالحروب اللي بدها تدمرنا و تدمرها، خلينا نفكر كيف نوعي الشباب و نحمين من التطرف، خلينا نغرز حب العلم بأطفالنا، نغرز فين حب السلام و نبعدن عن الكره و الحقد.
أنا ماني ضد الحرب، بس مو وقتها هلأ، مو لأننا قلال، ولا لأن أسلحتنا أقل، بس لأن أسلحتنا مو متطورة متل أسلحتهن، لك إذا بدنا نرمي صواريخ،يا سيدي حتى لو كانت رؤوسها كيميائية، اسرائيل بتقدر توقفها و تعكسها كمان بقمر صناعي واحد من أقمارها المزروعة بالفضاء، فالعبرة لا بكم السالح ولا بكم الجنود، العبرة بنوع السلاح و مدى تطورو، فبالتالي نحنا و حزب الله أسلحتنا مو خرج تضرب اسرائيل، بعدين أولمرت و حكومتو ولاد حرام يا أخي، مو أغبياء، لو مو موفية معاهن كانوا وقفوا الحرب من زمان وما رضخوا، ما من طول عمرن الصهاينة و اليهود جبناء، بس مو مأثر فيهن شي، فما سائلين و بيقلولك إطلاق النار بدو شي أسبوعين تانيات!!!!!!!!!
هادا هوي الواقع اللي مخبا، اللي مابدن يانا نعرفوا، بدن نضل- عأساس- عمنقاوم مشان يردوا رد بشع و بقرف.
هالمرة أنا آسف لأني طولت، و أخي دانيتو لا تواخزني.:D

أول شي بسجل شكر لكل الشباب اللي عم تابع و خاصة كريمبو و ياس و ابوطريق
ابوطريق
طيب انا ضد الحرب و مع السلام قلبا و قالبا و بالطرق الدبلوماسية ، بس خيار الحرب قائم من اسرائيل قبل عنا و لذلك الموضوع دقيق
انا رايي كنا نحشد عمل دبلوماسي دولي و عربي و نلم الشمل بس الوضع آكل هوا

يا سيدي بس ملاحظة على فكرة الاستثمارات ما في مانع من استثمارات و الخ بس هي كمان و لاتزعل مني مقولة شوي مسطحة من ناحية الاقتصاد السياسي

و لو انو ما الها علاقة مباشرة بالموضوع، بس المطلوب هو حرية و تسهيلات و تشجيع الاستثمارات المحلية المتوسطة الصغيرة لانها هي اللي قادرة عمليا على خلق فرص عمل و هي النواة لشركات كبيرة وطنية، اما الاستثمارات المالية الضخمة بالشركات المالية (الكوربوريشن) فهي فيها بلاء اكتر من الإفادة و فيها دعم مركز سياسي لأصحاب رؤوس الأموال بلا بلا من تبع نقد الراسمالية: المحصلة المطلوب حرية و إنعاش اقتصاد محلي و انفتاح على الخارج قبل الحديث عن الاستثمارات المتدفقة من الخارج

السلام هو خيار استراتيجي للكل بس اسرائيل هي الخاسر الأكبر من إشعال الحروب يعني هي عطتنا فرصة هلق نطالب بقوة بالجولان و ضعف موقفا التفاوضي

دانيتو عزيزي، شلون عمتحكي عن الجولان؟؟؟؟؟ مابتعرف كيف راح؟؟؟؟ مابدي احكي و فوت بكاني و ماني، بس راجع معلوماتك التاريخية عن الجولان و شوف كيف راح، فما بحقلنا نطالب فيه، أنا مارح احكي أكتر من هيك، اما بالنسبة للانفتاح و الشركات الكبيرة و المشكلة الاقتصادية، أكيد هي مو موضوعنا، بس عمشوف نتائجها بالعالم الغربي، و بالامارات و خاصة بدبي، و بعد كام سنة هوني بالأردن.
و أبو شريك، لاشكر عواجب، بالعكس، نحنا لازم نشكرك لأنك عمتفتح مواضيع و نقاشات جادة و هادفة و بالأهم محترمة، يعني الواحد بحس حالو بني آدم لما يناقشك و يتحاور معك، حتى لو كان في اختلاف بوجهات النظر، و هي أحلى وردة لأحلى ورد:D

دانيتو عزيزي، شلون عمتحكي عن الجولان؟؟؟؟؟ مابتعرف كيف راح؟؟؟؟ مابدي احكي و فوت بكاني و ماني، بس راجع معلوماتك التاريخية عن الجولان و شوف كيف راح، فما بحقلنا نطالب فيه، أنا مارح احكي أكتر من هيك، اما بالنسبة للانفتاح و الشركات الكبيرة و المشكلة الاقتصادية، أكيد هي مو موضوعنا، بس عمشوف نتائجها بالعالم الغربي، و بالامارات و خاصة بدبي، و بعد كام سنة هوني بالأردن.
و أبو شريك، لاشكر عواجب، بالعكس، نحنا لازم نشكرك لأنك عمتفتح مواضيع و نقاشات جادة و هادفة و بالأهم محترمة، يعني الواحد بحس حالو بني آدم لما يناقشك و يتحاور معك، حتى لو كان في اختلاف بوجهات النظر، و هي أحلى وردة لأحلى ورد:D
:D مية وردة
شو الجولان راح ما راح ؟؟ راح ازعل منك
ابو شريك بالعكس هلق صار فينا نطالب بالجولان اكتر بدون سلام هاتو الجولان و خدو سلام.. بصراحة حروب لبنان مثل العادة الرابح الاكبر اللي بيطلع منها هو سوريا مو لأنو نحنا شعلنا الحرب و لا انو بدنا ياها بس هيك وضعنا الجيوسياسي و طريقة لعبنا و استفادتنا من اخطاء الغير
هالمرة اسرائيل غلطت و الشعب اللبناني دفع التمن و نحن و ايران رح ناكل الطعم و نـ** عالسنارة
انا كل زعلي على هالبنانية الدراويش و لبنان اللي شوهوا تشويه

me 2:gem:
شرحو
تسجيل متابعة

شرحو
تسجيل متابعة
ناطرة التتمة....موضوع تمام...:D

أول شي .. ردا على أبو طريق ..
أسلحة أسرائيل ما هيي أسلحة فتاكة .. هي أسلحة ذكية ..

الأسلحة الفتاكة هني بيد

الصين .. كوريا .. روسيا .. أيران .. سوريا ..

اللي برأيي رح يشكلو تحالف ضد أمريكا .. أسرائيل ..

و الأتحاد الأوروبي رح يكون مشاهد للأحداث فقط ..

تاني شي ..

الحرب في لبنان .. أزا ما توققت .. بـأذن من سوريا .. رح تأدي لـحرب عالمية 3 ..


يتبع .....

اي وانا كمان تسجيل متابعة وشكرا عالموضوع
بس هلق كأني فهمت من الاخبار انو فرنسا وبريطانيا حابين او بالاحرى عم يحاولو يهدو الوضع

الملاحظ يا شباب انو الأمور عم تتغير ساعة بساعة ما حدا عم يحزر شو رح يصير تاني يوم وحيث ان اسرائيل هي المبادرة هادا دليل على غياب الاستراتيجية في العمليات
الشي الثاني اللي عم بيصير هو تحرك على جبهة الجولان و بطرق غامضة و غريبة
و الأسرائيليين الحقيرين ضربو العمال السورييي بالقاع بتصوري كاختبار لمدى جدية سوريا بالدخول بالحرب
الرد السوري كان شجب و تنديد و لكن من جهة اخرى سقطت صواريخ على مطار عسكري في الجولان المحتل و وصلت النيران حتى جباتا الخشب و امتدت إلى الجانب السوري و اصابت مدخل و مخرج للقوات الدولية
لا يمكن الآن تحديد الموقف السوري و لكن يمكن ان يكون جزأ من التكتيك السوري بضبابية المواقف و الرد غير المباشر
جل ما اتمناه هو توقف هذه الحرب الشنيعة على لبنان و اللبنانيين استعادة جميع الاراضي السورية و اللبنانية المحتلة و حل العقدة الرئيسية وهي موضوع عودة اللاجئين و تضاربها مع العقدة الاخرى هي منح دولة حكم ذاتي للفلسطيين (ملاحظة عقدتين للاسرائيليين)

الملاحظ يا شباب انو الأمور عم تتغير ساعة بساعة ما حدا عم يحزر شو رح يصير تاني يوم وحيث ان اسرائيل هي المبادرة هادا دليل على غياب الاستراتيجية في العمليات
الشي الثاني اللي عم بيصير هو تحرك على جبهة الجولان و بطرق غامضة و غريبة
و الأسرائيليين الحقيرين ضربو العمال السورييي بالقاع بتصوري كاختبار لمدى جدية سوريا بالدخول بالحرب
الرد السوري كان شجب و تنديد و لكن من جهة اخرى سقطت صواريخ على مطار عسكري في الجولان المحتل و وصلت النيران حتى جباتا الخشب و امتدت إلى الجانب السوري و اصابت مدخل و مخرج للقوات الدولية
لا يمكن الآن تحديد الموقف السوري و لكن يمكن ان يكون جزأ من التكتيك السوري بضبابية المواقف و الرد غير المباشر
جل ما اتمناه هو توقف هذه الحرب الشنيعة على لبنان و اللبنانيين استعادة جميع الاراضي السورية و اللبنانية المحتلة و حل العقدة الرئيسية وهي موضوع عودة اللاجئين و تضاربها مع العقدة الاخرى هي منح دولة حكم ذاتي للفلسطيين (ملاحظة عقدتين للاسرائيليين)
مو قلتلك مسرحية8) ، لسا الخير لقدام، سمعت مشروع القرار الفرنسي الأميركي اللي رح يتقدم لمجلس الأمن، و رح يندرس بعد شي ساعتين أو تلاتة؟؟؟؟ لما سمعت المشروع عالتلفزيون تأكدت إنو كل اللي عمبصير لعبة و مخططلها من سنين و هلأ وقت العرض، مسرحية، والله مسرحية.

مو قلتلك مسرحية8) ، لسا الخير لقدام، سمعت مشروع القرار الفرنسي الأميركي اللي رح يتقدم لمجلس الأمن، و رح يندرس بعد شي ساعتين أو تلاتة؟؟؟؟ لما سمعت المشروع عالتلفزيون تأكدت إنو كل اللي عمبصير لعبة و مخططلها من سنين و هلأ وقت العرض، مسرحية، والله مسرحية.
هلق اسمعت فيه لهادا المشروع
بس انا برأيي ولد ميتا لانو هالقرار لحتى يتم لازم يتبنى اللبنان
اميركا و فرنسا ما سمعو رأي لبنان و عم يتجاهلو الوضع السياسي تماما

من جهة تانية سوريا مغيبة عن هادا القرار
عون رفضوا سلفا و حزب الله اكيد ما بيوافق عليه بالشكل المطروح
بدون يحطو قوة دولية لعند الليطاني و على طريقة إعادة الانتشار يعني غالبا بتضل اسرائيل إذا مو فعليا فبشكل غير مباشر على الوضع الحالي لبنان ما رح يرضى بالقرار و اسرائيل رح تزيد العنف من شان يخضعو بالقوة و المحصلة ما في افق اي حل

هلق اسمعت فيه لهادا المشروع
بس انا برأيي ولد ميتا لانو هالقرار لحتى يتم لازم يتبنى اللبنان
اميركا و فرنسا ما سمعو رأي لبنان و عم يتجاهلو الوضع السياسي تماما

من جهة تانية سوريا مغيبة عن هادا القرار
عون رفضوا سلفا و حزب الله اكيد ما بيوافق عليه بالشكل المطروح
بدون يحطو قوة دولية لعند الليطاني و على طريقة إعادة الانتشار يعني غالبا بتضل اسرائيل إذا مو فعليا فبشكل غير مباشر على الوضع الحالي لبنان ما رح يرضى بالقرار و اسرائيل رح تزيد العنف من شان يخضعو بالقوة و المحصلة ما في افق اي حل
اطمن، محدا سائل لا عن لبنان ولا عن سوريا ولا عن حدا، بدو يتنفذ القرار، بجوز لأن فرنسا طرف فيه باعتبارها مع لبنان، و بالتالي رح يصير عليه إجماع و يصير ملزم لحزب الله، و سيدي، إذا ما مشي حالو هالقرار رح يلفوا و يدوروا حواليه و يصير اللي بدن ياه.

اطمن، محدا سائل لا عن لبنان ولا عن سوريا ولا عن حدا، بدو يتنفذ القرار، بجوز لأن فرنسا طرف فيه باعتبارها مع لبنان، و بالتالي رح يصير عليه إجماع و يصير ملزم لحزب الله، و سيدي، إذا ما مشي حالو هالقرار رح يلفوا و يدوروا حواليه و يصير اللي بدن ياه.
هوي اكيد ما حدا سائل هي ما منختلف عليها
بس الحكومة اللبنانية لازم توافق على أي قرار و خاصة نشر قوات هلق مزيد من التخبط و الإحراج للأميركان والاسرائيليين لما كانو عم بيصروا انو ما في وقف إطلاق نار إلى على اساس انو يكون دائم و هلق عم يحكو عن مراحل لساتون عم بيراهنو على الوقت يا خوفي انو العاقبة وخيمة على لبنان و لبنانين
نازلين ضرب ما ضل شي بلبنان ما انضرب
مثل العادة مننتظر و منشوف بس العادة كمان علمتنا انو نحنا كأطراف بالصراع دائما منطلع خسرانيين و منكسين و لهلق ما تسجلت خسارة حقيقية (مع كل الدمار و التخريب و القتل بلبنان) يعني خسارة مرضية لاسرائيل و هون المشكلة انو لبنان قدران يصمد و اكتر ما توقعوا لذلك شكلهون رح يعملو شي عملة تفجر المنطقة عن بكرة ابيها
و إذا عم بيراهنو على انتهاء مخزن حزب الله من الصورايخ و اللي يقدر بأقل تقدير بـ 10000 صاروخ معناتو بدنا 3 شهور تانية و معلومك بعد شهرين بيخلص موسم الصيف و بيصير الجو اسوء و التنقل اصعب و معاناة المدنيين اعلى و الخبر السار (عنصريتي) هو رح يساعد على قتل اعداد اكبر من جنود آلة الموت الاسرائيلية و يعني بما انو هني متحمضين على ضربة ماكنة للبنان خلي ينقتل من الحقيرين اكتر شي ممكن من شان المتطرفين الاميركان و البولونيين و الروس و الفرنسيين قبل ما يقررو يهاجرو على فلسطين يحسبوها 10 مرات

اسرائيل بتحسبها صح، يعني مو معقول الحرب ضل للشتاء، إلا ما يعملوا شي لوقتها، بكرا بدوب التلج و ببان المرج، و منعرف شو ورا هاللعبة.

اسرائيل بتحسبها صح،.
:confo: :confo: شكلا الآلة الحاسبة مضروبة هالكم يوم

:confo: :confo: شكلا الآلة الحاسبة مضروبة هالكم يوم
و الله يا سيدي بهاليومين الآلة حاسبة و إنتي الصادق مو مضروبة، بس عمتحسب شغلات معقدة كتير، متل حسابات نظرية كل شيء(The Theory Of Every Thing)، و بكرا بتشوف النتائج.