يا حكومة ...اصحي شوي ..... [الأرشيـــــف]

عرض كامل الموضوع : يا حكومة ...اصحي شوي .....

COSTA

30/07/2006, 12:48

شباب وصبايا هاد الموضوع بيتناول الشباب السوري يلي مغترب خارج سورية ...بس ما بيمنع انو الكل يشارك اهلا وسهلا بالكل

ليش شبابنا كلون بالغربة ؟؟؟؟؟يعني ما نجحوا بسورية ؟؟؟؟.......طيب ليش نجحوا برا بكون الغلط منهون ؟؟؟؟؟اكيد لا......طيب حسب ما بذكر انو في خارج سورية 36مليون سوري موزعين خارج سورية والغالبية باوروبا واميركا الشمالية والجنوبية

وهنن كلون بشتغلو شغل منيح يا اطباء يا مهندسين يا اساتذة وفي منهون مخترعين كمان طيب كل هال النجاح ببلاد الغربة بدل على انو ما عنا فرص للشباب تنجح وتشتغل ومع الاسف الحكومة عنا ما عم تساعد شبابنا ويلي ما طلع بايدو يسافر قاعد هون واكلها بجنابو ومستقبلو عم بضيع ....يا حكومتنا ليش هيك هم تعملي فينا؟؟؟؟

انتو لاحظتو هال الرقم ؟؟؟؟؟(36مليون)رقم كبير ما هيك .....طيب هدول لو رجعوا على البلد وهاد يلي منتمناه اكيد رح تكون دولتنا اقوى بكل شي ان كان اقتصاديا او علميا او حتى اجتماعيا
وليش لنخلي غير دول تستفيد من طاقاتنا ؟؟؟؟خلينا نعمر البلد سوى ايد بايد
اخخخخ على شبابنا وعلى سوريا شو عم بصير فيها

lolo2_3

30/07/2006, 12:52

Nirvana

30/07/2006, 13:05

COSTA

30/07/2006, 13:29

ماكنت بعرف انو في هل القلد مغتربين سوريين وبصراحة انا وحدة منهم وبتمنى ارجع على سوريا بس المشكلة الواحد متى ماطلع برات البلد بصيبر كتير صعب يرجعلها كمقيم...... بس بنقول انشاء الله
شكرا على الموضوع كوستا:D

هدول المغتربين من الاحصائية يلي صارت بالسفارات وقت انتخاب بشار الاسد

فما بالك يلي ما انتخبوا ........قديش بكون الرقم؟؟؟؟

MR.SAMO

30/07/2006, 13:34

الغربة في الوطن جوع والجوع في الوطن غربة
نص شعبنا اللي عايش بسوريا فيك تعتبره مهجر ومغترب وقفة على المغتربين برا
تحياتي يا كوستا

COSTA

30/07/2006, 13:36

صحيح كلامك وشكرا عالموضوع:D اللي فعلا بيحرق القلب. . :pos:

اعتقد انو السبب الاهم بهجرة الشباب إلى الخارج ونجاحهم هوي عدم توفر الفرص داخل البلد .. وخصوصا مع الواسطات والمحسوبيات والمصالح بالنسبة للعمل والوظائف، هادا غير انو ما في تحفيز وتقدير للمبدع منهم.. وضعف الرواتب .. بعكس اللي بيلاقو في الدول اللي بسافرو عليها.

فاذا عرف السبب بطل العجب..
واذا انحلت هالمشاكل ممكن هالطاقات ترجع .. أو عالأقل الطاقات الموجودة ما تطلع ..

صح كلامك اذا عرف السبب بطل العجب

وهي قصة الواسطات رح احكي شغلة صارت مع رفيقي

هو مساعد مهندس كهرباء ومعو شهادة معهد وشاطر ...قدم على مكتب العمل بسنة 2000 وترك الدور يمشي نظامي
اتصلو فيه من شهرين :shock: وقال شو راجعنا
الزلمة راح لعندون قام تطلع الشغل انو بدون يحطو بمستودع بالقابون تابع لشركة الكهرباء
طيب هاد مساعد مهندس يعني بصمم دارات كهربائية وانظمة تشغيل واقلاع متطورة للمعامل

فشو رايكون بعد ست سنين بدون يحطو بمستودع

Nirvana

30/07/2006, 13:37

الغربة في الوطن جوع والجوع في الوطن غربة

كلام في الصميم . . :cry:

فلاش باك

30/07/2006, 13:42

صح كلامك اذا عرف السبب بطل العجب

وهي قصة الواسطات رح احكي شغلة صارت مع رفيقي

هو مساعد مهندس كهرباء ومعو شهادة معهد وشاطر ...قدم على مكتب العمل بسنة 2000 وترك الدور يمشي نظامي
اتصلو فيه من شهرين :shock: وقال شو راجعنا
الزلمة راح لعندون قام تطلع الشغل انو بدون يحطو بمستودع بالقابون تابع لشركة الكهرباء
طيب هاد مساعد مهندس يعني بصمم دارات كهربائية وانظمة تشغيل واقلاع متطورة للمعامل

فشو رايكون بعد ست سنين بدون يحطو بمستودع

طبعا هيك بدو يصير لأنو
الرجل المناسب في المكان غير المناسب

Nirvana

30/07/2006, 13:42

صح كلامك اذا عرف السبب بطل العجب

وهي قصة الواسطات رح احكي شغلة صارت مع رفيقي

هو مساعد مهندس كهرباء ومعو شهادة معهد وشاطر ...قدم على مكتب العمل بسنة 2000 وترك الدور يمشي نظامي
اتصلو فيه من شهرين :shock: وقال شو راجعنا
الزلمة راح لعندون قام تطلع الشغل انو بدون يحطو بمستودع بالقابون تابع لشركة الكهرباء
طيب هاد مساعد مهندس يعني بصمم دارات كهربائية وانظمة تشغيل واقلاع متطورة للمعامل

فشو رايكون بعد ست سنين بدون يحطو بمستودع

آسفة للخروج برا الموضوع أو الدولة موضوع النقاش..
بس حابة ضيف انو هالمشكلة كمان مو بس بسوريا بل في معظم الدول العربية.. وانا شخصيا بقدر أحكي عن الأردن وفعلا معظم اولاد عمي مهندسين وأطباء بدرسو وبشتغلو بالخارج ..

COSTA

30/07/2006, 13:43

هلأ انا ما بعرف اذا بغير دول عربية في هيك رقم بس بلبنان في هيك شي كمان

بس يا ريت اخواتنا من بقية الدول يحطو معنا ويشاركو

ومشكورين على المرور :D

MR.SAMO

30/07/2006, 13:49

صح كلامك اذا عرف السبب بطل العجب

وهي قصة الواسطات رح احكي شغلة صارت مع رفيقي

هو مساعد مهندس كهرباء ومعو شهادة معهد وشاطر ...قدم على مكتب العمل بسنة 2000 وترك الدور يمشي نظامي
اتصلو فيه من شهرين :shock: وقال شو راجعنا
الزلمة راح لعندون قام تطلع الشغل انو بدون يحطو بمستودع بالقابون تابع لشركة الكهرباء
طيب هاد مساعد مهندس يعني بصمم دارات كهربائية وانظمة تشغيل واقلاع متطورة للمعامل

فشو رايكون بعد ست سنين بدون يحطو بمستودع
ايه شغلة عادية كتير عنا ابن خالي درس هندسة ميكانيك ثقيل بألمانيا ولما اجى على سوريا حطوه مشرف على ماكينات مصنع بسكويت غراوي
شو بدك احلى من هيك فرصة :o :o :o :o

TheLight

30/07/2006, 13:52

انا هربان من الجيش و من الطائفية وقلة الاخلاق
وحاليا ما عندي تعليق تاني

MR.SAMO

30/07/2006, 13:53

انا هربان من الجيش و من الطائفية وقلة الاخلاق
وحاليا ما عندي تعليق تاني
صدقني 80% من المغتربين من ورا هيك اسباب ولاتنسى العقيدة الحزبية بتلعب دور كبير عنا

فلاش باك

30/07/2006, 13:55

العقيدة الحزبية بتلعب دور كبير عنا

هي من الثوابت بوجهك حطها هونيك :lol:

MR.SAMO

30/07/2006, 14:00

هي من الثوابت بوجهك حطها هونيك :lol:
والله كنت بدي حطها بس قلت هون نفس الشي
تحياتي احلى عمورة:yahoo: :yahoo: :yahoo:

laityman

31/07/2006, 10:50

المشكلة مو بس بالعدد اللي موجود
المشكلة بالعدد المرشح للسفر
يعني اللي بيتطلع على معاهد تعليم اللغات وين ماكان
رح يدرك خطورة الأيام القادمة من ناحية سفر الطاقات الشابة اللي ممكن ترجع بعد ما تكون استهلكت حالا او ممكن ترجع وهي محملة لتنفيذ وصيتا المعهودة
"ادفنوني بارض بلدي"

صياد الطيور

31/07/2006, 10:52

بس كمان لا تنسى أنو لو رجعوا هالمغتربين ما رح يكون في ألهن فرص عمل مناسبة ولا كافية
يوم الي رجع الجيش السوري من لبنان رجعت نسبة كتير من العمالة السورية وبقيوا بسوريا بدون شغل لأنو الشباب الموجود بسوريا شاغل كل الوظائف

krimbow

31/07/2006, 18:36

36 مليون سوري مغترب؟!!!

ممكن مصدر لهالمعلومة ؟

لأنو مشكلة هي

بوكرا ازا رجعوا وين بدنا نحطهم؟؟

و المصيبة اغلبهم علماء و مهندسين و هيك قصص يعني غير ربك ما بيقعدهم بالمخيمات

انا من رأيي ... طالما كلهم علماء و مخترعين، يفبركولن شي جيش و يروحوا يقعدوا باسرائيل، و انا بكفللهم حزب الله ما يضربهم ازا عطوهم شبعا

عن جد!
ازا عملوا هيك
لك اي والله لنكيف

COSTA

31/07/2006, 18:45

ممكن مصدر لهالمعلومة ؟

لجنة الاحصاء بسوريا ....وهاد الرقم نحكى علنا على التلفزيون السوري بعد الانتخابات

بوكرا ازا رجعوا وين بدنا نحطهم؟؟

منحطهم محل يلي عم يتشتغلو ببلادنا ......ولاتخاف في محلات كتير وبيوت سوريا تلات رباعها ع العضم
و المصيبة اغلبهم علماء و مهندسين و هيك قصص يعني غير ربك ما بيقعدهم بالمخيمات
اذا كانو علماء ومهندسين بكونو مصيبة ؟؟؟هي ما حبيتها منك معلم
انا من رأيي ... طالما كلهم علماء و مخترعين، يفبركولن شي جيش و يروحوا يقعدوا باسرائيل، و انا بكفللهم حزب الله ما يضربهم ازا عطوهم شبعا

عن جد!
ازا عملوا هيك
لك اي والله لنكيف
هنن اذا رجعو ع البلد ...ساعتها اسرائيل بدها تنخ النا

انو شبعا يلي بالغوطة ولا مزارع شبعا;-)

krimbow

31/07/2006, 19:05

لجنة الاحصاء بسوريا ....وهاد الرقم نحكى علنا على التلفزيون السوري بعد الانتخابات

بتصور انو الرقم بيشمل جميع السوريين، لأنو من فترة قريبة كتير قريت انو عدد المغتربين السوريين شي 15 مليون، يمكن وقتها الحكي كان من عند وزيرة المغتربين، و القصة من فترة قريبة يعني ما لحقوا يفرخوا، و خصوصي انهم علماء و مخترعين

منحطهم محل يلي عم يتشتغلو ببلادنا ......ولاتخاف في محلات كتير وبيوت سوريا تلات رباعها ع العضم
بالله!!!
و يللي عم يشتغلوا ببلادنا ... يعني نحنا شو نعمل ؟؟

شو عم نلعب دومينو نحنا ؟؟

اذا كانو علماء ومهندسين بكونو مصيبة ؟؟؟هي ما حبيتها منك معلم

مو زابطة ما هيك؟؟
لا انا ما قصدت شي، بس قصدي انو ما حلوة بحقهم علماء و مهندسين اضرب و اطرح نجي نحطهم بامتداد مشروع دمر مثلا...

او توسع مسبق الصنع شيت امتداد مشروع صحنايا

يعني الناس كلها خير و بركة ما اختلفنا، بس هدول علماء و مهندسين و شغلة كبيرة دارسين برا و بدهم يجوا ينفضوا البلد... لك اي والله مشوار عليهم ازا بدهم ينزلوا من بيتهم ع ساحة الامويين يعمروا بسماها

بقا فهمني كيف بدنا ندحشهم كلهم بغربي المالكي؟؟

هنن اذا رجعو ع البلد ...ساعتها اسرائيل بدها تنخ النا

انو شبعا يلي بالغوطة ولا مزارع شبعا

ما بتصور هالشي صح، يا زلمة ازا رجعوا ع البلد، و افترضنا انو كل عشرين واحد اشترا سيارة، و اعلننا النفير العام... اي بدنا 3 سنين لنوصل للثكنات

و معلومك الاسرائيلية بزمناتهم ايام الراديو ابو لمبة طحشوا ع الجولان و سينا و الضفة بخمس تيام

TheLight

31/07/2006, 19:10

هذه الاحصائية من موقع وزارة المغتربين

-إن عدد المغتربين السوريين في العالم يساوي تقريباً عدد السكان الحالي في سوريا.

المصدر\موقع وزارة المغتربين
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

COSTA

31/07/2006, 19:16

بتصور انو الرقم بيشمل جميع السوريين، لأنو من فترة قريبة كتير قريت انو عدد المغتربين السوريين شي 15 مليون، يمكن وقتها الحكي كان من عند وزيرة المغتربين، و القصة من فترة قريبة يعني ما لحقوا يفرخوا، و خصوصي انهم علماء و مخترعين

حبيب انا كنت واضح هدول يلي صوتو من خارج سوريا يعني بالسفارات صوتوا مو بسوريا
بالله!!!
و يللي عم يشتغلوا ببلادنا ... يعني نحنا شو نعمل ؟؟

شو عم نلعب دومينو نحنا ؟؟

ما عم نلعب دومينو ..
انا بقصد يلي من خارج سوريا يعني مو سوريين ...علما انا ماني عنصري
بقا فهمني كيف بدنا ندحشهم كلهم بغربي المالكي؟؟

ليش كلون بدون يسكنو بالشام ؟؟؟؟شو ماضل غير الشام ؟؟؟؟؟
سوريا كبيرة وكتار مانون من الشام
في حمص وحلب وباقي المدن
زلمة ازا رجعوا ع البلد،

هنن يرجعو ع البلد وانت بخير وساعتها منحكي

جورج الأول

31/07/2006, 21:53

مسا الخير ياشباب
بس سؤال انو نحنا هو ن وبالزور عم نلاقي شغل وين بدك تجبلي 36 مليون ماء للشرب ما منلحقلون
بعدين يا معلم أغلب يلي بيتغرب ما معو عملة وازا اشتغل برا واستقر ما رح يغامر ويرجع الا ازا ملير
وهدول بس عميرجعو بحطو المصاري بالبنك وبيعدو لا بيعملو مشاريع وبينتظرو استفأدة الله.:D
مواضيعك كلا حلوة يا باشا:D

COSTA

01/08/2006, 01:46

بس سؤال انو نحنا هو ن وبالزور عم نلاقي شغل وين بدك تجبلي 36 مليون ماء للشرب ما منلحقلون
حبيب في شغل لاتخاف وبس يرجعو بصير في شغل اكتر لانو وقت يلي بيرجعو بكونو ما عاد في متل هلأ وفهمك كفاية .......ومن ناحية المي (المياه) حوض دمشق لحالو اذا ما بتنزل المطر خمس سنين بضل في مي بالبيار عداك عن باقي المحافظات
بعدين يا معلم أغلب يلي بيتغرب ما معو عملة وازا اشتغل برا واستقر ما رح يغامر ويرجع الا ازا ملير

مظبوط يلي بيتغرب ما معو عملة بس صدق كل العملة يلي بتصير معو بضل متمني يرجع على البلد وبيرجع وقت يشوف التغيير
وهدول بس عميرجعو بحطو المصاري بالبنك وبيعدو لا بيعملو مشاريع وبينتظرو استفأدة الله
هدول بكونو فنيو من التعب واي واحد بيكبر بدو يحط المصاري بالبنك .....بس اذا كان شب بكون في عندو طموح فصدق انو ما رح يحط المصاري بالبنك بالعكس رح يعمل مشاريع ويشتغل الا اذا كان انتهازي وما بدنا يا هاد
مواضيعك كلا حلوة يا باشا
عيونك الحلوين :D

gaener

02/08/2006, 08:04

هلأ انا ما بعرف اذا بغير دول عربية في هيك رقم بس بلبنان في هيك شي كمان

بس يا ريت اخواتنا من بقية الدول يحطو معنا ويشاركو

ومشكورين على المرور :D

هي حلوة منك كوستا و انا رئي من رئيك

ameen

22/08/2006, 15:31

up up up up