اليوم وصلني ملف فلاش عبارة عن مقطع من أغنية يا نبض الضفة لأحمد قعبور. للأسف امتداد الملف ليس من النوع المسموح به هنا

و جبت الغنية الكاملة.... بس كمان... للأسف طلعت كبيرة كتير عل الموقع... و كمان على موقع التحميل يلي كنت بستخدمو احيانا

بس منيح هاد الموقع مباشرة.... و يلي بحب يشوف الفلاش يحطلي ايميلوا... بس الفايل من نوع exe هه

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

طيب السؤال
بعد ما حضرت الفلاش.... تطلعت هيك قلت.... و الله الانتفاضة كان الها اسم ايام زمان... ايام كنا نسمع عن اطفال الحجارة و ندرس عن اطفال الحجارة.... هلق ... صحيح انو الغنية حلوة و حماسية و رائعة كمان.... بس ما عادت تعبر عن الواقع برأيي... يعني ما عاد في لا أطفال حجارة و لا من يحزنون,,,, صار في استغلال للطفولة بفلسطين.. و استغلال للطفل الفلسطيني و الشاب الفلسطيني,,,, اذا من فترة سمعنا عن ولد عمرو 14 او 16 سنة كان رايح يفجر حالو و نشكر الله ما مشي الحال
انو وين الانتفاضة بالموضوع هيك
الانتفاضة كانت لما كان الطفل و الشب يوقف قدام الدبابات و يرمي حجر
و الاسرائيلي يضرب رصاصات مطاطية
و كل العالم كان معنا

و تخيلوا اديش رح يكون موقف الاسرائيلين صعب و هني عم يشرحوا خطورة الحجارة ع الدبابات مثلا!

بس هلق شو

وين براءة الانتفاضة و روح الانتفاضة.... صارت الشغلة تجارة بالارواح.... اتحدى واحد من قيادي حماس يروح شخصيا يفجر حالو او يبعت ابنو او ابن اختو ..... بس شاطرين يحشوا بهل الاطفال و المراهقين كلام و بيعطوهم شريط ناسف و يالله عل شهادة
اي سمحولنا هون يا شباب
انا برأيي هاي بطلت شهادة اسما.... صارت الشغلة رخيصة كتير
وين المقاومة لما بتفجر حالك بمطعم او كازينو او باص
معقول في اله رح يكافيك اذا رحت فجرت حالك بنص مطعم مكدونلدز لأي سبب كان؟

لما هل عراقيين نفس القصة تمام

خلينا نحكي بصراحة و نقول الخلاصة لانو اكيد داق خلاقكم
انا اعارض كل هل حركات و الفزلكات يلي عم يعملوها تحت اسم مقاومة مشروعة
كل حركة عم نعملها لحد اليوم هي غلط بغلط و بتعمل الوضع اسوأ

الفلوجة لازم تسلم اسلحتها
الصدر لازم ينقلع لبرا

حماس حزب الله الجهاد... كله يسلم السلاح و يتجه للحل السلمي

بس يا ريتو شارون اغتال عرفات بدل الشيخ ياسين.... يعني ما ضروري بدل.... التنين مع بعض منيح

كل يوم عنف بيأخر تقدم البلاد و السلام... لانو لا اليهود رح ينكبوا بالبحر... و لا كل الفلسطينيين رح يرجعوا عل ضفة... هاي مستحيلة.... بقى اكيد في حل وسط,,,, و الحلول الوسطية ما بتجي الا بالذوق

و انا بتأمل فعلا يرجع شي يوم لغنية "يا نبض الضفة" معناها الحقيقي

و يصير سلام و نخلص بقا


جو

ok
هادا ملف الفلاش
طبعا ما حدى مجبور ينزل الفلاش اذا ما عندو نورتون.... ما رح اعرف اذا نزلتوه لما لاء
:lol:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الانتفاضة كانت لما كان الطفل و الشب يوقف قدام الدبابات و يرمي حجر
و الاسرائيلي يضرب رصاصات مطاطية
و كل العالم كان معنا

حاجي يا زلمي ايمت كان العالم معنا
شو هالمسخرة هاي
أكيد انا ضد انو واحد صغير أو كبير انو يروح يفجر حالو
بس الانتفاضة ابدا مانا بالحجر لا الانتفاضة بالقنابل وارصاص
انا بتمنى انو يكون في حل سلمي
بس اذا رميت سلاحك رح يجي صاحبك الجنرال أبو زيد مدري ابو بطيخ
هادا اللي كان يزت القنابل اللي فيها نفايات نووية عل العراقيين و يزتن علينا

الصدر لازم ينقلع لبرا


هادا الصدر اللي عم تحكي حضرتك عليه من اشرف العراقيين واكترهن اخلاصا لوطنو
شو نسيت شو ساوت اميركا بالعراق ايام الحرب
هدول العراقيين اللي نسيوا (مجلس الحكم) او بالاحرى ما بيعرفوا شو صار لانو كانو عم يعرصوا (بالاذن منك) بالمنتجعات تبعون باميركا واوروبا بالوقت اللي كان الشعب الفقير عم يموت الشعب اللي ظلموا صدام اولا وظلمتوا اميركا تانيا وظلموا مجلس الحكم ثالثا وجاي حضرتك تظلموا هلق

بالمناسبة انا مع الحل السلمي بس ما مع انو تجي اميركا تركبنا

مرحبا اخي

اول شي بدي قلك انو العالم فعلا معنا و مع كل الحركات الارهابية و التفجيرات لساتو معنا
و لا نسيت من فترة صغيرة شو طلع قرار من الدول الاوروبية و انتقدوا جميعا اسرائيل
يا معلم انت يمكن مانك شايف هيك ناس.... بس انا هون بكندا بشوفون دايما... رجال كنديين بالجامعة عندي دايما و ابدا حاطين الكوفية الفلسطينية.... يعني ناشطين للقضية الفلسطينية.... في كتير كتير جمعيات بأوروبا و كندا و اميركا و حتى باسرائيل بس لدعم الانتفاضة و دعم الشعب الفلسطيني
او انت ليش كيف مفكر نحنا لهلق صامدين دخلك؟
ليش ما اسرائيل بتكتسح الاراضي الباقية من فلسطين او بتقلع او بتبيد الشعب العربي كله على بعضه؟؟ لانو أميركا نفسها بتمنعها.... صحيح في دعم واضح لاسرائيل.... بس بنفس الوقت في قوة كبيرة عم تخلق هالنوع من التوازن,,, و التوازن حاليا اكيد منحاز لجانب اسرائيل.... بس منقدر نلوم حدى؟؟؟ ما عاد فينا نحكي.... مزال صار في جماعات مسلحة و عمليات انتحارية... انا شخصيا بشوف القصة كلها كميزان بكفتين..... في قوى و جمعيات عن تشتغل لحساب اسرائيل... هادا صحيح.... بس بنفس الوقت في كتير جمعيات لاصدقاء فلسطين... و نحنا منستمد قوتنا الحقيقية من هدول الجمعيات.... بس يا مان كل عمل دموي او اعمال عنف "غير موجهة ضد الجيش الصهيوني" ... عم تضعف من موقف الجمعيات الكبيرة,,,, و بتسمح للكفة الصهيونية انها تزداد ثقلا
حتى اميركا يلي بيقولوا عنها اميركا الداعمة لاسرائيل.... لولا الدعم يلي بتعطيه للقضية الفلسطينية كانت اسرائيل ابادت كل الشعب الفلسطيني من زمان

ثم يا ريت تقلي اي قنابل فيها نفايات نووية عم تحكي عنها..... انا ما سمعت بقنابل فيها نفايات نووية لحد الان


و مشان العراق... انا ما كتير فارق معي اهل مجلس الحكم الانتقالي... و ما بعرفهم شخصيا... بس اذا الجماعة مطرودين من بلادهم... ضروري يقعدوا بمزبلة اذا قاعدين برا؟ ثم انت كلامك هوي ترديد للكلام الصادر عن كل اجهزة الحكم العربية..... متل ما للعراق في معارضة... لسوريا في معارضة... و دايما دايما الموالين للأجهزة العربية بيحبوا يقولوا عن المعارضة انهم قاعدين بالمنتجعات..... بس انك تعرف هل الكلام دقيق لما لاء.... ما فيك تعرف
هدول مواطنين ما رضيوا بالذل و الصرماية فوق راسهم قاموا طلعوا لبرا.... و شي طبيعي اميركا تساعدهم و لو انو الاهداف قد تختلف

ثم دخلك شو عملت اميركا ايام الحرب.... اصلا ما كان في مقاومة بنوب.... انا بعرف انو صدام راح و الشعب صار حر بعد مدري كم عقد... 30 سنة ما

و السؤال الاخير..... أين كان مقتدى الصدر القبضاي الوحش الثوري لما كان صدام نازل ضرب و مسح بالشعب العراقي؟؟؟
لك اي حتى اسمو ما كنا سمعانين فيه مان
هادا واحد شغل سلطة و حكم.... يعني بدو يصير العراق تحت ايدو.... و انتهازي للظروف.... لو كان صاحب مبدأ ما كان اول شي ترك صدام ل30 سنة... و ما كان سمح لاميركا تدخل ثانيا.... بس هلق لما قوي عوده صار بدو يعمل ثوري و فهمان..... اي مو معقول اميركا تسمح للصدر يحكم ابدا... اي و الله بترجع العراق لما قبل العصور الحجرية

بتمنى ما تكون من جماعة: يشخ علينا القريب معليش بس الغريب لاء

سلام

قال الشيخ أسامة بن لادن ـ رضي الله عنه ـ
((( في أي ملة قتلاكم أبرياء وقتلانا هباء، وفي أي مذهب دماؤكم دماء ودماؤنا ماء. فمن العدل المعاملة بالمثل والبادئ أظلم )))

قال الشيخ أسامة بن لادن ـ رضي الله عنه ـ
((( في أي ملة قتلاكم أبرياء وقتلانا هباء، وفي أي مذهب دماؤكم دماء ودماؤنا ماء. فمن العدل المعاملة بالمثل والبادئ أظلم )))

مان أنا صاير عم لاقي صعوبة بالتمييز بين الجد و المزح بهل المواضيع
صحيح احيانا بتكون كتير بديهية.... بس يا ريت توضحلنا الغاية من اقتباسك ببن لادن أعلاه.... بليز

:roll:

و كل العالم كان معنا

يعني هاد الكلام مانو صحيح أبداً ، يمكن كان في تعاطف أوروبي أكبر و حكومات أميركية أقل انحياز بس لو كان كلامك هاد صحيح هاد بيعني انونحنا و العالم ما قدرنا على اسرائيل ، وقتا مافي داعي لكل هالحكي...

اتحدى واحد من قيادي حماس يروح شخصيا يفجر حالو او يبعت ابنو او ابن اختو

و هاد الكلام مردود عليه: عبد العزيز الرنتيسي شخصياً استشهد و ابنه شهيد و حسن نصرالله ابنه شهيد، وكل واحد بقوم اسرائيل معرض هوي و عيلتو و ولادو للاغتيال و الاعتقال و التعذيب ، شو ما كانت الطريييقة يلي عم يقاو م فيها( عسكرية- سياسية- اعلامية- أدبية) و الأدلة على هاد الشي كتيرة (عياش، أبو جهاد، ناجي العلي، غسان كنفاني)
انا برأيي هاي بطلت شهادة اسما.... صارت الشغلة رخيصة كتير

بالنسبة لموضوع مشروعية العمليات الأستشهادية بدي ميز بين شغلتين:
الأولى:
هل بحق للفلسطينية استخدام هالطرق، الجواب هو طبعاًو بكل تأكيد . لأنو اذا حدا بيهجم على بيتك و بيقتل ولادك و بيعتدي على شرفك و بهددك بالقتل، أكيد ما حدا بيعتب عليك اذا بتشؤسمو للأنفضو، و هون بدي ذكر أنو قتل الفلسطينية للمستوطنين اجا بعد قتل المستوطنين للفلسطينية
الشغلة التانية:
هل هالطريقة بالنضال بتفيد القضية؟؟؟؟؟؟؟؟؟ هون رح تنبسط من جوابي مبدئياً ،لأني بعتقد إنها ما بتفيد السلام و لا الشعب الفلسطيني، ولازم تنحصر المقاومة المسلحة ضمن أراضي الضفة و غزة، وتكون مركزة علعسكريين( متل التجربة اللبنانية) ولسا اذا بتكون مقاومة شعبية سياسية و الها أثر فعال بكون أفضل و أفضل.
بس هون بدي قول انو مافي مقاومة نشأت كاملة بالعكس، بتبلش تعفيس و تخبطات و كل مالا بتقرب من الصح و بتقوى، و هل العمليات هي جزء من المسيرة باتجاه المقاومة السليمة و متل مانو ملاحظ بالفترة الأخيرة بلشت فصائل المقاومة تتجه أغلبا للعمل داخل أراضي الضفة و غزة

في كتير كتير جمعيات بأوروبا و كندا و اميركا و حتى باسرائيل بس لدعم الانتفاضة و دعم الشعب الفلسطيني
او انت ليش كيف مفكر نحنا لهلق صامدين دخلك؟
ليش ما اسرائيل بتكتسح الاراضي الباقية من فلسطين او بتقلع او بتبيد الشعب العربي كله على بعضه؟؟ لانو أميركا نفسها بتمنعها..

عيني.......... لو كانو الأميركان اوادم و الأوربيية أبضايات و واقفين معنا، هي شَرّف بسورية مافي عمليات استشهادية عم تشوه الصورة الوردية تبعك للمقاومة، و رغم هيك ما شرفو الأوادم و الأبضايات ليطلعو الاسرائيلية من الجولان :wink:
وهل الجمعيات يلي عم تحكي عنها الله يعطيها العافية و الها دور مهم بس من دون مقاومة وطنية حقيقية ما ممكن أميركا أو اسرائيل تعطيك الا غرفة متر بمتر مع زيارات ودية ليلاً( شفت شو عم يصير بالسجناء العراقيين على ايد الأميركان)

كل يوم عنف بيأخر تقدم البلاد و السلام... لانو لا اليهود رح ينكبوا بالبحر... و لا كل الفلسطينيين رح يرجعوا عل ضفة... هاي مستحيلة.... بقى اكيد في حل وسط,,,, و الحلول الوسطية ما بتجي الا بالذوق

دخلك شو هاد الحل السلمي يلي عم تدعي الو ، اذا الفلسطينية تخلو عن 78% من أرض فلسطين التاريخية(الجزء المحتل عام 1948)، و لك تخلو عن حق العودة ، وقبلو بتعويضات ، قام شارون قال التعويضات رح يحسمو منها ثمن المستوطنات يلي رح يطلعو منها ( يعني لسا ناقص يدفعو الفلسطينية الفرق)، و رح ينسحب من غزة بس ، لك بتعرف شو يعني غزة بس : يعني حوالي 4% من أرض فلسطين، حاجي يا زلمي تقلي اميركا و مفاوضات و حل سلمي، حاج مسخرة يا زلمي، لك اليهود ما بدون سلام ، و الأميركان ما بهمون السلام، و اذابدك سلام بدك تفرضو غصب عنن و بالمقاومة بأشكالها المختلفة.
إي نعم ، نحنا بدنا السلام، ونحنا أهل السلام، بس أوعى بيوم تفكر انو السلام بصير اذا منزت سلاحنا ، و منشلح تيابنا، و منفرشخ اجرينا........... أوعى :evil:
على كل حال بدي اشكرك على مقالتك :D ، يلي بتدل على انك شخص واعي و مهتم بالقضايا الانسانية و الوطنية، و عم تحس مع الناس يلي عم يعانو وكأنون اخوتك ، و هاد شي كتير رائع، وإنساني ، أنا بوقت من الأوقات كنت فكر متلك تمام بس اجا وقت، شفت فيه بشكل أوضح متل ما بعتقد ، على كل حال الله أعلم :wink:

يا ريت يكون في وقت محدد بتتواجد فيه على الغرفة الصوتية لنحكي شوي بهالموضوع يا :) جو

مرحبا

أنا لم أدخل يوما الى الغرفة الصوتية... تستطيع ان تجدني على المسنجر
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و شكرا على ردك أيضا , مع أني لازلت غير مقتنعا. لربما نستطيع ان نكمل النقاش اما في الغرفة الصوتية او على المسنجر

تحياتي

لا يا سيدي ما حزرتو انتو الاتنيني ,... هادا النقاش حيبقى حلقة ( ندوي او ملتقى) سموها شو ما بدكون ومندخول كلنا بوقت واحد ومنتانقش متل الاجانب .. برواء وهدوق وبدون تعلاية صوت ..

اللقاء يوم الجمعة الساعة 7 المسا بتوقيت دمشق .. ولن يعاد بث هذه الحلقة النادرة بقال الرجاء من الجميع التوجه للغرفة الساعة 7 المسا يوم الجمعة هذا بتوقيت العاصمة دمشق او بتوقيت حمص ( ست الحبايب)

ماشي .. على طرفي النزاع الاساسيين ان يكونو موجودين في حال ما قادرين يجو بيخبرونا قبل 24 ساعة عشان نغير الموعد ونرسل اميلات للاعضاء للدعوة لنقاش هال الشغلي ..

يالله منكفي مباشر يوم الجمعة الساعة سبعة
سلاميييييي

والله منيحة الفكرة تابعونا يا شباب
الحوار رح يكون مثمر انشالله

رح بزعل اذا كان الجمهور قليل

بدنا تشجيع من الجنس اللطيف كمان

ع قولة مذيعين الرياضة ع القناة السورية

أنا موافق بس اذا بيتغير الوقت و بصير الصبح أفضل لأنو الخطوط بتكون أحسن
على كل حال اذا ما مششي الحال ، بضل الموعد على ال7 مساء الجمعة :)

والله هوي معك انو الصبح احسن عندكون بس خلوها على 7 المسا منشان الشباب وهيك يعني الي برا وفرق الوقت وهيك
سلاممممممممم

شباب سبعة المسا يعني 12 الضهر عنا هون... و انا كتير صعب بهل الوقت لانو عم دور ع شغل و بدي روح عل جامعة

انا بقدر من الستة المسا بتوقيت كندا و طالع... اما اني من الطنعش اقعد عل نت و يمكن تسحب كتير فصعب ما بقدر
:( :( :( :(

معليش سامحونا شباب

بتمنى ما كون تأخرت بالرد

بس هلق لفتت شفتو

يا مان ستة المسا pst يعني شي وحدي بالليل بتوقيت سوريا ..
اي كمان صعب الشباب يقدرو يفوتو وحدي بالليل .. مو واردي ..

حدى يحلحلها ويقترح موعد مرضي عشان الكل ..
بعدها حنبعت اميل للاعضاء ندعيون يدخلو على النقاش
سلامي

طب منكفي النقاش هون شوي تانية و اذا لساتها معصلجة منتفق على يوم تاني... بس فعلا فاجاتوني بالموعد بكرا و ما بقدر

خير ..

مرحبا مجددا شباب

يوجد عدة أسباب تدفعني أن أؤمن بالحل السلمي و خصوصا في هذه الفترة

اعتقادي بأن زمن الحروب من طرفنا قد مضى. فقضية فلسطين قضية عمرها النضالي على المستوى العربي منذ 1947 او 1948. و لأسباب معروفة لدى الجميع, و بطرق خسيسة جدا, قام العرب بخيانة بعضهم و سلمت الاراضي العربية و فلسطين ايضا على اطباق من ذهب للعدو.. و خلال عدة حروب. و ما تلك الدعايات بانتصاراتنا الا تغطية لهزائم مشينة و لا ارى اي سبب يدعونا باعلانها انتصارا. فما كان ليوجد قوة على وجه الارض تقدر على ان تنتزع فلسطين من العرب لو ان العرب حاربوا اسرائيل بكل صدق من يومها... و الفرصة سنحت لنا مرات عدة... اخرها طبعا كانت حرب لبنان عندما احتلت اسرائيل عاصمة عربية كاملة و لم يتحرك احد من العرب للدفاع عنها. لذلك أرى ببساطة ان لكل موضوع فرص ذهبية على المرء اقتناصها.. و ان فاتت عليه... فهو الخاسر... و فرصنا بالحل العسكري كانت كثيرة و مغرية جدا و كلها فشلت بسبب الخيانة العربية كسبب أولي.
لنتذكر أيضا ان الحل السلمي كان قد طرح مرات عديدة جدا.. و لو كنا قد قبلنا بالحلول السلمية المطروحة سابقا... لكانت جميع الاراضي المحتلة بعد ال67 مازالت معنا و كذلك الجولان السوري. أذكر شخصا مسؤولا في سوريا في وقت مضى... لربما في الخمسينات... طرح حل الجيش الجيش السوري ان ذاك و اعادة بناءه, و وضع بوليس دولي بيننا و بين اسرائيل... ما حصل له انه عزل عن منصبه بتهمة الخيانة و لربمى رمي في السجن.. و من بعدها طارت الضفة و غزة و الجولان و ما بعد الجولان!

عندما يشرع انسان ما بتطبق احدى الحلول... فأعتقد ان عليه تخيل المستقبل القريب و البعيد... فكيف ستتمكن بعض الفصائل المسلحة من طرد عشرات الالوف من المستوطنين من بيوتهم؟ حتى الجيش الاسرائيلي لن يستطيع!
كيف برايكم سينفع الحل العسكري بتفجير الباصات و المطاعم و لفلفة الاولاد و الشباب بالاحزمة الناسفة؟ هل سيبعد عننا الطائرات و الدبابات؟ كلا لن يفعل
ما أخذ بالقوة لا يسترد الا بالقوة - للأسف اكتشفت بعد بحوثات مطولة انه ليس قانونا مبرهنا في المخابر و لا آية منزلة في الكتب... و كل الامر و ما فيه ان شعار مثله مثل باقي الشعارات و لا يوجد اي دليل على صحته... فما أخذ بالقوة قد لا يسترد ابدا.. و قد يسترد بالسلم.. و قد يسترد بالحيلة... الخ

هل تسمعون الطريقة التي يتكلم به اغلبية العرب من المسلمين... و كيف يصعد شيوخهم الى المنابر ليل نهار للصياح ضد الخنازير و الكفار و اليهود... كيف تريدون ان ياتي "السلام" من هكذا عقليات؟

و هناك من يضحك على الناس و يستشهد بقول الشيخ احمد ياسين الذي يقول:" ان اليهود ليسوا اعدائنا بل الصهاينة. و لو سرق ابن عمي ارضي لحاربته لاستردادها." فأي ضحك على الذقون هذا؟ الكل يكره اليهود و حتى المسيحيون باتوا يكرهون اليهود بسبب المناهج التعليمية التي تعلم الحقد و الحرب

و ينسى الجميع او يتناسى ان احد اعظم المخترعين و المفكرين كانوا يهودا. توماس اديسون, فرويد, اينشتاين, و الكثير غيرهم

يعني عقلية التفكير العربية يجب غسلها من اولها و تشطيفها خير تشطيفة و نقعها و نشرها على منشر الغسيل لاسبوع

مضى على حروبنا المجيدة اكثر من خمسين سنة و لم تفلح في استرداد شبرين من الارض (و من يعتقد ان حزب الله حرر جنوب لبنان فهو مخطئ- اسرائيل تخلت عن جنوب لبنان و لم تنسحب لرعبها من الكاتيوشا.. و كان هذا اكبر غلط ارتكبته اسرائيل اذ جعلت العرب يعتقدون انه بالمزيد من الحرب و التقتيل و التنتيف قد تسترد الارض)

هناك خطر أكبر في هذا العالم علينا ان نفهمه و نستوعبه... و هو يكاد يبتلع العالم ابتلاعا...لن اتكلم اكثر من ذلك الان... و انتظر تعليقاتكم و شكرا

عباس بن فرناس

مرحبا أولأ
بصراحة سمعت عن الموقع والرأي الحر فيه وحبيت شارك معكم الحوار وانا بتأسف اذا كان الرد متأخر بس كان لازم أعطي رأي:
عن موضوع الانتفاضة بحب قول انو الانتفاضة بتحافظ على اسمها بأي مكان وزمان بس مشكلة الأخ جو انو بيسمع وبيدرس عنها وبيسمع الأغاني وبيتأثر متلو متل البقية من شبابنا
وأنا حابب وجهلك سؤال يا جو هل قتل لك أب أو أم برصاصة اسرائيلية أو أحدهم انتهك عرض أحد من أقربائك (طبعا لا سمح الله) لو كان ذلك لكنت عرفت معنى الانتفاضة وعرفت ليش طفل في سن المراهقة يفجر نفسه
العالم دائما كان معنا ولكن بالقول وليس بالفعل يعني حكي فاضي ومعنى الانتفاضة أكبر من رصاصة وحجر وهذا يدل على سطحية مفهومك للفكرة فالانتفاضة شرف وروح وواجب سواء كان دينياً أو أخلاقيا أو اجتماعياً
وكما لا حظت انك تتكلم عن قيادي حماس وآخرين هل تعلم أن جميع القيادين معرضين للاغتيالات بين يوم وليلة ولا ما عم تسمع أخبار على العكس فالقياديين عليهم عبء كبير جدا
وانا كنت معك انو تفجير المدنيين أمر خاطىء لكن هل سألت نفسك السؤال نفسه حيال ما يقوم به الاسرائيليون والأمريكان من مذابح فلسطينية وعراقية وكأنك تنظر للأمر من اتجاه واحد وبالمناسبة لا أنا ولا أنت نستطيع تقدير ان كانت الحركة مشروعة أو لا وبدي اسألك هل من الممكن اذا حدا اعتدى على أهلك تتوجه لعندو وتبوس راسو؟؟
وان رجعنا تاريخيا للنضال الفرنسيون لم يخرجو من الوطن سوريا إلا بالمقاومة والسلاح اسرائيل لم تخرج من الجنوب اللبناني الحبيب إلا بالعمليات الاستشهادية والسلاح
كيف بدك العراقيين يسلموا أسلحتهم وصور المعتقلين والإذلال الممارس عليهم نشر على جميع الفضائيات هل لوكنت انت محلهم بتسكت؟؟؟بدي اترك هدا الجواب الك
وهل برأيك انو العرب ليسوا مع السلام ولا بدك السلام يصير على حسابنا ؟؟
وبالنهاية وعذراً منك أنا بأسف على شبابنا المتمثلين تفكيرهم بتفكيرك والمتأثرين بالغرب بشكل واضح ناسيين الثوابت والجذور بالوطن ونعود للمقارنة بينهم وبين شببابنا بالفلسطين والعراق وخلينا نقارن!! وكل واحد منا يتطلع بالمراية ليعرف نفسو وعلى رأي المثل اللي عم ياكل العصي مو متل اللي عم يعدها

وبالنهاية وعذراً منك أنا بأسف على شبابنا المتمثلين تفكيرهم بتفكيرك والمتأثرين بالغرب بشكل واضح ناسيين الثوابت والجذور بالوطن ونعود للمقارنة بينهم وبين شببابنا بالفلسطين والعراق وخلينا نقارن!! وكل واحد منا يتطلع بالمراية ليعرف نفسو وعلى رأي المثل اللي عم ياكل العصي مو متل اللي عم يعدها


مان على العكس تماما ,,
لما يكون في عنا شباب بتفكر وبتناقش وبتحلل الموضوع وبتنظر له من جميع الجهات هذا مدعاة للفخر ..
ما حد فينا ما بيحب وطنو .. ولا عندي شك بها الموضوع ولا واحد بالمية

لكن خلي المووضوع بصيغته الموضوعية ...
في كثير من الاحيان العاطفة الوطنية بدون التفكير العقلي المنتطقي الرشيد .. ما بتنفع
ابسط مثال لو الفلسطينيين رضو من الاول بال 48 ما كان وصول ليلي هني فيه اليوم .. اكيد هال الشي

شي تاني .. بعتقد احنا السوريين تحديدا ننظر للسادات على انه خائن .. على انو راح شخصيا الكنيست الاسرائلي وصافح اعضاو وسلم الارض ليهم باتفاقية سلام .. ونحنا منقول انو سابنا وحدنا وقتها ..!!
هلق لو بتنظر للموضوع بعد 30 سنة .. السادات كان الاكثر نباهة والاكثر حنكة بين الروئساء حينها ..
انا اقول هذا الكلام بوجع .. انا شخصيا بكره السادات .. لاني بعتقد لولا اتفاقية السلام الي اجراها كان ممكن كتير اشياء تاريخية تتغير .. وممكن كان الوضع احسن مما هو عليه اليوم ..
بس لو نظرت للنتائح .. هوي شو قدم لشعبو ..
مصر الان في حالة استقرار على جميع الاصعدة بعلاقتها مع اسرائيل بعلاقتها مع امريكا بعلاقتها مع العرب ايضا ..
في حين احنا السوريين .. ما عارفين الخازوق من وين بيجينا .. شي من العرب وشي من العراقيين وشي من الامريكان والغرب الي كان بوقت معنا وفجاة صرنا وحدنا ...
لو الرئيس الاسد .. بزمانو قام بالي قام بيه السادات كان الوضع الان مختلف .. لا ومختلف تماما .. على الاقل على صعيد سوريا داخليا ..

نهاية في معادلة كتير صعبة .. معادلة بين الاخلاق .. القيم والاتزام ..
وبالكفة الاخرى المصلحة الداخلية ..
لو اي رئيس عربي حط بالدرجة الاولي مصلحته الداخلية داعس على كل مصالح الاخرين من العرب .. حنوصل لحالة من التشرزم مالها والي
ولو حط المصلحة القومية قبل مصلحة بلاده ايضا حتفضل بلاده ورااااا .. وحيفضل بمغامرة مع المصلحة القومية

هاي اكبر معادلة لو بتتوزن صح عند العرب ,.. حنكون بالف خير ..
بس يوزنوها صح

أخي الكريم,
أولا اسمح لي ان أرحب بك عضوا جديدا في موقع أخوية!


عن موضوع الانتفاضة بحب قول انو الانتفاضة بتحافظ على اسمها بأي مكان وزمان بس مشكلة الأخ جو انو بيسمع وبيدرس عنها وبيسمع الأغاني وبيتأثر متلو متل البقية من شبابنا

أتمنى لو توضح لنا كيف تحافظ الانتفاضة على اسمها بأي مكان أو زمان؟
مكان: هل تقصد تفجير ملهى ليلي مثلا كجزء من الانتفاضة؟
زمان: في عز دين مفاوضات السلام مثلا؟
على فكرة شكرا على تنبيهك الى المشكلة التي أعاني منها مثلي مثل بقية شبابكم.. و لكن أخشى ان الوضع مختلف قليلا هنا... انا سمعت الاغنية أخي الكريم و قد أثرت في نعم... حيث أحببت ان أكتب هذا الموضوع و أوضح وجهة نظري بشكل عام... و لم أفهم اين المشكلة لو سمعنا و درسنا عن الموضوع... ثم تأثرنا بأغنية.. ما دام كلامنا مازال ضمن المعقول... و ليس شعارات واهية (انا سوري أه يا نيالي!)


وأنا حابب وجهلك سؤال يا جو هل قتل لك أب أو أم برصاصة اسرائيلية أو أحدهم انتهك عرض أحد من أقربائك (طبعا لا سمح الله) لو كان ذلك لكنت عرفت معنى الانتفاضة وعرفت ليش طفل في سن المراهقة يفجر نفسه

لحسن الحظ لم يحصل هذا بعد. هل حصل لك هذا الشيء!!؟ أعتقد ان جوابك هو كلا... اذا لا داعي لان تطرح علي سؤالا لست قادرا على الاجابة عليه! فإن قلت لك ان هذا ليس كافيا ان اذهب و افجر نفسي... هل ستقدر ان تثبت لي عكس هذا؟ لا أعتقد... يعني انت بتعرف معنى الانتافضة و الموت حتى عم تسألني هيك سؤال؟؟


العالم دائما كان معنا ولكن بالقول وليس بالفعل يعني حكي فاضي ومعنى الانتفاضة أكبر من رصاصة وحجر وهذا يدل على سطحية مفهومك للفكرة فالانتفاضة شرف وروح وواجب سواء كان دينياً أو أخلاقيا أو اجتماعياً
وكما لا حظت انك تتكلم عن قيادي حماس وآخرين هل تعلم أن جميع القيادين معرضين للاغتيالات بين يوم وليلة ولا ما عم تسمع أخبار على العكس فالقياديين عليهم عبء كبير جدا

يا أخي العالم معنا و حتى اليوم مازال معنا و بالفعل و ليس بالقول... أم من أين يعيش الشعب الفلسطيني برأيك؟ هناك جمعيات أوروبية ترسل الغذاء و المال للشعب الفلسطيني... ألم تتساءل يوما من أين لهم سيارات الاسعاف و المشافي و الطرق!؟ هذا كل ما يستطيعون فعله في الوقت الحالي... و السبب هو تصعيد العنف
أريد ان أفهم.. ماذا سيغير مقتل قيادي حماس من الوضع؟ يعني كيف سيكون موتهم داعما لقضيتك او للانتفاضة... ماتوا و خلص... ثم شو أي اعباء... بالله ماذا يفعلون هم؟؟ و كيف سيغر وجودهم او عدمه من الوضع؟ لا تعطيني شعارات و مبادئ... أريد حقائق و كلام موضوعي و رؤية للمستقبل


وانا كنت معك انو تفجير المدنيين أمر خاطىء لكن هل سألت نفسك السؤال نفسه حيال ما يقوم به الاسرائيليون والأمريكان من مذابح فلسطينية وعراقية وكأنك تنظر للأمر من اتجاه واحد وبالمناسبة لا أنا ولا أنت نستطيع تقدير ان كانت الحركة مشروعة أو لا وبدي اسألك هل من الممكن اذا حدا اعتدى على أهلك تتوجه لعندو وتبوس راسو؟؟

اولا لا تصح المقارنة بين الاسرائيليين في اسرائيل و بين الامريكيين في العراق. فالاسرائيليون يؤمنون حق الايمان انها ارضهم ورثوها عن جدهم.. و لديهم ما يثبت ذلك. و لن نستطيع ان نناقشهم حول تلك النقاط و كل اسرائيلي مستعد للقتال حتى الموت للدفاع عن حقه في ارض فلسطين و اسرائيل.
بينما اميركا في العراق وضع اخر

أعود و أؤكد... لو أردنا مناقشة الموضوع من مبدأ... من يقتلني علي قتله... و يلي بيقتل ابي ما معقول بوس راسو... يعني كلام سليم طبعا و هذه الغريزة البشرية الحيوانية في الدفاع عن النفس. و لو اردنا الحديث ضمن هذا المنطق فأنا معك.
لكن انا أتكلم من وجهة نظر خارجية... وجهة نظر تريد السلام... و تنظر أبعد من مجرد فكرة ان من يحتلني علي قتله... فانا اذا قتلته... سيأتي اخوه ليقتلني.. و و و... انا كما تقول... أفكر على موجة مختلفة نهائيا... لذلك كلامك عن شروعية المقاومة و البادئ اظلم... هذه ليست على هذه الموجة... تلك قضايا مختلفة تماما... و لم تجدي اي نتيجة حتى الان. الفتى فجر نفسه... قتل جندي و جرح 3...و بعد؟؟؟ هنا السؤال.. و بعد... الى متى نستمر؟



وان رجعنا تاريخيا للنضال الفرنسيون لم يخرجو من الوطن سوريا إلا بالمقاومة والسلاح اسرائيل لم تخرج من الجنوب اللبناني الحبيب إلا بالعمليات الاستشهادية والسلاح
كيف بدك العراقيين يسلموا أسلحتهم وصور المعتقلين والإذلال الممارس عليهم نشر على جميع الفضائيات هل لوكنت انت محلهم بتسكت؟؟؟بدي اترك هدا الجواب الك
وهل برأيك انو العرب ليسوا مع السلام ولا بدك السلام يصير على حسابنا ؟؟

الفرنسيون ايضا حالة مختلفة... فهو انتداب... و مدركون تمام الادراك انها ليست ارضهم. و الاستقلال لم يكن نتيجة الثورة فقط.... بل ازمة اقتصادية فرنسية و معارضة داخلية
و اسرائيل لم تخرج من الجنوب الحبيب بسبب حزبو لله! كان قرار داخلي اسرائيلي... ان المنطقة بحد ذاتها ليست ضرورية و وجع راس عل فاضي.. و يكفيهم المشاكل في الضفة و غزة
اما مشان العراقيين... يا اخي طيب منرجع لنفس النقطة... و بعدييين.. شو بتريد يصير؟ مين بدك يصير رئيس العراق؟ هل سيعم السلام بالعرق لو خرج الامريكان و لم يسلم اهل الفلوجة السلاح... يعني ارجوك فكر شوي لقدام... لا نريد اعتماد على "السبحانية"... انو اي بس يطلعوا الاميركان هلق و بعدين الله بيفرجها!! لانو لاء الله ما رح يفرجها.... بدك تفكر من هلق شو عواقب كل خطوة



وبالنهاية وعذراً منك أنا بأسف على شبابنا المتمثلين تفكيرهم بتفكيرك والمتأثرين بالغرب بشكل واضح ناسيين الثوابت والجذور بالوطن ونعود للمقارنة بينهم وبين شببابنا بالفلسطين والعراق وخلينا نقارن!! وكل واحد منا يتطلع بالمراية ليعرف نفسو وعلى رأي المثل اللي عم ياكل العصي مو متل اللي عم يعدها
طبعا انا احترم رأيك و المقارنات التي تجريها.. و لكني احبذ لو تظل هذا الصفحات خالية من التعليقات الشخصية.. فلست هنا لاصلاح فكرك و لا لنقد طريقة تفكيرك... نحنا هنا لنقاش الافكار .. كأفكار فقط... و لنقاش الحقائق فقط. و انا التزم من الان فصاعدا عدم اعطاء اي تعليقات جانبية حول شخصية الانسان الذي اتحاور معه او نوعية افكاره او مصدرها! حتى لا يتحول المنبر الحر الى حلبة مصارعة حرة


سلام

مرحبا أخي جو
مين قال انو النتفاضة هي تفجير المدنيين اذا فهمتها هيك فمشكلتك انك محدود(عفوا منك) ولا ما قرأت رأيي حول التفجيرات بالمدنيين؟؟؟؟؟
ومن وجهة نظري عفوا منك انت ما زلت سطحي انا سوري تعني لي الكثير وليس شعار كما تدعي
وانا بعرف معنى الانتفاضة والموت يا جو لي أقرباء من فلسطين يا عزيزي
وبالنسبة لمقتل القيادين أكبر مثال هو سماحة الشيخ حسن نصر الله عندما بعث ابنه للموت ولا ما اسمعت فيها؟
بالنسبة للحقائق حول القيادين يجب لكل جماعة أن يكون لها قائد يوجههم أو بدون هيك بدوا يكون الوضع طشاش وهذا للأسف مالا تراه انت
وما زلت للأسف ترى أن الدفاع عن النفس هو غريزة حيوانية !!!!!
وما زلت مصر انو الاسرائيلين لم يخرجوا بسبب حزب الله مع انك ذكرت كلمة( وجع راس على الفاضي ويكفيهم مشاكل) وهذا أكبر دليل على وجود مشاكل بسببهم وانت تناقض نفسك
بالنسبة للمسألة العراقية ليس الأميركان السؤولين عن تقرير مصير الشعب العراقي بل الشعب نفسه أو لم تقرأ قانون حقوق الانسان المتمثل بحق الشعب بتقرير مصيره؟؟؟؟؟؟؟؟؟
وانا هنا أيضا اشرح وجهة نظر متجردة ولست لاصلاح فكر أي أحد ولا أحاول أن أعرض العضلات لكن عذرا منك هذه طريقتي في المخاطبة
مع فائق احترامي

ليش عم تتقاتلو يا جماعة الموضوع ما حرزان
ليش انتو شو فارقة معكون

قال الشيخ أسامة بن لادن ـ رضي الله عنه ـ
((( في أي ملة قتلاكم أبرياء وقتلانا هباء، وفي أي مذهب دماؤكم دماء ودماؤنا ماء. فمن العدل المعاملة بالمثل والبادئ أظلم )))

درهوس مرحبا
ممكن اعرف لماذا كتبت _رضي الله عنه_فهذه العبارة تقال لاصحاب رسول الله صلى الله عليه وسلم
وذكرها بعد اسم اسامة بن لادن لا يجوز ويعتبر استهزاء بالعبارة وبالدين الذي يذكر هذه العبارة
بن لادن له اخطاء قالها علماء دين كثيرون ولكن له اقوال عادلة فعلا

مرحبا أخي جو
مين قال انو النتفاضة هي تفجير المدنيين اذا فهمتها هيك فمشكلتك انك محدود(عفوا منك) ولا ما قرأت رأيي حول التفجيرات بالمدنيين؟؟؟؟؟
ومن وجهة نظري عفوا منك انت ما زلت سطحي انا سوري تعني لي الكثير وليس شعار كما تدعي
وانا بعرف معنى الانتفاضة والموت يا جو لي أقرباء من فلسطين يا عزيزي
وبالنسبة لمقتل القيادين أكبر مثال هو سماحة الشيخ حسن نصر الله عندما بعث ابنه للموت ولا ما اسمعت فيها؟
بالنسبة للحقائق حول القيادين يجب لكل جماعة أن يكون لها قائد يوجههم أو بدون هيك بدوا يكون الوضع طشاش وهذا للأسف مالا تراه انت
وما زلت للأسف ترى أن الدفاع عن النفس هو غريزة حيوانية !!!!!

للاسف بعض الناس اذا عاشوا بالخارج بصيروا يتفلسفوا علينا
المستر جوو بدو الفلسطيني يضرب بالحجر والاسرائيلي يرد بالرصاص وهيك قال بكون العالم معنا :?
يا حبيبي العالم مع القوي واذا ما ورجيتهم العين الحمرة بياكلوك وما حدا بقول وينك
ويا مستر جوو قصة الولد الذي قيل ان رايح يفجر نفسه كلها كذب بكذبالفتها اسرائيل حتى تثير النقمة على المنظمات الفلسطينية وحتى يزعموا انهم يحمون الاطفال
ولو كانت حقيقية كانوا قتلوا الطفل عن بعد

انا اصلا ما بعرف بشو بتستخدم ولا لمين بتستخدموها ولا لمين لا تجوز .. وما مستعد كل ما بدي اتفوه بكلمة اقعد فكر دهر هل يجوز قول هذي الكلمة او لا..
انا هذه العبارة

قال الشيخ أسامة بن لادن ـ رضي الله عنه ـ
((( في أي ملة قتلاكم أبرياء وقتلانا هباء، وفي أي مذهب دماؤكم دماء ودماؤنا ماء. فمن العدل المعاملة بالمثل والبادئ أظلم )))


ناقلها من نقل متل ما وجدتنا بالحرف الواحد .. بالصدفة لقيتها بتوقيع احد الاشخاص في موقع تاني ونسختها عندي
وبزهني والله لما قلت رضي الله عنه انو يعني عامل منيحة بحق الشيخ .. متل لما اتقلي الماما الله يرضي عليك
بقا هاي هيي يا حبيب ..

اهلين درهوس ولا يهمك حبيب

اصلا العتاب بين الاحباب :P
وما كان قصدي زعلك :D

ما بننسى فلسطين أبداً .

كل ليمونة ستنجب طفلا

تراب الوطن غالي.. وما بنتسى .