فراس سعد






بحجة أن سورية تتعرض لضغوط خارجية و غطاءً للأنسحاب الذليل من لبنان و محاولة يائسة ليشعر النظام ذاته بالأمان و استعداداً لمعركة قادمة بخصوص اغتيال الحريري والحديث عن تورط ضباط مخابرات سوريين – الذي نتمنى أن يكون مجرد

أكاذيب - ,أنزل النظام السوري المخابراتي الناس إلىالشارع ليري العالم - كما أراه صدام من قبل - كيف أن الشعب معه على الحلوة و المرّة , علّ العالم يخاف , علّ كوفي عنان يرتدع من قوة الشارع السوري الذي أظهر مدى محبته و ولاءه للرئيس هاتفاً له بالروح و الدم من دمشق حتى حلب و اللاذقية و حمص ... لكن الكثير لا يعلمون أن المخابرات أنذرت المئات من أصحاب المحلات و الفعاليات التجارية و الأقتصادية في دمشق بالويل و الثبور في حال لم يغلقوا محلاتهم فورا و في الحال و التوجه إلى اتوستراد المزة للمشاركة في مسيرة دمشق .......


- مشاهد من مظاهرة اللاذقية :

- تم أيقاف الدوام الرسمي في جميع مؤسسات و المديريات الحكومية عند الساعة 11 ظهراً ليتسنى للموظفين و الطلاب النزول إلى المظاهرة .

- في اليوم السابق للمظاهرة قال لي أحد أصحاب المهن أنه غداً سيغلق محله لأنه إذا لم يغلقه فسيغلقونه لاحقاً , طبعاً لم أصدق الرجل فهل يعقل أن يغلقوا له محله لأنه لم يشارك في المظاهرة ؟ مو معقول !

- رجال و نساء في الخمسين و الستين مشعثي الشعور مهرمشي الثياب مجعدي الوجوه ملامحهم صفراء ربما من الجوع أو المرض يحملون العلم تحت آباطهم و امرأة في الخمسين تقول لامرأة تسير إلى جانبها ألن تأخذي العلم معك إلى البيت لتسلميه غداً؟ ترى من أين جاءت هذه الأعلام ؟ طبعاً لم يشترها الناس من المتاجر و لم تحملها " الفعاليات الثقافية و الأقتصادية " من محلاتها و منتدياتها الثقافية المغلقة أصلاً و غير الموجودة أبداً بفعل قانون ألغاء الحياة أو قانون الطوارئ


- مسيرة سيارات فخمة لمجموعة من الشبيحة و أبناء المسؤولين و الأغنياء ترفع الأعلام الوطنية و تطلق زمور الأسعاف نصفهم يتحدث بالخليوي و نصفهم الآخر يستعد للحديث و الجميع يغطون عيونهم بنظارات شمسية فخمة


- لم نسمع سوى بالروح بالدم نفديك يا .... و حين ذكرت سورية فمرفقة مع الله و ....


- كانت المظاهرة فسحة للصبايا و الشباب لممارسة مغازلات إضافية لذلك ظهرت الصبايا و حتى النساء بأفضل ثيابهن و أكثرها إثارة


- مئات الصبايا و الحسناوات و الشبان يحملون أجهزة الموبايل و الجميع يتحدث في مظاهرة داخل المظاهرة ," مظاهرة موبايلات " , ترى بماذا كان أولئك يتحدثون باستثناء عملاء الأمن طبعاً !


- ماذا يريد مستر رامي أكثر من ذلك لقد كان حاضراً في مظاهرة أقربائه , بل كان أول الداعين إليها في أول مظاهرة تشهدها سورية – مظاهرة دمشق – في ظل الأجواء الحالية, المستر رامي الحاضر دوماً في كل مكان من سورية مثل الروح القدس ؟


- غابت أعلام البعث عن المتظاهرين باستثناء علم طويل كان يظهر في وجه الكاميرا بين الحين و الآخر

فيما ظهرت عدة أعلام للحزب السوري القومي الأجتماعي و حزب الله , هل هذه لعبة جديدة من ألعاب السلطة خارقة الذكاء , ماذا يريدون القول ؟ هذه هي التعددية السياسية و المجتمع المدني و الشعب غير البعثي ؟ من يصدق هذه الكذبة , أم إنهم يغرقون و يريدون إغراق القوميين السوريين معهم بعدما اضطهدوهم نصف قرن , أي غباء و استسخاف لعقول البشر ؟!

- سؤال بسيط بل قليل يجول في رؤوس آلاف السوريين : لماذا لا ينفذ المسؤولون السوريون وعودهم إلا بفعل الضغط الخارجي و بعدما ترتفع العصا فوق رؤوسهم , هل نحن شعب لا يفهم إلا بالعصا كما يقول جاك شيراك ؟ نتمنى أن يثبت مسؤول سوري واحد العكس .

- سؤال أبسط بكثير : إلى متى هذا التخلف الضارب أطنابه يا بشر ؟


كاتب سوري
-------------------------------------------------------------------------------------
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أكاذيب - ,أنزل النظام السوري المخابراتي الناس إلىالشارع ليري العالم - كما أراه صدام من قبل - كيف أن الشعب معه على الحلوة و المرّة , علّ العالم يخاف , علّ كوفي عنان يرتدع من قوة الشارع السوري الذي أظهر مدى محبته و ولاءه للرئيس هاتفاً له بالروح و الدم من دمشق حتى حلب و اللاذقية و حمص ... لكن الكثير لا يعلمون أن المخابرات أنذرت المئات من أصحاب المحلات و الفعاليات التجارية و الأقتصادية في دمشق بالويل و الثبور في حال لم يغلقوا محلاتهم فورا و في الحال و التوجه إلى اتوستراد المزة للمشاركة في مسيرة دمشق .......

كلام مظبوط .. وأنا كنت بالمسيرة .. والمسيرة بدأت مفتعلة ومحرضة من المخابرات .. ولكن بعد ان أصبحت قريبة من العفوية ( لأننا شعب عاطفي) قامت كتيبة حفظ النظام بتفريق الناس ( ولنكن منصفين ) دون استعمال القوة بالتدفيش فقط .. وذلك في ساحة يوسف العظمة .. يعني أنا انزعجت لما فعله حفظ النظام لأنهم بعد ان أصبحت المسيرة عفوية قامو بفضها .. ولكني كنت سعيدا" بأن ذلك أيقظ الشعب قليلا" بأن ما كانو فيه هو مجرد استغلال لعواطفهم .. لتبيض صورة الرئيس .. يعني مخابراتنا غبية لدرجة انه بعد أن أصبحت المظاهرة عفوية وبدأت الناس تهتف من قلبها ( نتيجة العاطفة كما ذكرت سابقا" .. في خضم ظروف سوريا الصعبة ووطنية شعبنا) قموا بتفريق الحشود.. وبذلك أيقظا الكثيرين من سباتهم العاطفي الى صحوة العقل واكتشاف الاستغلال الذي كانوا يعيشونه تحت اسم مسيرة التأييد .. يعني رب ضارة نافعة .. لأنو لو ما صار هالشي كان الشعب نايم لشي تلاتين سنة كمان .. يعني صحي مو الكل صحي نتيجة الغباء المخابراتي .. لكن على الأقل هناك من انتعش ..


مسيرة سيارات فخمة لمجموعة من الشبيحة و أبناء المسؤولين و الأغنياء ترفع الأعلام الوطنية و تطلق زمور الأسعاف نصفهم يتحدث بالخليوي و نصفهم الآخر يستعد للحديث و الجميع يغطون عيونهم بنظارات شمسية فخمة


- لم نسمع سوى بالروح بالدم نفديك يا .... و حين ذكرت سورية فمرفقة مع الله و ....


- كانت المظاهرة فسحة للصبايا و الشباب لممارسة مغازلات إضافية لذلك ظهرت الصبايا و حتى النساء بأفضل ثيابهن و أكثرها إثارة

قاسية .. لكنها حقيقة ..


ماذا يريد مستر رامي أكثر من ذلك لقد كان حاضراً في مظاهرة أقربائه , بل كان أول الداعين إليها في أول مظاهرة تشهدها سورية – مظاهرة دمشق – في ظل الأجواء الحالية, المستر رامي الحاضر دوماً في كل مكان من سورية مثل الروح القدس ؟

ولم يكتفي بذلك بل ذهب الى الاذاعة و بدأ يخطب بالعالم كأنه مخلصهم الروحي .. وأعطاهم شحنة عواطف كاذبة مستغلا" كغيره من بطانة السلطة الفاسدة وأبنائها.. وطنية الشعب وحبه لبلده سورية .. يعني بربكون في أحقر وأسقط من هيك عالم .. :aah: :aah:
يعني أنا حابب قول لكل شي بيحب سوريا ( وأنا واثق انو كل شي بالمنتدى بيعشق سوريا) وخاصة للذين هم مع الحكومة الحالية هل هناك مذلة وخساسة أكبر من ان يكون حبك لوطنك مقتلك ومفتاح استغلالك .. وأتمنى أن تمعنوا التفكير بذلك .. :cry:


فيما ظهرت عدة أعلام للحزب السوري القومي الأجتماعي و حزب الله , هل هذه لعبة جديدة من ألعاب السلطة خارقة الذكاء , ماذا يريدون القول ؟ هذه هي التعددية السياسية و المجتمع المدني و الشعب غير البعثي ؟ من يصدق هذه الكذبة , أم إنهم يغرقون و يريدون إغراق القوميين السوريين معهم بعدما اضطهدوهم نصف قرن , أي غباء و استسخاف لعقول البشر ؟!

مؤكد انها لعبة جديدة لأني رأيت لافتات في الشوراع معلقة على الجدران والأشجار .. لحركات لم أسمع بها بحياتي فهل سمحوا للحركات المتخفية باظهار نفسها من باب التعددية السياسية .. ولو كان ذلك صحيحا" فلماذا لم نسمع أو نرى شعارات وخطط هذه الحركات الا في يوم واحد او حتى في 4 ساعات فقط .. يعني يا اما أنا مع عمى ألوان .. يا اما هي لعبة مخابرات ..وهذا هو الأصح برايي ..


سؤال بسيط بل قليل يجول في رؤوس آلاف السوريين : لماذا لا ينفذ المسؤولون السوريون وعودهم إلا بفعل الضغط الخارجي و بعدما ترتفع العصا فوق رؤوسهم , هل نحن شعب لا يفهم إلا بالعصا كما يقول جاك شيراك ؟ نتمنى أن يثبت مسؤول سوري واحد العكس .

- سؤال أبسط بكثير : إلى متى هذا التخلف الضارب أطنابه يا بشر ؟

نحن شعب فهمان وجوعان في نفس الوقت .. في ظل حكومة نهمة واستغلالية وفاشية ..
وبالنسبة ل الى متى هذا التخلف . فأنا أقول الى حين يتذكر الشعب أن الكرامة اهم من الرغيف .. وأن سوريا هي سوريا الشعب السوري .. وليس سورا بيت اسد ومخلوف وحمشو ...

بحجة أن سورية تتعرض لضغوط خارجية و غطاءً للأنسحاب الذليل من لبنان و محاولة يائسة ليشعر النظام ذاته بالأمان و استعداداً لمعركة قادمة بخصوص اغتيال الحريري والحديث عن تورط ضباط مخابرات سوريين – الذي نتمنى أن يكون مجرد

والله يا جماعة الصحافة حيرتونا مع ربكون ..
لو ضلت سوريا بلبنان بيقلك انتو عم تجنو على حالكم وشو مستنايين تدخل الأمم المتحدة وزوقو على دمكم
وان طلعنا من لبنان بمظاهرات ووفود تأييد بالملاييييين _اكبر مظاهرة شهدها تاريخ لبنان_
بتقولو انسحاب ذليل !!
فيك اخي" فراس سعد " توصفلي شلون بيكون شكل الإنسحاب العزيز !!!
اذا مننا ومن حالنا انسحبنا قام طلع معك ذليل
يعني اذا اتدخلت الأممم المتحدة وقتها بيكون عزيز مثلا !؟؟



- تم أيقاف الدوام الرسمي في جميع مؤسسات و المديريات الحكومية عند الساعة 11 ظهراً ليتسنى للموظفين و الطلاب النزول إلى المظاهرة .

ويين الغلط بالله ؟؟ما فهمت ...
يعني البني قادم الطبيعي عندو عيلة ..
وبدو يروح لعند عيلتو على الغدى ..هذا الرجال
والمرأة عندها ولاد بدها تعملهم غدى واتطعميهم ..

يعني ما بينفع كان انو والله المظاهرة يا جماعة ترى بعد الدوام!!!
كيف يعني .. الناس ما بتروح على بيوتها كرمال المسيرة مثلا .؟؟
ولا مثلا المسيرة اليوم على السهرة !!؟؟
انو بعد العشى مرو خلينا نعمل مسيرة ؟؟
الطبيعي والي بيصير بأي دولة بالعالم لما بدو يكون في مسيرة سواء موالية او معارضة بيقتطعو من الدوام الرسمي وبيتطلو على المسيرة ..


- رجال و نساء في الخمسين و الستين مشعثي الشعور مهرمشي الثياب مجعدي الوجوه ملامحهم صفراء ربما من الجوع أو المرض يحملون العلم تحت آباطهم و امرأة في الخمسين تقول لامرأة تسير إلى جانبها ألن تأخذي العلم معك إلى البيت لتسلميه غداً؟ ترى من أين جاءت هذه الأعلام ؟ طبعاً لم يشترها الناس من المتاجر و لم تحملها " الفعاليات الثقافية و الأقتصادية " من محلاتها و منتدياتها الثقافية المغلقة أصلاً و غير الموجودة أبداً بفعل قانون ألغاء الحياة أو قانون الطوارئ


لاء شعرون مهرمش وتيابون مجعدي لانهم من عامة الشعب .. شو ليش انا ولا انت بدنا نطلع على الدوام ولا على المسيرة ببلدات رسمية وجيل على شعورنا !!
وبنفس الوقت عم توصف هدول الناس
وبعدها بمقطع عم توصف الشباب والصبايا
وعم توصف السيارات والشبحات ..
اي يعني ما في شي غلط بأي شي لهلق

وبالنسبة للأعلام
بحكم ما في احزاب ومافي فعاليات ثقافية ..
مين بدو يوزع الأعلام ؟؟
لاء الناس ما رح تشتري اعلام اتطمن .. بكل محل بالدنيا المسيرات بتجيب عدتها المنظمين للمسيرة ..
وعلى اعتبار حزب البعث او السلطة هيي الي عم بتنظم فطبيعي اتجيب الأعلام ..
كمان ما قدرت لاقي وين النكشة الرهيبة الي هال الكاتب الفز مكتشفها بهال المسيرة !!!!!!!


- مسيرة سيارات فخمة لمجموعة من الشبيحة و أبناء المسؤولين و الأغنياء ترفع الأعلام الوطنية و تطلق زمور الأسعاف نصفهم يتحدث بالخليوي و نصفهم الآخر يستعد للحديث و الجميع يغطون عيونهم بنظارات شمسية فخمة

ليش الوطن من إيمت كان حكر على الفقراء .. او حكر على الناس الي ما عندهم سيارات او على اولاد غير المسولين
هدول مواطنيني متلهم متلي ومتلك ..
وطبيعي يحبو بلدون .. سواء كانو بشبحات او بطرطيرات .. هاي الشغلة مالها علاقة بحب البلد او كرهو !!
هذا من ناحية المبدأ
من ناحية التنفيز .. ما بعتقد في طقوص خاصة لازم الواحد يعيشها بالمظاهرة..
يعني واحد بيلبس نظارة شمس وبيمسك موبايل بإيدو وطارق نص كيلو جيل على شعرو .. هيك طبيعة حياتو ويوميا هيك شكلو
شو مطلوب منو بالمظاهرة يعمل !!!!!!
يروح يخزق تيابو ويشحور وشو وينزل يتظاهر !!

كمان برج بعيد انو ما بتخلص .. بلد الغرغرة والرغي الفاضي هاي ..
انو لو ما طلعو هدول مثلا .. __ اساسا اذا كان في ناس مضطرة تطلع لأي سبب هدول عاد ما في حدى جابرهم ولا بنص فرنغ يطلعو يتظاهرو .. __ المهم لو ما طلعو
كان بينطلك واحد بيقلك شوف .. شوف كيف الموظفين طلعو وولاد المسولين والأثرياء قاعدين بقصورهم عم بيفشو بالديش !!!



- كانت المظاهرة فسحة للصبايا و الشباب لممارسة مغازلات إضافية لذلك ظهرت الصبايا و حتى النساء بأفضل ثيابهن و أكثرها إثارة

اي ما اتواخزنا .. والله
نسيت انو بالمظاهرات والمسيرات لازم ما حاكي البنات ولا زم امشي برتل وتمشي صاحبتي برتل بعيد عني كيلو متر ..
لكن هاي مسيرة شعبية هاي مانها مزحة ..
شو هال السخافة بالتعبير
شو احنا بكنيسة ولا بجامع ..
شباب وصبايا طالعين مسيرة شو بدك منهم يعملو ..!!


- ماذا يريد مستر رامي أكثر من ذلك لقد كان حاضراً في مظاهرة أقربائه , بل كان أول الداعين إليها في أول مظاهرة تشهدها سورية – مظاهرة دمشق – في ظل الأجواء الحالية, المستر رامي الحاضر دوماً في كل مكان من سورية مثل الروح القدس ؟


مع ان هذا الشخص تحديدا يثير امتعاضي بشكل مستمر ودائم ..
بس برجع بقول .. الكل مواطنيني وكل مواطن ليه ان يحب بلده او يكرهها
سواء كان غني او فقير
سواء اصولي او ليبرالي
سواء كان طالع مبارح من الحبس
او كاتب واديب ومفكر كوني
حب البلد والتعبير عن حب البلد ما لو ادنى صلة بوضع الشخص .........
وانو يكون من الداعين للمسيرة
سواء كان الشيئ مظاهر فقط او فعلا تعبير عن حب للبلد فهذا ما بيسيئ للشخص بشيئ اطلاقا
يعني انا لو كنت حرامي
ورحت اتبرعت بميتم
هل بكون عم بعمل غلط ؟؟؟
اي انا حرامي ماشي
بس عملية تبرعي شغلة ظريفي __ على الرغم من اني حرامي ..__
وقيس بدون ما اتخلي الميزورة تفلت من ايدك ..
يعني قيس على الظبط ..


- سؤال أبسط بكثير : إلى متى هذا التخلف الضارب أطنابه يا بشر ؟

:x :x :x :x :jakoush:

ما قريت مقال واثار غضبي متل مقال السيد "فراس سعد "
يعني مقال اكروباتي مبتزل فارغ المحتوى والفكرة من اساسه .. بينم عن بلاهة في الكتابة وعدم دراية لا من قريب ولا من بعيد بأدنى دراية ببديهيات المنطق ..
والأسخف من هذا ما ختم به مقاله

- سؤال أبسط بكثير : إلى متى هذا التخلف الضارب أطنابه يا بشر ؟

يا سيدي التخلف هذا سببو الإستخفاف في عقول الناس .. من امثالك
الناس الي بتقرأ مقالك عن حسن نيّة وبتسدق انو فعلا والله المظاهرة مبتزلة
ما ناقص غير اتقول ترى نزلو الجيش ولبسوه تياب مدني وخلوه يتظاهر ..

الظاهر يا سيد فراس انك لسا ما ادركت انو شعبك بيحب بلدو ........... وبيحبها كتيييييييييييير .. اكتر من سخرياتك السازجة
واكتر من اسلوبك السخيف بالكتابة ..
وبيحب حكوتمو .. وبأغلبية ساحقة .. شاء من شاء .. وأبى من أبى ..
:x

والله يا جماعة الصحافة حيرتونا مع ربكون ..
لو ضلت سوريا بلبنان بيقلك انتو عم تجنو على حالكم وشو مستنايين تدخل الأمم المتحدة وزوقو على دمكم
وان طلعنا من لبنان بمظاهرات ووفود تأييد بالملاييييين _اكبر مظاهرة شهدها تاريخ لبنان_
بتقولو انسحاب ذليل !!
فيك اخي" فراس سعد " توصفلي شلون بيكون شكل الإنسحاب العزيز !!!
اذا مننا ومن حالنا انسحبنا قام طلع معك ذليل
يعني اذا اتدخلت الأممم المتحدة وقتها بيكون عزيز مثلا !؟؟
الانسحاب العزيز ما كان في داعي يصير كل اللي صار لحتى يتم
ما دام العلاقة كل هالشي حميمة بين سوريا و لبنان ما كان لازم نستنى لحتى يطلع قرار أمم متحدة ضدنا.....يعني هلأ عن جد حكيم بتفكر أنو نحنا كنا بلبنان منشان لأنو نحب اللبنانيين و بدنا نحميهم؟؟ طيب ليش صارت عملية عناقيد الغضب الاسرائيلي عام 96 و ما تدخلنا, بهالسنة هاي اساسا ثبت أنو مكاننا برا لبنان

ويين الغلط بالله ؟؟ما فهمت ...
يعني البني قادم الطبيعي عندو عيلة ..
وبدو يروح لعند عيلتو على الغدى ..هذا الرجال
والمرأة عندها ولاد بدها تعملهم غدى واتطعميهم ..

يعني ما بينفع كان انو والله المظاهرة يا جماعة ترى بعد الدوام!!!
كيف يعني .. الناس ما بتروح على بيوتها كرمال المسيرة مثلا .؟؟
ولا مثلا المسيرة اليوم على السهرة !!؟؟
انو بعد العشى مرو خلينا نعمل مسيرة ؟؟
الطبيعي والي بيصير بأي دولة بالعالم لما بدو يكون في مسيرة سواء موالية او معارضة بيقتطعو من الدوام الرسمي وبيتطلو على المسيرة ..
بيجوز قصدك العالم العربي حكيم,المظاهرات دائما بالدول اللي تحترم حالها خارج أوقات العمل, ألا في حالة الاضراب المعلن, باسبانيا ولا حتى يوم تفجيرات مدريد انقطع الدوام....وكان علي امتحان تشريح بنفس اليوم المسا, و ما التغى
بينحكى عن الدكتور عبد السلام العجيلي ( كاتب سوري ووزير سابق) أنو لما زار اليابان تفاجأ بأنو يوم اثنين الساعة 9 بالليل كان في مظاهرة بشوارع ناغازاكي , لأول وهلة فكرها احتفال بشي , سأل المترجم تبعو أنو شو القصة, رد عليه بأنو هاي مظاهرة, قاللو العجيلي أنو كيف مظاهرة يا زلمة, ليش ما بيتظاهرو بالنهار, قام قاللمو المترجم أنو ما بيصير.....بالنهار في شغل!!!!!
بعدين شغلة تانية.............. ع أساس المظاهرة عفوية, كيف ضبطت معهون؟؟؟
و كمان شغلة......................لو المظاهرة للمعارضة كان انقطع الدوام؟؟

لاء شعرون مهرمش وتيابون مجعدي لانهم من عامة الشعب .. شو ليش انا ولا انت بدنا نطلع على الدوام ولا على المسيرة ببلدات رسمية وجيل على شعورنا !!
وبنفس الوقت عم توصف هدول الناس
وبعدها بمقطع عم توصف الشباب والصبايا
وعم توصف السيارات والشبحات ..
اي يعني ما في شي غلط بأي شي لهلق

وبالنسبة للأعلام
بحكم ما في احزاب ومافي فعاليات ثقافية ..
مين بدو يوزع الأعلام ؟؟
لاء الناس ما رح تشتري اعلام اتطمن .. بكل محل بالدنيا المسيرات بتجيب عدتها المنظمين للمسيرة ..
وعلى اعتبار حزب البعث او السلطة هيي الي عم بتنظم فطبيعي اتجيب الأعلام ..
كمان ما قدرت لاقي وين النكشة الرهيبة الي هال الكاتب الفز مكتشفها بهال المسيرة !!!!!!!
في فرق بين السلطة كحكومة للجمهورية العربية السورية.........و البعث كحزب, ما يجوز زينة و أعلام وحركات البعث تندفع من موارد شركة أو دائرة حكومية, و بالتالي من موارد الدولة....نظريا مو كل الشعب بعثي, و بالتالي نحنا السوريين الغير بعثيين غير مجبورين على دفع هيك حركات من ضرائبنا...........بس على كل هاد اثبات آخر على نظريتي حول البطة السودا
ليش الوطن من إيمت كان حكر على الفقراء .. او حكر على الناس الي ما عندهم سيارات او على اولاد غير المسولين
هدول مواطنيني متلهم متلي ومتلك ..
وطبيعي يحبو بلدون .. سواء كانو بشبحات او بطرطيرات .. هاي الشغلة مالها علاقة بحب البلد او كرهو !!
هذا من ناحية المبدأ
من ناحية التنفيز .. ما بعتقد في طقوص خاصة لازم الواحد يعيشها بالمظاهرة..
يعني واحد بيلبس نظارة شمس وبيمسك موبايل بإيدو وطارق نص كيلو جيل على شعرو .. هيك طبيعة حياتو ويوميا هيك شكلو
شو مطلوب منو بالمظاهرة يعمل !!!!!!
يروح يخزق تيابو ويشحور وشو وينزل يتظاهر !!

كمان برج بعيد انو ما بتخلص .. بلد الغرغرة والرغي الفاضي هاي ..
انو لو ما طلعو هدول مثلا .. __ اساسا اذا كان في ناس مضطرة تطلع لأي سبب هدول عاد ما في حدى جابرهم ولا بنص فرنغ يطلعو يتظاهرو .. __ المهم لو ما طلعو
كان بينطلك واحد بيقلك شوف .. شوف كيف الموظفين طلعو وولاد المسولين والأثرياء قاعدين بقصورهم عم بيفشو بالديش !!!
لما أطلع مظاهرة ما بطلع عشان أشوف حالي بسيارتي و موبايلي و حركاتي الفاضية, ماني رايح على عرض أزياء
اي ما اتواخزنا .. والله
نسيت انو بالمظاهرات والمسيرات لازم ما حاكي البنات ولا زم امشي برتل وتمشي صاحبتي برتل بعيد عني كيلو متر ..
لكن هاي مسيرة شعبية هاي مانها مزحة ..
شو هال السخافة بالتعبير
شو احنا بكنيسة ولا بجامع ..
شباب وصبايا طالعين مسيرة شو بدك منهم يعملو ..!!
مو هادا القصد....حكيم, كلنا كلنا طلاب...........
بيجوز ما كنت صايع متلي, بس أنا أيام الثانوي كنت روحع النسيرات عشان أطبق, أي نعم....كنا بدور على مسيرة بنات مدرسة حميدة ( مدرسة بنات الهاي) و نعسكر عندها, قصدي أنو العدد من الناس ما بيذهلني, النسبة الكبرى من هالمسيرات طالعين كزدرة و تضييع وقت........بس على كل مو هاد المهم بالموضوع

مع ان هذا الشخص تحديدا يثير امتعاضي بشكل مستمر ودائم ..
بس برجع بقول .. الكل مواطنيني وكل مواطن ليه ان يحب بلده او يكرهها
سواء كان غني او فقير
سواء اصولي او ليبرالي
سواء كان طالع مبارح من الحبس
او كاتب واديب ومفكر كوني
حب البلد والتعبير عن حب البلد ما لو ادنى صلة بوضع الشخص .........
وانو يكون من الداعين للمسيرة
سواء كان الشيئ مظاهر فقط او فعلا تعبير عن حب للبلد فهذا ما بيسيئ للشخص بشيئ اطلاقا
يعني انا لو كنت حرامي
ورحت اتبرعت بميتم
هل بكون عم بعمل غلط ؟؟؟
اي انا حرامي ماشي
بس عملية تبرعي شغلة ظريفي __ على الرغم من اني حرامي ..__
وقيس بدون ما اتخلي الميزورة تفلت من ايدك ..
يعني قيس على الظبط ..
يعني عم بتقارنلي أعمال الحرامي هاد ببناء ميتم, يا حكيم , الشخص هاد صدقني مو طالع لحبو لسوريا, طالع لحبو و تعلقو بنظام فاسد , هالنظام خلاه يصير مليونير لما الناس اللي بعمرو ما معها مصاري تفتح بيت 50 متر و تتجوز...........طبيعي يطبل و يزمر, ما لازم يمشي علي أيديه كل المظاهرة كمان

ما قريت مقال واثار غضبي متل مقال السيد "فراس سعد "
يعني مقال اكروباتي مبتزل فارغ المحتوى والفكرة من اساسه .. بينم عن بلاهة في الكتابة وعدم دراية لا من قريب ولا من بعيد بأدنى دراية ببديهيات المنطق ..
هالشي طبعا يرجع لرأيك الشخصي, أنا كمان القرحة ما بتسمحلي اقرأ الصحافة الموالية و أكاذيبها و نفاقها الغير محتمل!!!!!!


يا سيدي التخلف هذا سببو الإستخفاف في عقول الناس ..
هون بنتفق.........البعث فنان بهالشي

الناس الي بتقرأ مقالك عن حسن نيّة وبتسدق انو فعلا والله المظاهرة مبتزلة
ما ناقص غير اتقول ترى نزلو الجيش ولبسوه تياب مدني وخلوه يتظاهر ..
طبعا مبتذلة....وجدا, ما كان في فصل من المدارس لما كان حدا يغيب عن المسيرات, ما كان في اجبار للموظفين أنو يطلعو............كل شي موظف أو عامل بالدولة مجبور يمشي على هالخط مشان يحافظ على هالربع لقمة اللي جايتو من هالدولة........
المنتفع طالع يشكر هالنظام على نفعو...طبعا

الظاهر يا سيد فراس انك لسا ما ادركت انو شعبك بيحب بلدو ........... وبيحبها كتيييييييييييير .. اكتر من سخرياتك السازجة
واكتر من اسلوبك السخيف بالكتابة ..
وبيحب حكوتمو .. وبأغلبية ساحقة .. شاء من شاء .. وأبى من أبى ..
حكيم...............................الربط بين الحكومة البعثية و الحب لسوريا خطأ
اللي عم بيصير أنو نتيجة دخول هالحزب التوتاليتاري بكل شي بحياة السوريين, صار في قناعة عند المواطن أنو حب سوريا = حب البعث و آل الأسد....
طلعنا خاينين وولاد حرام و مجرمين , عملاء لأمربكا و اسرائيل...... مو مشكلة, علىقولة سعدون الجابر : ( عيشانك, صبر أيوب.........) بدها صبر يا سوريا يا حلوة
التاريخ وحدو قادر على أنو يرمي المجرمين بمزبلتو

حكيم...............................الربط بين الحكومة البعثية و الحب لسوريا خطأ
اللي عم بيصير أنو نتيجة دخول هالحزب التوتاليتاري بكل شي بحياة السوريين, صار في قناعة عند المواطن أنو حب سوريا = حب البعث و آل الأسد....
طلعنا خاينين وولاد حرام و مجرمين , عملاء لأمربكا و اسرائيل...... مو مشكلة, علىقولة سعدون الجابر : ( عيشانك, صبر أيوب.........) بدها صبر يا سوريا يا حلوة
التاريخ وحدو قادر على أنو يرمي المجرمين بمزبلتو

أبومارل .. للأسف ما في شي بيخلي العالم تقتنع غير الأيام .. وقتها ما عادت تنفع القناعة ..يعني بيكون الاوان فات .. بس بكل الاحوال أنا كتير استمتعت بالنقاش .. يعني كان في وعي ورائع ..
أبو مارل كتر من هالمقالات الي بتثير نقاط رائعة للنقاش ..

:D :D :D

وعلى فكرة دكتور ... بأفلام كرتون البطة السودا هيي اللي ربحت نفسها آخر شي وهيي اللي العالم كلها حبتها بعدين .. :wink:

:D :D :D