-
دخول

عرض كامل الموضوع : أفلام كرتون ...........

yanni
16/07/2006, 00:16
بالبدايه وبما انو الموضوع راح يكون عكس تصور الكثير من الاعضاء على ما اعتقد
يا ريت الشباب والصبايا يتقبلو مني هالموضوع برحابه وسعة صدر

في ظل الظروف السياسيه الحاليه الي عبتمر فيها المنطقه العربيه
وخاصه لبنان وسوريا وايران وعلاقة هالدول مع اسرائيل
صار المتابع للقنوات الفضائيه ووسائل الاعلام عموما يحتار
وبطل الواحد يعرف راسو من اجريه بالعربي
طيب عندي انا محاوله للملمة الافكار تبعيتي وربط بعض المواضيع ببعضا
وطلع معي شغلات غريبه وتساؤلات عجيبه
بجوز كون فيها غلطان ,, وبجوز بنفس الوئت يكون تفكيري صحيح
خليني بلش
من فتره ليست بالطويله كتير حضرت لقاء مع الامين السابق لحزب الله
وتحديدا على قناة المحور
وذكر فيها حرفيا (( ان حزب الله موجود في لبنان لحماية حدود اسرائيل وليس العكس ))
طيب خلو هي على طرف
ليس من مصلحة اسرائيل ولا امريكا ازالة النظام السوري الحالي قولا واحدا
لماذا ؟؟؟؟
لأنه لا يشكل اي خطر حقيقي على الاثنين .
طيب كمان هي المعلومه خلوها على طرف ...
هلاء في مشاكل مع امريكا وايران على شغلة المفاعلات النوويه , وبنفس الوئت في نفس المشاكل بين امريكا وكوريا الشماليه
والسؤال هل لغة التعامل الامريكيه لنفس المشكله مع الدولتين متشابهه
طبعا لا
والكل بلاحظ الضغط الهائل على كوريا الشماليه بعكس التعامل مع ايران

طيب مشان ما نضيع خليني بالي عبصير هلاء وبالوقت الحالي بين اسرائيل ولبنان ومع حزب الله تحديدا

لو نخلي عواطفنا على طرف ونفكر بعقولنا و نسئل حالنا كلنا سؤال
مين المستفيد الوحيد من كل الي عبصير حاليا من اخر عمليه قام فيها حزب الله تحديدا ؟!؟!؟!؟
لو خلينا العواطف على طرف متل ما حكيت وفكرنا بعقولنا راح نتوصل لنتيجه غريبه ومفاجئه
لأنو راح يكون الجواب انو اسرائيل هيه المستفيه الاوحد من كل الي صار وعبصير
طيب ليش؟؟؟
لأنو اولا اسرائيل را يكون عندا مبرر واضح وقوي سواء لإجتياح جديد للأراضي البنانيه أو
لعمليات سوف تقوم بها اسرائيل في الاراضي البنانيه , والزمن سيثبت لنا ذالك .
الفائده الثانيه , هيه الضغط الحاصل على سوريا , وما في داعي لشرح النقطه هي
اما الفائده الثالثه
فهيه انو اسرائيل غطت حاليا على كل الي عبتعملو في غزه
والي متابع للأخبار بلاحظ انو مجرد ما حدثة عملية جزب الله لم تذكر على الاطلاق تقريبا
علما انو الولايات المتحده قبل ايام فقط استخدمت حق الفيتو لنفس الموضوع المتعلق في غزه

وبختصار شديد
عندي تسائل مهم كتير وهوه :

هل يمكن ان تكون كل الاخبار الي تذاع في الفضائيات عباره عن افلام كرتون يشاهدها المواطن العربي
فيتأثر تارة بهذه وتارة بأخرى بغيرها من دون اي وعي سياسي او ثقافي او حتى وعي تاريخي

الله اعلم .........
TheLight
16/07/2006, 00:42
تحليل حلو وممكن الواحد يتأمل فيه
وانا من ناحيتي من اشد المؤمنين بنظرية المؤامرة
ومافي غريبة بهالايام
COSTA
16/07/2006, 01:43
هلاء في مشاكل مع امريكا وايران على شغلة المفاعلات النوويه , وبنفس الوئت في نفس المشاكل بين امريكا وكوريا الشماليه
والسؤال هل لغة التعامل الامريكيه لنفس المشكله مع الدولتين متشابهه
طبعا لا
والكل بلاحظ الضغط الهائل على كوريا الشماليه بعكس التعامل مع ايران

اسمحلي بهال مداخلة

اميركا عم تضغط على كل دولة بمقياس معين لانو هدول الدول بشكلو خط الدفاع الاستراتيجي لروسيا وهي الحقيقة

فلذلك اميركا من وقت انهيار الاتحاد السوفييتي وهي عم تحاول تحاصر روسيا جغرافيا

وهي اللعبة واضحة بس على المدى البعيد

وبشكرك على موضوعك الحلو:D
chefadi
16/07/2006, 04:17
عندي تسائل مهم كتير وهوه :

هل يمكن ان تكون كل الاخبار الي تذاع في الفضائيات عباره عن افلام كرتون يشاهدها المواطن العربي
فيتأثر تارة بهذه وتارة بأخرى بغيرها من دون اي وعي سياسي او ثقافي او حتى وعي تاريخي


الله اعلم .........


فعلا تساؤل خطير و مهم ,,, و اعلامنا نحنا مسيس بامتياز ,,, و انا كمان مع نظرية المؤامرة و طبعا شعبنا بيتأثر بالاخبار منل أفلام الكرتون لأنو غير واعي سياسيا و فكريا ..........

تحياتي ,,,
Syrian__Angel
16/07/2006, 09:03
و اعلامنا نحنا مسيس بامتياز

مو بس اعلامنا ..
هلأ كمثال صغير، اخبار لبنان الحالية بتشوفها على القنوات العربية - على اختلاف توجّهات كل محطة - بشكل .. وبتشوفها بالاعلام الغربي بشكل تاني - وهدول كمان بيختلفو بين بعض -

هلأ مشان الموضوع .. انا معك باللي قلتو .. وهي مو اوّل مرة بتصير " فينا " واكيد ما رح تكون الاخيرة ، بتذكر من فترة - ع بداية المونديال تقريبا - كانت هلأ مبلشة اسرائيل ببداية الضرب بغزة بس وقتها العالم كلّو كان ملتهي بحدث تاني وغطوا عالموضوع ..
باختصار ... اسرائيل دايما عم تعرف ايمتى تختار " الوقت المناسب " لتضرب ضربتها و بدون ما ينحط الحق عليها بالاخير
Nirvana
16/07/2006, 09:17
هو بس الإعلام صاير أفلام كرتون ..!!!

أنا حاسة حالي بفيلم كرتون " عدنان ولينا "

لأني حاسة بالضياع عن المكان اللي أنا عايشة فيه .. وهالمكان رح صير قريباً متل الأرض في " عدنان ولينا " اذا مو فعلياً مجازياً..
oliver68
16/07/2006, 12:47
انا معكن 100000000000000000000%، كل شي حكيتو صح، و كلشي عمبصير هوي عبارة عن أفلام كرتون، أو خلينا نقول مسرحية، حزب الله معروف للجميع إنو حامي شمال اسرائيل، و الأنظمة العريبية كلها دون استثناء عميلة لأميركا و اسرائيل، و كل شي بصير من حروب و اغتيالات و تدمير هوي عبارة عن تحقيق مصالح، لك حتى القاعدة و بن لادن و الزرقاوي و صدام...الخ، كلن موظفين للموساد و للـcia، عندن حسابات ببنوك سويسرا بتكفي العالم كلوا، و لما نحنا منتقاتل على شي قضية أو على مصداقية شي حزب او منظمة، بكونوا هنن عميسهروا مع بعضن و قدامن العرق و الغواني و الحشيش، فأنا مع نظرية المؤامرة، ومع إنو الشعوب العربية عم تتخدر و ينغسل دماغها باللي عمبصير.
Nirvana
16/07/2006, 13:05
صايرة أفلام الكرتون أصدق من الواقع العربي...
اب حمرا
16/07/2006, 19:38
:? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟
كهربجي
17/07/2006, 00:03
:? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟ :? ؟
ما هيك؟؟
krimbow
17/07/2006, 17:16
ما هيك؟؟

و انا هيك رأيي

خوش كنت مفكر حالي انو حزب الله خطف الجنديين الاسرائيليين مشان يخفف عبء ع الفلسطينيين، و مشان يقوم بعمليات تبادل اسرى مع اسرائيل.

تاري مو هيك القصة

فحسب نظرية "افلام كرتون"، حزب الله عمل عملتو "بس" مشان يخطف الاضواء عما يحدث في غزة...
تحولت نص لبنان و اسرائيل لانقاض، "بس" مشان يجعلوا من غزة "الخبر الثاني" في نشرات الاخبار

كرمال يللي بتعبدوه يا جماعة
سمعت كتير تحليلات ... لكن هالتحليل هوي الاحشش

سمعت تحليل عم يقول انها عملية حمقاء، و طائشة، و رعناء، و الذي منو...
كأنو السيد حسن نصرالله وعي من النوم و قال لجماعتو "اخطفولنا جنديين ع الفطور"
او اتصلوا فيه جماعتو ع الموبايل و قالولو "سيدنا لقينا جنديين عم يتمشوا قمنا خطفناهم، بتحب نطبخلك عليهم فريكة و اللا تبادل فيهم اسرى؟!"

سمعت تحليل "اهضم"، انو العملية كانت رد على تحليق الطيران الاسرائيلي فوق الاجواء السورية، و رسالة من سوريا لاسرائيل مغزاها "هي هيي قدرات حزب الله، بامكانكم تتخيلوا قدرات سوريا"
علما انو ما بتصور اسرائيل غبية لدرجة تنسى قدرات سوريا، لا هيي و لا ماما اميركا




اما انو تطلع اسرائيل هيي المستفيد الاكبر، فهالتحليل كمان مو كتير زابط
يعني كيف بتستفيد اسرائيل لما يدرك العرب انها هشة لدرجة انو كم صاروخ كاتيوشا بيعيشوها تحت الارض و بالملاجئ ؟؟؟
شو بتستفيد لما نكتشف انو ما عندها قدرة تتوغل مترين داخل الاراضي اللبنانية ؟؟؟
وين الاستفادة لما يكون عندها اكتر الاسلحة تطورا و ما عم تقدر تدافع عن اراضيها؟؟؟

خلينا نشوف الوضع اللبناني
في دمار كبير ؟ صحيح
في انهيار اقتصادي؟ صحيح
في شهداء؟ صحيح

بس لحظة
هل حزب الله هوي المسؤول عن هالشي؟
بعدين انو بيحكوا و كأن الاقتصاد اللبناني اقتصاد رائد، و الليرة تبعو صامدة، و اسهم السوليدير مولعة قبل الاحداث الاخيرة

و بالاخير، من جهتي، شايف انو كم مطار، و كم بيناية، و كم جسر، كلو بيتعوض
حتى الشهداء يللي سقطوا، بيتعوضوا لما ما نروح دمهم هدر

و برأيي شوية كرامة، مهما كان تمنها، ممكن انو نتعايش معها

شكرا حزب الله
شكرا لبنان
Majood
17/07/2006, 17:31
شكرا الك كريم
Nirvana
17/07/2006, 19:31
و انا هيك رأيي

خوش كنت مفكر حالي انو حزب الله خطف الجنديين الاسرائيليين مشان يخفف عبء ع الفلسطينيين، و مشان يقوم بعمليات تبادل اسرى مع اسرائيل.

تاري مو هيك القصة

فحسب نظرية "افلام كرتون"، حزب الله عمل عملتو "بس" مشان يخطف الاضواء عما يحدث في غزة...
تحولت نص لبنان و اسرائيل لانقاض، "بس" مشان يجعلوا من غزة "الخبر الثاني" في نشرات الاخبار

كرمال يللي بتعبدوه يا جماعة
سمعت كتير تحليلات ... لكن هالتحليل هوي الاحشش

سمعت تحليل عم يقول انها عملية حمقاء، و طائشة، و رعناء، و الذي منو...
كأنو السيد حسن نصرالله وعي من النوم و قال لجماعتو "اخطفولنا جنديين ع الفطور"
او اتصلوا فيه جماعتو ع الموبايل و قالولو "سيدنا لقينا جنديين عم يتمشوا قمنا خطفناهم، بتحب نطبخلك عليهم فريكة و اللا تبادل فيهم اسرى؟!"

سمعت تحليل "اهضم"، انو العملية كانت رد على تحليق الطيران الاسرائيلي فوق الاجواء السورية، و رسالة من سوريا لاسرائيل مغزاها "هي هيي قدرات حزب الله، بامكانكم تتخيلوا قدرات سوريا"
علما انو ما بتصور اسرائيل غبية لدرجة تنسى قدرات سوريا، لا هيي و لا ماما اميركا




اما انو تطلع اسرائيل هيي المستفيد الاكبر، فهالتحليل كمان مو كتير زابط
يعني كيف بتستفيد اسرائيل لما يدرك العرب انها هشة لدرجة انو كم صاروخ كاتيوشا بيعيشوها تحت الارض و بالملاجئ ؟؟؟
شو بتستفيد لما نكتشف انو ما عندها قدرة تتوغل مترين داخل الاراضي اللبنانية ؟؟؟
وين الاستفادة لما يكون عندها اكتر الاسلحة تطورا و ما عم تقدر تدافع عن اراضيها؟؟؟

خلينا نشوف الوضع اللبناني
في دمار كبير ؟ صحيح
في انهيار اقتصادي؟ صحيح
في شهداء؟ صحيح

بس لحظة
هل حزب الله هوي المسؤول عن هالشي؟
بعدين انو بيحكوا و كأن الاقتصاد اللبناني اقتصاد رائد، و الليرة تبعو صامدة، و اسهم السوليدير مولعة قبل الاحداث الاخيرة

و بالاخير، من جهتي، شايف انو كم مطار، و كم بيناية، و كم جسر، كلو بيتعوض
حتى الشهداء يللي سقطوا، بيتعوضوا لما ما نروح دمهم هدر

و برأيي شوية كرامة، مهما كان تمنها، ممكن انو نتعايش معها

شكرا حزب الله
شكرا لبنان

شكراً لتحليلك..
COSTA
18/07/2006, 00:28
سمعت كتير تحليلات ... لكن هالتحليل هوي الاحشش

عطيني شي حشيشة من هدول يلي خلتك تكتب هال كتابة

ولا قلك شي 4 او 5 احتياط:lol:
Reemi
18/07/2006, 01:12
انو شو مشانك ياني؟
اخد شي شغله قبل هالتحليل الخطير؟
هلق اسرائيل هيي المستفيدة؟
ما فهمت وين الاستفادة؟
من ايمتى بموت لاسرائيل 8 بيوم واحد بقصف؟
من ايمتى ما انقصف صاروخ ع اسرائيل
من ايمتى ما استعملوه للماجيء باسرائيل
من ايمتى بتكون الحركة مشلولة باسرائيل لهلدرجة..من ايمتى الاقتصاد الاسرائيلي ..بيوصل للي وصله هلا....
كيف مستفيدة ما فهمت؟
بس الظاهر نحنا ما بيلبقلنا رجال من السيد حسن ويضرب صواريخ ع اسرائيل ويهدد امنها و جيشها الجبان..يمكن النعامة بتلبقلنا اكتر
انسان بلا حدود
22/08/2006, 13:34
يلا فوق ..