البيك والشعب [الأرشيـــــف]

minime1967

06/04/2005, 12:58

رحنا لعند البيك , قرد, لقينا البيك بني أدم متلنا متلو لانو لا بيك ولا خر.....

يعني البيك شو وضعو ؟

بيزعل وبينبسط ؟

بيشخ ؟

أنو البيك بياكل نفس أكلنا ؟؟ نفس خبزنا

أنو البيك بشخر بالليل ؟ بتخانقو مرتو ؟ بيفيق أبنو بالليل و بيطر يغيرلو أحيانا ؟

بيخاف من الشرطة العسكرية والمدنية وكافة أنواع وأشكال السلطات الأمنية الأم أربع وأربعين؟

بعمرو شي أكل كف ؟

:cry:

بعمرو شي اشتهى لعبة ؟ بسكليت ؟ شوكالاتة ؟ فروج ؟

بعمرو فكر شو يعني آخر الشهر ؟

بعمرو دفع شي فاتورة مي أو كهربا أو هاتف ؟

بعمرو شي انقطعت الكهرباء وهو طفل بالتواليت و مات من الرعبة ؟

بعمرو اتعلق بالباص الأخضر تعليق؟

بعمرو قال للناس : بمعيتكوم خلونا نحت رجل وحدة ونمسك بالمسكة ؟؟ بباص الدولة الأخضر ..

بعمرو فكر يسرق من جيبة أبوو ليشتري كاتوية ؟

بعمرو بكي لأنو ما جابولو تياب جديدة عل العيد؟

بعمرو نام مع الصباط الجديد ؟

بعمرو حس بظلم شي استاذ ؟ لما بيروح لشي طالب شاطر شي علامة ..

بعمرو اشترى من البالة أو سمع فيها ؟

بعمرو اشتهى شي تياب متل العالم والناس وهو بالجامعة ؟

بعمرو حس بالغيرة من اللي بيشترو تياب من لبنان ؟

بعمرو شاف الورقة البيضة الصغيرة اللي مكتوب عليها "مراجعة الفرع...." والتوقيع "أبو بطيخ" ..؟؟؟

بعمرو نطر المكرو ؟ واندحش بالمكرو ؟ واتضارب عالمكرو ؟

بعمرو ساوى شي معاملة بالدولة ؟ أو ورقة لاحكم عليه ؟ أو شهادة سواقة ؟

بعمرو زرب عليه مية وسخة من بيت الجيران ؟

بعمرو عاش كمواطن ؟؟

حسون

06/04/2005, 13:00

الموضوع كتير حلو
و مشكور رفيق :D

minime1967

06/04/2005, 13:01

الموضوع كتير حلو
و مشكور رفيق :D

والله ياغالي مو حلو بالمرة .. والله بيبكي الكلاب ...

حسون

06/04/2005, 13:03

الموضوع كتير حلو
و مشكور رفيق :D

والله ياغالي مو حلو بالمرة .. والله بيبكي الكلاب ...
الحلو أنك تقول الحقيقة مهما كانت محزني

minime1967

06/04/2005, 13:13

الموضوع كتير حلو
و مشكور رفيق :D

والله ياغالي مو حلو بالمرة .. والله بيبكي الكلاب ...
الحلو أنك تقول الحقيقة مهما كانت محزني

والله فهمت شو قصدك أنو الموضوع حلو .. بس ما ضبتت معي كامة حلو ... حقك عليي ..

عاشق من فلسطين

06/04/2005, 13:20

:cry: :cry: بعمرو البيك عرف الوطن... أو حس بالوطن .. :D :D

minime1967

06/04/2005, 13:23

:cry: :cry: بعمرو البيك عرف الوطن... أو حس بالوطن .. :D :D

والله ياغالي كتير في بيوك يعرفو الوطن متل عمر بن عبد العزبز , ومحمد سوار الدهب , وشارون , وبلير , محمد خاتمي ... وغيرون في بس مو كتير ....

minime1967

06/04/2005, 13:24