ما بتغبر علي الا لانا وسخة كل 5 دقايق لازم تمسح بوطك مشان هيك وين ما كان بتلاقي بوياجيي لانا اكتر مهنة شغالة هون والكل بحاجة الا :wink:
صرلي فيا اربع سنين لسا يا دوب بعرف امشي فيا . بكرها شكلت اول سنة منظمة من اعداء هل المدينة و كنا عطول كل ما اجتمعنا ما عنا شغلة غير نسبا
الرفق من اهلها فيها (مو الاصدقاء) من المستحيلات مشان هيك كل رفقاتي من براتا
الطقس فيها عاطل وبشع يعني البرد برد والشوب :mrgreen:
عرفتو شو هيي المدينة : من دون شك حلب
طيب حاجي مسبات عليا فيا اشيا كويسي ومن اعظما ابو عبدو الفوال (بآخر الشهر دوا) والبولينغ (بس بدا فت عملة) البنات هون بس بيعرفوا يلبسوا وكلن عندون سيارات (انا ما عندي حمار) بتسمع العربي اققل ما تسمع الكردي والارمني والحلبي
البنت الحلبية الحلوة بتضل حلوة حتى تفتح تما وتسمعك كلمتين حلوات بالحلبي يا عين
بس حلب فيا حدايق حلوة بس ما بينقعد فيا
انا بحب ساحة فيها اسما ساحة الحطب محل ما كنت ساكن اول سنتين هي المحل الوحيد اللي بروق في عل الآخر (فيا شجرة توت كبيرة)
هون الكل متعصبين كلمين لديانتو وقبل ما يسألوك شو اسمك بيسألوك مسلم ولا مسيحي بس رايحة عالملحدين
احسن من هيك ما طلع معي مديح يعني هادا اللي بتعيني حلب لالي وبقول لكل الحابب يجي لهون وما عندو محل ينام في فنحن منرحب في بالسفارة الحمصية في حلب ومنيمو عنا ولا شو رأيك ديموزي :lol:

ولك حبيبي علالأقل عندكم بحلب في أكل طيب وكباب بانجان وقراص بنعنع ....والسي سي وعل راسي حارتك ..

:lol:
انو متل ما بيقولو قاعدين بحضونون و بينتفو بدقونون :jakoush:
- - - - - - - - - - - - - - - - - -
اللي مستغربتو انو طول عمري كل ما اكتب شي او يكون في تصويت بحكي رفقاتي mike le roi و dimozi
و بقلون صوتوولي او ردو 8) بس هي المرة الوحيدة يلي ما حكيت فيا قام التنين كتبو مواضيع غريب :P
يلا يعطيكون العافية
:D

والله سبقتني على حلب يا Mike لأن بها اليومين كنت ناوي أكتب عن حلب , بس على العموم في كام نقطة ممكن نختلف عليهن شوي , بس اللي ما منختلف عليه أنو السفارة الحمصية بحلب ( بيتنا ) دايما مفتوحة للكل .

هم ..
انا كل سوريا بحبها شقفة شقفة .. اكيد .. ابتدائا من ســــــــــــــــــــــت الصبـــــــــــــــــــــ ــايــــــــا حمـــــــــــــــــــــــ ـــــــص...
وانتهائا بالبو كامال ..

بس حلب ما بعرف شو قصتي مع هال المدينة ..
زياراتي ليها كانت قليلة .. نسبيا ..
كل طلعاتي بينعدو على اصابيع اليد ..
يعني يا كنت اطلع منشان قابل بنت الجيران :lol: :lol:
يا اطلع منشان شوف اختي لما انزل على سوريا لانو كانت عم تدرس بحلب سابقا ..

بس من اول طلعة الي على حلب مجرد ادخل من بوابة حلب او من الإتستراد هذا الي بيدخلك على حلب كان يغوطن على قلبي ..!!!
ما بعرف ليش بس بيجوز لانو الوان البنايات غامقة وانا ما بحب الألوان الغامقة بتعملي اكتئاب ..
بيجوز لانو في ضغط جوي او تأثير كوني سلبي بهديك النقطة ..
بس يعني من اول اول زيارة لحلب غوطن على قلبي ومن يومها بيصيبني اكتيئاب او هيك شي كل ما بطل على حلب (على مضض)

مع حبي لك حلب والحلبية بس هيك بلدهم صعبة شوي :(

:D :D :D

لاأأه هيك رح يصير في زعل ورح أوصل الدم للركب ..بلفعل الحماصنة أمركون عجيب!!
بحب أبشرك أنت وياه أنو حلب"مدينتي سابقاً"من أجمل المدن السورية وأرقاها .
طيب شو ذنبي أخي مايك إذا كنت مستأجر حضرتك جنب سوق الجيج والسمك "الجديدة" يعني مو بس بدك تنظف صباطك كل 5 دقائق ..أي بدك تقرف العيشة تبعك ، طين وروايح ومجتمع غير مثقف لحداً ما.
بس خلينا نطلع من هالزاوية الضيقة من الرؤيا ..برؤية الجانب الآخر للصورة: فسوق الجديدة من أكثر الأسواق سريالية التي رأيتها في حياتي..
نظام حياتي وأجتماعي غريب ،طريف مليء بالحياة.. تبدأ الحياة فيه من الصباح الباكر حيث تتسابق العجائز"الختايرة" بتنقية المستلزمات "الخضار الفواكة"ورق عنب ،تين،ورد بقدونس... جارين خلفهم عربتهم التي لم يبق منها سوا دولاب واحد وحبل اللاستيك ليشد على المشتريات.. محاولين المجادلة بأصواتهم ولكنتهم الغير مستحبة حول السعر بدون كلل ولكن من دون نتيجة فغالباً مايشترونها بأضعاف سعرها ،-سياسة الباعة_ ،لتتابع المسير قليلاً لترى عملية تنتيف ريش الدجاج وشوي رأس الخاروف .. الأزدحام بدا جلياً أمام الفرن، الصيحات تلعلع والباب الخلفي للفرن يفتح ليخرج منه رجل أمن أو قريب محملاً بالخبز! تنتظر قليلاً لترى أبناء المدارس ..المنطقة المجاورة فيها 3 مدارس خاصة 2 منها أرمنية.. تنتظر قليلاً لترى الكهنة يأخذوا دربهم .. هناك تجمع مسيحي كبير فللسريان الكاثوليك دير في حارة الصليبية للأمام قليلاً كنيسة الأربعين شهيد .. لاتبعد عنها ساحة فرحات بكثير .. المحاطة بكنستين :الموارنة والروم كاثوليك.. والجوامع فيها من كل زاوية ..أحدهم أمام الفرن لربما كان أسمه الصديق والآخر خلف ساحة الحطب ..تاريخي لكنه مغلق يصلىء في جزء منه.. للتابع السير أمامك السمانيين والمداجن من يقوم حقن الدجاج ماءاً ليضرب وزن أكثر!
خذ أتجاه أبو عبدو "حارة القسطل الحرامي لتعيش مرحلة العشرينيات م القرن الماضي : الناس ملابسهم عادتهن أحاديثهم ..مدرسة لتعليم القرأن قد تجد سيارة تعترض طريقك ..عليك موازاة الحائط قبل مايصلوا عليك.. أطفال أعمارهم أقل من 10 سنين تراهم بعقلية رجال ..يقوم بالدفاع عن شرفه وعرضه ..فيمنع أصدقاءه من لحديث مع أخته 7سنوات يادوب...
لنعود للجديدة الساعة 1ظهراً الآن ..ساعة الذروة أصوات تنبع من كل صوب .. كل بائع أمام بسطته يتكلم معك بتعالي كبير فهو يدري أنك لست بالبائع الأخير ..سعره محدد بدك بدك ..مابك الله معك.. والله هاد سعري بعد المراعات ،ولاءلك بخمساعشرين ورقة.. قد تتحطم تلك الضضاء بصت كعب نسائي مغطى بالحجاب.. وقد تنقطع الحركة بالكامل بمرور أنسة جميلة تتغندر من أجل كيلو بندورة مثلاً.
طبعاً "مكتبة "أبو جابر العالمية بدون منازع .. تحتوي على أمهات الكتب والفن .."المكتبة" فتحت فرع أخر بعد وفاة جابر الأب بعد عمر يناهز 90 .. والتي كانت في السابق بسمانة كبيرة ..طبعاً"المكتبة "يصعب تصورها ووصفها فليس لك مكانا للوقوف فيها وغالب بضائعها كتب مستعملة.. بأمكانك رؤية مجلات تعود للسبعينيات..فتيش ،مالينغ ..بسكلية برا للبيع .. بمعنى أصح أشبه ب ebayارض الواقع....أبو جابر يتكلم من خلف آلاف الكتب الستعملة ..أبو جابر مهندس زراعي سابق....
يتبع

يا أخي حلب غير شكل....من باب الفرج للجميلية للعزيزية :hart: :hart: للسليمانية للمحافظة, مرورا بالمارتيني و أنتهاءا بالشهباء :lol: :lol: ....
على فكرة...آخر مرة أكلت فيها فول كانت عند أبو عبدو الفوال بالجديدة 8) ....طيارتي كانت طالعةعالـ12 الصبح...و فطرت عندو عالـ 8 :)
هالحكي من 4 سنين :cry: :cry:

أنا بحلب من (6) سنين..

يعني حلب ما كلها إيجابيات بس ما شفتها بهالسلبية الشنيعة يلي عم يحكي عليها MIKELEROI !!!

يعني حلب كمدينة أكبر من حمص بكتير وفيها تنوع غريب لا بل وهائل!!! ونتيجة هذا التنوع الكبير لا بد من وجود بعض التناقضات بين انحائها المختلفة..
يعني الواحد وقت يمشي بسوق المدينة، أو يقعد ع القلعة بيحس حالو بغير دنيا عن وقت ينزل ع العزيزية أو الموغامبو... (الأصالة مقابل الحداثة!!!!)

الجامعة في حلب هي من أقدم جامعات القطر.. بعض الكليات قديمة ومهرهرة شوي بس بشكل عام كمنطقة وحدائق وشجر الحرم الجامعي في حلب كتير حلو...

ومن أوائل الامور التي تلفت النظر في حلب هي كثرة محلات الاكل!!! يعني ما بتمشي 10 أمتار إلا وبتلاقي محل اكل...

أمر آخر هو كثرة الجوامع الفخمة في حلب... يعني جامع الرحمن لحالو شغلي كبيرة يا جماعة.. صحيح لسا ما خلص الباء فيه بس حلو...
وكمان الكنائس يحلب أكبر من كنائس حمص.. وأحلى كنبيسة بحلب هي كنيسة اللاتين........... حلوة كتير كتير..

ومشان ساحة الحطب، في مشروع ان تتحول ساحة الحطب إلى ساحة للرسامين (يعني متل المدن الأوروبية الراقية)!!!! عن جد فكرة رائعة... المشروع ان ينتشر الرسامون فيها خلال النهار مع اجواء هادئة.. وفي الليل تصبح ساحة عامة للحفلات العامة..من غني إلى عزف.. وما شابه.. (بس أنا خايف أنو شعبنا ما يقدر يتعامل باسلوب حضاري مع الموضوع)...

الشعب الحلبي.... ها... هون أصعب سؤال عن حلب... يعني كيف هوي الشعب الحلبي!!!!
الجواب في غاية الصعوبة!! يعني شو بدي احكي عن الشعب الحلبي.. الشعب السوري في حلب كما ذكرت في الاعلى مليء بالتناقضات... يعني بتلاقي هون من أغنى الأغنياء إلى الفقر المخيف.. عن جد شي بيخوف.. أحيانا بتشوف مظاهر ثراء بتنزل الدمع العين، ومناظر من الفقر المرعب يلي بتخليك ما تقدر تنام شي ليلتين تلاتي..
وكمان الشعب منقسم إلى حارات وطوائف.. يعني المسيحيين إلهون حاراتهون الخاصة، والمسلمون في حارات اخرى.. وغالباً لا يعرف كل شخص سوى الحارات المتاخمة لحارته، وبالتالي الاحتكاك بين الاديان شبه معدوم...

بس المشكلة ان هذا التنوع الكبير ما بين الاديان، المعتقدات، القوميات (عرب.. ارمن.. أكراد.. ) كل هذا التنوع من المفروض أن يتم استثماره لخدمة البلد، فهذا يميز حلب عن باقي المناطق.. بس المشكلة انو التنوع عم ينقلب إلى خلاف وصدام بدل من أن يكمل...

حياة الشبيبة في حلب فيها مجالات متنوعة... صحيح الجانب الثقافي أو الفكري غير منتشر كثيرا بالنشاطات الشبيبية ولكن هناك تحرك نحو الأفضل بهذا الاتجاه...

هادا باختصار يلي خطر على بالي عن حلب...
:D :D

السلام عليكم



انا بقترح يتغير اسم الموضوع ويصير: (( حلب في نظر حمصي )) :lol: :lol: :lol: :lol: :lol:

مشان يلي بيقرا أول سطور م الموضوع ما ينتابه شعور لخنق الكاتب .....


والسلام :D

يا شباب و يا صبايا رفيقي آعد جنبي و هوي من حلب و ألي عندو شوية حكي بالحلبي بقا رح إترك المايك (ميكريفون) معو :

يا شباب عجب رجب نجح و جاب جلائو و راح عالجامعة ولا رسب ؟

رحنا عالمطعم طلبنا الشّاي بالشّايدان و الشاورما بشنق شينكو

فيروز لما إجت عحلب غنت أديش كان في ناس بس بطريقة تاني:(شئد كان في خلئ عالعوجي عمّال تستنى خلىء و تشتي الدني و تجئجىء الدني ....

:lol: :lol:

يا شباب و يا صبايا رفيقي آعد جنبي و هوي من حلب و ألي عندو شوية حكي بالحلبي بقا رح إترك المايك (ميكريفون) معو :

يا شباب عجب رجب نجح و جاب جلائو و راح عالجامعة ولا رسب ؟

رحنا عالمطعم طلبنا الشّاي بالشّايدان و الشاورما بشنق شينكو

فيروز لما إجت عحلب غنت أديش كان في ناس بس بطريقة تاني:(شئد كان في خلئ عالعوجي عمّال تستنى خلىء و تشتي الدني و تجئجىء الدني ....

والله عراسي حارتك وبنات جارتك خاي ..

وإش يلي مو عاجب الحماصنة بحكينا عجب ؟؟

إش كني خارج نطاق التغطية .. هههههههه ؟

--------------------------------------------


منشوفكون بخير :D


سلام

[quote="Kliopatra"][quote="GodFather"]يا
وإش يلي مو عاجب الحماصنة بحكينا عجب ؟؟

إش كني خارج نطاق التغطية .. هههههههه ؟

--------------------------------------------


والله انا عشت بحلب ودرست فيا ست سنين .. على راسي والله أبوس شنئات وشكن شنئ شنئ
يعني ما جبتولنا سيرة الأكل الحلبي .. ولّي كني ما بتحكو إلا عالبنات
وبعدين بناتهن حلوين يا خيو إش بنات عندهن متل القمر بس بينطبق المثل عليهن تئبريني أنتي وسيكتة أئبرك أنت وعما تحكي :lol: :lol: :lol: :lol: :lol:
ويوم الخميس بتشوف الجئجئة والمي بالبناييت لأني الخميس عندهن حوسة
ويتخانئو الجويرين مع بعضهن على مين شطف الدرج اليوم خيتو :lol:
كني ما منشوف من وراكي وورا ولادك هالعفاريت غير الوصخ والصخام :aah: العمى شئدكن وخم :aah:
وعالدرج التاني وحدة عم تثرثر مع جارتها : بتعرفي جارة دَ اساوي اليوم لجوزي شيخ المحشي .. بيموت بالمحشي وراح أطبئ طنجرة فليفلة حمرا محشية كماني .. بدي ياه يحرحر ويحمى حاجي متلّج :o
إش طابخة اليومي لجوزك ... والله جوزي جيي عبالو كبة سفرجلية , بيموت فيا من تحت إيديي :hart:
إي تبقي زورينا خيتو .. شرفونا نطقس بزر ونحكي عل خلء.. :lol: :lol: :lol: :lol:
سامحونا والله حلب ما في متلها ومية السلامة