ما بيصير هالحكي.لايمت رح يستمر هالحكي باخوية. [الأرشيـــــف]

dot

07/07/2006, 05:52

مرحبا يا جماعة انا عندي سوال لايمت بدنا نضل ناكل تنبيه من المشرفين بس لانو ساوينا شغلة ما عجبتون...سمعوا قصتي صارت اليوم...
وطبعا اكلت من المشرف
here i am (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
تنبيه
بس قبل ما ابدا عندي سوال للقائمين على اخوية في قانون بيمنع اي عضو انو يقرا اي موضوع موجود باخوية ويرد عليه طبعا مع الالتزام باداب الرد....ما بتوقع في هيك قانون....
المهم اليوم حبيت اقرا مواضيع قديمة بي الصالون بيما انو عدد الصفحات كتيرة قلت معناتا في معلومات كتير كتير وفعلا لقيت معلومات كتيرة..........قمت صرت اقرا ورد ......وبحركتي هي رديت الروح لكتير مواضيع منسية بس حلوة ومفيدة وهاد حقي اني اقرا ورد على اي موضوع...
وفجاة بيجيني تنبيه.........طيب هلق معقول هالحكي والله هاد الحكي مابيصير مابيصير الواحد ياخد الا اذا خالف القوانين والشروط الموضوعة.........هادا الحكي عيب يصير باخوية...ما بيصير المشرفين هيك يساوا معنا لحنا ما سبينا ولا كتبنا شي غلط ولا غلطنا على حدا ولا تعدينا على حدا بس لانو الواحد قرا مواضيع قديمة بياخد تنبيه اي الله ما قالا...على كل الاحوال انا ما عم اطلب ينشال التنبيه ولا شي عادي مو فارقة معي......بس يلي بدي قولو وهاد سوال للقائمين على اخوية مشكورين مين المشرف على المشرفين نفسون يعني مو معنا انو الواحد يصير مشرف خلص هوي الصح ولحنا الغلط لا هاد الحكي مو صح ........بتمنا من الادارة انا تحط شروط وتعليمات واضحة لشروط اخد التنبيه ..........اسف لاني طولت بس والله العظيم شي بيقهر.

هموسه

07/07/2006, 05:58

:? :? :?

here i am

07/07/2006, 06:00

مجرد تعقيب بسيط

أنا ايام بضل عم ظبط مواضيع الصالون و بيفتل راسي لأنو كل مرة بضل برتب برتب و برتب و كأنو ما سويت شي لأنو بيضل منكوش غير هيك

ك وضع خاص بالنسبة ل dot84 خيو أكيد فيك تقرا يلي بدك و ترد ع يلي بدك بس ما انا بنام الضهر برجع عالأنترنيت المسى بلاقي الصالون منكوش الله اللي خلقو شي 6000 موضوع منكوش من قديم و المواضيع الجديدة ساحبة لتاني صفحة

بشكل عام أنا ماني ضد القراية و التعليق عالمواضيع بس مو بهالطريقة يلي بكون مخلي الصالون ع وضع برجع بلاقيه منكوش كمان ما حكاية

hanny dagher

07/07/2006, 06:01

حبيب انا بعتلك رسالة نبهتك فيها انو حاجة تنكش مواضيع قديمة وانتي ما سمعت بتستاهل :D

dot

07/07/2006, 06:06

حبيب انا بعتلك رسالة نبهتك فيها انو حاجة تنكش مواضيع قديمة وانتي ما سمعت بتستاهل :D

كلك زوء.........شايفين كيف المشرفين بيحكوا وبيتعاملوا برافو

dot

07/07/2006, 06:09

مجرد تعقيب بسيط

أنا ايام بضل عم ظبط مواضيع الصالون و بيفتل راسي لأنو كل مرة بضل برتب برتب و برتب و كأنو ما سويت شي لأنو بيضل منكوش غير هيك

ك وضع خاص بالنسبة ل dot84 خيو أكيد فيك تقرا يلي بدك و ترد ع يلي بدك بس ما انا بنام الضهر برجع عالأنترنيت المسى بلاقي الصالون منكوش الله اللي خلقو شي 6000 موضوع منكوش من قديم و المواضيع الجديدة ساحبة لتاني صفحة

بشكل عام أنا ماني ضد القراية و التعليق عالمواضيع بس مو بهالطريقة يلي بكون مخلي الصالون ع وضع برجع بلاقيه منكوش كمان ما حكاية

بتمنا من الكل يروح على الصالون ويشوف اذا منكوش يقلي مشان انسحب برا اخوبة كلا...

بعدين الصالون للكل مو لواحد

here i am

07/07/2006, 06:12

بتمنا من الكل يروح على الصالون ويشوف اذا منكوش يقلي مشان انسحب برا اخوبة كلا
يلا أنا رايح يلي بيحب يشرف معنا لنسوي وقفة عالأطلال اسمو رجعنا العفش القديم :lol:

here i am

07/07/2006, 06:14

بعدين الصالون للكل مو لواحد
ييه مين هالواحد يلي بدو ياخود الصالون الله يقرفو :?

Barleb

07/07/2006, 08:14

ما بيصير المشرفين هيك يساوا معنا .
w lish ma biser ?:?

;-)

Hus

07/07/2006, 08:42

لا ضير في نكوشة المواضيع القديمة و الرد عليها ، (المواضيع التي تستحق، )
لكن من المستحب الحفاظ على الخط الزمني بطريقة منظمة منشان باقي الأعضاء يكون تصفحون سلس للموقع ..

Majood

07/07/2006, 10:35

انو الواحد بينكوش موضوع .. موضوعين .. لك تلاتة .. بس صفحة ... وقتها بدك تاخد تنبيه .. و موضوع قديم من سنة .. لا شهر و لا شهرين ...
و على مشرف الصالون مافيك تحكي على خبرتو و قدراتو الاشرافية ...لأنو هو من احسن المشرفين معنا من حيث التحكم بقسمو و استيعابو للمواضيع و الاعضاء..

صياد الطيور

07/07/2006, 11:33

بلشو المشرفين يلحنوا لبعضون :o :o

hanny dagher

07/07/2006, 11:38

بلشو المشرفين يلحنوا لبعضون :o :o

اي هيك الاوامر من السلطة العليا ;-)

Majood

07/07/2006, 11:47

لا ما دخل السلطة العليا...
بس مجد بستاهل المدح لانو عم بيشتغل من قلب و رب ... و مانو من النوع السويعاتي .. قبل ما يقوم باي حركة بيكون فكر منيح ..

صياد الطيور

07/07/2006, 11:51

أختلفوا المشرفين مع بعضون ... :lol: :lol:

hanny dagher

07/07/2006, 11:55

أختلفوا المشرفين مع بعضون ... :lol: :lol:

اي هيك الاوامر من السلطة العليا :p

Hus

07/07/2006, 13:03

بلشو المشرفين يلحنوا لبعضون هق،
بس المشرفين بحكم عم يشتغلو انطلاقا من نفس المبادئ والأسس ، ووفق نفس الخطوط العريضة ، فغالبا بتجي تصرفاتهم وردات فعلهم متناغمة و متناسقة ، (مش غير لأنو هني عم يشتغلو من نفس المنطلقات، طبعا هامش النسبية بفهم الأمور، وهامش النظر للأمور من زوايا مختلفة موجود ..)

أختلفوا المشرفين مع بعضون ... ماهو انا بزماني اختلفت مع الماما بخصوص حط الشوك قبل السكاكين ولا السيكاكين قبل الشوك ، وبعدين اتفقنا نحط المعالق اول شي :lol:

يابا الواحد مع اهلو بيختلف اوقات (واذا بدك بيختلف دائما .. ) ليش المشرفين تحديدا ، دون عن خلق الله ، لازم يمشو على العجين ما يلخبطوه ،..
ويفضلو عم يرقصو على نفس الدلعونة و يطجو رجلون كلون سوا مع بعض بنفس الطجّة ، والي ماسك على الأول يلولح بالمسبحة ويهز كتافو، والي الماسك على التاني يطيبلو، والي على التالت تخلع !!

يا اخي في مشرفين بيحبو السلو، وتانيين بيحبو الفالس، وتانينين من جماعة التانغو ،

صدق.. بعرفلك مشرف بيرقص بريك دانس على بحرية البجع ! :shock: .. الصبايا على روس اصابيعون وعلى باليه يا حبيب وهوي عم بيفتل بالأرض على راصو وكعابو .. وعلى تخميس يا معلم ، (الله وكيلك ما عم زل عليك بحرف :lol: )

تسالي الشباب مو ..

صياد الطيور

07/07/2006, 13:07

ونحنا ما اعترضنا ... عم نتسلى مع التسالي ...

وعلى حسب الموج ماشيين ;-)

me2

07/07/2006, 14:17

بتمنا من الكل يروح على الصالون ويشوف اذا منكوش يقلي مشان انسحب برا اخوبة كلا...

بعدين الصالون للكل مو لواحد

معك حق .... يا ريت لو يحطو بالقوانين و يوصفو شو يعني منكوش و هل هل المنكوش بتشبه شعر اينشتاين ؟

معك حق بكل شي و أغلب المشرفين بدهون اشراف عليهون .

dot

07/07/2006, 14:30

لا ضير في نكوشة المواضيع القديمة و الرد عليها ، (المواضيع التي تستحق، )
لكن من المستحب الحفاظ على الخط الزمني بطريقة منظمة منشان باقي الأعضاء يكون تصفحون سلس للموقع ..

منيح انو في نقطة متفقين عليا...اول شي انا ما غبي وما بفهم لحتا نكوش مواضيع بايخة او قديمة ما الها الطعمة لان ما حدا احسن من حدا وكل واحد بيعرف يلي عندو بس مو هون بيت القصيد...انت عم تقلي الحفاظ على الخط الزمني اي خط زمني عم تحكي عنو ليش المواضيع المكتوبة اخبارية او يلي عم ينكتب بالصالون احدائنا يلي عايشينها او حتى هية مرتبطة بالتاريخ
هاد الحكي كلو غلط المواضيع يلي مكتوبة ما بترتبط بالتاريخ والحظة ..ومشان تصفح الاعضاء روحوا شوفوا كيف قاعدين مروقين على المواضيع يلي انا شاركت فيها وليكون عم يشاركوا كان الموضوع جديد بعدين شو المانع انو الواحد يرجع الحياة للمواضيع قديمة كانت مميزة بس التاريخ نساها وانا حبيبت رجعلا الحياة وانعشا من اول وجديد...........بعدين انا المواضيع يلي اخترتا اخترتا بشكل مدروس كتير منيح ....شكراا لردك ومشاركتك معي.

dot

07/07/2006, 14:35

انو الواحد بينكوش موضوع .. موضوعين .. لك تلاتة .. بس صفحة ... وقتها بدك تاخد تنبيه .. و موضوع قديم من سنة .. لا شهر و لا شهرين ...
و على مشرف الصالون مافيك تحكي على خبرتو و قدراتو الاشرافية ...لأنو هو من احسن المشرفين معنا من حيث التحكم بقسمو و استيعابو للمواضيع و الاعضاء..

انا بحب النكوشة كتير كتير ..وهاد رايك انت بالنكوشة وانت طبعا مانك اخوية لحتا تحددي عدد المواضيع المنكوشة ....كل عضو باخوية هوي حر طالما ما تعدا على حدا او غلط على حداا...ومشان باقي ردك انا ماعم شك بقدرات المشرف لا والله ..بس المشرف ما نو معصي عن الخطا لان مافي حدا بالدنيا معصوم عن الخطا....بس انا عم طالب بالاشراف على المشرفين مشان ضل اخوية اخوية للكل كلنا اخوة فيها ما حدا احسن من حدا فيا ..

dot

07/07/2006, 14:41

معك حق .... يا ريت لو يحطو بالقوانين و يوصفو شو يعني منكوش و هل هل المنكوش بتشبه شعر اينشتاين ؟

معك حق بكل شي و أغلب المشرفين بدهون اشراف عليهون .

ولك عنجد انا مبسوط انو فعلا ايلي اخ باخوية يوقف معي ويسند ضهري...... :gem: :gem:

أغلب المشرفين بدهون اشراف عليهون .

هاد يلي لازم يصير باخوية مشان ضل اخوية اخوية

me2

07/07/2006, 14:56

ولك عنجد انا مبسوط انو فعلا ايلي اخ باخوية يوقف معي ويسند ضهري...... :gem: :gem:

هاد يلي لازم يصير باخوية مشان ضل اخوية اخوية

ما كيف بدون المشرفين يغطو على الانحدار الأدبي اللي صاير باخوية ؟؟ بيختلقو مشاكل جانبية ..

بدل ما يشكروك أنك انتبهت لهبوط المستوى و عملت اللي عليك كواجب تجاه ابقاء الأخوية نضرة.

dot

07/07/2006, 15:03

انو الواحد بينكوش موضوع .. موضوعين .. لك تلاتة .. بس صفحة ... وقتها بدك تاخد تنبيه

اها طلع ياجماعة هاد الدستور والقانون يلي حددوه هودي المشرفين...وهاد اكيد مو دستور من دساتير اخوية ...بس ماعرفت هاد راي ادارة اخوية كمان...مشان الاعضاء الاخرين ينتبهوا...

dot

07/07/2006, 15:13

ما كيف بدون المشرفين يغطو على الانحدار الأدبي اللي صاير باخوية ؟؟ بيختلقو مشاكل جانبية ..
.

اخ يا خية....خليا بالقلب تجرح ولا تطلع لبرا وتفضح..:cry: :cry: :cry:

بدل ما يشكروك أنك انتبهت لهبوط المستوى و عملت اللي عليك كواجب تجاه ابقاء الأخوية نضرة.

هني شكروني وكانت الهدية شي متل الكذب احلا هدية بالهالم تنبيه..شوبدي احلا من هيك هدايا:clap:

Majood

07/07/2006, 15:16

هاد رأيي الخاص وادارة الاخوية ما الها علاقة

me2

07/07/2006, 15:18

اخ يا خية....خليا بالقلب تجرح ولا تطلع لبرا وتفضح..:cry: :cry: :cry:

هني شكروني وكانت الهدية شي متل الكذب احلا هدية بالهالم تنبيه..شوبدي احلا من هيك هدايا:clap:

اي شو المشكلة ... اي شو التنبيه قرار لمجلس الأمن ؟؟؟ ينقعهوه و يشريو مجاريه .

me2

07/07/2006, 15:22

هاد رأيي الخاص وادارة الاخوية ما الها علاقة

على راصي ...

SIR RORO

07/07/2006, 15:23

والله يا خيو ذكرتنا بأيام زمان :cry:

هلاء بعتقادي مافيها شي النكوشة اذا ضمن الاصول الزلمي ما نكوش موضيع فيها اي مشكلة بالعكس :pos:

Majood

07/07/2006, 15:24

يسلم راسك ...

dot

07/07/2006, 15:29

هاد رأيي الخاص وادارة الاخوية ما الها علاقة

:D
وانا قلت هيك انو هاد رايك الخاص....لاني بعرف مستحيل ادارة اخوية تسمح بوجود هيك قانون ظالم بيناتنا.

ameen

07/07/2006, 15:31

هلق أكيد ما غلط أبدا أنو الواحد ينكشلو شي موضوع قديم حلو و لو غلط أو ممنوع كان فيا الأدارة تغلق المواضيع القديمة أو ترحلا عل الأرشيف
بس الفكرة أنو المشاركة التفاعلية بموضوع عمروا أكتر من سنة غير موجودة أبدا فالموضوع عم يقتصر على كتابة رأي أو شكر لكاتب الموضوع اللي ممكن مانو بالمنتدى كلو هي النقطة الأولى

و ثانيا مع أحترامي لرأيك و ذوقك بس أنت المواضيع اللي عم تنكشن و عم يصيروا بالصفحة الأولى هنن اللي عم تحبن و تستحلين أنت و بجوز كتير ما يشاركوك الرأي و الذوق

يعني النتيجة أنو عملية النكوشة عم تكون خالية من التفاعل بسبب العامل الزمني و عم تفرض ذوق معين و المشاركات الجديدة عم تنحرم من حقا

و بالنسبة للأشراف أنا من أول يوم لألي بالمنتدى لهلق ما لمست أي اساءة من أي مشرف أو غلط و عنجد أنو كل ىالمشرفين عم يبذلو جهود كتير كبيرة الله يعطين ألف عافية:D :D و بالخصوص مجد:D لأنو الصالون عم يكون حمال الأسية بالمنتدى

تحياتي:D :D :D

me2

07/07/2006, 15:37

والله يا خيو ذكرتنا بأيام زمان :cry:

هلاء بعتقادي مافيها شي النكوشة اذا ضمن الاصول الزلمي ما نكوش موضيع فيها اي مشكلة بالعكس :pos:

و بلكي المشرف رسبان بصف التاسع و معصب ؟

Majood

07/07/2006, 15:37

:D
وانا قلت هيك انو هاد رايك الخاص....لاني بعرف مستحيل ادارة اخوية تسمح بوجود هيك قانون ظالم بيناتنا.
بس لو مو حاطط هالوردة .. دبحتني فيها

فيروزة

07/07/2006, 15:43

لسا بدك تنوكش بالمواضيع القديمة يلي بالصالون:shisha:

me2

07/07/2006, 15:48

لو في مواضيع جديدة عليها القيمة , كان ما بينكش .. أو بيجوز كان بينكش انفو فقط .اذا كانت لابد من النكش .....:lol:

امرأة من ورق

07/07/2006, 15:51

رح احكي شو صار معي اليوم
هاد اليوم الصبح خلصت امتحاناتي وبعد طول عذاب
اول شي عملتو فتت عالاخوية وعالصالون تحديدا..... بــــــــــــــــــس ماعرفت الاخوية..... فكرت حالية غلطانة بالعنوان..... انو كلها اسماء جديدة عليي (بس هيي شكلها قديمة كتير) يعني عن جد اللي بدو ينكوش بينكوش موضعين او تنين قراهون وحسون مميزين وحب انو يرفعون بس مو بينكوش صفحة كاملة :shock:

dot

07/07/2006, 15:55

بس الفكرة أنو المشاركة التفاعلية بموضوع عمروا أكتر من سنة غير موجودة أبدا فالموضوع عم يقتصر على كتابة رأي أو شكر لكاتب الموضوع اللي ممكن مانو بالمنتدى كلو هي النقطة الأولى

مين قلك هالحكي انو مافي تفاعل مع المواضيع الجديدة روح شوف هاد اولا وتاني شي انا مشي اخترت مواضيع قديمة انتبهت كتير قبل ما رد انو صاحب هالموضوع موجود او على الاقل فيا حدا شارك بالموضوع وهوي موجود هلق....تالتا مين قلك انو الرد عم يكون بس شكر في عالم بتتحاور وبتناقش المكتوب وبتقدر تروح تشوف هالشي بعينك وبعدين واذا صاحب الموضوع غير موجود شو يعني ليش اذا الواحد كتب الموضوع هوي خلص كتب الموضوع بس الو لاء هوي كتب الموضوع للكل مشان العالم تقرا وتستفيد وتشارك بغض النظر عن ماهيت صاحب الموضوع..هاد راي

و ثانيا مع أحترامي لرأيك و ذوقك بس أنت المواضيع اللي عم تنكشن و عم يصيروا بالصفحة الأولى هنن اللي عم تحبن و تستحلين أنت و بجوز كتير ما يشاركوك الرأي و الذوق

مع احترامي لرايك هاد هاد الحكي غير صحيح....انت هيك ظلمت عالم كتير ونسيت مليون شغلة بحكيك هااد...وما بخبي عليك مستغرب كيف طلعت معك هالنتيجة...هلق تخيل حالك واقف انت وصاحبك بشي حديقة كلا ورد وقلت لصاحبك هي الوردة حلوة وهي بشعة انت هون عم تقول رايك وتعبر عن رايك بجمال الورد ومانك عم تفرض على صاحبك وجهة نظرك بالوردة حلوة ولا بشعا...وبنفس الوقت لو صار هاد الشي بالعكس وصاحبك بدالك...يلي بدي وصلك ياه انا بس اقرا موضوع وعبر عن راي هاد راي انا مو رايك انت ماني عم افرض عليك انك جمالية الموضوع او اي شي تاني ...بعدين اكيد في كتير مواضيع بتعجب ناس ومواضيع ما بتعجب ناس...بعدين بحب قلك روح شوف اذا العالم شاركت وتفاعلت ولا لاء.

و بالنسبة للأشراف أنا من أول يوم لألي بالمنتدى لهلق ما لمست أي اساءة من أي مشرف أو غلط

الاشراف كتير حلو انا مني عم اعترض عليه او اي شي ...بلعكس يعطيون العافية يا رب ...بس مو معنا هالحكي انو بس لحنا بتطبق علينا القوانين من صنعون الشخصي لازم الالتزام بقوانين اخوية...وتانيب شي لازم يكون في قوانين كمان للمشرفين مشان نضل كلنا اخوة باخوية.

me2

07/07/2006, 15:59

رح احكي شو صار معي اليوم
هاد اليوم الصبح خلصت امتحاناتي وبعد طول عذاب
اول شي عملتو فتت عالاخوية وعالصالون تحديدا..... بــــــــــــــــــس ماعرفت الاخوية..... فكرت حالية غلطانة بالعنوان..... انو كلها اسماء جديدة عليي (بس هيي شكلها قديمة كتير) يعني عن جد اللي بدو ينكوش بينكوش موضعين او تنين قراهون وحسون مميزين وحب انو يرفعون بس مو بينكوش صفحة كاملة :shock:

مبروك خلصتي فحص ..

و بتستاهلي اللي حصلك بالأخوية .. منشان تحرمي تفوتي علصالون ..:lol: :clap:

امرأة من ورق

07/07/2006, 16:04

مبروك خلصتي فحص ..

و بتستاهلي اللي حصلك بالأخوية .. منشان تحرمي تفوتي علصالون ..:lol: :clap:

وين بفوت لكن؟؟؟:?

هموسه

07/07/2006, 16:14

[Dr_HUS = QUOTE]ماهو انا بزماني اختلفت مع الماما بخصوص حط الشوك قبل السكاكين ولا السيكاكين قبل الشوك ، وبعدين اتفقنا نحط المعالق اول شي [/quote]

:lol: :lol: :lol:

حلوووة مرررررره ذي

تصدق صارت لي كثير

here i am

07/07/2006, 16:17

مرحبا أنا رجعت :yahoo:
كيف الغضنفرين و الغضنفرات ؟ 8)
مشان المواضيع و المستوى الهابط يلي وصلو الصالون و يلي اعترض عليه me2 و dot84 أنا بالنسبة ألي كتير مستاء من تراجع نوعية المواضيع يلي عم تنطرح و بنظرة بعيدة عن الاشراف بفضل الوتيرة يلي كانت موجودة بالمواضيع القديمة يلي تم نكوشتها
هلق مشان نكوشة المواضيع ع سبيل ألغاء المستوى المنحدر أو الهبوط البياني الواضح مانها حل أبدا يعني يا أخي نكوش موضوعين و كتبلك موضوعين أبدع بربون و رفاع هالمستوى أنو أكيد مانك قصير حربة تخلق شي جديد
غير هيك المواضيع المكررة عم يكون نصيبها السقيفة و هيك مواضيع و أعادة نكشها هي بمقام المواضيع المكرر و من الشي المحزن أنو ننقلها عالدرجة التانية لأنو بيكون أجرام
يوم يلي عاشق من سوريا نكش موضوع أنا شجعتو و قلتلو خيو نكوش أذا هيك ليش يا ترى بس لأنو نكوش موضوع و عطا مجال للنقاش و مجال لأحترام هالموضوع ما نكش 17 واحد سوا
غير هيك التنبيه أخي Me2 ما نوضع لتزليل العضو أو التمرجل عليه و لا حتى ننقعو و نشرب مجاريرو اسمو أنتو و نحن أكبر من هيك ما يا طيب ;-) ....
أنا لا سبيت و لا بهدلت كل القصة و مافيها شي عم يعركس و يفشكل و يلعبط الحكاية فوق ما هية مفشكلة بقى ما خربت الدنيا
غير هيك أخي dot84 يعني ما بعرف شو أحكي لو بدي نبهك ع أساس وضع المواضيع يلي موجودة بغير مكانها كان سكر عدادك هلق أي اشتهيت مرة لوجه الله تحط موضوع بالصالون هو محلو بالصالون و وقت بنبهك بتعملني شايف حالي و مفسد و اللذي منو :lol:
أخواتي يلي بيلاقي حالو خرج ييشيل الصالون يروح يفتح موضوع و يرشح حالو للاشراف عليه و أنا مستعد أتنازلو عنو طبعا بعد أذن اللجنة العليا :king:
سلام

me2

07/07/2006, 16:19

وين بفوت لكن؟؟؟:?

بتفوتي على المنبر الحر أول شي ..:D

ameen

07/07/2006, 16:21

مين قلك انو الرد عم يكون بس شكر في عالم بتتحاور وبتناقش المكتوب وبتقدر تروح تشوف هالشي بعينك

فعلا قدرت شوف هل الشي هون
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

انت وصاحبك بشي حديقة كلا ورد وقلت لصاحبك هي الوردة حلوة وهي بشعة انت هون عم تقول رايك وتعبر عن رايك بجمال الورد ومانك عم تفرض على صاحبك وجهة نظرك بالوردة حلوة ولا بشعا

أي بس بالمقابل تخلي يشوف باقي الورد و هي النقطة اللي ما رديت عليها بخصوص أنو المواضيع الجديدة عم تنحرم من حقها

بس مو معنا هالحكي انو بس لحنا بتطبق علينا القوانين من صنعون الشخصي لازم الالتزام بقوانين اخوية.

مو كلشي بالقوانين لأنو طبيعة عمل المشرفين يتتطلب أجراء ما يازم مشان يحافظوا عل الأقسام اللي مستلمينا و هاد من ضمن صلاحيتن

Majood

07/07/2006, 16:21

[Dr_HUS = QUOTE]ماهو انا بزماني اختلفت مع الماما بخصوص حط الشوك قبل السكاكين ولا السيكاكين قبل الشوك ، وبعدين اتفقنا نحط المعالق اول شي

:lol: :lol: :lol:

حلوووة مرررررره ذي

تصدق صارت لي كثير [/quote]
يعني هاد يلي طلع معك تعلقي عليه بكل هالقصة ... :o

dot

07/07/2006, 16:22

رح احكي شو صار معي اليوم
هاد اليوم الصبح خلصت امتحاناتي وبعد طول عذاب
اول شي عملتو فتت عالاخوية وعالصالون تحديدا..... بــــــــــــــــــس ماعرفت الاخوية..... فكرت حالية غلطانة بالعنوان..... انو كلها اسماء جديدة عليي (بس هيي شكلها قديمة كتير) يعني عن جد اللي بدو ينكوش بينكوش موضعين او تنين قراهون وحسون مميزين وحب انو يرفعون بس مو بينكوش صفحة كاملة :shock:

مبروك خلصتي امتحان.... بالنجاح:shock: :shock: :shock:

انا بحب النكوشة هيك انا الله خالقني وما حدا الو سلطة يمنعني ...

امرأة من ورق

07/07/2006, 16:22

بتفوتي على المنبر الحر أول شي ..:D

اي معك حق

بس من الامتحان عالمنبر الحر..... حرام عليك :cry:

فوتين بالحيط ورا بعض ;-)

امرأة من ورق

07/07/2006, 16:24

مبروك خلصتي امتحان.... بالنجاح:shock: :shock: :shock:

انا بحب النكوشة هيك انا الله خالقني وما حدا الو سلطة يمنعني ...

مابظن حدا حابب يمارس سلطة عليك هون
بس كمان انت المفروض تحسب حساب اللي حولك.... يعني نكوش بالتقسيط كل كم يوم مثلا انكش شي موضوع يكون عليه القيمة بحيث انو تحرك جو حوار ظريف بس بدون ماتحاول تلغي الاخرين ومواضيعون
:D

ameen

07/07/2006, 16:25

أخواتي يلي بيلاقي حالو خرج ييشيل الصالون يروح يفتح موضوع و يرشح حالو للاشراف عليه و أنا مستعد أتنازلو عنو

ليش مين قلك يا فهمان أنو نحنا عنا أستعدادية نتنازل عنك:D :D :D :D

me2

07/07/2006, 16:26

اي معك حق

بس من الامتحان عالمنبر الحر..... حرام عليك :cry:

فوتين بالحيط ورا بعض ;-)

معك حق .. ماني عرفان أنو الامتحان بهالأيام صعب .. اسألله ..