هل ياترى بتظنو أنو لمصلحة الوطن أنو يمتد حزب الله اللبناني باتجاه سورية ؟ طبعا مو متل ما متد البعث باتجاه الدول العربية وخبص تخبيص الكلاب ...

شو ياترى شعور الأخوة المسيحيين السوريين ؟ والأخوة السنة السوريين ؟ بتمنى أنو الليعطي رأيو يشرحلنا ليش ...

الموضوع غير قابل للنقاش بهذه الطريقة.. يعني أنا برأيي أن لكل حزب خصوصية وظروف موضوعية وذاتية أدت لنشوئه ولكل حزب تجربته الخاصة وخبرته وأهدافه الخاصة...

فالظروف المحيطة بحزب الله وبلبنان وبالحرب الأهلية التي كانت سائدة وقت تأسيس الحزب.. ولتفاق الطائف،ووو..... كل هذا لا يمكن إسقاطه على الحياة السورية... ومن هنا كان سؤالي:
أرجو توضيح السؤال: هل المقصود هو فرع لحزب الله كفكر سياسي؟ أم كأسلوب نضالي؟ أم كميليشيا مسلحة؟ أم؟؟؟؟

أمر آخر:
الاحتمالات في الاستفتاء لم أجدها وافية، فمثلاً: يعني أنو إذا أنا كنت ضد وجود ميليشيا مسلحة غير الجيش العربي السوري على الأراضي السورية من حيث المبدأ، ولكنني أحترم حزب الله وما قدمه من تضحيات.. يعني شو بكتب أنو رأيي ((فشروا!!!))!!!!! أكيد لاااء...

حزب الله كحزب سياسي إلو حق متل أي حزب سياسي إلو حق الانتشار و التعبير عن رأيو
بس كميليشيا أنا برفضا تماما

أنو نحنا بدنا عنب واللا قتل الناطور ؟؟؟ أكيد عنب... فاذا اكنا ما استطعنا تحرير الجولان بالجيش المذكور أعلاه مع احترام لكل عسكري شريف وانشاالله بياخود عيوني ... واذا كان شاب من الجولان سجل هدف التعادل لفريق اسرائيل بالفطبول , واذا كان الجولان مليان مستعمرات وهويات أسرائيلية , واذا كان عنا تجربة سابقة بتكريس الاحتلال وصولا للتنازل ,,, شو نعمل ؟؟؟ نتفرج عكل الموضوع ونحط نظريات تبع لاميليشيا الا الجيش مثلا ؟؟؟؟ زمن النظريات , برأيي , سلامتكم من زمان .. الزمن زمن العمل .. مابيمنع وجود نظرية عامة مثل "تحرير الجولان" ولكن مالازم نفوت بمتاهات الها اخر معروف وبيهوي ... وشكرا

طيب ياريت تشرحلنا شو الطريقة المناسب لتحرير الجولان ولموضوع تاني بنفس الأهمية واللي هو الشعور بالأمان بالبلد من ناحية اسرائيل ومن ناحية الشرطة العسكرية.