-
دخول

عرض كامل الموضوع : سابقة تاريخية في هذا المونديال

fady juventus
02/07/2006, 00:36
على حد علمي ...
و حسب معلوماتي المتواضعة ...
هي أول مرة يخلو فيها الدور نصف النهائي من أندية أميريكا الجنوبية

و طبعاً أول مرة تكون فيها أندية المربع الذهبي من القارة العجوز "أوروبا العظيمة" :gem:

هلأ الخطوة التالية ...
إيطاليا بتقلع ألمانيا بنتيجة عريضة ( شي تلات أربع كوال عالناشف)
فرنسا بتتسلى بالبرتغال الضعيفة الجربانة اللي واصلة لهون شغل الله

و منلتقي مع إخوتنا الفرنساوية بمباراة مفتوحة على كل الإحتمالات

وانشالله الطليان بيكسروا عقدة فرنسا هالمرة
:clap: :clap: :clap: :clap: :clap: :clap: :clap: :clap:
fady juventus
02/07/2006, 00:40
إيطاليا ما تسجل عليها ولا كول لحد هلأ باعتبار إنو هدف أميريكا سجلو غروسو "من عنا" خطأ في مرمى فريقه ;-)
Willi
02/07/2006, 00:44
إيطاليا بتقلع ألمانيا بنتيجة عريضة ( شي تلات أربع كوال عالناشف)

ولو اني بتمنى انو تربح ايطاليا على المانيا
بس ما زيادة تتأمل
fady juventus
02/07/2006, 00:48
ولو اني بتمنى انو تربح ايطاليا على المانيا
بس ما زيادة تتأمل
من شي شهرين فزنا بمباراة ودية عليهن بأرضن /4_1/
بعرف إنو الودي غير نص نهائي كأس عالم ... بس أنا واثق من الفوز :clap:
Willi
02/07/2006, 01:00
من شي شهرين فزنا بمباراة ودية عليهن بأرضن /4_1/
بعرف إنو الودي غير نص نهائي كأس عالم ... بس أنا واثق من الفوز

قبل المونديال كانت نسبة كتير صغيرة من الالمان بيتوقعو المانيا تربح
هلق صارت النسبة الصغيرة بتتوقع انو تخسر
يمكن اذا ما كانت معدومة النسبة
فريق المانيا قبل المونديال كان الكل متوقع انو ما يتأهل من مجموعتو بسبب نتائجو الضعيفة
بس هلق تغير الحكي كلو

انا في شي ما عم افهمو
يعني شلون هيك فريق بكون عم يفكح وما بيعرف يلعب
فجأة بيربح مونديال لانو المونديال على ارضو او بقدم عرض كتير حلو :shock:

خود مثال اخر تلت مونديالات
فرنسا من افكح فرق العالم ربحت مونديال ال 98 مع انو يمكن كانت اول مرة بتتأهل للنهائي (ماعندي معلومات عن عدد المرات اللي اتأهلت فيهون للنهائي) مع انو ما كان حدا متوقع انو يطلع من امرها شي
كوريا الجنوبية بال 2002 لعبت لعب كتير حلو وخسرت ايطاليا وطلعت التالتة عالعالم
هلق 2006 المانيا كانت عم تفكح قبل المونديال هلق عم تلعب عالنصف نهائي :shock:
SIR RORO
02/07/2006, 01:04
:lol:

دير بالك نشمت فيك بعدين

بجرصك بالمنتدى

بس لا تتامل المكنات الالمانية عم تشتغل ساوي يا خيو
ملك الهكرز
02/07/2006, 01:05
كلو بالعملة بيصير :pos:
fady juventus
02/07/2006, 01:07
كلو بالعملة بيصير :pos:

:? :? :?
:shock: :shock: :shock:
مطاطة ؟
fady juventus
02/07/2006, 01:10
دير بالك نشمت فيك بعدين
بجرصك بالمنتدى
بس لا تتامل المكنات الالمانية عم تشتغل ساوي يا خيو
مع إني متأكد من الفوز "العرييييييييييييض " على ألمانيا بس ما رح إشمت فيكن
لأني بحب ألمانيا بعد إيطاليا 8)
fady juventus
02/07/2006, 01:13
فرنسا من افكح فرق العالم ربحت مونديال ال 98 مع انو يمكن كانت اول مرة بتتأهل للنهائي (ماعندي معلومات عن عدد المرات اللي اتأهلت فيهون للنهائي) مع انو ما كان حدا متوقع انو يطلع من امرها شي
كوريا الجنوبية بال 2002 لعبت لعب كتير حلو وخسرت ايطاليا وطلعت التالتة عالعالم
هلق 2006 المانيا كانت عم تفكح قبل المونديال هلق عم تلعب عالنصف نهائي :shock:
كانوا الطليان /10/ لاعبين بعد طرد توتي
ضد /70014/ لاعب هني اللاعبين الكوريين + الحكام + الجمهور :lol:
Willi
02/07/2006, 01:28
هاد اللي قصدتو بكل الرد هداك
صياد الطيور
02/07/2006, 01:32
خيي ...

الفرنسيين والطليان ..حبايب ...
يعني المباراة النهائية بفريقين أنيقين ..محترفين من نجوم العالم

المباراة رح تكون بألون الأزرق والأبيض بس ....
نمر سوريا
02/07/2006, 01:41
كلو بالعملة بيصير :pos:
و الحظ .............
مبروك للفرنساوية ..........
و ان شاء الله هالمرة الكاس ايطالي او فرنسي
handsome
02/07/2006, 01:49
مابعرف انتو كيف عما تحكو هيك ... كيف متوقعين المانيا تخسر قدام ايطاليا ... اخواتي الله وكيلكون انا كنت من مشجعي ايطاليا بس الله وكيلكون مانون عما يلعبو حلو متل ابل ....
واخواتي انو طلعو بشكل عام عالمونديالات القديمي ... مافي غير تلت مرات لهلق ربح الفريق الي مستضيف الكاس ... فشو جاين تحكو انتو هلق ....
وقت كنت اسال عن توقعات العالم بالمانيا كانو عطول يقولو ما رح يوصلو عالربع نهائي .. بس هلق لما بستاون بيقولوا .. كان في مبارة صعبة مع الارجنتين ورحوا ... فمعد في شي صعب .. وقبل كانو عطول يقولو رح تكون اصعب لعبة ضد البرازيل ... بس ما حدي مفكر بايطاليا بنوب ... يعني مانا عما تنحسب من اساسا...
وانتو ليش هيك كلكون مستضرطين البرتغال .. شو مشان عما تلعب لعب بجنن لهلق ..
والله شي بيحير يا ربي.. شو الواحد بدو يحكي معكون ما بعرف ...
بس عكل حال نحنا الي رح نسافر عبرلين ....

يالله اخواتي كلنا سوا ...
berlin , berlin , wir fahren nach berlin ...
( برلين, برلين, حانسافر عابرلين ..) والله بالعربي بتطلع حلوي كمان
architecturer
02/07/2006, 10:25
واخواتي انو طلعو بشكل عام عالمونديالات القديمي ... مافي غير تلت مرات لهلق ربح الفريق الي مستضيف الكاس ... فشو جاين تحكو انتو هلق ....


انتي يلي شو جاي تحكي ...؟

ضيف لمعلوماتك حبيب :

7 فرق ربحت كأس العالم لهلأ

6 من هاي الفرق السبعة ربحتو على أرضا

البرازيل هو الفريق الوحيد الذي لم يربح الكأس على أرضه .

حياك :D
fady juventus
02/07/2006, 10:55
صح يا سعادة لمشرف ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
و إزا ماني غلطان :
الأوروغواي 1930
إيطاليا 1934
إنكلترا 1966
ألمانيا 1974
الأرجنتين 1978
فرنسا 1998
handsome
02/07/2006, 14:07
اخواتي معكون حق ..
وكلام اخ معماري عالعين والراس ...
بس كمان هدول كانو بس 6 مرات من اصل 17 دوري لهلق ... يعني تقريباً الشغلة بتساعد بالتلت ... بس لما بتكون المانيا صارت ربحاني الكاس تلت مرات و هديك السنة كانت التاني عالعالم ... والسنة بتربح الكاس . ما بتكون الشغلة موقفة بس عالارض لانو فريق قوي ومأثبت جدارتو عن حق وحقيق...
واخي انا معك انو البرازيل ما ربحت الكاس عأرضة .. بس انتي كمشجع للبرازيل بتعتبر لعبة هادا المونديال كان قد المستوى الي بيخلية تكون بطل العالم .... انا من جهتي ما بشوف الوضع هيك ....
واصلا الاحصائيات بتقول لهلق انو المانيا ربحت الكاس عارضة بنسبة مي بالمية ... انشالله السني رح تضل هيك كمان ...

ملاحظة: يرجى غد النظر عن الاخطاء التحشيشية ... لانو شكلة كتراني معي كتير هالكام يوم:o :yahoo: ...
Forever
02/07/2006, 17:13
على حد علمي ...
و حسب معلوماتي المتواضعة ...
هي أول مرة يخلو فيها الدور نصف النهائي من أندية أميريكا الجنوبية

و طبعاً أول مرة تكون فيها أندية المربع الذهبي من القارة العجوز "أوروبا العظيمة" :gem:

هلأ الخطوة التالية ...
إيطاليا بتقلع ألمانيا بنتيجة عريضة ( شي تلات أربع كوال عالناشف)
فرنسا بتتسلى بالبرتغال الضعيفة الجربانة اللي واصلة لهون شغل الله

و منلتقي مع إخوتنا الفرنساوية بمباراة مفتوحة على كل الإحتمالات

وانشالله الطليان بيكسروا عقدة فرنسا هالمرة
:clap: :clap: :clap: :clap: :clap: :clap: :clap: :clap:

ليس اول مرة يخلو فيها نصف النهائي من منتخبات امريكا الجنوبية، بل هي رابع او خامس مرة حسب معلق ART امس بعد انتهاء مباراة فرنسا والبرازيل

انا بشجع ايطاليا وبتمنى انها تفوز على المانيا ويكون النهائي ايطالي فرنسي، ولكن يا خوفي حكم المباراة يعمل مع ايطاليا مثل مع الارجنتين لما حرمهم من ضربة جزاء صحيحة مئة بالمئة ضد المانيا.
fady juventus
03/07/2006, 15:58
ليس اول مرة يخلو فيها نصف النهائي من منتخبات امريكا الجنوبية، بل هي رابع او خامس مرة حسب معلق ART امس بعد انتهاء مباراة فرنسا والبرازيل

انا بشجع ايطاليا وبتمنى انها تفوز على المانيا ويكون النهائي ايطالي فرنسي، ولكن يا خوفي حكم المباراة يعمل مع ايطاليا مثل مع الارجنتين لما حرمهم من ضربة جزاء صحيحة مئة بالمئة ضد المانيا.
والله يا صديقي إذا هيك ما بعرف
يمكن المونديال التاني تبع إيطاليا بالفعل كان النص نهائي أوروبي خالص بسبب عدم قدرة اللاتينيين عالسفر لأوروبا ؟؟؟

بكل الأحوال من بعد الحرب العالمية التانية و إستكمال نشاط البطولة ما بتوقع صارت هالشغلة
و إزا صارت فأكيد مو أربع مرات ... أقل :D
architecturer
04/07/2006, 05:26
والله يا صديقي إذا هيك ما بعرف
يمكن المونديال التاني تبع إيطاليا بالفعل كان النص نهائي أوروبي خالص بسبب عدم قدرة اللاتينيين عالسفر لأوروبا ؟؟؟

بكل الأحوال من بعد الحرب العالمية التانية و إستكمال نشاط البطولة ما بتوقع صارت هالشغلة
و إزا صارت فأكيد مو أربع مرات ... أقل :D

والله يا صديقي هاي الشغلة آخر مرة صارت من 24 سنة ...مونديال 1982 ( معلومة أكيدة )

حياك :D