الحضور الأنثوي ... في أخوية [الأرشيـــــف]

butterfly

30/06/2006, 18:16

وتزاداد الأعداد النسائية في المنتدى بشكل غريب ..
كل يوم في بنوتتين تلاتة جدد ....
صار المنتدى كلو فراشات ووردات ... وبنوتات ... وروز :sosweet: :sosweet: :sosweet: :sosweet:
هلق لهون كلو منيح ...
بس في مشكلة صغيرة ...
انو هالحضور ... النسائي ... عم يكرس صورة الأنثى اللي بتضربلي ععصبي :cry: :cry:
أمرأة ... مافيها تعيش لحظة بدون مكياجها ..
لهيك كل يوم بينزل عنا مية موضوع جديد .. بالصحة والجمال ...
أمرأة ... عندا كتير وقت فراغ ما عم تعرف تمليه .. لهيك منشوف اللعب .. اللي صارت صفحاتا مئات وطبعا معظم رواد هالألعاب هنن الصبايا
امرأة ... ما بيهما السياسة أو الأنسان او الوطن ... لهيك ما بتدوس المنبر
أمرأة ... ما بتقرا غير نادين وزهرة الخليج ... وبتبكي إذا انكسر ضفرا
لهيك ما بتقرب ناح المكتبة .. ألا لتكتبلا كام قصيدة حب ...
أي كنت رح أنسى ... الحب .. أمرأة ما بتفكر ألا بالحب .. لهيك بتسمع أغاني الحب .. وتنزللنا مواضيع عن الحب ...من كتر ما في مواضيع عن الحب باخوية .. أنا عقولة ماجدة اعتزلت الغرام

سؤالي ... للبنات ..
هل نحن فعلا مسؤولون عن صورة الدمية الملونة اللي مصنفين فيا ؟؟؟
خلونا نعترف أنو نحن أقل انتاجية فكرية من الشباب :cry: :cry: ... بأخوية كمجتمع مصغر ... وبالمجتمع بشكل عام ؟؟؟؟

سؤالي للشباب ...
ما رأيك بالحضور الأنثوي بأخوية ؟؟؟

امرأة من ورق

30/06/2006, 18:28

سؤالي ... للبنات ..
هل نحن فعلا مسؤولون عن صورة الدمية الملونة اللي مصنفين فيا ؟؟؟
خلونا نعترف أنو نحن أقل انتاجية فكرية من الشباب :cry: :cry: ... بأخوية كمجتمع مصغر ... وبالمجتمع بشكل عام ؟؟؟؟

كلامك كلو حلو وموزون..... وفعلا انا بعد ماعم شوف الحضور الأنثوي بالأخوية (اللي هيي مجتمع مصغر عن المجتمع) بلشت اندم على حياتي اني أنثى :cry:

فعلا عم نكون بالأخوية مجرد لعب باربي..... الهم الأكبر انو نفصل فستان عالموضة..... نعرف كيف نصفف شعرنا عالموضة..... نهتم بجمال بشرتنا..... ولما بدنا نهتم بأمور نفسية (على أساس) بدنا ندرس شخصيتنا من شكل عيوننا ولأي درجة نحنا إناث او صبيانيات او.... او ..... او ..... يعني كلو بيدور بمحور الجمال والأنوثة ولفت انتباه الشباب للأنوثة بعيدا تماما عن هموم المجتمع وعن مشاكل وقصص البشرية...... يعني عم نكون بعيدين تماما عن اي انتاجية فكرية فعلية :cry:

واذا انت اعتزلتي الحب انا بدي اعتزل الأنوثة كلها طالما هيك نظرتنا للأنوثة :cry:
ياحرام بدي صير خنثى :cry:

Gazita

30/06/2006, 18:33

وتزاداد الأعداد النسائية في المنتدى بشكل غريب ..
كل يوم في بنوتتين تلاتة جدد ....
انشا الله ديما:gem:
صار المنتدى كلو فراشات ووردات ... وبنوتات ... وروز :sosweet: :sosweet: :sosweet: :sosweet:
وكازيتات:p
هلق لهون كلو منيح ...
بس في مشكلة صغيرة ...
شو هي انشا الله خير:?
انو هالحضور ... النسائي ... عم يكرس صورة الأنثى اللي بتضربلي ععصبي :cry: :cry:
أمرأة ... مافيها تعيش لحظة بدون مكياجها ..
:oops: لا حبيبتي مش كتير
لهيك كل يوم بينزل عنا مية موضوع جديد .. بالصحة والجمال ...
كترة المواضيع خلتني ما اقرا كلشي او بالاحرى اتهرب:(
أمرأة ... عندا كتير وقت فراغ ما عم تعرف تمليه .. لهيك منشوف اللعب .. اللي صارت صفحاتا مئات وطبعا معظم رواد هالألعاب هنن الصبايا
:oops: قصدك سطل مي او كلمة وحدة بس او لعبة الاغاني خلي هالطابق مستور:shurup:
امرأة ... ما بيهما السياسة أو الأنسان او الوطن ... لهيك ما بتدوس المنبر
ما بدي اتخانق :pos:
أمرأة ... ما بتقرا غير نادين وزهرة الخليج ... وبتبكي إذا انكسر ضفرا
ما بينكسر ظفري ما بطولو كتير وبقرا سيدتي وla femme du maroc:gem:
لهيك ما بتقرب ناح المكتبة .. ألا لتكتبلا كام قصيدة حب ...
مريت ناحيتها كم مرة بس هلا بكتفي بالمكتبة اللي عندي:cry:
أي كنت رح أنسى ... الحب .. أمرأة ما بتفكر ألا بالحب .. لهيك بتسمع أغاني الحب .. وتنزللنا مواضيع عن الحب ...من كتر ما في مواضيع عن الحب باخوية .. أنا عقولة ماجدة اعتزلت الغرام
ما بنزل اغاني اعتزلت الغرام:pos:

سؤالي ... للبنات ..
هل نحن فعلا مسؤولون عن صورة الدمية الملونة اللي مصنفين فيا ؟؟؟
كل شخص فينا مسؤوول عن صورتو اكيد لازم نظهر بمظهر انتوي لائق بينا بس مش لدرجة الميوعة والمظهر مش لوحدو راح يرسمنا كمان شخصيتنا الى دور كبير.
خلونا نعترف أنو نحن أقل انتاجية فكرية من الشباب :cry: :cry: ... بأخوية كمجتمع مصغر ... وبالمجتمع بشكل عام ؟؟؟؟
بعترف:oops: :(

سؤالي للشباب ...
ما رأيك بالحضور الأنثوي بأخوية ؟؟؟
ولكم الكلمة:oops:

ميرسي ماري بوزا على مواضيعك الهادفة دايما انو عجبتني الفكرة اللي بلشتي بيها مشان توصلي لسؤالك الاخير والاهم.تانكس:D :D

david 4all

30/06/2006, 18:58

والله يا GAZLINA و يا صبايا
أنا برأي إنو الحضور الأنثوي شي جيد وبدل على الحضارة بس المشكلة إنو ماعم نشوف مواضيع مهمة من الاعضاء الجدد
و مرسي على الموضوع

امرأة من ورق

30/06/2006, 19:04

والله يا GAZLINA و يا صبايا
أنا برأي إنو الحضور الأنثوي شي جيد وبدل على الحضارة بس المشكلة إنو ماعم نشوف مواضيع مهمة من الاعضاء الجدد

وخصوصا من العضوات:jakoush: :jakoush:

mazoun

30/06/2006, 22:50

والله يا GAZLINA و يا صبايا
أنا برأي إنو الحضور الأنثوي شي جيد وبدل على الحضارة بس المشكلة إنو ماعم نشوف مواضيع مهمة من الاعضاء الجدد
و مرسي على الموضوع
وانا كمان من رأيك

Majood

30/06/2006, 23:32

تسجيل متابعة .. و التعقيب حول هالقضية ساطرحه لاحقا ...

امنيتي زيادة العنصر الانثوي في المنبر .. فذلك قد يخفف من حدة الكلام المتدوال عادة في المنبر ... كما اتمنى رؤية المشاركات الانثوية في الاقسام الاقتصادية و العلوم و التكنولوجيا.. الكمبيوتر ..

محمد ابراهيم

30/06/2006, 23:38

سؤالي للشباب ...
ما رأيك بالحضور الأنثوي بأخوية ؟؟؟

يعبر عن المجتمع تعبير صادق

فلا يوجد تناقض.

سرسورة

01/07/2006, 00:13

يعبر عن المجتمع تعبير صادق

فلا يوجد تناقض.
مزبوط حكيك تمام و 100% محمد...لأنو مجتمعنا الأنثوي بالفعل تلات ارباعو بالصورة اللي حكت عنا مرسيل.....ففعلا مافي تناقض...بس مرسيل قصدها هو انو تكون زيادة عدد الاناث من الشكل الفعال أو من الربع الباقي من المجتمع بأخوية.......واساسا البنات اللي من هادا الربع المتبقي هني كتيير قلال....بس بالنهاية كلنا منتمنى انو الانثى بشكل عام و بأخوية بشكل خاص انا تكون فعالة أكتر و منفتحة على جوانب كتييير من الحياة اكتر.....
و ميرسييي ميمووو:D

ملك الهكرز

01/07/2006, 00:27

ما رأيك بالحضور الأنثوي بأخوية ؟؟؟

انا بشك بنص الاناتي يلي هون ........ انون مو اناتي

butterfly

01/07/2006, 00:29

[quote=butterfly]<font face="Arial"><font size="4">

شو يعني ما فهمت ؟؟ :cry:

gabo

01/07/2006, 00:32

[quote=gaby swed]

شو يعني ما فهمت ؟؟ :cry:
أحسنلك إذا ما فهمتي أما مشان البنات فزيادة عدد مو أكتر (معظمهم) أما الشباب زيادة عدد (أقلية)

simo_1881

01/07/2006, 00:58

الحق يقال عم يفرضوا مواضيعون بقوة :adal:

وهاد الشيئ بيدل على وعي ودليل أنوا لسا الخير لقدام :lol:

حاسس مالح يضل إلنا مطرح الله يستر :?

david 4all

01/07/2006, 01:02

يعني موضوع انو الأناتي مو أناتي
نصهم شباب
فأنا أول شي شكيت بكتير أعضاء و طلعت الأكترية منهم أناتي
ما بكذب عليك في قسم منهم ذكور وأنا بعرفهم منيح وفي منهم مشرفين لا تستغرب وأنا بعرفهم واحد واحد
بس متل ما قلتلك ما بشكلو قسم بسيط وإنت وشطارتك لازم تعرف مين الذكر ومين الأنثى

ameen

01/07/2006, 01:43

مشكورة ميمو عل الموضوع :D :D :D

و كلامك صح 100بال 100 بس هاد الواقع بأخوية و بخارجها
و بظن أنو مجتمعنا هو المسبب الأول لهي الظاهرة اللي بتخلي نسبة كبيرة من البنات مجالات تفكيرن كتير ضيقة و ما بتخرج عن نطاق الأشيا الذكرتين و هاد كلو بيرجع برأي لمجتمعنا الذكوي المتخلف اللي بيعطي الأفضلية للرجل و حاصر المرأءة بتلت و ظايف بالحياة (بيتا و جوزا وولادا)
ويمكن هاد الشي مو غلط بس الغلط الكبير هو أنو المرة عم توصل لسن الزوج و اللي هو غالبا كتير مبكر ما عندا شي تقدمو لهل الأسرة

تحياتي:D :D

krimbow

01/07/2006, 02:00

ما بكذب عليك في قسم منهم ذكور وأنا بعرفهم منيح وفي منهم مشرفين لا تستغرب وأنا بعرفهم واحد واحد

عفوا
كيف يعني مشرفين ؟؟؟

يعني انو في مشرف عامل حالو مشرفة ؟؟؟

و اللا انو في مشرفة و عالمة حالها مشرف ؟؟؟

صياد الطيور

01/07/2006, 02:26

سؤالي للشباب ...
ما رأيك بالحضور الأنثوي بأخوية ؟؟؟

في شوية صبايا بالأخوية عنا بيبهروني بثقافتهم العالية ومواضيعهم المميزة و مشاركاتهم الفعالة ..
واذا بتقارني العمر ..بتعرفي نوعين المشاركات بكل قسم ... وشو هية اهتماماتهم

بس بالنهاية ... الحضور الأنثوي بالفترة الأخيرة كتير كتير كتير مميز ...

وعلى أعلى الهرم الأنثوي .. majood76 ... لاوديسا ( بس لو ماكانت برازيلية ) :lol:

وكتيرات غيرهم :D :D

هموسه

01/07/2006, 03:50

:king: :king: :king:

chefadi

01/07/2006, 04:11

سؤالي ... للبنات ..
هل نحن فعلا مسؤولون عن صورة الدمية الملونة اللي مصنفين فيا ؟؟؟
خلونا نعترف أنو نحن أقل انتاجية فكرية من الشباب :cry: :cry: ... بأخوية كمجتمع مصغر ... وبالمجتمع بشكل عام ؟؟؟؟

سؤالي للشباب ...
ما رأيك بالحضور الأنثوي بأخوية ؟؟؟

اول شي متل العادة مواضيع مميزة من butterfly و الف شكر ,,,
تانيا بئا :
معك حق بالكلام اللي كتبتي و فيني لخص شوي انو بمجتمعنا المراة عدوة نفسا بالدرجة الاولى
انا دايما كنت و مازلت مع حقوق المراة و التخلص من النظرة الدونية تجاهها بس المشكلة الحقيقية هيي اللي عم تطرحيا انو اغلبية البنات (بتربيتن) بدون كل شي جاهز و بدون يكونو باربيات شغلتن بالحياة يهتمو بتفاصيل انا بعتبرا مو مهمة
اما عن الحس الوطني و الفكري و الثقافي فهي حالة عامة من التردي بس يمكن النسبة عند البنات اكتر نتيجة الحكي اللي حكيتو فوق و اخوية هيي مثال نمذجي للمجتمع اللي برا و بالنسبة الي المهم هو تزايد المهتمات بالثقافة مو بالمكياج :p

مية وردة :D

زهرة العين

01/07/2006, 04:42

انا صرلي زمان مادخلت المنتدى ومابعرف

شنو صاير والكفه ترجح مين

HOSAM4U

01/07/2006, 08:56

اي والله انا ماعدت ادخل عالمنبر بس مشان هالخناقات
و ما شاء الله عليهم البعض بدو يفرض وجهة نظرو فرض عا لكل
بقى شوبدنا بالمنبر ووجع الراس

وبدك الصبايا كمان تشارك بالمنبر

hanny dagher

01/07/2006, 11:04

يعني موضوع انو الأناتي مو أناتي
نصهم شباب
فأنا أول شي شكيت بكتير أعضاء و طلعت الأكترية منهم أناتي
ما بكذب عليك في قسم منهم ذكور وأنا بعرفهم منيح وفي منهم مشرفين لا تستغرب وأنا بعرفهم واحد واحد
بس متل ما قلتلك ما بشكلو قسم بسيط وإنت وشطارتك لازم تعرف مين الذكر ومين الأنثى

يعني انا كنت عم اقرا الموضوع بس استوقفني هالرد
طبعا وخاصة موضوع المشرفين منن وحبيت علق علي قبل ما كفي قراية الردود البقية

موضوع المشرفين وانو المشرفات هني شباب او المشرفين هني بنات هادا شي مستحيل
لانو نحنا المشرفين منعرف بعضنا ومنعرف معظم بقية الاعضاء بشكل شخصي وملتقيين فين فمستحيل يكون اي شي من هالحكي صحيح لهيك شيلو المشرفين على جنب

منرجع منكفي قراية الموضوع :D

لاوديسا

01/07/2006, 12:38

شكرا عالنقاط الحلوة اللي طرحتيها و ع اسلوبك الاحلى
وبما انو سؤالك موجه للشباب بس معلش اسمحيلي قول رايي
عن جد يمكن اغلبيتنا ما منحب نوجع راسنا ومنفضل المواضيع اللي بتسلي وبتمضي الوقت
وهيدا شي كتير بيدايقني وكتير غلط لانو بكلمة وحدة الام مدرسة وكل بنت مستقبلها ام

بس كمان اسمحولي قول شغلة صارت معي شخصيا بالجامعة ما بعرف اذا الها علاقة بالموضوع
كان في النا زميلة كتير كتير حلوة وشكلا مميز يعني كانو البنات اكتر من الشباب بيتمنو يحكو معها ومرة من المرات صدف ودخلنا بحوار طبعا كنا شلة بنات وشباب وصدقوني انصدمت كتير وقت اسمعت كلاما يعني كتير سطحية وهما المظاهر وتفاهات الامور ونكون عم نسال شي وهيي تجاوب شي وبوقتها بصراحة تمنيتا لو ضلت ساكتة كانت ضلت احلى وهي كانت المرة الاولى والاخيرة اللي منحكي فيها سوا وهي طالبة جامعة يعني تعليم عالي ... بعتقد مفهوم قصدي
اسفة اذا طولت :D

... لاوديسا ( بس لو ماكانت برازيلية ) :lol:

ما بعرف شو بدي قول ..... شكرا :D
وعالهامش.. برازيلوووووووو ......:p

ماما منوشه

01/07/2006, 13:02

سؤالي ... للبنات ..
هل نحن فعلا مسؤولون عن صورة الدمية الملونة اللي مصنفين فيا ؟؟؟
خلونا نعترف أنو نحن أقل انتاجية فكرية من الشباب :cry: :cry: ... بأخوية كمجتمع مصغر ... وبالمجتمع بشكل عام ؟؟؟؟

موضوعك كتير ممتاز كالعادة مرسيل
أما بالنسبة للجواب
مع الاسف كتار من الصبايا هن اللي بيحطونا داخل اطار الدمية الملونة لأنهن بيكون اكبر همهن هو كيف تجذب الشب اليها

ما تزعلو مني صبايا لكن هي هو الواقع المرير .. انا بالتأكيد لا اجمع الكل داخل الحكي بس فعلا في كتار
بس كمان مرسيل القصة مش مضبوطه انو هالحضور بالاخوية هو اللي يعطيكي هالاحساس لأنو معظم الصبايا هون في سن المراقة يعني ما بين 17 إلى 20 وهذا السن بيكون فترة انتقالية ما بين الطفولة الشباب ... اكيد مريت انابهالمرحلة ياللي كان بدي تنصب كل عيون الشباب نحوي بس لما يبلش السن يكبر بنضحك على هالحركات وصدقيني ما بققيت طيق بص ناحية الماكياج من الاصل
نرجع للموضوع
النسبة الصغيرة الباقية من الصبايا وهن العاقلات ما فينا نشوفهم بالمنتديات كتير لأنهن بالواقع بيكون إلهن كتير اهتمامات اخرى أهم من المنتديات
وممكن يكونو بيفوتو عالمنتديات بس لايشوفو موضوع معين او يبحثو عن شغلة معينة
يعني ما فينا بكل حال من الاحوال نحط الاخوية أو اي منتدى آخر مقياس لأهمية تواجد النساء أو الفتيات بشكل عام

ارجو ما اكون كتبت كلام كتير ما ينفهم منو غير القليل
شكرا ميمو مره تانية على الموضوع الجميل

butterfly

01/07/2006, 15:58

كلامك كلو حلو وموزون..... وفعلا انا بعد ماعم شوف الحضور الأنثوي بالأخوية (اللي هيي مجتمع مصغر عن المجتمع) بلشت اندم على حياتي اني أنثى :cry:

فعلا عم نكون بالأخوية مجرد لعب باربي..... الهم الأكبر انو نفصل فستان عالموضة..... نعرف كيف نصفف شعرنا عالموضة..... نهتم بجمال بشرتنا..... ولما بدنا نهتم بأمور نفسية (على أساس) بدنا ندرس شخصيتنا من شكل عيوننا ولأي درجة نحنا إناث او صبيانيات او.... او ..... او ..... يعني كلو بيدور بمحور الجمال والأنوثة ولفت انتباه الشباب للأنوثة بعيدا تماما عن هموم المجتمع وعن مشاكل وقصص البشرية...... يعني عم نكون بعيدين تماما عن اي انتاجية فكرية فعلية :cry:

واذا انت اعتزلتي الحب انا بدي اعتزل الأنوثة كلها طالما هيك نظرتنا للأنوثة :cry:
ياحرام بدي صير خنثى :cry:

له له ... شو تعتزلي الأنوثة
الحل ببساطة ... نسعى نكون حاضرين أكتر ...
النوعية تغلب الكثرة بالعدد ....
بحييكي ... :D

butterfly

01/07/2006, 16:00

ميرسي ماري بوزا على مواضيعك الهادفة دايما انو عجبتني الفكرة اللي بلشتي بيها مشان توصلي لسؤالك الاخير والاهم.تانكس:D :D

ولوو ...
بس كازيتا ... حبابة ... حاولي ما تقري هالمجلات ;-)
ميرسي دلولتنا :D

butterfly

01/07/2006, 16:03

تسجيل متابعة .. و التعقيب حول هالقضية ساطرحه لاحقا ...

امنيتي زيادة العنصر الانثوي في المنبر .. فذلك قد يخفف من حدة الكلام المتدوال عادة في المنبر ... كما اتمنى رؤية المشاركات الانثوية في الاقسام الاقتصادية و العلوم و التكنولوجيا.. الكمبيوتر ..

وصرنا تنين ...
الأنثى تضيف كتير رقي :p للحوار ... وبتخفف حدة النزاع .. وبتمثل شريحة كبيرة حرام تضل غائبة عن الحوارات

وأنو صحي عالهامش ... ليش بتكتبي بالاورونج ؟:shock:

butterfly

01/07/2006, 16:04

يعبر عن المجتمع تعبير صادق

فلا يوجد تناقض.
بس محمد ... ما المفروض أنو هالفئة اللي عم تداول النت ... واللي أغلبا عم يدرس أنو تكون أوعى وأكتر ثقافة وفعالية ؟؟؟

butterfly

01/07/2006, 16:16

اي والله انا ماعدت ادخل عالمنبر بس مشان هالخناقات
و ما شاء الله عليهم البعض بدو يفرض وجهة نظرو فرض عا لكل
بقى شوبدنا بالمنبر ووجع الراس

هلق المنبر ...يمكن لأ مو يمكن ... القسم الأحب عقلبي لهيك اسمحلي ...قلك شو بدنا بهالوضع ...
هالوضع هوي مشاكلنا .. مجتمعنا ... وطنننا ... الأنسان ..وحياتو وقضاياه ... الأخر واختلافو ... ورأيو المختلف ...
أذا ما بدي وجع راسي مشان هلقضايا
بشو بدك ياني وجع راسي ..؟؟؟:shock:
اخوية مجتمع مصغر .. فيها كل الناس
هلق في ناس عم تفرض رأيا ... في ناس ما بتعرف تحاور ..
فيها ناس وقت بقرالا رد ... بقول يا ربي قدي بدي لأصير متل هدول ... وبثقافتون ...

وبدك الصبايا كمان تشارك بالمنبر

هلق هي الجملة ما فهمتا
أنو ليش الصبايا ..... مواطن درجة تانية ؟؟؟ :cry: :cry: :cry:
والله منفهم وما بنا شي :gem:

وملاحظة كمان عالهامش : وقت تطلع من عند ماتريكس حط تسجيل خروج .. لأنو مرة فتت من حسابك :yahoo: :yahoo:

butterfly

01/07/2006, 16:17

مزبوط حكيك تمام و 100% محمد...لأنو مجتمعنا الأنثوي بالفعل تلات ارباعو بالصورة اللي حكت عنا مرسيل.....ففعلا مافي تناقض...بس مرسيل قصدها هو انو تكون زيادة عدد الاناث من الشكل الفعال أو من الربع الباقي من المجتمع بأخوية.......واساسا البنات اللي من هادا الربع المتبقي هني كتيير قلال....بس بالنهاية كلنا منتمنى انو الانثى بشكل عام و بأخوية بشكل خاص انا تكون فعالة أكتر و منفتحة على جوانب كتييير من الحياة اكتر.....
و ميرسييي ميمووو:D

عليكي نور وأحلى سارة :D

butterfly

01/07/2006, 16:21

يعني موضوع انو الأناتي مو أناتي
نصهم شباب
فأنا أول شي شكيت بكتير أعضاء و طلعت الأكترية منهم أناتي
ما بكذب عليك في قسم منهم ذكور وأنا بعرفهم منيح وفي منهم مشرفين لا تستغرب وأنا بعرفهم واحد واحد
بس متل ما قلتلك ما بشكلو قسم بسيط وإنت وشطارتك لازم تعرف مين الذكر ومين الأنثى

هلق أنا ما عم أحكي عالفئة اللي عم تكذب
أنا عم أحكي عن البنات ... فعلا ....

أما بخصوص الثقة اللي كبيرة بردك ... أنو شككتني بحالي ... أخ لو مانك أيطالي بس :sosweet:
فتت عقائمة المشرفين لشوف أنو في مشرفات بنات أنا ما بعرفون

Geeny (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
layla (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
sweetbaby (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
majood76 (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

هدول مشرفاتنا ... وأنا شايفتون كلون شخصيا وكلون بنات ..
لهيك رجاء ما نحكي شي مو متأكدين منو

butterfly

01/07/2006, 16:23

[quote=butterfly]
أحسنلك إذا ما فهمتي أما مشان البنات فزيادة عدد مو أكتر (معظمهم) أما الشباب زيادة عدد (أقلية)
:jakoush: :jakoush:

butterfly

01/07/2006, 16:26

الحق يقال عم يفرضوا مواضيعون بقوة :adal:

وهاد الشيئ بيدل على وعي ودليل أنوا لسا الخير لقدام :lol:

حاسس مالح يضل إلنا مطرح الله يستر :?

أي وأنا هيك حاسة
:yahoo: :yahoo:
بس بدنا نحسن المواضيع أكتر شوي ...

butterfly

01/07/2006, 16:28

مشكورة ميمو عل الموضوع :D :D :D

و كلامك صح 100بال 100 بس هاد الواقع بأخوية و بخارجها
و بظن أنو مجتمعنا هو المسبب الأول لهي الظاهرة اللي بتخلي نسبة كبيرة من البنات مجالات تفكيرن كتير ضيقة و ما بتخرج عن نطاق الأشيا الذكرتين و هاد كلو بيرجع برأي لمجتمعنا الذكوي المتخلف اللي بيعطي الأفضلية للرجل و حاصر المرأءة بتلت و ظايف بالحياة (بيتا و جوزا وولادا)
ويمكن هاد الشي مو غلط بس الغلط الكبير هو أنو المرة عم توصل لسن الزوج و اللي هو غالبا كتير مبكر ما عندا شي تقدمو لهل الأسرة

تحياتي:D :D

لأ بظن الأنثى عم تكون استسلامية
ما حدا جبرا ما تقرا كتاب .. ما حدا جبرا تقعد تلحق اخبار الفنانين وأخر قصة شعر وأخر لون مكياج ...
بس هي استسلامية ... ومكتفية من الدنية ببيت وزوج :(

butterfly

01/07/2006, 16:38

عفوا
كيف يعني مشرفين ؟؟؟

يعني انو في مشرف عامل حالو مشرفة ؟؟؟

و اللا انو في مشرفة و عالمة حالها مشرف ؟؟؟

له له له :?

شه شه شه :?

عقولة حبيبك وائل ... :p

ما صدقت عيوني:shock: هي أنت أو مش انت

فكرتون خانوني اتاريكي طلعتي أنت :oops:

الزعيم :king: خرج من منبره ... ليتحدث ألى عامة الشعب بالصالون ... :cry: :cry:

منور ... بس ألي تعقيب عردك ورد هاني ... بعد شوي ..8)

مع فائق المحبة والاحترام :mimo: :mimo: :mimo:

محمد ابراهيم

01/07/2006, 16:43

مزبوط حكيك تمام و 100% محمد...لأنو مجتمعنا الأنثوي بالفعل تلات ارباعو بالصورة اللي حكت عنا مرسيل.....ففعلا مافي تناقض...
بس بالنهاية كلنا منتمنى انو الانثى بشكل عام و بأخوية بشكل خاص انا تكون فعالة أكتر و منفتحة على جوانب كتييير من الحياة اكتر.....

ليس كل ما يتمناه المرء يدركه

ولكن بالتخطيط والدراسه يمكن ان يتحقق الهدف المأمول.

انا عن نفسي في اطار المجتمع المحدود اللي كنت بعيش فيه لحد وقت قريب (الجامعي) اتفاجأت
في كل مره حكيت فيها مع بنت ,مستوى متدني من الثقافه والاهتمام بالقضايا المهمه في المجتمع ,لدرجة اني وصلت في وقت للابتعاد نهائي عن دخول اي مناقشات معهن ,وفضلت الصمت ,بسبب استغراب البنات لطريقة كلامي واسلوبي والمواضيع اللي بتكلم فيها .:lol:
بس للملاحظه :في شباب (نسبه معقوله ) لها نفس طرق التفكير الساذجه والسطحيه .

لاوديسا

01/07/2006, 16:46

سؤالي ... للبنات ..
هل نحن فعلا مسؤولون عن صورة الدمية الملونة اللي مصنفين فيا ؟؟؟
خلونا نعترف أنو نحن أقل انتاجية فكرية من الشباب :cry: :cry: ... بأخوية كمجتمع مصغر ... وبالمجتمع بشكل عام ؟؟؟؟

انا بعترف واكيد السبب نحنا :pos:

محمد ابراهيم

01/07/2006, 16:54

هلق أنا ما عم أحكي عالفئة اللي عم تكذب
أنا عم أحكي عن البنات ... فعلا ....

أما بخصوص الثقة اللي كبيرة بردك ... أنو شككتني بحالي ... أخ لو مانك أيطالي بس :sosweet:
فتت عقائمة المشرفين لشوف أنو في مشرفات بنات أنا ما بعرفون

Geeny (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
layla (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
sweetbaby (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
majood76 (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

هدول مشرفاتنا ... وأنا شايفتون كلون شخصيا وكلون بنات ..
لهيك رجاء ما نحكي شي مو متأكدين منو
تأكيدا لكلامك
فعلا بعرف ريتا وليلي طبعا صبايا ومن احسن الصبايا هون اخلاقا وقبولا والجميع يحترمهم
وكمان مجود
كمان بنت
اما جيني ما بعرفها اساسا .

sezar

01/07/2006, 16:57

اي و انا بقلكن جني بنت كمان :lol:
مو مشان عيني بس شوف عيني أما الباقي ما بعرفن :p

محمد ابراهيم

01/07/2006, 17:01

اي و انا بقلكن جني بنت كمان :lol:
مو مشان عيني بس شوف عيني أما الباقي ما بعرفن :p
الحمد لله

هيك اطمنا عليهم كلهم :lol:
بس انت ممكن تكون مو
واحنا مخدوعين :p
محتاجين تأكيد على الموضوع

ابومزيد

01/07/2006, 17:02

يا جماعة خلي كل على طبيعتو خلونا نعرف المنيح والطيب والعميق بتفكيروا من السطحيين واللي فايتين يطوا حنك على الفاضي
خللو الكل يحكي اللي بنفسوا
في ناس هون بالمنتدى بينحطوا على الجرح بيطيب ما منشوفون ومنقدرون منيح الا اذا شفنا وانصدمنا بالناس التانية
وحاج بقى تقولوا بنات وشباب والله ملينا من هالقصة
وحضور انثوي اي تشرفنا والله ليش بقى ليش لمى الواحد يخاطب العقل في تأنيث وتذكير
في كتير بنات فايتين بأسماء شباب منشان ما يعوفوا حالون بالرسائل الخاصة
وفي كتير شباب عم يفوتو بأسماء بنات لغايات غريبة
ومبارح بعدوا هاني مكتشف عضوة معروفة كتير بانوثتها الطاغية انو شب مو بنت

sezar

01/07/2006, 17:05

الحمد لله

هيك اطمنا عليهم كلهم :lol:
بس انت ممكن تكون مو
واحنا مخدوعين :p
محتاجين تأكيد على الموضوع
:sick:
ولي انكشف أمري

:eek:
أطالب بتغيير لقبي من أمين الى ( أمينة ) :lala: :lala:

لاوديسا

01/07/2006, 17:09

:sick:
ولي انكشف أمري

:eek:
أطالب بتغيير لقبي من أمين الى ( أمينة ) :lala: :lala:
اول المعترفين وصل ....:lol: :lol:

Majood

01/07/2006, 17:13

اي وانا اخو لسيزار الحلوة .. ما كان بدي احكي بس ضميري وجعني كتير ..
و هلأ بتستلمنا مرسيل
و شطحنا عن الموضوع الرئيسي ..

محمد ابراهيم

01/07/2006, 17:14

وحاج بقى تقولوا بنات وشباب والله ملينا من هالقصة
وحضور انثوي اي تشرفنا والله ليش بقى ليش لمى الواحد يخاطب العقل في تأنيث وتذكير
هون كلامك مظبوط :D
في كتير بنات فايتين بأسماء شباب منشان ما يعوفوا حالون بالرسائل الخاصة
وفي كتير شباب عم يفوتو بأسماء بنات لغايات غريبة
مو مشكله طالما مافي تأثير وضرر على اي حد
ومبارح بعدوا هاني مكتشف عضوة معروفة كتير بانوثتها الطاغية انو شب مو بنت
وما خفي كان اعظم

محمد ابراهيم

01/07/2006, 17:19

:sick:
ولي انكشف أمري

:eek:
أطالب بتغيير لقبي من أمين الى ( أمينة ) :lala: :lala:

انت لما صدقت (كان بدك تعترف لوحدك) حاسس بالذنب وتأنيب الضمير :lol:

لاء عنجد سيبك من المزح احسن الاعضاء تصدق لان فعلا في مهازل في المنتدى .:lol:

اب حمرا

01/07/2006, 19:54

1. مرحبا
2.شلون الشباب والصبايا
3. يعني متل ما في بنات سطحيات في شباب كتييييييييييييييير وانا واحد منون عم حاول ماكون سطحي عن طريق القرائة وهيك شغلات
4. يعني المجتمع فيو هيك وفيو هيك فيو شباب هيك وشباب هيك بنات هيك وبنات هيك (حدا ما فهم )

butterfly

01/07/2006, 21:20

يعني انا كنت عم اقرا الموضوع بس استوقفني هالرد
طبعا وخاصة موضوع المشرفين منن وحبيت علق علي قبل ما كفي قراية الردود البقية

موضوع المشرفين وانو المشرفات هني شباب او المشرفين هني بنات هادا شي مستحيل
لانو نحنا المشرفين منعرف بعضنا ومنعرف معظم بقية الاعضاء بشكل شخصي وملتقيين فين فمستحيل يكون اي شي من هالحكي صحيح لهيك شيلو المشرفين على جنب

منرجع منكفي قراية الموضوع :D
وكريم قال
عفوا
كيف يعني مشرفين ؟؟؟

يعني انو في مشرف عامل حالو مشرفة ؟؟؟

و اللا انو في مشرفة و عالمة حالها مشرف ؟؟؟د

مدام تعذبتو وقريتو الموضوع وتركتوا انشغالاتكون الأشرافية للحظات .. طيب كنتو تركو القبعة الأشرافية وشاركونا النقاش باللباس المدني :cry:
صحي زرق بس والله ما بنا شي ... يعني بينحكى معنا ...
ومنورين كمان مرة

ويبدو أنو الحكي كمان لسيزار :pos:

butterfly

01/07/2006, 21:24

في شوية صبايا بالأخوية عنا بيبهروني بثقافتهم العالية ومواضيعهم المميزة و مشاركاتهم الفعالة ..
واذا بتقارني العمر ..بتعرفي نوعين المشاركات بكل قسم ... وشو هية اهتماماتهم

بس بالنهاية ... الحضور الأنثوي بالفترة الأخيرة كتير كتير كتير مميز ...

وعلى أعلى الهرم الأنثوي .. majood76 ... لاوديسا ( بس لو ماكانت برازيلية ) :lol:

وكتيرات غيرهم :D :D

طيب وأنا :cry: :cry: :cry: :cry: :cry:

butterfly

01/07/2006, 21:27

:king: :king: :king:

شو يعني ؟؟؟ :?