مصطلحات منبر الأخوية اللي ما منعرفها... [الأرشيـــــف]

كهربجي

29/06/2006, 20:28

:D هذا الموضوع مهدى إلى دانيتو و إمرأة من ورق...

ليش؟؟؟

لأنو هذه الكلمات الغير بسيطة... لاعنة أبو ربّنا و ذات (وقع)... علينا... نحن (المضطهدون)...اللي ما عم نفهما... بنوووب...

من الكهربجي و أب حمرا...

ألا وهي:

كالتالي:

احم احم...

خلص حاج...

هه

جماهير عارمة (مع التحقظ على الميم يعني عارية)
التحفّظ
دعم القطاع العام للخاص
دعم القطاع العام
البيروقراطية المكتبيّة
التعبئة (بأشكالها)
التعددية (شرحو)
الازدواجية
الإخصائية
الإقصائية
التبعية
المركزية
اللامركزية
منعطف تاريخي
هامشي
مناوشات
تراشق
مهاوشات
صرفة
بهتاناً :o
استنباط
اشرأبّ (توضيح من الكهربجي : كما في اشرأبّت الجماهير لتتحمّل عبء مسؤوليّاتهات القوميّة)
تهافت
ترّهات
مؤازرة
وَقْعْ (القلقلة على القاف):?
تضافر
تنديد
نزعات
خلّبيّة
الواااااثب (كما في وثبة الاقتصاد الوطني)
عهر... سيااااسي
استبسال:adal:
الضارية
استنزاف
ضربة استباقيّة
جحود
العمالة
الاستقواء... بالخارج ((مثلاً))
الآثم
الغاشم
التقمّم
الإيثار:blow:
التسيّب
التأرجح
الانحلال
استبطان
زعزعة
مغزلي
استقراء
تبصّر:ok:
تنصّر
الأبرار
تربّص
محوري
استقصاء
مناظرة
غربلة
مواربة
مقاربة
تخلخل
تقوقع
لا معنوي (هي بالذات بتسطّل الحكايا عليها)
تلكّد
وصولي
مزامنة
تنقيح
إرهاصات

وأخيراً وليس آخراً:

تآخي:krimbow: وتعايش :willi:

نأسف لعدم الإطالة..

حبيبنا دانيتو و حبيبتنا أو إذا ما حبيتيها عزيزتنا امرأة من ورق...

COSTA

29/06/2006, 20:37

عجبتني (غربلة );-)

Majood

29/06/2006, 20:46

نسيت كريمبو يا زلمة .. لما بقرالو بصير هيك :shock: ..

منيح ما عندي كي بورد عربي... و الا كنت ابحرت في امواج اللغة العويصة بعيدا عن السفسطائية المطلقة من مفهوم التحاكي مع مخ الانسان وليس مخيخه :shock:

Danito

29/06/2006, 21:58

:D هذا الموضوع مهدى إلى دانيتو و إمرأة من ورق...

ليش؟؟؟

لأنو هذه الكلمات الغير بسيطة... لاعنة أبو ربّنا و ذات (وقع)... علينا... نحن (المضطهدون)...اللي ما عم نفهما... بنوووب...

من الكهربجي و أب حمرا...
.
.
.
.
نأسف لعدم الإطالة..

حبيبنا دانيتو و حبيبتنا أو إذا ما حبيتيها عزيزتنا امرأة من ورق...
طيب شو بعملكون إذا أنا من طبقة المسأفين (من سقافة) :pos:
:jakoush: يعني إني من موقعي هذا أندد بشدة بما آلت إليه مآقيكم و تجني و دس الدسائس لما ليس فيه خير هذي الأمة لعمري أنكم قوم متشبث بعرى الجهل و منتكف عن الديماغوجية المحورية المتنافرة مركزيا مع شق اللاوعي الموضوعي لمتوازيات سنطوحات نكاشة ببور بنت أحمى جيران ستي أم سعاد هذا و قد أعلنت قواتنا الباسلة أنها ستتنطع للتصدي لكل من تسول له نفسه الدنية أكل الفلافل على شكل سندويشات صواريخ أم الـ 15 دون التفكير بأخواننا في الإنسانية في بلدان أفريقيا و عش البلبل

يعني في ابسط من هالخطاب اللازوردي الكوانتي المتخامد بسبب عطالة مقاومة نصف السرعة على مربع التسارع جذر من الأس اتنين:? :shock:

بس ملاحظة أخيرة : بتجيني الضحكة أنا و عم اتخيلكون أنت و أبو حمرا عم تتقاذفوا و تتبادلو الإيميلات على الخاص و كل واحد بيزيد كلمة و بينكشها من أمهات الكتب و بعدين تلزقوها فيني و بأمراة من ورق.. مبسوطين كتير ما هيك؟ هه هيه هوه إشكان ما بورجيكون:adal:

COSTA

29/06/2006, 22:00

طيب شو بعملكون إذا أنا من طبقة المسأفين (من سقافة) :pos:
:jakoush: يعني إني من موقعي هذا أندد بشدة بما آلت إليه مآقيكم و تجني و دس الدسائس لما ليس فيه خير هذي الأمة لعمري أنكم قوم متشبث بعرى الجهل و منتكف عن الديماغوجية المحورية المتنافرة مركزيا مع شق اللاوعي الموضوعي لمتوازيات سنطوحات نكاشة ببور بنت أحمى جيران ستي أم سعاد هذا و قد أعلنت قواتنا الباسلة أنها ستتنطع للتصدي لكل من تسول له نفسه الدنية أكل الفلافل على شكل سندويشات صواريخ أم الـ 15 دون التفكير بأخواننا في الإنسانية في بلدان أفريقيا و عش البلبل

يعني في ابسط من هالخطاب اللازوردي الكوانتي المتخامد بسبب عطالة مقاومة نصف السرعة على مربع التسارع جذر من الأس اتنين:? :shock:

بس ملاحظة أخيرة : بتجيني الضحكة أنا و عم اتخيلكون أنت و أبو حمرا عم تتقاذفوا و تتبادلو الإيميلات على الخاص و كل واحد بيزيد كلمة و بينكشها من أمهات الكتب و بعدين تلزقوها فيني و بأمراة من ورق.. مبسوطين كتير ما هيك؟ هه هيه هوه إشكان ما بورجيكون:adal:

:shock: :shock: :shock: :shock:

Danito

29/06/2006, 22:03

:shock: :shock: :shock: :shock:
ملاحظة أنا رح حاول بس أفضى أعمل قاموس الشيطان تبعي

COSTA

29/06/2006, 22:09

ملاحظة أنا رح حاول بس أفضى أعمل قاموس الشيطان تبعي

قاموس؟؟؟؟؟؟؟؟؟؟؟؟؟؟

نحنا من دون قاموس مو مخلصين !!!!!!!!!!!!

butterfly

29/06/2006, 22:14

:D هذا الموضوع مهدى إلى دانيتو و إمرأة من ورق...

ليش؟؟؟

لأنو هذه الكلمات الغير بسيطة... لاعنة أبو ربّنا و ذات (وقع)... علينا... نحن (المضطهدون)...اللي ما عم نفهما... بنوووب...

من الكهربجي و أب حمرا...

تآخي:krimbow: وتعايش :willi:

نأسف لعدم الإطالة..

حبيبنا دانيتو و حبيبتنا أو إذا ما حبيتيها عزيزتنا امرأة من ورق...
هني هدول بيحبو يعقدونا مشان يحسسونا أنون الطبقة المسقفة ..
بس على مين
go كهربجي :gem: :gem:

امرأة من ورق

30/06/2006, 05:00

:D هذا الموضوع مهدى إلى دانيتو و إمرأة من ورق...

ليش؟؟؟

لأنو هذه الكلمات الغير بسيطة... لاعنة أبو ربّنا و ذات (وقع)... علينا... نحن (المضطهدون)...اللي ما عم نفهما... بنوووب...

من الكهربجي و أب حمرا...

ألا وهي:

كالتالي:

احم احم...

خلص حاج...

هه

نأسف لعدم الإطالة..

حبيبنا دانيتو و حبيبتنا أو إذا ما حبيتيها عزيزتنا امرأة من ورق...

:? :? :? :shock:
حبايب قلبي وعيوني كهربجي وابو حمرا :sosweet:

ليش الاهداء الي انا ؟؟؟؟:cry: هلأ دانيتو من طبقة المسأفين بس انا شوووووووو؟؟ولييييييش؟؟:cry:

بس مهضومة منكن :yahoo:

Danito

30/06/2006, 14:12

:? :? :? :shock:
حبايب قلبي وعيوني كهربجي وابو حمرا :sosweet:

ليش الاهداء الي انا ؟؟؟؟:cry: هلأ دانيتو من طبقة المسأفين بس انا شوووووووو؟؟ولييييييش؟؟:cry:

بس مهضومة منكن :yahoo:
حتى أنت يا بروتوس ؟

امرأة من ورق

30/06/2006, 14:15

حتى أنت يا بروتوس ؟

شو يعني؟؟؟:? :shock:

شفتو انا شو بريئة وغير مسئفة حتى بروتوس مابعرفو ومابعرف شو معنى العبارة:p

احلى دانيتو:D

Danito

30/06/2006, 14:23

شو يعني؟؟؟:? :shock:

شفتو انا شو بريئة وغير مسئفة حتى بروتوس مابعرفو ومابعرف شو معنى العبارة:p

احلى دانيتو:D
:lol: :lol: قصدي تقولى أنا أنو أنا عم اعمل حالي مفقس آآ
طيب على قولة ياسر العظمة : حتى أنت يا أبو لوتوس

كهربجي

30/06/2006, 14:56

طيب شو بعملكون إذا أنا من طبقة المسأفين (من سقافة) :pos:
:jakoush: يعني إني من موقعي هذا أندد بشدة بما آلت إليه مآقيكم و تجني و دس الدسائس لما ليس فيه خير هذي الأمة لعمري أنكم قوم متشبث بعرى الجهل و منتكف عن الديماغوجية المحورية المتنافرة مركزيا مع شق اللاوعي الموضوعي لمتوازيات سنطوحات نكاشة ببور بنت أحمى جيران ستي أم سعاد هذا و قد أعلنت قواتنا الباسلة أنها ستتنطع للتصدي لكل من تسول له نفسه الدنية أكل الفلافل على شكل سندويشات صواريخ أم الـ 15 دون التفكير بأخواننا في الإنسانية في بلدان أفريقيا و عش البلبل

يعني في ابسط من هالخطاب اللازوردي الكوانتي المتخامد بسبب عطالة مقاومة نصف السرعة على مربع التسارع جذر من الأس اتنين:? :shock:

بس ملاحظة أخيرة : بتجيني الضحكة أنا و عم اتخيلكون أنت و أبو حمرا عم تتقاذفوا و تتبادلو الإيميلات على الخاص و كل واحد بيزيد كلمة و بينكشها من أمهات الكتب و بعدين تلزقوها فيني و بأمراة من ورق.. مبسوطين كتير ما هيك؟ هه هيه هوه إشكان ما بورجيكون:adal:
لأ نحنا اشتغلناها سوا.. يعني بسردة وحدة بالشارع للساعة 8 الصبح... طلعوا معنا بآخر نصّ ساعة وكنّا مو نايمين فسكرنا عالنعس.... فصرنانزت حكي كبير ونضحك.. قلنا وهي موضوع لدانيتو..

بعدين شفت أنّو معنا حقّ؟

اب حمرا

30/06/2006, 15:21

لأ نحنا اشتغلناها سوا.. يعني بسردة وحدة بالشارع للساعة 8 الصبح... طلعوا معنا بآخر نصّ ساعة وكنّا مو نايمين فسكرنا عالنعس.... فصرنانزت حكي كبير ونضحك.. قلنا وهي موضوع لدانيتو..

بعدين شفت أنّو معنا حقّ؟

طبعا نحنا دايماً منتعب و منشتغل على حالنا منيح حتى لو ضلينا سهرانين بي باب توما لل 8 الصبح:gem:

كهربجي

30/06/2006, 15:22

هني هدول بيحبو يعقدونا مشان يحسسونا أنون الطبقة المسقفة ..
بس على مين
go كهربجي :gem: :gem:
لوين بدّي go؟؟؟ لوين شلفتينا؟؟:lol:
هلق هنن عندن مشاكلن.. والناس عندا مشاكلا... وأكبر غلط هو طرح مشاكل الناس بلغتهن اللي ما بتفهمها الناس...

يعني برأيي أنو الموضوع مو للضحك قد مانو للصفنة و النقاش...

كهربجي

30/06/2006, 15:29

تحويل إلى أب حمرا... أنا ما خصّني..

هو قال كمان امرأة من ورق

Danito

30/06/2006, 15:40

لوين بدّي go؟؟؟ لوين شلفتينا؟؟:lol:
هلق هنن عندن مشاكلن.. والناس عندا مشاكلا... وأكبر غلط هو طرح مشاكل الناس بلغتهن اللي ما بتفهمها الناس...

يعني برأيي أنو الموضوع مو للضحك قد مانو للصفنة و النقاش...

هلق أنت و سهران عم تتفتل بحارات الشام القديمة و عم تحلل حكي العالم؟ شو مزحت مزحة و صدقتها شكلك ؟ هيهيهيه طيب ما بتعرف علقتك مع مين :adal:
طيب يا كهربجي سالخك كنتاك تري فاز حارق الفيوزات شيتك :lol:

امرأة من ورق

30/06/2006, 16:56

هلق هنن عندن مشاكلن.. والناس عندا مشاكلا... وأكبر غلط هو طرح مشاكل الناس بلغتهن اللي ما بتفهمها الناس...

هلأ انا هيك :? :shock: :cry:

بكل الاحوال حاسة بالاهمية انو تنزل موضوع خصوصي الي وكمان انحط اسمي مع دانيتو 8)

Danito

30/06/2006, 17:03

هلأ انا هيك :? :shock: :cry:
ما تردي عليه أصلا شو بيعتبرنا مو ناس يعني؟ شو نحنا أميركان؟ بعدين لما واحد بيحكي بالسياسة و بعصبية بيطلع معو كم كلمة كبيرة و شغل أدب و شعر، ليش؟ لأنو ببساطة نحنا بسوريا كلياتنا يعني خريجي مدارس المناهج تبعها محطوطة من البعثيين و ما أدراك ما البعثيين بحسون بيفهمو باللغة العربية أكثر ما بيفهمو بالسياسة و كل كلمات كبيرة: منطلقات نظرية ، جيش عقائدي، مؤمرات إمبريالية، صهر الشعب في بوتقة واحدة...:? :shock: :shock:
يعني إذا ما تأثرنا فكريا بالمحتوى تبع الكتب بدنا نتأثر بالأسلوب الأدبي الجميل .. هيهيهيهي
هي وحدة
الشغلة التانية هو حاقد عليي من وقت سلختو محاضرة بموضوع توقيف الشباب :lol:

Danito

30/06/2006, 17:06

بكل الاحوال حاسة بالاهمية انو تنزل موضوع خصوصي الي وكمان انحط اسمي مع دانيتو 8)

هلق بصراحة أنا ما حسيت بالوحدة و "العزلة" و هادا شرف ألي أنو يساووني بوحدة فهمانة مثلك

butterfly

30/06/2006, 17:33

هلق أنت و سهران عم تتفتل بحارات الشام القديمة و عم تحلل حكي العالم؟ شو مزحت مزحة و صدقتها شكلك ؟ هيهيهيه طيب ما بتعرف علقتك مع مين :adal:
طيب يا كهربجي سالخك كنتاك تري فاز حارق الفيوزات شيتك :lol:
:? :? :? شو هاد ؟؟؟

butterfly

30/06/2006, 17:35

بكل الاحوال حاسة بالاهمية انو تنزل موضوع خصوصي الي
له له له .... لهلق ... ما كنتي حاسة بالأهمية ;-)

وكمان انحط اسمي مع دانيتو :cry:

:cry: يلا بسيطة ما تزعلي .... نحنا منعرف أنت شو ;-) :yahoo: :yahoo:

Danito

30/06/2006, 17:36

:? :? :? شو هاد ؟؟؟
:jakoush: :jakoush: :jakoush:
كاتب النص الأصلي : Danito
هلق أنت و سهران عم تتفتل بحارات الشام القديمة و عم تحلل حكي العالم؟ شو مزحت مزحة و صدقتها شكلك ؟ هيهيهيه طيب ما بتعرف علقتك مع مين :adal:
طيب يا كهربجي سالخك كنتاك تري فاز (شغلة بالكهربا بس قوية كتير) حارق الفيوزات شيتك :lol:

كمان هي فيها كلمات مقعدة؟؟؟؟؟؟؟؟؟

butterfly

30/06/2006, 17:39

:jakoush: :jakoush: :jakoush:

كمان هي فيها كلمات مقعدة؟؟؟؟؟؟؟؟؟
لا تطرطق لسى أنا هلق فقت من النوم
صرعتني

وأي فيها كلمات complecated :p :p

krimbow

30/06/2006, 21:16

مرحبا

هي القصيدة "لمخول قاصوف"
بهديها لجميع مثقفي سوريا عامة
و لجميع مثقفي الاخوية تحديدا

و لألي بالمعية

مثقفونا يفكرون
بانتظام يشرحون
يحللون مفاصل الأزمات
علينا و عليكم سلامات

مثقفونا يلهثون
على ورقة ينتشون
للبنيوية للشعر فنون
يتسلّقون الألف ينبطحون - نــــــــــــــــــــــــ ــون

مثقفونا قلقون
ينظرون الحزن و الجنون
حتى في الأعماق يكذبون
يفلسفون العجز يرتاحون

((أنا و أنت و الناس
ما إلنا حدا
بيحكوا موّترين
بنحكي عالهدى
لو بيروحوا يرتاحوا
يحلوّا عنا شوي
شبعنا حكي
شكي
بكي))

مثقفونا يصوّرون
أنهم متعالون
على سلّم الأفكار يعربشون
يموتون بالمال يموتون

مثقفونا يغتالون
كل فكر و فنون
ففي الجرائد هُمُ الحاكمون
و عا مهلك بالشفرة ع الصابون
(عصبونا و عصبوك)

مثقفونا يردّدون
كل كتاب يقراؤن
فللعلم للفكر قانون
لكنهم صدى يطنُّون

مثقفونا فارغون
فارغون
فارغون
فارغون

يبراب باب بيراب باب
را رارا راراباب
و سلملنا بقا ع التورماي

Danito

30/06/2006, 21:20

مرحبا

هي القصيدة "لمخول قاصوف"
بهديها لجميع مثقفي سوريا عامة
و لجميع مثقفي الاخوية تحديدا

و لألي بالمعية

ترى أنا ما دخلني : أنا مو مسقف أنا جاجة :p :p
بس معي انفل وزة الطيور :cry:

COSTA

30/06/2006, 21:33

ترى أنا ما دخلني : أنا مو مسقف أنا جاجة :p :p
بس معي انفل وزة الطيور :cry:

يا زلمة رعبتني فكرت انف العنزة;-)

butterfly

30/06/2006, 21:33

مثقفونا يفكرون
بانتظام يشرحون
يحللون مفاصل الأزمات
علينا و عليكم سلامات

مثقفونا يلهثون
على ورقة ينتشون
للبنيوية للشعر فنون
يتسلّقون الألف ينبطحون - نــــــــــــــــــــــــ ــون

مثقفونا قلقون
ينظرون الحزن و الجنون
حتى في الأعماق يكذبون
يفلسفون العجز يرتاحون

((أنا و أنت و الناس
ما إلنا حدا
بيحكوا موّترين
بنحكي عالهدى
لو بيروحوا يرتاحوا
يحلوّا عنا شوي
شبعنا حكي
شكي
بكي))

مثقفونا يصوّرون
أنهم متعالون
على سلّم الأفكار يعربشون
يموتون بالمال يموتون

مثقفونا يغتالون
كل فكر و فنون
ففي الجرائد هُمُ الحاكمون
و عا مهلك بالشفرة ع الصابون
(عصبونا و عصبوك)

مثقفونا يردّدون
كل كتاب يقراؤن
فللعلم للفكر قانون
لكنهم صدى يطنُّون

مثقفونا فارغون
فارغون
فارغون
فارغون

يبراب باب بيراب باب
را رارا راراباب

حلوة كتير بس فيا شي بيوجع :cry:
ميرسي كريمو :kissyou:

كهربجي

01/07/2006, 16:28

ما تردي عليه أصلا شو بيعتبرنا مو ناس يعني؟ شو نحنا أميركان؟ بعدين لما واحد بيحكي بالسياسة و بعصبية بيطلع معو كم كلمة كبيرة و شغل أدب و شعر، ليش؟ لأنو ببساطة نحنا بسوريا كلياتنا يعني خريجي مدارس المناهج تبعها محطوطة من البعثيين و ما أدراك ما البعثيين بحسون بيفهمو باللغة العربية أكثر ما بيفهمو بالسياسة و كل كلمات كبيرة: منطلقات نظرية ، جيش عقائدي، مؤمرات إمبريالية، صهر الشعب في بوتقة واحدة...:? :shock: :shock:
يعني إذا ما تأثرنا فكريا بالمحتوى تبع الكتب بدنا نتأثر بالأسلوب الأدبي الجميل .. هيهيهيهي
هي وحدة
الشغلة التانية هو حاقد عليي من وقت سلختو محاضرة بموضوع توقيف الشباب :lol:
حاقد؟؟ خسئت يا متزحلق!!! :lol:

لأ الفكرة أنو أنا و أب حمرا حبّينا نخلّي في بالموضوع هيك نكتة يعني.. وقلنا ما في غير أبو الدون زلمة متفهّم و كفو...

وبعدين قلّي أنو كمان امرأة من ورق.. قلنالو تمام... يعني لا في شي شخصي ولا من يحزنون..

butterfly

01/07/2006, 16:41

حاقد؟؟ خسئت يا متزحلق!!! :lol:

لأ الفكرة أنو أنا و أب حمرا حبّينا نخلّي في بالموضوع هيك نكتة يعني.. وقلنا ما في غير أبو الدون زلمة متفهّم و كفو...

وبعدين قلّي أنو كمان امرأة من ورق.. قلنالو تمام... يعني لا في شي شخصي ولا من يحزنون..
أنا أندد بهالكلام ..
حاسة في شي شخصي
وانكن مدفوعون من وراء جهات سرية أجنبية ... تهدف الى الأساء للوحدة الوطنية بين أمرأتنا الورقية ..و محبوب الجماهير الكادحة دان دان :pos:

كهربجي

01/07/2006, 16:47

أنا أندد بهالكلام ..
حاسة في شي شخصي
وانكن مدفوعون من وراء جهات سرية أجنبية ... تهدف الى الأساء للوحدة الوطنية بين أمرأتنا الورقية ..و محبوب الجماهير الكادحة دان دان :pos:
:? :? :? :?

butterfly

01/07/2006, 16:50

:? :? :? :?
مع أني زعلانة منك
بس مضطرة اسألك شوبك ؟؟؟ :pos:

كهربجي

01/07/2006, 16:55

مع أني زعلانة منك
بس مضطرة اسألك شوبك ؟؟؟ :pos:
لك ما عاش مين بزعّلك..

بس انصدمت من الإتهامات المغرضة تبعك

اب حمرا

01/07/2006, 19:11

المغرضة :shock:

Danito

01/07/2006, 22:55

حاقد؟؟ خسئت يا متزحلق!!! :lol: ..
و انت السادق أنا متزحلط على الدرج و انفكشت ايدي كمان

لأ الفكرة أنو أنا و أب حمرا حبّينا نخلّي في بالموضوع هيك نكتة يعني.. وقلنا ما في غير أبو الدون زلمة متفهّم و كفو...

وبعدين قلّي أنو كمان امرأة من ورق.. قلنالو تمام... يعني لا في شي شخصي ولا من يحزنون
:o :o :clap:
أنو مو تا فا هي مممم على الأخيييييير

Danito

01/07/2006, 22:58

أنا أندد بهالكلام ..
حاسة في شي شخصي
وانكن مدفوعون من وراء جهات سرية أجنبية ... تهدف الى الأساء للوحدة الوطنية بين أمرأتنا الورقية ..و محبوب الجماهير الكادحة دان دان :pos:
:gem::gem:

أنا كمان بموت بجمهوري: وحشتوني يا جمهوري وحشتوني وحشتوني
و هطلع هدومي الصيفي من الدولاب
خلص عالانتخابات يابا 8) و ابشروا كيلو الخبز بليرة و نص
ميمو ما حدا محبوب الجماهير غيرك.. دنا غلبان:cry:

butterfly

01/07/2006, 23:01

:gem::gem:
خلص عالانتخابات يابا 8)

سمعانة هالكلمة ؟؟؟ بس مدري وين ؟؟؟ :? :shock:

Danito

01/07/2006, 23:06

سمعانة هالكلمة ؟؟؟ بس مدري وين ؟؟؟ :? :shock:

هادا اسمو حكي بالسي آسي ;-)

butterfly

01/07/2006, 23:09

هادا اسمو حكي بالسي آسي ;-)
أها .... يشكل أسي اللي بيحكي سي أسي :oops:

دان دان ؟؟؟
معلي طلب ؟؟؟ :cry: :cry:
رجع أسماء الشباب عالتوقيع :cry: :cry:

Danito

01/07/2006, 23:14

هلق لحظة :
هادا الموضوع يا أما لازم عن جد نحرك النقاش حول التعابير الحفنشطية المستخدمة من البعض (:angel:أنا ما دخلني أنا جاجة)
يا أما لازم يتم نقله على السقيفة و العلم و القرار عند السيدات و السادة المشرفين 8)
يا أما من موقعي هذا و أندد و أنضد و انبحت بالأراضي على ربط اسم الآنسة المحترمة امرأة من ورق:sosweet: و اسمي :gem: بموضوع دخيل على المنبر الذي كان و ما يزال مرتع الأحرار :zen:

ملاحظة : من أجل شرح المفردات بالأحمر راجع كتاب : الزمحشطي بن الكورية في شرح معاني الألفاظ السورية :dr:

butterfly

01/07/2006, 23:19

هلق لحظة :
هادا الموضوع يا أما لازم عن جد نحرك النقاش حول التعابير الحفنشطية المستخدمة من البعض (:angel:أنا ما دخلني أنا جاجة)
يا أما لازم يتم نقله على السقيفة و العلم و القرار عند السيدات و السادة المشرفين 8)
يا أما من موقعي هذا و أندد و أنضد و انبحت بالأراضي على ربط اسم الآنسة المحترمة امرأة من ورق:sosweet: و اسمي :gem: بموضوع دخيل على المنبر الذي كان و ما يزال مرتع الأحرار :zen:

ملاحظة : من أجل شرح المفردات بالأحمر راجع كتاب : الزمحشطي بن الكورية في شرح معاني الألفاظ السورية :dr:
أنا بظن أنو تاركيننا ... نلعب هون
من مبدأ ... احسن ما نازلين بكل موضوع لعب وحكي ... :cry: :cry: متل ما ساوينا بالنكت ...

كهربجي

02/07/2006, 14:58

المغرضة :shock:
معبّرة هي اللفظة

كهربجي

02/07/2006, 15:02

هلق لحظة :
هادا الموضوع يا أما لازم عن جد نحرك النقاش حول التعابير الحفنشطية المستخدمة من البعض (:angel:أنا ما دخلني أنا جاجة)
يا أما لازم يتم نقله على السقيفة و العلم و القرار عند السيدات و السادة المشرفين 8)
يا أما من موقعي هذا و أندد و أنضد و انبحت بالأراضي على ربط اسم الآنسة المحترمة امرأة من ورق:sosweet: و اسمي :gem: بموضوع دخيل على المنبر الذي كان و ما يزال مرتع الأحرار :zen:

ملاحظة : من أجل شرح المفردات بالأحمر راجع كتاب : الزمحشطي بن الكورية في شرح معاني الألفاظ السورية :dr:
لن يهدأ لنا بال حتّى نضرم لهيب الوطن في قلوب الجماهير العارية...

أنا بقول إذا ما رح يتناقش خلّيه يصير مسابقة... ومنفتح تصويت!!

chefadi

02/07/2006, 17:19

لن يهدأ لنا بال حتّى نضرم لهيب الوطن في قلوب الجماهير العارية...

!!

كلام جميل :clap:

امرأة من ورق

02/07/2006, 17:37

هلق لحظة :
يا أما من موقعي هذا و أندد و أنضد و انبحت بالأراضي على ربط اسم الآنسة المحترمة امرأة من ورق:sosweet: و اسمي :gem: بموضوع دخيل على المنبر الذي كان و ما يزال مرتع الأحرار :zen:

ملاحظة : من أجل شرح المفردات بالأحمر راجع كتاب : الزمحشطي بن الكورية في شرح معاني الألفاظ السورية :dr:

انا راجعت الكتاب المذكور وهيك طلع معي

موقعي: المكان الذي وقعت فيه ثم انتشلتني امي عن الارض
أندد: من الندى
أنضد: من منضدة يعني طاولة
انبحت: من البحث العلمي المنهجي بس في نقطة سقطت سهوا
مرتع: من المرعى

:yahoo: :yahoo: :yahoo:

ويللا عالسقيفة :oops:

كهربجي

26/11/2006, 06:42

إيه....

سقا سعدو إيامكن يا شباب....

:D

والدفعة الجديدة عل الخط

وهي وحدة ع البيعة

الشهيد الحي...

كل ما اسمعها بطقوا خواصري من الضحك

butterfly

26/11/2006, 09:48

عم سمعلا لطالبتي أسباب قيام الحركة التصحيحية :
1) البيروقراطية
2) فشل الحزب في تحقيق أمال الجماهير
3) التسلط والفردية في الحكم
4) وجود النزاعات والخلافات .. وغياب الوحدة الوطنية

:? :? :shock:

بركزان

26/11/2006, 14:06

برافو وكترنا من كلام المسئفين يلي مفوتنا بالحيط ونسيت كلمة الشفافية
يلي ماعم تفارقنا لاليل ولا نهار ونحنا عم نطبقها على كافة الأصعدة والمجالات
وعلى قولة ياسر العظمة بدك الشفافية ولا بنت عمها
أكيد بنت عمها موووو :lol:

Government

26/11/2006, 16:43

شوووووووووووو هالتحشييييش هاد يا:o
مافهمت شي من شي
متل الاطرش بالزفة

chefadi

27/11/2006, 05:53

عم سمعلا لطالبتي أسباب قيام الحركة التصحيحية :
1) البيروقراطية
2) فشل الحزب في تحقيق أمال الجماهير
3) التسلط والفردية في الحكم
4) وجود النزاعات والخلافات .. وغياب الوحدة الوطنية

:? :? :shock:

هدول أسباب ولا نتائج :?:?:shock: