سورية: مضاداتنا الارضية تصدت لطائرتين اسرائيليتين حلقتا فوق اللاذقية////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// 28-06-2006 , 21:22 GMT////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////اكدت سورية رسميا تحليق طائرات اسرائيلية فوق منطقة قريبة من مدينة اللاذقية على الساحل السوري بعد قليل من اعلان اسرائيل ان اربع طائرات حلقت فوق قصر الرئيس بشار الاسد في القرداحة
وقال التلفزيون الرسمي السوري مساء الاربعاء ان الدفاعات الجوية اجبرت طائرتين اسرائيليتين على الفرار فيما كانتا تحلقان على مقربة من الساحل السوري ووصفت دمشق العمل الاسرائيلي بالاستفزازي
وفي وقت سابق نقلت وكالات انباء ووسائل اعلام عبرية عن مسؤولين اسرائيليين ان الطائرات الحربية الاسرائيلية حلقت فوق قصر الرئيس السوري بشار الاسد
وقالت وكالة الانباء السورية دون ان تتطرق الى تفاصيل ان "طائرتين عسكريتين اسرائيليتين قامتا فجر اليوم بالتحليق على ارتفاع منخفض بالقرب من شواطئنا باتجاه منطقة وادى قنديل حيث قامت قوى الدفاع الجوى باطلاق النار باتجاههما وقد تفرقتا وغادرتا المنطقة." غير ان التلفزيون الاسرائيلي قال انه لم تطلق صواريخ ارض جو باتجاه الطائرات الاسرائيلية.
وقالت وسائل الاعلام الاسرائيلية ان الاسد كان في القصر في ذلك الوقت.
وقال المعلق السياسي السوري ثابت سالم في دمشق ان الاسرائيليين يحاولون تحويل مشاكلهم الى مشاكل اقليمية لان اختطاف الجندي والمستوطن يشكلان احراجا للمؤسسة العسكرية.
ونقلت وكالة انباء اسيوشتد برس عن المصادر قولها ان اربعة طائرات حلقت فوق منزل للرئيس السوري في المنطقة الشمالية لسوريا وتحديدا في بلدته القرداحة الواقعة في مدينة اللاذقية على الساحل السوري
وقالت محطات تلفزيون اسرائيلية يوم الاربعاء ان العملية كانت يوم الثلاثاء وجاءت لتحذير سوريا من دعم الجماعات الفلسطينية التي خطفت جنديا اسرائيليا
وقالت تقارير للتلفزيون الاسرائيلي ان الطائرات وهي من طراز اف 16 اخترقت حاجز الصوت عدة مرات خلال تحليقها في الصباح الباكر. وقالت متحدثة باسم الجيش ان الطائرات طارت فوق قصر الاسد قرب اللاذقية "لان القيادة السورية تدعم وتأوي زعماء ارهابيين من بينهم حماس خاطفو الجندي
وهي المرة الثانية التي تعلن اسرائيل عن القيام بمثل هذه العملية وكانت دمشق قد نفتها في المرة الاول على الرغم من التاكيدات الاسرائيلية وصعدت الحكومة الاسرائيلية مجددا ضد دمشق خاصة بعد خطف الجندي الاسرائيلي في قطاع غزة متهمة اياها بايواء قادة حماس والجهاد الاسلامي ودعم حزب الله اللبناني
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////وقال التلفزيون الرسمي السوري مساء الاربعاء ان الدفاعات الجوية اجبرت طائرتين اسرائيليتين على الفرار

والله صرنا مسخرة وين الدفاع الجوي ولك وين وزير الدفاع وليش لسا قاعد على الكرسي إذا كان ما يستطيع أن يحمي القصر الجمهوري ولك كيف بدوا يحمي الوطن ولك فهموني إذا وزارة الدفاع والجيش على خرطي ليش هل الميزانية الضخمة ولك وين عم تروح هاميليارات
بس شاطرين على الشعب المسكين هون ورجونا عضلاتكم .

أنو ما بعرف الواحد شو بدو يحكي
ليش وصلنا لهون؟ ليش صارت المقاومة محرمة؟
مين اللي انتصر فعليا مو اسرائيل؟
هلق هني عملو اختراقات مثل التعليم على طريقة الزعران.. بس الألعن أنو القضية كلها ملوية لوي و صارت المقاومة تهمة
هل يا ترى الإيدلوجية الدينية هي اللي ساهمت بوضع المقاومة بخانة التهمة؟
انرد و لا ما انرد عليهم بصواريخ؟ و لا مانا قد الرد؟
هلق نحنا قلعة صمود و تصدي؟ و لا بس صمود و تصدي؟
و لا نحنا عم نلعب بالوقت الضايع و انصلي لربنا يصير سلام قبل ما نتبهدل؟
طيب أنا بدي مكاتب المقاومة تضل :jakoush: :jakoush:
بس كمان بدي نكون بوضع دبلوماسي قادرين نحشد العالم و ناخد تأييد على مواقفنا
طيب شو منشان الجولان؟ ليش ما في مقاومة مسلحة من سوريا؟ بما أنو خيار المقاومة اثبت حالو و بما أنو اللبنان الشنتوت اللصغير تحمل من اسرائيل 29 سنة ردود همجية
ليش نحن فينا نرد بقوة و فينا ندخل حتى بحرب
أنا ضد الحرب بس الوضع مو محتمل يعني حتى بالسلام الفلسطينية مو خالصين يمكن لأنهم الجزأ الأساسي بالحل

ما بعرف شكلي مثل غيري رح اتركها للزمان يورجينا شو آخرتها بما أنو مو طالع بالأيد شي

ولا مانا قد الرد؟

:blusted: :confo: :7asheesh:

حاج مسخرة يا..... قال شو قلعة الصمود العربي ومدري شو

بتعرفوا ... نحنا شاطرين بالحكي كتير .... يعني فينا نحكي من هلق لبعد بكرة .. كلها كلامات حماسية وحس قومي عالي
بس وقت الجد ... منكفي حكي ....

سوريا تتقدم بشكوى ضد إسرائيل الى مجلس الامن
وجهت سوريا الخميس رسالة الى مجلس الامن الدولي والامين العام للامم المتحدة كوفي انان حول تحليق طائرات اسرائيلية فوق اراضيها الاربعاء معتبرة ذلك "انتهاكا صارخا للقانون الدولي واستفزازا غير مبرر ضد سورية" على ما ذكرت وكالة الانباء السورية (سانا) اليوم الجمعة.
وجاء في الرسالتين المتطابقتين اللتين وجهتهما البعثة السورية الدائمة لدى الامم المتحدة الى كل من مجلس الامن وانان "في الوقت الذي تسعى اسرائيل من خلاله لتوتير الاوضاع في كافة ارجاء المنطقة تأتي محاولاتها الاستفزازية ضد سورية. والادهى من ذلك ان اسرائيل التي تنتهك القانون الدولي والقانون الانساني الدولي وقرارات الامم المتحدة بشكل يومي في الاراضي الفلسطينية المحتلة لا تتورع عن توجيه اتهامات لا اساس لها لاطراف أخرى".
وتتهم اسرائيل سوريا بتوفير دعم لحركات فلسطينية متشددة تتخذ من دمشق مقرا لها. وافادت اسرائيل ان اربعا من طائراتها حلقت صباح الاربعاء فوق قصر للرئيس السوري بشار الاسد بالقرب من اللاذقية شمال غرب سوريا. في حين اعلنت سوريا ان المضادات الجوية السورية قامت باطلاق النار على طائرتين عسكريتين اسرائيليتين حلقتا فوق الساحل السوري مجبرة اياهما على مغادرة المجال الجوي السوري.
واوضحت الرسالة التي اوردت نصها الوكالة الرسمية ان "العدوان الواسع النطاق الذي تشنه اسرائيل على الاراضي الفلسطينية المحتلة (..) يشكل وسيلة للتعبير عن فشل وازمة اسرائيل في الداخل التي تسعى الى تصديرها الى الخارج والتهرب من متطلبات السلام العادل والشامل وفق قرارات الامم المتحدة". واملت سوريا في الرسالة "ان يضطلع مجلس الامن في هذا الظرف الخطير بدوره في الحفاظ على السلم والامن الدوليين وانهاء معاناة الشعب الفلسطيني وارغام اسرائيل على انهاء احتلالها للاراضي العربية المحتلة تنفيذا لقرارات الامم المتحدة". ودعت كذلك "المجتمع الدولي لممارسة الضغط على اسرائيل لوضع حد لعدوانها التدميري (..) واي اعمال استفزازية تزيد من حدة التوتر القائم في المنطقة

الله يستر...

ياشباب بس بحب ذكركن أنو قبل حرب تشرين كان الطيران الإسرائيلي ياخذ مجدوا فوق سوريا وكانت المضادات الأرضية البدائية هي اللي بتشتغل وبس وبس علقت الحرب سقط لإسرائيل 105 طائرات خلال اقل من ساعتين بسبب صاروخ سام هي طول عمرها السياسة السورية رد على الخفيف وتخباية وأظنها سياسة ناجحة حتى الآن ياجماعة مو كل ماصار شغلة بينط بعض الثوار اللي ماعندن غير الحكي وبعلق على السياسة السورية شو بدكن يانا نسقط الطائرات وتولع الحرب يعني الشغلة مو مراجل الشغلة تفكير طويل

كلامك على العين والراس
وحتى قبل حرب تشرين طلع الطيران الأسرائيلي نفس الطلعة تمام لفوق القصر اللاذقية ورجع

بس برأيك مو كتير هيك ...يعني حاج ....لازن يكون الرد أقوى من هيك
ولو اسقطنا طائرة اسرائيلية على ارضنا مين بيقول لأ ؟

بس برأيك مو كتير هيك ...يعني حاج ....لازن يكون الرد أقوى من هيك
ولو اسقطنا طائرة اسرائيلية على ارضنا مين بيقول لأ ؟
حبيبي الباب اللي بيجيك منوا الريح سدوا وأستريح
نحنا لو اسقطناها رح يقولوا أنو سقت بمياه اقليمية أو تركية لأنو وادي قنديل والجدود التركية جيران الباب على الباب وبهيك سوريا بدها تصير عم تهاجم طائرات إسرائيلية تقوم بمناورات مشتركة مع الحكومة التركية لأنو ساعتها مارح يذكروا انها مرة فوق القصر هي نقطة أولى ولبين مايصير تحقيق بالموضوع واللي رح تقودوا امريكا اكيد بتكون سوريا صارت ملطشة التصريحات النارية ضدها ووقت تطلع نتيجة التحقيق بدها تكون النتيجة انو فعلا سوريا ضربت الطيران الإسرائلي فوق المياه التركية لأنو هيك بدها عموا امريكا وساعتها فهمك كفاية سوريا تتحرش بإسرائيل كي تدخل المنطقة بصراع مسلح
وإذا وقعت فوق الارض السورية رح يقولوا أنو الطيارين ضلوا طريقن ودخلوا سوريا بالخطأ وهنن خارجين قامت سوريا بقصفن دون توجيه إي إنذار لهم
كمان مارح نخلص
عرفت هلا ليش بيتعمدوا يحلقوا فوق هديك المنطقة بالتحديد
ليش مايجوا يحلقوا فوق مناطق اخرى بعيدة عن اي حدود

كلامك على العين والراس
وحتى قبل حرب تشرين طلع الطيران الأسرائيلي نفس الطلعة تمام لفوق القصر اللاذقية ورجع

بس برأيك مو كتير هيك ...يعني حاج ....لازن يكون الرد أقوى من هيك
ولو اسقطنا طائرة اسرائيلية على ارضنا مين بيقول لأ ؟
هلق هي مو أول مرة بيعملوها ضربو بمكان قريب على التل نسيت شو أسمو و طلعو طيران يقال أنو نزل بتدمر و فوق المزة و و
بس شو منشان يا فرعون مين فرعنك؟ أنو إذا كنا عم نخبي لرد أكبر معناتو غم نحضر لحرب؟
و حتى لو افترضنا الأمور بدها تتطور لبنان الفشتوك لقي قتل منهن 25 سنة نحنا في فينا ؟
اصلا نحنا إذا دخلنا بحرب لك حتى بمناوشات مو لمصلحة اسرائيل لأنو صحي شادين ضهرون بالأميركان بس الأميركان ما يعرفوا يمشو حالون بالعراق و حزب الله لساتوا بلبنان و حماس ماسكة الحكم في فلسطين
يعني مو جبهة وحدة في على الاقل ثلاث جبهات هي على فرض أما إذا دخلنا بمناوشات و شجعنا فصائل مقاومة بالجولان فهني الخسرانين و رح ريوحوا عالمفاوضات و هني راسون مكسور لأنو الجولان كاشف فلسطين عالأخير و هني بيفضلو يفاوضوا و يوقعوا سلام على أنو تضل منطقة قلافل و وجع راس ممكن نحصلها بدون سلام و ساعتها يمكن أميركا تتدخل عن جد من شان تحمي المستعمرات الشمالية و المواقع العسكرية اللي بتصير مكشوفة بس الروس و الصينين لساتون عم يدوروا على محط رجل الهن
هلق هادا كلو تخريف حكي بس يعني أنا في نقطة عم اتفادا احكي فيها من الشباب ما يتهموني أنو عم اقلب الموضوع معارضة و نظام

حبيبي الباب اللي بيجيك منوا الريح سدوا وأستريح
نحنا لو اسقطناها رح يقولوا أنو سقت بمياه اقليمية أو تركية لأنو وادي قنديل والجدود التركية جيران الباب على الباب وبهيك سوريا بدها تصير عم تهاجم طائرات إسرائيلية تقوم بمناورات مشتركة مع الحكومة التركية لأنو ساعتها مارح يذكروا انها مرة فوق القصر هي نقطة أولى ولبين مايصير تحقيق بالموضوع واللي رح تقودوا امريكا اكيد بتكون سوريا صارت ملطشة التصريحات النارية ضدها ووقت تطلع نتيجة التحقيق بدها تكون النتيجة انو فعلا سوريا ضربت الطيران الإسرائلي فوق المياه التركية لأنو هيك بدها عموا امريكا وساعتها فهمك كفاية سوريا تتحرش بإسرائيل كي تدخل المنطقة بصراع مسلح
وإذا وقعت فوق الارض السورية رح يقولوا أنو الطيارين ضلوا طريقن ودخلوا سوريا بالخطأ وهنن خارجين قامت سوريا بقصفن دون توجيه إي إنذار لهم
كمان مارح نخلص
عرفت هلا ليش بيتعمدوا يحلقوا فوق هديك المنطقة بالتحديد
ليش مايجوا يحلقوا فوق مناطق اخرى بعيدة عن اي حدود
أي ما بدها كانو فيهن يبعتوا طيارات سورية و يجبروهن عالإنزال و بالعكس كان فينا نحتجزون هني و طياراتون.. و منها منشوف التقنية تبعهن و منها فينا نفاوض و حتى نرجعهن (بدون الطيارات)
بس شايفلك رح انضل طول عمرنا نمشي الحيط الحيط و نقول يارب الستر لحد ما يوقع هالحيط على راسنا

ما اول مره ولا الاخيره

يعني بختصار الي مشالن الصغيره بدو يمشيلن الكبيره
وبكره بتشوفو

يا حبيباتي انتو..يا عمري انتو.....
بدكن ايانا انزل الطيارات..بعرف عقلكن كبير...هههههههههههه قال انزل الطيارات قال..

لك حبيب مانا قادها مانا قدها مانا قدها......لسى مرة..مانا قدها...
يعني كل هالحركات الاستفزازية مشان انزل الطيارات او انخطف هالطيارات لعنا..وترجع اسرائيل اطلع طيارات...ونفوت بحرب مانا قدها مانا قدهاااااااااااااااااااااااااااااااااااااااااا ا..
ان شاء الله يكون معنا 100 حزب الله....!
شو بدنا نضحك ع بعض يعني....

مظبوط مو اول مرة
السنة الماضية صار وحلقت طيارات اسرائيل فوق القصر اللي كان موجود فيه الرئيس بوقتا بالساحل
وما حدا رد

انو طيران هاد وانو دفاعات جوية

لك روحو تفرجو على طياراتنا يلي نصها مصدي والنص التاني مالو قطع غيار عم يستنو روسيا تتحنن علينا وتشحدنا من مخلفات السكراب

اذا شركة فانتوم بكندا يهودية وبتهدي الطيارات لاسرائيل

اذا مرصد جبل الشيخ كاشف لابعد من تدمر وعدا الاقمار الصناعية

وشو كمان لسا................خلينا ساكتين هلا بفكروني امبريالي رجعي

هادي المرة 6 الي الطيران الاسرائيلي بيخترق اجواءنا....

يا حبيباتي انتو..يا عمري انتو.....
بدكن ايانا انزل الطيارات..بعرف عقلكن كبير...هههههههههههه قال انزل الطيارات قال..

لك حبيب مانا قادها مانا قدها مانا قدها......لسى مرة..مانا قدها...
مانا قدها قلتيلي مو هيك؟
و الجيش شو عم يعمل؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟


يعني كل هالحركات الاستفزازية مشان انزل الطيارات او انخطف هالطيارات لعنا..وترجع اسرائيل اطلع طيارات...ونفوت بحرب مانا قدها مانا قدهاااااااااااااااااااااااااااااااااااااااااا ا..
ان شاء الله يكون معنا 100 حزب الله....!
شو بدنا نضحك ع بعض يعني....

لا ستي ما بدنا نضحك على حالنا : بس شو منشان أنو الحكومة العتيدة صرعت سمانا بالصمود و التصدي؟ الضحك عالحال لما منقول انوا ما فينا نواجهون و بتجزمي فيها ما عنا صواريخ سام و عنا متوسط المدى و عنا سلاح طيران و أعلى ما بخيلهم يركبوه أصلا خيار الحرب هو خيار شمشون و بالأخص لاسرائيل

طيب إذا كان فا فينا نصد اسرائيل من سوريا شو كان العساكر تبعنا عم يعملو بلبنان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
ماألها غير تفسير وحيد على هاد المنطق : كنا محتلين لبنان....


هادي المرة 6 الي الطيران الاسرائيلي بيخترق اجواءنا....

و فرحانة قوي حضرتك ؟؟:jakoush: :jakoush: :jakoush:


هادا إنهزامية
أنو ليش عايشين نحنا؟ و شو معنات الأمن القومي اللي الحكومة شاقة راسنا فيه ( ما رح قول شي تاني)؟
لا فينا ننتقد ممارسات الحكومة الخاطئة
لا فينا ننتقد الحكومة
بالعين الموس عالحدين لانو المفروض في عدو أساسي هو اسرائيل
لك شو منشان الفلسطينية معزولين و محتلين من اسرائيل و لساتون عم يقاومو؟؟
شو منشان نحنا دولة مستقلة ؟ لك إذا بدنا فينا نحرر الجولان بنص نهار

لك إذا بدنا فينا نحرر الجولان بنص نهار
اي عنا كتير ع فكرة انا ما عم قول انه ما عنا اجهزة وسام ودبابات وصواريخ وبلوط...بالعكس عا وكتيررررررررررررررر كمان...واجهزة حديثة اذا ما سكتت...!

بس بدك يكون بدنا.....!

اي عنا كتير ع فكرة انا ما عم قول انه ما عنا اجهزة وسام ودبابات وصواريخ وبلوط...بالعكس عا وكتيررررررررررررررر كمان...واجهزة حديثة اذا ما سكتت...!

بس بدك يكون بدنا.....!
هلق شوفي أنا بعرف كل الحكي اللي عم نحكي ما بيشكل أكتر من رأي و غالبا بغو
لأنو خيار الحرب أو السلم : خيار استراتيجي و بدو دراسات عسكرية و لوجستية و دبلوماسية و ما بيصير بين ليلة و ضحاها
بس الفكرة أنو نحنا بالمرة تشاتيش مو صفيان غير الاسرائيلين يعملو قواعد بسوريا
لك حتى اللعبة الدبلماسية : قال قدمنا شكوى ... لا ستي خلينا نزل طيارتين بفكرة اسرائيل فيها تعلن الحرب بيومين؟ بس هني عم يلعبوها صح و نحنا طنش تعش تنتعش لانا مظبطين محليا و لا اقليميا و لا دوليا : يعني نحنا أسوء من هيك ما رح نكون

يا جماعة الموضوع اكبر من هيك

نحنا لما حاربنا ب 73 كان عنا سلاح قوي وموديل سنتو ومن اقوى الاسلحة بالعالم
وبعدها صار بينا وبين اسرائيل وقف اطلاق نار
طيب نحنا عنا منظومة صواريخ حديثة كتير وفيها تضرب العمق الاسرائيلي خلال 6 ثواني
وما بلحق الرادار يكشفها
وعنا صواريخ بالستية و كيماوية ............
طيب وين الروح الوطنية عند الجندي ؟؟؟؟؟؟؟؟ولا الضباط؟؟؟؟
واذا كان موقفنا السياسي بيطلب انو ما نرد موغلط
بس عن نفقد مصداقيتنا امام دول العالم

هلق هي مو أول مرة بيعملوها ضربو بمكان قريب على التل نسيت شو أسمو و طلعو طيران يقال أنو نزل بتدمر و فوق المزة و و
بس شو منشان يا فرعون مين فرعنك؟ أنو إذا كنا عم نخبي لرد أكبر معناتو غم نحضر لحرب؟
و حتى لو افترضنا الأمور بدها تتطور لبنان الفشتوك لقي قتل منهن 25 سنة نحنا في فينا ؟
اصلا نحنا إذا دخلنا بحرب لك حتى بمناوشات مو لمصلحة اسرائيل لأنو صحي شادين ضهرون بالأميركان بس الأميركان ما يعرفوا يمشو حالون بالعراق و حزب الله لساتوا بلبنان و حماس ماسكة الحكم في فلسطين
يعني مو جبهة وحدة في على الاقل ثلاث جبهات هي على فرض أما إذا دخلنا بمناوشات و شجعنا فصائل مقاومة بالجولان فهني الخسرانين و رح ريوحوا عالمفاوضات و هني راسون مكسور لأنو الجولان كاشف فلسطين عالأخير و هني بيفضلو يفاوضوا و يوقعوا سلام على أنو تضل منطقة قلافل و وجع راس ممكن نحصلها بدون سلام و ساعتها يمكن أميركا تتدخل عن جد من شان تحمي المستعمرات الشمالية و المواقع العسكرية اللي بتصير مكشوفة بس الروس و الصينين لساتون عم يدوروا على محط رجل الهن
هلق هادا كلو تخريف حكي بس يعني أنا في نقطة عم اتفادا احكي فيها من الشباب ما يتهموني أنو عم اقلب الموضوع معارضة و نظام


ليك حبيبي بدك تقاوم تاع حميل سلاحك بأيدك وتاع لهون لنشوفك يا بطل مو تشجع اهل الجولان على المقاوم مو ناقصينك اهل الجولان لحتى تبيع مراجل على حسابن عايفين حالن من دونك ومن دون هالحومة المعفنة اللي مو شاطرة غير تبيع مراجل على حسابنا بقى حلو عنا وعن مرجلاتكن بيكفي تعرف شو بصير هون لحتى تبطل تحكي

ليك حبيبي بدك تقاوم تاع حميل سلاحك بأيدك وتاع لهون لنشوفك يا بطل مو تشجع اهل الجولان على المقاوم مو ناقصينك اهل الجولان لحتى تبيع مراجل على حسابن عايفين حالن من دونك ومن دون هالحومة المعفنة اللي مو شاطرة غير تبيع مراجل على حسابنا بقى حلو عنا وعن مرجلاتكن بيكفي تعرف شو بصير هون لحتى تبطل تحكي
ماني عم بيع مراجل ماشي حبيب
و ما بدها كتير تطول و تقصر أنا عم ناقش الفكرة
و بعرف الناس بالجولان مفهوما مختلف للوضع كونا هي اللي عايشة بس بعرف كمان أنو الاسرائيلي قصف الغجر
و يعني كمان أنت إذا كنت من الجولان لا تعتبر حالك بطل بالوراثة عرفت شلون
أنا ما بدي بيع مراجل لحدا و الحكومة اللي صرعت راسنا كل ما واحد حكي شي: اسرائيل و أمن قومي و أمن وطني ، سألت ليش ما في مقاومة لكن؟
مرة ثانية أنا قلت قبل شوي أنو كلو هاد نقاش و حكي و بعرف أنو الواقع مختلف

ليك حبيبي بدك تقاوم تاع حميل سلاحك بأيدك وتاع لهون لنشوفك يا بطل مو تشجع اهل الجولان على المقاوم مو ناقصينك اهل الجولان لحتى تبيع مراجل على حسابن عايفين حالن من دونك ومن دون هالحومة المعفنة اللي مو شاطرة غير تبيع مراجل على حسابنا بقى حلو عنا وعن مرجلاتكن بيكفي تعرف شو بصير هون لحتى تبطل تحكي

ملاحظة تاينة: و بما أنو صابك حساسية مفرطة من ذكر كلمة مقاومة :
أنا ما قلت خلي الجولانيين تحديدا يقاوموا أنا قلت خلي يسمحوا يصير مقاومة مع العلم أنو بالجولان في مقاومة و هايل أبو زيد (الله يرحمو) و عشرات المعتقلين أكبر مثال

ما رح زاود و لا قلك أنو بحمل سلاح و بنزل بأول فرصة خليها تصير مقاومة و منشوف ساعتا كل واحد شو بيطلع معو
بس كمان تاني مرة قرا شو مكتوب مليح قبل ما تحاول تعمل إعلان عن حالك أنو ممثل القضية و ممثل الجولانيين

يا حبيب صدقني المشكلة مو فينا نحن كشعب سوري إنما المصداقية قد سقطت من دون رجعة عبوا راسنا بشعارات طنانة طيب كيف بتفسرلي انوا الأشخاص يلي كانوا عم يبيعولنا شعارات وبعد 30 سنة إكتشفوا فجأة أنوا طلع حرامي وسرق البلد وبيجي واحد بقلك انوا عنا اسلحة بس مخبينها بوقتها وهادا الكلام مشكوك فيه والشي الوحيد يلي أنا متأكد منه ان الميليارات المخصصة للدفاع صارت بجيوب المسؤلين واستوردولنا بدالها شعارات عن الصمود والتصدي وكأن الجيش بدوا يحارب بالشعارات مو بالسلاح وكلنا خدمنا بالجيش و منعرف المسخرة يلي فيها

انا بحب اذكر للي مابيعرف شو عنا..........انو بالشاطىء السوري كل 500 متر بتلاقي قاعدة دفاع جوي ورادارات وعنا مضادات جوية وانا شايف بعيوني حاملات الصواريخ االتاخة والمصداية عم بيجربوها اذا لسا بشتغل وعم يعملو تدريبات بس المشكلة بالشباب الطيبة بيكونو عم يقرقعو متة ....

ماني عم بيع مراجل ماشي حبيب
و ما بدها كتير تطول و تقصر أنا عم ناقش الفكرة
و بعرف الناس بالجولان مفهوما مختلف للوضع كونا هي اللي عايشة بس بعرف كمان أنو الاسرائيلي قصف الغجر
و يعني كمان أنت إذا كنت من الجولان لا تعتبر حالك بطل بالوراثة عرفت شلون
أنا ما بدي بيع مراجل لحدا و الحكومة اللي صرعت راسنا كل ما واحد حكي شي: اسرائيل و أمن قومي و أمن وطني ، سألت ليش ما في مقاومة لكن؟
مرة ثانية أنا قلت قبل شوي أنو كلو هاد نقاش و حكي و بعرف أنو الواقع مختلف

حبيبي انا ماني بطل بالوراثة ولا بعتبر حالي بطل انا مواطن جولاني بالأول بدي عيش حياة طبيعية متل ما كل واحد عايش وبكفيك انو لسا انا و90 بالمية من سكان الجولان لسا ما اخذو الجنسية الاسرائيلة اللي فيني اخذا امتى ما بدي مو متل المسؤول اللي عينتو سوريا مندوب عنا بالجولان واللي هوي من الغجر واللي معو جنسية اسرائيلة وبالأنتخابات الخيرة اللي صارت باسرائيل صوت لحزب شارون هالحكاية عبحكيها بس مشان تعرف كيفية تعامل السلطات السورية مع الوضع هون كل شي بالمشقلوب بالعكس يعني ومو من زمان يعني من شي شهر بس منعت سوريا الصليب الاحمر من انو يبني مستشفى هون بمجدل شمس لمجرد انو مانا قدراني تدخل اسما كمسؤول عن المشروع وصار هالشي عن طريق كلاب السلطة اللي هون وبالأخير بتجي حضرت والحكومة بتحكو عن مقاومة ووطنية بلا قلي وين الوطنية باللي عملتو الحكومة !!!!!!!! مو الوطنية هي انو تضل بأرضك وما تطلع منا ومو الوطنية انو تكون منيح ومانك فاسد وما عبتسرق من ولاد بلدك ومو الوطنية هي انتماء لوطن مو لقيادة فاسدة كانت او منيحة بقى لشو المقاومة انت بتعرف انو عدد سكان الجولان هو 19 الف يعني اذا بدو يصير مقاومة راح ننتهي اذا بصير نفس سيناريو اللي بفلسطين خلال شهر وشو بضل منا ولا شي بعدين عنصرية الحكومة بالفترة الاخيرة ضد الدروز لانو وليد بيك اللة لا يعطي عافية معادي السلطات مو طبيعية يعني كل الموضوع متل شبكة كلو معلق ببعضو بقى لا تقلي مقاومة مسلحة ولا غير مسلحة المقاومة هي اللي نحنا عمنعملو ان حبيت وان ما حبيت نحنا هون كلنا ابطال

حبيبي انا ماني بطل بالوراثة ولا بعتبر حالي بطل انا مواطن جولاني بالأول بدي عيش حياة طبيعية متل ما كل واحد عايش وبكفيك انو لسا انا و90 بالمية من سكان الجولان لسا ما اخذو الجنسية الاسرائيلة اللي فيني اخذا امتى ما بدي مو متل المسؤول اللي عينتو سوريا مندوب عنا بالجولان واللي هوي من الغجر واللي معو جنسية اسرائيلة وبالأنتخابات الخيرة اللي صارت باسرائيل صوت لحزب شارون هالحكاية عبحكيها بس مشان تعرف كيفية تعامل السلطات السورية مع الوضع هون كل شي بالمشقلوب بالعكس يعني ومو من زمان يعني من شي شهر بس منعت سوريا الصليب الاحمر من انو يبني مستشفى هون بمجدل شمس لمجرد انو مانا قدراني تدخل اسما كمسؤول عن المشروع وصار هالشي عن طريق كلاب السلطة اللي هون وبالأخير بتجي حضرت والحكومة بتحكو عن مقاومة ووطنية بلا قلي وين الوطنية باللي عملتو الحكومة !!!!!!!! مو الوطنية هي انو تضل بأرضك وما تطلع منا ومو الوطنية انو تكون منيح ومانك فاسد وما عبتسرق من ولاد بلدك ومو الوطنية هي انتماء لوطن مو لقيادة فاسدة كانت او منيحة بقى لشو المقاومة انت بتعرف انو عدد سكان الجولان هو 19 الف يعني اذا بدو يصير مقاومة راح ننتهي اذا بصير نفس سيناريو اللي بفلسطين خلال شهر وشو بضل منا ولا شي بعدين عنصرية الحكومة بالفترة الاخيرة ضد الدروز لانو وليد بيك اللة لا يعطي عافية معادي السلطات مو طبيعية يعني كل الموضوع متل شبكة كلو معلق ببعضو بقى لا تقلي مقاومة مسلحة ولا غير مسلحة المقاومة هي اللي نحنا عمنعملو ان حبيت وان ما حبيت نحنا هون كلنا ابطال

حبيبي مرة تانية حماسك بالحكي أقوى من حماسي
نحن هون ما كنا عم ناقش الجولان هي أولا و ياريت تفتح موضوع عن الجولان و أهل الجولان و بتشوف شو الشباب رأيها مع أنو بشكل عام موضوعكم في تقصير إعلامي رهيب على المستوى الملحي .. المهم هاد موضوع تاني
أنا ما شككت ببطولة أهل الجولان و بعرف فضية رفض الهوية، أما بالنسبة الدروز ما بتصور في مشكلة و الكل بيعرف أنو جنبلاط ما بيمثل إلا حالو و لاحتى دروز لبنان..
هلق منجي للأهم أنت حبيب يا أما ما عم تقرا يا أما عم تقرا هيك عالطاير .. أنا بالذات محسوب أني متحامل على الحكومة مو بس منتقد ، و دائما بيتهموني أني ما بشوف غير مساوؤها

خيو بغض النظر عن العصبية باللهجة و الحكي و اختلاف الرأي بس هادا الوطن مو ملكي و لا ملك حدا تاني هادا للجميع و القضية حوارات بتشد و بترخي و الأفضل من العياط على بعض هو الحكي الهادي
برجع وبقلك فتاح موضوع عن الجولان و خلي الحكي عالهادي و بتصور في أشياء كتير العالم ما بتعرفها عن الجولان و نفس الشي في أشياء عم تصير بالجولان ما بيسمعوا فيها..
:D هي لألك و لكل أهل الجولان