-
دخول

عرض كامل الموضوع : متى نصبح مثلهم ؟؟

صياد الطيور
24/06/2006, 11:38
هوس شعوب العالم خلال الفترة الماضية كان المونديال العالمي ..
كل الفرق لعبت .. منهم من فاز ومنهم من تعادل ومنهم من خسر ...

جماهير كل الفرق كانت موجودة بكل المباريات ودون استثناء .. جماهير كبيرة جداً .. مجانين ومهووسين ... أشكال وألوان و ابتكارات لذيذة ..

32 منتخب ... ممثلين لدولهم ... وجماهير هذه الدول بالاف ....
لم نرى صورة لرئيس واحد ...
لم يهتف جماهير هذه الدول بروح قائدها و بــ ( الله ... دولتنا .. قائدنا وبس )
لم نرى صور القادة الألمان و أبنائهم على الملاعب الألمانية الرائعة والخلابة ...

لم نرى شيء من مظاهر التخلف الكبير الذي نمتاز به كعرب عامة وسوريين تحديداً ....

رفعت أعلام هذه الدول كلها .. واعلام دول لم تشارك بالمونديال ... لم نرى غير الأعلام .. ولا مجال للصور ( اللهم إلا بعض مشجعي المنتخب السعودية الذين وضعوا صور ملوكهم على قبعاتهم ) حتى يذكروا العالم بعروبتهم ....


مع حبي الكبير لسيادة الرئيس بشار الأسد ... لكن ما نراه في ملاعبنا وما نسمعه من هتافات الجماهير لا علاقة لها بالرياضة التي لا نجيد منها إلا الصراخ ورفع الصور ...في إي مكان.. حتى ولو لم يكن مناسباً
COSTA
24/06/2006, 11:40
ما رح نصير الا بحالة وحدة(................);-)
Nirvana
24/06/2006, 11:59
احنا ما بنعرف نفصل، دايما كل شي داخل ببعضه، السياسة والدين والرياضة وكلو ................:pos:
Reemi
25/06/2006, 10:26
اي نحنا كل شي عنا بنفد ع شي..
رياضة سياسة اقتصاد فن...كله مع بعضه متل السلطة...
اب حمرا
27/06/2006, 04:45
:pos: :pos: :pos: :pos: :pos: :cry: :cry: لن
lolo 4 ever
28/06/2006, 14:50
اي متل ما حكى الكل ,,, بس نحن ما بنتميز بشي من هالاشيا الي عم ندمجا مع بعض فمشان هيك فكرون ازا دخلنا كل شي ببعضو رح نتميز بشي !!!!:pos:
abdo83
28/06/2006, 18:18
أكيد الكلام كله صح
بس شلون بدنا نحافظ على لقب العالم الثالث...:o :o :o
نادين
28/06/2006, 18:32
متى ؟؟؟؟؟؟؟؟؟؟؟ الله أعلم شي يوم :pos:
Music Killer
30/06/2006, 03:36
اجابة مستحيلة بوجود الشباب الطيبة
mlatta1
30/06/2006, 04:07
خليها بالقلب تجرح و لا تطلع لبرا و تفضح.............
من طيب العالم عم تهج من سوريا و عم تقطع تذاكر ذهاب بدون عودة .........
لك أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ أأأأأأأأأأخ
abdo83
30/06/2006, 17:08
خليها بالقلب تجرح و لا تطلع لبرا و تفضح.............
من طيب العالم عم تهج من سوريا و عم تقطع تذاكر ذهاب بدون عودة .........
لك أأأأأأأأأأأأأأأأأأأأأأأأأ أأأأأأأأأأأأأأأأأأأأأأأأأ أأأأأأأأأأخ

والله يامعلم من غباء العالم عم بتهج
لأنو إذا واحد مافي الو خير في بلدو لايتوقعو برا
بدون ثمن؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
Geeny
30/06/2006, 22:31
والله منصير متلون بس يبطل الشعب الكريم يمسح جوخ ويقول بركي بتجيني طرطوشة من الخيرات اذا ضليت صفق شوي زيادة او بس بركي ما بيشحطوني على بيت خالتي اذا ما صفقت
لكن معقول اعضاء مجلس العشب لما الرئيس بدو يلقي كلمة كل خمس دقايق وكل كلمتين للريئس يضلوا نص ساعة يصفقوا ويهللوا لك حتى الرئيس مل منون بس شعبنا تعود دايما انو بوجهك منموت عليك وبقلبنا مو رضيانين لو بس بيتشجع كل واحد ويبطل هالمسخرات يلي بتصير بتخيل انو سوريا بتتقدم كتير لقدام
butterfly
30/06/2006, 23:00
هلق أيمتا منصير متلون ؟؟
ما رح نصير ليش ..لأنو ماعنا ملاعب ... ولا عنا حدا الو خلق يدور عمواهب ... ولأنو حاليا نحنا عم نهتم بمواجهة التحديات الخارجية :gem:والوحدة الوطنية .. .والفوتبول رح يثير عنا النعرات .. والانشقاقات
ولأنو شبابنا ...إذا ترك شغلو والتهى بهيك شغلات ... كيف بياكل ؟؟
أي هوي عم يشتغل ... طول اليوم ...وما عم يلاقي ياكل ...
ولأنو الفريق بيتم تنقايتو بالواسطة
ولأنو المدربين عنا اشخاص مان مناسبين في المكان المو مناسب
ولأنو معاهد الرياضية ... تدرس مناهج من أعلى المستويات
ولأنو ....
Geeny
30/06/2006, 23:09
حكيك ميمو صح بس هني قصدون منصير متلون وما منحط صور الرئيس على تيابنا وروسونا ومنرفع مليون صورة ومنشيد ومنهلل للرئيس بلعبة طابة
butterfly
30/06/2006, 23:13
حكيك ميمو صح بس هني قصدون منصير متلون وما منحط صور الرئيس على تيابنا وروسونا ومنرفع مليون صورة ومنشيد ومنهلل للرئيس بلعبة طابة
أي أنا والله فهمت ... بس قصدي ليكون عنا رياضة بالأول :cry: :cry:
اليوم عندي متلازمة ... أنو عم حس ردودي ناقصة
طنش تعش
30/06/2006, 23:24
اي منصير متلون ............بس بحالة وحدة
اذا صارو متلنا......هييييييي هأ
دارين 82
01/07/2006, 18:22
انا عتقد لاننا نحن العرب نحب الروتين وما نحب نتغير او حتى نوجع فكرنا بالتطوير الفكري

والثقافة لاااااااااااااااا ليه هل عذاب

نحن نحب التباهي بس بالعضلات :gem:

وبعدين متل ماقيل : خليها بالقلب تجرح ولاتطلع لبره وتفضح

هيك احسن :cry: :cry: :cry:
اب حمرا
01/07/2006, 19:23
بالروح بالدم
سعيد_محمد
01/07/2006, 19:38
بيجي يوم نتغير فيه اذا بدا فينا كل شخص بالاصلاح بنفسه مش يقول العرب اصلح نفسي وبعدين اقول العرب مظبوط ياشباب ويابنات
yanni
01/07/2006, 20:22
هوس شعوب العالم خلال الفترة الماضية كان المونديال العالمي ..
كل الفرق لعبت .. منهم من فاز ومنهم من تعادل ومنهم من خسر ...

جماهير كل الفرق كانت موجودة بكل المباريات ودون استثناء .. جماهير كبيرة جداً .. مجانين ومهووسين ... أشكال وألوان و ابتكارات لذيذة ..

32 منتخب ... ممثلين لدولهم ... وجماهير هذه الدول بالاف ....
لم نرى صورة لرئيس واحد ...
لم يهتف جماهير هذه الدول بروح قائدها و بــ ( الله ... دولتنا .. قائدنا وبس )
لم نرى صور القادة الألمان و أبنائهم على الملاعب الألمانية الرائعة والخلابة ...

لم نرى شيء من مظاهر التخلف الكبير الذي نمتاز به كعرب عامة وسوريين تحديداً ....

رفعت أعلام هذه الدول كلها .. واعلام دول لم تشارك بالمونديال ... لم نرى غير الأعلام .. ولا مجال للصور ( اللهم إلا بعض مشجعي المنتخب السعودية الذين وضعوا صور ملوكهم على قبعاتهم ) حتى يذكروا العالم بعروبتهم ....


مع حبي الكبير لسيادة الرئيس بشار الأسد ... لكن ما نراه في ملاعبنا وما نسمعه من هتافات الجماهير لا علاقة لها بالرياضة التي لا نجيد منها إلا الصراخ ورفع الصور ...في إي مكان.. حتى ولو لم يكن مناسباً


لك صياد والله كلامك متل ضرب الكفوف على الوش
وبنفس الوئت بفش الغل
مشان هيك خليني كملك فلسفتي وجاوبك بالشي الي بعرفو
منصير متلن بحاله وحده
لمى يصير الحاكم خادم للشعب ,. ويبطل الشعب كلو خادم للحاكم بجوز نصير خلئ
وكلنا شفنا أكتر من مره شو بصير بالمسؤلين الي برى
يعني واحد ضربوه بالبيض على وشو والتيني بالبندوره
وال ليش
لأنو كلامو ما عجب المواطن ,,,, مع ملاحظة انو ابو البندوره والبيض ضل على قيد الحياه
يعني ما اختفى فجأه هوه والجد العاشر تبعو ......:p
المستحيل
02/07/2006, 19:30
أيه بدنا نصير متلهم بعد شي مليون وكم الف سنة قول ان شاء الله
مشكور صياد على هل الموضوع
ري مي
02/07/2006, 22:39
ما رح نصير ولا حتى قد ربعهم لحتى يصير التغيير الجذري
والتغيير الجذري للمجتمع ما بيصير الا اذا كل واحد انطلق من حالو
بذكر مرة انفتح موضوع التغيير الجذري باخوية(willi) كان صاحب الفكرة
وطالما كل انسان مننا مترسخة براسو شعارات متل:
من بعد حماري لا ينبت العشب
وأنا مالي يصطفلوا
وفخار يكسر بعضوا
بعمرنا ما رح نتطور الشعب العربي كسول اي كسول كتير يمكن اللي ساكن بالشام او بحلب ما بيحس بهالشي لان الزمن بيجري عندكون اسرع من عنا(قصدي طرطوس واللادقية والمحافظات التانية والمناطق والضيع القريبة والنائية)
الواحد بيكون عندو وقت فراغ بدل ما يمليه بشي مفيد بيقعد بيشرب متة
هلق المتة طيبة وانا مو ضدها بس مو تصير كل حياتنا على صبحيات وتمسايات وشرب متة وثرثرة وارجيلة ومشاوير وفلان حكاني ومدري مين طليب ايدي ;-) :oops:
وانا فلانة حاطة عينا عليي بس انا ما قبلت:gem: :gem:
هالامور لازم تقطع بحياتنا بس مو تصير محور اهتمامنا وحياتنا كلها
ومية وردة:D :D :D
butterfly
03/07/2006, 00:11
بعمرنا ما رح نتطور الشعب العربي كسول اي كسول كتير يمكن اللي ساكن بالشام او بحلب ما بيحس بهالشي لان الزمن بيجري عندكون اسرع من عنا(قصدي طرطوس واللادقية والمحافظات التانية والمناطق والضيع القريبة والنائية)

:nono: :confo: :confo: :confo:
ري مي
03/07/2006, 12:15
شو انت تعي لعنا ما رح تقدري تعيشي يوم واحد من كتر الملل والله كلامي واقعي جدا
صياد الطيور
03/07/2006, 12:22
شو انت تعي لعنا ما رح تقدري تعيشي يوم واحد من كتر الملل والله كلامي واقعي جدا

كلامك صحيح يا ري مي
هو الشعب بالمدن الغير رئيسية بعيش كتير من أوقات الفراغ والملل ...
والشباب بالساحل السوري متل ما قلتي بيقضوها شرب مته ... وعدد نادر مهم بيستغل وقتو بشي مفيد

بس الموضوع الرئيسي الي عم نحكي فيه .. انو شعبنا كيف ممكن يتطور ... يعني ما معقول يعلموا الأطفال التطور وخاصة هيك شغلات


هي شغلات بترجع لأفكار الناس واعتقادادتها او على شو تربت
وبتجي دور الدولة بالطرف التاني من اللعبة .. وبتحرر الشعب من تقاليد مهترية تعلقوا فيها
ري مي
03/07/2006, 12:31
كلامك صحيح يا ري مي
هو الشعب بالمدن الغير رئيسية بعيش كتير من أوقات الفراغ والملل ...
والشباب بالساحل السوري متل ما قلتي بيقضوها شرب مته ... وعدد نادر مهم بيستغل وقتو بشي مفيد

بس الموضوع الرئيسي الي عم نحكي فيه .. انو شعبنا كيف ممكن يتطور ... يعني ما معقول يعلموا الأطفال التطور وخاصة هيك شغلات


هي شغلات بترجع لأفكار الناس واعتقادادتها او على شو تربت
وبتجي دور الدولة بالطرف التاني من اللعبة .. وبتحرر الشعب من تقاليد مهترية تعلقوا فيها

أهلين خيي صياد
كيف ما الها علاقة بالموضوع ليش الناس بالمحافظات الصغيرة مو ناس وبيأثرو عالتطور لسوريا كلها حتى بهيك موضوع بدنا نستثنيهن\ قصدي نستثني حالنا\
لازم ننطلق من الامور الصغيرة قبل الكبيرة والناس والشغلات اللي يمكن ما تكون بالاعتبار العام مهمة هي بالحقيقة اكتر من مهمة
انو كيف برايك رح يصير عنا مونديال اذا ضلينا كسولين وعلى قعدات ارجيلة عالرصيف من الصبح ل بالليل(انا برجع بذكر مو ضد هالشي بس بحدود)
لازم كل واحد يشتغل ع حالو والا بعمرنا ما رح نتطور والمونديال شكل واحد بس من اشكال التطور
تحياتي:D
صياد الطيور
03/07/2006, 12:40
يا عيني ...

الناس الي بتردد هالهتافات بالمدرجات الرياضية ... اما بترددها بعفوية ... أو بترددها بتسيري من ناس منظمة ... أما ما بتعرف شو بدها تقول ..متعودة على الحماس بتردد هافات حماسية

طلعي بالردود الي فوق ...كلها بتأيد الفكرة الي حكيت أنا فيها .. كلها بدون أي استثناء
رغم انو في منهم مو سوريين
بس كفكرة الكل مقتنع فيها
طيب منجي على التنفيذ .. ما حدا بينفذ ... ليه .. لأنو ما في راعي لهيك أمور .. على العكس ..
التوجه الحكومي مع هيك أمور .. وألا ما كنت شفتي صور كل الملوك والرؤوساء الي حكموا البلد موجودة على ملاعبنا ...

الموضوع أكبر من موضوع شرب أركيلة ( مع اني ضدوا و مو بحدود ..ضدوا بشكل مطلق )

الموضوع انو شعبنا عندو وقت فراغ كتير ..بيتمنوه شباب دول تانية ..
شبابنا ما بيقدروا يستغلوا اوقاتهم صح ..بحسب المعطيات الي عندهم ..

سؤال ألي وألك ..هلق أنا وانت عم نضيع وقتنا ولا لأ ؟ نحنا الي عم نحكي عم نهدر وقتنا بمنتدى أخوية ..بينما الواقع الأنترنيت فيه فوائد اكتر من هيك بكتير ...

يعني الموضوع أعمق بكتير من السطحيات الي عم نحكي فيها

وتحياتي ألك :D
ameen
03/07/2006, 13:06
كلام سليم 100 بال 100


واقع مر لا خلاف عليه

و لكن لا مستحيل تحت الشمس

و كل شيء قابل للتغير

مشكور خي صياد:D :D
ري مي
03/07/2006, 13:07
يا عيني ...

الناس الي بتردد هالهتافات بالمدرجات الرياضية ... اما بترددها بعفوية ... أو بترددها بتسيري من ناس منظمة ... أما ما بتعرف شو بدها تقول ..متعودة على الحماس بتردد هافات حماسية

طلعي بالردود الي فوق ...كلها بتأيد الفكرة الي حكيت أنا فيها .. كلها بدون أي استثناء
رغم انو في منهم مو سوريين
بس كفكرة الكل مقتنع فيها
طيب منجي على التنفيذ .. ما حدا بينفذ ... ليه .. لأنو ما في راعي لهيك أمور .. على العكس ..
التوجه الحكومي مع هيك أمور .. وألا ما كنت شفتي صور كل الملوك والرؤوساء الي حكموا البلد موجودة على ملاعبنا ...
طيب انا ما جاوبت غير عى شغلة (ايمتى رح نصير متلهن) وما جبت سيرة الهتافات
وانا معك بهالشغلة

الموضوع أكبر من موضوع شرب أركيلة ( مع اني ضدوا و مو بحدود ..ضدوا بشكل مطلق )
لا مو اكبر من شرب الاركيلة هالشغلة الها ابعاد كتير كبيرة والدليل كلامك اللي جاي

الموضوع انو شعبنا عندو وقت فراغ كتير ..بيتمنوه شباب دول تانية ..
شبابنا ما بيقدروا يستغلوا اوقاتهم صح ..بحسب المعطيات الي عندهم ..


سؤال ألي وألك ..هلق أنا وانت عم نضيع وقتنا ولا لأ ؟ نحنا الي عم نحكي عم نهدر وقتنا بمنتدى أخوية ..بينما الواقع الأنترنيت فيه فوائد اكتر من هيك بكتير ...
انا شخصيا كتير استفدت من اخوية من خلال كتير مواضيع مهمة عم تنطرح وانا اذا الموضوع ما كتير خرط مشطي ما بشارك فيه يعني ما بضيع وقتي فيه
ولكل شي وقت وكمان مو لازم يكون كل دخولنا عالنت بس لاخوية لازم نستفيد من النت بشغلات تانية

يعني الموضوع أعمق بكتير من السطحيات الي عم نحكي فيها
اي مظبوط بس ما حكينا بالسطحيات قلتلك الامور الصغيرة اذا تراكمت هي احيانا بتهدم اكتر من الكبيرة

وتحياتي ألك :D
:D والك كمان
ري مي
03/07/2006, 13:09
اي وفيه شغلة انو اذا الحكومة مع هيك توجهات ليش لكن بيتم اختيار لاعبي المنتخب بالواسطة متل ما قالتbutterfly
صياد الطيور
03/07/2006, 13:12
لأنو مع هيك توجهات ;-)
فلاش باك
03/07/2006, 13:41
أول شي كلامك على العين والراس صياد

بعدين نحنا كشعوب عربية منحب الدعم والواسطة يعني اذا الواحد ما عمل هيك حركات ما بيهنالو عيشة (تمسيح جوخ )

تاني شي مابتسمع بضيعة كلها زعمة وهي نحنا الشعوب العربية كلنا روس مشاالله

تالت شي يحضرني مقولة للرئيس الراحل شكري القوتلي وقت تمت الوحدة مع مصر ويوم سلم الرئاسة لعبد الناصر

قال: سلمتك بلد فيها 6 مليون 70 % زعماء .

بس صراحة نسيت بقية المقولة

المهم نحنا هيك ولدنا هيك ورح نموت هيك

ودمتم :D :D
زهرة العين
04/07/2006, 04:59
رفعت أعلام هذه الدول كلها .. واعلام دول لم تشارك بالمونديال ... لم نرى غير الأعلام .. ولا مجال للصور ( اللهم إلا بعض مشجعي المنتخب السعودية الذين وضعوا صور ملوكهم على قبعاتهم ) حتى يذكروا العالم بعروبتهم

مشكور مازن :D على هذي الشهادة الي أكيد أعتز بهااا

انت عارف لان أبو متعب غير هو " ملك الإنسانية "

بكل ماتحمل هذه الكلمة من معنى

وأتمنى ان كل المنتخبات العربية ترتقي وتوصل الى كأس العالم

وترفع رأس كل العرب

صحيح هو حلم بس يمكن في يوم يتحقق
hakerevil
04/07/2006, 16:28
شو عيد ما سمعت ايمتى رح نصير متلن !!!!!!!!!!!!!!!!!!!!!!!!!!!!!!!!!!!!!!!
:? :shock: :? :shock: :? :shock: :shock:

انا ما قرأت إلا أول صفحة
tiger
04/07/2006, 17:24
يا سيدي على قولك ما رح نصير ...:pos: :pos:
أخ عليكي يا بلد...:cry: :cry:
صياد الطيور
06/07/2006, 01:22
تحياتي للجميع .. ولكل من شارك بالموضوع

وانشالله ... بيوم من الأيام منصير متلهم ... انشالله
TheLight
09/07/2006, 00:03
لانو الالمان والاسبان وغيرهم كلاب وخونة وناكرين للجميل
ببساطة