في احد الأيام عاد صبي مصاب بصمم جزئي على منزله وهو يحمل رسالة من مدرسه في المدرسة وسلمها لأمه ... ففتحتها ببطء وقرأتها :? .. وما ان قرأتها حتى اغرورقت عيناها بالدموع :cry:... لأنها قرأت في الرسالة أن ابنها بطيء الفهم :shock: ... فلا يستطيع أن يتعلم .. وأنه يعيق الفصل بأكمله .. لذلك عليه أن يترك المدرسة :( .. من أجل مصلحة جميع التلاميذ ... وحين أنهت والدة الطفل قراءة المذكرة أحست برهبة شديدة وشعرت بالتحدي :pos: ... فقالت في نفسها : ( ليس أبني بطيء الفهم ... هم عديمو الصبر سوف أعلمه بنفسي ...)

حين توفى توماس بعد ذلك بسنوات عديدة ... كرمته الدولة بطريقة عظيمة.. ففي تمام الساعة 9:59 أطفأ كل منزل في الولايات المتحدة مصابيحه لمدة دقيقة واحدة ... أجلالا للرجل الذي اخترع المصباح الكهربائي ... :سوريا:
حين توفي توماس أديسون ... كان لهذا الصبي البطيء الفهم الذي كان لايستطيع أن يتعلم ... العديد العديد من الاختراعات المسجلة بأسمه ...:king:

هلق في شوية أسئلة حابة نتناقش فيون ؟؟

ألى أي مدى تدع تعليقات الناس أو أحكامهم السلبية تحبطك ؟؟؟
ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟

ألى أي مدى تدع تعليقات الناس أو أحكامهم السلبية تحبطك ؟؟؟
ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟

اولا الف شكر على الموضوع الجميل

بالنسبة للأسئلة
* تحبطني تعليقات الناس المقربين إلى... لأنهم اكثر الناس البيعرفو اديش بعمل كل ما بوسعي
* ممكن خوفي يؤثر علي بنسبة 30% تقريبا
* اخر مرة شجعت فيها حدا كانت اليوم مع بنت اختي ياللي بلشت تتعلم التنس الارضي ، اخر مرة انتقدت فيها حدا كان نفسي :) ألف شكر مره ثانية على الموضوع الشيق

أول شي بدي اشكرك كتير على الموضوع المؤثر فعلا ..:cry: .......:سوريا:

ألى أي مدى تدع تعليقات الناس أو أحكامهم السلبية تحبطك ؟؟؟

على العكس .. احكامهم السلبية بتأثر فيني بشكل إيجابي جداً ..بتشكل عامل عكس عندي
ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟

ممكن يأثر عليي رفض الأخرين ألي وممكن يشكل انسحاب من الموقف
متى كانت اخر مرة شجعت فيا حدا ؟؟ أو نقدت حدا وأحبطتو
كل يوم بشجع كذا واحد ... وبنتقد كذا واحد ... ( بحسب طبيعة شغلي ) بس ما بحط حدا أبدا .


وبشكرك على الموضوع مرة تانية

هلق في شوية أسئلة حابة نتناقش فيون ؟؟

ألى أي مدى تدع تعليقات الناس أو أحكامهم السلبية تحبطك ؟؟؟
ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟[/quote]

بحكم تجربة .... المجتمع كتيير قاسي .....وما عندو هالقبول الزايد لهيك شغلات ..
حتى اذا بدو يتقبل ..بيتقبل بسلبية ....:pos:
انو ييييي والله هادا هيك فيو شغلة ..يعني صعب يفهم (طبعا مو الكل بالمجتمع) .;-) .....بس هني لو فكروا شوي .. انو لو كانت حالتي هيك ..كيف رح تكون نظرة العالم الي ؟؟؟ ...

وبالنسبة للاسئلة :
1- تعليقات العالم ما بتحبطني ابدا بالعكس ... :سوريا:
2- هللأ انا المهم اعمل الشي الصح و المقتنعة فيه .... وراي الاخرين بهالحالة ما بخوفني ..:pos:
3- انا بالحياة العادية ..كتير بشجع ..وما بحب احبط حدا نهائيا ..لانو كل شي بالدنيي ممكن .:? ... واخر مرة شجعت فيا حدا كانت مبارح .. بنت خالتي مشان تفتح مركز تجميل كبير ....:p ...

وشكرا عالموضوع المميز ....:سوريا:

نسيت قول انو كل يوم بشجع فرنسا ليطلع بلعي :lol: :lol: :p

موضوع كتير حلو

ألى أي مدى تدع تعليقات الناس أو أحكامهم السلبية تحبطك ؟؟؟

احتمال تأثر فيني حسب الضرف او الموقف
ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟

من ناحيتي بعمل يلي بيطلع براسب اذا حسيتو انو صح مافي داعي استشير اساا دغري بنفذو
متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟

كل يوم انا بشجع و بحبط

ألى أي مدى تدع تعليقات الناس أو أحكامهم السلبية تحبطك ؟؟؟
حسب الثقة بالنفس و هي بترجع لكل شخص
أنا بصراحة ما بتأثر أبداً بالتعليقات و الأحكام السلبية و الإشاعات و اللت و العجن لأنها غالباً من ناس دونيين تافهين و فاضيين ... ما بيصير ينرد عليهن




ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
ما بيأثر أبداً


متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟
أنا كتير بنتقد أشخاص بس بوشن و بهدف تنبيهن لشي بيزعجني أو هوي غلط بشكل عام

هلق للأمانة القصة كاتبا ... مارك لينك اليسوعي

أما بخصوص الأسئلة

ألى أي مدى تدع تعليقات الناس أو أحكامهم السلبية تحبطك ؟؟؟
ما كتير .. ثقتي بنفسي كتير كبيرة :gem: :gem:
بس في كلمات من المقربين ممكن تجرحني كتير:cry:

ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
أبدا أبدا .... بس أكون مقتنعة بشي أنا كتير تنحة :lol:


متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟


هون حطنا الجمال .... أنا عندي مرض أسمو النقد
كتير كتير كتير بنقد .. .عندي نزعة أنو كل شي يكون مثالي وتمام ...لهيك كتير بنقد :jakoush:
عم حاول اتعلم ما أنقد .... بس ما كتير عم تزبط معي :cry:

هلق للأمانة القصة كاتبا ... مارك لينك اليسوعي

أما بخصوص الأسئلة





هون حطنا الجمال .... أنا عندي مرض أسمو النقد
كتير كتير كتير بنقد .. .عندي نزعة أنو كل شي يكون مثالي وتمام ...لهيك كتير بنقد :jakoush:
عم حاول اتعلم ما أنقد .... بس ما كتير عم تزبط معي :cry:

موضوعك مهم بس حبيت علق على موضوع المثالية .

يعني من دون زعل ما خرب بيتنا غير المثالية
انا بكره المثالية بس نادرا ماكون مثالي ,يعني انا شخص واقعي وكتير احيانا مشان ما قول انو على طول, الواقعية والمثالية على طرفي نقيض .

يعني في واقع بدنا نتعامل معو ,كيف ماكان بالطول بالعرض المهم بدنا نتعامل معو ,مو نروح نصير نبكي على الأطلال .

عفوا بجوز اتفلسفت شوي بس اعذريني

شكرا الك :D

1-ألى أي مدى تدع تعليقات الناس أو أحكامهم السلبية تحبطك ؟؟؟
2-ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
3-متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟

1- الى مدى 0%...8) .!!.!.

مدري ليش بعمل الي براسي..:? .واذا العالم ما عجبهن بالناقص :adal: ..لانه هيدا انا مو مستعده غير حالي كرمال اي حد...:lol: !


2- لما بكون بدي اعمل شي (حتى على مستوى التياب)..بفكر بالناس شو بدها تقول..:cry: بس كمان برجع وبعمل الي بدي اياه....:adal:

3- بنقد عالم كتير وابهدل احيانا..:x .امبارح كان اقرب مثال..اجت لعندي رفيقتي وحكتلي مشكلتها..قلتلها بدك نحكي بصراحة قالت اي..وانا ما صدقت وبلشت احكي واحكي وبهدل .:pos: .لدرجة اخر شي انا استحيت من حالي..بس كان من مصلحتها والدليل انها اقتنعت بالاخير..8)

يعني انا لما بنقد بشجع بنفس الوقت....يعني بصلح وبخرب..وهكذا....:D

بحيث انه الي قدامي ما يطلع زعلان مني ولا من حاله (هيدي اهم)...!

شكرا مروس...

(كلام الناس لا بيقدم ولا يأخر..)

موضوع حلو كتير يعطيك العافية

ألى أي مدى تدع تعليقات الناس أو أحكامهم السلبية تحبطك ؟؟؟
ببحث بمدى صحة الانتقادات وعلى الاسباب اللي خلت الناس تقلي هاد الحكي متجرد من الانا
اذا صح بنصحح واذا غلط الله يعينون على انتقاداتي
ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
ما بخاف اصلا من هيك شي الا اذا كانت الشغلة ما بتخصني اي
متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟[/QUOTE]
اوقات بحس حالي ملك الاحباط من كتر ما بحبط عالم
بس مو احباط احباط
لاء بخلي عند اللي عم احبطوا شي اسموا تحدي مجنون
بس اذا كان خروء على الآخر ما بقرب عليه ابدا
مري ليش بحس انو حياتنا احنا البشر بتبلش بتحدي
بالاول وبالاخر احنا عم نتحدى الموت لنعيش
احنا عم نتحدى الرسوب لننجح
احنا عم نتحدى الخوف لنصير شجعان
احنا عم نتحدى الجهل لنصير متعلمين
احنا عم نتحدى الشر لنكون اخيار
ودمتم

ألى أي مدى تدع تعليقات الناس أو أحكامهم السلبية تحبطك ؟؟؟
متل ما الاحكام الايجابية موجودة الاحكام السلبية موجودة كمان و تعليقات الناس لا تنتهي سلبا و ايجابا.. مشان هيك الواحد بيتعايش مع هيك شغلات ..
و بالنسبة الي التعليقات السلبية ممكن تأثر بالبداية بس بعدين بدور عن المسبب و هيك بحاول اتخطى هالسلبيات ..

ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
بكون كذابة اذا قلت انو ما بيأثر فيي هالموضوع .. بس بالنهاية اذا رأيي او التصرف يلي بدي ساويه مافي اذى لغيري و انا معتبرتو صح فبساويه

متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟
شجعت بنتي على انو تحكي عربي ..
النقد همممم انا بنقد كتير كتير بس بنية صافية .. و من كتر نقدي بخاف انو احبط حدا .. بتمنى انو ما وصلت مع حد لهل المرحلة

و شكرا عالموضوع :sosweet:

ألى أي مدى تدع تعليقات الناس أو أحكامهم السلبية تحبطك ؟؟؟
اكيد بتأثر فيها بس مو لمرحلة الاحباط ما في مجال اترك حدا يحبطني لانو الاحباط بالنسبة الي يعني الموت....وانا مؤمن ان هناك دائما توجد فرصة ما بأنتظاري.

ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
اكيد يجب ان احسب حساب للاخرين لكن عندما اكون متأكد انني على صواب تأثيرهم لايتعدى 1%

متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟
تشجيع كل يوم
وبالنسبة للاحباط انا لا احبط احد لاني لا اسمح لاحد ان يحبطني....


وشكرا على الموضوع الحلو:D :D

ألى أي مدى تدع تعليقات الناس أو أحكامهم السلبية تحبطك ؟؟؟
ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟

- ما بخلي تعليقات الناس تحبطني بس ممكن اتضايقني اذا كانت من حدا بهمني.
- في معظم الاحيان بحكي وبعمل الي بدي ياه الا اذا بحس انو ممكن ااذي حدا.
- اليوم كنت حد صديقتي في موقف كتير صعب (بس بصراحة أنا حاولت اشجعها بس ما ظنيت انو كان لي تاثير للأسف وهادا شي مضايقني).:pos:

وشكرا على هالموضوع المهم في تعاملنا مع انفسنا ومع الاخرين.

مشكورة عالموضوع بالنسبة لاول سؤال والتاني:
مرة لما كنت بصف الاول ورسمت رسمة قامت ضحكت عليها رفيقتي بطريقة جرحتني
صرت بدي ارسم احلا منها لحتى ما تضحك ولحتى برهن لها أنو أنا كتير شاطرة بالرسم بس انت مش ذواقة .......بس رجعت ضحكت ... ما استفدت شي
وضليت هيك لحتى بالاخير صرت حب الرسم كتير وصرت ارسم شغلات ظريفة كارتون وشخصيات غريبة .........وهيك حركات
وما حدا الا وابدى اعجابو فيهن واستمرت هالحالة عدة سنوات
بس هلق ما عم برسم ابدا
السؤال الثالث
واخر مرة شجعت فيها ( ايطاليا) كل يوم
والانتقادات يعني احيانا بوجه انتقادات لغيري بس بنتبه أنو مو أي حدا بيستاهل أنو عذب حالي وانقدو لأنو برأيي النقد هوي دفع معنوي للانسان و مو لازم ابدا أي شخص يعتبرو غير هيك

شجعت بنتي على انو تحكي عربي ..

ليش بنت ربي يخليلك ياها شو بتحكي غير العربي ؟ :?
طالعة لأمها بتحكي 4 لغات :p ... وآخر شي تذكرتوا العربي ؟

اي يعلكو ليشبعو

انا ما بهمني العلاك المصدي

انابهمني الشخص المقابلي وعقلو

بعدين حتى لو تمسخرو ما بشيلا من ارضا لانن علاكين وعقلن صغير

ولازم نشجع دايما الناس لانو بدون تشجيع بكون الواحد عندو خوف داخلي

وهيك من ضل منطلقين

والحياة صارت صعبة شوي بس نحنا من صعبها ونحنا من هونها

يسعد مساكن

ليش بنت ربي يخليلك ياها شو بتحكي غير العربي ؟ :?
تركي و انجليش حاليا مع طرطيش عربي
طالعة لأمها بتحكي 4 لغات :p ... وآخر شي تذكرتوا العربي ؟
خمسة و حياتك و للتفصيل اذا اضفنا اللهجات المختلفة من لغة واحدة حيث كل لهجة مختلفة كثيرا عن الاخرى صارو تمانة :gem:

بس اخ حسرة بقلبي الصيني ما تعلمتو :pos:

بس اخ حسرة بقلبي الصيني ما تعلمتو :pos:

ما صار شي معك وقت ..

ولا تنسي تتعلمي الأوردو :o

إي و الله :?

:cry: لازم :cry: إي والله لازم:cry: مشان هالحكي وحياة حياة لازم:cry: هلق للصراحة لازم ومية لازم انجح بالبكلوريا السنة

.. ثقتي بنفسي كتير كبيرة :gem: :gem:
بس في كلمات من المقربين ممكن تجرحني كتير:cry:
أبدا أبدا .... بس أكون مقتنعة بشي أنا كتير تنحة :lol:
هون حطنا الجمال .... أنا عندي مرض أسمو النقد كتير كتير كتير بنقد .. .عندي نزعة أنو كل شي يكون مثالي وتمام ...لهيك كتير بنقد :jakoush:
عم حاول اتعلم ما أنقد .... بس ما كتير عم تزبط معي :cry:
:gem: كتير بكون سعيدة .. وقت بقرا نفسي بأخوية وخاصة بحس أني بشخص أخطائي صح ! .. وفعلا لازلت عم حاول ..
بس بخصوص التعليقات السلبية اكتشفت انها بتترك عندي أثر آني .. وما بتدفعني اني غير قناعة ..
بس أحيانا الحكم السلبي من صديق أثق برأيه بيخليني اعيد التفكير

:mimo:
وهي Up

هلق في شوية أسئلة حابة نتناقش فيون ؟؟

ألى أي مدى تدع تعليقات الناس أو أحكامهم السلبية تحبطك ؟؟؟

انا بحكم المجتمع الي عايشي فيو يعني اهم شي لازم يكون هو كيف نظرة الناس الي مشان هيك يعني كتيييير تقريبا شي 85% اذا مش اكتر
ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟

كتير لك انا اصلا ما بحكي ابدا تقريبا اول السنة كانو مفكريني خرسة :cry: لاني ما كنت اعمل شي ابدا بس اسا صار وضعي احسن بكتير يعني في الاول بديت احكي بس على النت واسا عم بحكي فيس تو فيس كمان يعني هذا الشي باثر على كثير بس اسا تغيرت وصرت تنح على رايي اما بردو باثر 50%

متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟
كتير كل يوم بشجع كتير بس بالنسبة للاحباط ما بتذكر


يسلمو على الموضوع الحلو :D

وهي Up


لموضوع عمرو أكتر من سنتين
بس ..

بيستاهل :D

ألى أي مدى تدع تعليقات الناس أو أحكامهم السلبية تحبطك ؟؟؟
الى المدى القريب جدا والكثيف جدا
ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
الى أن اشرب الخمر فأقول الصواب اما بعد فوات الاوان أو أن أقوله ممزوجاً برائحة الهلوثة
متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟
ليلة البارحة قلت له
ان زوجتك تمتلك حساً استقلالي واختيارها المتخلف عنا للمشروبات
هو دليل على كونها تريد أن تكون ما تريد
وهذا يستدعي منك الفخر بها
ليس إلا

راح أقرا الفاتحة على روح اديسون

قمر يامرسيل

فقالت في نفسها : ( ليس أبني بطيء الفهم ... هم عديمو الصبر سوف أعلمه بنفسي ...)

هلجملة رائعة وبتختصر بين طياتها كتير معاني بتلخص فكرة ومبدأ وايمان....

ألى أي مدى تدع تعليقات الناس أو أحكامهم السلبية تحبطك ؟؟؟

احكام الناس وتعليقاتهم السلبية بتضايقني شوي... للحظات يعني... لحظات بتمرق متل ما بيمرق احساس الوخز بالأبرة... ما بتترك تأثيرها فيي على المدى البعيد.... مستحيل....

ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟

ما بعرف... ما بعمري فكرت برفض الاخرين الي او بسخريتهم مني... طول عمري بقول يلي بعتقد انو صح.... وبالنسبة للاعمال... بعمل بس الاشيا يلي انا مقتنعة فيها... وازا تعرضت للرفض وعدم القبول من اي حدا فبظن انو المشكلة مشكلتو وما بتخصني... ما بعمري حسيت بعدم قبول بالاجماع لانو ازا بكون مرفوضة وافكاري مو مناسبة بالنسبة لفئة معينة... بالمقابل اكيد رح بلاقي قبول عند فئة اخرى..... بالاخير المجتمع كلو عبارة عن حلقات كل وحدة بيميزها نمط تفكير معين ومو معقولة انا كون مقبولة عند الكل متل ما اكيد انو مش المل مقبول عندي.... عادي يعني....

متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟

الشق الاول من السؤال اجابتي علية رح تكون كل يوم...
واما الشق الثاني فبظن لاني نسي ايمتى بالظبط بس بظن انو بفترة الثانوية لما كنت لساتي بمراهقتي يعني طايشة وما بيهمنوني الآخرين ومشاعرهن...

هلأ بالنسبة للتشجيع... بعتبرو وقود الانسان يلي بيزودو بالطاقة حتى يقدر يكفي طريقو.... هاد الوقود ذاتو هو يلي بيعطية القوة انو يستمر ويصارع ويبقى... ماعم احكي تحديدا بس على التشجيع وانما ع الخصلات الحلوة يلي بيشوفها كل واحد فينا بحالو... هي الخصلات ازا اعطيناها اثناءات واطراءات وتشجيعات رح تكبر وتنمى وتصير احلى وجذورها اقوى... رح تصقلنا وتميزنا عن غيرنا....

هلأ انا مع النقد بس مو الاحباط... وبآمن انو فينا ننتقد اي حدا بطريقة تشجيعية ما تعملو احباط.... ازا عطول منسلط الضوء على جوانب ايجابية منشوفها عند هلأنسان... هلجوانب هي رح تكبر وتقوى وتنصقل وتصير احلى واحسن... وهيك منكون قويناها على حساب الجوانب الاخرى السلبية... يلي لوحدها بتصير تتلاشى امام القوة الجديدة...

ألى أي مدى تدع تعليقات الناس أو أحكامهم السلبية تحبطك ؟؟؟


يمكن انا أكتر واحد بالعالم بيقبل النقد بس النقد الموضوعي والمنطقي والهادف وباخد الشي اللي بفيدني من ناحية تانية ممكن تزعجني التعليقات الجارحة بس ما بتحبطني


ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟


والله من هالناحية انا بتأثر بس مو بشكل كبير ومع هيك بعمل وبقول اللي براسي لانو بحس انو صار في تحدي بالموضوع وقتها بصير شخص تاني وممكن احيانا اني انسحب لما حس انو مافي داعي عذب حالي على الفاضي ويكونوا العالم اللي عميتمسخروا عالم فاضية

متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟

بس حس انو حدا لازموا تشجيع بشجعوا وبعطي معنويات وبالنسبة للنقد مابتذكر اني نقدت حدا و أحبطتوا لأنو عنجد قلبي مابطاوعني بالعكس انا دائما نقدي بناء عالقليلة هيك انا بحس وهيك بشوف من ردة فعل الاشخاص الموجه الون النقد


شكرا butterfly على الموضوع الرئع

ألى أي مدى تدع تعليقات الناس أو أحكامهم السلبية تحبطك ؟؟؟
ألى أي مدى يؤثر خوفك من رفض الأخرين لك أو سخريتهم ... في أن تقول أو تفعل ما تعتبره صواباً ؟؟؟
متى كانت اخر مرة شجعت فيا حدا ؟؟ أو نقدت حدا وأحبطتو ؟؟؟

- بصراحة كلام الناس ما كتير بهمني لأني انسان إلي عقلية
خاصة فيني ، منشان هيك ما كتير بخلي تعليقات الناس تأثر فيي
- كمان مش كتير ، بس ما بنكر إنو في بعض الأفكار ياللي ما منقدر نطرحها
قدام مين ما كان مع إنها مش بالضرورة تكون غلط....:cry:
- بصراحة كل يوم بشجع حالي و بنقد حالي
وأكيد دايما بشجع الاشخاص ياللي قراب مني وأكيد بنقدن لمصلحتهم

شكرا على الموضوع الحلو :D