أكيد بتعرفو شو هي الطرطيرة

ويلي ما بيعرفها راح نشرحلو شوي

هي عبارة عن شبه سيارة وتكون بثلاث دواليب تدور بواسطة جنزير متل الموتور

تتسع ل3 اشخاص السائق بالنص واحد عاليمين وواحد عالشمال

من ورا طنبر لزء الاغراض

تم اكتشافها من قبل الحماصنة السوريين في عام الف وتسعمية وخشبة على دور الملك المنيوم طأطأ

وهلأ منجي عالقصة

واحد حمصي عندو طرطيرة حب يروح مشوار على طرطوس ليغير جو

وهوي عالطريق مدري شو صار للطرطيرة وماعاد مشيت

صار يأشر للسيارات قام وقفلو سيارة مرسيدس

وقلو خير شو صاير معك
قلو والله ما بعرف بعلمي كنت شادد على طرطوس بعلمي وقفت الطرطيرة وماعاد مشيت

قلو خير انا طريقي على طرطوس ربوط الطرطيرة بحبلة بسيارتي لوصلك

قلو الله يعطيك العافية سلفاً بس بالله ما تأسرع عالطريق مشان ما تلوص معي الطرطيرة

قلو طيب اذا حسيتني اسرعت لطشلي بالضو

وهيك مشيو بأمان الله واذ بسيارة فيراري شفت شف من جنب المرسيدس

صاحب المرسيدس طار عقلو ودعس عالصاجة بدو يدوبل الفيراري ونسي الطرطيرة يلي رابطها بسيارتو

صاحب الطرطيرة بلشت تلوص معو صار يلطش بالضو وابو المرسيدس مانو هون ولا حياة لمن تنادي (بدو يدوبل الفيراري)

وهني بهالحالة هي كان في شخصين حشاشين عالطريق عم يمشو

فقال الاول للتاني يار جل والله شي بحط العقل بالكف
التاني خير شو في شو القصة؟
الاول : يا رجل مرسيدس وفيراري ماشي الحال

بس ما حارقلي قلبي غير صاحب الطرطيرة عم يلطش بالضو بدو يدوبل الاتثنين

ههههههههه شكرا على الموضوع من زمان ما سمعت هل الكلمة طرطيرة :o :o :o :o

بس ما حارقلي قلبي غير صاحب الطرطيرة عم يلطش بالضو بدو يدوبل الاتثنين





بهنيك حلوة كتير القصة

المهم في اسماء تانية للطرطيرة متل الطريزينة و الطزطيزي .

شكرا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شوفو السبويلر الخلفي فشرت أكبر صانعي السيارات تسترجي تحطو على سياراتها

هي من مسرحية همام حوت بآخر التسعينات .... مشكور معلم