في تصرفات بيعملوها شوية ناس وهي مرفوضة اجتماعية واخلاقيا ودينيا يعني مرفوضة بكل المقاييس وقبيحة.... وبس نسمع فيها بنحس بقرف..... بس ياترى كل مين قام بتصرف من هالنوع هوي انسان قبيح

يعني الرشوة مثلا قبيحة كتير...... في ناس بتاخد الرشوة لانو طماعة وبدها تكسب مصاري وتعمر قصور وتخزن بالبنوك..... هدول بدون شك ناس قبيحين..... بس في ناس عندها ولاد بدها تاكل وبدها تدرس والراتب يمكن مابيكفي مصاريف الحياة لاكتر من اسبوعين وبعدين بيقعدو اسبوعين بالشهر بلا ولا شي..... هلأ حتى بهالحالة الرشوة لسه قبيحة بس فينا نسمي الشخص اللي اخدها بهيك حالة انسان قبيح؟؟؟؟

القتل قبيح وجريمة يمكن من اكبر الجرائم...... بس اذا حدا قتل دفاعا عن النفس يعني كان بموقف ياقاتل يامقتول وقتل كمان بيكون قبيح شي؟؟ او اللي بيكون بحالة حرب وبيقتل عدو لبلدو هاد قاتل بس بطل

برأيي انو دايما في تصرفات بنسمعها وبنحكم على اللي عملها بقسوة بدون مانحاول نفهم شو ورا نفسية هالانسان..... يمكن لو نحاول نفهمو رح نحس انو نحنا مو احسن منو ابدا...... بس يمكن ظروفنا احسن من ظروفو..... وماحدا بيعرف لو كنا بمحلو شو كنا عملنا

معك بكل حرف
:clap: :clap: :clap: :clap: :clap: :clap: :clap: :clap: :clap:
أو بالأحرى الأفضل ما افرح بالعكس هالشي بيزعج وبزعل:cry:
ليكي بالنسبة للقتل بالحرب صحي هو بطل بس هالشي بنظر أهل بلده أما البلد التاني فبيعتبره قاتل يعني ما استفدنا شي

اهلين يائيل نورت :سوريا:

اذا ما رتشينا منموت من الجوع :adal:

اذا ما رتشينا منموت من الجوع :adal:

سلامتك من الجوع ..


مدري مين خبرني أنو البوطي فتاها . ما اسمها رشوة ... بس يفتي اللي بدو ياه .

من كدر الدهر علينا يا حبيب .

لش شو فتاها البوطي 8)

انا سمعت

أنو مو حرام ..لأنو بيجوز على موظفي الدولة الصدقة

شباب الظاهر فهمتوني غلط
انا ماعم حلل الرشوة بالعكس عم قول انها ظاهرة قبيحة ومقرفة والى هنالك من صفات بشعة...... بس انو اللي بيرتشي لمجرد يطعمي ولادو هاد انسان قبيح او انو الظروف اللي جبرتو على هاد الشي هي القبيحة؟؟
يعني كتير ممكن لو هالشخص نفسو واصل لكفاية حاجياتو و حاجيات عيلتو وبس..... يعني عندو الضروري يمكن ماكان ابدا فكر بهيك شي كرمال الغنى الزايد
يعني انو حل المشاكل هي مو بانو نشوف الصغار اللي عم يضطرو يساووها ونحكم عليون بقسوة...... بس انو نحاول نفهم وضعون ونلاقيلون حلول جذرية لاصل المشكلة

اول شي الاستاذ البوطي ما فتاها وما بيفتي هيك شغلات ابدا
ورجاء لا تدخلوا الدين بدون وجه حق لانو في ناس بتزعل
تاني شي وين القتل دفاعا على النفس او بالحرب ووين الرشوة لتامين متطلبات الحياة الكمالية
او شبه الاساسية في كتير فرق اعذريني امرآة من ورق هاد اسمو ضعف ومقارنتك غير مقبولة
ب اللي عم يتوظف وبيعرف مسبقا شو الراتب وانو الراتب ما بيكفي فهو من الاول ناوي على الرشوة
وتاني شي كل موظف بيرتشي ليسد حاجاتو الشبه اساسية معك معك بتلاقيه حامل الشيطان(موبايل جديد) وبعدين بيركبو الشيطان الحقيقي ركب وبيصير من جماعة اللي بيرتشوا وهن مو بحاجة ابدا

لش شو فتاها البوطي 8)

انا سمعت

أنو مو حرام ..لأنو بيجوز على موظفي الدولة الصدقة



خيو أنا ما بدي انزعلها الموضوع .. لذلك خالص من عندي , خاصة كوني فهمت غلط .

اول شي الاستاذ البوطي ما فتاها وما بيفتي هيك شغلات ابدا
ورجاء لا تدخلوا الدين بدون وجه حق لانو في ناس بتزعل
تاني شي وين القتل دفاعا على النفس او بالحرب ووين الرشوة لتامين متطلبات الحياة الكمالية
او شبه الاساسية في كتير فرق اعذريني امرآة من ورق هاد اسمو ضعف ومقارنتك غير مقبولة
ب اللي عم يتوظف وبيعرف مسبقا شو الراتب وانو الراتب ما بيكفي فهو من الاول ناوي على الرشوة
وتاني شي كل موظف بيرتشي ليسد حاجاتو الشبه اساسية معك معك بتلاقيه حامل الشيطان(موبايل جديد) وبعدين بيركبو الشيطان الحقيقي ركب وبيصير من جماعة اللي بيرتشوا وهن مو بحاجة ابدا

ياعمي والله انا ماعم دافع عن الرشوة او اي شي من هاد السلوك
بس اللي عم قولو انو لما بنشوف الغلط نحاول نلاقي الحلول الجذرية الو..... وانو نحاول نشوف الوجه الانساني للبشر اللي عملوه..... يعني مو انو بس اي انسان غلط نحولو لشيطان رجيم
بعدين عم تحكي عن الوظيفة ورفض الشخص للوظيفة..... كتير حلو بس لاقيلو البديل.... يعني يابدو يمشي بهالطريق يابدو يكب ولادو بالشارع ويقلون لقطو رزقكن لحالكن بالشحادة او السرقة او.... او .....
طيب حاول تتخيل حالك بمكان هيك شخص شو رح تساوي؟؟؟
بس اللي بدي اياه انو اول شي نحاول نفكر بالشخص اللي اخطأ كإنسان وبعدين نحاول نلاقيلو الحل مو نستشرف بالحكي عليه

خيو أنا ما بدي انزعلها الموضوع .. لذلك خالص من عندي , خاصة كوني فهمت غلط .


شكرا مي تو :سوريا:

هذا من فضل ربي :clap:

اهلين ابو مزيد اعذرني ابو مزيد

اول شي خيو بلا فلسفة مجعلكة لانو البوطي فتاها

تاني شي اذا الواحد بدو يرتشي ماعم يلاقي شواغر

بعدين شو صار بالبطاطا لهلاء ما اجو فرطنا من الجوع

اول شي الواحد بيلاقي الشغل بعدين بيزوج وبيجيب ولاد مو العكس

هذا من فضل ربي :clap:

اهلين ابو مزيد اعذرني ابو مزيد

اول شي خيو بلا فلسفة مجعلكة لانو البوطي فتاها

تاني شي اذا الواحد بدو يرتشي ماعم يلاقي شواغر

بعدين شو صار بالبطاطا لهلاء ما اجو فرطنا من الجوع


ليش أبو مزيد فاتح عرباية بطاطا ؟؟؟

اول شي الواحد بيلاقي الشغل بعدين بيزوج وبيجيب ولاد مو العكس

واللي كان عندو شغل والله ساترها عليه وبعدين جاب ولاد ونطت الاسعار ملا شوي وما عاد كافيه الدخل شو بيعمل برأيك..... بيرجع بالزمان لورا وبيلغي الولاد من الوجود؟؟؟

واللي كان عندو شغل والله ساترها عليه وبعدين جاب ولاد ونطت الاسعار ملا شوي وما عاد كافيه الدخ شو بيعمل برأيك..... بيرجع بالزمان لورا وبيلغي الولاد من الوجود؟؟؟


بيرتشي

لك ابو مزيد معاد رد علينا عم يمسح جوخ

لك بدنا ناكول رجع تصل مع الجماعة انا عم موت من الجوع :adal:

واللي كان عندو شغل والله ساترها عليه وبعدين جاب ولاد ونطت الاسعار ملا شوي وما عاد كافيه الدخل شو بيعمل برأيك..... بيرجع بالزمان لورا وبيلغي الولاد من الوجود؟؟؟
بيقتل الولاد
او
يرميهم بالشارع
او

يسرق (والسرقه حرام )

او

يرتشي (وهادي حلال للموظفين بس)

بيقتل الولاد
او
يرميهم بالشارع
او

يسرق (والسرقه حرام )

او

يرتشي (وهادي حلال للموظفين بس)

هلأ كلو حرام ولاأخلاقي واضرب من بعضو.... ماختلفنا ..... والرشوة مانها احسن من باقي الشغلات..... بس انو لاقو حل معقول واخلاقي لهلانسان قبل ماتحكمو عليه انو انسان ساقط

هلأ كلو حرام ولاأخلاقي واضرب من بعضو.... ماختلفنا ..... والرشوة مانها احسن من باقي الشغلات..... بس انو لاقو حل معقول واخلاقي لهلانسان قبل ماتحكمو عليه انو انسان ساقط

انا ما حكمت :jakoush:
وهادي هي الحلول الوحيده
لو عندك حل قولي

انا رايي يرتشي والله معو

الحل المعقول والاخلاقي يرفعو دخلو لهل يتيم المسكين يلي عم يشحد راتبو شحودة وعم يخلي يسرق وينهب ويرتشي ويقتل ووووو ............... الخ

انا ما حكمت :jakoush:
وهادي هي الحلول الوحيده
لو عندك حل قولي

انا رايي يرتشي والله معو


شلي هالطقطيقة من أيدك ووقف متل العالم و أنت عم تحكي مع أمراة من ورق ..:سوريا:

الحل المعقول والاخلاقي يرفعو دخلو لهل يتيم المسكين يلي عم يشحد راتبو شحودة وعم يخلي يسرق وينهب ويرتشي ويقتل ووووو ............... الخ
هاد مو حل :shock:

او الحل المستحيل :o

شلي هالطقطيقة من أيدك ووقف متل العالم و أنت عم تحكي مع أمراة من ورق ..:lol:
حاضر معلم
ما اخدت بالي انك هون

ما سمعت صوت سيارتك وانت داخل المنتدى .ولا جيت هون بالجمل :o

وجهة نظر الاخت امرأة من ورق صحيحة وموضوعية
وينطبق المتل اللي بيقول اللي جبرك على المر الأمر منه
وهي بينت الاوجه القبيحة للناس اللي بتستفيد ومانها بحاجة
والوضع القبيح للناس اللي بدها تعيش بزمن الكلاب
تحياتي لك على الموضوع الرائع

حاضر معلم
ما اخدت بالي انك هون

ما سمعت صوت سيارتك وانت داخل المنتدى .ولا جيت هون بالجمل :o


معناتو بدك من هدول العصي الصغيرة اللي في باخرها من الطرفين قطن ..

مش تبأا تستحما يالا ؟

حاضر معلم
ما اخدت بالي انك هون

ما سمعت صوت سيارتك وانت داخل المنتدى .ولا جيت هون بالجمل




غير طريقة دخولو المعلم
صار يجي على بساط الريح

انا ما حكمت :jakoush:
وهادي هي الحلول الوحيده
لو عندك حل قولي

انا رايي يرتشي والله معو

لأ مو قصدي انو انت شخصيا حكمت عليه...... بس انو كل الناس بمجتمعنا او اغلبون بيستشرفو على هيك واحد وبدون مايحاولو يشوفو الظروف اللي دفعتو لهيك شي...... والاسوء انو قسم كبير من هدول المستشرفين (لاتعني ابدا انون اشراف عن جد) عم يعملو متلو واكتر منو كمان بس لما هوي بينكشف من بيناتون بيصير هوي الساقط

ومنشان الحلول مانها بايدي ولا بايدك :cry:

غير طريقة دخولو المعلم
صار يجي على بساط الريح


أنت المعلم .. و اللي بيرتشي بيكون كلب ..

مشتهي اسمع بشي حدا ارتشى ليطعمي ولادو ...


اللي بيرتشي بيرتشي ليعمر قصور زائلة ....

الحل المعقول والاخلاقي يرفعو دخلو لهل يتيم المسكين يلي عم يشحد راتبو شحودة وعم يخلي يسرق وينهب ويرتشي ويقتل ووووو ............... الخ

هاد الحكي الحلو
بس للأسف مو بايدنا انو نحققو :سوريا:

وجهة نظر الاخت امرأة من ورق صحيحة وموضوعية
وينطبق المتل اللي بيقول اللي جبرك على المر الأمر منه
وهي بينت الاوجه القبيحة للناس اللي بتستفيد ومانها بحاجة
والوضع القبيح للناس اللي بدها تعيش بزمن الكلاب
تحياتي لك على الموضوع الرائع

شكرا كتير عالمرور والتعليق :سوريا:

غير طريقة دخولو المعلم
صار يجي على بساط الريح
الله يريحو اكتر

معناتو بدك من هدول العصي الصغيرة اللي في باخرها من الطرفين قطن ..

مش تبأا تستحما يالا ؟
ما بدي شيء
انا بسمع الكلام من سكات :lol:

تعددت الاسباب والموت و ا حد

كذالك الرشاوي

أنت المعلم .. و اللي بيرتشي بيكون كلب ..

مشتهي اسمع بشي حدا ارتشى ليطعمي ولادو ...


اللي بيرتشي بيرتشي ليعمر قصور زائلة

لك دبحونا شيات التلفونات صار كل اخر شهر يمر لعندي يقبض الراتب تبعو

لك كل يلي بيرتشو بيكونو قليلين خير لاهلون

شكرا كتير عالمرور والتعليق :سوريا:
العفو
كل الشكرلك :سوريا: :سوريا: :سوريا:

مشتهي اسمع بشي حدا ارتشى ليطعمي ولادو ...


اللي بيرتشي بيرتشي ليعمر قصور زائلة ....

مي تو انزل على الجامعة مثلا لتخلص شي معاملة صغيرة عند شي موظف بسيط :cry:
صدقني بيتمقطعو فيك بلاوي بالاخير لحتى ياخدو منك كم ليرة حق انو مشولك المعاملة شوي اسرع او اسهل من اللازم :cry:
بس اذا بدك تقلي انو هدول عم يرتشو ليعمرو قصور مارح فيي افهمها لانو الواحد والوحدة منون بتشوف التعتير على وجوهن...... وشي بيقطع القلب:cry:

ومنشان الحلول مانها بايدي ولا بايدك :cry:
ليش ؟؟؟؟؟؟؟؟
لما نصير مكانو
ومافي حد يساعدنا (اذا مجتمع فاشل في توزيع الحقوق والثروات)
وعنا ولاد صغار بيبكو من الجوع .لازم يكون في حل بايدي وبايدك .
هو اخذ تلك الحقوق بطرق غير مقرره في قانون المجتمع الظالم )

بيجوز كون اكبركم بالسن و أكتر واحد فيكون اشتغل .. زمنيا ..

مريت بأوقات عصيبة و أوقات منيحة .. مرت بأوقت مديون و أوقات مدين ..


بناء عليه :


على قدر أهل العزم تأتي العزائم
وتأتي على قدر الكرام المكارم
وتعظم في عين الصغير صغارها
وتصغر في عين العظيم العظائم


أو للي بدو :

" يستبشرون بنعمة من الله و فضل و أن الله لا يضيع أجر المؤمنين "

يقول الله تبارك وتعالى في سورة الزلزلة المباركة : " فمن يعمل مثقال ذرة خيرا يره ومن يعمل مثقال ذرة شرا يره "

هلأ كلو حرام ولاأخلاقي واضرب من بعضو.... ماختلفنا ..... والرشوة مانها احسن من باقي الشغلات..... بس انو لاقو حل معقول واخلاقي لهلانسان قبل ماتحكمو عليه انو انسان ساقط
انا ما عم قول انسان ساقط الساقط هو اللي بيقدر يغير وما بيغير

مي تو انزل على الجامعة مثلا لتخلص شي معاملة صغيرة عند شي موظف بسيط :cry:
صدقني بيتمقطعو فيك بلاوي بالاخير لحتى ياخدو منك كم ليرة حق انو مشولك المعاملة شوي اسرع او اسهل من اللازم :cry:
بس اذا بدك تقلي انو هدول عم يرتشو ليعمرو قصور مارح فيي افهمها لانو الواحد والوحدة منون بتشوف التعتير على وجوهن...... وشي بيقطع القلب:cry:


ما فيني يتقطع قلبي على حدا سبق و تمقطع فيني ..

بعدين هدول مو كتير هم .. الهم الأكبر هو المخفي .

بيجوز كون اكبركم بالسن و أكتر واحد فيكون اشتغل .. زمنيا ..

مريت بأوقات عصيبة و أوقات منيحة .. مرت بأوقت مديون و أوقات مدين ..


بناء عليه :


على قدر أهل العزم تأتي العزائم
وتأتي على قدر الكرام المكارم
وتعظم في عين الصغير صغارها
وتصغر في عين العظيم العظائم


أو للي بدو :

" يستبشرون بنعمة من الله و فضل و أن الله لا يضيع أجر المؤمنين "


يقول الله تبارك وتعالى في سورة الزلزلة المباركة : " فمن يعمل مثقال ذرة خيرا يره ومن يعمل مثقال ذرة شرا يره "

انت فعلا اكبر واحد فينا (يا عجوز ):king:

بس كلامك كلو صح ودرر

ليش ؟؟؟؟؟؟؟؟
لما نصير مكانو
ومافي حد يساعدنا (اذا مجتمع فاشل في توزيع الحقوق والثروات)
وعنا ولاد صغار بيبكو من الجوع .لازم يكون في حل بايدي وبايدك .
هو اخذ تلك الحقوق بطرق غير مقرره في قانون المجتمع الظالم )

عندي ثقة اني مارح صير بمكانو
ببساطة لاني بصغرتي صارت عندي فرص منيحة وبظن انو عندي القدرة اني اطلع من اي ظرف واني دبر شغل اضافي وتنين وتلاتة كمان ولما كتير بتشد عليي ممكن اتدين وبكون واثقة انو ظروفي رح تتحسن وصلح الوضع تبعي وبالتالي انا عن حالي متطمنة انها مارح تصير فيي اصلا

بس هاد مابيمنع اني شوف غيري من الناس اللي كانت ظروفو اصعب من انو يحصلو امكانات تهيئلون الجو لهيك شي

اما عن الحلول الجذرية لهيك شي..... عن جد مابعرف شو ممكن ساوي لصلحها :cry:

انت فعلا اكبر واحد فينا (يا عجوز ):king:

بس كلامك كلو صح ودرر


شكرا يا باشا ..يا بوبو

ايام الحرب العالمية كانت العالم مشغولة بالحرب
اجى شخص لعند وينستون تشرشل رئيس وزراء بريطانيا وقله لحق بلدك الرشاوى بلشت تنتشر
قام قله وينستون اهم شي انه الرشاوي ماتوصل على التعليم والقضاء
نحنا عنا بالعكس الرشاوى تدرس بالتعليم والجامعات وتخرج من تحت ايدي القضاة
وعيش ياشعب

بيجوز كون اكبركم بالسن و أكتر واحد فيكون اشتغل .. زمنيا ..

مريت بأوقات عصيبة و أوقات منيحة .. مرت بأوقت مديون و أوقات مدين ..


بناء عليه :


على قدر أهل العزم تأتي العزائم
وتأتي على قدر الكرام المكارم
وتعظم في عين الصغير صغارها
وتصغر في عين العظيم العظائم


أو للي بدو :

" يستبشرون بنعمة من الله و فضل و أن الله لا يضيع أجر المؤمنين "


يقول الله تبارك وتعالى في سورة الزلزلة المباركة : " فمن يعمل مثقال ذرة خيرا يره ومن يعمل مثقال ذرة شرا يره "


حكي درر يامي تو
بس نسيت شغلة انو مو كل الناس عندها القاعدة لانها تحسن وضعها لما بيسوء
يعني اذا انت عندك امكانيات عقلية وتعليمية ويمكن مادية بتخليك تطلع من الوضع لما بيسوء غيرك ماعندو هالامكانيات هي

انا ما عم قول انسان ساقط الساقط هو اللي بيقدر يغير وما بيغير

معك حق بهالنقطة :سوريا:

حكي درر يامي تو
بس نسيت شغلة انو مو كل الناس عندها القاعدة لانها تحسن وضعها لما بيسوء
يعني اذا انت عندك امكانيات عقلية وتعليمية ويمكن مادية بتخليك تطلع من الوضع لما بيسوء غيرك ماعندو هالامكانيات هي


ما أنا عم أحكي أنو لما المادية بتفوت بالحيط .. شو اللي بيبقى ؟؟؟ بيبقى الجهد ..

بيجوز أنا متعلم و أمكانياتي الذهنية اكبر .. بس هدا لا يعني أنو اللي مو متعلم بالجامعة مارح يقدر يعمل مصاري و يعيش بكرامة .. ولو معلم باطون

أنا همي التنبلة اللي عايشين فيها .

و همي التاني :

عجبت لمن لا يجد القوت في بيته، كيف لا يخرج على الانس شاهرا سيفه"..؟؟!!

ما فيني يتقطع قلبي على حدا سبق و تمقطع فيني ..

بعدين هدول مو كتير هم .. الهم الأكبر هو المخفي .

بس انا عم احكي عن هدول (اللي اعتبرتون مو كتير هم) لانو هني المجبرين على هيك شي واللي مو طالع بايدون غير هيك شي ومافيون يغيروه

ومن اول الموضوع وضحت انو في فرق بين اللي عم يرتشي لحتى يعمر قصور ويخزن مصاري بالبنوك وبين اللي عم يرتشي لحتى يأمن ضروريات الحياة :سوريا:

هي لأبي ذر الغفاري ... مو لأبي حسن البسطويري

القصة كاملة .....

وحسر زعيم المعارضة رداءه المتواضع عن ساقيه، وسابق الريح الى الشام..

ولم يكد الناس العاديون يسمعون بمقدمه حتى استقبلوه في حماسة وشوق، والتفوا حوله أينما ذهب وسار..

حدثنا يا أبا ذر..

حدثنا يا صاحب رسول الله..

ويلقي أبو ذر على الجموع حوله نظرات فاحصة، فيرى أكثرها ذوي حصاصة وفقر.. ثم يرنو ببصره نحو المشارف القريبة فيرى القصور والضياع..

ثم يصرخ في الحافين حوله قائلا:

" عجبت لمن لا يجد القوت في بيته، كيف لا يخرج على الانس شاهرا سيفه"..؟؟!!

ايام الحرب العالمية كانت العالم مشغولة بالحرب
اجى شخص لعند وينستون تشرشل رئيس وزراء بريطانيا وقله لحق بلدك الرشاوى بلشت تنتشر
قام قله وينستون اهم شي انه الرشاوي ماتوصل على التعليم والقضاء
نحنا عنا بالعكس الرشاوى تدرس بالتعليم والجامعات وتخرج من تحت ايدي القضاة
وعيش ياشعب

:cry: :cry: