انو والله يا حبايب من شوي كنت قاعد وصافن بهالدنيا
عم فكر بس ما عم يطلع معي شي
دايقة خلاقي بشكل فظيع مافي شي اعملو الساعة 2 الا ربع بعد نص ليل وانا ماني نعسان لان كنت هلكان ونمت الظهر
يعني ما خرج روح نام

خلينا بالمهم
قعدت فكر بمخ الانسان
انو شو هالعضو الغريب العجيب هاد
رغم انو العلم تطور كتير وقطع اشواط بعيدة بالتقدم
رغم هيك لهلق ما اخترعو شي بيقدر يضاهي قدرة مخ الانسان

هلق طبعا قدرة كل انسان بتختلف عن التاني
في عالم وصلو لمراحل متقدمة كتير باستخدام مخهون وطبعا فادو البشرية بكتير (دافنتشي, نيوتن, راذرفورد, سقراط, دافنتشي, لك نوسترداموس وانا :o ................................. وغيرو كتير) طبعا مو بالضرورة يكونو مشاهير متل هدول بس حبيت وضح شو بقصد.
وفي عالم هالمخ تبعهون ما بيشتغل بالخالص يعني بتوصل درجة الغباء عندهون لحد انو تقول مرحبا بيطلع فيك متل المساطيل
وبقلك "هااا؟!":shock:
والاغلب درجة ذكائهون عادية

بس انا اللي بدي افهمو, ليش يا ترى في هالتفاوت هاد بالذكاء؟؟ يعني ليش مخ هاد عندو طاقة كبيرة, ومخ هاد ما بيستوعب شي بالخالص؟؟
طبعا كتير من العباقرة بتبين عندهون العبقرية بمراحل كتير مبكرة, يعني من هني وولاد صغار, يعني ما دخل انو هني "نمو قدرتهون" والاغبيا كمان نفس الشي ببين عليهون من هني وصغار كمان ما دخل انو هني ما بشغلو مخهون.

في سر بهالمخ بخليك تكون عبقري او بخليك تكون غبي بس ما عم اعرف شو هو.:(

شي تاني هلق شو سر مقولة انو اعلى درجات العبقرية هية الجنون؟؟؟
طيب ليش اعلى درجات العبقرية هية الجنون, ليش مو مخ هالعبقري اللي وصل لاعلى الدرجات صار بعيد كتير عن مستوى تفكير الانسان العادي, مشان هيك الانسان العادي ما عم يقدر يفهم عليه, بهالحالة هالعبقري مو مجنون, الانسان العادي هو البهيم ما عم يقدر يستوعبو (طبعا طبعا حاشاكون:lol: ).

يلا حاجتكون هيك

مرحبا
أنا بظن أنو الذكاء هو هبة من عند رب العالمين وليس اكتساب .
هلئ شوف في ولاد بعمر 3 السنوات بتشوفن عندن فرط ذكاء وفي منن معدل الذكاء وسط وفي كمان ولاد بالمرة يعني بتشوف الولد مسطول على الخالص تقول سالخ سيجارة حشيش الله مولاها .
ومنرجع للموضوع أنو الولاد يلي عندن الذكاء عالي بتلاقيهن بعد فترة صاروا معدل ذكائهن صار عادي اذا ما نمّو هالشي هاد الرباني .

بجو اتفلسفت شوي مهيك؟

اول شي مرسي ويللي عالموضوع:سوريا:
هلأ اللي بدي قولو انو هاد المخ باعتقادي الو اساس وراثي يعني الانسان بيولد وعندو قدرات محددة بتقوى او بتضعف حسب البيئة بس انو اصل الذكاء او قلتو بيجي من الوراثة وبعدين بيجي دور البيئة واللي بتبلش من لما بيكون الواحد لسه جنين ببطن امو ومن مراحل الطفولة المبكرة...... يعني الولد اللي اهلو رح يبلشو يحكو معو من لما بيكون لسه جنين وبيحاكوه من اول مابيولد وبيعاملوه من هالوقت على انو انسان كامل رح تشوفوه انو بلش حكي عبكير وبلش استيعاب اللي حولو كمان من عمر كتير مبكر اما الطفل المسكين اللي اهلو بيفكرو انو لسه صغير وهلأ بيكفي انو نشبعو اكل ونهتم بنظافتو وبس رح يتأخر كتير بالحكي والاستيعاب

وفي شغلة تانية انو مافي انسان بالكون غبي بالمطلق او ذكي بالمطلق يعني بيكون في انسان عندو قدرات خارقة للطبيعة من ناحية محددة مثلا بالحساب بتشوفو شغلة كبيرة بس يمكن مايعرف يحكي مع الناس كلمتين يعني عبقري حساب وجحش اجتماعيا ...... او مثلا واحد غبي بالحساب وغيرو وغيراتو لدرجة انو بنحسو فاشل وغبي بس عندو قدارت اجتماعية فظيعة بالتعامل مع الناس فممكن يطلع سياسي درجة اولى وناجح جدا

وهلأ ليش بنحس العباقرة مجانين؟؟؟
يمكن متل ماقلت قبل انو مافي انسان عبقري بكل النواحي بقى بيكون عبقري بمجال محدد بس بباقي المجالات اقرب للغباء.... او يمكن على كتر مو عبقري بيبطل يراعي تفاصيل صغيرة بحياتو واللي الناس العاديين بيعتبروها مهمة بقى بيبين للناس كأنو مجنون

هي رأيي والله اعلم

يمكن كترت حكي كتير بس الموضوع ظريف بقى الحق عليك لانو منزل موضوع ظريف وخليتني احكي كتير:p

الله يسترنا من صفناتك انتي اسا بدك تروحنا حاجي تصفن مشان السطل

اي خيو مشان الموضوع
هلأ بالنسبة للذكا ما بختلف كتير من انو في نوع من المورثات اللي بتلعب دور بنشوء هالذكا عند هالطفل او عند هالشخص بالتحديد دون الاخر
يعني بيكون عند الطفل كمية ذكاء محددة بمورثات منقولة من الابوين وهوي عاد بينميها حسب ظروف المجتمع والدرس والاهل والخ الخ الخ

هلأ انا الموضوع اللي حبيت احكي عنو انو ليش منحس العبقري مجنون (ما بعرف كيف قلتا انتي بس انو حول هالفكرة هاي )
في كلمة لزياد الرحباني بيقول فيها :" بيقولو بين العبقرية والجنان شعرة انا قطعت هالشعرة "

هلأ نحنا اذا اتفقنا من اول انو في عنا كمية ذكاء محددة رح تتنمى من قبل هالشخص
فرح ينميها في مجالات معينة على حساب مجالات معينة وغالبا ما تكون على حساب الحالة الاجتماعية (عم نحكي في حال ذكاء في العلوم بانواعها ) يعني بتلاقي منطوي على نفسو كتير احيان بيكون عم يناقش فكرة او عم يحلل مسالة (فلسفية او رياضية )بعقلو وكتير بيحكي مع حالو بهالمسالة فيبفكرو العالم مجنون يعني بيكون في شي شاغل عقلو
مثال
اديسون
يعني اديسون وقت بيروح بدو يدفع فاتورة مدري شو وبيسالو شو اسمك بينسى اسمو لانو عم يفكر بمسالة معينة فهادا يعتبر ضرب من الجنان

شغلة اخيرة ممكن الواحد تفرق معو نسبة الذكا حسب مراحل العمر
يعني مثال
اديسون (مرة اخرى )كان ما في اغبى منو بالمدرسة لدرجة انو الاساتذة قلعو من المدرسة لانو اعتبرو غير مؤهل عقليا ليدرس بس امو درستو وساوت منو مخترع مصباح كهربائي
واسا بتسمع قصص عجيبة غريبة عن العباقرة اللي عديتن :سوريا:

مرحبا
أنا بظن أنو الذكاء هو هبة من عند رب العالمين وليس اكتساب .
هلئ شوف في ولاد بعمر 3 السنوات بتشوفن عندن فرط ذكاء وفي منن معدل الذكاء وسط وفي كمان ولاد بالمرة يعني بتشوف الولد مسطول على الخالص تقول سالخ سيجارة حشيش الله مولاها .
ومنرجع للموضوع أنو الولاد يلي عندن الذكاء عالي بتلاقيهن بعد فترة صاروا معدل ذكائهن صار عادي اذا ما نمّو هالشي هاد الرباني .

ما بعرف معلم بس انا عندي تحفظات على مدى علاقة الرب بهالشي
ما بظن انو الشغلة من رب العالمين
والا ليش عطاها لاينشتاين وما عطاها لحدا تاني؟
يعني ليش ميز اينشتاين عن كل الناس!

اول شي مرسي ويللي عالموضوع
هلأ اللي بدي قولو انو هاد المخ باعتقادي الو اساس وراثي يعني الانسان بيولد وعندو قدرات محددة بتقوى او بتضعف حسب البيئة بس انو اصل الذكاء او قلتو بيجي من الوراثة وبعدين بيجي دور البيئة واللي بتبلش من لما بيكون الواحد لسه جنين ببطن امو ومن مراحل الطفولة المبكرة...... يعني الولد اللي اهلو رح يبلشو يحكو معو من لما بيكون لسه جنين وبيحاكوه من اول مابيولد وبيعاملوه من هالوقت على انو انسان كامل رح تشوفوه انو بلش حكي عبكير وبلش استيعاب اللي حولو كمان من عمر كتير مبكر اما الطفل المسكين اللي اهلو بيفكرو انو لسه صغير وهلأ بيكفي انو نشبعو اكل ونهتم بنظافتو وبس رح يتأخر كتير بالحكي والاستيعاب

وفي شغلة تانية انو مافي انسان بالكون غبي بالمطلق او ذكي بالمطلق يعني بيكون في انسان عندو قدرات خارقة للطبيعة من ناحية محددة مثلا بالحساب بتشوفو شغلة كبيرة بس يمكن مايعرف يحكي مع الناس كلمتين يعني عبقري حساب وجحش اجتماعيا ...... او مثلا واحد غبي بالحساب وغيرو وغيراتو لدرجة انو بنحسو فاشل وغبي بس عندو قدارت اجتماعية فظيعة بالتعامل مع الناس فممكن يطلع سياسي درجة اولى وناجح جدا

وراثة؟؟
طيب ليش بيتهوفن كان عندو عبقرية بالموسيقا بينما اخواتو كلهون (يمكن خمسة او سبعة) ما كان عندهون ولا ذرة ذكاء؟؟
اينشتاين اخواتو ما كانو متلو
كلهون او اغلبهون اخواتهون ما كانو متلهون

اما باقي الكلام حلو كتير ما عندي تعليق عليه


وهلأ ليش بنحس العباقرة مجانين؟؟؟
يمكن متل ماقلت قبل انو مافي انسان عبقري بكل النواحي بقى بيكون عبقري بمجال محدد بس بباقي المجالات اقرب للغباء.... او يمكن على كتر مو عبقري بيبطل يراعي تفاصيل صغيرة بحياتو واللي الناس العاديين بيعتبروها مهمة بقى بيبين للناس كأنو مجنون

كلام حلو كتير
بس معاناتها بهالحالة هو مو مجنون
بس تفكيرو صار عالي لدرجة انو الانسان العادي صعب بقا نستوعبو

وراثة؟؟
طيب ليش بيتهوفن كان عندو عبقرية بالموسيقا بينما اخواتو كلهون (يمكن خمسة او سبعة) ما كان عندهون ولا ذرة ذكاء؟؟
اينشتاين اخواتو ما كانو متلو
كلهون او اغلبهون اخواتهون ما كانو متلهون



طيب ليش بتشوف اخوة من نفس الام ونفس الاب واحد عيونو خضر مثلا وواحد عيونو بني؟؟؟ :?
واحد طويل وواحد قصير ؟؟؟
واحد مجد بالدراسة وواحد بايعها؟؟ هي اذا بدك تقول انو الطبع كمان الو اثر وراثي

الله يسترنا من صفناتك انتي اسا بدك تروحنا حاجي تصفن مشان السطل

اي خيو مشان الموضوع
هلأ بالنسبة للذكا ما بختلف كتير من انو في نوع من المورثات اللي بتلعب دور بنشوء هالذكا عند هالطفل او عند هالشخص بالتحديد دون الاخر
يعني بيكون عند الطفل كمية ذكاء محددة بمورثات منقولة من الابوين وهوي عاد بينميها حسب ظروف المجتمع والدرس والاهل والخ الخ الخ

هلأ انا الموضوع اللي حبيت احكي عنو انو ليش منحس العبقري مجنون (ما بعرف كيف قلتا انتي بس انو حول هالفكرة هاي )
في كلمة لزياد الرحباني بيقول فيها :" بيقولو بين العبقرية والجنان شعرة انا قطعت هالشعرة "

هلأ نحنا اذا اتفقنا من اول انو في عنا كمية ذكاء محددة رح تتنمى من قبل هالشخص
فرح ينميها في مجالات معينة على حساب مجالات معينة وغالبا ما تكون على حساب الحالة الاجتماعية (عم نحكي في حال ذكاء في العلوم بانواعها ) يعني بتلاقي منطوي على نفسو كتير احيان بيكون عم يناقش فكرة او عم يحلل مسالة (فلسفية او رياضية )بعقلو وكتير بيحكي مع حالو بهالمسالة فيبفكرو العالم مجنون يعني بيكون في شي شاغل عقلو
مثال
اديسون
يعني اديسون وقت بيروح بدو يدفع فاتورة مدري شو وبيسالو شو اسمك بينسى اسمو لانو عم يفكر بمسالة معينة فهادا يعتبر ضرب من الجنان

شغلة اخيرة ممكن الواحد تفرق معو نسبة الذكا حسب مراحل العمر
يعني مثال
اديسون (مرة اخرى )كان ما في اغبى منو بالمدرسة لدرجة انو الاساتذة قلعو من المدرسة لانو اعتبرو غير مؤهل عقليا ليدرس بس امو درستو وساوت منو مخترع مصباح كهربائي
واسا بتسمع قصص عجيبة غريبة عن العباقرة اللي عديتن
هلق ردك حسيتو كتير قريب لرد امراة من ورق
مشان هيك نفس الحكي اللي كتبتلها ياه اعتبرو مكتوب الك كمان

هلق باخر مثال ذكرتو عن اديسون
بهالحالة يا معلم اديسون نمى ذكائو وما دخل المورثات بهالشي
لان وقت كان صغير كان غبي على حسب ما انت قلت

هلق ردك حسيتو كتير قريب لرد امراة من ورق
مشان هيك نفس الحكي اللي كتبتلها ياه اعتبرو مكتوب الك كمان

هلق باخر مثال ذكرتو عن اديسون
بهالحالة يا معلم اديسون نمى ذكائو وما دخل المورثات بهالشي
لان وقت كان صغير كان غبي على حسب ما انت قلت

بالنسبة لاديسون ممكن ما يكون غبي لما كان صغير ممكن كان بحالة العبقرية من هوي وصغير وهل الشي خلا اساتذتو يفكرو غبي او غير مؤهل عقليا

بالنسبة لاديسون ممكن ما يكون غبي لما كان صغير ممكن كان بحالة العبقرية من هوي وصغير وهل الشي خلا اساتذتو يفكرو غبي او غير مؤهل عقليا

بظن كان بعمر مبكر لهلشي

ما بظن هاد السبب بس بأعتقادي انو كانت درجة ذكائو عادية (بس ما كان عم يشغل مخو) وامو بعدين نمتلو ياها

المهم انا معكون 100% انو الوراثة بتلعب دور كبير بهالموضوع
بكل بساطة لان ما شفت سبب ممكن يكون مقنع اكتر من هاد

انا برايي الذكاء هو تكيف ..........مشان نقدر نسيطر على الواقع ونطوره لصالحنا
اما بالنسبة للوراثة
فكل شخص منا لديه خريطة من المورثات التي لا يد له فيها ونادرا ما تتواجد مورثة تعبر عن نفسها بقوة بل الاغلب ان نرث التاهب يعني:
ما في شخص بيولد ومعو ارتفاع ضغط شرياني بس معو القابلية لهاد المرض يعني:
شخص غير مؤهب +اكلة مالحة#ضغط
شخص مؤهب+نفس الاكلة=ضغط
وطبعا بدون الاكلة مارح يصير معو ضغط حتى ولو كان مؤهب

والذكاء نفس الشي تماما
تاهب للذكاء +جهد ومثابرة=عبقري
تاهب للذكاء دون تطوير=انسان عادي
غير مؤهب +جهد ومثابرة=فعال ولكن تقليدي"ناقصوه شي"
غير مؤهب دون تطوير=غبي
مشان هيك اديسون نفسه قال :
النجاح=3%موهبة و 97% جد واجتهاد

hi all
i am a new member in this forum and it is good a chance to me to talk a bout this matter
i think that "genusity"it is maxing betwen the genretion and and the betwen the enviourenment

انو اول الشي بعتذر من ف واي
هلق لانتبهت لردك

ردك منطقي كتير ماعندي تعليق عليه

هلق بالنسبة لهاني
شلون يعني المحيط
شو دخل المحيط؟؟

هاي ويلي
يتشير الدراسات النفسية الحديثة انه البلد الي فيه انترنت تقل نسبة الكبت ويزيد نسبة ذكاء ابناء هذا المجتمع
وفي كمان مرة قريت بحث للعبقرية بيقول الكاتب فية انه المبدع انسان حساس بيربط حياة الانسان مع واقعه وبيقول"اذا مافي فن ,بالنسة للعبقري في جنون" العبقرية وشغل العقل طاقة داخلية بيكون لازم منفذ خارجي يتجسد فيه...... اوضحلك اكثر بالنسبة الك مابتحس برتياح لمه احنه بنتاقش عن موضوع بتفكر فيه ساعات, او شاغل بالك على طول ومحتاج اجابته.
وبصورة اخرى انه شكسبير لو كان الان بالعراق وبالوضع الي بيعيش البلد من تخلف فكري وسلوكي وحرب معتقدات "ايه يعني يمعاي يضدي"مافي شي اسمه فن فتخي شوراح يكون مصير عبقريته.

خيو كلامك على العين والراس
بسسس

بالنسبة لمثال شكسبير, هو اللي كان ممكن يصير انو ما ينشهر, لانو ما حدا منتبهلو
بس هاد مو معناه انو ما رح يكون عبقري.

يعني برأيي انو كتير ممكن يلتقى عباقرة بمجتمعاتنا, بس الاختلاف هو انو ما رح يظهرو للعالم.

كمثال اينشتاين, ممكن لو كان بسوريا مثلا, ما كان رح يعمل تجارب وحتى لو عمل تجارب ما كان حدا رح يسمع فيه. لكن هاد ما بظن انو كان رح يلغي عبقريتو

تماما كما وضحت انت في مثالك عن انشتاين انه لو كان انشتاين بسوريا لما كان اشتهر, بس كان فيه ينفس عن عقليته بالقراءة بالتفاعل مع المجتمع لئنه رغم صعوبة الضروف في سوريا رغم انه انا زرت سوريا وبقيت فيها شهر وماشفت انه فيها صعوبة غير الوضع المادي على مااظن فيه نوع من الصعوبة وليس ماساوي . وكمان الشعب السوري شعب مثقف بيتفهم العالم حتى اذا كان لايستطيع المجتمع السوري بيدعم التكاليف الباهضة لابحاث انشتاين فانه كيد راح بيدعموا معنويا وانا اكيد من هذا الشي . وهذا الشي بيحافظ على روح الابداع داخل الفرد.لان احد اسباب العبقرية هو (تحقيق حلم الطفولة ) واكيد انه انت سمعت عن عباقرة بيقولوا انا حقق حلم حياتي اي بعبارة اخرى ( اني حققت حلمي عدما بدء ادراكي يكتمل و رسمت صور له داخل مخيلتي وربط وجودي بهذه الروية حتى صارت هدف ووسيلة لاثبات ذاتي وانسانيتي ) . فسوريا بنضري غير قاصرة مقارنة بمجنماعات اخرى لاتحمل للعلم اي احترام او قيمة كالعراق حاليا والسودان والصومال و دول اخرى يضيع بها الامكانيات الفردية لاشخاص زرعت بهم البشرية جوهرة العبقرية ليخسرها العالم بسسبب جهل بعض مجتمعاتها . اضرب لك مثل على صديق لي ولد بوضع لايحسد عليه بالنسبة للوضع المادي و يرثئ له من ناحية الوضع الاجتماعي فقد كان يعيش مرغم عنه في مجتمع عشائري متخلف يكره العلم بينما هو الشخص ذاته كان امكانية غير طبيعية( كفنان ,رسام مصمم ازياء , مدرب فنون قتال, نحات ,كان يتكلم لغتين بطلاقة( الالمانية، الانكليزية) وهذا كان بحد ذاته انجاز عضيم في بلد كالعراق فقد كانت الاستخبارات بالمرصاد لمن يحمل جريدة باي لغة اجنبية وطبعا بعدها لايرء الشمس ثانية او على الاقل ليس لفترة قصيرة لا تقل عن 7 سنوات .وقد كان صديقي اول على دفعته بعلوم الحاسبات ولكن عنصر من المخابرات هدد صديقي بالسجن اذا لم يتنحئ له عن المركز الاول ، اتذكر انه يومها تكلم لي وبعد ثوان بكئ وهذه اول مرة اراه فيها يبكي(انضر تاثير الحدث على الشخص طوال سبعة سنوات لم اراه يحزن او ييئس لكن هذا الموقف ابكاه)لقد كان دائما صامد لانه كان يتطلع اللى حلمه وضعف بسبب حدوث سوء لحلمه( من نقاط ضعفك تبدء القوة ومن نقاط قوتك تبدء الضعف) " فرويد سغموند" . واحب انه انبهك انه انت اعترفت بذلك الشي من البداية عن كون انشتاين في غير مكانه" واعترفت فيه لكن توجد نتائج اسوء في بلدانامكان غير موهلة اكثر.
ملاحضة : لست احاول جعلك متشائم حول موضع العبقرية . واحب ان اذكر لك راي الفيلسوف الالماني نيتشه بقوله(ان التشاوم هو بلا فائدة والتفاول بلا سبب هو بلاهة فالحياة هي مليئة بالمعرقلات. الامثل هو التفاول في مواضع التشاوم فذلك عضيم) . فالعبقرية هي كوسام شرف لايناله المتكاسل والمتقاعس او الانسان الذي لايرسم له روية لحياته . وكما يقول الدكتور علي الوردي في كتابه" خوراق اللاشعور او اسرار الشخصية الناجحة" (ان العبقرية هي التفاعل بين الواقع والدوافع للفرد. ) . فاذا (حاولت الحياة من ان تمنعني من اكون عضيم ساكون اعضم) و (اعضم انسان من يستطيع ان يضحك الدمعة في طرف عينيه) و ( العاصفة التي لا تكسرني ، تزيدني قوة ومناعة) وبالنهاية يقو الفيلسوف الالماني شوبنهاور حول العبقرية " انها حب الحياة" فاذا لم تكن تحب شي لا تستطيع ان تبدع فيه.

على راسي معلم وانا ما قلت غير هيك
بس انا رديت على كلامك لما قلت انو المحيط بأثر على نسبة العبقرية
انا قلتلك انو ما بظن انو ذكائو رح يتأثر بالمحيط, لاكن ممكن شهرتو او اكتشفاتو او اختباراتو تتأثر بالمحيط. يعني تكون محدودة.
والمثال هو انت كتبتو هلق عن رفيقك بالعراق

ليك ملا مصيبة الأخ ويلي مشرف وعم يسأل عن طبيعة الذكاء بدال مايثبت هالمواضيع المجئجئة قولات الحلبية؟؟؟؟؟؟؟
لا تزعل:( :( عم إمزح معك
بس من شان الموضوع يلي طرحتوا فيني فيدك كثير بس ما عندي وقت للكتابة كثير لذلك
اقرأ كتاب <علم النفس العام> أو< الشخصية وعملياتها العقلية >
للدكتورة ( ليلى داوود) أحلى دكتورة بقسم الفلسفة و علم النفس

اول شي بحتج وبندد بكل الي حكا ع المساطيل

دخيل ربو ويلي هوه وصفناتو بأخر الليل

مهم ماعلينا عندي موضوع قديم بيحكي عن لمخاخ وخاصتاً انو جايبين سيرت زميلنا انشتاين

=====================

بسم الله الرحمن الرحيم
السلااام عليكم ورحمة الله وبركاته
هل يختلف المخ البشري عن مخ العباقررره؟؟؟؟؟

ان العلما ءعندما فحصوا مخ انشيتين بعد وفاته وجدوا ان مخه يشبه اي مخ بشري عادي جدا

فبحثت عن موضوع تشريح امخاخ العباقرة فوجدت انه موضوع متعارف عليه من قبل انيشتين

تاريخ لغز امخاخ العباقرة .....

شغل العلماء بفكرة ارتباط القدرات العقلية للانسان بالتركيب التشريحي للمخ ، و هي الفكرة التي كثيرا ادت الي فحص امخاخ العباقرة بعد موتهم لمعرفة اسرار تفوقهم .

و في هدا المجال تم تشريح امخاخ الكتير من العباقرة و العلماء

متل الفيلسوف رينيه ديكارت و الموسيقار باخ الي ان وصل عدد العباقرة الي 137 شخصا تم تشريح مخهم ..
و لكن لم يصل علماء التشريح في هدا الوقت الي نتيجه تدل علي وجود اختلافات بين مخ هؤلاء العباقرة و مخ البشر العادي

في عام 1924 توفي الزعيم السوفيتي فلاديمير لينين و تم استدعاء العالم الالماني اوسكار بدعوه رسمية من روسيا لتشريح مخ لينين

و بعد فترة من دراسته اكتشف وجود اختلافات بين مخه و مخ البشر غير ان لم يعلق اي شخص اهمية
لاكتشاف اوسكار حيث ان لينين اصيب بالكثير من الجلطات بالمخ فأعتقدوا انها السبب في وجود اختلاف في المخ

و اخر العلماء الذين فحصت امخاخهم كان انيشتين عام 1955 بعد وفاته حيث ان انيشتين طلب من العلماء تشريحه مخه بعد وافاته و وافقت اسرته علي ذلك و قام بتشريح مخ و حفظة بالطريقة العلمية السليمة
العالم الباثولوجيا الامريكي توماس هارفي

الا ان هارفي بعد فترة من دراسته لم يجد اي اختلافي في مخ انيشتين يميزه عن اي مخ بشري عادي

لكن بعد مرور اكثر من ربع قرن حدث ثورة في التقدم العلمي و التشريحي للمخ مما جعل اعادة تشريح مخ انيشتين امر ملح

و فعلا اعيد تشريح اربع قطع صغيرة من مخ انيشتين في جامعة كاليفورنيا و تم مقارنتها ب 44 قطعه مماثلة من نفس المناطق من 11 شخص ماتوا في سن انيشتين

و وجد العلماء ان نسبة الخلايا المكونه لنسيج مخ انيشتين تختلف و تزيد في نسبتها عن الاخرين

و ذلك في منطقتين في المخ معروفتين بمسؤلتيهما عن التخطيط و التحليل المنطقي و الرياضي

و مره اخري في عام 1999 اعيد تشريح مخ انيشتين للمره الثالثه في جامعة ماكماستر بكندا و اعلن فريق البحث

ان مخ انيشتين يخلو من جزء من اخدود معروف يوجد في مخ البشر و اعتبر العلماء ان غياب ذلك الجزء من الاخدود يمكن انو يكون سببا في سرعة توصيل المعلومات بين المنطقتين الواقعتين علي جانبي الاخدود في مخ انيشتين

و اضاف ايضا فريق الباحثين ان مساحة هذه المنطقه اعرض من المألوف ب 15%
كما رأينا ان مخ انيشتين كان جدير بالبحث و الاهتمام

الا ان المخ البشري بشكل عام جدير بهذا الاهتمام اذ انه لغز كبير

مخ الانسان البالغ يبلغ حوالي 1400 جرام

و يتكون من نوعين من الخلايا و هما الخلايا العصبية و خلايا اخرى داعمه تعرف بالخلايا الغراء

و يبلغ عدد الخلايا العصبية في المخ حوالي مائة الف مليون خلية

و تتكون الخلية العصبية بشكل عام من الزوائد الشيجرية و زائدة واحد طولية و تسمي المحور و تنتهي بالتفرعات اللانتهائية

و تتصل التفرعات اللانتهائية في احد الخلايا بالتفرعات النهائية في خلية اخري
و تسمي مناطق اتصال الخلايا العصبية ب التشابكات العصبية

اما الخلايا الغراء فعددها اكثر من الخلايا العصبية عشر مرات و سميت بالغرائ لانها تملأ الفراغات بين اجسام الخلايا العصبية هي الفاعل الرئيسي في الجهاز العصبي لانها تتلقي الاشارات العصبية ثم تعيد ارسالها الي جهات اخرى او تتجرمها الي سلوك معين

و من الواضح ان الخلايا العصبية تتمتع بقدارات خارقةو غامضة فخصائصها الفسيولوجيه و نشاطتها و افرازتها الكيميائية هي المسؤل عن الاحساس والعاطفه و الالم و التفكير و الخوف و الجرأه



نشالله يعجبكم
:D

حليل رائع وموضوعي
شكرا جزيلا على هذه المشاركة
ملاحضة : ارجوا من المشاركين المعذرة لانه كان في مشاركاتي نوع من التشاءوم
ارجو المعذرة . لكنت ضروفي بلدي كانت ماثرة فيه الان انا اجتزت هذه المرحلة . وبديت احلق في سماء العبقرية من جديد

سبحان الله هالعضو غريب و رهيب...يسلموا على هالموضوع الحلو