-
دخول

عرض كامل الموضوع : تغيير جذري, بس ايمت؟

Willi
21/05/2006, 07:12
مرة من هالمرات كانت دايقة خلاقي وكنت يأسان من هالحياة عالاخر, قلت لاطلع اتمشالي شي شوي منو بتحرك, ومنو بطلع من هالبيت, ومنو منشم شي هوا نظيف (حاكم الشجر كتير).
المهم لبسنا تيابنا وطلعنا وانا وماشي قعدت فكر, وين كنت ووين هلق صرت, شو تغير بحياتي؟؟ في شي صار احسن؟ في شي صار اسوء؟؟
فكرت شوي, لقيت حالي "مكانك راوح" لا متقدم ولا متراجع نفس الحالة يمكن بس مع تغيير المكان وطبعا كام تغيير تاني صغير, فكرت ليش؟؟ الي سنتين او يمكن تلاتة عم اوعد حالي بتغيير جذري لحياتي (للافضل طبعا), كنت مقرر اكسر الروتين, اعمل شي بحياتي غيرها. يعني هيك شي ممل, لازم اعمل تغيير. فكرت انو ليش لهلق ما عملت هالتغير؟ لازم امشي ولو انو خطوة وحدة وبس امشي اول خطوة بمشي التانية بس الي زمان واعد حالي بهالخطوة, ولهلق ما مشيتها.
سألت حالي قلتلو ليش؟؟؟ مبسوط هيك يعني؟؟
قلت لاء
طيب ليش لكن لسى ما تحركت؟؟؟ يعني ليش متردد؟؟ من شو خايف؟؟ يعني اذا هيك مو عاجبك, مو احسن انك تغير؟ فكرت بيني وبين حالي, لقيت حالي بعرف الجواب من زمان, اي نعم احسن اذا بغير.
طيب ليش ما غيرت شو ناطر؟؟؟
جاوبت, بدي دفشة صغير بس دفشة, وانا بمشي بعدها.
بعدين فكرت مين بدو يدفشك؟؟
مرة من المرات كان قرايبك عم يدفشك مشان على اساس تتمرجح على عامود بالسقف, رحت قلبت على الدرج وكسرت ايدك! بدك المرة الجاي تكسر رجلك؟؟
ما حدا رح ينفعك,ولا حدا رح يدفشك, انت لازم تمشي لحالك.
كان جوابي يلا بكرا انشالله.
طيب ليش لبكرا الك تلت سنين بتقول بكرا, ما صار بكرا لسى؟؟
بعدين قلتلو لحالي لك ما بدك تخلصنا من هالسيرة انت؟؟؟ تركني بقا وطلعت هالبارودة وقوصت حالي

وهيك انتهى كلشي, نهائيا.:?
صياد الطيور
21/05/2006, 08:26
يا حرام يا حرام .... من يوم الي اخضر ما ضل عندو عقل ..
layla
21/05/2006, 08:30
خالص جادو ولا شمعة :?
Willi
21/05/2006, 08:30
:shock: :shock: :shock: :shock:

نهاية انسان متردد
hanny dagher
21/05/2006, 11:12
يعني اجيناها نكتة اي الله وكيلكن مو نكتة
اجيناها خاطرة ما بتقرب من الخاطرة
اجيناها قصة اي ماي شامة ريحة القصة
اجيناها خربوشة اي كل شي فيا مخربش بس ما منقدر نسميا خربوشة
شو منسميا لكن
والله انا احترت بدي حدي يعطيني شي اسم بس اخر مرة واحد عطاني اسم ما طلع مزبوط وما بدي كرر الحالة انا كمان
احسن شي روح انتحر انا كمان واخلص :clap:
Varon
21/05/2006, 11:43
ذكرتني بواحد عنا بالحارة(عاطيكون عقلو) اسمو لبيبا..:lol: :o
لك احلى ابو الجود;-)
بنت الاكارم
21/05/2006, 15:24
يعني اجيناها نكتة اي الله وكيلكن مو نكتة
اجيناها خاطرة ما بتقرب من الخاطرة
اجيناها قصة اي ماي شامة ريحة القصة
اجيناها خربوشة اي كل شي فيا مخربش بس ما منقدر نسميا خربوشة
شو منسميا لكن
والله انا احترت بدي حدي يعطيني شي اسم بس اخر مرة واحد عطاني اسم ما طلع مزبوط وما بدي كرر الحالة انا كمان
احسن شي روح انتحر انا كمان واخلص :clap:

لا هي نكته ولا قصه ولا خاطره ولا خربوشه
هي الواقع اللي بعيشه الانسان وهو التسويف والتاجيل الى ان يصل الا الموت عندئذ يكتشف انه لم يفعل شي ولكن ما فائده هذا الاكتشاف بعد ان مات

وشكرا اخي willi

تحياااااااااااتي
butterfly
21/05/2006, 19:59
لأ ولو ...
بما انو ما قدرنا نحدد هوية للكتابة تبعيت جاد ...
أنا بقترح :clap: :clap: :clap:
أنو نبدا من قصة جاد ... كل واحد بيكتب سطرين تلاتة بدنا نرجع نفهم شو عم يصير مع هالزلمة

رح ابدا أنا ,,, بكتب كام سطر واللي بعدي كمان بيكمل ... :shock: :shock:
butterfly
21/05/2006, 20:02
وفجأة سمعت صوت
تررررررررررررررررررن ترررررررررررررررررررررررر رن
صحيت من النوم مرعوب وخايف قرصت حالي لأتأكد أنو أنا بعدني عايش .. طلعت هيك شفت حالي بغرفتي ,,, وتذكرت ..الحلم اللي كان عم يزعجني صرلو فترة
وفكرت ... وقعدت أراجع حياتي .... فكرت بأهلي ...

يتبع ,......
Kakabouda
21/05/2006, 20:03
خالص جادو ولا شمعة :?
هلأ بقولو ولا شمعة ولا ولا لمبضة :?
Willi
22/05/2006, 02:14
:shock: :shock: :shock:

والله مافي حدا متل من بنت الاكارم
احسن وحدة
الله يجبر بخاطرك :سوريا:


لك لؤي ولاه
لبيبا!!!!! يخرب بيتك يا زلمة
اي والله اشتقتلو للبيبا :lol:
layla
22/05/2006, 03:52
وفجأة سمعت صوت
تررررررررررررررررررن ترررررررررررررررررررررررر رن
صحيت من النوم مرعوب وخايف قرصت حالي لأتأكد أنو أنا بعدني عايش .. طلعت هيك شفت حالي بغرفتي ,,, وتذكرت ..الحلم اللي كان عم يزعجني صرلو فترة
وفكرت ... وقعدت أراجع حياتي .... فكرت بأهلي ...

يتبع ,......
تعي حبيبي ميمو انا بسولف معك


اي فكرت بأهلي قام تذكرت انو اهلي هني اللي جابوني :? ( تذكرت غنية لجورج وسوف :lol: )

المهم وربوني وصارو كبار وعم يشتغلو
وبالبكالوريا حطولي اساتذة وساعدوني لحتى جبت علامات عالية
بس بالاخير ماطلعلي شي :clap:
قام فكرت شو بدي ساوي
قامو فكرو عني وجابوني عاميركا :gem: وبأميركا تعرفت على اخوية

وبعد اخوية .......

يتبع
Willi
22/05/2006, 04:40
:x :x :x :jakoush: :x
hanny dagher
22/05/2006, 04:45
وفجأة سمعت صوت
تررررررررررررررررررن ترررررررررررررررررررررررر رن
صحيت من النوم مرعوب وخايف قرصت حالي لأتأكد أنو أنا بعدني عايش .. طلعت هيك شفت حالي بغرفتي ,,, وتذكرت ..الحلم اللي كان عم يزعجني صرلو فترة
وفكرت ... وقعدت أراجع حياتي .... فكرت بأهلي ...

يتبع ,......

عشرة حدش تنعش دقت الساعة بالليل وانا وحدي اي
وكنت شي اني حاطط راس عالمخدة اي
وفتحت الباب بسرعة وضربت ضربة جودو

يتبع (ما بعرف اذا صح وما بعرف كمل الغناي :p :clap: )
layla
22/05/2006, 05:40
عشرة حدش تنعش دقت الساعة بالليل وانا وحدي اي
وكنت شي اني حاطط راس عالمخدة اي
وفتحت الباب بسرعة وضربت ضربة جادو

يتبع (ما بعرف اذا صح وما بعرف كمل الغناي :p :clap: )

:o :o ولك مابتقصر فيه

عطيه لسا :lol: :lol:
hanny dagher
22/05/2006, 05:46
:o :o ولك مابتقصر فيه

عطيه لسا :lol: :lol:

يعدمني ياكي لا تحوري :jakoush:

وضربتو ضربة عرطوزية :p
layla
22/05/2006, 05:49
يعدمني ياكي لا تحوري :jakoush:

وضربتو ضربة عرطوزية :p
:lol: :lol: ولك لعماااااااااااااااااااا مااغلظك

هههههههههههههههه يخربيتك كل مابتذكر كيف بتطلع معك عالتليفون بفطس ضحك :lol:

اما هالشوام هبلان بشكل :p
hanny dagher
22/05/2006, 05:51
:lol: :lol: ولك لعماااااااااااااااااااا مااغلظك

هههههههههههههههه يخربيتك كل مابتذكر كيف بتطلع معك عالتليفون بفطس ضحك :lol:

اما هالشوام هبلان بشكل :p

حددي الشوام او العرطوزيين :lol:
layla
22/05/2006, 05:57
حددي الشوام او العرطوزيين :lol:
:lol: بما اننا برا الشام هلأ مسموح نقول الشوام :p
hanny dagher
22/05/2006, 05:58
:lol: بما اننا برا الشام هلأ مسموح نقول الشوام :p

ايوا هيك لكن
انا بالي عم تحكي عن العراطزة :jakoush:
layla
22/05/2006, 05:59
ايوا هيك لكن
انا بالي عم تحكي عن العراطزة :jakoush:
لا لا تخاف

اصلا بسترجي :cry:
blue eyes
22/05/2006, 06:23
اخ ياجاد انت ضربت ع الوجع تماما انا متلك تماما صارلي 3 سنين بقول بكرة بعمل وبيمرق بكرة ولما بيجي باليل وانا حاطة راسي ع المخدة بفكر وبقول هي اليوم كمان راح يلا من بكرة رح بلش ويلعن ابو بكرة وماكان يجي هل البكرة واعمل الي لازم ينعمل,,ع امل بكرة يكون فيو شي احسن,,ولي ع بكرة الي الله واعلم ايمت رح يجي.....
:p :p :p
Willi
22/05/2006, 06:49
اخ ياجاد انت ضربت ع الوجع تماما انا متلك تماما صارلي 3 سنين بقول بكرة بعمل وبيمرق بكرة ولما بيجي باليل وانا حاطة راسي ع المخدة بفكر وبقول هي اليوم كمان راح يلا من بكرة رح بلش ويلعن ابو بكرة وماكان يجي هل البكرة واعمل الي لازم ينعمل,,ع امل بكرة يكون فيو شي احسن,,ولي ع بكرة الي الله واعلم ايمت رح يجي.....

بكرا ;-)

ايمت بدو يجي بكرا هاي انت بتحدديها
او فيكي تقوصي حالك وتخلصي من بكرا
لانك رح اتضلي ندمانة على مرقتو عالفاضي
blue eyes
22/05/2006, 07:24
بكرا ;-)

ايمت بدو يجي بكرا هاي انت بتحدديها
او فيكي تقوصي حالك وتخلصي من بكرا
لانك رح اتضلي ندمانة على مرقتو عالفاضي
للاسف الشديد بعرف اني رح اندم ع مرقتو ع الفاضي:cry: لهيك بعد هاد الرد انا قايمة ادرس :gem: وانشالة سهرتي صباحية8) ..الي بيحب يتفضل الدعوة مفتوحة:clap:
Willi
22/05/2006, 07:28
اذا بتدرسيلي دروسي بجي
blue eyes
22/05/2006, 07:39
اذا بتدرسيلي دروسي بجي
بدل ماتحكي روح مسيك هل الكتاب ودروس يا فلسفوف انت..
Willi
22/05/2006, 07:40
سيرة درس
هلق وقت النوم
فلاش باك
22/05/2006, 10:50
مرة من هالمرات كانت دايقة خلاقي وكنت يأسان من هالحياة عالاخر, قلت لاطلع اتمشالي شي شوي منو بتحرك, ومنو بطلع من هالبيت, ومنو منشم شي هوا نظيف (حاكم الشجر كتير).
المهم لبسنا تيابنا وطلعنا وانا وماشي قعدت فكر, وين كنت ووين هلق صرت, شو تغير بحياتي؟؟ في شي صار احسن؟ في شي صار اسوء؟؟
فكرت شوي, لقيت حالي "مكانك راوح" لا متقدم ولا متراجع نفس الحالة يمكن بس مع تغيير المكان وطبعا كام تغيير تاني صغير, فكرت ليش؟؟ الي سنتين او يمكن تلاتة عم اوعد حالي بتغيير جذري لحياتي (للافضل طبعا), كنت مقرر اكسر الروتين, اعمل شي بحياتي غيرها. يعني هيك شي ممل, لازم اعمل تغيير. فكرت انو ليش لهلق ما عملت هالتغير؟ لازم امشي ولو انو خطوة وحدة وبس امشي اول خطوة بمشي التانية بس الي زمان واعد حالي بهالخطوة, ولهلق ما مشيتها.
سألت حالي قلتلو ليش؟؟؟ مبسوط هيك يعني؟؟
قلت لاء
طيب ليش لكن لسى ما تحركت؟؟؟ يعني ليش متردد؟؟ من شو خايف؟؟ يعني اذا هيك مو عاجبك, مو احسن انك تغير؟ فكرت بيني وبين حالي, لقيت حالي بعرف الجواب من زمان, اي نعم احسن اذا بغير.
طيب ليش ما غيرت شو ناطر؟؟؟
جاوبت, بدي دفشة صغير بس دفشة, وانا بمشي بعدها.
بعدين فكرت مين بدو يدفشك؟؟
مرة من المرات كان قرايبك عم يدفشك مشان على اساس تتمرجح على عامود بالسقف, رحت قلبت على الدرج وكسرت ايدك! بدك المرة الجاي تكسر رجلك؟؟
ما حدا رح ينفعك,ولا حدا رح يدفشك, انت لازم تمشي لحالك.
كان جوابي يلا بكرا انشالله.
طيب ليش لبكرا الك تلت سنين بتقول بكرا, ما صار بكرا لسى؟؟
بعدين قلتلو لحالي لك ما بدك تخلصنا من هالسيرة انت؟؟؟ تركني بقا وطلعت هالبارودة وقوصت حالي

وهيك انتهى كلشي, نهائيا.:?

يبدو هادا حال بعض من الاشخاص وطبعا أنا واحد منن بس أنا صرلي بالحالة شي 5 سنين يمكن ماعملت غير شي شغلتين تلاتة فيهن .
وهلئ طبعا نحنا شاطرين بتحديد المرض والتشخيص بس العلاج على الله , يمكن منعرفو بس مدري شلون الواحد منا اتعود على نمط حياته وحتى لوكانت مملة , شو لازم نسوي ؟
يمكن في امور عنا هي الناقصة يعني الواحد ما فينو يمشي للأمام اذا كان في شي ناقصو .
بجوز عم اتفلسف زيادة بس ارجو أن أكون واضح .
يلي بدي قولو .
ممكن الشخص اموره المادية منيحة بس ناقصو شي تاني متل الحب (وخاصة اذا مر بحالة حب فشلت) و حياة اجتماعية وعملية متل الخلق مو عم يمضي كل يوم بيومه (تجدد)و استقرار على جميع الأصعدة .
فلاش باك
22/05/2006, 10:52
اما هالشوام هبلان بشكل :p

نحنا هون ست ليلى !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
hanny dagher
22/05/2006, 11:03
نحنا هون ست ليلى !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

يا سيدي ليلى قصدا شخص محدد بذاتو واحد عرطوزي :p
اما اهل الشام البقية فعلى راسي من فوق :سوريا:
Syrian__Angel
22/05/2006, 11:31
يا سيدي ليلى قصدا شخص محدد بذاتو واحد عرطوزي

يا ويلكون من لسانو هلأ ... بكرا بينزّل خربوشة عن هالموضوع :lol:

جادو ... انا صرلي 50 سنة ... و لهلأ محلّك راوح :cry:
ابومزيد
22/05/2006, 11:37
صرلي ساعة عم اقرأردود بالاخير طلع معي ما يلي
طنش تعش تنتعش
حط بالخرج
كلو متل بعضو
يللا بعدين
هي كلها اشياء منقولها منشان ما نتغير وبس نطللع من هاي الجمل ممكن نغير ونحسن
اوقات الواحد بيبلش بالتغيير او العمل بعدين في شي جواتو بيحاول يخليه منهزم
اذا بيتجاهلو وبيكمل مشي الحال واذا لاء صار بدوامة بكرا
layla
22/05/2006, 11:44
نحنا هون ست ليلى !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
:lol: ولك ماقصديييييييييييييييييييي يي

اللي قاصدتو بيعرف حالوو
ههههههههههههههههههههههههه ياربي انا
ري مي
22/05/2006, 12:40
صرلي ساعة عم اقرأردود بالاخير طلع معي ما يلي
طنش تعش تنتعش
حط بالخرج
كلو متل بعضو
يللا بعدين
هي كلها اشياء منقولها منشان ما نتغير وبس نطللع من هاي الجمل ممكن نغير ونحسن
اوقات الواحد بيبلش بالتغيير او العمل بعدين في شي جواتو بيحاول يخليه منهزم
اذا بيتجاهلو وبيكمل مشي الحال واذا لاء صار بدوامة بكرا


كلامك 100 بال100 مظبوط وتماما هيك بيصير معي
أهم شي أنو الانسان إذا ركز بموضوع وحب يساويه يحط كل طاقتو بهالموضوع
وما يرد على أي أفكار انهزامية
وفيه شغلة الايحاء الذاتي كتير مهمة ومفيدة للانسان لحتى يعزز ثقته بأنو هوي قادر عالتغيير ورح ينجح فيه:سوريا:
فلاش باك
22/05/2006, 21:14
يا سيدي ليلى قصدا شخص محدد بذاتو واحد عرطوزي :p
اما اهل الشام البقية فعلى راسي من فوق :سوريا:

ايوه حسّبت يعني , (على طريقة أبو عنتر )
ولا يهمك بتموني
Willi
23/05/2006, 03:07
بالنسبة للشباب اللي عم ينكتو بالموضوع
يا ريت تنتقلو بالحكي على الماسنجر او على موضوع تاني
لان الموضوع هاد ابدا مو مزحة.

المهم

صرلي ساعة عم اقرأ ردود بالاخير طلع معي ما يلي
طنش تعش تنتعش
حط بالخرج
كلو متل بعضو
يللا بعدين
هي كلها اشياء منقولها منشان ما نتغير وبس نطللع من هاي الجمل ممكن نغير ونحسن
اوقات الواحد بيبلش بالتغيير او العمل بعدين في شي جواتو بيحاول يخليه منهزم
اذا بيتجاهلو وبيكمل مشي الحال واذا لاء صار بدوامة بكرا
يمكن منقولها خوفا من التغيير
ماني عم اقدر لاقي اسم تاني لرفض التغيير غير الخوف من تغيير
يعني يمكن انا كون حابب كتير اتغير بس متردد, او خايف بلش بالتغيير. غير هيك ماني عم لاقي اسباب تانية
برأيي اول خطوة هيي اصعب الشي
متى ما مشيت اول خطوة بتصير الاشياء اسهل بكتير, برأيي لازم الواحد يضل يحط حوافذ قدامو مشان ياخد هالخطوة الاولى, ويبدا بالتغيير.
Willi
23/05/2006, 03:09
كلامك 100 بال100 مظبوط وتماما هيك بيصير معي
أهم شي أنو الانسان إذا ركز بموضوع وحب يساويه يحط كل طاقتو بهالموضوع
وما يرد على أي أفكار انهزامية
وفيه شغلة الايحاء الذاتي كتير مهمة ومفيدة للانسان لحتى يعزز ثقته بأنو هوي قادر عالتغيير ورح ينجح فيه

ما بعرف بس انا ما بقدر اتخيل الانسان يبلش بشغلة وبعدين يوقف بحس هالشي هو منتهى الانهزامية
يعني بلشت بشي خلصو, او كان الافضل ما تبلش فيه بالخالص.
ري مي
23/05/2006, 15:06
شوف يا willi
شي كتير منيح أنك ما بتتخيل حالك بلشت بشغلة بدون ما تكملها يعني هي خطوة مهمة في سما التغيير اللي ناوي عليه وبصراحة لكتر ما هالموضوع شاغلني - التغييرالجذري-
مبارح هيك خطرت على بالي هالقصة اللي هي- للأمانة العلمية- مستوحاة من آخر مشهد من مسرحية شيء فاشل جدا لزياد الرحباني إذا معك وقت بتمنى تقرأها:
كان علاء الدين ماشي عالبحر وعم يحلم بالمستقبل السعيد ومن بعيد شاف شي عم يلمع
وإذ به المصباح السحري..........................
وبلا طول سيرة. قال المارد لعلاء الدين:
شوف يا سيد علاء, رح حققلك 3 أمنيات بس بالأول بدك تجاوبني على هالسؤال:
برأيك السياحي
أنا ليش بدي حققلك أمنياتك؟؟!!
هل لأنو أنا المارد السحري؟!
أم لأنو أنا مارد عادي بس المصباح المحطوط فيه سحري؟!
أم لأنو أنت مقتنع ومؤمن تماما أنو أنا قادر على تحقيق الصعب والمستحيل؟!
عمل حالو علاء الدين عم بيفكر وبعدين قال:
يمكن لكل الأسباب اللي ذكرتا.
تطلع المارد ..هيك.. بعلاء وجاوبو:
بدي قلك: أنو أنا مو مارد سحري (تفاجأ علاء)
وأنو هالمصباح مو مسحور ولا شي (هون فنجر علاء عيونو.... واستنكر)
وأنو أنت ليش ما بتآمن بنفسك...........الإنسان قادر يعمل الشي اللي بيريدو وقت اللي بدو
وإنت واحد كسول... ما بيشتغل شغلتو بوقتا.

والروتين آكلك أكل . وعم تدور حول نفسك وضيعت وقتك عالفاضي هيك.......
والعمى بقلبك ما حلك تتعلم تعيش صح.........

وبعدين تعا لهون ولاه:
صرنا بالقرن ال 21 وبعدك بتآمن بالمصباح السحري
ما بتستحي على حالك؟! بتعرف أني تعلمت أحكي 3 لغات وعم أشتغل شغلتين باليوم (وشغلة المارد هي بطلتا )
وعم مشي نص شغلي عالنت
وأنت وين بتحط حالك بين البشر؟! لسا عم تتمشى عالشط وتحلم أحلام سعيدة
أي فيق يا........ بو زهدي .......فيق.
marioma alghzayala
23/05/2006, 15:52
اييييييييييييي .. لك روح قلبي معك :cry: .. والله بعين :cry:
Willi
24/05/2006, 05:01
:shock: :shock:

شي فاخر هالقصة هاه :lol:
لعمى حتى المارد صار عالم وناس

مشكورة ام الرور :سوريا:


اييييييييييييي .. لك روح قلبي معك .. والله بعين
لا ما بعين ;-)
hanny dagher
24/05/2006, 09:41
بالنسبة للشباب اللي عم ينكتو بالموضوع
يا ريت تنتقلو بالحكي على الماسنجر او على موضوع تاني
لان الموضوع هاد ابدا مو مزحة.



:? :? :? :? :?
لاء قويان نبضك على الاخضر
مو انتي اول واحد قلبتو مزح :jakoush:
بنت الاكارم
24/05/2006, 09:49
[quote=Willi]:shock: :shock: :shock:

والله مافي حدا متل من بنت الاكارم
احسن وحدة
الله يجبر بخاطرك :سوريا:


والله خجلتني شكرا كتيير الك:سوريا:
ابومزيد
24/05/2006, 12:57
شوف يا willi
شي كتير منيح أنك ما بتتخيل حالك بلشت بشغلة بدون ما تكملها يعني هي خطوة مهمة في سما التغيير اللي ناوي عليه وبصراحة لكتر ما هالموضوع شاغلني - التغييرالجذري-
مبارح هيك خطرت على بالي هالقصة اللي هي- للأمانة العلمية- مستوحاة من آخر مشهد من مسرحية شيء فاشل جدا لزياد الرحباني إذا معك وقت بتمنى تقرأها:
كان علاء الدين ماشي عالبحر وعم يحلم بالمستقبل السعيد ومن بعيد شاف شي عم يلمع
وإذ به المصباح السحري..........................
وبلا طول سيرة. قال المارد لعلاء الدين:
شوف يا سيد علاء, رح حققلك 3 أمنيات بس بالأول بدك تجاوبني على هالسؤال:
برأيك السياحي
أنا ليش بدي حققلك أمنياتك؟؟!!
هل لأنو أنا المارد السحري؟!
أم لأنو أنا مارد عادي بس المصباح المحطوط فيه سحري؟!
أم لأنو أنت مقتنع ومؤمن تماما أنو أنا قادر على تحقيق الصعب والمستحيل؟!
عمل حالو علاء الدين عم بيفكر وبعدين قال:
يمكن لكل الأسباب اللي ذكرتا.
تطلع المارد ..هيك.. بعلاء وجاوبو:
بدي قلك: أنو أنا مو مارد سحري (تفاجأ علاء)
وأنو هالمصباح مو مسحور ولا شي (هون فنجر علاء عيونو.... واستنكر)
وأنو أنت ليش ما بتآمن بنفسك...........الإنسان قادر يعمل الشي اللي بيريدو وقت اللي بدو
وإنت واحد كسول... ما بيشتغل شغلتو بوقتا.

والروتين آكلك أكل . وعم تدور حول نفسك وضيعت وقتك عالفاضي هيك.......
والعمى بقلبك ما حلك تتعلم تعيش صح.........

وبعدين تعا لهون ولاه:
صرنا بالقرن ال 21 وبعدك بتآمن بالمصباح السحري
ما بتستحي على حالك؟! بتعرف أني تعلمت أحكي 3 لغات وعم أشتغل شغلتين باليوم (وشغلة المارد هي بطلتا )
وعم مشي نص شغلي عالنت
وأنت وين بتحط حالك بين البشر؟! لسا عم تتمشى عالشط وتحلم أحلام سعيدة
أي فيق يا........ بو زهدي .......فيق.
يحرق حريشك على هالقصة ما ضللي خواصر من الضحك
ري مي
24/05/2006, 15:23
لعيونكن والله
willi وأبو مزيد