كل الناس بتلاقي شغل و اذا ما لقيت بتشتغل أمن
بيختفي وجع الرأس عند جميع المواطنين لأنون بخافوا يستخدموا راسون
بتتفي الانفجارات السكانيي طبعا بفل أشخاص قادرين على تدمير مدن بحالهامتل ما عمل حافظ الأسد بحماه و استالين بسيبيريا
بطل في داعي تدرس 12 سنة مدرسي و 4 جامعة كل يلي عليك تعملو أنك تنتسب للحزب الحاكم
بتصير الشوارع نضيفي لأنو ما في حدا بالبلد

والله يا حسون يا ما عم تعرف شو عم تكتوب
يا مدري شو
حست شوي تانية بتدافع عن الاخوان المسلمين
حبيبي هدول الي عملوه بالبلد ما حدا عملوا
وةبيستاهلوا الي صار فيون واكتر
وهلاء بينو ع حقيقتون
بتحالوفهون مع خدام
الي قضى 30 سنة بالسلطة
راحوا تحالفوا معو
لو عندون مبداء او وطنية ما بيتحالفوا معو
بس هني غايتون السياسية والمناصب مو اكتر
ومشان التفكير
كلنا منفكر
بس بيجوز في عنا حدود كتير
وكلنا عم نحاول نلغي هالحدود
:سوريا: :سوريا: :سوريا: :سوريا: :سوريا:

حبيب أنا ما عم دافع عن حدا
أنا عم هاجم الديكتاتوريي يلي هيي نظام مرفوض سنة 2006

شو الأخ قلبو معبى عالآخر :?
بس ما لقيت شي مهم بالموضوع :?
يعني ما استفدت منو بشي ، والسطرين المكتوبين عبارة عن خيال وبلا منطق و بدون أسلوب وأهم شي أهم شي بدون زعل ;-)

أنا أكره الأخوان المسلمين وأكره اسرائيل :jakoush:

شو الأخ قلبو معبى عالآخر :?
بس ما لقيت شي مهم بالموضوع :?
يعني ما استفدت منو بشي ، والسطرين المكتوبين عبارة عن خيال وبلا منطق و بدون أسلوب وأهم شي أهم شي بدون زعل ;-)
أكيد الموضوع مو مهم لأنو هاد صارلو 40 سنة عايشين فيه ... فصار شي أعتيادي وما بنحس فيه ... لأنو تجردنا من الأحساس
بدون أسلوب يمكن .. بس بدون منطق .. أكيد بدون منطق .. لأنو المنطق ضد أنو أسرة واحدة تحكم بلد لمدة أربعين سنة

حست شوي تانية بتدافع عن الاخوان المسلمين
حبيبي هدول الي عملوه بالبلد ما حدا عملوا


ما حدا بيحب الأخوان المسلمين ... وما حدا كان ضد أخراجن من سوريا و قتلوون .. لأنو عبارة عن حثالة المجتمع .. بس اللي صار في حماه و مدن تانية بـ سوريا راح فيه أبرياء كتير كتير ... و الأسلوب اللي أتبعو الرئيس الأسد صحيح كان فعال 100% ..
بس من وراه كمان تأذى كتير بشر سوريين أبرياء

ع راسي حسون والله .. موضوع شيق

بس خيو ...

تاريخيا .. تاريخيا هاه

كان بالفعل في فوائد جمة للديكتاتورية و رح اعطيك بعض الاوجه من التاريخ

1-
بالقرن السابع قبل الميلاد، كان الصراع بين الامبراطوريتين القرطاجية السورية و الرومانية للسيطرة على المتوسط في اوجه، ظهر بقرطاجة مجموعة نادرة من القادة الاسطوريين منهم هاني بعل برقة اعظم قائد عسكري بالتاريخ، يللي قدر يهزم الرومان بعقر دارهم و حاصر روما سنوات طويلة جدا...
المهم،
وقتها قاموا الرومانيين بحل الكونغرس الروماني الاشهر و تعيين ديكتاتور لقيادتهم للنصر، نسيت اسمو بصراحة (يمكن كسينافون).
بالوقت نفسو تمسك القرطاجيين يللي هنن على مشارف اهم و اخطر حملة (حياة او موت) بيقوموا فيها بتاريخهم .. تمسكوا بالكونغرس اللي سيطر عليه تجار شافوا بالحملة خسائر مادية .. و ما انتبهوا انو حياتهم و حياة امبراطوريتهم على المحك، و تخلوا عن هاني بعل و حملتو، .. و النتيجة كانت خراب الامبراطورية القرطاجية إلى الابد، و سيطرة الرومان لاكتر من الف سنة على حوض المتوسط


2-
بعد نجاح الثورة الفرنسية بتغيير النظام الحاكم بفرنسا، و لدواعي الابقاء على نتايج ثورة الحرية و الاخاء و المساواة و حمايتها من اعداءها الملكيين، اضطر الفرنسيين إلى تنصيب القائد نابوليون بونابارت امبراطورا عليهم و حاكما مطلقا لكل فرنسا (حيث اكون انا يكون صدر المجلس.. نابوليون)
و النتيجة كانت انتشار الثورة كالنار في الهشيم في جميع اصقاع اوروبا


3-
بعد هزيمتهم النكراء بالحرب العالمية الاولى، اختار الالمان الانقياد وراء ادولف هتلر الطموح لاعادة اعمار بلادهم، و تغيير نتائج الحرب القاسية و المذلة يللي فرضت عليهم
هلأ على الرغم من هزيمتهم بالحرب العالمية التانية الاشد مرارة من الاولى، إلا انو الالمان بقيوا من اهم شعوب العالم على كافة الاصعدة، الصناعية و الثقافية و حتى السياسية، فألمانيا اليوم دولة لا يستهان بها بكافة المجالس الدولية


طبعا الدلائل لا يمكن حصرها
و يللي بدي قولو
انو الديكتاتورية ليست دائما ذات مساوئ، و كتير احيان بتكون ضرورية و مصيرية... بس....

بس دايما دايما
الديكتاتورية ضرورية لفترة زمنية محدودة، و بعد هيك.. بتصير مدمرة

بسنة 1970 .. ما كان ممكن نتخيل كيف ممكن يكون الوضع لولا وصول حافظ الاسد للسلطة بسوريا
فالنتايج يللي تحققت بوجودو بالسلطة كانت بدون شك تحول تاريخي استراتيجي بحياة سوريا و السوريين، بس بدأ هالشي يتحول لرد فعل مدمر بعد هيك ...
يكفي انو وصلت الحالة بسوريا بأواخر القرن الماضي انو يقول حافظ الاسد شخصيا لمحمود الزعبي (رئيس الوزراء السوري آنذاك) "انا على استعداد للنزول إلى الشارع مع الجماهير و التظاهر ضد حكومتك"

اليوم، نحنا السوريين بامس الحاجة لشيء من الديمقراطية
فنار الثورة الدينية المتعصبة العمياء بلشت تغلي تحت الرماد، لهاللحظة الخيوط كلها باجهزة الامن، لكن ماذا لو انفجر الوضع ؟؟؟؟

لازم ينعطى فرصة للعلمانيين
لازم يخف الخناق حول رقابهم
لازم يتم التفريق بالتعامل بينهم و بين الدينيين

فلا حياة للسوريين بدون العلمانية

فلا حياة للسوريين بدون العلمانية

يالطيف بس انا ما بأيدك شو دخل الحياة بالعلمانية و سوريا و مابعرف شو ؟؟؟؟

يالطيف بس انا ما بأيدك شو دخل الحياة بالعلمانية و سوريا و مابعرف شو ؟؟؟؟

هلأ ما بتأيدني هاد حقك، و ما حدا رح يلحقك بعصاية مشان تأيدني

بس كرمال الله أيدني

يالله مو مشكلة
ما ايدتني انت غيرك بيعملها


اما بخصوص شو دخل سوريا بالعلمانية بالحياة.. اي بقا هي بدها مجلدات لاشرحلك ياها

عموما ازا بترجع بتقرا الرد تبعي يمكن تستفيد

بالنهاية .. التكرار بيعلم الــ..... شطار

انا مع الديكتاتورية هي بتعرف ليش لانا خلصتنا منك ومن اشكالك...ولك عيتي رب الديكتاتورية.:hart: :hart: :hart: :hart:

الديكتاتورية بعمرا ماكانت الحل و لا رح تكون

انا معك حسون انو الدكتاتورية شر على المجتمعات

بس انت دايما بتنسى الاشياء الحسنة يلي عملها هاد النظام وما بتطلع الا على الجانب المظلم

من الحكم

نحنا لولا حافظ الاسد كنا حتى هلئ بحالات الانقلابات
ولولا حافظ الاسد ما كان لسوريا موقف وسيادة مهابة من الكل
واشياء كتيرة كانت لصالح سوريا

ونحنا الشعب العربي ولله ما بيلبقلو الديمقراطية

يعني شفنا الديمقراطية بلبنان شو ساوت فيهم خلتهم يدبحوا بعض

لان مافي قانون يردون عن اي فعل أو تفكير

ما بعرف اذا وصلت فكرتي او لا مع العلم انا مو ضدك بلي حكيتو

كل ما بينذكر الرئيس الراحل حافظ الأسد بقول قديش كان انسان عظيم ...قدر يعمل من سوريا دولة عظمى ( خارجياً )
وكل ما بيكون الحديث عن السيد الرئيس بشار الأسد بقول قديش نقلنا هالرجل من مرحلة التخلف إلى مرحلة حلوة ومتطورة كتير بسبب اهمال الراحل للأمور الداخلية او التعالج معها بطريقة ***

وكل ما بشوف بعض الأشكال وبعض الأقاويل بقول سوريا ما بدها غير حافظ الأسد او صدام حسين
لأنو الشعبين ما بيجو غير بالرص .... وكمان عندون شغلة مشتركة ... غير الله ... او حتى الله ما بيرضيهم

بس لا زم ما ننسى أنو مشاكل حماه كان بطلها القائد رفعت مو المرحوم حافظ

و أنا معك يا كريم لازم يكون في منفذ للحريات والديمقراطيات ... لأنو غليان الرماد رح يطلع على الوجه اذا ما زبطت الأمور ... يمكن بلشوا بهالأمور بالنسبة للأسلاميين بس لازم تكون على كل الفئات ..

سوريا غير مع العلمانية ما بتصير

انا مع الديكتاتورية هي بتعرف ليش لانا خلصتنا منك ومن اشكالك...ولك عيتي رب الديكتاتورية.
هادا من زوقك يا ............
بس انت دايما بتنسى الاشياء الحسنة يلي عملها هاد النظام
ما ليكون في أشياء منيحة عملها الأسد
نحنا لولا حافظ الاسد كنا حتى هلئ بحالات الانقلابات
ما هوي وصل عن طريق انقلاب
ولولا حافظ الاسد ما كان لسوريا موقف وسيادة مهابة من الكل
حكيك غلط
علاقاتنا الخارجيي عم تصير أسوأ مع الكل
ونحنا الشعب العربي ولله ما بيلبقلو الديمقراطية
ليش شو ناقصنا
يعني شفنا الديمقراطية بلبنان شو ساوت فيهم خلتهم يدبحوا بعض
لان مافي قانون يردون عن اي فعل أو تفكير

في فرق بين الديموقراطيي و الفلتان
هلأ هون باليونان كل مين بدو يعمل حزب بيعمل
و لما بتطلع مظاهرة الشرطة تحمي المتظاهرين
بس لما طلعت حركة 17 تشرين الثاني و بلشت تعمل اغتيالات صاروا كلون بالحبس
و لما الanarchist بيطلعوا يكسروا بصيروا كلون بالحبس
ما ننسى أنو مشاكل حماه كان بطلها القائد رفعت
.... أخت البطولي اذا هيك

.... أخت البطولي اذا هيك
(بطلها ) مش يعني العمل البطولي ... بطلها يعني فاعلها

هلأ ما بتأيدني هاد حقك، و ما حدا رح يلحقك بعصاية مشان تأيدني

بس كرمال الله أيدني

يالله مو مشكلة
ما ايدتني انت غيرك بيعملها


اما بخصوص شو دخل سوريا بالعلمانية بالحياة.. اي بقا هي بدها مجلدات لاشرحلك ياها

عموما ازا بترجع بتقرا الرد تبعي يمكن تستفيد

بالنهاية .. التكرار بيعلم الــ..... شطار

إي أنا بأيدك... شو عليه؟