امتازت اللهجة الحلبية عن غيرها من اللهجات السورية

بأنها فريدة من

نوعها ولايوجد لها مثيل على الإطلاق وإليكم بعض المفردات

شائعة الاستعمال:

عوجة--------كوع

سيوي ------دغري

أنضرة--------الكندرة

تاسومة--------السكربينة

دوينات--------كفوف

لاصطيكة-------مطاطة

مصراط -------مصاري

خوته---------معه صراع

جدبة----------مجنون

طاول طاول---------أبداً

معلاق جلق--------الغليظ

خَلْء-----------عالم

هي نكتة مرة سمعتا..

غنية قديش كان في ناس عالمفرق تنطر ناس

شلون بغنوا بحلب؟؟

إشقد كان في خَلء.. عالعوجة تنطرخلْء....هاها

خيت وخَيْتو--------يعني أختي

خايوخيو---------يعني أخي

أبويْ--------أبي

ونانتي يعني جدتي

يوم: معناهاباللغة العربية وبكل اللهجات هو ال24 ساعة

بينما باللهجة الحلبية بتجي بمعنىماما !!!!

سكرتون---------خزانة

السلاتة--------القشّاطة

السحّابة--------الدرج

خولية---------البشكير

أردغان-------هدية

مزين رجالي---------- يعني الحلاق العادي

وبتلاقي كاتبين عالمحلات يوجدلدينا (صمن) وبعد سؤال

واستفسار ببين معكن

أنو معناها خبز السمون !!

وكمان

جنق--------هي الصحن

جمجاية-------معلقة السكب

فرتيكة--------هي الشوكة








الدءماءة------مدقة التوم

الدروبُس--------البونبون إللي بتعرفوه

كما امتازت اللهجة الحلبيةبأدوات إشارة خاصة بالحلبية

يعني العرب كلهون كوم .. وهنن كوم تاني

كوهنه----------للمذكر القريب

كيهنه----------للمؤنث القريب

كوهاك----------للمذكر البعيد

كيهاك----------للمؤنث البعيد

كوهاكيي-------لجمع المذكر البعيد

كيهاكين-------لجمع المؤنث

البعيد

كوهنن--------لجمع المذكر القريب

كيهنن--------لجمع المؤنث القريب

وطبعا للسهولة في اختصارات كمان

اختصار المذكر القريب .. كو

اختصارالمؤنث القريب .. كي

من الاختصارت أيضاً

تاااا بدل من تعال

روووبدل من روح

ما راي آجي بدل من ماني جاية

استنوا لسا ماخلصت اشبكن فيكمان

بروك--------------اجلس

تشطّح:بدل من تسطّح (وما تسألوني ليش!!)

أبوس روحك : للمدح

أبوس شنقات وشك بالشلمونة : للمدح البليغ

الشنقات طبعاً هي الخدود متل ما بتعرفوا)

يبلاك بقتلك

دعاء بالقتل والضرب

إشْضاءلَّك---------يعني شو بدي قلك

عجب-----------للدهشة

كنّي-----------للاستفهام

ديه بقا-------للتأفف

أَبَوْ-----------للتفاجؤ

قديش كان في ناس

ووللدقة باللفظ يرجى لفظ ال ج : ادجه

والش : اتش

وميت السلامة والله..


ملاحظة : هذا النص كان من حلبي قح للعظم----- معتز بحلبيته:adal: :adal:

ريتا شلتي واحد وبقي التاني قولي الله :clap:

أردغان-------هدية


عفوا بس في عندك خطأنحوي
جدبة الهدية مو اردوغان, الهدية ارمغان
وبعدين في كتير كلمات حلبية ما ذكرتها
1- الأشك = احكي معاك
2-بتاتا - بطاطا
3-بشتي = بدي
4- اتورة = شوي

والعديد من المصطلحات الحلبية بس ماني متذكر

سلامة يا حمامة:سوريا:

ماحدا بيعرف يحكي متل الحلبية بعدين تلت ارباع الكلمات غلط ومالكم عرفانين شو اصلها مثلا
الخولية ماهي كلمة حلبية اصلها تركية
مدقة التوم اسمها هون
بعدين انت وين خيجج بهالزحمة
لك يوب انتو النسوان يلي عندكم لما بيتقاتلو اشو بقولو بتقلها مثلا يخرب بيتك شو انك قادرة بس نحنا بتقلها (((((يبليكي بقتلك انشاء الله الله يشلك ويطول بعمرك يبعتلك حمى وقلق سخونة بلا عرق يوم منو انت انت ام كفكير اش بدك بصير انا ام افة مخروقة اش ماحكيت منجوقة )))))))
وشغلة تانية انو اغلبية الكلمات الحلبية مشتقة من اللغة العربية الفصيحة مثلا
سكر شداقك يعني سكر تمك وباللغة العربية الفصحة بتنقال شداق
( وعفوا اذا رح احكي شي تاني)
التواليت يلي انتو بتقولو عليه هيك نحنا الحلبية الوحيدين يلي منقوله صح وباللغة العربية الفصيحة
بنقول عليه (طبعا العفو) مرحاض بلا معنى
واسفة اذا حكيت شي مابيصير اذكره
بس انا مابريد حدا يحكي على الحلبية :jakoush: :jakoush: :jakoush: :jakoush: لاني من فصط حلب يعني من نصها
ولا اشو قلتو ولي بدو يقاتل ميت السلامة
نحنا هون مشان هيك شغلات:gem: :gem: :gem: :adal: وبعرفكم عن نفسي انا من المشارقة اذا بتعرفوها هي من فصطها لحلب:adal: :adal: :adal: :adal:

بعدين اذا واحد بدو يغازل حبيبتو اشو بقلها
ياحبيبتي يااغلى الاحباب يلي طصيتك من خرم الباب ايديكي كلن قشب ووجك كلو حب شباب
شعلتي بقلبي صوبة من غير ماظوت ولما حبيتك خليتيني امشي حفيان من غير بوط

وبعرفكم عن نفسي انا من المشارقة اذا بتعرفوها هي من فصطها لحلب:adal: :adal: :adal: :adal:

على راسي حراتك خيتو, ولكان شلون ما نعرفها
وانا كمان من فصط حلب من اقيول

عفوا بس في عندك خطأنحوي
جدبة الهدية مو اردوغان, الهدية ارمغان
وبعدين في كتير كلمات حلبية ما ذكرتها
1- الأشك = احكي معاك
2-بتاتا - بطاطا
3-بشتي = بدي
4- اتورة = شوي

والعديد من المصطلحات الحلبية بس ماني متذكر

سلامة يا حمامة:سوريا:

طول بالك إذا متل ما انت بدك لازم أفتح كتاب الأسدي وأطبعه على الكومبيوتر وحتى لو عملت هيك
أكيد بدّي أنسى شي كلمة لأنو الكلمات الحلبية ما بتند
حتى الحكي اللي ديما منحكيه ما تحسب أنه عربي
نصه سرياني والبافي تركي

بعدين اذا واحد بدو يغازل حبيبتو اشو بقلها
ياحبيبتي يااغلى الاحباب يلي طصيتك من خرم الباب ايديكي كلن قشب ووجك كلو حب شباب
شعلتي بقلبي صوبة من غير ماظوت ولما حبيتك خليتيني امشي حفيان من غير بوط

وبيقدر يقول لها :
شعلتي بقلبي قظ الليله وانت أحلى من شن غليله اش بدي أقلك انا حياتي من دونك صرماية عتيقة مزتزتة متل الكلب الجربان .......

وإذا عصب : خرسي يا بنت ال......... كانت ساعة سودا يوم اللي شفتك وبا اللي طرقك على هال منظر متل إذا السعدونة نسوان آخر زمن

[quote=zekra]ماحدا بيعرف يحكي متل الحلبية بعدين تلت ارباع الكلمات غلط ومالكم عرفانين شو اصلها مثلا
الخولية ماهي كلمة حلبية اصلها تركية
مدقة التوم اسمها هون
بعدين انت وين خيجج بهالزحمة
لك يوب انتو النسوان يلي عندكم لما بيتقاتلو اشو بقولو بتقلها مثلا يخرب بيتك شو انك قادرة بس نحنا بتقلها (((((يبليكي بقتلك انشاء الله الله يشلك ويطول بعمرك يبعتلك حمى وقلق سخونة بلا عرق يوم منو انت انت ام كفكير اش بدك بصير انا ام افة مخروقة اش ماحكيت منجوقة )))))))
وشغلة تانية انو اغلبية الكلمات الحلبية مشتقة من اللغة العربية الفصيحة مثلا
سكر شداقك يعني سكر تمك وباللغة العربية الفصحة بتنقال شداق
( وعفوا اذا رح احكي شي تاني)
التواليت يلي انتو بتقولو عليه هيك نحنا الحلبية الوحيدين يلي منقوله صح وباللغة العربية الفصيحة
بنقول عليه (طبعا العفو) مرحاض بلا معنى
واسفة اذا حكيت شي مابيصير اذكره
بس انا مابريد حدا يحكي على الحلبية :jakoush: :jakoush: :jakoush: :jakoush: لاني من فصط حلب يعني من نصها
ولا اشو قلتو ولي بدو يقاتل ميت السلامة
نحنا هون مشان هيك شغلات:gem: :gem: :gem: :adal: وبعرفكم عن نفسي انا من المشارقة اذا بتعرفوها هي من فصطها لحلب:adal: :adal: :adal: :adal:[/quote

بدك تطولي بالك على شوي يللي بيسمعك كيف هجمتي على بقول كنت عبسبّك لا سمح الله
طالعطي كل حلبيتك

أنا كمان من حلب بس بحياتي ما سمعت بالمشارقة
وإذا ما نك مصدقى اسئلي على بيت الكبة وبدك تشوفي انهم من فصط حلب وانهم حلبية للعضم

بس تيني مرّة خدينا بحلمك

ولك شكرا على هالكلمات الطيبة والجميلة بس ماحدا يفهم غلط وإحنا كلنا ولاد بلد واحد ومردنا واحد وأنا من حماة يعني قريب منكن وعلى راسي كل الحلبية والشامية والحمصية واللذقية وطرطوس وديرالزور والحسكة وكمان القامشلي

ودمتم سالمين

انو اول مرة بشوف هيك موضوع صار شايفو شي خمسطعشر الف مليون مرة
وكل واحد بيكتبو بطريقة
يعني يمكن مكرر
وطولي بالك ذكرى اشبك خيتو والله ما بدها كل هل الشي كل واحد الله يخليللو لهجتو شو ما كانت تكون

انا حطيتو قبل بمرة........:?

يا عمي يا فراس عليكن اقبال شو بدك بالحكي:p

وكمان الحلبية بطاقة يا هلا شو بسموها يا حزركون

مية السلامة يوووووووب

الهيئة الكل نايم وما بحب يشارك
وإذا بده يشارك ما في غير النكد والهري:cry: :cry: :cry:

مشان هيك بقول لكل الشباب والصبايا تظ بحوا على خير (بالمقطع والموصّل )

آه جارة هل لي في لقياق جارة لقد أشعلت فسط القلب نارة

شكرا عالإفادة الحلبية

شكرا عالإفادة الحلبية


أهلين خيو :lol:

وكمان الحلبية بطاقة يا هلا شو بسموها يا حزركون

مية السلامة يوووووووب


ليش حبيبي الحكي الحلبي انت واياه مو عاجبكن اه اللي مو عاجبو اصبح مقهور منو
وكمان اللي مو عاجبو يحكي معي ويقلي لفرجي

ليش حبيبي الحكي الحلبي انت واياه مو عاجبكن اه اللي مو عاجبو اصبح مقهور منو
وكمان اللي مو عاجبو يحكي معي ويقلي لفرجي


اش بدك تفرجيه خيو :o :D :D

اش بدك تفرجيه خيو :o :D :D

ليش انت من وين
مشان اعرف اش افرجيك اه من وين

ليش انت من وين
مشان اعرف اش افرجيك اه من وين


خيو انا من فصط حلب وعلى فكرة اذا حسيت انا هو صاحب الموضوع عندك شي مشكلة :?

انت من حلب
من وين خيو من العزيزية ولا من الموكمبو اه
خيو احكي لاو انك من حلب وصح من فصط حلب مابتخلي حدا يحكي عليها مو هيك لانو كل واحد صار يحكي شي شكل ويضحك على الحكي الحلبي ةالي مو عاجبو بنطح راسو بلحيط :x :x
ولاتواخزنا خاي لانو انا فتكرتك من برات حلب :pos:

طول بالك الشباب ما حكيوا كلمة برات الطريق يعني لو كان واحد غلطان بشي حرف على أهل حلب كنت شفتني ساكت كنت ..... :jakoush:

افهمها لحالك على الطريقة الحبية :lol: :D