:jakoush: :jakoush: صحيح الريال خسر بس ما مشكلي عم نعطي باقي الفرق الفرصة للربح هاي المرة ورح نعوضة بالمرة الجاي
وبقول المتل من يضحك أولاً يبكي آخراً

أنا بعرف إنو المتل بيقول : من يضحك أخيراً يضحك كثيراً ... بس يللا .. يحق لمشجعي الريال الزعلانين ما لا يحق لغيرهم :P

يا الله .. الله بيعوض الكل .. ولكل جواد كبوة بس ريال صاير بحب الكبوات كتير .. :wink: :wink:

صحيح خسرنا وأنا ما بنكر بس نحنا منعطي معنويات لغيرنا لأنو كل فريق لازم ياخد فرصتو والريال بتفهموا هل شي لأنو قلبن كبير وكل واحد ما بحب الريال بقلو أنو لا تفرح كتير لأنو البطل أول الفلم باكل أتلي هو صحيح طلع من الفلم كلو بس رح يرجع وأقوى من الأول

يا أخي خايف هالمعنويات الزايدة تخليكن برا وهي اليوم برشلونة حصل على 3 نقط .. لحقونا اذا فيكون .. :gem: :gem:

معلش عمي كمال ...يعني أنا في شغلات بتنبلع معي و شغلات ما بتنبلع منوب....ما بقدر

وقت بكون واحد بشجع نادي متل ريال مدريد....يعني نادي مشتري كل نجوم العالم..و عندو كل مقومات الفريق المتكامل..و عندو بصفوف الاحتياط اسماء بتعمل منتخب نجوم...يعني ما عندو مشكلة لا بنقص لاعبين و لا بعدم امكانية تطبيق خطة معينة أو اي نوع من انواع المشاكل الفنية او التقنية او المادية... المفروض انو الشخص اللي بشجع هالنادي ينتظر نتائج بتتناسب مع حجم النادي و اسمو واسماء نجومو.
طيب وقت بيطلع هالنادي هو و النجوم اللي في ......متلن متل اي فريق تاني من البطولة ...يعني شي كتير عادي . انا بتوقع انو يكون الشخص اللي بشجع هالنادي قرفان من النادي و من الادارة و من اللاعبين ....لأنو انا ممكن قول برافو لباناثينايكوس اليوناني وقت بوصل للربع نهائي او النص نهائي...بس ريال مدريد و قت بيطلع قبل المبارة النهائية ما فيني قلو غير ( هــــــــــــــع :P ) .

و ما فيني قول غير انو صدق المتل القائل ( اللي كبر الحجر ما صاب )

و هارد لاك يا معلم :D

و عندو بصفوف الاحتياط اسماء بتعمل منتخب نجوم..

هاي بدنا نختلف عليها شوي لأنو يمكن الريال عندو بدلاء بالهجوم بس بالوسط والدفاع ما عندو بديل يعني بدك تقلي عندك أوين وسولاري طيب بقلك على عيني بس شو مشان باقي الإحطياط ...


انا بتوقع انو يكون الشخص اللي بشجع هالنادي قرفان من النادي و من الادارة و من اللاعبين ....

بهاي أنا معك 100% لأنو لأنو لأنو ... اي والله ما رح ينكتب معي غير المسبات عليهن لهيك بلا ما أحكي أحسن ..

وعفكرة أنا بشجع الريال من وقت كان فريق عادي نسبياً يعني من قبل ما يضم لويس فيغو ..

و ما فيني قول غير انو صدق المتل القائل ( اللي كبر الحجر ما صاب )

وفيك تقول كترة الطباخين بتحرق الطبخة

تحياتي لكل مشجعي الريال وبقلن يا شباب الله يصبرنا على رئيس النادي :evil:

تحياتي لكل مشجعي الريال وبقلن يا شباب الله يصبرنا على رئيس النادي



هون اسمحلييييييي!!!!!!!!!!!!! أيوا أنا......مشجع برشلونة بدو يحكي....
أول شي تحياتي زعيم أنمار....ومبروك عالفوز الصاعق تبع امبارح عالخيتافي....لاتزعل عم بمزح.
أول شي ريال مدريد عمرو ما كان عادي....باسبانيا ريال مدريد بيمتل الفخامة , الارستقراطية , الملكية, وحتى ممكن أنو يمثل الشعور القومي الاسباني....عكس برشلونة تماما اللي يمثل الشعور الانفصالي و التمرد على اسبانيا.....على كل راح انزل موضوع هاليومين بالسفراء و بحكيلك ليش عم بيصير هيك...
الرئيس الحالي لريال مدريد , بصراحة ما بحبو, بس لازم نعترف أنو بيشتغل صح...لما استلم الادارة كان الريال غارق بالديون....وهوي صلح الوضع....الزلمةما عم بيشتغل غلط....اداريا و اقتصاديا....الزلمة عم بيجيب المع الأسامي عالفريق...مافي نجم ما اشتراه....المشكلة رياضية بحتة....حرام بنحط الحق عليه

يا أخي خلاصة الحكي برشلونة وبس .. ولكل مشجعي ريال .. hard luck .. :pos: :pos:

أول شي ريال مدريد عمرو ما كان عادي....

لاء بدي أزعل منك تذكر قبل ما يجي لويس فيغو عالريال كيف كان النادي ... يعني أكيد ما كان عادي بس أقل شي ما كان لعيبتو سوبر سوبر سوبر ستار متل هلأ وهاد قصدي بكلمة عادي ..

بعدين يا أخي مشان رئيس النادي أنا معك أنو خلص النادي من الديون بس وقت خلصت الديون المادية وباستمرارو بشراء اللاعبين السوبر ستار ترتب ديون رياضية كبيرة عالنادي ..
يعني مثلاً كيف بدنا نعوض غياب ماكيليلي اللي فجأة ما لقى مكان لحالو بالفريق الأساسي بسس النجوم ؟؟؟؟
و وين ماكمانامن و وين ووين .....

يعني رئيس النادي رجع كرر غلطة نادي انتر ميلان بايطاليا وقت جمعو كل النجوم بعد كأس العالم 98 ولاقو نفس النتيجة الفاشلة اللي عم نلاقيها ...

وتحياتي لكل محبي برشلونة :hart:

إلى كل الشباب صحيح الريال متراجع كتير وهادا شي ملحوظ بس في مشاكل بالفريق ما عم تخلي الاعبين يعطوا كل امكانياتن مثلاً لما دخل سولاري الهدف على خيتافي ما حدي اجى الو برافو أو حكوا شي كلمي يعني ناقص لفريق الريال روح الفريق وبس ترجع هل روح رح يكتسحوا الدني
ورح قول أحلى تحية لبرشلونة يا أخي فريق معتبر

خير انشا الله .. على كلن الأيام بتبين كل شي .. مع أنو مبين :o :o :o