اي انا عربـــــــــــــــــــــــــــــــــي [الأرشيـــــف]

عرض كامل الموضوع : اي انا عربــــــــــــــــــــــ ـــــــــــي

صفحات : [1] 2

ملك الهكرز

09/05/2006, 02:49

انا عربي ...
اي اي انا عربي ..

وبما اني عربي ..... فما حدا بياخد رايي

لهيك شفت احسن شي اسال حالي وجاوب لحالي ...
يمكن .... يمكن .... حس ولو للحظة اني انسان .. الي قيمتي .. وجودي بهالحياة الو معنى ...
يمكن حس - لاول مرة - انو حدا عم يسمع رايي ... مع اني متاكد انو ما حدا عم يسمعو ...
بس رح جرب ... لانو متل ما بيقولوا ..... الامل بيضل موجود

انتا عربي ؟ اي انا عربي

وبتفخر انك عربي ؟ ما بعرف ... هيك بيعلمونا بالمدرسة
طيب احكيلي عن حياتك ؟؟؟ عااااااااااايش .... من قلة الموت

طيب ليش شو في عندك مشاكل ؟؟؟ ابدا ... بس شوية مشاكل عائلية .... بين بوش وميليس .. وباقي الشباب

طيب والراتب عم يكفيك ؟ اي منقول الحمد لله ... يعني هو بيكفيني لخمسة الشهر .. بس متل ما بيقولولي رفاقي انو انا كريم زيادة ... لانو هنن بيكفيهم الراتب لعشرة الشهر ... بس يا جماعة والله انا ما بصرف كتير .. بس يمكن سندويشة الفلافل اللي عم اشتريها كل يوم انا وراجع على بيتي هيي السبب ... خلص رح بطل عشا .. بلاه .. اصلا متل ما بيقولوا ... انو الواحد ينام بلا عشا بيكون احسن

طيب اذا الراتب ما بيكفيك ؟ ليش ساكت ؟ لك هسسسسسسسسسس اسكت لا تفضحنا

طيب والحرية ؟؟؟ سمعان هالكلمة ... بس وين ما بئا بذكر ... يمكن عند بياع اليانصيب
خاطرك مكسور ؟؟ لا مو مكسور ... محطم
وعليك ديون ؟ غرقاااااااااااااان

طيب انتا بتدفع رشوة ؟ لك اي بدفع ورجلي فوق راسي كمان
طيب خلينا نغير الموضوع ...
شو رايك بالوحدة العربية ؟؟ والله ما بعرف ... عندنا بالمدرسة بيقول المدرب : اهدافنا .. فكل الطلاب بيردوا بصوت واحد : وحدة حرية اشتراكية .. وكانهم عم يدوروا على شي ضايع ؟ او عم ينادولوا بلكي بيرد ..

والتضامن العربي ؟ ... متل تضامن ولاد حارتنا .. مع ولاد الحارة اللي جنبنا ... خاصة بعد ما نلعب المباراة النهائية بين الحارات
طيب والحكومات العربية ؟ متعاونة لابعد الحدود .... بس مع مين ؟ ما بعرف !!! يمكن انتوا بتعرفوا

طيب والشعب العربي ؟ بدو يعييييييييييييش ... ومتل ما بتقول هيفا ( تقبر قلبي ) : بدي عيش ... اتركوني عيش حياتي
طيب وانتا رضيان بهالوضع ؟ لا

على سيرة ( لا ) شو رايك بكلمة (لا) ؟؟ قليلة الاستخدام .. وتكاد تكون معدومة
طيب لكن اتحرك .. اعمل شي ... لا تضل بمكانك ؟ شو يعني !!!! اشتغل رقاصة !!!!- لو كان فيي كنت اشتغلت -

طيب وشو رايك باغتيال الحريري ؟ يا اخي المنطق بيقول ...انو اذا اغتيل شخص ... لازم يغتال الشعب كلو معو !!!! هيك المنطق يعني
طيب وشو رايك بتعاون سوريا مع لجنة التحقيق ؟ غير كافي ... لانو ميليس طلب من سوريا ابريق شاي ... بس سورية قالتلو مشغولة هلا بعملك هيي بعدين ... اذا فسوريا غير متعاونة مع لجنة التحقيق

طيب والبلاد العربية ما عم تساعد سوريا ؟ اي متل العادة ... بكل ما اوتيت من قوة

والتاريخ العربي ؟ انا بعرف صلاح الدين ونور الدين ... وكتير قواد تانين كانوا رائعين في تاريخنا ... هيك مكتوب بكتب التاريخ عندنا بالمدرسة .. بس ليك .. اذا بدك ببيعك كتابي التاريخ بسندويشة فلافل ... لانو وحياة عينك جوعاااااااااااااااااااان
لك شبك انتا لازم تفتخر بتاريخك العربي المشرف .. ليسش ما عم تفتخر ؟ له له له شو ما عم افتخر انا اللي عم افتخر ... بس المشكلة .. انو التاريخ ما بيطعمي خبز ... والمشكلة انو الحاضر بيخجل ... كتييييييييييييييييييييييي يييييييييييييييير ...

طيب وجامعة الدول العربية ؟ اجتمعوا اعضائها واستنكروا واستهجنوا واستطردوا و رفضوا .... و اعلنوا ....... عن رفضهم للسياسة الامريكية والاسرائيلية
... وعملوا صندوق تبرعات ... مشان بناء نادي للديسكو في دبي .. لانو الشعب مالل !!!

طيب وليش عم تضل حاطط راسك بالارض انتا وعم تحكيني ؟ هيك تعودت .. بخاف ..
وليش صوتك واطي ؟ هيك عودوني ...

وليش شعرك منكوش وبنطلونك خربان .. وقميصك مخزوق ؟؟؟ هه ..... هيك الموضة ... لانو انا بحب امشي عالموضة
طيب وبرايك مين احسن العرب ولا الاوروبيين ؟ لا طبعا العرب .. لانو العرب برعوا (( فعل ماضي مبني على الضمة لاتصاله بواو الجماعة )) في الطب والفلسفة والجغرافية والعلوم والادب ... واخترعو (( نفس اعراب الكلمة اللي قبلها )) الاسطرلاب الدقيق .. والابجدية .. وكتير شغلات طيب وشو عملوا العرب بالوقت الحاضر ؟ .....................

طيب وشو رح يعملوا بالمستقبل ؟ .........

طيب طيب منغير الموضوع كمان :

انتا ما عندك سيارة ؟ لا ... لانو انا من هواة رياضة المشي .... بعدين السيارة بتلوث البيئة .. وانا من انصار الحفاظ على البيئة
والموبايل ؟ نوكيا 6600 وقريبا رح اشتري 6680 ونازل موديل جديد كتير حلو ... بس غالي

والشغل ؟ واقف

والولاد ؟ جوعانين

والبيت ؟ فاضي

والوطن ؟ نايم

وترابو ؟ نحنا بلطنا البيت
وسما الوطن ؟ غطتها دخنة السيارات

والامية ؟ هه ... تم القضاء عليها

والجهل ؟ الله يرحمو

والتخلف ؟ راح مشوار

طيب لكن ليش انتا عايش ؟ تكملة عدد ... واحيانا بساعد الماما باعمال المنزل ... يعني وجودي بهالحياة محوري

وانسانيتك ؟ مو مشكلة ... الانسان حيوان ناطق .. يعني ما في فرق غير بهالسان .. ولسان .. ما في

وبنت الجيران ؟ بتحب جاد شويري

وابن الجيران ؟ بيحب بنت الجيران ... بس بنت الجيران بتحب جاد شويري

وبنايتكم ؟ رح توقع

وجيرانكم ؟ عم يحضروا المسلسل اليومي

والبنات بالمشروع ؟ لبسون اخر موضة

وسندويشة الفلافل ؟ ملت مني .. كرهتني .. مع اني انا بحبها

والجزيرة الفضائية ؟ بيضل جارنا بيتفرج عليها ... وبعد كل ساعتين فرجة ... مناخدو عالمشفى

وانتا ؟ ولا شي

انتا ... شو انتا ؟ قلتلك ولا شي .... ولا قلك ... انا عربي

ومتل ما بيعلمونا بالمدرسة : انا عربي انا لقب ....... بلا اسم
عفوا غلطت : انا عربي ... انا اسم بلا لقب .....

Syrian__Angel

09/05/2006, 03:11

والله شي بيأسّي :pos:

سرسورة

09/05/2006, 17:11

بيأسي و بيخجل......ياللأسف:pos:

العاشق مننا

09/05/2006, 17:30

موضوع رائع

وكل شي حكيتو صح

ومتل ما قالوا شي بيخجل

tiger

09/05/2006, 17:43

منيح ماني عربي :gem: :gem: :clap: :clap: :king: :king:

كسار الروس

09/05/2006, 18:57

منيح ماني عربي :gem: :gem: :clap: :clap: :king: :king:
أرمني ؟؟؟

tiger

09/05/2006, 19:02

أرمني ؟؟؟
لأ مو أرمني .... أنا سوري ;-)

YaSeR

09/05/2006, 19:07

للاسف انو اغلب كلامو صحيح

موضوع كتييير حلوو

مشكوور

كسار الروس

09/05/2006, 19:11

لأ مو أرمني .... أنا سوري ;-)
بحترم وجهة نظرك :سوريا:
ومعك كل الحق تتبرى من العروبة لأنها بتخزي و بتخري :jakoush:
تفيه عالعروبة :lol:

ma7aba

09/05/2006, 19:54

انا سوري وماني عربي بس للأسف نفس الوضع يعني لا راحت و اجت

MR.SAMO

09/05/2006, 20:25

تيتي تيتي متل مارحتي متل ماجيتي

Red_eye

09/05/2006, 20:49

لك شبنا عايشين عم ناكل ونشرب ون..را:cry: :(

كسار الروس

09/05/2006, 20:51

لك شبنا عايشين عم ناكل ونشرب ون..را:cry: :(
والله بهي صدقت :lol:

Barleb

09/05/2006, 22:24

الحمد لله ماني عربي ,,
الحمد لله ما تعربت ولا رح أتعرب ,,
الحمد لله أنا سوري
االحمد لله انا سرياني
بس أكبر الحمد لله ماني عربي .....

هنـــادي

10/05/2006, 23:49

موضوع بحزّن فعلاً :cry:

chefadi

11/05/2006, 02:33

طيب و الحــــــــــــــــــــــ ـــــــــــــــــــــــــ ـــــــــــــــل

Barleb

11/05/2006, 02:35

الثورة هي الحل (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

chefadi

11/05/2006, 02:41

الثورة هي الحل (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

يا أخي الثورة هي الحل ما اختلفنا
بس مين بدو يعمل ثورة ؟؟؟
الناس اللي مو لاقيين ياكلو ولا الناس اللي بيقولوا : الحمد لله عايشين عم ناكل و نشرب

Barleb

11/05/2006, 02:58

الثورة ما بدها أكل و شرب بقدر ما بدها أرادة و تصميم و تنظيم

((الثورة قوية كالفولاذ، حمراء كالجمر، باقية كالسنديان، عميقة كحبنا الوحشي للوطن..))

chefadi

11/05/2006, 03:03

الثورة ما بدها أكل و شرب بقدر ما بدها أرادة و تصميم و تنظيم

((الثورة قوية كالفولاذ، حمراء كالجمر، باقية كالسنديان، عميقة كحبنا الوحشي للوطن..))

انا معك مية بالمية بس برجع بقلك الجوعان مابيشوف قدامو غير رغيف الخبز
و انا برايي اهم شي لتعمل ثورة هو الثقافة ......
طبعا مو ثقافة روتانا و هيفا و نانسي

كسار الروس

11/05/2006, 13:39

الثورة ما بدها أكل و شرب بقدر ما بدها أرادة و تصميم و تنظيم

((الثورة قوية كالفولاذ، حمراء كالجمر، باقية كالسنديان، عميقة كحبنا الوحشي للوطن..))
:lol: :lol: :lol:
شعبنا جوعان أكل بس شبعان شعارات :jakoush:
بقى يستر عرضك خففلي حماسك وما تنحميء :سوريا:

javarmouna

11/05/2006, 14:37

ومعك كل الحق تتبرى من العروبة لأنها بتخزي

بتخزي وبتقرف كمان
اول مرة بينطرح موضوع يتفق فيه جميع اعضاء المنتدى

شكرا للعروبة المقرفة التي وحدت افكارنا في موضوع معين:pos:

MR.SAMO

11/05/2006, 14:40

بتخزي وبتقرف كمان
اول مرة بينطرح موضوع يتفق فيه جميع اعضاء المنتدى

شكرا للعروبة المقرفة التي وحدت افكارنا في موضوع معين:pos:
بشرفي معك حق
تحياتي

المجاهد في سبيل الله

11/05/2006, 15:31

حكي صحيح..

لكن بدي أسأل سؤال..ليش ماكان هالذل للعرب في عصر الحضارة الإسلامية؟
وكانت أوربا في عصورها المظلمة...؟؟
أي بلد أو دولة تتخلى عن دينها بما يحمل من مبادئ ...أكيد بتنذل ...ولكن لما تتمسك بدينها وتعتز به بيصير العكس..يعني هي إيران..كيف تطورت في مجال التكنلوجيا(النووي)..
وتحدت أمريكا:jakoush: بغض النظر عن مذهبها
لكن أنا بفتخر أني عربي مسلم..ولله الحمد..:سوريا:

(نحن قوم أعزنا الله بالإسلام فاذا أبتغينا العزة بغيره أذلنا الله)
(تتداعي عليكم الأمم كما تتداعى الأكلة الي قصعتها قالوا أمن قلة نحن يومئذ يارسول الله؟قال:لا بل كثيرون.. ولكنكم غثاء كغثاء السيل)

Barleb

11/05/2006, 16:02

سبحان الله كيف المواضيع عم تنقلب دينية ....

بعدين السعودية مو متمسكة بـدينها ؟؟ ليش ما عم تساوي وحدة مع أهل الخليج و العرب ؟

بعدين بدك تجي تقنعني أنو أمريكا متمسكة بـدينها ؟ مو ليكون في بـ الأول دين الها ؟

javarmouna

11/05/2006, 16:11

لكن أنا بفتخر أني عربي مسلم..ولله الحمد..:سوريا:
)

بالنسبة لي انا افتخر كوني مسلم
ولكن بصراحة والله لو خيروني ان اكون مسلم عربي او مسلم اوربي او امريكي او حتى كوري شمالي, اقسم بالله لأختار اي من هذه الجنسيات مفضلا ان اكون عربي

Barleb

11/05/2006, 16:14

:lol: :lol: :lol:
شعبنا جوعان أكل بس شبعان شعارات :jakoush:

شبعان شعارات تبع بالروح بالدم نفديك يا بطيخ ....
شبعان أكل هوا و فساد ....
شبعان أكل خرا من أبو مكنى ...
شبعان شغل حمير ...
بس جوعان ... و عطشان ... لـ

حرية ... أستقرار ... أمن ... ديمقراطية ... تفاهم .... تعاون

javarmouna

11/05/2006, 16:20

يعطيكم العافية شباب ... الموضوع انضرب وبلشت العلاقات

tiger

11/05/2006, 16:57

شبعان شعارات تبع بالروح بالدم نفديك يا بطيخ ....
شبعان أكل هوا و فساد ....
شبعان أكل خرا من أبو مكنى ...
شبعان شغل حمير ...
بس جوعان ... و عطشان ... لـ

حرية ... أستقرار ... أمن ... ديمقراطية ... تفاهم .... تعاون

يعني بشرفي يوم ورا يوم عم يزداد اعجابي بحكيك ..
بظن انو انت لخصت كل مشاكلنا ب 6 أسطر....
تحياتي الك :سوريا: :سوريا:

tiger

11/05/2006, 17:01

أي بلد أو دولة تتخلى عن دينها بما يحمل من مبادئ ...أكيد بتنذل ...ولكن لما تتمسك بدينها وتعتز به بيصير العكس..يعني هي إيران..كيف تطورت في مجال التكنلوجيا(النووي)..
وتحدت أمريكا:jakoush: بغض النظر عن مذهبها

هلا من كل عقلك ايران تطورت نوويا لأنو متمسكة بدينها.... :shock: :shock: :?
ضحكتني والله. :lol: :lol: :lol:

Barleb

11/05/2006, 17:17

يعني بشرفي يوم ورا يوم عم يزداد اعجابي بحكيك ..
بظن انو انت لخصت كل مشاكلنا ب 6 أسطر....
تحياتي الك :سوريا: :سوريا:

لك هدول قطرة من غيث .... لك لا 6 أسطر ولا مية دفتر بيكفو مشاكلنا و همومنا

اخخ .. خليا جوا تجرح ...:( :(

javarmouna

11/05/2006, 17:24

شباب الله يستركم ما بدنا نضحك على بعضنا
وضعنا كعرب متل الزفت وابشع من البشاعة نفسها
يكفي ان هم الشاب العربي هو الحصول على سكن ولو حتى بالأجار وان يتزوج, وهذه الهموم الغرب نسيوها من الف سنة
يكفي الواحد فينا جوعان وعايف سماه ومو لاقي شغلة تكفيه انو يعيش عيشة تحت الوسط حتى
يكفي اننا ندرس 17 سنة على ما فيش
يكفي انو ما عندنا كرامة
يكفي صرنا اذل امة وما في احد يحترمنا او حتى ما يستضعفنا
يكفيني انني احب فتاة من سنوات طويلة وغير قادر على الزواج بها لقلة المادة والعادات البالية التعسة
يكفي اني اعيش على هلحالة الصعبة والله ياخذني لعندو وارتاح
لأنو الحياة عند رب العالمين خير وابقى من هذه الحياة البشعة
والله يكون في عون كل الشباب العربي المسكين
ولا احد يجامل ويقول افتخر انني عربي
لأنو الوضع ما بيستحمل المجاملة ومتل ما بقولو طفح الكيل حتى غرقنا

javarmouna

11/05/2006, 17:26

لك هدول قطرة من غيث .... لك لا 6 أسطر ولا مية دفتر بيكفو مشاكلنا و همومنا

اخخ .. خليا جوا تجرح ...:( :(

هي اول مرة اتفق معك على رأي
معاك ومعاك للموت كمان
اخخ بس:pos:

butterfly

11/05/2006, 19:29

وجعني راسي من النق ...
لك شوبكون ... الكل عندو شكوى ...
وواحد راح بأحلامو الوردية وبديت الشعارات الثورية اللي بتضر أكتر مما بتنفع ...
ما عدا اللي تبرو ولاقو انتماء اخر ..
الوضع سيء .. برافو .. :clap: استنتاج كتير خطير
بس إذا الشبيبة انهزامية ونقاقة لهالدرجة ... فما عجب أنو الوضع هيك
خلونا من الثورات باستخدام الكيبورد ... والزلوميات اللي ما هون مكانا ...
كل واحد يقلي هوي شو عمل ... على مستوى ذاتو ليكون هوي شخص أفضل ... ليخلق من محيطه محيط أفضل ...
لك طلعوا اللي هني مثقفين المنتدى لسى دايرين من موضوع لتاني عم يتخانقوا حول الدين وبوش لازم نكرهو أو منكره بن لادن .. ومنقاطع لورباك ولا منستعمل فيتا ؟؟؟
حوار ما عنا
احترام ما عنا
اختلاف ما عنا
قدسية للأنسان ما عنا
عنا نق
عنا خلاف
عنا شعارات
عنا ناس شبه مستنسخة عن بعض
وقرب قرب ... فيك تبيع الوطنيات...
وتسب البلد ( طبعا زلومية من عبر القارات ... )
وفيك تعارض ..
أو فيك تكون مع الحكم وتخون اللي ضدو ...
بس كلو هادا كلام ... والكلام ببلاش
أنا عني ... أوكي العروبة ؟؟؟ شو يعني بالله ؟؟
معقول أنا بهالعصر لازم كون فخورة بنسبي ؟؟؟ أو لازم كون فخورة بقبيلتي ... :shock:
أنا بفخر بشو أنا ... وبحاول بدل ما العن الظلام أشعل شمعة

الاتحاد الحلبي

11/05/2006, 19:37

مجمل المعنى :

((نحن قوم اعزنا الله بالأسلام , وأن أردنا العزة بغير الاسلام أذلنا الله))

الاتحاد الحلبي

11/05/2006, 19:40

Barleb

11/05/2006, 20:29

خلونا من الثورات باستخدام الكيبورد ... والزلوميات اللي ما هون مكانا ...

لأ و أنت الصادق هون أظبط مكان لـ ألها ... هون من منبر أخوية الحر ...
المنبر اللي طالع شباب مثقفين و و اعيين ... المنبر اللي طللع شباب خايفين على مصلحة الوطن ...
اللي طلع طارق و حسام و علي و دياب ... و رح يضل يطلع شباب خايفين على سوريا ..
المنبر اللي منو أنطلق شباب خوفو المخابرات الجوية ببساططون .. اللي قامت الدنية و ما قعدت مشان شوية حكي عـ الفساد اللي صار بـ البلد ..
مو عيب أبداً وحد يقوم بـ ثورة و يرفع شعار حتى لو من ورا الكيبورد .
ليش لو كان معي أكتر من حق باكيت دخان كان شفتني هون ؟ ؟
لو بيطلع بـ أيدي كنت رح امسك خيزران و أفلت بـ هل ولادين الحرام اللي عم يخربو سوريا ...
لا يا أستاز .. مو عيب قوم بـ ثورة من وراالكيبورد ,,, بس العيب شوف الوطن كل مالو عم يتراجع و ضل ساكت

و رجاءً لا تبلش تدخل الدين بـ النص ... مو ناقصين أبداً

كسار الروس

11/05/2006, 22:13

مجمل المعنى :

((نحن قوم اعزنا الله بالأسلام , وأن أردنا العزة بغير الاسلام أذلنا الله))

ما فهمت قصدك معلم :?

الحمدلله على اننا عرب ومسلمين كمان

((الحمدلله على نعمة الاسلام وكفا بها نعمة ))

وهي كمان ما فهمتا ;-)

يعني شو نظرتك للقوم اللي مانن مسلمين
بدي أعرف إنت قاصد تهاجم غير المسلمين أو لاء ؟

امرأة من ورق

12/05/2006, 06:24

[quote=المجاهد في سبيل الله]

لكن بدي أسأل سؤال..ليش ماكان هالذل للعرب في عصر الحضارة الإسلامية؟

quote]

:?
يمكن لانو الاسلام نزل لهداك العصر مو لهاد العصر ....... يعني مو معقول نضل متعلقين بنفس الفكر ل 14 قرن يعني كل العالم بيتطور وبيتغير ونحنا لسه متمسكين بنفس الأفكار ونفس العادات
وانا ماعم هاجم الاسلام بس يعني انو الواحد يترك الدين لحياتو الروحية ويمشي مع التطور والعلم الحالي

ويسلم تمك ملك الهكرجية حطيت ايدك عالوجع او بالاصح عالاوجاع :سوريا:

javarmouna

12/05/2006, 14:47

quote]

يمكن لانو الاسلام نزل لهداك العصر مو لهاد العصر ....... يعني مو معقول نضل متعلقين بنفس الفكر ل 14 قرن يعني كل العالم بيتطور وبيتغير ونحنا لسه متمسكين بنفس الأفكار ونفس العادات

[/quote]

أكره اني احول الموضوع لنقاش ديني
ولكن يا صديقتي الأسلام خلق لكل عصر ومكان,حيوي وقابل للتطور
المهم هذا مو حديثنا, مشكلتنا مو بالأسلام, مشكلتنا في انفسنا وتخلفنا, واننا شعب طفيلي مستهلك وغير قابل على التطور او الأبداع

كسار الروس

12/05/2006, 16:46

مشكلتنا في انفسنا وتخلفنا, واننا شعب طفيلي مستهلك وغير قابل على التطور او الأبداع
هاد الكلام صح 100 % ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بس حدا جرب يسأل حالو ليش؟
طيب مو شغلة بتحط العقل بالكف :jakoush:
أول دولة على حدودنا "تركيا" قدرت تصير من الدول الكبرى بالعالم "بحلفها مع أميريكا"
والتانية "إيران" عم تتحدى العالم كلو لتوصل لأرقى تقنية بالعالم
طيب شو ناقص العرب :pos:

javarmouna

12/05/2006, 16:57

طيب شو ناقص العرب :pos:

شوية حرية,شوية كرامة

كسار الروس

12/05/2006, 18:39

شوية حرية,شوية كرامة
و الله يا معلم يمكن معك حق بالتانية بس لأنها الطريق للأولى
لأنو لو عندن كرامة ما كانوا صبروا على الإستعباد للأسف

butterfly

12/05/2006, 21:25

لأ و أنت الصادقة هون أظبط مكان لـ ألها ... هون من منبر أخوية الحر ...
المنبر اللي طالع شباب مثقفين و و اعيين ... المنبر اللي طللع شباب خايفين على مصلحة الوطن ...
اللي طلع طارق و حسام و علي و دياب ... و رح يضل يطلع شباب خايفين على سوريا ..
المنبر اللي منو أنطلق شباب خوفو المخابرات الجوية ببساططون .. اللي قامت الدنية و ما قعدت مشان شوية حكي عـ الفساد اللي صار بـ البلد ..
مو عيب أبداً وحد يقوم بـ ثورة و يرفع شعار حتى لو من ورا الكيبورد .ليش لو كان معي أكتر من حق باكيت دخان كان شفتيني هون ؟ ؟لا يا أستاز :jakoush: :jakoush: :jakoush: أنسة ... .. مو عيب قوم بـ ثورة من وراالكيبورد ,,, بس العيب شوف الوطن كل مالو عم يتراجع و ضل ساكت
واو ... شعارات .. بعتذر انا ما بحبذ الكلام الكبير والأحلام الكبيرة .. أنا بحلم بتغيير عقدي ... فبحاول ابدا انو كون أكتر أنسانية ... أكتر وطنية ( مع أنو هاللقب مو كتير بهضمو ) .. بحاول من نفسي ...
لأنو ما بأمن أنو التغيير بيجي فرض .. أنا ما كتير بهلل للثورات .. بتعمل زوبعة بالأخر بتحدث تغيير .ما بيدوم ... وبيصير الوضع فوضى

لو بيطلع بـ أيدي كنت رح امسك خيزران و أفلت بـ هل ولادين الحرام اللي عم يخربو سوريا ...

ما بظن أنو العنف حل ...

و رجاءً لا تبلش تدخل الدين بـ النص ... مو ناقصين أبداً

والله أنا ما حكيت شي :cry: :cry:

الاتحاد الحلبي

12/05/2006, 22:51

ما فهمت قصدك معلم :?

وهي كمان ما فهمتا ;-)

يعني شو نظرتك للقوم اللي مانن مسلمين
بدي أعرف إنت قاصد تهاجم غير المسلمين أو لاء ؟

ليش مافهمت بالله شو فيزيا الشغلة :shock:

اولا: نحن العرب كنا في جاهلية وظلااااااااام لحد ما أجت الدعوة الاسلامية وطلعتنا من الظلام للنور

ثانيا: انا مابخصني بغير المسلمين
وشوووووو نظرتي الن هي شغلة مي شغلتك وبعدين هنن حرين انا علي من حالي

وبالنسبة للي كتبتو انا قاصد في امة المسلمين فقط
ومالي شغل بغيري وانا قصدي انو امتنا الاسلامية لن تنهض الا بالاسلام

اذا بدك تعرف اذا انا قاصد هاجم غير المسلمين فرجاع وطلع على الرد اللي كتبنو بتعرف شووووو قصدت

krimbow

12/05/2006, 23:01

وبالنسبة للي كتبتو انا قاصد في امة المسلمين فقط

ايوا....

قول هيك من الاول

خيال علمي يعني

الاتحاد الحلبي

12/05/2006, 23:06

ايوا....

قول هيك من الاول

خيال علمي يعني

ليش كمان شاكك بحالك انت التاني متل صاحبك ;-) ;-) ;-)

شووووووو كل ما واحد بحكي كلمة بهالمنتدى الناس بتشك بحالا ;-)

Tears_Castle

12/05/2006, 23:08

ايه سيدي انا عربي ...

toocoolfriend

12/05/2006, 23:29

شوية حرية
لا حرية ولا شي
هاي عنا حرية هون وكل كم يوم مننزل منسبسب للحكومة وللبلد ومنحكي مع هالمسائيل بس بدنا وقنعونا انو نحنا مش عرب ونحنا سريان وما بعرف شو

بس شو النتيجة؟؟ الخلافات السياسية عم تاكل من لحمنا ونحنا مش ملاقيين ناكل
الخلافات التي تنهش من لحم العرب.. منذ أن كان العرب

krimbow

12/05/2006, 23:31

ليش كمان شاكك بحالك انت التاني متل صاحبك ;-) ;-) ;-)

شووووووو كل ما واحد بحكي كلمة بهالمنتدى الناس بتشك بحالا ;-)

لكان شو اسمو منتدى تفاعلي؟؟؟

ما المطلوب انو الناس تشك كل ما حدا كتب كلمة