-
دخول

عرض كامل الموضوع : دعونا نعمل مقارنة صغيرة من وراها سؤال كبير

hanny dagher
02/05/2006, 11:59
كيف الشباب
الموضوع ضخم شوي بجوز ياخد وقت بالقراي بجوز لاء بجوز تلاقو مفشكل بس عادي عم اكتبو وحدة بالليل وبدون تحضير مسبق يعني في براسي افكار ورح حاول صيغا بطريقة مفهومة
الموضوع بكل بساطة هوي مقارنة بين سوريا وامريكا من ناحية المعيشة طبعا بما اني انا شفت التنتين
رجاء حار من الكل عدم الخروج عن الموضوع اي خروج او نقاشات داخل الموضوع رح اطلب من المشرف انو يحزفا ويزيد تنبيه بس على القليلة احتراما اني تعبت بكتابتا اتفقنا ؟ يا الله

تبدأ الطائرة بالهبوط تشعر بشعور رائع لا يوصف مع رعشة تنتاب جسدك كله وتبدأ بالتساؤل من سيكون في استقبالي في المطار ؟ هل سيعجبني الوضع ؟ هل سأتأقلم معه ؟ واسئلة غيرها وغيرها تدور براسك دون اجابة محددة
بتنزل من الطيارة يا معلم عم تجوح كلك سوا اي شو عشر ساعات قاعد بمقعد صغير وخصوصي اذا اجريك طوال (متل اجريي ) بتكمل معك وكمان اذا بتكون شنطة الايد معك تقيلة احليين
المهم بتنزل من الطيارة على المدرج بتفوت على المطار بتلاقي في كزا بوليس مان قاعدين وعم يشوفو جواز السفر لكل واحد
طيب هون وانتي بهالمرحلة هاي بيبلش يفرق عليك الوضع لما بتشوف العالم واقفة بانتظام وكل واحد بدورو ولما بيقرب لعند الشرطي بيعاملو الشرطي بكل احترام مع ابتسامة وضحكة ومزحة
حتى لو ما كنت بتفهم انكليزي بس المهم لما بتشوفو عم يضحك بينشرح قلبك وبتتذكر ايام الفحص الطبي للعسكرية بتتذكر كم بكس وكم رفسة وكم كف اكلت من هالعالم اللي جاي تعمل الفحص واللي بتطحش على الباب متل الدواب بتتذكر كم زنار وكم عصاي اكلت من الضابط اللي واقف على الباب وكم مزحة مزح معك وقلك رجاع يا حمار او يا دب وكم مرة تقل معك بالحكي
وبتقول وين كنا ووين صرنا ؟
بتخلص من الشرطة وبتقطع هون اذا كنت جاي هجرة (متل حكايتي ) بيستقبلك واحد وبياخدك على غرفة تانية بتقعد فيا بياخدو منك وراق الهجرة وانتي بتقعد بيصيحولك تعى وقع بتوقع وبترجع بتقعد وبعد شوي بيقلولك الله معك مشي الحال طبعا هون انتي بتتذكر وقت اللي طالعت جواز السفر ووراق السفر قديش ركضت بين الدوائر وبين المكاتب وقديش دفعت براني مشان تمشي امورك وبتقول وين كنا ووين صرنا ؟
طبعا بتخلص كل امورك وبتطلع من ساحة الانتظار بتلاقي هالعالم عم تستناك وبيبلش الحضن والبوس والحمد الله على السلامة بتصير بتكرها من كتر ما بتسمعا بتطلع من باب المطار وبتخش امريكا يا عيني طبعا اذا كان حظك حلو متل حظي انتي وطالع من باب المطار بتلاقي سيارة ليموزين احدث موديل طبعا انتي بحكم العادة عنا بسورية يللا بتمشي بدك تقطع الشارع بتلاقي حدا عم يصيح فيك لا تقطع بتخاف انو ليش لاء بيقلولك ليك وين هالاشارة كل شي وما صارت خضرا ما فيك تقطع بتلاقي كل هالعالم وقفت وقطعت وقت اللي صارت الاشارة خضرا
بتفوت على الباركينغ لوت parking lot وهنيك بتلاقي سيارة من احدث موديل لعمك او لبيك ناطرتك بتقول اوف كل هاي وبتطلع هاي سيارة عادية وما حدا بيلتكش فيا لانو وقت بتتوسع بشوارع اميركا بتشوف سيارات اشكال الوان يعني اروع سيارة بسورية واللي بتسطل العالم في الهوندا والميتزوبيشي وشو في اسا ما بعرف هدول اسخف سيارات هون طبعا بتتذكر انتي وبهالحالة ايام السرافيس وايام الشنططة من محل لمحل ليطلعلك مقعد بسرفيس يوصلك لنص طريقك وبتتذكر قديش بدك بسورية لتشتري سيارة بتقول وين كنا ووين صرنا ؟
طبعا يا معلم انتي طلعت بهالسيارة الحديثة وانفشت ومعرم هيك وشايف حالك بتطلع من الباركينغ لوت بتتفاجأ من سلاسة الطرقات انو كل شي مكتوب على الطريق وواضح والاعجب من هيك بتلاقي السيارات كلا ملتزمة بقواعد السير (ما عدا بعض الطنابر ) طبعا بتسال انو كيف كل هالعالم ملتزمة بيقولولك البوليس الو رهبة يعني اي مخالفة ولقطك البوليس اذا بتطير للسما بدك تاكل تكت من التلاتين دولار وبطلوع والتلاتين دولار مو متل التلاتين ليرة ما حدا مدور عليا التلاتين دولار كلمة الا وزنها طبعا هون انتي بتتذكر حالة الطرق عنا بسورية وبتتذكر الشوفيرية واكتر شي بتتذكرو الشرطة والخمس وعشرين اللي بتكون مجهزا قبل ما يصفرلك الشرطي وبتقول وين كنا ووين صرنا ؟
طبعا بتوصل على البيت وبترتحلك كم يوم وبتقضين استقبل وودع وهون بتبلش تحس بالسخن يا معلم
وقت بتحس كل العالم حواليك مهتمة بتجميع المصاري وبس وقت بتشوف انو ما في حياة اجتماعية الواحد المكانين الوحيدين اللي بيشوفن هني الشغل وبيتو وبيتو للنوم مو ليقعد مع اهلو وشغلو بيكون عم يفلح كل النهار مشان اخر الاسبوع ياخد تلاتمية دولار وباخر الشهر يصيرو الف وميتين ما بيقدو اجار بيت لحتى يقدو اكل وشرب وقتا بتتذكر بسورية كيف كان شغلك كلو 8 ساعات وترجع على بيتك معك كل النهار بتعمل اللي بدك يا عايش ملك زمانك حتى بدون سيارة وبدون شي بتقعد مع اهلك مع عيلتك بتسولفو بتتناقشو بتطلع مشوار مع رفقاتك بتركز كاسة متة وبتسلطن وقت بتحس انو كل كان صايرلك راح من ايدك وقتا بتقول وين كنا ووين صرنا ؟


طبعا هلأ السؤال الذي يطرح نفسو
هل انتي مستعد تعيش بس لتجمع مصاري مع حياة اجتماعية بسيطة ويمكن معدومة مع توفر جميع وسائل الرفاهية وجميع القوانين والانظمة اللي بتحميك وبتساعدك
ام مستعد تعيش حياة معتدلة نوعا ما مع الاستغناء عن حياة الرفاهية المتمثلة بالسيارة والانترنت
وتعيش مع مصاعب من شرطي المرور لركبة السرافيس والشنططة لكتير شغلات انتي ما بتحس انها مزبوطة بس المهم عايش مكيف بين اهلك ورفقاتك

شو بتقول هاي او هاي
سوري على التطويل
برجع باكد
رجاء حار من الكل عدم الخروج عن الموضوع اي خروج او نقاشات داخل الموضوع رح اطلب من المشرف انو يحزفا ويزيد تنبيه بس على القليلة احتراما اني تعبت بكتابتا اتفقنا ؟

سلامات
صياد الطيور
02/05/2006, 12:22
أحيييك
من قلبي أحيك ... وأحيي البطن الذي حملك ..
أحيي أهلك الين علموك حب الوطن ...

الصراحة ... ( قطعت قلبي )

سوريا ... آه منها ..

أنا أوافقك في كل كلمة قلتها .... بل وأزيد عليها الكثير الذي لا مجال لكتابته ..
ولكنني أقول لك ..

كثير من الأحيان وحين أكون جالساً خلف مقود سيارتي ( الفود موستينغ أو الميرسيدس )
أتذكر سوريا .. اتذكر كيف كنا ننتظر السرفيس ليأتي ليتأخذنا على المدرسة أو على الجامعة وكنا نركض ونتدافش لنصل أولاً لنحجز مقعداً لنا
أذكر جو السرفيس والجلوس أربعة اربعة .. وبعد اذنك ممكن تعطيه .. والشوفير حاسبونا بالله
وما إلى تلك الجمل التي اشتاق لسماعها ..

لكل شئ ضريبة ...هذا ما لا نتختلف عليه
لرفاهيتك ضريبة ..لغربتك ضريبة ... ولجمع الأموال ضريبة كبيرة
قد تصبح من أحاب الملايين ... لكنك ستفقد حماسك وحبك للآخرين ... وحبهم لك
ستفد الكثير من جمال البساطة ..

الحياة أجمل بكثير مما نراه ... وليس كل شئ يتأتي بجمع الأموال ..
يكفي أن تقول انك ضمن بلدك وأهلك ...

والجو ربيع :cry: :cry: :cry:
ابومزيد
02/05/2006, 13:28
يا سلام عليك يا هاني عن جد شي حلو بس السؤال صعب
بس انا بختار الحياة الكريمة وين ما كانت وبظن انو الكل هيك
وبتمنى انو الشعب يحط ايدو بأيد بعضو ويحاربو الفساد و ما يسكت عن حقو شو ما كانت الاسباب
وقتها بيصير الامريكي يعمل فيزا لعنا
MR.SAMO
02/05/2006, 14:20
صدقني حطيت النقط على الحروف سواء بالعيشة عنا ولا بأمريكا
طبعا اي انسان بيطمح انه يعيش بوطن بعرف قيمة مواطنينه للأسف هي الشغلة مفقودة عنا
الفلاحي2005
02/05/2006, 15:11
كيف الشباب
الموضوع ضخم شوي بجوز ياخد وقت بالقراي بجوز لاء بجوز تلاقو مفشكل بس عادي عم اكتبو وحدة بالليل وبدون تحضير مسبق يعني في براسي افكار ورح حاول صيغا بطريقة مفهومة
الموضوع بكل بساطة هوي مقارنة بين سوريا وامريكا من ناحية المعيشة طبعا بما اني انا شفت التنتين
رجاء حار من الكل عدم الخروج عن الموضوع اي خروج او نقاشات داخل الموضوع رح اطلب من المشرف انو يحزفا ويزيد تنبيه بس على القليلة احتراما اني تعبت بكتابتا اتفقنا ؟ يا الله

تبدأ الطائرة بالهبوط تشعر بشعور رائع لا يوصف مع رعشة تنتاب جسدك كله وتبدأ بالتساؤل من سيكون في استقبالي في المطار ؟ هل سيعجبني الوضع ؟ هل سأتأقلم معه ؟ واسئلة غيرها وغيرها تدور براسك دون اجابة محددة
بتنزل من الطيارة يا معلم عم تجوح كلك سوا اي شو عشر ساعات قاعد بمقعد صغير وخصوصي اذا اجريك طوال (متل اجريي ) بتكمل معك وكمان اذا بتكون شنطة الايد معك تقيلة احليين
المهم بتنزل من الطيارة على المدرج بتفوت على المطار بتلاقي في كزا بوليس مان قاعدين وعم يشوفو جواز السفر لكل واحد
طيب هون وانتي بهالمرحلة هاي بيبلش يفرق عليك الوضع لما بتشوف العالم واقفة بانتظام وكل واحد بدورو ولما بيقرب لعند الشرطي بيعاملو الشرطي بكل احترام مع ابتسامة وضحكة ومزحة
حتى لو ما كنت بتفهم انكليزي بس المهم لما بتشوفو عم يضحك بينشرح قلبك وبتتذكر ايام الفحص الطبي للعسكرية بتتذكر كم بكس وكم رفسة وكم كف اكلت من هالعالم اللي جاي تعمل الفحص واللي بتطحش على الباب متل الدواب بتتذكر كم زنار وكم عصاي اكلت من الضابط اللي واقف على الباب وكم مزحة مزح معك وقلك رجاع يا حمار او يا دب وكم مرة تقل معك بالحكي
وبتقول وين كنا ووين صرنا ؟
بتخلص من الشرطة وبتقطع هون اذا كنت جاي هجرة (متل حكايتي ) بيستقبلك واحد وبياخدك على غرفة تانية بتقعد فيا بياخدو منك وراق الهجرة وانتي بتقعد بيصيحولك تعى وقع بتوقع وبترجع بتقعد وبعد شوي بيقلولك الله معك مشي الحال طبعا هون انتي بتتذكر وقت اللي طالعت جواز السفر ووراق السفر قديش ركضت بين الدوائر وبين المكاتب وقديش دفعت براني مشان تمشي امورك وبتقول وين كنا ووين صرنا ؟
طبعا بتخلص كل امورك وبتطلع من ساحة الانتظار بتلاقي هالعالم عم تستناك وبيبلش الحضن والبوس والحمد الله على السلامة بتصير بتكرها من كتر ما بتسمعا بتطلع من باب المطار وبتخش امريكا يا عيني طبعا اذا كان حظك حلو متل حظي انتي وطالع من باب المطار بتلاقي سيارة ليموزين احدث موديل طبعا انتي بحكم العادة عنا بسورية يللا بتمشي بدك تقطع الشارع بتلاقي حدا عم يصيح فيك لا تقطع بتخاف انو ليش لاء بيقلولك ليك وين هالاشارة كل شي وما صارت خضرا ما فيك تقطع بتلاقي كل هالعالم وقفت وقطعت وقت اللي صارت الاشارة خضرا
بتفوت على الباركينغ لوت parking lot وهنيك بتلاقي سيارة من احدث موديل لعمك او لبيك ناطرتك بتقول اوف كل هاي وبتطلع هاي سيارة عادية وما حدا بيلتكش فيا لانو وقت بتتوسع بشوارع اميركا بتشوف سيارات اشكال الوان يعني اروع سيارة بسورية واللي بتسطل العالم في الهوندا والميتزوبيشي وشو في اسا ما بعرف هدول اسخف سيارات هون طبعا بتتذكر انتي وبهالحالة ايام السرافيس وايام الشنططة من محل لمحل ليطلعلك مقعد بسرفيس يوصلك لنص طريقك وبتتذكر قديش بدك بسورية لتشتري سيارة بتقول وين كنا ووين صرنا ؟
طبعا يا معلم انتي طلعت بهالسيارة الحديثة وانفشت ومعرم هيك وشايف حالك بتطلع من الباركينغ لوت بتتفاجأ من سلاسة الطرقات انو كل شي مكتوب على الطريق وواضح والاعجب من هيك بتلاقي السيارات كلا ملتزمة بقواعد السير (ما عدا بعض الطنابر ) طبعا بتسال انو كيف كل هالعالم ملتزمة بيقولولك البوليس الو رهبة يعني اي مخالفة ولقطك البوليس اذا بتطير للسما بدك تاكل تكت من التلاتين دولار وبطلوع والتلاتين دولار مو متل التلاتين ليرة ما حدا مدور عليا التلاتين دولار كلمة الا وزنها طبعا هون انتي بتتذكر حالة الطرق عنا بسورية وبتتذكر الشوفيرية واكتر شي بتتذكرو الشرطة والخمس وعشرين اللي بتكون مجهزا قبل ما يصفرلك الشرطي وبتقول وين كنا ووين صرنا ؟
طبعا بتوصل على البيت وبترتحلك كم يوم وبتقضين استقبل وودع وهون بتبلش تحس بالسخن يا معلم
وقت بتحس كل العالم حواليك مهتمة بتجميع المصاري وبس وقت بتشوف انو ما في حياة اجتماعية الواحد المكانين الوحيدين اللي بيشوفن هني الشغل وبيتو وبيتو للنوم مو ليقعد مع اهلو وشغلو بيكون عم يفلح كل النهار مشان اخر الاسبوع ياخد تلاتمية دولار وباخر الشهر يصيرو الف وميتين ما بيقدو اجار بيت لحتى يقدو اكل وشرب وقتا بتتذكر بسورية كيف كان شغلك كلو 8 ساعات وترجع على بيتك معك كل النهار بتعمل اللي بدك يا عايش ملك زمانك حتى بدون سيارة وبدون شي بتقعد مع اهلك مع عيلتك بتسولفو بتتناقشو بتطلع مشوار مع رفقاتك بتركز كاسة متة وبتسلطن وقت بتحس انو كل كان صايرلك راح من ايدك وقتا بتقول وين كنا ووين صرنا ؟


طبعا هلأ السؤال الذي يطرح نفسو
هل انتي مستعد تعيش بس لتجمع مصاري مع حياة اجتماعية بسيطة ويمكن معدومة مع توفر جميع وسائل الرفاهية وجميع القوانين والانظمة اللي بتحميك وبتساعدك
ام مستعد تعيش حياة معتدلة نوعا ما مع الاستغناء عن حياة الرفاهية المتمثلة بالسيارة والانترنت
وتعيش مع مصاعب من شرطي المرور لركبة السرافيس والشنططة لكتير شغلات انتي ما بتحس انها مزبوطة بس المهم عايش مكيف بين اهلك ورفقاتك

شو بتقول هاي او هاي
سوري على التطويل
برجع باكد
رجاء حار من الكل عدم الخروج عن الموضوع اي خروج او نقاشات داخل الموضوع رح اطلب من المشرف انو يحزفا ويزيد تنبيه بس على القليلة احتراما اني تعبت بكتابتا اتفقنا ؟

سلامات

--------------------------------------------------------------------------------
ghazool
02/05/2006, 15:42
هاني الموضوع كتير حلو .. :سوريا:
و كل اللي حكيت عنه صح !

هي المشكلة اللي عنـا ..
عني كرمال الحياة الاجتماعية والرفقة بدك تتحمل كتير اشياء تانية ..
بس المشكلة انو هالاشياء صعب الواحد يستحملها ..
متل ماحكيت .. الزحمة .. العجقة .. المظاهر .. التلوث البيئي ( و غير البيئي ) !
الخيار و الفقووووس...

احياناً بحس كل شي هون مابدو ياني .. يعني الجامعة .. الشغل .. المواصلات .. الطموح .. كل شي عم يقول : روحي من هون .. هون مافي حياة لأي طموح و مافي تحقيق لأي حلم .. :?

لا و الكل بدو يحكي و ينتقد .. بس ماحدا عندو المبادرة لشي.. رئيس الجامعة مو قدران يتأقلم بالشغل لأنو هون مو متل برا .. بس مابيفكر يعمل الخطوة الأولى .. الناس بالطريق بتكب الوسخ و بتقول هون معليش ما حدا شايف .. الشـرطي و السـير .. لك حتى اللي بوزع الجرايد بيجبلك عدد و بيلطش تلاتة .. بالمطعم بدهن يحطو اكل هوا و يفوترو متل الاجنبي .. بس الشعب رضيان !! فوضى فوضى فووووضى ... :aah:

بالمخـتصـر :
" Be the change you wish to see in the world "
Gandhi
:pos:
maro18
02/05/2006, 20:47
شكرا يا هانى على موضوعك الاكثر من رائع وسوريا يمكن بتمثل اغلب البلاد العربية اللى بيكون غالبا ما فيها نظام ولا احترام لادمية المواطنين فيها بس بيفضل بين الناس حب وود ودة اللى بيفتقدة العالم المتقدم ان كل حياتهم هى للمادة وبس ودة بقى الاختيار الصعب انك تشتغل وتعيش فى نظام وتجمع فلوس بس مالكش دعوة بحد ولا حد بيسال عليك ولا بيهتم بيك او انك تعيش وسط ناس بيحبوك بس فى مجتمع غير متقدم او لا يحترمك كانسان .. بس فى كتير ما بيقدروا يستحملوا ان تكون بلدهم وما بيقدروا يعيشوا بحريتهم فيها ويحسوا بظلم ودة بيكون سبب الغربة ( امرين احلاهم مر )
Willi
02/05/2006, 23:15
على راسي ابو الهن

كلامك حلو
بس انت نسيت نقاط اساسية بطرحك

بسوريا اكيد في رفاهية
بس ما بدك تنسى انو يمكن نص الشعب بيشتغل شغلتين
او يمكن تلاتة

الرفاهية موجودة للي معو مصاري
متلها متل اميركا بالضبط
معك مصاري بتعيش برفاهية
ما معك مصاري بدك اتطح النهار كلو غصب عنك
لان غير هيك ما بتقدر تعيش

بس انا بوافقك بشغلة الحياة الاجتماعية
يمكن انت بالغت لما قلت انو الحياة الاجتماعية معدومة هيي مانها معدومة بس مقارنة مع سوريا فهيي ولا شي

هلق بالنسبة الي انا بحس الحياة كتير سخيفة هون
وروتين فظيع وبيقتل
بس في غيري سوريين ما شايفين في مشكلة يمكن هيي شطارة الواحد بالتأقلم



في اشياء اكتر الواحد ممكن يفكر فيها
فيك تفكر انك تدرس وتدرس وتدرس وبالاخير تجيب شهادة قد الحيط
تحطها عالسقيفة وتشتغل موظف معاشك ما بكفي لاخر الشهر والشغلة اللي عم تشتغلها مو حاببها
بينما انك تدرس وتدرس وبالاخير تجيب شهادة قد الحيط تعلقها ورا كرستك وتشتغل وانت مبسوط انك اخدت اللي بدك ياه ومعاشك حسب شهادتك
hanny dagher
03/05/2006, 02:51
هلا بكل الشباب اللي ردو
ابو الجود
انا عم قول انو الناس عايشة ومبسوطة بسورية يعني الاشيا الاساسية متوفرة يعني اذا بدك تعيش برفاهية وسيارة وفيلا وما بعرف شو يا اما بدك تسرق يا اما بدك تفلح متل ..........
يعني هون كل شي متوفرلك بس الحياة الاجتماعية ما في وانتي بتعرف ايام العيد كيف قضيناها مهيك ؟ انو عيد ولازم العالم تعيد اي الله وكيلكن عيدنا بالستورات اي شو هالعيد هادا بينما العيد بسورية ما كنت تخلي شارع بضيعتك او بحمص الا وما تفتلو ولا بيت الا وما تعايدو
يعني بامريكا كل شي متوفر ما عدا الحياة الاجتماعية
بسوريا الضروري متوفر مع الحياة الاجتماعية
فشو بتنقو ؟
توت توت توت
03/05/2006, 02:56
انا و أعوذ بالله من قولة انا .. . بقول ...
الفقر بالوطن غربة .. :cry:

وكمان بقول ..
على دلعونا وعلى دلعونا .. يلعن بي الغربي الوطن حنونا ... :cry:
أسير التشرد
03/05/2006, 03:13
شكراً هاني على موضوعك

يا سيدي موضوعك ينطبق علي تماماً انا هاجرت على كندا..... وكلامك عن الحياة الاجتماعية صحيح هون بالغربة ما حدا لحدا كلو رايح ورا المصاري...يعني صديقك ما تشوفو يمكن بعد سنة او سنتين مع انو بنفس المدينة...وحياتك يا هاني اول شهرين بكندا كنت بدي اطق من الوحدة يا اخي ما في حدا يسأل عني حتى بالتلفون... كل الوقت انا كنت اتصل حتى خلصو المصاري....
الناس هون همهم جمع المصاري وبس... اول يوم بقولك مرحبا وبعدين ما عاد تشوف وجهو أبداً...
Willi
03/05/2006, 06:39
بسوريا الضروري متوفر مع الحياة الاجتماعية
ضروري متل شو؟؟
اذا معاش الموظف ما بكفيه لنص الشهر

معلم ببلادنا في رفاهية للي معو مصاري
الي ما معو مصاري مانو قدران يعيش
وهدول نسبتهون اكبر بكتير بكتير من اللبقايا


على عيد الفصح سالني رفيقي
شو شلون كان العيد معك
قلتلو يلعن ابو اميركا بيمرق العيد ما بتحس فيه
ولا كأنو موجود

قلي اي ما تزعل كتير الحالة هون صايرة نفس الشي
هالسنة من ابيخ السنين
العيد صار مجرد تقاليد مو اكتر

عادتا بضيعتي بيحتفلو وببلشو مفاقسة بين قبل لشي مدة تلت ايام
هالسنة هالحكي كلو ممنوع
مشان صاحبك انفلونزا الطيور

هلق مافي شك انا معك مليون بالمية بالنسبة للحياة الاجتماعية
بس بالنسبة لانو الضروري مأمن لاء

في كتير وكتير لازمو شغل بالبلد حتى الضروري يتأمن
يعني الرواتب بترتفع صحيح بس الاسعار عم ترتفع معها


مع هاد كلو طز باميركا
اذا بلاقي انو ممكن يتحقق حلمي بسوريا فأنا برجعلها اليوم قبل بكرا

انا ما بفضل عيش حياتي بشكل بسيط (بسيط ما بقصد فيه فقير)
بقصد فكرتي عن الحياة تكون بسيطة يعني اكل وشغل ونوم



ما بعرف بس برأيي الموضوع اعمق بكتير من الشي اللي انت عم تسأل مشان جوابو
hanny dagher
03/05/2006, 08:33
طيب ابو الجوج والدك شو كان يشتغل بسورية وشو كان يقبض
layla
03/05/2006, 08:51
جادو لحتى الواحد يقدر يأمن حياتو بدو يفطس هون وهونيك
الفرق انو باميركا بيبلش فطسان من هوي وبالجامعة بس بسوريا لبعد الجامعة
وبالحالتين نفس النتيجة

انا لو ابي رضيان يسجلي بسوريا ماكنت شفتني لسا قاعدة هون ولا لحظة
جادو انت صحي الك فترة اطول مني هون بس لسا ماشفت من اميركا متل ماشفت انا وحتى هاني
اميركا كتير مادية مافيها مكان لشي اسمو عاطفة ونحنا حياتنا كلها عواطف

اللي بدو يعيش هون رح يحس بتناقض عجيب بين هوي شو وبين شو لازم يكون لحتى يعيش بهالبلد
وفي ناس مابتغير شو هي بس بتتعلم تسكت

بالنسبة الي برجع بعيش بسوريا بين الناس اللي بحبون وبيحبوني ويلعن مصاري الدنيي كلها بس طبعا لاخد شهادتي بالقبل لانو ماعد في مجال ارجع ادرس هونيك :cry:
Willi
03/05/2006, 15:52
ما بعرف ليش اخدين الموضوع بمصاري ومصاري
مع انكون قايلين انو المصاري مو كلشي
في اشياء بالحياة غير المصاري

عم تسأل عن شغل ابي ومدخولو
نحنا بسوريا كنا بجوز بالطبقة الوسطة (من حيث المدخول) يعني يمكن اعلى من الطبقة الوسطى بشوي

يعني المصاري مانها هيي المشكلة اللي خلتنا نجي على اميركا

ام اللول ما بعرف شلون ببلش فطسان بسوريا لبعد الجامعة
نسيتي اديش فطستي مشان شهادة البكلوريا؟
ولا شهادة التاسع؟
بالاخير بتتذكري شي من هالمعلومات؟
يمكن اغلبهون لاء
واللي تعلمتي بشو بفيدك؟
يعني مثلا بشو رح يفيدك انك حفظتي درس التاريخ بصم عالنقطة وعالفاصلة؟

ليكي انا اول ما اجيت على اميركا كنت فكر نفس هيك
انو لو كان في مصاري اكتر كنا رجعنا على سوريا وما ضلينا هون
بس هلق لما تعرفت اكتر واكتر على اميركا وعلى سوريا صرت اعرف انو مو بس مصاري
في شي اكتر

برأيي
لساتكون جداد بعد فترة بتتغير نظرتكون للشغلة

بس شو فائدة الشهادة اذا ما استفاد منها او استخدمها؟
Reemi
03/05/2006, 16:21
اااااااااااااخ يا ابو الهن شو بدي قلك لقلك...!

خلينا نعمل مقارنة صغيرة بتبكي كتير..هيك كان لازم تكتب يا صديقي...!

شوف يا معلم انا بسوريا كنت عايشة بضيعة عند اللاذقية ومبسوطة ومرتاحه وابسط من البساطة..جيت لهون ع الاردن..قال شو لانو الوالد لقى هون شغل..وقال شو لانو الدراسة هون احسن...!
اي مزبوط ما اختلفنا انا مع هالنقطة 101%..بس شوف لقلك...!
هون ما الك حد ابدا ابدا ابدا..يعني صارلنا 4 سنين ساكنين بهالبيت وجيرانا الي قبالنا ما بنعرفهن..او مثلا انا صارلي كتير بهالبلد وما عندي الا 3 رفقات 2 منهن سوريين..
شوف عليي..هونيك الناس عايشة ببساطة وحب..يعني كل العالم بتحب بعضها (هاد ما بيمنع من شوية ضغينة يعني) بس صدقني اذا فيني قول بالمجتمع الي انا كنت عايشة فيه ما في سوء ابدا (تقريبا)..
اما هون فكل واحد ملتهي بحالو..ويلو بدو يخلص شغلو..يعني بيشتغل بجيب مصاري بياكل مع ولاده ومرته ..وبروح بنام..بيرجع تاني يوم نفس القصة وهكذا تواليه..!

لقلك شي..هنيك اذا قلت آآخ بتلاقي كل العالم حواليك..شو بدك لاعملك..بتحس حالك بارضك ..
يا رجل هون بيفطس الواحد وما حد حاسس فيه..
انا مستعده عيش بكل شي انت حكيت عنو وحتى اذا بدك بتخلى عن مستوى الرفاهية الي انا عايشة فيه هلا وبنزل بعيش بفقر بس عالقليلة ببلدي بمكان حس انو ارضي الي انا يعني ماني دخيله عليه..صار ما صار الي انا...
يا رجل الواحد بيمشي بالشارع هون بتحس حالك غريب...........................!

يلعن ابو الغربــــــــــــــــــــ ــــــة...................!

(ما بخفي عليك..ليالي كتيرة بكون قاعده بتختي بالليل..بموت من البكا وبغرق الاردن..ولا في مين حاسس بهالشعور..!)
Kakabouda
03/05/2006, 19:40
اااااااااااااخ يا ابو الهن شو بدي قلك لقلك...!

خلينا نعمل مقارنة صغيرة بتبكي كتير..هيك كان لازم تكتب يا صديقي...!

شوف يا معلم انا بسوريا كنت عايشة بضيعة عند اللاذقية ومبسوطة ومرتاحه وابسط من البساطة..جيت لهون ع الاردن..قال شو لانو الوالد لقى هون شغل..وقال شو لانو الدراسة هون احسن...!
اي مزبوط ما اختلفنا انا مع هالنقطة 101%..بس شوف لقلك...!
هون ما الك حد ابدا ابدا ابدا..يعني صارلنا 4 سنين ساكنين بهالبيت وجيرانا الي قبالنا ما بنعرفهن..او مثلا انا صارلي كتير بهالبلد وما عندي الا 3 رفقات 2 منهن سوريين..
شوف عليي..هونيك الناس عايشة ببساطة وحب..يعني كل العالم بتحب بعضها (هاد ما بيمنع من شوية ضغينة يعني) بس صدقني اذا فيني قول بالمجتمع الي انا كنت عايشة فيه ما في سوء ابدا (تقريبا)..
اما هون فكل واحد ملتهي بحالو..ويلو بدو يخلص شغلو..يعني بيشتغل بجيب مصاري بياكل مع ولاده ومرته ..وبروح بنام..بيرجع تاني يوم نفس القصة وهكذا تواليه..!

لقلك شي..هنيك اذا قلت آآخ بتلاقي كل العالم حواليك..شو بدك لاعملك..بتحس حالك بارضك ..
يا رجل هون بيفطس الواحد وما حد حاسس فيه..
انا مستعده عيش بكل شي انت حكيت عنو وحتى اذا بدك بتخلى عن مستوى الرفاهية الي انا عايشة فيه هلا وبنزل بعيش بفقر بس عالقليلة ببلدي بمكان حس انو ارضي الي انا يعني ماني دخيله عليه..صار ما صار الي انا...
يا رجل الواحد بيمشي بالشارع هون بتحس حالك غريب...........................!

يلعن ابو الغربــــــــــــــــــــ ــــــة...................!

(ما بخفي عليك..ليالي كتيرة بكون قاعده بتختي بالليل..بموت من البكا وبغرق الاردن..ولا في مين حاسس بهالشعور..!)
إضرب أنا جعلني عم بتبكي لحالك يا عمري بالليل :cry: :cry: :cry:
Barleb
03/05/2006, 20:47
أشلك فل غربــــــــــــــة , الغربة هدتك , كل يوم فـ موضع ,
و أيش يي حالتك .....
لا تقول مجبور أنـــــــا ... مني يي .... مني يي لـ جبرتك ,
..........
وضلالي يكفي عذاب , عذاب يكفيني ,
مجروح ومالي حدا , مني تـ يداريني........
Reemi
03/05/2006, 22:04
إضرب أنا جعلني عم بتبكي لحالك يا عمري بالليل :cry: :cry: :cry:
اي والله يا حبيبي وانت عم تشخر ولا ع باللك........:cry: ....!
hanny dagher
04/05/2006, 04:13
ما بعرف ليش اخدين الموضوع بمصاري ومصاري
مع انكون قايلين انو المصاري مو كلشي
في اشياء بالحياة غير المصاري

عم تسأل عن شغل ابي ومدخولو
نحنا بسوريا كنا بجوز بالطبقة الوسطة (من حيث المدخول) يعني يمكن اعلى من الطبقة الوسطى بشوي

يعني المصاري مانها هيي المشكلة اللي خلتنا نجي على اميركا

ام اللول ما بعرف شلون ببلش فطسان بسوريا لبعد الجامعة
نسيتي اديش فطستي مشان شهادة البكلوريا؟
ولا شهادة التاسع؟
بالاخير بتتذكري شي من هالمعلومات؟
يمكن اغلبهون لاء
واللي تعلمتي بشو بفيدك؟
يعني مثلا بشو رح يفيدك انك حفظتي درس التاريخ بصم عالنقطة وعالفاصلة؟

ليكي انا اول ما اجيت على اميركا كنت فكر نفس هيك
انو لو كان في مصاري اكتر كنا رجعنا على سوريا وما ضلينا هون
بس هلق لما تعرفت اكتر واكتر على اميركا وعلى سوريا صرت اعرف انو مو بس مصاري
في شي اكتر

برأيي
لساتكون جداد بعد فترة بتتغير نظرتكون للشغلة

بس شو فائدة الشهادة اذا ما استفاد منها او استخدمها؟

جاد نحنا ما عم نحكي مشان المصاري
بس لما بتتطلع لهون وبتلاقي كل العالم راكضة ورا المصاري والشغلات اللي كنت تعملا بسورية ممنوع تعملا هون مشان توفر مصاري بتلعن الساعة اللي فكرت فيا تجي :x


ريمي تقولي عم تحكي عني يا شيخة :سوريا:
Willi
04/05/2006, 06:51
والشغلات اللي كنت تعملا بسورية ممنوع تعملا هون مشان توفر مصاري

ممنوعة!!

متل؟
Reemi
04/05/2006, 15:42
ريمي تقولي عم تحكي عني يا شيخة :سوريا:

كل واحد يحكي عن حاله اذا بتريد...:pos:
hanny dagher
05/05/2006, 03:33
ممنوعة!!

متل؟

متل الانترنت فيك تقول ممنوع تفوت على الانترنت لانو بدو يكلفك تلاتين دولار بالشهر وانتي مانك مستغني عنن (لا تقلي ليكك عم تفوت على الانترنت عم فوت بالسرقة )
متل المشي بالشارع يعني ممنوع تمشي بالشارع انتي ورفقاتك لانو في كتير زعران وبيضلو اهلك هاكلين همك

وهيك شغلات
بجوز انتي ما تحس هيك شي هلأ لانو صرلك زمان
بس نحنا عم نحسا كل نهار
Willi
05/05/2006, 09:25
بس بالنسبة للانترنت
يعدمني ياك قبل ما جيب الدي اس ال كنت مشترك بشركة انترنت بالشهر بدفع 7 دولار عليها


يمكن هاي اكتر شغلة سخيفة باميركا انك ما بتقدر تمشي بالشارع
مو لانو في زعران
بس كلشي بعيد
اي اقرب محل بدو ساعة كاملة مشي اذا مو اكتر

وين كنا نفتل حمص كلها بساعة :lol:


يلا خيو بكرا بس تتعرفلك على شي بنت حلوة
بتنسيك كلشي ;-)
محمد ابراهيم
05/05/2006, 09:47
يلا خيو بكرا بس تتعرفلك على شي بنت حلوة
بتنسيك كلشي ;-)

هاني بيعرف بنتين

وشفت صورهن
التنتين اجمل من بعض .
واحدة شقرا .بتشبه مارلين مونرو .(محظوظ من يومك )

والتانيه بتشبه ساندرا بولوك :sosweet: :sosweet:

هاد الشب لازم يشنق في ميدان نيويورك الدولي .
بيعرف اجمل بنتين في امريكا .
وبيدور عالتالته:shock: :shock:
Reemi
05/05/2006, 18:57
استاذ محمد انت شو فالقك...حلال ع الشاطر...........!
layla
05/05/2006, 19:58
هاني بيعرف بنتين

وشفت صورهن
التنتين اجمل من بعض .
واحدة شقرا .بتشبه مارلين مونرو .(محظوظ من يومك )

والتانيه بتشبه ساندرا بولوك :sosweet: :sosweet:

هاد الشب لازم يشنق في ميدان نيويورك الدولي .
بيعرف اجمل بنتين في امريكا .
وبيدور عالتالته:shock: :shock:
\
:lol: :lol:

قال اللي بيعرف بيعرف واللي مابيعرف يقول
























هاني نسونجي :p :lol:
محمد ابراهيم
05/05/2006, 20:07
\
:lol: :lol:

قال اللي بيعرف بيعرف واللي مابيعرف يقول

هاني نسونجي :p :lol:
فشر
هاني هاد مو نسوانجي :aah: :aah: :aah:
هاد تربايتي .وربيتو عالاخلاق

هالبنتين هما اللي بيجرو وراه :lol: :lol:

ولانو ما بيحبهم
بيدور عالتالته
هاد للي مابيعرف :سوريا: :سوريا:
Reemi
05/05/2006, 20:11
ههههههههههههههههههههههههه ههههههههههههههههههههههههه هههههههه

ههههههههههههههه هههههههههههههههه هههههههههههههههه

عم اضحك بالتقسيط لاني مو قادره اضحكها كلها سوى من كتر ما بضحك هاد الي ما بيعرف...
Gazita
05/05/2006, 20:57
هههه والله فطست من الضحك الله يسهل غربتكم قولو امييين

ما جربت الغربة بعد بس بحسها بمعاناة ولاد بلدي اللي بيهاجرو للضفة التانية مشان المصاري والشغل ومشان يقتلو الروتين قبل ما يقتلهم وهم في بلدهم. بس كل واحد فينا عايش غربة من نوع تاني اللي بتكمن في حاجياتنا لكتير اشيا واللي بتزيد يوم بعد يوم .كحاجة الطالب للنجاح والشغل وحاجة الموظف للمصاري والزواج الخ الخ الخ...

ف الله يعينكم على غربتكم اللي مبعداكم على الاهل والاحباب طموح كل واحد فينا متغرب او بدو يتغرب بيكون اكبر بس فراق الاحباب اصعب:cry: انشا الله تزورو بلدكم سالمين والله يجيب اختي كمان على خير خلاص ما تبكوني :cry:
Willi
05/05/2006, 23:13
قال اللي بيعرف بيعرف واللي مابيعرف يقول
هاني نسونجي

لاء وانت السادقة اللي بيعرف بقول هيك :lol:
Reemi
06/05/2006, 14:37
هههه والله فطست من الضحك الله يسهل غربتكم قولو امييين

ما جربت الغربة بعد بس بحسها بمعاناة ولاد بلدي اللي بيهاجرو للضفة التانية مشان المصاري والشغل ومشان يقتلو الروتين قبل ما يقتلهم وهم في بلدهم. بس كل واحد فينا عايش غربة من نوع تاني اللي بتكمن في حاجياتنا لكتير اشيا واللي بتزيد يوم بعد يوم .كحاجة الطالب للنجاح والشغل وحاجة الموظف للمصاري والزواج الخ الخ الخ...

ف الله يعينكم على غربتكم اللي مبعداكم على الاهل والاحباب طموح كل واحد فينا متغرب او بدو يتغرب بيكون اكبر بس فراق الاحباب اصعب:cry: انشا الله تزورو بلدكم سالمين والله يجيب اختي كمان على خير خلاص ما تبكوني :cry:
آمييييييييييييييييييييييي ييييييييييييييييييييييييي ييييييييييييييييييين * 123001502125
Kakabouda
06/05/2006, 20:05
آمييييييييييييييييييييييي ييييييييييييييييييييييييي ييييييييييييييييييين * 123001502125
شو من قلب محروق عم بتدعي :cry:
Reemi
06/05/2006, 22:50
شو من قلب محروق عم بتدعي :cry:
اي والله..............

مفحم مو محروق...!
HOSAM4U
07/05/2006, 02:04
ياشباب والله وجعتولي قلبي وبلش قلبي يعصني عالسفر
عطونا شغلة كويسة بالسفر والغربة
بس المشكلة انو نحنا دائما مغصوبين انو نختار بين السئ والاسوء
الله يعينااااااااااااااااااا
يعني اذا بدو يمشي حالنا بهالبلد يا حرامي او بشتغل شي مسؤول كمان حلوة