-
دخول

عرض كامل الموضوع : عطوني رايكون بسيارتي . . . :)

sonono
29/04/2006, 13:52
ان شا ءالله تعجبكون. . .
Godfather
29/04/2006, 14:51
من قدام حلوة ... بس ما عجبني اللزقة الحاطتا على الجنب


بس ما قلتلنا هل هيي S او SS أو LTZ ؟ (على حسب الصور شكلها LTZ)


يعني عطينا مواصفاتها ... يعني هل شكلها بس رياضي او المحرك كمان رياضي ؟


انا عندي لومينا LTZ موديل 2001 بس مانها معدلة يعني البودي تبعا عادي بس محركها قوي 3800 CC
صياد الطيور
29/04/2006, 22:58
بس ما قلتلنا هل هيي S او SS أو LTZ ؟ (على حسب الصور شكلها LTZ)


CC
أنا بعتقد أنها s
واللزقة الي عم تحكي عنها مسواي السيارة كأنها لمدرسة تعليم السواقة
إسلام
29/04/2006, 23:06
مو حلوة كتير لكن ما تشوف سيارتي هههههههه
صياد الطيور
29/04/2006, 23:09
مو حلوة كتير لكن ما تشوف سيارتي هههههههه
طيب قولي لنا شو هي سيارتك 8)
Godfather
29/04/2006, 23:58
أنا بعتقد أنها s
واللزقة الي عم تحكي عنها مسواي السيارة كأنها لمدرسة تعليم السواقة

بجوز تكون S ما بعرف ...

بالعادة أحرف الـ S و SS بحطوون على جنب السيارة ... حاولت لائيون بالصورة ما لئيتون !!

تاني شي الدوالايب تبع السيارة مانون دوالايب رياضية ... الدوالايب الرياضية بتكون سماكتهون اقل من هيك ....

و البودي تبعها على الأرجح هوي عاملو .. يعني مو وكالة ...

مشان هيك قلت انها LTZ ...




:سوريا:
sonono
30/04/2006, 08:52
يسلمو كلياتكون كلياتكون على الردود الحلوة

اول شي . . .

السيارة اللومينا ما بتجي LTZ للعلم

اللومينا بتجي LS , S , SS

اما الكابسريس هيي اللي بتجي LTZ , SS

يمكن حضرتك مخربط اللي عندك مولومينا اللي عندك كابريس :clap:

بنجي لسيارتي. . .

بالنسبة للزقات عالطبيعة غير الصور رقم واحد
تاني شي كتير ناس عجبون اللزقات وبنفس الوقت كتير قالولي عاجق السيارة ومدري ولهيك قررت اني شيلون وشلتون فعلا بعد ما اكلت مخالفة هون بالكويت . . . غير شكل :cry:

اما بالنسبة لسيارتي فهيي LS لا S ولا SS

وبالرغم من هالشي فهي سريعة وممكن تطلع مع كتير سيارات وتسبقون بفارق خيالي
فما بالكوم بال اس او الاس اس

بس ازا بدكون تحكو على الاس او الاس اس بدكون تحسبو البانزين

الال اس اقتصادية بالبانزين على عكس الاس والاس اس

لانو لومينتي 6 سيلندر اما الاس اس 8 سيلندر وفيه فرق اكيد بالبانزين

الاس اس سيارة مو طبيعية سواء من المواصفات الداخلية او الخارجية

وبالاخير اللي عبالو يسابق يلاااا انا ناطرووو


:jakoush:
صياد الطيور
30/04/2006, 12:04
وبالاخير اللي عبالو يسابق يلاااا انا ناطرووو
:jakoush:
فورد موستينغ

جاهز...
حط الرهن
sonono
30/04/2006, 13:02
موستينج. . .

فيها وجهة نظر يا حبيب. . .

اولا لومينتي ls يعني ما بيطلعلها مع الموستينج

بس ازا بدك عندي سيارتي التانية . . . كامارو 95

وهالمرة انت حط الرهن هههههههههههههههههههههه

له يا معلم طالعين مع فيراريات هون بالكويت بشارع الخليج انا وابن خالتي خلينا صحاب الموستينجات واللومينات وخلافه يبيعو سياراتون عالرهن

هههههههههههههههه

مع حبي


ابو الجوووج
كريم ايوب
30/04/2006, 13:13
اودي A 6 موتور 3000 طور بو ماشي الحال انا جاهز
Godfather
30/04/2006, 13:15
السيارة اللومينا ما بتجي LTZ للعلم

اللومينا بتجي LS , S , SS

اما الكابسريس هيي اللي بتجي LTZ , SS

يمكن حضرتك مخربط اللي عندك مولومينا اللي عندك كابريس :clap:



معقولة عندي كابرس و ماني عرفان ! :o

طيب يا سيدي ... انا رح حاول اقنعك انو في لومينا LTZ و رح أعطيك لينك تبع الوكالة .. و اذا ما اقتنعت .. بتكون هي مشكلتك !

بس قبل رح حطلك اللومينا (السيدان) كيف بتجي .. يعني فئاتها .. بالترتيب من الأقل فخامة و الأوبشنات :

لومينا LS
لومينا LTZ
لومينا S
لومينا SS
لومينا Royale

و الكابرس بتجي نفس فئات اللومينا بس مافي فئة الـ S


هلىء عندك هاد الموقع فوت عليه مشان تشوف انو في لومينا LTZ ...

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




:سوريا::سوريا:
صياد الطيور
30/04/2006, 13:15
له يا معلم طالعين مع فيراريات هون بالكويت بشارع الخليج انا وابن خالتي خلينا صحاب الموستينجات واللومينات وخلافه يبيعو سياراتون عالرهن


في مثل بيقول ( هيك شي يعني ما حفظانو ) الفرس من الفارس ..
يعني مو كل مين ركب موستينغ صار شوفير ... بيجوز بدايو تسبقو...
والرهن تركتك انت تحددو ... وتحدد سيارتك كمان ... خود راحتك .

وعلى راسي يا غالي :سوريا:
صياد الطيور
30/04/2006, 13:18
هلىء عندك هاد الموقع فوت عليه مشان تشوف انو في لومينا LTZ ...

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
وبدك تسابق كمان :lol: :lol:
Kakabouda
30/04/2006, 18:45
تتهنا أخي اسم الله حلوة :سوريا:
sonono
01/05/2006, 08:34
يسلمو كلكون عالردود

بالنسبة الي لما نزلت بسيارتي على سوريا سابقت بحمص كذا واحد بس سيارات سوريا ما بعرف شو اسمها يا زلمي ما شوف ورايي ههههههههههههههه

عفكرة الشي اللي ما خبرتكون ياه انو سيارتي المحرك تبعها 3800

وبعدين الجير اللي عندي ملغوم
يعني مضافلو شوية شغلات السيارة بتقلع من ارضها. . ..


عان عان. . .

تسلميلي عيوني على الرد الحلو يا كاكا