بدها صفنة... بدون زعل شباب [الأرشيـــــف]

كهربجي

25/04/2006, 02:30

صباح الخير...
بدي احكي كلمتين و رد غطاهن
أكيد أنا ضد أي ممارسات من النظام اللي لاعن ابو ربنا بالقمع... اللي ربينا فيها ويمكن, يمكن, يمكن -مع أنو غلط- تعوّدنا عليها...
بس مشان الشباب المعتقلين حاليّاً عمر و حسام و و و... أوضاعن صعبة و هاد الشي غلط, و على عيني وراسي... بس حدا سأل حالو هالسؤال؟؟ (( يا ترى شو تفاصيل الاعتقال؟؟؟ وليييشش؟؟؟؟)))
هون بدّي أسأل أنا, يا ترى الإتصال بواحد متل فريد الغادري الخ** مشان تنظيم داخل سوريا متحالف معو ممكن يمرّ بأي دولة ديمقراطية بالعالم بدون عقوبة؟؟ يعني إذا كان شخص فرنسي بدّو يستعين بأمريكا لتعمل حرب و تغيّر النظام هونيك يعتبر خاين ولّا لأ؟؟؟
الفكرة أنو الموضوع مو متعلق بالديمقراطية... أنا من اللي أكلوا قتلة كرمال إلغاء قانون الطوارئ, وحقوق الإنسان وحباشاتها... منعاً للإتهامات و المزاودات... الموضوع وطني بالدرجة الأولى...
الحكي عن الاتصال بالغادري منقول شخصيّاً عن أحد الشباب, بدون أسماء... يعني مو مصدر موثوق, بل المصدر الأصلي!!!
مع المحبة للكل...

whiterose

25/04/2006, 02:43

لك شوبدي قول غير يسلم ها التم
لك من زمان انا بدي احكي ها الحكي بس ماحدا عم يفهم

يعني ناس شبه عم يخونو بلدن شو متوقع من الدولة تعمل يعني
تبوس ايدهم وتقلون الله يعطيكم العافية

شو كانت نظرة الشعب لخدام لما خان بلدو
الكل استحقروا بالرغم من انو في كلام صح من كلامو

بس الكل اعتبروا خاين من الكبير للصغير للمأمط بالسرير

وهن شو بيفرقوا عن الخونة
عم يتصلوا بناس عندهم اتصالات مع اسرائيل وغيروا

الله لايرد كل انسان بسيء لبلدو
كلياتنا عنا انتقادات للبلد
بس مو منهدمها للبلد

امرأة من ورق

25/04/2006, 06:18

هلأ انا مابعرف الشباب ومابعرف تفاصيل اعتقالون ومابعرف شو الاسباب بالضبط
بس بشكل عام اي اعتقال بالدنيا يفترض يكون الو اسباب واضحة وتحقيق انساني ومحاكمة عادلة
يعني انا بدي احكي بشكل عام مو بس عن شباب الاخوية المعتقلين يعني في ناس انلطعت بالحبس سنين وسنين وكانت ظروف اعتقالها جحيم حقيقي من تعذيب واللي منو وبعد كل هالسنين لحتى صارت المحاكمة الها وبعرف واحد معتر قعد بالحبس حوالي ال 15 سنة بالاخير لحتى صارت المحاكمة وطلع بالمحاكمة بريء
يعني تخيل انو دخل السجن كانت مرتو حامل وطلع شاف ابنو طالب اعدادي يعني رجال وانو كان بريء ياجماعة والله العظيم طلع بالمحاكمة بريء بريء بريء
وبالاخير اللي صار انو تم تعويضو عن رواتبو تبع الوظيفة الحكومية اللي كان عم يشتغل فيها قبل ماينحبس وبسسسسسسسس
يعني في حالات لازم يصير فيها اعتقال بس برجع باكد انو يكون التحقيق وظروف الاعتقال انسانية وتصير المحاكمة خلال فترة مقبولة وتكون اسباب الاعتقال مقنعة
ومتل مافهمت انو الشباب صرلون فترة مو قليلة معتقلين ولسه ماصارت المحاكمة تبعون والله يعلم ايمتى رح تصير
بكل الاحوال الله يفك اسرون او عالاقل يخفف عنون
وتحياتي

Majood

25/04/2006, 10:26

لك شوبدي قول غير يسلم ها التم
لك من زمان انا بدي احكي ها الحكي بس ماحدا عم يفهم
انو حكيتي لحتى نفهم
يعني ناس شبه عم يخونو بلدن شو متوقع من الدولة تعمل يعني
تبوس ايدهم وتقلون الله يعطيكم العافية
شلون يعني شبه خونة .. الواحد يا بيكون خاين يا مو خاين .. شفتي شي بلاعراب اسمو شبه فعل او شبه فاعل...
شو كانت نظرة الشعب لخدام لما خان بلدو
الكل استحقروا بالرغم من انو في كلام صح من كلامو

بس الكل اعتبروا خاين من الكبير للصغير للمأمط بالسرير
لا تقيسي رجل دولة مؤتمن على بلد و صاحب مسؤولية مع شباب صغار منفعلين و ثوريين ..

وهن شو بيفرقوا عن الخونة

عم يتصلوا بناس عندهم اتصالات مع اسرائيل وغيروا
لا تجمعي .. بعدين عندك دليل علي صار ..
الله لايرد كل انسان بسيء لبلدو
كلياتنا عنا انتقادات للبلد
بس مو منهدمها للبلد

و اسفاه عليك يا بلد ..

yass

25/04/2006, 11:13

لا أعلم لماذا لا أصدق التهمة الموجهة لشبابنا الأسير. تعودنا على مر سنين طويلة أن يكون الاتصال بالخارج هي التهمة المفضلة التي يلفقها جلادو النظام ضد كل من يقف بوجههم.
لو أنهم حقيقة كانوا شبكة تجسس لطبل النظام و زمر على نجاح استخباراته الفاشلة و الفاشية التي لا هم لها الا ممارسة تجاوزاتها و تعدياتها على الشعب السوري بينما يسرح جواسيس اسرائيل الحقيقيون و يمرحون دون أي قيد.

فليسقط أعداء الديمقراطية السورية

الحرية لشبابنا الأسرى

الحرية لجميع معتقلي الضمير في سوريا

الحرية لسوريا

محمد ابراهيم

25/04/2006, 11:29

لا أعلم لماذا لا أصدق التهمة الموجهة لشبابنا الأسير. تعودنا على مر سنين طويلة أن يكون الاتصال بالخارج هي التهمة المفضلة التي يلفقها جلادو النظام ضد كل من يقف بوجههم.

في الدول المتاخرة (الناميه)وبالاخص العربيه .من المحيط للخليج
الاتصال من اي حزب غير الحزب الحاكم بالخارج يعتبر خيانه ومن اي شخص لم يكلفه النظام ايضا يعتبر خيانه :lol: :lol: :lol:
ولكن عندما يتعلق الامر باتصال الحزب الحاكم او النظام لا يعتبر خيانه
حتى وان كانت اهداف الاتصال واحدة
او ان اهداف تلك الجهات الغير خاضعه للنظام تصب في مصلحه الوطن .
فمع ذللك يقول عنها النظام جهات عميله فقط ليظل محتفظ بالسلطه ويستولي على موارد الدوله .
انها حجه الدكتتاتوريه .الحجه العقيمه التي لم يعد لها اي مجال للتصديق
ان اي اعتقال يجب ان يكون بامر من السلطات القضائيه ولا يصدر حبس بدون محاكمه (عادله)
لا يعرف فيها نتيجه الحكم قبل المحاكمه .هذا ان تمت المحاكمه اساسا
لو أنهم حقيقة كانوا شبكة تجسس لطبل النظام و زمر على نجاح استخباراته الفاشلة و الفاشية التي لا هم لها الا ممارسة تجاوزاتها و تعدياتها على الشعب السوري بينما يسرح جواسيس اسرائيل الحقيقيون و يمرحون دون أي قيد.

فليسقط أعداء الديمقراطية السورية

الحرية لشبابنا الأسرى

الحرية لجميع معتقلي الضمير في سوريا

الحرية لسوريا
الحريه للانسانيه جمعاء
ولهؤلاء الشباب خاصه (لاننا نتحدث عنهم )

Barleb

25/04/2006, 11:46

هلأ انا مابعرف الشباب ومابعرف تفاصيل اعتقالون ومابعرف شو الاسباب بالضبط

لأنن أرادو أنشاء تجمع دمقراطي حر

me2

25/04/2006, 12:09

لأنن أرادو أنشاء تجمع دمقراطي حر

الناس اللي من قدامى اللأخوية بيعرفو انو الشباب اللي محبوسين "و ليس معتقلين" مو متل بعض ... في منهم كان ولازال محبوب و نظيف و أطهر من المطر ...

لذلك أولا : أنا برفض تعميم الحكي على كل الشباب .

تانيا : البلد فيها أغلاط قاتلة فيما يتعلق بالديوقراطية و غيرها من الحقوق المدنية .. باعتراف الدولة اللي ما بيبرأها هل الأعتراف المتأخر.

تالتا : بيجوز يكون ضرب من ضروب الحيونة الشخصية..بس في تفائل بسيط بالتغيير .. في قناعة بأنو الرئيس مقتنع بالتغيير .. هلق من وين أجت هي القناعة أو شو رح يطلع بأيدو أو أو من الأسئلة .. بدها موضوع لحالها .

رابعا : مافي شي بالدنيا بيستاهل حبس يوم واحد .. برأيي ولا الوطن ولا غيرو .. أصلا هي نظرية الوطن اللي بيحبس أبناؤه .. ما بتفوت على مخي .

خامسا : الشباب تورطو توريط ..يعني لا الكل بيطيقو الغادري ولا الكل كرهانين النظام لدرجة العمالة ...يعني البعض مكيفيللوي أصلي و ما بيهمو شو يعمل لحتى يحقق هدف ما, بس مو الكل و برأيي مو صح أبدا.

سادسا : ياريت لو الأخت الكريمة مجوود اطول بالها علينا ومو كل ماحدا حكى غير حكيها تسلخو مآثر بالديموقراطية و المواطنة .. خاصة كونها من المغتربين .

Prowed

25/04/2006, 12:27

فقط للمفسدين في الأرض ((معه))

Barleb

25/04/2006, 12:42

فقط للمفسدين في الأرض ((معه))
تماماً ,
يعني أذا بدي قول :
1- مع , بس ضد وضعن جوا
بيصر أنو ضد الديمقراطية
2-معو بالمطلق
بصير مع المخابرات
3-ضدو تماماً
بتصير الشغلة فلتة , وبتشوف كل تنين مجمعين بعض وعاملين حزب و مؤامرة
4-شو بعرفني ؟؟
بتكون أحسن شي بهيك حالة , وبتصير طنش تعش , وبالروح بالدم
و أخر شي بناكل خازوق

صياد الطيور

25/04/2006, 12:59

تسجيل متابعة ...

me2

25/04/2006, 13:15

تماماً ,
يعني أذا بدي قول :
1- مع , بس ضد وضعن جوا
بيصر أنو ضد الديمقراطية
2-معو بالمطلق
بصير مع المخابرات
3-ضدو تماماً
بتصير الشغلة فلتة , وبتشوف كل تنين مجمعين بعض وعاملين حزب و مؤامرة
4-شو بعرفني ؟؟
بتكون أحسن شي بهيك حالة , وبتصير طنش تعش , وبالروح بالدم
و أخر شي بناكل خازوق

أنا ما بؤمن بالاستبيانات .. خاصة أنو بيحددو الخيارات و أنا ما بطيق الخيار .. لاء و بيتركو خيار أخير أنو هنن ديوقراطيين و الخيار بيكون متل اللي عم يعترف انو "انا أجدب" ..

مو قصدي هدا الاستبيان . منشان ما يزعل الكهربجي و يكنتكلي بيتي و يحرقلي الساعة اللي مظبطها منشان ما تمرك عليي و اضطر فيد شركة الكهربا ..

كهربجي

25/04/2006, 13:43

لأنن أرادو أنشاء تجمع دمقراطي حر

هلق قد ما كان النظام قمعي و شمولي و فاشي و نازي و و و... بس مو منطق نألّه الشباب
أنا حكيت أنو على راسي ظروف الاعتقال...

يا سيدي عمر خبرني أنو واحد من الشباب كان على اتصال شخصي بالغادري!!! مشان يعني ما تقول أنّو أنا مخابرات!!

بعدين في شخص أنا متأكد من مصداقيتو قال أنو واحد من الشباب طلع على تركيا و التقى ممثل للغادري!!

يعني أنا آسف لأنو حكيت هيك بس لازم قول هيك.... لأنو بدي برهن أنو الباب ما عم يعملو هيك كرمال البلد (اللي مصلحتها يسقط النظام) هدول عم يعارضو بغرض السلطة و لا شيء أكثر مع احترامي للجميع

و اسفاه عليك يا بلد ..

خليكون ديدان .. خليكون

كلك ذوق... متل ما فهمت أنك مغتربة؟؟؟
منيح, لا تبيعينا وطنيات يستر عرضك لأنو هاد النظام اعتقلني و لاحقني و بعتلي حوش على أساس طلاب يضربوني... و قبل هيك اعتقل أبي و بعد ما طلع قتلو النظام...

فلا تبيعي وطنيات و تنظير الله يخليكي
يستر عرضك
دخيل رجليكي

Majood

25/04/2006, 14:02

هاد النظام اعتقل أبي ...

نفس الشي يلي صار معي .. انا ما عم بيع وطنيات ..
مو اني مغتربة يعني انو لازم كون لا وطنية ..
انا هالحكومة اكلت من عمري 15 سنة .. ما سمحتلي عيش طفولتي .. ما سمحتلي عيش شبابي متل باقي الناس..
ماني مضطرة اشرحلك سبب اغترابي .. بس البلد بحبها و بزعل عليها.. لانها بتستحق تكون غير هيك
بعدين طالع بايدنا نكون غير ديدان ... انا كمان دودة..
ازا لاحظت اني ما ناقشتك .. و لا رديت على كلامك انا كان ردي موجه لوايت روز تحديدا...

me2

25/04/2006, 14:03

هلق قد ما كان النظام قمعي و شمولي و فاشي و نازي و و و... بس مو منطق نألّه الشباب
أنا حكيت أنو على راسي ظروف الاعتقال...

يا سيدي عمر خبرني أنو واحد من الشباب كان على اتصال شخصي بالغادري!!! مشان يعني ما تقول أنّو أنا مخابرات!!

بعدين في شخص أنا متأكد من مصداقيتو قال أنو واحد من الشباب طلع على تركيا و التقى ممثل للغادري!!

يعني أنا آسف لأنو حكيت هيك بس لازم قول هيك.... لأنو بدي برهن أنو الباب ما عم يعملو هيك كرمال البلد (اللي مصلحتها يسقط النظام) هدول عم يعارضو بغرض السلطة و لا شيء أكثر مع احترامي للجميع

كلك ذوق... متل ما فهمت أنك مغتربة؟؟؟
منيح, لا تبيعينا وطنيات يستر عرضك لأنو هاد النظام اعتقلني و لاحقني و بعتلي حوش على أساس طلاب يضربوني... و قبل هيك اعتقل أبي و بعد ما طلع قتلو النظام...

فلا تبيعي وطنيات و تنظير الله يخليكي
يستر عرضك
دخيل رجليكي

خيو .. برواق الله يوفقك ..

بتعرف شو بيصير فيني لما بسمع أنو سوري اعتقل ولا انضرب ؟؟ بيلتعن دين ديني ..

الخطيئة و الأخطاء نسبية .. و منظور العالم للأحداث مختلف .. و النقاشات اللانترنتاوية مدعاة لتفعيل الخلاف و الاختلاف .. لذلك .. خلوها بالقلب تجرح . يا أما فلنحكم سيد المواقف ألا وهو العقل .

me2

25/04/2006, 14:06

نفس الشي يلي صار معي .. انا ما عم بيع وطنيات ..
مو اني مغتربة يعني انو لازم كون لا وطنية ..
انا هالحكومة اكلت من عمري 15 سنة .. ما سمحتلي عيش طفولتي .. ما سمحتلي عيش شبابي متل باقي الناس..
ماني مضطرة اشرحلك سبب اغترابي .. بس البلد بحبها و بزعل عليها.. لانها بتستحق تكون غير هيك
بعدين طالع بايدنا نكون غير ديدان ... انا كمان دودة..
ازا لاحظت اني ما ناقشتك .. و لا رديت على كلامك انا كان ردي موجه لوايت روز تحديدا...

:(....................................

Barleb

25/04/2006, 14:12

لأنو بدي برهن أنو الشباب ما عم يعملو هيك كرمال البلد (اللي مصلحتها يسقط النظام) هدول عم يعارضو بغرض السلطة و لا شيء أكثر مع احترامي للجميع

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
:سوريا:

Majood

25/04/2006, 14:12

يلي بياكل العصي .. مو متل يلي بعدها :pos:

me2

25/04/2006, 14:16

و اللي بياكل عصي من جهة و بيعد العصي من جهة أخرى بآن واحد .. شو حكمو ؟؟

whiterose

25/04/2006, 14:23

هلىء ليش الكل احتد وعصب
مابدها ها الأد
ياجماعة الكل بيعرف انو البلد كانت عم تمر بمرحلة صعبة كتير
واجى خدام كملها بخيانتو الكبرى

انا مع الأعتقال لكن بتجرد

يعني هي دولة ياجماعة هي حياتك انت وامك وابوك واخواتك واقربائك
بفرحك تشوفها عم تنهار
كرمال شو
كرمال انك فهمانين الديمقراطية خطأ
هلىء الديمقراطية بنظر العالم أني انزل على الشارع وسب مين مابدي وألعن سلسفيل
اسلاف اللي مو عاجبني

بعدين شو يعني تجمع ديمقراطي حر

وشو يعني اتصالات بناس متأمرين برى على سوريا
اذا هاد هو برأيكم التجمع الديمراطية
فأنا بفتخر كون ديكتاتورية

الكل بيعرف انو البلد فيها فساد وفيها وفيها
بدنا نأصلح البلد من صلحوا من جوى
ما منطلع لبرى:jakoush:

me2

25/04/2006, 14:25

أنا رايق اكتر من فيدو ديدو بذاتو ...

zen

25/04/2006, 15:07

ومين قال انو اتصلوا بالغادري
:jakoush: :jakoush: :jakoush: :jakoush:
الله معنا

zen

25/04/2006, 15:13

شو كانت نظرة الشعب لخدام لما خان بلدو
الكل استحقروا بالرغم من انو في كلام صح من كلامو

بس الكل اعتبروا خاين من الكبير للصغير للمأمط بالسرير

مممممممم
أول شي مثال فاشل
خدام ضل اكتر من 30سنة عم ينهب ويسرح ويمرح
وماحدا قال وينك
لما طلع ع فرنسا وحكي
صار بدنا نحاموا
؟؟؟؟؟؟؟؟
ليش اذا قلبون ع البلد مو وهو بالبلد حاسبوه وليش ما فتحوا هالدفاتر الي فتحوها
وليش خلونا مسخرة قدام العالم بمجلس الشعب
ومشان اتصال الشباب مع هاد الكلب الي اسمو الغادري
ما بظن انو صحيح
انا بعرف حسام وبعرف رائيو بهالشخص

whiterose

25/04/2006, 15:22

]زين في فرق اتك تسرق وتنهب بلدك
وان تخون بلدك.

Barleb

25/04/2006, 15:27

]زين في فرق اتك تسرق وتنهب بلدك
وان تخون بلدك.
السرقة والنهب هي أوسخ من الخيانية , أو بالأحرى التنين أوسخ من بعض .
اللي بيسرق بيخون , والبيخون بيسرق

Majood

25/04/2006, 15:27

و خيانة الامانة شو لكن :aah:

محمد ابراهيم

25/04/2006, 15:31

]زين في فرق اتك تسرق وتنهب بلدك
وان تخون بلدك.
اغرب كلمة سمعتها
انا لو سرقت شعبي (بلدي)يبقى خنت بلدي

لا يمكن فصل الشعب عن الدوله

whiterose

25/04/2006, 15:36

اغرب كلمة سمعتها
انا لو سرقت شعبي (بلدي)يبقى خنت بلدي

لا يمكن فصل الشعب عن الدوله

--------------------------------------------------------------------------------

انا ما قصدت انو هو منيح
ياعالم فهموني

بقصد السرقة مو متل الخيانة

وخيانة دولة هي مو زوجة

محمد ابراهيم

25/04/2006, 15:40

انا ما قصدت انو هو منيح
ياعالم فهموني

بقصد السرقة مو متل الخيانة

وخيانة دولة هي مو زوجة
العالم فاهمين
مشان هيك اعترضو
سرقه الدوله خيانه
بس الخيانه درجات
انا بعرف
بس السرقه بتضل خيانه (لما بتكون للبلد)

إسلام

25/04/2006, 15:44

]زين في فرق اتك تسرق وتنهب بلدك
وان تخون بلدك.
يلي بدو يسرق ويتهب بلدو حيكون سهل عليه انو يخون

zen

25/04/2006, 16:19

]زين في فرق اتك تسرق وتنهب بلدك
وان تخون بلدك.
ان في فرق او ما في
ما حكيوا عنو الا بعد ما طلع
لشو
حتى مرة بالاخبار كذبوا خبر نقلابوا ع النظام وقالوا انو هو برحلة
للكتابة بدو يكتب مذكراتوا
بعدين هل عينا وبلش يبيع وطنيات للشعب الي عم ياكل من الزبالة
والشعب الي اكل من الزبالة ما اكلها الا من وراه ورا امثالوا الي بعدون لهلاء موجوين
الخيانة والسرقة نفس الشي
وبالذات لما عم تسرق دم شعب ووطن

كهربجي

26/04/2006, 00:33

ومشان اتصال الشباب مع هاد الكلب الي اسمو الغادري
ما بظن انو صحيح
انا بعرف حسام وبعرف رائيو بهالشخص

حبيبي أنا كمان بعرفو لحسام... و بعرف أنو ما بيعملا
بس الفكرة أنو (حدا) من الشباب اتصل فيه عالإيميل... و هاد حكي عمر...
و هنن عملو مشكلة معو لما شافو الإيميلات بينو و بين الغادري بالغلط....
ما في شخصي.... بنوووب
بس مهم نكون عرفانين شو عم بيصير... رجاءاً يعني!!
آسف عالدجّة

me2

26/04/2006, 09:40

حبيبي أنا كمان بعرفو لحسام... و بعرف أنو ما بيعملا
بس الفكرة أنو (حدا) من الشباب اتصل فيه عالإيميل... و هاد حكي عمر...
و هنن عملو مشكلة معو لما شافو الإيميلات بينو و بين الغادري بالغلط....
ما في شخصي.... بنوووب
بس مهم نكون عرفانين شو عم بيصير... رجاءاً يعني!!
آسف عالدجّة

ولا دجة ولا هم يحزنون.. حكيك معقول ومنطقي .. بعد خسارة حسام مافي دج .

zen

26/04/2006, 11:43

حبيبي أنا كمان بعرفو لحسام... و بعرف أنو ما بيعملا
بس الفكرة أنو (حدا) من الشباب اتصل فيه عالإيميل... و هاد حكي عمر...
و هنن عملو مشكلة معو لما شافو الإيميلات بينو و بين الغادري بالغلط....
ما في شخصي.... بنوووب
بس مهم نكون عرفانين شو عم بيصير... رجاءاً يعني!!
آسف عالدجّة
مين بالضبط حكي مع الغادري
حسام؟؟؟؟؟؟؟؟؟؟؟؟؟

me2

26/04/2006, 14:18

مين بالضبط حكي مع الغادري
حسام؟؟؟؟؟؟؟؟؟؟؟؟؟

أكيد لاء ... ما بيعملها لو بشوفو بعيني . و برأيي بلاها سيرة هدا الأبن الكلب " الغادري"

...

krimbow

26/04/2006, 15:09

مرحبا

صار لازم نحكي عن شوية امور ما كان المفروض ينحكا فيها

اول شي:
علي العلي، ما دخلو بكل الموضوع، ما كان مع الشباب، كل ما هنالك انو مرة واحدة راح مع حسام و التقى بالشباب، و مالو علاقة لا من قريب و لا من بعيد بالتجمع او الاتصالات يللي صارت او اي نشاط قاموا فيه الشباب

تاني شي
حسام، علي، دياب، و حتى طارق
هدول خريجي المنبر الحر باخوية
مشبعين حرية و ديمقراطية صح..
بس كمان مشبعين بالحل السلمي، و نبذ الحل العسكري بكل اشكالو
ضد سياسات البعث، بس كمان ضد سياسات بوش و اميركا و اسرائيل، و بالمطلق

رأيهم كان دايما بحزب الاصلاح و التغيير تبع الغادري انو حزب خاين ما بيخدم مصلحة سوريا

يللي صار
انو ماهر هوي يللي اتصل بجماعة الغادري، و ماهر اطلع طارق على بيانات و اهداف حزب الاصلاح و التغيير (بغض النظر عن تبع مين و تمويلو من وين) و ازا بتقروا بيانات هالحزب على موقعو ع النت رح تلاحظوا انو بيكتبوا انو هنن مع التغيير السلمي و اللا عسكري
و بيكتبوا ببياناتهم انو هنن مع الحرية و الديمقراطية ... و ما بيذكروا الدبابة الاميركية، ...

لما تم عرض موضوع الغادري ع الشباب، رفضوه تماما
و ماهر و طارق الوحيدين يللي اتصلوا بالغادري و جماعتو

لما صار مؤتمر المعارضة ببروكسل، كان الاتفاق انو يطلع ماهر و طارق ع المؤتمر لحتى يمثلوا الشباب يللي سموا حالهم "شمس" (شباب من سوريا)
الشباب و بسبب شكهم بنوايا ماهر، رفضوا هالشي و قرروا انو يا بيطلعوا سوا، يا اما يللي بيطلع بيمثل حالو فقط

و اتفقوا انو بيطلع الكل، و الكل حضر بسبوراتو مشان الطلعة
قبل الطلعة بيوم ... طارق لغا كل شي و قرر انو ما يطلع مؤتمر المعارضة، و قطع علاقاتو مع الشباب و اكدلهم انو هوي منسحب و ما عاد الو علاقة بالشباب اكتر من علاقة صداقة

و هيك فرط كل شي و انتهى مشروع شمس نهائيا

الشباب اتصلوا بالغادري ع النت، تم هالشي
بس مو معقول يتحاسبوا على هالاساس، يعني الشباب ما اذنبوا، الشباب ما نفذوا اي شي

سيادة الرئيس السوري بحفل تأبين بابا الفاتيكان يوحنا بولس الثاني سلم على رئيس اسرائيل، هل هذا يعني انو تم عقد سلام ؟؟؟؟؟
هل هذا يعني انو خان الثوابت الوطنية ؟؟؟؟
بالتأكيد لأ

و كذلك الشباب
اتصلوا بالغادري، لكن ذلك ما بيعني اي نوع من انواع الخيانة
اولا المشروع فشل بارضو و بدون ما يتم اصدار حتى بيان تأسيسي
و حتى ما صار بأي اجتماع اكتمال للنصاب
و دايما كان في ضيوف او دخلاء (متل علي) على اجتماعاتهم
و انعقدت كل اجتماعاتهم بقهاوي عامة متل قهوة الروضة

عمليا الشباب ما عملوا شي
انتقلوا من حالة الحوار عبر الانترنت لحالة الحوار بالقهاوي

اما عن موضوع تلقي مساعدات و ما بعرف شو (المبلغ يللي انذكر هوي 150 الف دولار اميركي)

يعني عفوا بس الشباب منتوفين يا دوب يأمنوا حق باكيت الحمرا
انو لو قبضوا عشر (1/10) المبلغ المذكور ... كان بان هالشي عليهم

ما بدي اعمل محامي عن الشباب
بس تجمعهم كان ولدنة بولدنة
اهتموا بالسخافات و القشور (شعار، لقب، لوغو... الخ من الشكليات) و ما اهتموا بالاساسيات، يعني ما عملوا بيان تأسيسي، و ازا سألتوا كل واحد شو غاياتكم، كل واحد رح يعطيكم جواب شكل، ... ضوجة شباب هي هيي كل القصة

حاولوا انو يعملوا شي لهالوطن
شافوا انو التنظيم منطلق اساسي لأي نشاط بيفيد الوطن
فعملوا تجمعهم الزغير يللي مات قبل ما يولد

برأيي الشخصي، الشباب ما ممكن يكونوا خونة، كيف اصلا بيسمح اي شخص لنفسو انو يخونهم؟؟؟؟

ازا هدول الشباب خونة، شو منقول عن الشباب يللي عم يضيع عمرو بالسهر و الكابارهيات و الحشيش،
شو منقول عن الشباب يللي كل همو آخر موبايل و آخر قصة شعر و آخر كليب نزلتو نانسي و ازا حد رد على كليب "واوا" و اللا لسا ما حدا رد ؟؟؟؟؟

ازا هدول الشباب خونة، انا أولكم و انتوا كلكم ورايي، خونة لدرجة لسا اللغة العربية بكل غزارتها ما لقتلنا صفة قبيحة ننوصف فيها

me2

26/04/2006, 15:23

شكرا كريم ..

ولو أني مو موافق على كل شي .. بس بيبقى ما في داعي يتحكى أكتر من اللي حكيتو ..

qarqaz99

26/04/2006, 17:54

أول شي شباب بدي أحكي انو أنا من الأردن
وممكن واحد يحكيلي انته مابتعرف شو يالي بصير عندنا
بس الي بدي أحكيه انه الحال مابيفرق كثير
امبارح العراق واليوم سوريا وبكره مصر وبعدو .... وبعدو.....
الكل كان يقول نظام صدام قمعي ودكتاتوري و.....
ماظل شي الا انحكا عنو
وهلا الدور على نظام بشار كمان قمعي ودكتاتوري ومنعزل...
بس بحياتكن فكرو....
الي صار بالعراق قبل سنوات تكرار للي بصير لسوريا اليوم
حصار واتصالاات مع الي بيحكو عنهم معارضة
وانتو عارفين انهم مو معارضه همه (أولاد الغرب وخونه)
وبيرجعو زعماء علينا
لك نار بشار ولا جنة أمريكا
شوفوا يالي بصير بشبابنا بوعرضنا بالعراق
بتقول وين أيام صدام
وخايف نقول وين أيام بشار
مهما يكون قمعي ودكتاتوري
اسأل نفسك (مع مين)
بيمسكو ناس من الشارع وبيعذبوهم والا ناس فعلا مذنبين
وكل نظام خلقو ربنا لازم يدافع عن حالو والا مابيستمر
فكيف لما يكون دوله قويه باقتصادها وجيشها
من مصلحة مين يدمرها

yass

26/04/2006, 18:05

أول شي شباب بدي أحكي انو أنا من الأردن
وممكن واحد يحكيلي انته مابتعرف شو يالي بصير عندنا
بس الي بدي أحكيه انه الحال مابيفرق كثير
امبارح العراق واليوم سوريا وبكره مصر وبعدو .... وبعدو.....
الكل كان يقول نظام صدام قمعي ودكتاتوري و.....
ماظل شي الا انحكا عنو
وهلا الدور على نظام بشار كمان قمعي ودكتاتوري ومنعزل...
بس بحياتكن فكرو....
الي صار بالعراق قبل سنوات تكرار للي بصير لسوريا اليوم
حصار واتصالاات مع الي بيحكو عنهم معارضة
وانتو عارفين انهم مو معارضه همه (أولاد الغرب وخونه)
وبيرجعو زعماء علينا
لك نار بشار ولا جنة أمريكا
شوفوا يالي بصير بشبابنا بوعرضنا بالعراق
بتقول وين أيام صدام
وخايف نقول وين أيام بشار
مهما يكون قمعي ودكتاتوري
اسأل نفسك (مع مين)
بيمسكو ناس من الشارع وبيعذبوهم والا ناس فعلا مذنبين
وكل نظام خلقو ربنا لازم يدافع عن حالو والا مابيستمر
فكيف لما يكون دوله قويه باقتصادها وجيشها
من مصلحة مين يدمرها

منطقك هاد ما بينفعني و لا بينفع حدا على ما اعتقد
انكون تعملوا من كل يللي ضد نظام البعث خاين هاد منطلق ما اتقبلو بنوب.
يعني مافي غير حلين؟ يا مع أمريكا يا مع بشار؟ لأ خيو أنا لا مع هاد ولا مع هاد ... أنا مع سوريا.
سياسة اخافة الناس من أن مستقبل سوريا سيكون كالعراق اذا زال حكم البعث ليس أكثر من بروباغندا رخيصة و سيئة النية .

بعدين خيو بالمشرمحي ولا تزعل مني... ما فيني أجادلك بكلمة وحدة عن الأردن فرجاءا لا تحاول تعلمني أنو أكون سوري (و بكل ودية عم أحكي )

Danito

26/04/2006, 18:23

الشباب و الاعتقال
اعتقال الشباب لم يتم على أساس قانوني، بغض النظر عن أفعالهم ..
النظام في سوريا نظام أمني و يعمل تحت صيغة غير شرعية (حالة الطوارئ) رغم أنو ما في طوارئ و حالة اللاسلم اللاحرب مع اسرائيل عمادها أنوا سوريا ما بتضرب طلقة وحدة عأسرائيل بينما الإنزلات التي تم التعيتم عليها في المزة و تدمر مرت مرور الكرام عدا عن ضرب أهداف مباشرة و عمليات الاغتيال بنص الشام و على بعد خطوات من الإدارة الشهيرة السيئة السمعة
المحصلة النظام الأمني مسلط على المواطنين أما أسرائيل فالساحة مباحة لها

الديمقراطية و النظام
أي ديمقراطية؟ و أي نظام؟ يعني استخدام نظامنا و اتباعه لكلمة الديمقراطية صار ممجوج و ما بيختلف عن المفهوم الأميركي، بل أصبحت الديمقراطية مطرقة بأيد الأميركان تهبط بعنف على السندان الذي هو ديمقراطية النظام و الناس ممعوسين بالنص
يلعن أخت الديمقراطية و ما بدنا ديمقراطية ، بدنا نعيش .. نعيش مثل البشر

الفوضى .. أذيال النظام و الملحوسين(لبننة سوريا) و أشياء أخرى....
أنو عأساس المخابرات و أجهزة الأمن طورت أدواتها و مخترقة المواقع و الإنترنت و المعارضة بس برجع و بعيد كلمة قلت قبل و أنا مسؤول عنها ، هي كلها أجهزة مخترقة (بفتح الراء) يعني المطلوب هو التأكد من سيطرة النظام و ليس حماية الوطن ، لك حتى أنا شخصيا بزمانو انطلب مني بشكل غير مباشر ازا بشتغل عند أحد الأفرع بقضايا إنترنت أو ما شابه.. و فهمكون كفاية و إذا مو كفاية يعني كل شوي بيطلعنا واحد شكل بدون عاساس يخربطوا المواضيع
ما بتذكرني حالة الفوضى هذه إلا بوضع الفلسطينيين و المنظمات الفلسطينية بلبنان اللي كان ما في جهاز استخبارات بالعالم مو مخترقها من الموساد للـ سي آي أي للسورية لليبية للعراقية للفرنسية......... و ليس انتهاءً بالتركية
يعني هون المنبر و الأخوية معباية اللي لابس ثوب التطرف الديني و اللي لابس لباس الوطني و اللي معارضة و اللي معارضة نص دكة و هلم جرا ... لك بطلت أوثق بحالي..
الألعن هن الشباب و الصبايا المغرورين اللي تجربتهم و وعيهم السياسي محدود يعني ليس بالضرورة على مستوى أحزاب و تنظيم بس يعني فهم شخصي لألف باء السياسة و قراءة الواقع
هلق ما بقول أنو أنا يعني فهمانو 100% أو مطلع الزير من البير بس يعني الواحد بيراقب و بيحاول يفهم بس مو بيسمع شوية دعايات و تحليلات بدرس القومية بصف التاسع و يالله بصير صوت صراخوا و تخوينوا و ترديدوا لعبارات النظام يشق عباب السماء و يالله على شهادات حسن سلوك و وطنية يمين و شمال (طبعا هذا الحكي و من باب المقاربة الموضوعية ينطبق على البعض من ملحوسي الاخوان المسلمين أو المتأمركين أو ) هلق أنا ما عم خون حدا بس يعني هادا جزأ من و محصلة لـلفوضى العارمة
هي الفوضى اللي الشباب على أساس عم يديروها بدقة بس على مين ؟ على ماما يا بابا
لا و مخابراتنا ببيتصلو بالمخابرات بالدول الثانية اللي عم يشاركو فيها الشباب و بيطلبو الريل آي بي و حتى التأكد من هويات المشاركين من أجل "مكافحة الإرهاب" و التنسيق شغال على أبو موزة بس الشباب على شطارتون نسوا او تناسوا أنو المخابرات بالعالم "المتحضر" مانها بنت مبارح و أنو يعني مفكرين حالون شاطرين و عم يلعبوها صح و مو عرفانين أنو حتى إذا هني مخترقين الجاليات أنو الشباب زملائهم (المخابرات الأجنبية) عندهم أجنداتهم الخاصة
المهم..

الأمن الوطني و الخيانة
أنو بدي أعرف مين الخاين عن جد ؟ مين اللي عم يتصل بجهات أجنبية عن جد و عم يبيع البلد كل يوم و كل دقيقة بصفقات دنيئة
أنو الشباب يعني اتصلو بالغادري و لا حضروا مؤتمر و لا و لا
طيب و النظام اللي اتصالاتو مع الأميركان ما بتنقطع؟ مين بيحاسبو؟ مين بيساآلو؟
لك حتى خدام اللي كل ما دق الكوز بالجرة بقول خدام هو منشق من النظام أيوا منشق عن النظام يعني هو من النظام بس انشق عنه و وجودا خارج سوريا هو (بنظره) مؤقت و تكتيكي ، يعني هو لاعب من النظام و عم يلعب نفس اللعبة و بنفس القواعد و لكن تكيكيا و جيو سياسيا لا يمكنه أن يفعل ذلك من داخل سوريا (خدوا مثال وضعوا بفرنسا و انتقاله إلى بريطانيا، الوضع في وسائل الإعلام يعني الحرب على الحكم بين النظام و المنشقين عنه تنحسم في الخارج و ليس في الداخل ...)
يعني الصراع بين النظام و خدام هو صراع ليس على ولاء الشعب بل على كسب دعم و تأييد الأميركان و ضراب السخن
المحصلة:
ضد الاعتقال ضد نظام الطوارئ و هي خدعة الأمن الوطني و البلد مليان متطرفين بدا هيك نظام ، هادا كلو كلام يوك خليون يدحشو بـ...

qarqaz99

26/04/2006, 22:58

منطقك هاد ما بينفعني و لا بينفع حدا على ما اعتقد
انكون تعملوا من كل يللي ضد نظام البعث خاين هاد منطلق ما اتقبلو بنوب.
يعني مافي غير حلين؟ يا مع أمريكا يا مع بشار؟ لأ خيو أنا لا مع هاد ولا مع هاد ... أنا مع سوريا.
سياسة اخافة الناس من أن مستقبل سوريا سيكون كالعراق اذا زال حكم البعث ليس أكثر من بروباغندا رخيصة و سيئة النية .

بعدين خيو بالمشرمحي ولا تزعل مني... ما فيني أجادلك بكلمة وحدة عن الأردن فرجاءا لا تحاول تعلمني أنو أكون سوري (و بكل ودية عم أحكي )

خيو
تسلمي والله كلك مفهوميه وذوق
وأنا ماقصدت انه يالي مو مع بشار مع أمريكا
وأنا كمان مع الأردن ومع العرب والمسلمين
وصدقني يالي بصير عندنا مو احسن من يالي بصير عندكن
وكلمة الديمقراطية يالي عم يحكو عنها بالبلاد العربيه صدقني "وهم"
ومابحكي هالحكي الا من خوفي على سوريا لأنها أخر أمل النا
وأنا مو بعثي ولامقتنع بالبعثيه أصلا بس عالأقل
آخر نظام عربي بيقول لا
وبأتمنى مايطلعو من العراق أصلا الا بتوابيت مسكره عشان مايفكروا مره ثانيه ببلد عربي
ولايقدرو يطلعو بنظره تجاه سوريا
اتمنى تكون وصلت وجهه نظري
ومشكور خيو عالرد

كهربجي

27/04/2006, 03:11

مرحبا

صار لازم نحكي عن شوية امور ما كان المفروض ينحكا فيها

اول شي:
علي العلي، ما دخلو بكل الموضوع، ما كان مع الشباب، كل ما هنالك انو مرة واحدة راح مع حسام و التقى بالشباب، و مالو علاقة لا من قريب و لا من بعيد بالتجمع او الاتصالات يللي صارت او اي نشاط قاموا فيه الشباب

تاني شي
حسام، علي، دياب، و حتى طارق
هدول خريجي المنبر الحر باخوية
مشبعين حرية و ديمقراطية صح..
بس كمان مشبعين بالحل السلمي، و نبذ الحل العسكري بكل اشكالو
ضد سياسات البعث، بس كمان ضد سياسات بوش و اميركا و اسرائيل، و بالمطلق

رأيهم كان دايما بحزب الاصلاح و التغيير تبع الغادري انو حزب خاين ما بيخدم مصلحة سوريا

يللي صار
انو ماهر هوي يللي اتصل بجماعة الغادري، و ماهر اطلع طارق على بيانات و اهداف حزب الاصلاح و التغيير (بغض النظر عن تبع مين و تمويلو من وين) و ازا بتقروا بيانات هالحزب على موقعو ع النت رح تلاحظوا انو بيكتبوا انو هنن مع التغيير السلمي و اللا عسكري
و بيكتبوا ببياناتهم انو هنن مع الحرية و الديمقراطية ... و ما بيذكروا الدبابة الاميركية، ...

لما تم عرض موضوع الغادري ع الشباب، رفضوه تماما
و ماهر و طارق الوحيدين يللي اتصلوا بالغادري و جماعتو

لما صار مؤتمر المعارضة ببروكسل، كان الاتفاق انو يطلع ماهر و طارق ع المؤتمر لحتى يمثلوا الشباب يللي سموا حالهم "شمس" (شباب من سوريا)
الشباب و بسبب شكهم بنوايا ماهر، رفضوا هالشي و قرروا انو يا بيطلعوا سوا، يا اما يللي بيطلع بيمثل حالو فقط

و اتفقوا انو بيطلع الكل، و الكل حضر بسبوراتو مشان الطلعة
قبل الطلعة بيوم ... طارق لغا كل شي و قرر انو ما يطلع مؤتمر المعارضة، و قطع علاقاتو مع الشباب و اكدلهم انو هوي منسحب و ما عاد الو علاقة بالشباب اكتر من علاقة صداقة

و هيك فرط كل شي و انتهى مشروع شمس نهائيا

الشباب اتصلوا بالغادري ع النت، تم هالشي
بس مو معقول يتحاسبوا على هالاساس، يعني الشباب ما اذنبوا، الشباب ما نفذوا اي شي

سيادة الرئيس السوري بحفل تأبين بابا الفاتيكان يوحنا بولس الثاني سلم على رئيس اسرائيل، هل هذا يعني انو تم عقد سلام ؟؟؟؟؟
هل هذا يعني انو خان الثوابت الوطنية ؟؟؟؟
بالتأكيد لأ

و كذلك الشباب
اتصلوا بالغادري، لكن ذلك ما بيعني اي نوع من انواع الخيانة
اولا المشروع فشل بارضو و بدون ما يتم اصدار حتى بيان تأسيسي
و حتى ما صار بأي اجتماع اكتمال للنصاب
و دايما كان في ضيوف او دخلاء (متل علي) على اجتماعاتهم
و انعقدت كل اجتماعاتهم بقهاوي عامة متل قهوة الروضة

عمليا الشباب ما عملوا شي
انتقلوا من حالة الحوار عبر الانترنت لحالة الحوار بالقهاوي

اما عن موضوع تلقي مساعدات و ما بعرف شو (المبلغ يللي انذكر هوي 150 الف دولار اميركي)

يعني عفوا بس الشباب منتوفين يا دوب يأمنوا حق باكيت الحمرا
انو لو قبضوا عشر (1/10) المبلغ المذكور ... كان بان هالشي عليهم

ما بدي اعمل محامي عن الشباب
بس تجمعهم كان ولدنة بولدنة
اهتموا بالسخافات و القشور (شعار، لقب، لوغو... الخ من الشكليات) و ما اهتموا بالاساسيات، يعني ما عملوا بيان تأسيسي، و ازا سألتوا كل واحد شو غاياتكم، كل واحد رح يعطيكم جواب شكل، ... ضوجة شباب هي هيي كل القصة

حاولوا انو يعملوا شي لهالوطن
شافوا انو التنظيم منطلق اساسي لأي نشاط بيفيد الوطن
فعملوا تجمعهم الزغير يللي مات قبل ما يولد

برأيي الشخصي، الشباب ما ممكن يكونوا خونة، كيف اصلا بيسمح اي شخص لنفسو انو يخونهم؟؟؟؟

ازا هدول الشباب خونة، شو منقول عن الشباب يللي عم يضيع عمرو بالسهر و الكابارهيات و الحشيش،
شو منقول عن الشباب يللي كل همو آخر موبايل و آخر قصة شعر و آخر كليب نزلتو نانسي و ازا حد رد على كليب "واوا" و اللا لسا ما حدا رد ؟؟؟؟؟

ازا هدول الشباب خونة، انا أولكم و انتوا كلكم ورايي، خونة لدرجة لسا اللغة العربية بكل غزارتها ما لقتلنا صفة قبيحة ننوصف فيها

معناها فكرتي وصلت... ما كان بدّي احكي بالأسماء
شكراً
كتييير

zen

27/04/2006, 12:10

:shurup: :shurup: :shurup: :shurup: :shurup: :cry:

Barleb

28/04/2006, 22:40

ازا هدول الشباب خونة، انا أولكم و انتوا كلكم ورايي، خونة لدرجة لسا اللغة العربية بكل غزارتها ما لقتلنا صفة قبيحة ننوصف فيها
أذا كانو هل شباب خونة , بيكون شرف لـ ألي أنضم ألهم و صير متلهم

QT_loloo

29/04/2006, 04:20

لعمى
مين حاكي مع الغادري هدول الشباب المكتوب اسمائهم

ولي

لعمى هاد الغادري عميل لأسرائيل وفي اتصالات بينو وبينهم
الله يستر الله يستر

الله يحميكي يا سوريا من كيد الأعادي

حلوة هي كيد الأعادي

zen

29/04/2006, 12:43

اي اتصال مع الكلب الغادري
شي سلبي بالنسبة للشبابا
وصدمة للشباب الي كانوا ناطرينون ليطلعوا
عنجد صدمة
للأسف
ليس كل شيء كما يبدو ع قولة ماهر

Barleb

29/04/2006, 12:55

اي اتصال مع الكلب الغادري
شي سلبي بالنسبة للشبابا

بعتقد أنو كريم وضح الفكرة ,
ولو كان صار تطورات أكتر بـ أتصالن مع الغادري .
أو مثلاً أذا تلقو دعم من برا ,
كانت الحكومة على القليلة صرحت بهل شي كـ سبب لأعتقالن
:سوريا:

zen

29/04/2006, 13:02

تطور ولا ما تطور
مجرد الاتصال
كان غلط كبير كبير كبير
وهاد رأي
والحكومة بس ما بتصرح بشي
نهائيا ان كان الحق معها ولا عليها
ما بتصرح

حسون

29/04/2006, 14:48

الأخ البعثحي الكهربجي الأمي
من وين استنتجت بعبقريتك الفذة أنو الشباب من حلفاء فريد الغادري
لمعلومات هدول أبطال
بس بدك مين يفهم ابطولي

zen

29/04/2006, 15:01

حسون هوي ما قال انو حلفاء الغادري
قال انو هني اتصلوا بالغادري
وهاد الشي سلبي 100%
شو ما كان السبب
وهالكلام اكدو كريم