هل صحيح انه ما الحب الا للحبيب الاول [الأرشيـــــف]

عرض كامل الموضوع : هل صحيح انه ما الحب الا للحبيب الاول

بنت الاكارم

17/04/2006, 08:22

اعزائي هذه اول مشاركه لي وارجوا انت تنال اعجابكم:-)

عندي موضوع هام للنقاش في هذا الموضوع ما بعرف اذا انطرح قبل هالمره ولا لا!!!!!!

القول اللي بيقول ما الحب الا للحبيب الاول هل هذه المقوله صح؟

انا بدي اسال كل اللي جربو ا الحب مرتين وثلاته هل فعلا قدرتوا تنسو ا حبكم الاول او انه ما زال في قلوبكم

لما انسان يحب مره تانيه ويفضل يحكي لحبيبته عن حبه الاول هل هو فعلا حب التانيه ام انه اتخذها فقط لكي يضيع مها الوقت ويخفف عن نفسه ويحاول يتناسا حبه القديم ؟

لما الانسان يكتب اشعاره كلها عن حبه القديم وكم هو مشتاق وكم هو حزين ومع انه ما بكتب عن الحب التاني اي شي هل فعلا بكون حب الانسانه التانيه ؟

اسأله كتيييير موجوده ببالي وما لقيتلها اجابه يا ريت الاقي الاجابه عندكم

تحياااااااااااااااتي
بنت الاكارم

Varon

17/04/2006, 09:17

عفكرة موضوع حلو كتير للنقاش بس هلا مستعجل برجع بعدين في الي حكي كتير عهالشيززز
تحياتي

Reemi

17/04/2006, 10:46

القول اللي بيقول ما الحب الا للحبيب الاول هل هذه المقوله صح؟

بنظري لا.........لا...لا...!

انا بدي اسال كل اللي جربو ا الحب مرتين وثلاته هل فعلا قدرتوا تنسو ا حبكم الاول او انه ما زال في قلوبكم

انو ليش الله خلق فينا شي اسمه النسيان لنضل متذكرين يعني...خدي مني بتنسي..;-) .!

لما انسان يحب مره تانيه ويفضل يحكي لحبيبته عن حبه الاول هل هو فعلا حب التانيه ام انه اتخذها فقط لكي يضيع مها الوقت ويخفف عن نفسه ويحاول يتناسا حبه القديم ؟

اذا بدو يضل يحكي عنا طول الوقت...فانا برايي هيدا لسا ما نسي....وما مستعد نفسيا لدخول علاقه تانية...:cry:

لما الانسان يكتب اشعاره كلها عن حبه القديم وكم هو مشتاق وكم هو حزين ومع انه ما بكتب عن الحب التاني اي شي هل فعلا بكون حب الانسانه التانيه ؟

الجرح بعلم....وبيحكي .... لهيك بيكتب عن الجرح الي خلته الاولى....:سوريا:

خديها مني... حبك القديم بذاكرتك وحبك الجديد بقلبك...8) ..!

اسأله كتيييير موجوده ببالي وما لقيتلها اجابه يا ريت الاقي الاجابه عندكم

اهلا وسهلا فيكي
نورتينا
الرب يحميكي...!:سوريا:

butterfly

17/04/2006, 10:57

القول اللي بيقول ما الحب الا للحبيب الاول هل هذه المقوله صح؟
لأ ... لأنو غالبا الحب الأول بيكون بمرحلة مبكرة .. وكتير نادر ليستمر .. لذلك الحب الأول هو تجربة حلوة ...

انا بدي اسال كل اللي جربو ا الحب مرتين وثلاته هل فعلا قدرتوا تنسو ا حبكم الاول او انه ما زال في قلوبكم
يمكن كشخص نسيناه ... بس في ذكريات منتذكرا .. عشرة يمكن تضل غالية ... خوف من تكرار نفس الأخطاء ... بس إذا العلاقة الجديدة حقيقية ... بتخلي الماضي يضل ماضي وبتعيشك حاضر ومستقبل مليئين بالحب :oops:

لما انسان يحب مره تانيه ويفضل يحكي لحبيبته عن حبه الاول هل هو فعلا حب التانيه ام انه اتخذها فقط لكي يضيع مها الوقت ويخفف عن نفسه ويحاول يتناسا حبه القديم ؟
من الجيد برأيي أنو الشخص يحكي عن خبراتو السابقة للشخص اللي بحبو لأنو هالشي جزء منو .... بس دون مبالغة وحنين وأشواق .,... وأنا برأيي أنو إذا كان بيفضل الشخص أنو ما يحكي عن علاقتو القديمة هادا المؤشر انو ما قدر يتخطاها وأنو العلاقة الجديدة هي محاولة هروب لا أكثر

لما الانسان يكتب اشعاره كلها عن حبه القديم وكم هو مشتاق وكم هو حزين ومع انه ما بكتب عن الحب التاني اي شي هل فعلا بكون حب الانسانه التانيه ؟
بتقول أحلام مستغانمي أنو نحنا منقتل الأبطال على الورق ... يعني انو اللي عم يكتب عم يفرغ شعور بالألم بالحزن ... وهالشي كتير أيجابي أحسن من انو الأنسان يكبت هالشي وتضل هالمشاعر عثرة بطريقو أنو يكمل حياتو ... إن كان ما بكتب عن الحب التاني .. يمكن لأنو الألم شعور أقوى من الحب ... فالألم محرض أكتر عالأبداع

شكرا ألك عالموضوع .... :سوريا:

تحياااااااااااااااتي
لبنت الاكارم

MR.SAMO

17/04/2006, 11:23

بعتقد اول تجربة بتضل مؤثرة اكتر من غيرها

maro18

17/04/2006, 15:36

في حياة كل منا وهم كبير إسمه الحب الأول

silin

17/04/2006, 16:15

انا بعتقد انو ما دخل الحب الاول انو هو الحقيقي يعني لاااا

يمكن يرجع الشخص يلاقي حبيب يحبو اكتر من الحبيب الاول

ويمكن لا

يعني ما كل العالم نفس الشي في هيك وفي هيك
يمكن انا كون لائيت الحب من الشخص التاني
بس غيري بالعكس

maro18

17/04/2006, 16:53

ما فى الحب الاول والثانى هو الحب مرة واحدة بس الفكرة كلها امتى تلاقية يعنى ممكن تعرف حد وتعتقد انك بتحبة وبعد كدة تنساة وتحب حد تانى بقوة وتعرف ساعتها ان الاول دة ما كان حب

بنت الاكارم

17/04/2006, 17:54

انا كتييير بتشكركم لردودكم الرائعه

انا معكم في انه الواحد مستحيل ينسى حبه القديم لكن اذا عاش بقيه حياته يتعذب وبتالم على فراق الحبيب الاول هذا بيعني انه مستحيل انه حبه الجديد يكون نساه حبه القديم او بمعنى تاني انه ما حب مره تانيه وانه بس عم يضيع وقته ويحاول يتناسى حبه القديم بلعبه اسمها الحب الجديد

عجبتني هي المقوله
بتقول أحلام مستغانمي أنو نحنا منقتل الأبطال على الورق ... يعني انو اللي عم يكتب عم يفرغ شعور بالألم بالحزن ... وهالشي كتير أيجابي أحسن من انو الأنسان يكبت هالشي وتضل هالمشاعر عثرة بطريقو أنو يكمل حياتو ... إن كان ما بكتب عن الحب التاني .. يمكن لأنو الألم شعور أقوى من الحب ... فالألم محرض أكتر عالأبداع

طيب ليش انه الشعور بالالم اقوى من الشعور بالحب

انا من رايي لو انه بجد حب المفروض حبه الجديد ينسى العالم كله وبالعكس يحاول انه يكتب عن حبه الجديد عشان يقدر ينسى الحب القديم ويكون شعوره بالحب اكبر من شعوره بالالم

طبعا هون في حاله اذا كانت المقوله اللي بتقول
مالحب الا للحبيب الاولي غلط يعني مو صح

ويعطيكم الف عافيه على ردودكم الرائعه

تحياااااااااااااتي
بنت الاكابر

Kakabouda

17/04/2006, 19:02

موضوع كتير حلو ... شكراً الك ..

هلأ أنا برأيي و توثيقاً لكلام الفراشة أنو الحب الأول دايماً مبكّر بكون بالتالي بكون حب هات ايدك و لحقني .. يعني الواحد طالع على حياة المراهقة جديد و حابب يجرّب الحب ..

فبالتالي الحب اللي بعد الأول ههههه هو الأساسي ..

تحياتي

butterfly

17/04/2006, 22:45

عجبتني هي المقوله
بتقول أحلام مستغانمي أنو نحنا منقتل الأبطال على الورق ... يعني انو اللي عم يكتب عم يفرغ شعور بالألم بالحزن ... وهالشي كتير أيجابي أحسن من انو الأنسان يكبت هالشي وتضل هالمشاعر عثرة بطريقو أنو يكمل حياتو ... إن كان ما بكتب عن الحب التاني .. يمكن لأنو الألم شعور أقوى من الحب ... فالألم محرض أكتر عالأبداع
طيب ليش انه الشعور بالالم اقوى من الشعور بالحب
انا من رايي لو انه بجد حب المفروض حبه الجديد ينسى العالم كله وبالعكس يحاول انه يكتب عن حبه الجديد عشان يقدر ينسى الحب القديم ويكون شعوره بالحب اكبر من شعوره بالالم

الألم من أقوى المشاعر ... لذلك بتطغى عأي شعور تاني ... الحب بيعمل عتخفيف حدة الألم ... بس لازم نعطي الحب الوقت الكافي ليحقق هالشي ... ما لازم أنو نفتر ض أنو الحب عصا سحرية بتقول للألم روح بيقوم ( بيصير الواوا بح ) عقولة هيفا العظيمة ......
الحب شعور بيغيرك من جوا :oops: ... بينسيك الدنية متل ما قلتي .. بس بحاجة لوقت ...

أسير التشرد

17/04/2006, 22:49

أنا نسيت من زمان
بعدين شو يعني الحب فهمونا منشان الله

silin

17/04/2006, 22:54

أنا نسيت من زمان
بعدين شو يعني الحب فهمونا منشان الله

شوووووووو:shock: :shock: :shock: :shock:

sweetbaby

17/04/2006, 22:54

الموضوع حلو كتير
هلا بعتقد انا انو الواحد مافيو يقول انو الحب للحبيبي الاول لانو مثلا الواحد بعمر المراهقة يمكن يكون مانو حب مشان هيك مافيكي تقولي انو للحبيب الاول
بس بعتقد انو لمن بتحسي بالحب الحقيقي رح يكون مرة وحدة وانا عم احكي عالبنت والشب ها
يعني الحب مرة وحدة رح يصير بس العلاقات اللي ممكن يدخل فيها الانسان اكتر من وحدة

blue eyes

17/04/2006, 22:55

بالنسبة الي انا اساتني بالحب الاول ومابظن رح يكون عندي حب تاني او تالت لهيك ما بعرف اذا ممكن انسى او حب شخص تاني..بس مابظن لانو قلبي ما بيسع الا لشخص واحد..:sosweet: :sosweet:

sweetbaby

17/04/2006, 23:12

الحب شعور بيغيرك من جوا :oops: ... بينسيك الدنية متل ما قلتي .. بس بحاجة لوقت ...
هدا هوي الصح

whiterose

17/04/2006, 23:23

هلىء بالنسبة لموضوع الحب الأول
ممكن الواحد يحب شي 10 مرات قبل ما يحب الحب الأول
لأنو ممكن يكون اللي قبل حب ولاد او حاجة او زعبرة
اما الحب الأول هو الحب الصح او الحب يلي بيتملك كل شي فيك
وبصير هو المتحكم بحياتك

أنا بعتقد انو الحب الأول بينتسى وبتخف ألامو مع الزمن

لكن بضل له نكهة خاصة
وطعمة طيبة
كل ما اتذكرتوا

تجربة شخصية:p

أسير التشرد

17/04/2006, 23:43

يا بنات بلا حب بلا بطيخ مبسمر

كل تجارب الحب كلام فاضي مالو طمع.... خلينا بالمفيد... شو طابخين اليوم ؟؟

إسلام

17/04/2006, 23:45

انت شو طبخت اليوم

أسير التشرد

17/04/2006, 23:53

أنا طبخت حب فاصولية مع حب عدس:tomtom:

أسير التشرد

17/04/2006, 23:53

شوفوا معنى الحب : مثل أي لعبة يمارسها اثنـان … في نهايتهما : أحدهما يربح … والآخر يخسر

إسلام

17/04/2006, 23:55

ما بتعرفني ما بحبا لهي الاكلة ايمتى يا اخي حترجع على بلدك حاجتك شنططة اهلك شتاقولك وأخوك سعيد كل يوم عم يسأل عنك

أسير التشرد

18/04/2006, 00:01

ما بتعرفني ما بحبا لهي الاكلة ايمتى يا اخي حترجع على بلدك حاجتك شنططة اهلك شتاقولك وأخوك سعيد كل يوم عم يسأل عنك

أه أه يا اختي شو طالع باليد بدي أجمع كم قرش منشان مهر البنت

إسلام

18/04/2006, 00:06

أه يا اخي شو تعذبت وتأهرمت وتشنططت بهل الغربة بس شو بدك تساوي الله معك

نحنا مو هاين علينا بس شو طالع بإيدنا نحنا كمان عما نتعذب هون

أسير التشرد

18/04/2006, 00:11

إسلام شو اخبار البابا لسه تو زعلان مني

إسلام

18/04/2006, 00:13

لا قلبو راق أنا كل يوم عم اقنعو وقلو كلام حلو عنك
بس انت بطل سهر ومشروب الله يرضا عليك

Willi

18/04/2006, 00:18

الحب موضة
الحب الاول تسلاي
والتاني تسلاي
والتالت تسلاي
والرابع تسلاي
والخامس لانو رفيقي حب
والسادس لانو ابن جيراني ترك حبيبتو وحب غيرها
وهكذا
...................................

هيك الكل عم يعمل

HashtNasht

18/04/2006, 00:49

القول اللي بيقول ما الحب الا للحبيب الاول هل هذه المقوله صح؟

للأسف الشديد

الشديك كتير يعني

صح :pos:

بنت الاكارم

18/04/2006, 01:34

شو اسلام واسير التشرد مافي مكان تتفاهموا في الا هون مافي مسنجر او ياهوا او تلفون ههههههههههههههههههههههههه
اسير التشرد ليش ابوك زعلان منك روح راضيه ما بسير بتخليه زعلان منك
هههههههههههههههههههههههههه

قرات كل ما كتب من ردود وبتشكركم كتيييير

ولكن بدي اعرف كيف بدك تميز او تعرف انه حبك حب حقيقي ولا متل ما حكيتو ا يعني حب تسلايه او مراهقه

يعني المشاعر اللي بيشعر فيها الانسان في الحب من شوق وعذاب وحنين ........الخ ما هي مشاعر حقيقيه
كيف بدي اميز حبي هل هو حب حقيقي ولا لا
بالرغم من انها مشاعر الحب الحقيقيه موجوده

تحياااااااااااااتي

بنت الاكارم

sweetbaby

18/04/2006, 01:38

مابعرف بس بعتقد انو لمن بتكوني بالحب الحقيقي مستحيل مثلا تشعري ببرود تجاه الشخص التاني بس لمن بيكون مانو حب لنقول حب عابر يمكن تشعري انو في كتيراوقات برود او نشافة بتعاملكون سوا وبعتقد هيك الواحد يقدر يميز

أبو الجماجم

18/04/2006, 02:44

جواب لبنت الأكارم الشاعرة المرة و الحبيبة القوية:
يعني الحب بيقتل صاحبو سقليني أنا مجرب و الله أم الجماجم جابتلي أخرتي و إذا عالنسيان اابقدر انساها فهي في كل مكان وحتى لو شربت قارورة وقارورتين عرق أابيمشي الحال ...!!
الحب متل الحوب بياكلو الجاج و بتعرفي شلون بيطلع منو
أولو طيب و أخرو خر*....!!!
هممممممممممم
بس موضوعك حلو ااتزعلي..!!

كريم ايوب

18/04/2006, 02:56

الحب الاول لا يمكن ان يغيب عن ذهن الحبيب حتى لو تزوج واصبح عندو 15ولد

بنت الاكارم

19/04/2006, 10:34

مابعرف شو بدي اقلكم الا اني اشكركم كتييير على تفاعلكم معي بالموضوع والله يحفظكم

وبشكركم كمان على خفة دمكم

وبقولكم انه انا برايي انه
ما الحب الا للحبيب الاول

تحيااااااااااااااااااتي
بنت الاكارم

simo_1881

20/04/2006, 02:30

بنت الأكارم حطيتي أيدك على الوجع مثل مابيقولوا للأسف مالحب الا للحبيب الأول من أكثر من 4 سنوات والموضوع أخد أبعاد كتيرة بحياتي وشاغل كل تفكير مع العلم ان كل واحد منا جرب حب تاني بس هو ماكان حب تاني لأنو لو كان حب تاني بمعنى الكلمة ماضل الحب الأول مسيطر على قلبي طول الوقت المشكلة أنو أحيانا غنية أو كلمة أو ضحكة ممكن تذكرك بالحبيب الأول وترجعي تعيشي المعاناه كانوا تركتي حبيبك من لحظات ويرجع الجرح ينزف ويعكر عليكي وعلى اللي حواليكي ........................... ولوين ممكن يستمر الموضوع ماحدا بيعرف

blue eyes

20/04/2006, 05:55

امرأة من ورق

20/04/2006, 08:28

من تجربتي الشخصية انو الحب الأول بينتسى بسهولة لأنو غالبا (يعني غالبا مو دائما هه) مابيكون حب حقيقي وبيكون مجرد اعجاب وبيكون الواحد لسه مو عرفان شو هوي الحب عن جد ف بيفكر حالو انو وااااااااااااو عايش علاقة حب فظيعة بس بتكون مجرد تجربة وبتنتهي هيك علاقة بسرعة وبتنتسى لما الواحد بيلاقي الحب الحقيقي :sosweet:
يقبشني الحب الحقيقي:sosweet:
مابعرف بس انا هيك صار فيي :oops:

rocky

20/04/2006, 11:25

ما فى الحب الاول والثانى هو الحب مرة واحدة بس الفكرة كلها امتى تلاقية يعنى ممكن تعرف حد وتعتقد انك بتحبة وبعد كدة تنساة وتحب حد تانى بقوة وتعرف ساعتها ان الاول دة ما كان حب:clap: :gem:

بنت الاكارم

20/04/2006, 13:00

صدقوني يا جماعه انها المقوله صحيحه وهي انه ما الحب الا للحبيب الاول

وفي مقوله تانيه بتاكد ها الشي اللي هي

قلبي مثل قبري مابيسكنه الا واحد

صح كلامي

تحيااااااااااااااتي
بنت الاكارم

كريم ايوب

20/04/2006, 13:19

ما الحب ءالا للحبيب الاوالي