تحدثت في الموضوع السابق عن جزيرة فانكوفر و هنا لن اتحدث عن جزيرة اخرى اسمها Hornby Island كثيرا سوى انها حزيرة قريبة من جزيرة فانكوفر و هي صغيرة نسبيا و للوصول اليها بحرا يحتاج المسافر لتغير العبارة مرتين بعد التوقف بجزيرة سابقة و و جزيرة هورنبي تمتاذ بساحل رملي رائع يمتد من سفوح الأشجار الى المحيط و لمعان رمله و نظافته وخلوة من الأحجار و لونه الذهبي روعة لمن يريد الأسترخاء في الشمس او السباحة في المحيط و عند حصول المد تغمر مياه المحيط حوالي واحد كم من هذا الشاطىء الجميل و بعد الجذر ممكن التقاط كميات هائلة من الأصداف و القواقع باشكال غريبة و بقرب الشاطىء عدة اماكن للتخييم و اجار قطعة الأرض ليس كثيرا فهو بحوالي 22 دولار كندي كل ليلة و يجب الحجز مسبقا و ممكن ان يتم الحجز بالأنترنت و اماكن التخييم طبعا ضمن مناطق اقرب ما تكون الى الغابة و الأشجار فيها كثيفة و يوجد مكان لبيع اشياء خفيفة قد يحتاجها من يكون موجدا مثل الثلج و المياه و بعض المعلبات .
انا اعرف اني مقصر قليلا بوضع الصور عند الحديث عن هذه الأماكن و لكن لسبب بسيط لا اضع الصور الا و هو اني اترك مخيلة القارىء تتخيل المشهد من خلال كلماتي و لكن اليوم ساضع لكم لينك ممكن ان تفتحوه بواسطة الميديا بلاير و هو ارسال حي من الجزيرة المذكورة و يقوم العديد من كندا و كافة انحاء العالم بمتابعته الا و هو تصوير حي لزوج صقور كندية ذات الرأس الأبيض تحضن في عشها بيضتين ستفقس قريبا بالنسبة لي يوميا افتح لأطمأن على الصقور خاصة ان موطنها الأصلي هو كندا و اشتهرت باسم الصقر الأميركي و لهذه الصقور منزلة خاصة عند الهنود السكان الأصليين لكندا و اميركا و في حال وجد احدهم صقرا ميتا يجد تسليمه الى الهنود الموجوديم لماذا لا اعرف .
على فكرة الصيف الماضي ذهبت مع اولادي و بعض الأصدقاء الى هذه الجزيرة و امضينا اربعة ايام غاية في الروعة .
اللينك هو .
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// انشالله يشتغل و ما يسود وجهي بعد هالكتابة

Fouad:hart: you

ايه شو هل الموضوع الظريف اللطيف و الله شغلة حلوة الواحد يعرف الحضارات و العادات بدول مختلفة و غريبة يعني الله يوفقك انا سجلت بالمنتدى حتى قلك كلمتين لا تطول علتنا بالقصص الحلوة ناطرين نحنى هل الحكيات الظراف

شكرا :سوريا: سيد فؤاد على الوصف الجميل للجزيرة ;-)
و اطمن اشتغل اللينك:clap: و كتير رائع يسلمو :adal:

:clap: ريمبو ليدي يا مرحبا يا مرحبا اخيرا تحننتي علينا و نورتينا باشتراكك في الأخوية وبطلتي تفوتي تقري و بس انشالله شوف مشاركاتك بكل الأقسام وتعليقاتك الموضوعية على المشاركات ;-) اهلا و سهلا يا احلى ليدي .
:detec: ماري سو شكرا الك و الحمدالله يللي اشتغل اللينك و فرصة سعيدة اني شفت اطلالتك على الموضوع على فكرة هلق وقت فقت طليت على الصقور لقيت الصقر الأب قاعد عالبيضات و الأم عم تطير و ترجع :-)

وانا كمان هلق طليت عليون لما فقت
والله و بعت اللينك لاخواني و رفقاتي لانو كتير حلو و بيستاهل

بس سؤال باي بروفنس بكندا هذه الجزيرة ؟ من الصور كاني شفت BC مكتوب

صح ملاحظتك يا ماري سو هالجزر هنن تابعين الى BC و بعتقد اكتر كمية جزر هي موجودة هون و اكبرهم هي جزيرة فانكوفر يللي انا موجود فيها و سبق و كتبت عنها مقالة صغيرة و فعلا هالمنطقة الجزر فيها بالألاف منها مسكون و منها مافي حدا بس ممكن طبعا الوصول اله و السبب هو كترة الزلازل يللي ضربت المنطقة على مدى سنين طويلة ادى لتفكك قطع من الأرض و انشرت بالمحيط و هالشي ممكن يلاحظة الواحد اذا كان بشي طيار صغيرة و الطقس ظريف ممكن يشوف كيف الجزر متل البزل مفكفكين عن بعضهم على فكرة في كتير جزر صغيرة خاصة يعني في اغنياء من العالم مشتريين جزر و عاملين فيها مزرعة صغيرة و بيت و مرفأصغير و بتلاقيهم عايشين بعيد عن العالم و مبسوطين و عندهم اكتفاء ذاتي تقريبا انا بحكم عملي زرت كتير من هالبشر و فعلا مرتاحين من العجقة و اغلبهم بسن التقاعد او ختيارية متلي ;-)

لا فيك البركة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ايه الله بطعمك شي جزيرة متلون
بس الجنة بلا ناس ما بتنداس ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////و لا شو رايك؟؟؟

هههههههههه ماري سو انا برأيي بالعكس ما رح جيب سيرة الجنة حتى ما يفلت لساني بس كل يللي بيعرفني بيعرف اني بالبلد الموجود فيها ما في ولا بني ادم عربي لا من سورية ولا من غيرها بس انا و اولادي و مبسوطين كتير و مرتاحين و اكيد انتي بتعرفي طريقة الحياة بهالبلاد كيف الواحد حتى لو كان بمدينة كبيرة بيبقى البيت هو ممكلكته الأساسية و بياخود حريته و بيتسلى و بيعمل يللي بده اياه بدون ما حدى يحاسبه او يفكر هاد عيب و هلق بيحكوا علينا و لازم البس و اتهندز و بركي حدا شافني طالع بالشورت و ما بيصير اطلع بالشحاطة فدخيلك قليلي عاد في فرق بين جزيرة ما فيها حدى او بيت بمدينة و مو شايفة حدى ؟؟؟ بيجوز طبعا الشباب و الصبايا بيحبوا العجقة بس فعلا الواحد بس يكبر بيصير يدور على الهدوء و السكينة :? يعني بسبب هالصقرين صرنا برات الموضوع و فتنا بالف قصة تانية .
Fouad:hart: you

معك حق بس يمكن لاني انا لسا جديدة بهل البلد لسا بحن للصرعة و الزحمة بادوب اخدت الجنسية من 2 اسبوع باركلي:clap:

مبروك عليكي الجنسية بتعرفي انه لازم من زمان اخود الجنسية و ما بعتت الأوراق يمكن قلة وقت او تنبلة بس بالنسبة الي مو فارقة جنسية او بلا جنسية لأنه من الأساس ما هي الجنسية الهدف من مجيتي لهون و اجيت منشان ما ارجع حتى ولو زيارة يعني ضربت ايكس على سورية و استقريت و قاعد مرتاح يعني حتى ولو زيارة ما عم فكر روح لا كرها بسورية ولا حبا بكندا بس حبا بمكان يكون بالي مرتاح فيه و عايش بهدوء بكرة مع الأيام بتعرفي شو بقصد بكلامي .
تحياتي لك و للعائلة و اتمنى لكم التوفيق .
Fouad:hart:you

بكرة مع الأيام بتعرفي شو بقصد بكلامي
انشالله :pos: لاني ما بفتكر رح نرجع :cry: :tears:
ميرسي:سوريا: كتير كلك ذوق كتير انبسطت :) اني حكيت معك:smile:
وكل التوفيق الك و للعائلة كمان :D

ماري سو
مرة المخابرات كمشو واحد ارمني و لحشوه بالسجن و طبعا بالقاووش في جواسيس للمحابرات منشان يعرفوا شو بيحكوا المساجين مع بعض و يزحلقوهم بالحكي ........... بس هاد الأرمني طول الوقت قاعد عم يندب و يقول : امان يا ربي امان هوا بينفخ هيك و بابور بيجي هيك : هدول البصاصين يللي جوا يطلعوا يقولوا للمعلم تبعهم : طول الوقت هاد الأرمني بيقول هيك و ما عم نفهم عليه حتى هو و عم ياكول فلقة بيرجع يقول نفس الشي . و بعد شي سنة لقوا عنصر مخابرات ارمني قاموا دحشوه بالقاووش منشان يفهم عليه شو بيقصد بعد ربع ساعة طلع العنصر الأرمني و راح لعند معلمه و قلله يا سيدي فهمت عليه شو قال قلله معلمه شو ؟؟ قللها هاد بيقصدبعبارته : ما كل ما يشتهي المرىء يدركه تجري الرياح بما لا تشتهي السفن
اسف بس وقت شفت توقيعك تذكرت النكتة
Fouad:hart: you

:o :lol: :lol: ضحكتني
بعرفا دايما بقلا لجوزي
بابور بروح هيك هوى بجي هيك:o ونحنا بصير هون

الموقع الرئيسي لمشاهدة الصقور هو التالي ممكن الدخول و البحبشة في اشياء تانية حلوة .
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
Fouad:hart: you

12962
هيصورة الصقور مع بيضاتهم و امرنا لله
Fouad:hart: you

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) بتلعب موسيقى سيد فؤاد:clap: انا بلعب بيانو شوي:pos: عم حاول علم بنتي يمكن بتصير احسن :adal:

:-) ايوه انا بعزف اورغ و غربي فقط بس هالحكي من اكتر من اربعين سنة و بقيت اشتغل بالموسيقى بسورية فترة شي عشر سنوات تقريبا و بعدين تركت و اتجهت لغير شغل بس لهلق عندي اورغات ثلاثة بالبيت و اكورديون و بعزف بس تكون اخلاقي ضيقة و اولادي كلهم بيعزفوا شوي بحاول ساعدهم احيانا و طبعا كمان بعزف بيانو و ابني الكبير لاحق صرعات موسيقى الراب مع رفقاته و عم يغني شوي و البنات الكنديات المهابيل طاير عقلهم فيه و يا دوب يلحق يرد عليهم و الشاطرة يللي بيرد السلام عليها جيل الله وكيلك :evil: :devil:
Fouad:hart: you

والله معك حق بس شكلو ابنك شي شغلة مع هالبنات

من هلق اكلة هم ابني :? لسا مافقس من البيضة و ما بادر عليو كيف بس يكبر الله يعيني لسا هو sk:pos:
بالمدرسة ولسانو يا لطيف (بس انا مبسوطة فيو):clap: الله يخليلي يا:angel:

ايه هم الأولاد بيكبر معهم كل ما كبر الولد بيزيد همه و بنفس الوقت بيكونوا الأهل عم يكبروا و ربنا بيصبرهم على متابعة اولادهم .
انشالله بتشوفي ابنك شب و شيخ شباب كمان :clap:

اللينك رجع اشتغل و سبب الأنقطاع من يومين كان من عاصفة صغيرة وقعت الكمرة
يعني مو معقولين شو صبورين هالصقور على حضن هالبيضات
Fouad:hart: you

لك يا فؤاد الجزيرة شكلها يعني تمام تعا نعمل مشروع هنيك 8)