حاربت طويلاً كي لا أعترف
سخّفت نفسي وتجاهلت مشاعري
خلقت أسماءً جديدة لأني أعرف بأن حبي لك محرّم
ولكني تعبت الآن
أحبك...
كم كنت أجهل هذه الكلمة قبل أن أعرفك
ولكني الآن أدرك أن هناك ما يدعى حبّ
أضحيت أكره نفسي لأنها أحبتك أيها البعيد
أيها الغريب
كيف أتيت ..ولما أتيت
كيف اخترقت قوانيني وحطمت حواجزي
من أوصلك إلى قلبي
كيف أحبك وأنت لست معي
اشتقت لك...
أريدك هنا
أريدك معي
أريدك لي دوماً وأبداً
أنوثتي تمنعني من البوح لك
وما زال عقلي يناضل كي لا يعترف بوجودك في حياتي
بتجوالك في داخلي وملاعبتك أحاسيسي
لا أريد حبك لا أريد أن أفقدك أنت أيضاً
أعترف بنصفٍ من عقلي أني أحبك
هي كلمة أسمعتها لك قبل اليوم وقد اخترعت لها معانٍ أسمى
لكني اليوم لا أريد لها أن تأخذ معانٍ أخرى
أحبك أنت والآن سأغلق الباب ورائي
فأنا أعلم أني لست لك
ولكن كان من الضروري أن أبوح بسري الدفين
وداعاً على أملِ لقاءٍ في حياة أفضل
geeny

حاربت طويلاً كي لا أعترف
سخّفت نفسي وتجاهلت مشاعري
خلقت أسماءً جديدة لأني أعرف بأن حبي لك محرّم
ولكني تعبت
أضحيت أكره نفسي لأنها أحبتك أيها البعيد
أيها الغريب
كيف أتيت ..ولما أتيت
كيف اخترقت قوانيني وحطمت حواجزي
من أوصلك إلى قلبي

حلو و معبر

رائعة يا جيني قللمك رائع بما فيه كلمات احبك وسأغللق الباب ورائي
مشكورة كتير

ميت اهلا وسهلا:سوريا:

حلووووووووووووووووة كتير ورائعة بس دخلك انتي الي كتبتيها ولا ملطوشة؟؟

يعني انا سمعت انو جيني كاتبة خاطرة بس هلأ لحتى صرلي اقراها
بقلك يا جيني لا تغلطي نفس غلطتي وتخبي بقلبك احكي وانتي اكيد رح ترتاحي لو شو ما كانت النتيجة

خاطرة حلوة مشكورة لمشاركتها معنا :سوريا:

بلو ايز انا يلي كاتبتو صدقي وقت انا بلطش دغري بحط انو ملطوش وصرلي زمان ما لطشت ايدي تقلاني :p
وشكرا الك هاني بس هادا الحب هيك كان متل لمحة جنان ليوم وهلا ما بعرف اذا لسه في هي المشاعر او لا
وما لحتى يحكيني الشب لقلوا:lol:
ميرسي لكل يلي قروها

شو هالحلى هاد ..

أنا الحق عليي مقصر عن الدخول لقسم الخواطر و الخربشات .. بس بيضل أحلى قسم برأيي بأخوية .. و فيو كتابات كمان بتجنن ..

جيني .. بالله مانها ملطوشة هالخربوشة :lol: :lol: :lol:


لا عمبمزح .. أنا بعرف كتاباتك .. و كل مرة بنطر تكتبي شي جديد ..


ملاحظة : لا تغلقي الباب ورائك .. هاي الجملة أنا هيك بيكون ردي عليها .. بس على فكرة ما كتير فهمت من أي ناحية انت كاتبتيها .. أو بالأحرى ما فهمت القصد من هالجملة .. (( بس لا تقوليلي المغذى في قلب الشاعر ))

سلامات ...

الله يا جيني من زمان ما عطرتينا بهيك كلمات رائعة :سوريا: :سوريا: :سوريا:

وشكرا الك هاني بس هادا الحب هيك كان متل لمحة جنان ليوم وهلا ما بعرف اذا لسه في هي المشاعر او لا
وما لحتى يحكيني الشب لقلوا:lol:

حاكي انتي مشان ما تضلي هيك محيرة
لانو ما بتعرفي ايمت هوي بيفضى يحاكيكي :سوريا:

ملاحظة : لا تغلقي الباب ورائك .. هاي الجملة أنا هيك بيكون ردي عليها .. بس على فكرة ما كتير فهمت من أي ناحية انت كاتبتيها .. أو بالأحرى ما فهمت القصد من هالجملة .. (( بس لا تقوليلي المغذى في قلب الشاعر ))
ميرسي على ردك عليها
لا رح قلك المغزى انو انا قلتلو بحبك وخلص ما رح اطلب منو اي شي غير اذا هوي بحب يصير شي اكتر من يلي هلا صاير بقا مشان هيك انا قلت يلي بقلبي ورح سكر الباب انو ما بقا نق عرفت لانو من طبعي نق انا:razz:
الله يا جيني من زمان ما عطرتينا بهيك كلمات رائعة
هههههههه بتعرف لانو أوقات بتخلص كلماتي وما بحب كررها بس احساس الحب هادا كان جديد بقا طلع معي شي جديد
حاكي انتي مشان ما تضلي هيك محيرة
لانو ما بتعرفي ايمت هوي بيفضى يحاكيكي
وحتى لو ما فضي انا المهم حسيت احساس حلو تجاهو