كيف الشباب انو اليوم حبيت اطرح موضوع نقاش جديد
كم مرة نحنا وماشيين بالشارع شفنا واحد من بعيد لابس احلى لبس طقم كرافي وماشي وهوي شادد ضهرو لفوق منقول يا لطيف هادا معناتو قديش شخصية وجنتلمان وقديش بدو يكون معبى محلو وبالاخير منتفاجأ انو ما بيعرف يحكي كلمتين على بعضن ومنطلع مغشوشين بالمظهر اللي هوي طالع في وكم مرة كمان شفنا الحالة المعاكسة

طيب هلأ هون بدنا نشوف اراءكن وقديش المظاهر بتأثر على رأيكن بالعالم وقديش بتخليكن تحكمو علين

هاتو لنشوف

zakkartini bmawdou2 tarahou lena oustaz lfrensh.w akid kanet ara2na moukhtalefa.bas fil akher ijtama2na ala joumla wahda innou mou lazem nehtam bimadhar lkhareji lishakhs .bal bijouwwah.bas sho makan benlahez innou nnass lessatoun byihtammou bimadhar shakhs .iza hada labess mnih byi2meloulou alf hssab.bas sho makan lmadhar mabitawwel .akss jawhar shakhs.wbakhtem kalami bijoumla frensh :il faut pas se fier aux apparances
mashkour hanny innak fataht halmawdou2:سوريا:

شكرا هاني عالموضوع ..مرحبا لعودتك لمواضيعك (مواضيع لو ما عليها اسم بنعرف انها لهاني)
في رايي الشخصي ان المظهر جزء من الشخصيه .
يعني لو الشخص مرتب في ملابسو . شخصيتو بتكون مرتبه(الافكار والكلام والتصرفات)
ولو شكلو مبهدل وغير منظم .بتكون شخصيتو غير منظمه
ولكن مع ملاحظه بعض شواذ عالقاعدة.
اما عن تاثير المظهر بشكل كامل على رايي .
فبعتقد انو غير موجود واذا وجد مصادفه فاكيد حيكون تلقائي وغير معبر عن الواقع ..
المهم
ليس معنى ان الشخص انيق في ملابسو وشخصيه انو انسان بتفكيرو وتصرفاتو وثقافتو على نفس مستوى ملابسو ...
والعكس فقد نرى شخص ملابسو عاديه او سيئه ولكن له شخصيه عظيمه ومثقف ولاتمل من الحديث معو .
شكرا هاني واسف عالاطاله او الخروج عن الموضوع

اي نعم انا بالنسبة الي بأثر
يعني مثلا وقت بتلاقي انسان لابس بنطلون موسخ ومجعلك وكنزة مشقوقة وشهر مكنفش وبوط الو سنة منظفو وريحتو طالعة ربك عليم من ايمت مو متحمم
هالشخص هاد رأيي فيه رح يكون سلبي
بس هلق طبعا وقت الواحد بكون مرتب كنظرة اولى للشخص بتفكر فيه على انو شخص مثقف ومرتب
هلق اكيد بعد ما تحكي معهون ممكن تغير رأيك
بس بالبداي رح تكون نظرتي للمرتب ايجابية وللما مرتب سلبية

ليش حاسس إني فهمان هاني غلط :?
الأخوة راحوا باتجاه غير اللي توقعت إنو هاني قاصدو :?

بكل حال ...
أنا كنت مفكر قصد هاني :
إنو لو تعرفت على شخص معين ، و من النظرة الأولى حسيتو أكابر" يعني النظرة الأولى تشمل تيابو وأناقتو و لطافتو وزوقو بالحديث و سعة معرفتو وثقافتو ...."
هل رح يكون الشخص متل الإنطباع الأول؟؟؟
يعني ، بعد كام قعدة وكام حوار وكام نقاش ... ممكن يكون إنطباعك الأولي صحيح ، وممكن يكون غلط .

أنا تعرفت على ناس كتير من اللي بيظهروا نوع من الرقي و بتنبهر فيهن لأول وهلة بس للأسف لما بتناقش موضوع معين معن بتكتشف إنو ورا الشخصية الجذابة إنسان تافه تفكيرو ضيق و محصور بأمور سخيفة وبيفوت بميت حيط لما بتحاول تختبر ثقافتو بالحياة عن طريق أسئلة دقيقة.

أنا بدون كتر حكي بدي احكي قصة صارت معي
مرة كنت ماشي عالروشة وشفت وحدي من أجمل وأرتب ما يكون. يعني تيابها ملفتين للنظر أكتر من وجها.
واذا أنا وعم بتطلع فيها بتفاجأ انها بتقلي الله يخليك صدقة لوجه الله!!!!

وبعتقد الأمثلة كتيرة

انو طبعااا المظهر بيعكس شخصية الانسان
يعني لما الواحد بيكون لابس شي مرتب و نظيف اكيد بيعبر عن حالو بس طبعاا مو ضروري تكون تقيلي و غااالي
و شكراا على الموضوع:سوريا:

اول شي شكرا ابو الهن عالموضوع الحلو ..:سوريا:
وتاني شي انا رايي انو كلو بكمل بعضو ... يعني ما في احلى من انو الانسان يكون مزوق لباسا ولسانا ....
بس عموما انا ما بحكم عالشخص من المظهر ... لانو المعاشرة والمخالطة هيي اللي بتكشف كل شي .... وبعمرو الواحد ما يحكم على شخص تاني من ناحية مظهرو الخارجي .. ولو ما كان حلو .. لانو بجوز يكون جواتو شي احلى وطاغي عالبراني ....
وشكرا مرة تانية ...:سوريا:

طيب انا رح قول شو السبب اللي خلاني نزل هالموضوع
مرة وانا عم احضر على التلفزيون في برنامج بيطلع على قناة ال MBC اسمو شباب على الهوا
بيطلع واحد بيحكي عن المظاهر
بيقول انو هوي لما بيشوف واحد متأنق يعني شغل جلابية وعمامة وقلم بجيبتو (لانو الشب كان خليجي ) بيعرف انو شخصية محترمة
ولما بيشوف واحد لابس شورط وكنزة وتياب رياضة بيعرف انو مو محترم وانو مشرشح

طبعا انا كنت ضد هالحكي تماما لانو مو المظهر الخارجي اللي بيخلينا نحكم على الانسان انو محترم او مشرشح بالعكس لازم نقعد معو نحاكي وبعدين نحكم مو انو بس والله شفنا بالشارع خلص عرفنا شو هوي

شكرا لكل اللي مرقو واسعتو الموضوع مفتوح اذا حدا بيحب يضيف شي :سوريا:

هلا الانطباع الاول عن الشخص هوي اللي بيضل ببالك
فلذلك المظهر بياثر كتير
وبعدين الشخص لمن بيكون مهتم بحالو ومرتب حالو بيكون هوي عرفان حالو رح يقابل غيرو من العالم ورح يحاول يعطي الانطباع الاحلى عن حالو
بعدين انت اول فكرة رح تاخدها هي من منظرو ابل ماتعرفو يعني فورا بتعرف من منظر الشخص مثلا اذا محترم اذا متكبر اذا مشرشح كلو
انا هادا رايي

فهمتو منو شي:?

بيقول انو هوي لما بيشوف واحد متأنق يعني شغل جلابية وعمامة وقلم بجيبتو (لانو الشب كان خليجي ) بيعرف انو شخصية محترمة
ولما بيشوف واحد لابس شورط وكنزة وتياب رياضة بيعرف انو مو محترم وانو مشرشح


يعني المفروض لما امارس الرياضه .
البس شو ؟؟؟؟؟؟؟؟:lol: :lol: :lol: :lol:
لازم شورط :oops: :oops: :oops:
بامانه انا مابعرف العب كرة الابشورط والله صدق هالحكي
لما بلبس بنطلون بحس اني معاق ومو قادر اجري بحريه :o :o :o

عالعموم انا من سنه بطلت قله الادب والشرشحه (تركت الكورة):cry: :cry: :cry: :cry:
ووزني زاد 15 كيلو :cry: :cry: :cry: :cry:
بعتقد ان قله الادب احسن:clap: :clap: :clap: :clap:

المشكلة انو الحكي شي و الواقع شي تاني يعني................

متل ما صار مع اخي عباس يمكن يصير مع اي واحد فينا;-)

و دايما نحنا منحكي انو لا تهتم بالمظهر الخارجي و ها الحكي هاد.......... بس الانسان بطبيعتو

بينجذب للشغلات يلي هو بيحبها ......... اذا كنت مرتب و لابس مثلا طقم بتهتم و بتشقرق

بالشخص يلي بيتلاقيه لابس متل حكايتك و العكس صحيح ............ بتاخد فكرة غلط عن الشخص

يلي معاكسك.

ملاحظة: لا تنسوا انو كل مكان او مناسبة الو اللباس الخاص فيه.....:سوريا:

شكراً هاني

انا عندما ارى احد لاول مرة احكم عليه من مظهره ولما اتعرف عليه احكم عليه بتصرفاته معي ومع الاخرين وبعد ان اعتاد عليه احكم عليه بحسب افكاره