-
دخول

عرض كامل الموضوع : ((لقــــاء المغتـــربيـــن))

ابن سورياااا
29/03/2006, 00:01
اول شى مسا ء الخيـــــــــــــــــــر للجميع
حبيت احط موضوع للمغتربين المشتاقين لسوريا يحكوا فيه عن اشتياقهم للوطن الغالى
يحكوا فيه عن كل شى بحسوا فيه وهنى بعااااد عن ارض سوريا الحبيبه
وبنفس الوقت كمان ينزلوا صور عن سوريا الحبيبه وشعر وكل شى لسوريا
وكبدايه انا ما عندي الا بيت شعر اكتبه لشاعر بلدى ابو العلاء المعري ..
فيا برق ليس الكرخ داري
وانما رمانى الدهر عنها منذ ليال
فهل فيكى من ماء المعرة قطرة
تغيث بها ظمأن ليس بسالي

تحياااااتى
بتمنا من الاخوة المغتربين المشاركه
وارجوا التثبيت
Kakabouda
29/03/2006, 00:16
لفتة حلوة بس يا ترا ليش المتغربين لهلأ ما تفاعلوا بالموضوع :shock:
sweetbaby
29/03/2006, 06:53
انا هلا شفت الموضوع
وانا اول وحدة رح شارك بما اني مغتربة:cry::cry::cry:


مابعرف شو بدي اكتب
بس يمكن سوريا شي مابقدر عبر شو هوي
سوريا بالنسبة الي متل شي سحر عم بيضل شاددني
مابعرف شو هوي
بس سوريا هي النفس اللي عم اتنفسو
وهي الامل اللي عايشة عليه
مشتاقة لسوريا كتير
whiterose
29/03/2006, 07:17
سمحولي كون متطفلة شوي و أكتب شعوري
أنا ماني مغتربة بس يمكن أضرب من المغتربين
أنا من محافظة اللاذقية بس عايشة بوسط العاصمة دمشق
بحب الشام كتير ولدت فيها وعشت فيها
بس اللاذقية كان لهواها تأثير علي أكبر يمكن السبب البحر
ويمكن السبب أنو الأيام اللي كنت قضيهون فيها ما بينتسو
وأهم من هاد كلو طفولتي يلي لسه بشم ريحتها بغابات فرلق
وبرمل البحر لما بشوف قصري اللي بنتوا بالرمل من 15 سنة ويمكن أكتر راااااااااح مو بس قصري يلي رااح والشي يلي كنت مخبايتو جوات القصر راح!!
مو الغربة البعد عن الوطن
الغربة الكبيرة أنك تكون بالوطن وتحس بالغربة

يمكن لأنو كل الحواليي عايشين بغربتي

بتمنى حدا يفهم علي
بس منيح يلي ماحدا بيفهم....
توت توت توت
29/03/2006, 07:18
واللي مو حاسس بشي شو يكتب ؟ :o
sweetbaby
29/03/2006, 07:21
واللي مو حاسس بشي شو يكتب ؟ :o
يخليه اعد وساكت احسن:jakoush::jakoush:
hanny dagher
29/03/2006, 11:06
واللي مو حاسس بشي شو يكتب ؟ :o

يعني فعلا سؤال يطرح نفسو بقوة وانا بتفق معك على طرحو ;-)
تحياتي ابو السوم :سوريا:
المستحيل
29/03/2006, 18:03
شو بدو الواحد يحكي يضل ساكت وحاطط هل الهموم بقلبو احسنة شي
شو بدو يحكي ليحكي الله كاتب عليه الغربة شو بساوي
مشكور على الموضوع
toocoolfriend
29/03/2006, 21:10
آه يا سوريا الحبيبة شو مشتقلك
صرلي أكتر من سنة مش شامم ريحة سوريا.
آه شو عم بتعذب بحبك يا سوريا. بحبك بحبك بحبك
































ييييي صحيح أنا مش سوري. شو جابني لهون. بس يلا مش معقول ما حط تعليق بالموضوع.
عفكرة يمكن أنا زاير سوريا أكتر من بعض الأخوان المغتربين
ابن سورياااا
29/03/2006, 23:25
اليوم انا اتذكرت سوريا كتير وقت الكسوف لعدة اسباب
اولااا لانه انا قاعد بمنطقه شهدت كسوف كامل
ثانيا لانى شفت زوار سوريين كتير جايين على الكسوف ومن بينهم ايمن زيدان
ثالثا لانه كنت عبطلع بالشمس وعبقول لنفسى اه لو انى عبشوفك من قلب سوريا وما بدى كسوف كلى حتى ما بدى هالكسوف كله بيكفينى اشوف شى من سوريااا احسن من الكسوف
whiterose
30/03/2006, 02:58
اليوم انا اتذكرت سوريا كتير وقت الكسوف لعدة اسباب
اولااا لانه انا قاعد بمنطقه شهدت كسوف كامل
ثانيا لانى شفت زوار سوريين كتير جايين على الكسوف ومن بينهم ايمن زيدان
ثالثا لانه كنت عبطلع بالشمس وعبقول لنفسى اه لو انى عبشوفك من قلب سوريا وما بدى كسوف كلى حتى ما بدى هالكسوف كله بيكفينى اشوف شى من سوريااا احسن من الكسوف
ولله شفت ايمن زيدان:sosweet:

وين ؟؟
blue eyes
30/03/2006, 04:09
الله يلعن الغربة وابو الغربة وهديك الساعة النحس الي اجيت فيها لاميركا وتركت سوريا وحبايبي الي بسوريا..سوريا هي الحياة هي النبض الي بينبض بقلبي هي الهوا الي عم اتنفسو بهل الغربة المرة سوريا اكبر من اي كلمة فيو اي شخص مغترب يعبر عنها.الله يطعمني وارجعلك يا سوريا يا حبيبتي انتي يلي فيكي كل حبايبي.
rocky
30/03/2006, 12:36
i leaft everything in syria exept my body:(
ابن سورياااا
30/03/2006, 15:16
ولله شفت ايمن زيدان:sosweet:

وين ؟؟

بجالوا المنطقه الى صار فيها الكسوف الكامل
انا اصلااا ساكن فيها بهالصحرااا :(
الاتحاد الحلبي
30/03/2006, 22:05
بصراحة
انا مووووووووو مصدق ايمتا يجي الشهر الخامس حتى اجي على سورياااااااا لانووووو واحد مافي احلي من بلدوووووو حتى لو راح على احلى بلاد العالم

I love syria