مرحبا

هالموضوع رح يضم اجمل اشعار الشاعر الكبير يللي تقريبا كلنا منردد كلماتو و ما حدا بيعرف انها الو

الشاعر و المطرب جوزيف حرب

لما ع الباب


لما عالباب يا حبيبي منتودع
بيكون الضو بعدو شي عم يطلع
بوقف طلع فيك و ما بقدر أحكيك
وبخاف تودعني و تفل و ما ترجع
بسكر بابي شوفك ماشي عالطريق
فكر أنزل أركض خلفك عالطريق
و تشتي عليي ما تشوفك عينيي
و أنا أركض وراك أمدلك أيديي
و أندهلك أنطرني حبيبي و ما تسمع
ما رح ترجع بعرف أنن غيروك
يا حبيبي و عذبوني و عذبوك
سهروا عينينا و فرقوا أيدينا
و صرنا كتير نخاف اذا نحنا تلاقينا
ما بنتلاقى الا وقت اللي منتودع

حبيتك تا نسيت النوم


حبيتك تنسيت النوم يا خوفي تنساني
حابسني براة النوم و تاركني سهراني
أنا حبيتك حبيتك أنا حبيتك حبيتك
بشتاقلك لا بقدر شوفك و لا بقدر احكيك
بندهلك خلف الطرقات و خلف الشبابيك
بجرب إني إنسى بتسرق النسيان
و بفتكر لاقيتك رجعلي اللي كان
و تضيع مني كل ما لاقيتك
حبيتك حبيتك أنا حبيتك حبيتك
يا خوفي إبقى حبك بالإيام اللي جايي
و اتهرب من نسيانك ما اتطلع بمرايي
حبسي أنت أنت حبسي و حريتي أنت
و أنتا اللي بكرهو و اللي بحبو أنت
يا ريت ما سهرت و خفيتك
حبيتك حبيتك أنا حبيتك حبيتك

البواب

على باب منوقف تنودع الأحباب نغمرهن و تولع ايدينا بالعذاب
و بواب بواب شي غرب شي صحاب شي مسكر وناطر تيرجعوا الغياب
أه البواب
وقت اللي بلوحلك و بسكر الباب بياخدني الحنين
بفكر رح اشتقلك بفكر عا هالباب رح انطر سنين
أه يا باب المحفور عمري فيك رح انطر و سميك باب العذاب
في باب غرقان بريحة الياسمين في باب مشتاق في باب حزين في باب مهجور أهلو منسيين
هالأرض كلا بيوت يا رب خليها مزيني ببواب و لا يحزن و لا بيت و لا يتسكر باب

ورقو الأصفر


ورقو الأصفر شهر أيلول تحت الشبابيك
ذكرني و ورقو دهب مشغول ذكرني فيك
رجع أيلول و أنت بعيد بغيمي حزيني قمرها وحيد
بيصير يبكيني شتي أيلول و يفيقني عليك يا حبيبي
ليالي شتي أيلول بتشبه عينيك
يا ريت الريح إذا أنتا نسيت حبيبي أول الخريف و ما جيت
ينساها الحور و قمرها يغيب و ليلا يطول
و نبقى حبيبي غريبي و غريب أنا و أيلول

فيكن تنسو


فيكن تنسو صور حبايبكو
فيكن تنسو لون الورد و ورق رسايلكو
فيكن تنسو الخبز الكلام أسامي الأيام و المجد اللي الكن
لكن شو ما صار ما تنسو وطنكن
أنا البيسموني الملكة بالغار متوج زمني
و مملكتي ما فيها بكي و جبيني و لا مرة حني ما حني
شعبي دهبي فرحي و غضبي
بترك صوتي و ما بترك وطني

خليك بالبيت


خليك بالبيت هلق حبيت
رح كون وحيدي وحدي فليت
الله يخليك خليك بالبيت خليك
خليك بالبيت هلق حبيت
رح كون حبيبي وحدي فليت
الله يخليك خليك بالبيت خليك
خليك لا تروح مشتاقة ليك
خليك كتير حبيت عينيك
و ما بعرف ليش و بغار عليك
الله يخليك خليك بالبيت خليك
ما تضل عالباب كرمالي فوت
ما خلى الليل طرقات و بيوت
ضجراني و شوب و كتير سكوت
الله يخليك خليك بالبيت خليك

نبقى سوى


من يوم التكون يا وطني الموج كنا سوى
ليوم البيعتق يا وطني الغيم رح نبقى سوى
تاجك من القمح تمنيتلك السلام
و شعبك بيحبك لتبرد الشمس و توقف الإيام
عا رماد اللي راحوا عا خاتم الزمان
على حجار السود اللي بقيو من الحيطان
عا منديلك إمي عا بواب البيوت
عم بكتب يا وطني الوطن ما بيموت
و أنت أنت من يوم اللي كنت أنت
رسمتك سنابل شهدا و حمام
رسمتك يا وطني وطن السلام
من إيدين الفقرا و شباك الصيادين جايي الحريي
و من الشمس المحفورة بعيون المظلومين جايي الحريي
و من الحق الضايع إلا من الشوارع
من شهدا الأرض الماتوا للأرض وجوهن منسيي
جايي النصر و جايي الحريي

ما قدرت نسيت


زعلي طول أنا وياك و سنين بقيت
جرب فيهن أنا إنساك ما قدرت نسيت
لو جيت نهار عابيتي لقيت إنك حبيبي بغيابي جيت
بتشوف إن ما مرقوا إلا إيديك على هالبيت
كإنك حبيبي و أنت عينيك هلق فليت
يا ريتك هون حبيبي و ليل
و يكون نبيد و شمع الليل
و أكتبلك عا ورقة حتى ما قول ما بقدر قول
يا ريتك مش رايح يا ريت بتبقى عطول

اسوارة العروس

اسوارة العروس مشغولي بالدهب
و انت مشغول بقلوب يا تراب الجنوب
رسايل الغياب مكتوبه بالسهر
و انت بالعز مكتوب يا تراب الجنوب
و بتولع حروب و بتنطفي حروب
و بتضلك حبيبي يا تراب الجنوب
اللي حامل عكتافو زيتون و سنابل
قلعة بحر صور صخرة جبل عامل
اللي حامل وراق شعرا و عشاق
القمر مخبيلن لعراسن خواتم ما بيقدر يحمل ظالم
و شو ما اجا شعوب و شو ما راح شعوب
كلن راح بيفلو و بيبقى الجنوب
لما بغني اسمك بشوف صوتي غلي
ايدي صارت غيمي و جبيني علي ... يا جنوب
الشمس بتطلع سودا و بيبس الموج
اذا بفكر انو ترابك مش الي
و يا شعب الشعوب الأقوى من الحروب
بتبقى اذا بيبقى يا شعب الجنوب

بليل وشتي


بليل و شتي صوتو مسموع يا هوي اغمريني يا هوي دموع
تنين عاشقين قاعدين دايبين عميحكو سوا على ضو شموع
عينيهن ببعضن إيديهن بردانين و شفافن عشاق مع بعض سهرانين
و مرقي يا سنين و تلجي يا سنين
خلي بواب الليل علينا مسكرين أه ولا يعطش حدا منا و لا يجوع
بلون الفراق ال بآخر قصتن ع خيوط الشتي مكتوبي سهرتن
و ما بين بوستن ع الشمع و آهتن
كل ما تذكرو هالباب بتنزل دمعتن أه اللي من جمرتا قلبن موجوع

اسامينا


اسامينا شو تعبو أهالينا تلاقوها و شو افتكرو فينا
الأسامي كلام .. شو خص الكلام .. عينينا هني أسامينا
لا خضر الأسامي و لا لوزيات
لا كحلي بحري و لا شتويات
و لا لونن أزرق قديم ما بيعتق
و لا سود وساع و لا عسليات
و لا فيهن دار دار الخمار
علينا و بلش يسقينا
تلج و ورق طاير و المسا حزين
و ضباب و قناطر نحنا بردانين
لملمنا أسامي اسمي عشاق
من كتب منسيي و قصايد عتاق
و صرنا نجمع اسامي و نولع
تصارو رماد و ما دفينا

لبيروت


لبيروت من قلبي سلامٌ لبيروت و قُبلٌ للبحر و البيوت لصخرةٍ كأنها وجه بحارٍ قديمِ
هي من روحِ الشعب خمرٌ هي من عرقِهِ خبزٌ و ياسمين فكيف صار طعمها طعم نارٍ و دخانِ
لبيروت مجدٌ من رمادٍ لبيروت من دمٍ لولدٍ حُملَ فوق يدها أطفأت مدينتي قنديلها
أغلقت بابها أصبحت في السماء وحدها ... وحدها و ليلُ
أنتِ لي أنتِ لي أه عانقيني أنتِ لي رايتي و حجرُ الغدِ و موج سفرٍ
أزهرت جراح شعبي أزهرت .. دمعة الأمهات .. أنتِ بيروت لي أنتِ لي أه عانقيني

شكرا كتير كتيروفي شغلة ما بعرف اذا كنت بتعرفا
وهي اغنية زعلي طول/ جوزيف حرب كتب كلمات الغنية بعد ما سمع الموسيقا يلي عملا زياد لاغنية انا عندي حنين وفيلمون عمل لحن انا عندي حنين فشاف زياد والسيدة ام زياد انو لحن فيلمون مناسب اكثر لاغنية انا عندي حنين/بعدين سمع جوزيف اللحن يلي كان عاملو زياد وكتب الكلمات على اللحن:سوريا: هاد المعلومة من لقاء خليك بالبيت مع الشاعر الكبير جوزيف حرب

شكرا كتير كتيروفي شغلة ما بعرف اذا كنت بتعرفا
وهي اغنية زعلي طول/ جوزيف حرب كتب كلمات الغنية بعد ما سمع الموسيقا يلي عملا زياد لاغنية انا عندي حنين وفيلمون عمل لحن انا عندي حنين فشاف زياد والسيدة ام زياد انو لحن فيلمون مناسب اكثر لاغنية انا عندي حنين/بعدين سمع جوزيف اللحن يلي كان عاملو زياد وكتب الكلمات على اللحن:سوريا: هاد المعلومة من لقاء خليك بالبيت مع الشاعر الكبير جوزيف حرب

لا والله ما كنت بعرفا

شكرا ع المعلومة الرائعة

يا زلمة هي الغنية بالزات (زعلي طول) بتحطني ع غيوم الجنة بس اسمعها، كلمات و لا اروع و لحن و لا اجمل

يا ريت اذا عندك كتب لجوزف تنزلهن هون... أو أشعار الو غير اللي غنتها فيروز

لما بطلّع بالشجر..

بعرف من التلويح..

قدّيش هالساعة..

بإيد الريح

.






من ديوان (طالع ع بالي فل)

بيوت

لا بتعرف مفاتيحهن بابي..

ولا بتعرف بوابن مفاتيحي..

بيوتن حجر..

وبيتي أنا روحي..

بحضّر سهر للحزن..

كل الليل..

وبالنهار..

برتّب جروحي

.

شكرا كتير كتيروفي شغلة ما بعرف اذا كنت بتعرفا
وهي اغنية زعلي طول/ جوزيف حرب كتب كلمات الغنية بعد ما سمع الموسيقا يلي عملا زياد لاغنية انا عندي حنين وفيلمون عمل لحن انا عندي حنين فشاف زياد والسيدة ام زياد انو لحن فيلمون مناسب اكثر لاغنية انا عندي حنين/بعدين سمع جوزيف اللحن يلي كان عاملو زياد وكتب الكلمات على اللحن:سوريا: هاد المعلومة من لقاء خليك بالبيت مع الشاعر الكبير جوزيف حرب
هلأ هالحادثة فيها شيء من الصحة .. بس مو هيك تماماً

يللي صار أنو السيدة فيروز أخدت كلمات ورقو الأصفر شهر أيلول من جوزيف حرب .. و قدمتو لفيلمون و لزياد
لحنوها التنين ... و شافت فيروز أنو لحن فيلمون أنسب
و قال جوزيف وقتا بالحرف .. أنو اللحن يللي قدمو زياد كان أكبر من الكلام

رجع بعدين الفلو كلمات ...... و طلعت الاغنية الرائعة ( ما قدرت نسيت )

حتى إذا بتقارنو بين النصين بتشوفوا أنو هني على نفس الوزن




و تحية لكريم

هلأ هالحادثة فيها شيء من الصحة .. بس مو هيك تماماً

يللي صار أنو السيدة فيروز أخدت كلمات ورقو الأصفر شهر أيلول من جوزيف حرب .. و قدمتو لفيلمون و لزياد
لحنوها التنين ... و شافت فيروز أنو لحن فيلمون أنسب
و قال جوزيف وقتا بالحرف .. أنو اللحن يللي قدمو زياد كان أكبر من الكلام

رجع بعدين الفلو كلمات ...... و طلعت الاغنية الرائعة ( ما قدرت نسيت )

حتى إذا بتقارنو بين النصين بتشوفوا أنو هني على نفس الوزن




و تحية لكريم

مممممممم.. في شي ما يقال عندي يا ماد :)

القصة بيرويها زياد ع الشكل التالي: (حسبما بذكر.. بمقابلة معو بجريدة النهار سنة 2000):

((بيوم من الايام، كان بدّي إشتري سيارة كحلية مستعملة، حقها 8 آلاف ليرة.
كنت مفلّس!! وبالصدفة كان في مسلسل تلفزيوني قيد الإنتاج للأردن، اسم المسلسل (ساعة وغنية).
بيقولوا إنو عجايب الدنية سبعة، بتقدر تقول إنو هالمسلسل كان عجايب الدنية التسعة!!
كان المسلسل بيحتاج لـ 130 غنية، واندفع مبلغ ألف ليرة عن اللحن الواحد.
سألني عمي منصور: (كم غنية بتقدر لحّن)؟
ولما جاوبتو: (بدّي لحّن ثمانة)
سألني: (ليش تمان ألحان ومو عشرة؟)
قلتلو: (لإنو بدي إشتريها)
فسألني مستغرب: (شو بدك تشتري؟)
جاوبتو واعترفتلو: (السيارة!)

المهم، ساويت الألحان واشتريت السيارة ، بس ما كنت رضيان عن العمل، حتى إني طلبت منهن، قبل عرض المسلسل، إنهن يحذفوا اسمي من عناوين المسلسل.
وافقوا، لكن عند عرض المسلسل حطوا اسمي بقائمة المشاركين بدون ذكر الأغاني اللي لحنتها.

بعدين رجعت تسمّعت ع الأغاني واكتشفت إنو في بيناتها غنية وحدة لقيت لحنها مقبول.. كان اسم هالغنية (ورقو الأصفر شهر أيلول). واللي صار إنو فيروز كمان أبدت إعجابها بهالغنية.
فيروز حبّت اللحن كتير بس تحفّظت ع الكلمات..
اقترحت أنا إنو ندوّر ع كلمات تانية، وبالفعل عرضت اللحن ع الشاعر جوزيف حرب وطلبت منو كتابة كلمات ملايمة للحن. وهيك كانت الكلمات الجديدة هي: (زعلي طوّل أنا ويّاك).

الطريف بهالحادثة إنو كلمات (ورقو الاصفر) انتقلت بعدين لـ فيلمون وهبي، واللي ألفلها لحن جديد..
يعني إنو نفس الكلمات يمكن إنو تنعزف بأكتر من لحن.. فظيع.))